التجمع الثاني و الاقوى لحملة اخسري 10 كجم خلال شهرين لغاية 15 رمضان

[Hyoonaaa]

سلام بنات الحمدالله غداي توني ماكلته جم قطعه جبن حوالي 80 غرام الله ينزلني ع خير

 

[*MANOY*]

ياهلا والله فيكم ؛*
شدو الهمه بناات نبي نضعف قبل رمضان

اليووم اشتغلت عدل ع نفسي < بس والله تعبت تعب انشاء الله يبين علي
سويت تمارين كيم كاردشيان لمدة ساعه كامله
الحين امشي بالجهاز صارلي ربع ساعه بقى نص ساعه واوقف واخذي شور
بعدها بتعشى
انشاء الله لي باااك بالعشاء :$​

 

[أشبـاهـ المطـر]

إن شـاء الله غداً
اطهـر وامـارس حميتي مجدداً ^^
تصبحون على خـير ​

 

[Hyoonaaa]

يلا ان شاءالله تشوفون الارقام الي تتمنونها

 

[Hyoonaaa]

بريق الماس انصحج خلي 3 وجبات بيوج يقولون احسن لا تقللين الوجبات الرئيسيه ولا تشربين قهوه ووكككاو وكثري من الاعشاب والسلري والخضروات والكيوي والانناس ومن رأيي اذا انتي ماتتعشين دايما غضبي نفسج ع حبه انناس وحبه كيوي او حبتين كيوي او اناناس وامشي تدريجي يعني اليوم نص ساعه وباجر ساعه وجذي.. امم وشنو بعد وحاولي تخلين فترات بين الوجبات وابتعدي عن الخبز والعيش والمعكرونه وشنو بعد واكلي بروكلي ترا مفيد وبتشوفين الفرق وابتعدي عن الدهون والسمنه وهالاشياء....

 

[مشتاقه للحب]

صباح الخير صباح الطاعه

احلى صباح

لكل الرشيقات

 

[MISS_LIZLIZ]

لكل بنات القروب

اللي يحبون يكونون كول و ستايل

واللي يحبون يبينون بمظهر جديد للعيد و للصيفية

اقولكم

ولازم تجتهدون للتغير مافي شي يجي بسهولة لكن في الاخير راح يجي و الشغلة مو معقدة و لا صعبة
اكل خفيف + تتبعون شوية نصائح سهلة و بسطية + و رياضة

وفي الاخير متعة و وناسة في شكل جذاب و لا احلى منه

رياضة اليوم ::

Fun & Easy Full-Body Workout - YouTube


و في المسا لا تنسون قبل النوم تمشون لمدة ساعة و بعدها مساج كثيف للجسم خمس دقايق

 

[MISS_LIZLIZ]

فواصل

احب اقولك يا رب تكونين على الشكل اللي تحبينه
مشاء الله دائما تعجبني حيويتك و اهتمامك الله يوفقك للاحسن

Manoy

برافوا عليكي استمري بهالشي الرياضة و الحركة و بخصوص تنظيم الاكل كله تمام مشاء الله
بجد بجد يومياتك مميزة والمس من خلال تعليقاتك بنت قد حالها في التغيير اللي تبغاه الله يوفقك يا رب


hyonnaaa

رتبي اوراقك مسموح لاننا قربنا على الاجازات الصيفية اننا نسهر و نفرفش ونتونس في السهرات لكن بدون مبالغة
يعني يومين في الاسبوع سهر اوكي خليهم ٣ لكن كل يوم كـ روتين هالشي راح يضرك و يرهقك و يسحب حتى النشاط منك تصيرين مو قادرة تعطين شي في حركاتك و رياضتك غير انه يرهق بشرتك و نظارتها

عشان كذا غيري من هالشي و رتبي يومياتك عشان بجد جسمك يستجيب و ينقص الوزن اللي تبغين

العيناوية

الله يجزاكي خير و يارب الخير دائما يلاقيكي و اليسر و الانشراح دايم في حياتك

بريق الماس

الحمد لله ان شاء الله الكل بخير و يا رب عندك المثل

تعرفين هالذبذبة اللي الوزن فيها تقدرين تخلينيها شي ايجابي لصالحك

هذا معناته ان الجسم في حالة ايض ( حرق دهون ) مجرد ما تستغلين هالفترة باي نظام حركة لجسمك رح يسرع لك من خسارة الوزن
استغلي هالشي لانه كثير لصالحك فلا تفوتين هالشي


أشباه المطر
يالله نبغى نقرء يوميات كلها نشاط و حيوية و فالك الخير يا رب

مشتاقة للحب

الله يصبحك يالاخبار السارة و يعطيك مرادك و مبتغاكي
شخبار اليوميات و الرياضة و روتينك ميه ميه ولا نص نص (*ـ*)

 

[*MANOY*]

Manoy

برافوا عليكي استمري بهالشي الرياضة و الحركة و بخصوص تنظيم الاكل كله تمام مشاء الله
بجد بجد يومياتك مميزة والمس من خلال تعليقاتك بنت قد حالها في التغيير اللي تبغاه الله يوفقك يا رب

وااااي مشكوره حيااتي ماتقصرين :eh_s(22):
وانشاء انشاء الله اضعف يارب و الفضل يرجع لج انتي لانج ساعدتيني بهل شي





العشاء امس :2 ستيك دياي + رووب





مثل العاده ريوق ماتريقت لان قاعده متاخر


الغداء : روب + ذره


شاي اخضر


وانشاء الله التمارين بسويهم بعد شوي>> لاني توني ماكله و ماينفع اسويهم بعد الاكل ​

 

[Hyoonaaa]

ليش بنات السهر يأثر علي الرجيم ووتخفيف الوزن ولا لا عادي لو كنت اتحرك واكلي منظم ؟؟

 

[Hyoonaaa]

مسس تسلمين ياقلبي ع الفيديو

 

[*MANOY*]

هيونه << اي قلبي يأثر السهر ع الوزن حتى لو كنتي ملتزمه بالدايت و الرياضه ​

 

[*MANOY*]

بنات هذه جم صوره عشان ارفع من معنوياتكم و ابين لكم ان ماكو شي مستحيل وان نقدر نضعف


اول شي ببدي بـ ديانا كارزون
قبل >> شووفو شلون كانت متينه وحتى ملامحها مو حللوه

وشوفوها لمن ضعفت

<< شحلاتها جسمهاا , يهبل شويه علييه الا رووعه حتى ملامحهاا تغيرة صارة احلى من قبل
وصارت تلبس الا اهيا تبي​

 

[*MANOY*]

وهذه همن صوور لي منى امرشاء

شوفو شلوون كانت متينه وزنودهاا متان حتى مبين عليهم شوي مترهلات وماعندها رقبه

وشوفوها الحيين

صارت تهبل وملامحهاا همن تغيره احلى واحلى و جسمها يهبل ومشدوود حتى زنودها مختفيه ومشدوده شد
​

 

[um.zooza]

السلام عليكم أنا وايد خريطت وضميري كل يوم يأهلني مليوون مره

حاسه باكتآب وشكلي تغير احس كبرت ١٠ سنين كل هذا والسبب الوزن الزائد

اتمنى تقبلون انضمامي لكم

وراح اكتب من بأجر يومياتي .. اتمنى للجميع التوفييق​

 

[*MANOY*]

وهذه شرين عبد الوهباب ضعفت من الرياضه
شوفو جسمها قبل لمن كانت حامل

وشوفوها الحين @@

الي يشوفها مايقووول هذه عندها بنتيين , حتى كرشه ماعندها @@​

 

[*MANOY*]

ولكم um.zooza بتنورين وانشاء الله توصلين للوزن الي تتمنينه



واخر شي صور كيم كاردشيان لمن متنت شوي شووفو شلون صارة

ولمن ردت ضعفت

وانشاء الله احنا انصير مثلهم و نضعف يارب

وبث ​

 

[lolelicious]

تكفون ساعدوني ابي اضعف كنت مسويه ريجيم و وزني ثاااابت :'(
نفسيتي تعبانه ابي اضعف

 

[طـفولية]

السلام عليكم و رحمة الله و بركاته

تكملة يوميات يوم الأحد
تعشيت تونة ماي ١٠٠ جرام فيها ١٠٧ كالوري + وقطعة جبن قليل الدسم ابيض + وفردة توست اسمر مع قهوة

وبالليل كليت حب شمسي



يومياتي امس الاثنين ١١-٦-٢٠١٢
مشيت ساعة الحمد لله مع تمارين كروز

ريوقي شوفان بار ٢٠٠ كالوري

الغداء
قفشتين عيش اسمر ٨٠ كالوري + مرق قرع انا سويته ما حطيت فيه الا ملعقة شاي دهن و

سناك
كليت فروزن يوقرت مكس مع صلصة فستق و جوز هند و توت

العشاء

توست أسمر تكا من أمريكانا مع حليب



اليوم الثلاثاء ١٢-٦-٢٠١٢

مشيت ٥٠ دقيقة

الافطار : شوفان بار + حليب خالي الدسم


الغداء : مشاوي مع حمص ،خبز وكليت جم بطاطة


العشاء : توست أمريكانا ديك رومي مع قهوة


و ان شاء الله اسكر حلجي لي باجر ..

بس ان يعت تالي الليل راح آكل خس او سوتيه .. ،بفتن على نفسي باجر ان شاء الله ..


الحين عندي لوية .. من زمان مو نافضة داري .. وخلصت الامتحانات الحين بنثرها من يد و يديد ..


وموفقين يا رب ..​

 

[lolelicious]

تكفون ردو علي