الرضاعة الطبيعية .... جد واجتهاد

[opera]

صباح الخير يا بنات اللي توكم والدين ومحتارين بالرضاعه :68_asmilies-com:


اول شي صبرو وتحملو ترا بعد الاربعين يتغير الياهل ويصير ينام اكثر ويشرب احسن


انا مره كنت قاريه شي عن حليب الام .ز مادري هني ولا بموضوع ثاني .. :gr4uu:

المهم

حليب الام متكون من 3 مكونات

اول شي الماي: هذا يطلع اول مايمص الياهل واللي تشفط راح تلاحظ هالشي انه وال شفطات تكون شفافه تقريبا

ثاني شي : الماده المغذيه واللي تمد الياهل بالمكونات الاساسيه لباء جسمه

ثالث شي : اهي الماده الدسمه اللي تشبع الياهل



الحين اذا الياهل شرب وماوصل لي المكون الثالث .. ماراح يشبع !! عرفتو
:ggdw: :ggdw:


نصيحه : بالرضعه الوحده عطيه من صدر واحد بس لمده ماتقل عن 20 دقيقه .. ممكن تطول لي ساعه اذا ياهل بالاربعين .. ولمن ينام ويقوم عطيه من الصدر الثاني ...

يعني لا تعطينه من الاثنين بالرضعه الوحده لانه ممكن مايوصل لي الماده المشبعه.


:tek:




وترا كل ما كبر الياهل قل ماقلت ساعات الرضاعه


انا اذكر بالاربعين تطول معاي الرضاعه ساعه كامله .. الحين بعد 11 شهر صارت تاخذ اقل من ربع ساعه

 

[أم حيدر]

لوكريسيا // عسى الله يشافيج انتي ووليدج من كل شر يارب ، وحرصي انج تغسلين حلمتج قبل وبعد كل رضعه عشان تحدين من وجود الفطريات ولج الأجر انشالله.
وبالنسبة حق الويتابكس ، ببوقه من عيالي لان داااايما اوكلهم ياه ، دلتني عليه دكتورتنا اللي بالمنتدى رشا الصيفي الله يدلها ويدلج على الخير انشالله.
وبسألج عن شاي الحلبة اللي قلتي عنه - انتي جربتيه ؟ مايسوي ريحه بالجسم.؟

 

[أم حيدر]

داده دودي
حياج الله حبيبتي - ومابي منج الا دعوة بظهر الغيب

 

[أم حيدر]

مريم // حبيبتي الالم اللي تحسين فيه هذا طبيعي لانج توج والده والحليب مادة جديدة على جسمج فالجسم يبي وقت عشان يتأقلم- شوي شوي راح يخف هالالم والله حاسه فيج وادري تحسين صدرج بينفجر من الالم ، مايريحج الا رضاعة البيبي حطي على صدرج كثر ما تقدرين ، بس بكل مرة بترضعينه باصابعج دلكي الهالة اللي حوالين الحلمة وحاولي شوي تعصرين الحليب، لان في معلومة مهمة ، اذا كان الصدر يابس البيبي ما يقدر يلقم الحلمة يعني ما يقدر يرضع لان الهالة تكون مشدودة حيل ، فلازم تلينينها.

 

[أم حيدر]

ليمار الكويت / رجعي حق ص27 واقري ردي على بنك // انا لما احس الحليب خف اتبع خطة التكثيف مالتي

وردة النرجس // هلا حبوبة اذا بنتج مو من نوع الحنانة نصيحه ماله داعي المصاصة ومع الوقت اهي بتتأقلم مع وقت رضاعتها فما راح تقعد تمصمص، انا عيالي الاثنين كنت اعطيهم مصاصة بس حزة النوم ، ابنوته هالمرة رفضت تاخذها ما تبيها قلت احسن تحملتها فترة والحين مرتاحه.
عشان تنظفين حلج البيبي - اما تييبين فوطة نظيفه تبللينها بماي مغلي مبرد وتتلفينها على صبعج السبابة وتدخلينها بحلج الياهل وتمسحين خدوده ولسانه، لو في شغلة شفتها بس ما شريتها من بيجون تلاقينها بالجمعيات و سنتر بوينت حق تنظيف حلج الياهل بنفس تكنيك الفوطة اللي علمتج عليها.

 

[أم حيدر]

بنوكة // صلي على محمد وآل محمد ، انتي توج والدة وكمية الحليب ما تكون وايد في البداية تتدرج بالزيادة كل ما البيبي كبر.. حاليا بعدي عن الشفاط تماما وخلي البيبي على صدرج كثر ما تقدرين صدقييييييييييييييني الحيني تتعبين وقريب بترتاحين انشالله، نفس الياهل عالصدر يخلي الحليب يدر ، واوصيج بالسواائلللللللللل ثم السوائل - تشريبة الدجاج عجيبة -بدون اختراعات دجاجة عالنار في دجاج صغار 800 غرام وقطي وياها طماطة وبصلة وبطاطتين بهارات دجاج وشوية كركم وشوية شعرية وخليها تطبخ روحها لحد ما تستوي واكليها وشربي مايها - مفيدة صحية ماتمتن وتدر الحليب.
عسى ربي يزيد رزقة بيبيج ويدر حليبج يا رب.

 

[أم حيدر]

بالنسبة لاخباري -- بتولي ميننة الخدامة بالبيت لما اكون بالدوام ترفضضضضض الممية تنام يوعانة وقلبي يعورني ياربي توها عمرها 3 شهور والحل ، وحساني التسنين ذاابحه اروحله فدوة ، وحيدر الزعيم لووووووووول
فوضت امري الى الله ان الله بصير بالعباد
فوضت امري الى الله ان الله بصير بالعباد
فوضت امري الى الله ان الله بصير بالعباد

 

[opera]

ام حيدر شلونج


ماجربتي تغيرين الحلمه مالت المميه ؟

يمكن مو يايزتلها ؟

 

[الشيخه فطامي]

بنات شكثر نخلي الياهل يتريع يتشدأ يعني

انا احطه بس اتعب او ما يتريع شسوي

 

[opera]

الشيخه مو شرط يتريع اذا شارب من صدرج

انا كنت جذي احط واطق اطق .. وما يسوي شي :\ بعدين قالولي كسرتي ظهر الياهل مو شرط اذا قاعد يرضع طبيعي


بس اذا صناعي مايطول بسرعه يتريع ويمكن يرجع بعد

 

[الشيخه فطامي]

شكرا او برا

بالمستشفى كنت احس بعوار برحمي قالتلي اذا رديتي البيت راح تحسين بمغص بس ما حسيت لما ارضع
بعد عندي سؤال مابي اعود ولدي على الشيل او على المص شلم\ون اعرف انه بس قام يمص
او شلون ما عوده على الشيل ؟

 

[opera]

لا تشيلينه الا وقت الرضاع والتبديل باجي الوقت خليه بسريره مو بسريرج ..

بس انا اشوف ياهل بهالعمر العنونو مايتعود .. شوفي الكبار اللي بوسنه وسنتين وكله شايلينهم هذول اللي يتعودون عالشيل

بس البيبي محتاج احد يضمه ويشيله على صدره ..


انا الحين ولدي عمره سنه ما اشيله وايد .. وحتى خدامتي لمن يبجي تبي تشيله ماخليها اقولها خليه عالارض لا يتعلم

حتى بالبيت لمن بروح من غرفه لي غرفه يبي يلحقني يبجي وراي .ز ما اشيله اخليه بالدراي يلحقني او يحبي وراي


بالسياره معودته يقعد عالكرسي .. ما احطه بحضني الا اذا سياره ثانيه مافيها كرسي

اي مكان بروح عنده عربانته ما اشيله ولا احطه بحضني


بس وقت النوم احطه بحضني واعطيه حنان الام

 

[الشيخه فطامي]

اها او انا اقول ما بي اعوده من الحين <<<< مستعيله على عمرها

انزين شلون عل المص اذا بعرف اهو قام يشرب ولا بس يمص يتلهى يعني شلون اميز الثنتين؟

 

[mariam_q8]

اي انا بعد اشلون لي رضعته اعرف اذا يمص ولا يشرب حليب اخاف بس جذي يمص وبس ويمكن ما يطلع شي

 

[opera]

لا تحتاتون اكيد يطلع شي دام الياهل قاعد يمص


حتى لو بتتاكيدن انتي ضغطي بتشوفين يطلع

بس شلون تعرفين اذا شبعان وبس جذي يمص هذي يبيلها اصحاب الخبره

 

[mariam_q8]

انا الحمدلله الحين كل ساعه احاول اشربه عشان صدري لا يتبس لكن كل ساعه يتبس حييل و يذبحنييي

بنات اذا تيبس يعني فيه حليب ولا بس جذي لازم ارضع وبس؟

 

[opera]

اذا صار يابس يعني مترووووس حليب

 

[mariam_q8]

اوبرا: مشكوره و انشالله يخف العوار بصدري بعطيه من صدري دايماا

 

[الشيخه فطامي]

مريم انا احاتي الطلعه والهياته مابي اعطيه كلا من صدري شسوي اذا بطلع لوووووووووووووول

 

[opera]

عادي الشيخه انا كنت اطلع بس ما اطول اكثر من ساعتين برا

وفي بنات يقولون بالمجمعات بمذركير في غرف رضاعه .. بس انا ماجربتهم