الرضاعة الطبيعية .... جد واجتهاد

[أم حيدر]

صبحكم الله بالخير - تبون خطة سحرية 80% ينام بعدها الياهل

شوفوا انا شسوي : قبل موعد النوم حول الساعه 11 او 11:30 ادش الحمام ابدلها ملابسها والحفاظة عشان تنام مرتاحه .

اطفي ليت غرفة النوم واشب ليت خفيف وانسدح معاها على السرير الاعبها شوية بعدين ارضعها بوضعية السدحه شوي شوي تخدر لحد ما تغفى اخليها تغط بنومتها عدل بو 10 دقايق واشيلها وانا اسمي بالرحمن واصلي عالنبي اللهم صلي على محمد وآل محمد واحطها بسريرها واهزهزه عالخفيف واقرا قرآن وانفخ عليها ، لما تغط بنومتها عدل اطفي الليت وخل اضحكم واحط ايدي على قلبي واقول الحين تبجي وااااااااااا اواااااااااا بس اشوى ساعات تصيب وصاعت تخيب وأغفى وانا خايفة انها تقعد لووووووووووووووول.

بس تصدقون سبحان الله الام شلون نومت الام خفيفة بس البيبي يقول (أ) تلاقين الام تفز بسرعه لو اهي بحلاة نومها.

 

[أم حيدر]

بنات انا ولدي البجر عقدته بسالفة تبديل الحفاظة كنت توني ام يديدة وجربت فيه كل شي لوووووووووووووووووول

نصيحه اذا البيبي غاط بنومته حتى لو ان حفاظته من الليل ، لاتحاولين تفززينه وتبدليله الحفاظة اهو اذا مضايقته بيفز بروحه ، الا اذا عزكم الله كان مسوي العوده هذا شي ثاني بس اذا شميتوه لووووول وبس في بول تكرمون خلوه نايم حرام لا تقعدونه.

بس ها انا آخر حفاظة ابدلها قبل النوم احط حق البيبي وايد سودو كريم عشان اذا طولت الحفاظة ما يتحسس.

 

[ام الداده]

هلااااا اوبرا


صباح الخير


لا طارت النومه

بروح اخلص شغلي جدولي مزدحم

احس وراي هم

كله كوم ومشوار البنك كوم

قطيت بطاقتي بالزباله وانتوا بكرامه وانا مادري كانت بالجيس

ههههههههههههههههههههه

هههههههههههههههههههههه


يابنات دارلينغ يسرب؟

او بنتي صغيرونه وكبير عليها

احول للبامبرز؟؟ شرايكم

 

[opera]

ام حيدر انا اذا بنوم بدور جذي اول شي العب معاه و اهو بروحه يتعب ويقط نفسه على صدري يعني رضعيني بنام

عاد ارضعه وانا قاعده .. ماعرف وانا منسدحه ماضبطت معاي هالحركه بعدين احطه بفراشه .. والباب مفتوح عشان ايله نور من الممر لانه مسكره ليتات غرفته ... ومايميده ساعه ويرد يقوم لانه وايد يتقلب بنومته فيقوم يوقف بالسرير يبجي وعيونه عالباب ناطرني ايي انومه ..

 

[opera]

ام الداده انا استخدم ليبرو حق بدوري

امس كنت اتكلم مع حماتي عن الحفاظات

اهي تستخدم بامبرز

لووووووووووول لمن درت انا استخدم ليبرو قالتلي اشوووف ولدج مايتاثر لمن نطقه على شيسمون وصايره اشكبرها اثاري من ليبرو .. لانه ليبرو وايد متين غير عن البامبرز حشوته خفيفه

هههههههههههههه

 

[بحر الغموض]

هلا والله ام حيدر

انا اسويله جذي تقريبا بس احط له موسيقى مالت الدي في دي لانها تخدر الصور اللي يحطونها بمعنى اصح تخدرني انا اهو بس يشوف انعكاس الاضاءه عالغرفه ماخليه يشوف التلفزيون

بالنسبه للبامبرز اخاف اطول خصوصا البامبرز تقعد عليه اكثر من ست ساعات ماقدر ما اصحيه موزين لازم تتغير


انا اشوف احسن حفاظ بامبرز خصوصا للنيو بورن
والحين دخلت حفاض هاجيز وايد زين بس لو تبللت وايد الحفاض يصير ثقيل بس زين مثل البامبرز ويصكر على الطفل لان من ورى فيه نفس المطاط وصور البابايات حلوه عليه

بصراحه ارتحت على هاجيز والبامبرز

جربيه الهاجيز لانه مثل ماقلت فيه سير من ورى بطريقه تضب على جسم البيبي فمايسرب

 

[opera]

انا فتره كنت اشغل حق بدوري سورة البقره .. لانه كان متعبني بس يبجي بلليل وماينام وحتى لو نام مايطول نص ساعه او ربع ساعه يقوم يبجي .... وايد كان متعبني

عاد فتره حطيتله سورة البقره ماشااله تعدل نومه ما قام يقوم مثل قبل

 

[بحر الغموض]

ام الداده تدرين اكره مشوار بالنسبه لي

هو الروحه للبنك لاني اكره الارقام والحسابات يعني يقصون علي وانا ممكن ماحس

ماااااااااااااحب روحه البنك واهم صاروا يعرفون


بس هاجيز جربيه نصيحه اخذي العلبه الصغيره وجربي منتي خاسره شي

 

[opera]

انا امس رحت البنك صرفت ارباع .. عشان اليوم بنسوي نون حق بدوري لانه سنن

 

[أم حيدر]

غموضة غلطاااااااااااااانه جربي ليبرو وبعدين بتعرفين ليش نا اغير الحفاظة ، صج هالحفاظات اغلى شي بس فعلا احسنننننننننن شي شزينهم عيالي ثلاثتهم هالنوع جربت انواع ثانية ورديتله
بامبرز بس يبول الياهل طلعت ريحة الشخرة مالت البول عزكم الله: وبعدين من تحت عودة وما تتصكر عدل من صوب البطن لان مافيها سترش من صوب الظهر

دارلينغ زوين بس يسرب

خلكم على ليبرو واللي ما جرته خلتجربه وتدعيلي

 

[أم حيدر]

اوبرا عيل من عذر يتفزز بالليل حبييييييييبي الاسنان تشق الياهل شق وتاخذ عافيته انا حساني عمره سنة و3 شهر هلك من التسنين اروحله فدوة الحين الانياب اللي تحت قاعد يشقون

 

[opera]

ام حيدر

لا تنسين ليبرو من كارفور مسوين عليه عرض ب 3.900


:ggdw: :ggdw: :ggdw:

 

[ام الداده]

فديتكم

شكلي بجرب البامبرز

الحين واشوف

اه يالبنك


والدنيا موت حر


<< من زمان ماطلعت نفاس


خخخخخ

 

[أم حيدر]

داده دودي - جربي ليبرو لا تاخذين بامبرز

اوبرا - اي بلا كارفور صج نسيت لووووووووووول

 

[opera]

بامبرز في ريحه صح ؟


انا اليهال اللي يلبسون بامبرز كلهم اشم فيهم ريحه .. مادري شلون صايره ريحة بامبرز

 

[أم حيدر]

اي اي باميرز ريحته خايسة بس الياهل يبول بولة وحده الريحه فضيحه

 

[مراسي الحب]

يعيس ليبرو هياااااااااااااااااااااا معاكم على الخط

ام بدوري ... ام حيدر ... بحورة ... شلونكم

 

[مراسي الحب]

انا احب ليبرو ... واللي اتحب ليبرو وتبي شي يشبه له بس ارخص خصوصا حق النيو بورن النتف الصغار ... اتجرب نيو بورن مال بووتس مع نووني والله جربت فترة بووتس ارخص بشوية من ليبرو وكفاءة شبيهة

 

[opera]

هلوووو مراسي

عاشت مراسي متابعتنا من لبنان

 

[أم حيدر]

مراسي عندج علم انتي شكثر اخذتي اجر وحسنات من ورا هالتجمع؟

بنات بصارحكم بشي صارلي جم واااااااايد بخاطري نتواعد بمكان احنا وبيبياتنا ونتعرف فبعض ... شرايكم؟