الرضاعة الطبيعية .... جد واجتهاد

[بحر الغموض]

حبيبتي ماعليهم خوف ان شاء الله نص الثامن
لاتخافين حبيبتي انتي الحين دامج مو عندهم طول الوقت اهتمي بنفسج اشوي وارتاحي واكلي زين
علشان لما يطلعون بالسلامه تكونين مستعده لرعايتهم اوكي حبيبتي
انتهزي كل الفرص علشان ترتاحين لان وارج سهر وتعب فلما تسهرين وقتها تصبرين نفسج تقولين شبعت نوم وريحت

يالله حبوبه قومي ريحي اشوي والا تغذي زين

 

[Hello_kitty]

اوكي حبيبتي فرصه سعيده ومشكوووووره وايد

صاجه ودي اروح انام وارتاح شوي

اشوفج على خير

 

[opera]

صباح الخير


مراسي حبيبتي مايشووف شر خلودي ديري بالج عليه و اقري عليه وكمنينه شصار ؟؟




بنوووكه شنو سؤالج ؟؟؟

 

[بحر الغموض]

حياج حبيبتي

ايبنك اذا سؤالج عن القرقيعان
مادري والله احس القرقيعان فرحه لليهال واليهال يستانسون على شغل قبل
يعني خلي الحلاو حلو مو خربان مثل شغل الصيداوي

 

[بحر الغموض]

صباح النور اوبرا

شخبارج اليوم وشلون البيبي؟

 

[ipink]

باجر تطعيم بنتي وحدي خايفه عليها بس شلون قلتولي لازم ما ارضعها قبل ربع ساعه من التطعيم وبعده بساعتين راح تصارخ وتيوع شسوي

ونفس فطامي انا حدي احاتي برمضان انا ارضضع واعطش شلون واحنا صايمين شلون نتحمل طول اليوم عادي يعني احس ما اقدر اتحمل وشلون يطلع حليب واحنا صايمين ماكو اكل

والحين بنتي اسمالله عليها شهرين صارت جم لازم اشفطلها لاني مو قادره اوصل اكثر من 100 ومايشبعها

 

[opera]

بحوووره

انا بخير دامج بخير

ووبدووري الحمدلله زين




بنوكه حبيبتي ...


انا سؤال رمضان جاوبت عليه بس يمكن انتي ماقريتي الردود

السنه اللي طافت ولدي كان عمره شهر وكنت ارضع واصوم عااادي ما قل الحليب ولا ياع الولد ولا انا عطشت

بس من يصير وقت الفطووور شربي ماي وكثري سوائل مثل اللبن والماي والعصاير ... والشوربه

وهذا كفيل انه يخلي الحليب لي ثاني يوم ما يقل وقبل الامساك قومي وشربي قلاص ماي وعصير .. يعني مو تتسحرين اشياء تعطش وتثقل المعده .. لا شربي ماي وعصير بس



لا تخافين على بنتج بالتطعيم عادي مافيها شي بس اول ما تخلص التطعيم وديها البيت سويلها كمادات مكان الابره عشان لا تورم .. وعادي شربيها حليب عقب التطعيم مافي مشكله ...

 

[أم حيدر]

بنوكة لا تحاتين التطعيم أزمة وتعدي لوووووووووووووول ، اما عن محاتاة الرضاعه برمضن ( لا تفكر فلها رب مدبر ) الله سبحانه وتعالى يرزق الدودة اللي بين صخرتين، فما راح يعجز عن رزقة أطفالنا

وانتي ما تسمعين الكلام قلتلج يوزي يا بنية عن الشفط يوووووووووووووزي. اهي الحين بهالعمر معدل الرضعه عندها ما بين 100-120 ما تحتاج اكثر.

وبالنسبة للقرقيعان - الله يخلي حبيب الشعب سرداب الزهور الشرقية (بياع الورد) طبي وتخيري. بس ها لا تسرفين اعتدلي بالفكرة اللي بتسوينها.

 

[opera]

بنوكه ...


شفط الحليب مراسي جاوبت عليه

وانا برد اعيد عليج



دامج قاعده بالبيت لا تشفطين رضعيها من صدج ..



انا اول ماولدت ولي 70 يوم كنت بالبيت ما اداوم .. فكنت ارضع على طول

ماكنت اشفط الا اذا بيون لي ناس واستحي ارضع جدامه .. وتدرين جم كان يطلع بس 50 ....


والحين وعقب سنه اذا شفطت اصلا ما يوصل 120 ... عرفتي يعني الكل جذي

غير لمن الياهل يشرب من صدرج دايركت

 

[أم حيدر]

مراسي عورتي قلبي عسى ربي يشافيلج وليدج بحق محمد وآل محمد .

 

[opera]

ام حيدر امس كنت معزومه على ناصفوه


لبست بدور دشداشه وجيس قرقيعان .. استانسو عليه وكلمن يصوره ...

 

[أم حيدر]

وي حلااااة الدشاديش سلم قلبهم

 

[ipink]

مشكوورين زين ريحتوني لانه يقولولي حليبج مو كافي بدام مايوصل لي 100 واعاني بالشفقط
ام حيدر انا قلت بتزفين لووول بس انا اشفط للطلعات لانه كل يومين تقريبا اروح بيت اهل ريلي عندنا عزى لي اربعين يوم وما احب مرات ادش ارضعها مرات بريح بقعد شوي ويا الناس فعشان جذي اودي وياي اللي شفطته ولا انا بالبيت كله ارضعها بس حق الطلعات الشفط وحق اخر الليل

ايي انا ما ابي شي وايد خبه اذا فكرت بالقرقيعان لانه بنتي حرام عمرها شهرين فمايسوى اسوي خبه بس متردده اسوي واحد اب بيت اهلي كبير قالولي مثل خوص وحطي فيه اكل وبس ولا توزيعات حق منو ومنو مشالله العايله كبييره وصوب اهل ريلي عندهم عزى يعني ما اتوقع بيسون شي

 

[بحر الغموض]

اي بنك عادي رضعي البيبي عقب التطعيم

هلا ام حيدر اشلونج حبيبتي؟

 

[ipink]

الله كريم شكلنا بنخلي باجر نوديها
شخباركم بعد
اليوم ولدت رفيجتي بعد معاناه مسكينه من الساعه 3 العصر امس مدخلينها طلق صناعي

 

[opera]

بنوكه .. انتي توج والده وعندج بيبي

يتراوالي لو ماتروحين كل يوم العزا محد بيتشره

يعني يعذرونج

 

[eman12]

تصدقوووون انا مااحب اشوف وحده ترضع
ونفسيتى تصير حدها متازمه لي قالو لي رضعى
ومارضع
والحين حامل بروح اشتري الشفاطة علشان اشفط واعطيه

 

[opera]

تصدقوووون انا مااحب اشوف وحده ترضع
ونفسيتى تصير حدها متازمه لي قالو لي رضعى
ومارضع
والحين حامل بروح اشتري الشفاطة علشان اشفط واعطيه

لي جربتي وحسيتي بقرب البيبي منج .. بتحبين الرضاعه .. احساس غييير


انا من اول ماحملت لين ولدت اصلا مو حاطه ببالي اني برضع .. بالمستشفى اغصبوني ارضع

وخلال النفاس خالتي اخت امي كانت تنام عندي .. اهي اللي حنت علي وماكانت تخليني لا اشفط ولا اسوي حليب صناعي

وكنت حاطه ببالي بس اطلع من الاربعين وارد شقتي بوقف رضاعه

بس سبحان الله


حبيت حطة ولدي على صدري .. وبشقتي كملت رضاعه .. ومارضيت بالصناعي


احساس غريب .. ارضعه واسولف معاه واحسه يفهمني


والحين اسم الله عليه عمره سنه لي بجى ولا قام من النوم ولا يبي ينام او يبعد شوي عني

تلاقينه على طول يرد يحط راسه على صدري

 

[أم حيدر]

ايمان أفا والله ضيقتي خلقي

انصحج تقرين كل الصفحات من 1 للنهاية وصدقيني بتغيرين فكرتج عن الرضاعه وبتتشجعين انج ترضعين

 

[وردة النرجس]

سلام امهات

شلونكم ؟؟

باركولي خلصت الأربعين ولله الحمد

وأحس بنوتي الحين صارت تفهمني وأفهمها أكثر كربونها