التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

[إمرأة مثالية]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

الرسامة
إمرأة مثالية

الحين بذبحج
والا تدرين بعلققج على صيخ الشاورما
نقي انتي ؟؟؟




لا تعليق

 

[إمرأة مثالية]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

بس والله اليوم برد التـــــــ ـــــــــزم

وترى آنا ما آكل برد كلش ملش

 

[Q8_ButterFly]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

واي بنات انا من بديت هالرجيم وكل يوم انعزم بمطعم :d


بس صااااااااااااااااااااااااامده بس اشرب شوربه مع دايت سفن ماشاء الله علي صايره اقاوم

والمشكله يحرووووووووني ويطلبون هالاكل وانا بس اطالع بعيوني

اليوم بغيت اخورها وآكل ربيان مشوي بس رفيجتي زفتني وقالتلي شربي عصير

واليوم شربت عصير برتقال و بور هورس

 

[Cherrrry]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

Q8_ButterFly-----------مبروك النزول وعقبال ال5 كيلو
الرسامة-------------مشكوووورة على قبولج لي انشالله بحط يومياتي اول باول
رواحل----------خففي من شوربة العدس اتوقع اهي اللي ماتنزل الوزن استبدليها باي سي ثاني
Cherrrry ----------------الف مبروك لنزول 3 كيلو
ا

الله يبارك فييييج يارب

 

[Cherrrry]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

ظلال القرآن
يما منج حتى يوم ما تحملين ؟؟؟ لا وقاعدة اتحرينا بعد
احنا راح انحرج برشاقتنا


bfbf
الله يسلمج


celen
يالله ما بقى شي ونخلص باذن الله ونشوف مدى فاعلية الدايت


Cherrrry
ما شاء الله عليج
3 كيلوات وايد حلوة
انزين نبي اليوميات علشان احنا نستفيد بعد
والحين راح اعدل نتيجتج


far007a
مشكورة وبانتظارج

انشالله ولا يهمج ..

همممممممممممممممم انا امس سربت حليب كاكاو الصبح

و الغدا ولا شي
و العشا قلتلكم اني بخرب بس عالخفيييييييييييف

لانه رحت جيليز فكليت سيزر و شربت بيبسي


واليوم ملتزمه الحمدالله

شربت مولوخيه عالغدا

والصبح عصير برتقال


وبالليل بشرب كوكتيل انشالله

واليوم ماقست تسييت و الحين ماتسوى اقيس مايطلع مضبوط لانه شاربه

خلوها باجر اقيس و اقولكم

 

[Cherrrry]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

هههههههههههههههههههههه ابلش نص الإسبوع وأرد اهون وأغير مادري على شنو برسي ههههههه

بسم الله عليج عن الإنتقال والله انا يوم بديت ماقدرت بس تشوقون

لا صدقيني والله انتي نفسي انا جذي الف رجيم باليوم

بس هالرجيم اول ما بلشت كنت اموت من اليوم

بس تقريبا اليوم الثالث احس صار عادي

فأكيد لو التزمتي بتصيرين نفسي
و بيكون عادي معدتج تتعود

بس لو ماقدرتي سوي اي رجيم يناسبج اهم شي تفتكين من البطابيييط اللي في الجسم مشكلهههههههههه والله الله يفكنا منهم بصحه وعافيه

 

[Cherrrry]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

تعلو بنات بقولكم شي بس لاتدري أبله الرسامه اليوم شوي خبصت بس ماني قايله شنو

والله شسوي عشان أمي !!!!!!!

كلش مو عشاني

خخخخخخخخخخخخخخ

انا شاهده بعد


انزين ميخالف سامحناج عشان بسسسسسسسسسسسسسس امج الله يطول بعمرها اللي قالتلج لو عشانج جان ماكو سماااااااح كلش ملش دشي الكلاس يالله لا تزفج ابله الرسامه <-- زرقناها هالمره لول

 

[رواحل]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

انا الحمدلله ماشيه تمام
بس مانزلت اليوم شي
اليوم بشرب حليب وشاي ريوقي
وغداي شوربة ماجي بالشعريه
والعشا ما ادري اخليه على حسب الظروف

 

[chica_q8iya]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

مايصير ناكل سلطة؟
مادري انا جني خربطت أمس الخميس يمعة الأهل
اضطريت آكل شوي سلطة قالولي عادي! بس بعدها شربت جاي يسوي اسهال وراح اللي كليته ودخت أكثر!
مقزرينها على القهوة! لانها تسد الجبد!
وبعدين نصيحة يا بنات اللي تبي توزن وتشوف وزن صجي
تقوم الصبح تروح الحمام أول شي وقبل لا تسوي أي شي! بعد ماتخلص شغل الحمام........
توقف عالميزان وهي بهدوم خفيفة وأحسن بدون هدوم بالمرة!
واذا الدورة الشهرية عندها على وشك انها تبدي اكيد بتلاحظ انه وزنها ماينزل!
لا تخافين ... بس تبدي الدورة بيرد ينزل وزنج!

وعالإمساك يا الرسامة ! انا وحدة عندي امساك مزمن وهو اللي مسويلي كرشة
مالي الا " أزهار رويال الملينة " من الحواي! يمشي البطن ويطلع المصارين بره!

بعدها ماي ماي ماي
لطوا بهالماي شوفوا الفرق! صج صج كثر ماتكثرين ماي ماتيوعين بسرعة وماتدوخين وايد!

آسفة أبلة الرسامة بلعت سلطة ! اليوم الجمعة بالتزم أكثر
وللحين شربت بس عصير مانجا بدل الغدا!

Buene Suerte= Good Luck

 

[GaMoRa]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

سمعت ان السوائل موزينه على الجهاز الهضمي واحتمال ان المرىء يوقف مايشتغل لأن لازم شي ينطحن يعني ينعلج رفيجتي تقول وحده من أهلها وقف المرىء وماعرفولها الكزيت ودوها برى أنا خفت شرايكم ناكل بس سلطة على الغدى ؟؟؟
يصير أبلة الرسامة؟؟؟

 

[GaMoRa]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

ونسيت ماقتلكم معاي امساك وأحس جنه جبدي تلوع تعورني معدتي ماسوت علينا رجيم

انتو تعرفون أحد جربه وماصار في شي؟؟

 

[ERADH]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

هلااااااااا اخواتي
انا ناويه ابدا في هلرجيم

قريت موضوع رجيم السوائل قبل وبعدين انشغلت

والحين تفاجاءت ان في موضوع لتجربته

وان شاء الله انا معاكم وراح اقولكم يومياتي

ومن بكره راح يكون اول يوم لي مع هلرجيم وشوية رياضه

والله يكون في عون الجميع

والله يعطيكم العافيه
وعساكم على القوه​

 

[مــلاك]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

اي والله قموره والرسامه انا بعد احس بامساك بس اليوم سويت شوربه عدس وحطيت فوقها شويه ليمون جان يحوشني تكرمون سهال لول

انا بكمل العشر ايام وتالي ان شاءالله اسوي ريجيم طالب او ربيع تبون الصج توقعت انزل وايد لان وايد جاسي بس يلا الحمدلله على كل حال

الرسامه مشكوره عانصيحه ان شا ءالله بشتريه هالميزان

موفقين بنات

 

[al3ethri]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

ششششششششششششششلونكم بنات
طبعا عزيمة الشاليه اللي رحتها
خربته شوي مو وايد بصحيح العباره
سويته فري ويوم الخميس عدت للريجيم
مع اني بايدي هذه شاويه حق اهلي مشويات يا لهوي
وعيزو مني اكل لكن لا والف لا
وما قست وزني للحين باجر اقيسه واقولكم انشاء الله

 

[ERADH]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

خواتي يمكن العسر إلي صايدكم نتيجه تغير نظامكم

وتغير الجوووو على المعده

احتمال لان تخيلوا مره وحده تاكلون وبعدين بس تشربون سوائل

لازم يتغير عليكم شي وبعد يمكن انه مرحله ان الجسم يطرد الشوائب إلي فيه نتيجه السوائل ولا

شرايكم؟؟؟؟

 

[@ الرسامة @]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

روووح كويتيه
ناطرين وزنج الجديد بس لاتطولين علينا


celen
معاج حق وبحاول اكثر من الالياف


إمرأة مثالية
للاسف جنج نقلتي العدوة حقي اليوم انا خربطت بس مو وايد لا واللي كليته بعد اقل من نص ساعة حاشني اسهال مو طبيعي !!! اتوقع من الرجيم لاني جم يوم عايشة على السوائل


Q8_ButterFly
اي 0000 هذي الارادة والا بلاش وسلميلي على رفيجتج حيل
انا بعد كل يومين بمطعم وكنت صامدة بس اليوم على العشاء طلبتلي سلطة ومن باجر ماراح اخربط ان شالله

Cherrrry
حياج الله ياعيوني
وبانتظارج


رواحل
انا ملاحظة ان اكثرنا ثبت وزنهم !!! المفروض ان وزنا ينقص ما يوقف !!! بس خل ننطر لي اخر يوم ونشوف

chica_q8iya
مشكورة والله عاد اتصدقين الجاي عندي ولا شربته وانا مثلج من ابدي رجيم الامساك يخربه ويخلي وزني ثابت وما ينزل بسرعة والله عاد قبل كنت عادي ينزل وزني بسرعة وقدرت اتخلص من 15 كيلو بسهولة والحين نص وربع كيلو يالله بالحسرة ؟؟؟


GaMoRa
النظام هذا يعتمد على السوائل وما اتوقع يضرنا 10 ايام وبعد ال10 بنوقف ونغير الرجيم
وما اتوقع يصير ناكل سلطة مع هالرجيم وانا معاج يمكن كلاكج صحيح بس المدة قصيرة يعني مو اكثر من 10 ايام
يعني بالعكس المعدة راح ترتاح اشوي من الخرابيط
وبالنسبة لهذا الرجيم اهو تجربة ويعتبر اول تجربة بمنتدانا وورى العشر ايام راح انقرر اذل يسوى الوحدة تسويه مع ان برايي الخاص ان الرجيم هذا وايد قاسي والمفروض ان ننزل اكثر من جذيه والا شرايج ؟؟؟

ERADH
حياج الله مع انج حيل متاخرة بس بسجل اسمج معانا


مــلاك
العفو واحنا اهنيه معاج بان الدايت يسبب امساك

al3ethri
بانتظارج على احر من الجمر


ERADH
يمكن ليش لاء ؟؟؟؟ بس احنا ملاحظين ان اكثر البنات منا نزلو من 2 الى 3 كيلوات يعني الرجيم ما يختلف عن اي نوع ثاني بس هذا قاسي شوي

 

[@ الرسامة @]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

بنات انا اليوم للاسف خربطت بس مو وايد


شوية



بس شسوي غصبن عني بس باذن الله باجر ماراح اخربط


شسوي اذا اليوم ما اكلت شوي راح اخبص بالدنيا علشان جذيه اكلت شوي

 

[GaMoRa]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

بنااااااااااااااااااااات
توى رفيجتي قالتلي انها سوته والحين صارلها 6 أشهر تعالج بسبة لأن معدتها صامت وتعودت بس شرب الحين أي شي تاكله بس ترجع وانتو بكرامة وأنا من بديت الرجيم شعري طاح اشرايكم من يوم الأثنين نبدي رجيم مع بعض وممنوع منعا باتا :
الحلويات و البرد بجميع أنواعه و والمعجنات والمقليات
ونكثر من السلطات والفاكهة والأجبان عشان نعوض
وهاليومين بكمل معاكم بعد شسوي على فكرة أنا والده من شهر 2 وليلحين نازلة كيلوين ونص ويوقف وزني وايد ناس قالولي عقب 6 أشهر يالله أضعف صج؟؟


اللي تبي تبدي معاي يوم الأثنين تقول عشان نحط قائمة بالمسموحات والممنوعات مع الالتزام بالرياضة والمشي طبعا بمساعدة الرسامة
وان شاء الله توافق

 

[إمرأة مثالية]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

بنات انا اليوم للاسف خربطت بس مو وايد


شوية



بس شسوي غصبن عني بس باذن الله باجر ماراح اخربط


شسوي اذا اليوم ما اكلت شوي راح اخبص بالدنيا علشان جذيه اكلت شوي

خلاص حكمت عليج بالإعدام مالم يكن هناك إستئناف

 

[الحــــــلا كله]

مشاركة: التجربة الاولى لرشيقات المستقبل (( ريجيم السوائل )) المدة الزمنية 00عشرة ايام 00

بنااااااات شلون ثبت وزنكم عقدتوني

<<=== احباط تبي وحده تنزل ماكو

على العموم نشوف اخرتنا مع ها الرجيمات