الرضاعة الطبيعية .... جد واجتهاد

[وردة النرجس]

اى إهو زين أم حيدر بس ماتحسين يرطب من ورا شوى يعني ليما تكون بنتج نايمة

حتى أشك إنها تكون مسربه بس لا تكون ملابسها نظيفة

 

[ipink]

بنات الحين بنتي اسمالله عليها بتكمل شهرين شسوي موقادره اشفطلها حدي ٩٠ واذا كثرت ١٠٠ بس جم لازم اوصله عشان تشبع لانه موقاعد تشبع اعطيها اللي شفطته بليل يعني بريح صدري اشوفها يوعانه واكمل عليها من صدري
والحين صج تزيد ساعات النوم انا مو ملاحظه هالشي احس عادي وياها تنام مره ساعه ومره ساعتين اذا كثرت يمكن ثلاث ساعات بس شلون في طريقه اقدر اضبطلها الوقت ويا الرضاعه احس ما اقدر صعبه

 

[وردة النرجس]

ماراح تقدرين تسوين شي أى بنك خليها متى ماتبي حطيها على صدرج خصوصا هالفترة ماراح تتنظم الا بعد 3 شهور على الأقل ليما تخلص الرابع تبدين دخلين الأكل مثل السيرلاك وهالسوالف

بس إذا إنتي حاسة أن تشفطين لها 100 وتبجي وتبي بعد وماتنام عطيها صناعي على الأقل رضعه باليوم وشوفي الفرق ؟؟

لاحظي تنام أكثر وغازاتها شلون ومن هالسوالف

 

[غلآتي]

بنات انا بنتي موراضيه تشرب من صدري كله صناااعي وانا ابيها ترضع مني عادي اشفط الحين واعطيها ؟؟

واي شهر اقدر اوكله غير الحليب ؟

 

[بحر الغموض]

غلاتي جم عمر بنتج؟

ايبنك خلي بنتج علىراحتها لاتحاشرينها
ليش ماتعطينها بليل صناعي ولو اني ما انصح
انا بصراحه ولدي للحين كل ماحسيته يبي عطيته ما ابخل عليها
وبالنسبه للنوم بعد الثالث تقدرين تتحكمين اشوي
للعلم ترى البيبي مايطول بنومته وايد 2 او 3 وبليل ممكن تزيد اشوي
ولو انه في امور وايد تلخبط نومه

 

[بحر الغموض]

بالنسبه للطلعات
انا اشوف البيبي ينام بسياره ولما نوصل هناك همن ينام بالدراجه
ومايبي وايد الا لو صار كلش ما يتحمل اليوع
بصراحه ما ياذي الا لو رجعتي البيت لانه شبعان نوم وبيعقد لج قعده سنعه

 

[الشيخه فطامي]

بالنسبه للطلعات
انا اشوف البيبي ينام بسياره ولما نوصل هناك همن ينام بالدراجه
ومايبي وايد الا لو صار كلش ما يتحمل اليوع
بصراحه ما ياذي الا لو رجعتي البيت لانه شبعان نوم وبيعقد لج قعده سنعه

انا معاج في هذي بحور

 

[بحر الغموض]

شخبارج فطامي؟

 

[بشه المنفشه]

الله يحفظكم

عندي سؤال

الحين أنا بنهاية الثامن وصدري من أصل صغير والحين ما أشوفه كبر وايد .. حتى ستياناتي زدت المحيط لكن الكب تقريباً نفسه

هالشي له علاقة بالحليب ؟؟ لأن حيل بخاطري أرضع طبيعي

وهل حجم الصدر له علاقة بالرضاعة ؟ الكل يقولي لأ بس مادري لما أشوف اللي ترضع شلون حجم صدرها وأشوف نفسي أشوف فرق واضح

وسؤال ثالث إذا ممكن أحتاج أزهب جهاز الشفط الحين بتجهيزي ولا أخليه لما ايي وقته ؟؟ لأني شريت كل شي رضاعات وغلاية التعقيم مع إن في بالي برضع طبيعي بس مادري شنو الظروف

 

[غلآتي]

هلآ بحر بنتي عمرها شهرين؟

 

[بحر الغموض]

هلا غلاتي
ممكن تشفطين لهاالحين وتعطينها
وخليها وايد تقعد على صدرج وتشم ريحته وخلي الحلمه على طرف خشمها حطيها
وحاولي تدخلين الحلمه احيانا مع انه لو حطيتيها على خشمها بنفسها راح تفتح حلجها
بس كثر ماتقدرين خليهاعلى صدرج خل تعرفه عشان تتعود عليه مثل ما تعودت على المميه
خليها تذوق الحليب جم مره وخليها تيوع وعطيها
وواهتمي حيل بتغذيتج علشان ينزل لها الحليب بسرعه


اختي بشه حياج الله حبيبتي
الرضاعه واااااااااااااااايد حلوه ومريحه جدا للام بشكل ما تتخيلينه
احيانا اكون تعبانه فقول للخدامه تسوي للبيبي حليبه
ازهق من نطرتي على ماتسوي الحليبه واطلع صدري وارضعه على ما اتيي الا انا مخلصه لان حيل سهله وتحبينها
اشجعج حيل على الرضاعه مثل ماكل طبيب يشجعنا ويقولنا برافوا عليكم

بالنسبه للصدر انا ماكبر الا المحيط نفسج والكب ماتغير
بعد الولاده راح يبدا يكبر وهذا بعد يعتمد على تغذيتج وايد
سبحان الله لما اكل شي يدر الحليب بعد ساعتين تلقينه مليان صدرج
ماعليج من الحجم راح يكبر ويورم اكيد بس بعد الولاده

بالنسبه للشفاطه انا ندمت ليش ماجهزتها
بس لما طلعت من الطبيب قلت لاختي تشتريها بس ماشرت اللي في بالي
سئلي من الحين عن النوعيه الزينه ولاتاخذين اليدوي لانه متعب على كلام البنات
بترضعين او منتي مرضعه راح تحتاجينها لان في اول اسبوعين يتعب صدرج ويحتاج للشفط
والشفاطه مومن اول مره تعرفين لها يبيلها كم مره تستخدمينها
وفي البدايه تحسين بالم بصدرج بالحلمه فعشان جذي من الحين كل يووووووووووم ترطبين الحلمه بزيت زيتون
اوكريم تاخذينه من الصيدليه كل يوم علشان لما تبين ترضعين ماتتشقق عليج الحلمه ويطلع دم مع حليبج للبيبي
وهالكريم بتستمرين تحطينه حتى بعد الولاده بفتره
الزبده اشتري الشفاطه لان حتى احنا اللي نرضع طبيعي نحتاجها
على فكره ترىالرضاعه تشد الرحم احسن من اي شي تسوينه لاتقولين رداده لاتقولين اكل والا تمارين
احسن شي يرد الرحم لمكانه ويشده لفوق هو الرضاعه وراح تلاحظين وانتي ترضعين بالم باسفل بطنج وظهرج هذا معناه قاعد يشده ويرفعه
اول الايام راح يطلع الصفار وهذا اهم شي للطفل حييييييييييل مهم والطفل خليه كل ماقال واق عطيه صدرج يتعود وانتي تتعودين
اول شهر تعب وثاني شهر نص التعب وثالث شهر او لا من الثاني امورج طيبه وتمام التمااااااااااام في الرضاعه

الله يقومج بالسلامه بتمامه يارب وتشوفين ضناي بصحه وعافيه
لاتنسيني بالدعاء يالحلوه

 

[أم حيدر]

صبحكم الله بأنوار النبي

شلونكم وشخباركم ؟

بشه بحورة كفت او وفت ما عندي اضافه على كلامها0 مرت اخوي صدرها صغير وتبارك الرحمن ترضع سنتين.

غلاتي - حبيبتي حاسه بمعاناتج لان انا قبل الصبيان ما رضعتهم عدل محد علمني ومحد ساعدني بس هالمرة فبنوتي شادة حيلي لان بالمواساة وااااااااااايد كانو اوكي وما طلعت من عندهم الا وانا متعودة عالرضاعه ، ضيفي على هذا التجمع الطيب هني قاعدين نساند بعض ونشجع بعض. وصيتي لج الصبر ثم الصبر وانشالله بتقدرين واحنا معاج ولا تيأسين.

 

[opera]

صباح الخير

 

[أم حيدر]

بنوكة - تسمعين نصيحتي يا خية ؟

انتي اذا حاليا قاعده بالبيت اجازة لاااااااااااااااا تشفطين خير شر- لان موضوع الشفط اهو اللي مأزمج. عطيها صدرج كل ما احتاجت لان نفس البيبي يدر الحليب بصدر الام- ميخالف جربي نصيحتي وشوفي.

 

[بحر الغموض]

hhhhhhhhhhhi

زين لقيت احد موجود شخباركم

انا شكلي تعودت على السهر والسبه ولدي للعلم انه نام بس انا قعدت

اقول اهو ما اخرج له يومين امس سويت له كوكتيل وشربته مادري عادي والا لأ اذا خلطتهم مع بعض وعطيته
سويت له تمره مع حبتين عنب مع نص حبه مشمش وعصير برتقال اشوي وماي

 

[أم حيدر]

هلو هلة اوبرا صباح النور

 

[أم حيدر]

بحورة حسبي الله على ابليسج شهالكوكتيل اللي مسويته لا تعفسين بطن الياهل - انتي شربي عصير برتقال وايد ورضعي وبيخرج انشالله

 

[بحر الغموض]

وييييييييييي ام حيدر يعني مو زين الكوكتيل؟؟؟

انا الطبيب قالي عادي اعطي مشمش
تمر
كشمش
برتقال
فقلت دام كلهم اوكي عادي خل اسويله كوكتيل :"(

 

[opera]

عاد شلون كان طعم الكوكتيل العجييب


وعقب ماعطيتيه شصار فيه

 

[بحر الغموض]

والله طعمه حلو شربت الباقي

وماصار شي للحين