تبارك الرحمن وماشاء الله ربي يحفظهم ويحرسهم
والحمدلله على سلامتج حبيبتي
خليها تنام على صدرج شنو مضايقج؟ احسن ترى خليهم كثر ماتقدرين يشمون ريحه صدرج ويعودون على الحلمه
ماراح تكونين رحيمه اكثر من الرحمن رب العالمين بيكون الطف وارحم منج انتي يالام على ولدج
عادي كلنا جذي في البدايه ماكو حليب اصلا بس يادوب صفار وشي شفاف خليه هذا حيل مهم للبيبيات
البيبيات باول اسبوعين ترى مايحتاجون حليب على فكره
وينقص وزنهم بعد هذا للطبيعي الخدج مادري والله
انتي باي مستشفى ولدتي؟
اهم مايحتاجون الا نقط نقط لاتخافين عليهم حبيبتي ومثل ماقلت لج خليهم على صدرج كثر ماتقدرين اوكي
للعلم انا لما ولدت بالمواساة اول يوم بنج نايمه ماني حاسه بشي
اليوم الثاني عوار العمليه ويادوب بس حطيته على صدري مارضع بس جذي انقطه بحلجه هالصفار بعد جنه ماكو شي
اليوم الثالث انهرت نفسيا ومنعوني عنه
قالولي ترى مانعطيه مميه كلش لاني موقعه ابي طبيعي فكانوا يعطونه حليب بكوب صغير نفس غطا الدوا يقولون انقط بحلجه نقط بس
لما سالت الطبيب قالي نقط بسيطه تكفيه
فلاتحاتين كثرماتقدرين خليهم على صدرج علشان يتعودون والنقط اللي تطلع منج تنفعهم لا تكتينها عطيهم
اهم صغار للحين مايقدرون يمصون بقوه
وانتي رطبي حلمه صدرج خليها طول الوقت عليها الكريم لان الشفاطه تتعب الحلمه اشوي وتعورج عارفه
انتي عليج بالكمادات الدافيه وسوي مساج خفيف كانج تمسدينهم براحه ايدج علشان لا يتعبج الحليب بعدين بصدرج
على فكره ترى بعد ماطلعت من المستشفى مايطلع مني بالشفاطه الا اقل من ربع الرقم مستوعبه؟؟ اقل من ربع الرقم فعادي لاتخافين
بس تصبري وتحملي على عمرج اشوي ولا تنسين اللي وصيتج عليه الترطيب الحلمه والكمادات وتاخذين البييبات على صدرج خليهم يتعودون عليه وعلى ريحته
الف الحمدلله على سلامتكم
حبيبتي مادري شنو ادعيلج غير عسى الله يوفقج ويفرج همج ويرزقج بكل واكثر ما تبين ياااااااااااارب ويبلغج بولدج واخوانه واخووواته يااااااااااااااااارب
صج صج كلامج ونصاااايحج درر بحاول ومن اليووووم اسوي كل اللي قلتبه عسى الله يعيني ويقدرني اااااااااااااارب
بس بوضحلج شغله انه ما اتضايق لما البيبي تنام عى صدري بالعكس الله يعلم لو لو اقدر جان شقيت قلبي وحطيتيهم فيه بعد
كافي شعور ان اشلعوهم من بطني شلع وهم ما كملو عمرهم ولا شبعوا داخل بطني شعور معور قلبي
انه اللي اقصده انهم بالمستشفى واقعد بغرفه الرضاعه واشيل ملابسي علشان ترضع لو شوي واهي اسم الله عليها تكسر الخاطر تنام انه ما عندي وقت ولا قاعده في بيتي وعلى راحتي والسسترات حنه ولوووويه عرفتي وداش وطالع؟؟
