التجمع الثاني و الاقوى لحملة اخسري 10 كجم خلال شهرين لغاية 15 رمضان

[MISS_LIZLIZ]

مو مصدقه عيوني :eh_s(9):

مس لزلز رجعتي ... حمدالله على سلآمتك وحشتينآ والله
والله اشتقت للتجمع , زمآآآآآآآآآآآآآآآآآآآن عنكم
وين بآقي القروب ,

ماراح اقول وزني بخليه مع الميزان :eh_s(22):
متى بكون .. راح اقرى الموضوع من اول
فاتني كثيييييييييييييير :eh_s(16):

اهلين اختي و حياكي الرحمن و بياكي
و بصراحة يسعدني و جودي معاكم من جديد و راح يبسطني اكثر عودة مشاركتكم الجميلة و الرائعة

و بعض بنات القروب مشاء الله وصلوا للوزن المثالي و البعض لازال يتواصل معانا في القروب و البعض انسحبوا لرضاهم بالوزن الجديد اللي هم عليه و حابين يثبتونه و يبدئون بعد فترة التثبيت من جديد خسارة البقية الباقية من الوزن و الله يقويهم و يوفقهم

فرحت و انبسطت كثيررر لرجعتك و الله يجمعنا في الفردوس الاعلى يا رب مثل ما جمعنا في هالمنتدى الجميل

و الوزن الجديد ان شاء الله في يوم ١٥ رجب يعني يوم الاثنين يا رب نقرء لك قراءة حلوة

 

[MISS_LIZLIZ]

امس كليت سلطة بالعشا

وقبل شوي شربت ماي وكابتيشينو

والريوق كورن فلكس

بس حدي ماني عارفه اشلون أتريق جدام الموظفات !!!

اختي العزيزة و الكريمة اسئلي نفسك سؤال واحد و جاوبي عليه بصدق و حكمة مع نفسك

هل صحتك و عافيتك في نظرك اهم ام كلام و نظرات الناس عنك

اتذكري حديث النبي صلى الله عليه و سلم " خير الناس انفعهم للناس " و كوني اول الناس نفعا لنفسك باهتمامك بتغذيتك الصحية

الشي الثاني حاولي تاكلين فطورك من البيت اذا تقدرين و خلي في الدوام بس سناك خفيف و لا مانع من مشاركتهم فطورهم يوم او يومين لانها ما راح اتاثر عليكي

و بخصوص سؤالك انك تغيرين الوجبات اللي للنهار تخليها لليل عذراً اختي الله خلق النهار معاشا و الليل سباتا

النظام واضح بالفطرة اذا غيرته راح تتعبين فكريا و نفسياً منه دون شعور منك لانك ترهقين نفسك بشي غير اللي الفته و اعتادت عليه

اكلي اكلك الطبيعي و اتحركي بانتظام و اشربي الماي و اهتمي في نوعية اكلك و حركتك كثير و ان شاء الله تشوفين ما يسرك

 

[MISS_LIZLIZ]

اختي مس لزلز

أنا حطيت لي هدف لمدة شهر ينزل وزني خمس كيلو

وأمس رحت السوق وشريت فستان مقاسه اصغر من مقاسي


يكون لي حافز يشجعني

وحطيت لي خطه في الرياضه وفي طريقة الاكل

ببتدي من اليوم في التنفيذ

ويارب اطبق الخطه

وبأذن الله في خلال شهر من اليوم بنزل خمس الكيلو


ومن غير ترهل ولا تعب ولا حرمان بمشي علي نصايح

اختي لزلز الله يجزاها كل خير

وبلبس الفستان

هذا هو الفستان

بصراحة ادائك مختلف و كثيررررر

احب اقولك انتي اكثر مثال رائع للبنات في هالحملة
و اهنيك على التحدي القوي اللي بدأتي فيه مع نفسك

اما كذا الارادة و الاصرار او بلا منها بالمره

يعني وقت تجعلين لحلمك نقطة لا تتراجعين للوراء من خلالها اعتبر هذا الشي اول مراحل النجاح
واتمنى من الجميع يتمثل في خطوتك و يتبعونها او يتبعون شي مماثل يحفزهم

عن نفسي راح اصور وزني معاكم بالارقام وعزمت اني كل مرحلة ميزان اعطيكم صورة للرقم اللي اوصل له

و هذا شي من باب المنافسة و التحدي مع شخصيات ناجحة مثلكم و بما انكم بدأتم انا ايضا اريد البدء بالتحدي معكم لكي تنجح صاحبات هالتجمع في تحقيق اهدافهم

والله يوفقنا اجمعين للافضل و الاحسن يا رب

 

[MISS_LIZLIZ]

مساء الخير

شخباركم

امس انشغلت

وخليته مفتوح

مع الاسف كثرت من العشا =تحسفت حسيت بثقل مب طبيعي

قلت اليوم بتدي بنظام جديد


ولي عودة مع يومياتي

قرأت جميع ردودك الصراحة من بعد اخر رد لي معاكي

كثير اعجبت و لا ابالغ ان كنت اقول اني مع ضيق وقتي و كثرة انشغالي الا اني بالقصد ادخل لقراءة ردك و اتفائجيء

بمدى تفاعلك الجميل لان تتخطين اخطائك صحيح الاقي من خلال كلماتك انك تجدين شيء من الصعوبة بالنسبة للمقاومة مع نفسك

لكن من يقول ان البداية دائما سهلة شخص غلطان بالتاكيد

اكثر ما يدهشني هو مقاومتك يا فواصل و اكثر ما يعجبني حقيقة مواجهتك و اصرارك نحو التغير

خلي في بالك هالكلمتين

مع نهاية الحملة راح تشبهين في نجاح وزنك وحدة كانت معانا في الحملة الماضية شاركت الجميع نجاح وزنها المثالي

لا اقول انني انتظر منك الكثير لكنني اقول بدأت احصل منك على الكثير

لان مدة الانتظار انتهت بالنسبة لكي و كذلك لي

انتي الان في مرحلة العطاء فواصلي التقدم و لا تتراجعي للخلف بتاتا

 

[MISS_LIZLIZ]

هاي بنات اشلونكم يسعدني اني انضم لكم

بدايتي مع الرجيم بسبت اني رحت محل زارا وعجبني جم كارديغان وخذيت مقاس xl وطلعو مو كبري مع الاسف

فصار فيني احباط

ومن احباط الى احباط عقب بسبت الملابس لوووول

بعدين عاد رحت مستوصف بيتنا وقالت لي اشوا اني مو بمرحلة السمنة انما زيادة وزن

عطتني نظام بس ماعجبني بالمره ولا طريقة اسلوبها

عاد سمعت بعيادة احمد الخولي

وبديت معاه نظام من تاريخ24 /5

وزني = 77

هدفي الاول = 65

هدفي الثاني = 57

البرنامج اللي عطاني اياه

كوبين ماي دافي على الريج

1 توست اسمر + روب خالي الدسم

السناك

حبة فاكهة ماعدا التمر العنب الموز التين المانجا + مشروب دافي

الغدا

2 كوب ماء دافي

سلطة + شوربة + اي ايدام بس يكون مشوي أو مسلوق+ مرق+ 4 قفشات عيش

مافي سناك وما ادري شنو السر

العشا

2 كوب ماء دافي

حبة فاكهة

وطبعا قاعدة اكل كاكاو 4 قطع بس صغار نص الاصبع بس مو يومي + بيبسي دايت

وطبعا ما اقدر امسك نفسي لازم اقيس بالميزان

عاد مال المستوصف يطلع لي 74 وبالبيت 76

ما ادري منو اصدق

واكثر شي يخوفني اروح موعدي الياي والقى نفسي نفس الوزن او زايده

لاني ساعات ما التزم

يعني بالغدا بس اكل سلطة والقطعة المشوية و4 قفشات العيش

والعشا ما اكل حبة فاكهه بس لا قاعده اكل سلطة وشوربة!!!

بس ان شاء الله اكون 74

قلت قصة حياتي بس لاني اول مره اسوي ريجيم

اي ونسيت اقول اني قاعدة امشي نص ساعه يوميا بالممشى

اهم شي عندي قبل ازالة الوزن الزائد هو الراحة النفسية للشخص و استمتاع الانسان في الشي اللي يقوم فيه
لان الشخص لو مو مرتاح ما راح يتقدم و لا راح يوصل للشي الي يبغاه

لذلك اذا نظامك الغذائي للرجيم مو عاجبك من هنا اقولك وقفيه و عودي لطبيعتك في الاكل بشرط التخفيف
يعني اكل اللي تحبين كبسة او محشي او مشوي . . . الخ لكن الاعتدال في الاكل بنظام التخفيف و شرب الماء قبل الاكل

والاهم من كل هالشي التحرك و حرق هالدهون بالحركة و اخرجها من جسمنا من غير عودة

و لا تنسين في الحركة بركة و اول نتائج البركة بتشوفينها على شكلك الخارجي لجسمك و بعدها صحتك و غير راحتك النفسية و سعادتك

 

[MISS_LIZLIZ]

مرحبا.....

اليوم اول ماقمت شربت كاسين ماي

الفطور :قهوه بس


الغداء:شوي معكرونه

بعد ساعه شااي


السناك :ايس كريم <<سبحان الله لازم نخورها باليوم


العشى :سلطه زبادي مع خيار +كوسه مسلوقه


الرياضه :ستريشنق +مشي ساعه+رياضه الزند +نط حبل 5دقايق+ رياضه الاسمر +مساج


وتوته توته خلصت الحتوته لاوالله ماخلصت باقيلها 10 كيلو خخخ

احب اهديكي هالابتسامة الجميلة لتفائلك و انطلاقتك المليئة بالمرح حتى تخففي عن نفسك اي توتر او اجهاد و ضغط نفسي مشاء الله عليكي خليكي على هالروح الجميلة و استمتعي في اللي تعمليه لان اخرته شي ممتع عليكي شكليا و صحيا

و دائماً كوني قد حالك

 

[MISS_LIZLIZ]

مسا الخير

اليوم الريوق
شابورة مع لبنة

الغدا باستا من كالوري كنترول


العشا ماظن اتعشى
بس بروح اشتغل مع البنات فأتوقع راح ايوع و اكل سناك

احلى شي قراته اللي لونته لكي باللون الاحمر

بما انك اشتغلتي في الرياضة معناته ان شاء الله اقرء لك ارقام كثير حلوة بإذن الله

لان دائم اقول غذائك كثير ايام يكون منتظم لكن الحركة تحتاج شغل و بس قرأت لك بدأتي شغل

انبسطت لك و متفائلة لقرائتك في هالحملة :rerrerek:

 

[MISS_LIZLIZ]

صباااااااح الرشاقة

انتوا هيني وانا قلت خلاص وقفتوا

الحمدلله عالسلامة مس لزلز

الحمدلله انا مستمرة

ووزني صار 71 ونص والحمد لله

ونتااااابع
وهوووووبااااااااااااااا

هههههههههه

الله يبسطك على ردك و الله يسلمك و يرفع قدرك يا رب

عجبتني هالـ هوووووووبا

يالله خليني اشوف اخر اجتهاداتك و اشوف نتيجة الميزان هالاسبوع لان حماس هووووبا هذي المرة يقول وراكش شي عظيم ان شاء الله :d

 

[MISS_LIZLIZ]

مس لزلز صراااحه تشكرين على مجهودك فعلا انتي انسانه رائعه
انا مااشتكي كثير من زياده اللوزن يمكن فقط 3 كيلو او 4 كيلو اللي اشتكي منه زياده في منطقه الافخاذ والساقين
واذا سويت دايت ينحف بس اللي الجزء العلوي انا ابي انحف بس من تحت اذا عندك حل افيديني لانه زواجي بعد 3شهور ولو عندك برنامج راح امشي عليه حرفيا
ولك الشكرررر مقدمااااااا

اول ش حياكي اختي معانا
و مسئلة وزنك بسيطة

اتوقع شوية دهون متراكمة على سيليوليت

شوية مساج مدته خمس دقايق على كل منطقة مع دهان انتي تسوينه بنفسك يساعدك على تكسير الدهون ( زيت ويتون + كوفي اي نوع متوفر لديكي )

و بخصوص تمارين للجزء السفلي في تمارين حلوة مخصصة لها الشي ان شاء الله ارفقها لك و لكل المجموعة في رد مستقل

و الف مبروك زواجك مقدما اتمنى لك حياة سعيدة و كلها سرور و راحة و بالتوفيق يا رب

 

[MISS_LIZLIZ]

السلام عليكم
شلونكم ياحباايب
اللهم لك الحمد ابشركم نااازله كيلويييين
يوميااتي
كوبين ماي واقعد ربع ساعه او عشريم دقيقه
الريوق كوب حليب قليل الدسم وحبتين شابوره
والغداء شوربه ونص خبزه سمرا وصدر دجاجه مشوي
والعشى صحن رقي او حبة فاكهه مع روب خالي الدسم
وطبعاا اشرب 8 اكواب ماااي
وفيه وجبات صغيره بين الوجبات الاساسيه حبة فاكهه او عصير او شاي او قهوه
المهم مانقعد فتره طويله ماناكل عشان الجسم يحرق ولازم صحن سلطه باي حزه عاادي متى ماحسيتي بالجوع
هذا تقريبا النظام الي ماشيه عليه من خبيرة التغذيه
وممنووووع الحلا والمعجنات والعصاير المحلاة

اهلين و سهلين في شمس الضحى و منوره يالغالية

جيتي و جبتي معاكي اخبار حلوة تشرح القلب

الله يوفقك يا رب و اشوف قراءة تسعد الروح على هالهمة الجميلة اللي فيكي و على التحدي الحلو اللي بدخلك

اكثر شخص سعدت في عودته للحملة هو انتي

اللي يقدرك يا رب و توصلين للرقم اللي تحبين تكونين عليه و موفقه اختي للافضل يا كريم

 

[MISS_LIZLIZ]

للأسف بالحمله الاولى ما كملت لظروف صحيه

بس ألحين انا معاااااكم 100

ان شاءالله



متى الوزن ؟

وزني ألحين 85

اختي لا تأسفين على شيء لعل في الامر خير ان شاء الله
هالمرة ظروفك ان شاء الله احسن و يا رب تساعدك انك توصلين لحلمك في الرشاقة و كوني قوية وقد حالك
و اثبتي هالشي لنفسك انك ما راح تتراجعين خلاص نيتك تكون اكثر قوة و تحكم في نفسك

لان هالرقم لازم يتغير افضل من ان يصعد لا سمح الله و ان شاء الله ما يصعد لو جرام واحد

 

[MISS_LIZLIZ]

ممكن أشارك محتاجه تشجيع صارلي ٦ اشهر والده و الحين وزني ٩٨ و طولي ١٦٨

يا اختي اهلين فيكي و حياكي الله معانا

كثير اخوات قلصوا ارقام اوزانهم معانا في التجمع و انك تخسرين لو كيلو افضل من ان لا تخسرين اي جرام

اتوكلي على الله و ابدئي و ان شاء الله تشوفين في نهاية الحملة رقم يعجبك و يزيدك ثقة و قوة في نفسك

و ان شاء الله لستي ببعيدة عن بلوغ حلمك

ابدئي و استعدي للافضل ان شاء الله

 

[MISS_LIZLIZ]

ابي اشارك معاااكم ووزني 75
ووابي برمضان يكون65 ان شالله

وانا نظامي دكتور ربيع

وان شالله يااارب اضعف

حياكي اختي معانا و ان شاء الله بالهمة العالية و العزيمة الصادقة راح توصلين لاحلى النتائج اللي ترضيكي

فقط قرري ان تبدئي و تكونين اكثر جدية مع برنامجك اليومي و ان شاء الله نهاية هالشي نتيجة ترضي قلبك

 

[MISS_LIZLIZ]

قوه بنااااات



يصير ادخل معاكم او لا



انا بادية رجيم بروحي من 1 / 6 وبكمل معاكم ؟؟

حياكي اختي معانا يصير تبدئين

و يسعدنا نقرء يومياتك و يالله كوني نشيطة و لا تتاخرين في يومياتك معانا

 

[MISS_LIZLIZ]

اهلا بعضوات لحملة الجديدات اكيد ميس ليزليز ماعندها مانع وهي قالت هالكلام من قبل

فواصل ..
بخيررر دامك بخير ^_^


يومياتي

الفطور
مويا وفاكهه


الغداء /

اندومي


ف العصر اكلت اسكريم (الساندوش )

العشاء /

احاول ما اتعشى اليوم لكن اذا مررة ضاقت بي الظروف باكل برتقال


الرياضة مشي وتمارين البطن واليدين

يا اهلين و سهلين لرجعتك و طلتك الجميلة كالعادة

ان شاء الله كانت الاختبارات حلوة و سهلة و عديت منها بنتايج مميزة مثلك

انتي خلاص ما يحتاج صرتي تعرفين نفسك مشاء الله من الحملة الاولى و انتي عندك خط انيق في الرياضة و اليوميات

لكن لازم تنتبهين لطريقة اكلك فيها تجويع انتبهي عليها ما يصير هالتخفيف ارفعي معدل اكلك شوي

 

[MISS_LIZLIZ]

احب اقولكم ان يوم الميزان ان شاء الله يوم ١٥ يعني اليوم الاثنين ان شاء الله

كل وحدة تدخل ضروري تسجل رقم ميزانها ضروووووري

و الشي الثاني في كم حركة رياضية تساعدكم كثير

و في جهاز حلو احب اخبركم عنه ان شاء الله في وقت لاحق من اليوم

 

[ترانيم مبدعة]

صباااااااااااااااااح التفاؤل والكلمات الحلوة اللي تشجع الواحد

صباحنا كلللللللنا مس لزلز

ربي يسعدك وين ماكنتي ويعطيك منااااك ياااارب

انا حلفت اني ماطلع عالميزان هالغثيث الان وبخليه لاخر الشهر بعد اذنك يالغلا

اليوم سويت شغلة
طبعا لي فترة اتابع برنامج طريق النجاح للمدرب ابراهيم الفقي ربي يرحمنه ويسكنه الجنة
عظيم هالشخص
وانصحككمممممم تتابعووووونة
افتحوا اليوتيوب واكتبوا ابراهيم الفقي الركن الصحي 3 حلقات لكن جد تحمسكم فوق حماسنا من مس لزلز

المهم جبت ورقة اللي وراها غراء
وكتبت برنامج رياضي

مشي + تمارين
مشي فقط
مشي + نط حبل

وكتبت تحتها انا رشيقة
وانا قادرة عليها باذن الله
وعملت خطوط كأنها احط ينط من االرشاقة ولصقتها على الجدار

وابشرك يالغلا المناطق اللي كنت امسكها من الدهون خفت
وكروشتي بعد
حتى اللبس تغير شوي بعد ماكنت ياااااسه انه يتغير

لكن احمد ربي الف حمد وشكر

وهذي بشريات الصبااااااااح

 

[@شمس الضحى@]

اهلين و سهلين في شمس الضحى و منوره يالغالية

جيتي و جبتي معاكي اخبار حلوة تشرح القلب

الله يوفقك يا رب و اشوف قراءة تسعد الروح على هالهمة الجميلة اللي فيكي و على التحدي الحلو اللي بدخلك

اكثر شخص سعدت في عودته للحملة هو انتي

اللي يقدرك يا رب و توصلين للرقم اللي تحبين تكونين عليه و موفقه اختي للافضل يا كريم

ياااقلبي انتي وحيااتي يالزلووزه والله ماتدريييييين شكثر فرحني كلامج واسعدني وشجعني وبث فيني الحماس
الله يفرح قلبج ويسعدج
ويسعد باقين القروب ويفرحهم بنزول اوزانهم وهم بصحه وعافيه

 

[لك الحمد ربي]

صباااح الخير والرشاقة والجمال

شكررا مس ليزليز على الردود الجميلة والله فكل رد لك موجه لبنات الحملة استفيد معلومة جديدة
الله يسعععععععععدك ويوفقك دنيا وآخرة


الحمد لله اختباراتي تمااام ,, نظام التجويع من الحملة الاولى هو مشكلتي ادري انها خطأ لكن مقتنعة بيه

 

[لك الحمد ربي]