البويه والمنقبه

[زقرتيه الديره]

شافت نوف مس كول طلال وترددت تتصل والا انطر ترجع تتصل، ممم الاحسن انطر .
بس يمكن تفهم مابي اتصالها ،

بدق واللي يصير يصير

نوف وتحس قلبها بيطلع من مكانه : الو
دلال : هلا والله . انتي وينج ؟
نوف : كنت نايمه
دلال: نوم العوافي
نوف : يعافيج

دلال : يعني ماازعجتج
نوف : لا طبعا كنت انطرج

كانت مضاوي تتصل وشافت نوف اتصالها وماردت عليها .

وتسندت بظهرها على فراشها وخذتها السوالف مع دلال ساعات

ومضاوي تدق ....

ونوف تضحك مع دلال وتسولف

مضاوي دزت مسج ل نوف : مااعتقد هالويتنك مهم لدرجه ماتردين ..

نوف مااهتمت وظلت مع دلال تكمل سوالفها ..

ودلال نفس الحاله نست انه في وحده اسمها خلدوه جرحتها ,,

******************

خلدوه مستمره ليلحين مدمنه ذيج المحادثه ........

**********

دلال ل نوف ابيج تسمعين " اشمعنى انت " ل جيتارا ممكن

نوف : انشالله ، بسمعها لانج رفيجتي غير جذي لا
دلال : ماقلت شى انا ، سمعيها بس ..

*****************

محاضرة الثلاثاء

نوف وطلال ناسين الكل
وخلدوه مع الشله وشكلها وايد تعبانه ..

بعد المحاضره طلال راح مع نوف

وبعدها راح لشلته وكانت خلدوه موجوده معاهم بالكافتريا ..

واول ماوصل طلال
قالت خلدوه زين وصلت عشان اقول الخبر مره وحده...

واهى بالاساس مايهمها غيره يسمع هالخبر ..

طلال والشله : شنو الخبر

خلدوه وملامحها متغيره : انا ..

كل الشله تنطر

خلدوه : انا ارتبطت
طلال والشله : انصدموا ..
طلال : متى ملجتي ..
خلدوه بنص ابتسامه : منو ياب طاري ملجه الحين
الشله : انتي

خلدوه : لا حبايبي انا ارتبطت ببويه

الكل انصدم
طلال تضايق : شنو يعني ارتبطتي ببويه !!!

فروحه فاهمه انها من اللي صار منه سوت جذي ، والا الصج خلدوه مو جذي

طلال : ومنو هالبويه ومن متى تعرفينها ؟
خلدوه : مادري من اسبوعين يمكن
طلال ورافع حواجبه ياسلام

خلدوه : عالعموم صار عندكم خبر ، وانا رايحه لها ماتحب اتأخر عليها

طلال يطالع خلدوه بس شيقول الصدمه شلت لسانه

خلدوه راحت والعبره خانقتها وموراضيه تهدهاااااا

طلال قعد يطالع ربعه وونزل راسه

*********************​

 

[زقرتيه الديره]

كان الموقف قوى وصعب عليهم ، حسوا انهم مايعرفون خلدوه ، واللي كانت رفيجتهم من ايام المتوسط ..

من غير مقدمات اتفقوا على شعور واحد ، خلدوه فيها شى متغير ومنكسر ..

خلدوه ياما تحملت كل اللي ارتبط فيهم طلال
لكن هالمره غير ، هالمره جرحها ، وعورها عشان انسانه ماعرفهااا ..

كانت تبي ترد اعتبارها ، ويحس فيها ، بس اختارت الطريقه الغلط .

يمكن طلال جرحها ، بس بتصرفها راح تؤذي روحها اكثر ..

الحب محد يكرهه ، وكلنا محتاجينه ماننكر ، لكن مو بالصوره اللي اتخذوها البويات والليديات .
محد يمنعج تحبين رفيجتج ، وتكون لها مكانه خاصه بقلبج موعيب ، لكن العيب لما تصير هالمكانه شاذه ومقززه .

الحب الصح عمره ماكان بالشهوات والغرائز ..
الحب الحلو لما نحتاج احد نبجي على صدره ويفتح احضانه لنا ويسمعنا من غير مايشعر بالملل لما نشتكي له ، ويخفف عنا من غير ماياخذ منا مقابــــل ...

الله خلقنا لسبب ، وخلق كل بنت لانها بنت ، وكل ولد لانه ولد ..
منو احنا حتى نغير في خلقتنا ...
وعلى منو نضحك ، ترى مانضحك الا على انفسنا ...

باجر في القبر ، منو بيساعدج ؟؟؟؟

بويتج ، ليديتج ، والا الشاب اللي خذيتي رقمه ..

تخيلوا المنظر ، دقايق غمضوا عيونكم ،، وتخيلوا انه ماعاد في باجر ، وانج الحين في القبر ..

ماتحملتوا مشاكل الدنيا ،، فما بالكم بعذاب القبر ​

 

[Lilly - KSA]

الحين عرفنا ان دلال بويه ويسمونها طلال
بس جسوم وحمود بويات بعد؟
ووش اساميهم
وبصراحه تراني انقرفت من وضعهم
بس كنت اقراها بالدوام وحبيت اكملها
كملي يازقرتيه مدري ليه حسيتك بويه انتي بعد
امزح معتس

 

[زقرتيه الديره]

طلال يدق على خلدوه ...
ويتنك ، ويتنك ، ويتنك
طلال يسأل نفسه ليش تسوي جذي ؟!
كل هذا لاني خانقتها !!
ياما تهاوشنا وجدام الناس ، اشمعنى هالمره !!
ليش احس تبي تعاقبني

رجع يتصل وماكان ويتنك بس ماترد ..
دز مسج ابيج ضروري
ودزت له انا طالعه مع حبيبي مع فاضيه الحين
طلال انقهر شفيها هذي
ودز لها مشكوره ماقصرتي
وردت عليه العفو حبي
طلال استغفرالله


شلة مضاوي بالكافتريا

نوف : ترى الشى مايسوى حتى تزعلين
مضاوي : مازعلت بس ماخذه بخاطري
نوف : انتي غاليه على
مضاوي : واضح والدليل حقرتي اتصالي اكثر من مره ، عمرج ماسويتيها يانوف
نوف : خلاص عاد موجدامهم
مضاوي : اوك خلاص

غدير : عادي يامضاوي انتي اللي شوى حساسه
امل : دام نوف عملت حسابج وجت تراضيج خلاص
مشاعل : خلاص غيروا الموضوع


مضاوي لــ نوف : شلونهم معاج
نوف : زينين مافيهم شى ، ليش حاطه ببالج انهم موزينين معاى !!!
مضاوي : خالتي تقول حق امي كل شى
نوف : شنو كل شى ؟؟
مضاوي : اللي يسويه معاج سيف
نوف سكتت وبينها وبين نفسها قالت يعني امي عاجبها اللي يسويه فيني حتى تنشره لــ خالتي
مضاوي : ليش سكتي ؟
نوف : انا اللي قاعده جدامج واقول لج ماكو شى
مضاوي : انا مثل اختج قبل اكون بنت خالتج ورفيجتج ومحد بيخاف عليج مثلي ، وكلنا نحتاج نفتح قلبنا حق احد
نوف : ادري بس صج ماكو شى
مضاوي : براحتج​

 

[زقرتيه الديره]

دق فون نوف : انا بالكافتريا ، اوك باى
مضاوي : منو ؟؟
نوف : رفيجتي

بعد دقايق من المكالمه دلال عند طاولة شلة مضاوي
دلال : السلام عليكم
شلة مضاوي ومضاوي مستغربين وموعاجبهم : وعليكم السلام

دلال : ها نوف نمشي
نوف : يلا
مضاوي والشرار بعيونها : وين تمشين ؟
نوف : بروح مع رفيجتي
دلال تنرفزت من نظرات شلة مضاوي : انطرج عند باب الكافتريا
مضاوي : منو هالبويه وليش متعرفه عليها ؟
مشاعل : نوف الله يهداج
نوف : شفيكم البنت مافيها شى
امل : اللي تسوينه شبهه ترا

مضاوي : زين جذي تسوى عليج
نوف : البنت مافيها شى وزينه
مضاوي : زينه !!!! تذكري عمر هالصداقات ماتنتهي على خير
نوف : لا راح تنتهي على خير

نوف قامت وراحت لــ دلال اللي تنطرها عند باب الكافتريا

دلال معصبه
نوف : شفيج
دلال : موعاجبتهم والا شنو
نوف : مومهم تعجبينهم
دلال : يعني المهم شنو ، اني اعجبج مو ؟
نوف : مممم مدري
دلال : " مدري " ياحلوها
نوف : لووووووول
دلال : يابوى

دق فون دلال سولفت شوى وسدته
نوف : منو
دلال : رفيجتي
نوف : مثلج
دلال : تقصدين بويه
نوف : اى
دلال: اى بويه بدويه

نوف ليش جذي هالشى انتشر بين بناتنا
دلال: لاتعليق

بس ماتدري دلال ونوف انه الزين والشين موجود في كل مكان ماله علاقه لا في بدو ولا حضر .
اذا كانت نوف ودلال مثلوا صوره مو حلوه عنهم

في هناك حضر وبدو صورتهم حلوووووووووووووه وناصعه ، ولو خليت خربت

والخير والشر بكل مكان مومحتكر عند ناس معينه ...

***********

دلال : شرايج نطلع برا الكليه
نوف : لا شنو برا الكليه
دلال : شفيج انتي معاى طالعه
نوف : اخاف احد يشوفنا
دلال : منو يعني ؟؟
نوف : أى احد

دلال : حبي انتي طالعه معاى مو مع صبى ، واحنا وين بنروح نتمشى شوى وبوقت المحاضره بنرجع ، والا اطلع مع غيرج​

 

[زقرتيه الديره]

نوف حست بالغيره : شنو مع غيري ، لاطبعا
دلال : فديت المعصبين ، عادي موانا رفيجتج على قولتج
نوف تخسبقت : اى طبعا رفيجتي
دلال : خلاص عيل
نوف : شنو اللي خلاص
دلال : ادق على وحده من رفيجاتي
نوف : قلت لا
دلال تضحك : يبه كيفي انا
نوف : موكيفج
دلال : اروح فيها جذي
نوف : لاتتكلمين معاى بهالطريقه

دلال قربت من نوف وايد وايد ، وقالت شلون تبيني اكلمج عيل
نوف بخوف : دلال شفيج
دلال : ها ... سوري

نوف : انا بروح لرفيجاتي
دلال بزعل : اوك
نوف : شنو
دلال: اوك شقلت انا
نوف : خلاص اروح معاج
دلال : اى جذي حبيبتي

نوف : سيارتج هذي يبيلي سلم عشان اركبها
دلال : ليش السلم وانا موجوده
نوف : لا شنو انتي موجوده
دلال : لووووووول فديتها ، والحين وين تبين اقز فيج ؟

نوف : مابي تقزين كلها فره ورادين
دلال : انشالله عمتي
نوف : لوووووووول

وبوقت محاضراتهم وصلوا الكليه وكل وحده فيهم راحت لـــ لمحاضرتها​

 

[زقرتيه الديره]

بعد الكليه اجتمعوا كل الشله ماعدا خلدوه وطلعوا يتمشوووون ....

حمود : انا قررت وابي رايكم
الشله : خير شنووو ؟؟
حمود : وهالقرار بيفرح على فكره بنات وايد
طلال : ياسلام
فروحه : الله يستر

حمود : بما اني قاسي وايد على البنات
الشله يطالعونه بنص عين : اى

حمود : وشفت انه القسوه اللي انا فيها ، هذا غير غروري منحش البنات مني

فروحه : ياقاسي ياانته

حمود : جود انا اقرر
فروحه : لايطيح السقف بس

طلال وجسوم حاطين ايدهم على راسهم ينطرون القرار

حمود : قررت اكون اخيرا حنون عليهم ، كافي قسوه عاد وغرور ، وموماخذين من الدنيا غير المعامله الزينه للناس ، وانا بعاملهم زين وامري لله

فروحه شمرت عن جمومها : هــــدونـــي عليــــه

طلال وجسوم ماسكينها من خصرها ، وترافس بريلها تبي تطق حمود

فروحه لــ حمود : انت جربت هذا على دماغك
حمود بغباء : الحقيقه لا

فروحه : بتجربه اليوم على ايدي
حمود بغباء اكثر : شلون بتجربين فيني من غير لاتشاوريني !!!!

فروحه خنقتها العبره منه ، وليلحين ماسكينها جسوم وطلال : اقول لكم هـــــدوني عليه ، هــدوني عليه ، والناس من متى يشاورونهم اذا بيدوسون بطنهم !!

حمود : انا كله يشاوروني
فروحه : قتلكم هـــدوني عليه ذابحته ذابحته
ورجعت فروحه ترافس بريولها بطقه ..

جسوم لــ فروحه : طول بالك يابـو الشباب

طلال يكلم نفسه بصوت عالي : يننها حسبي الله عليه يننها ...​

 

[زقرتيه الديره]

الثلاثاء بالمنتزه ، في اليوم المخصص للنساء

فروحه : منو الحلو اللي يحط لي تان
حمود : قلبي ويهج
فروحه : جب حمود
حمود : انشالله

جسوم ل طلال : شفيك شايل الدنيا على راسك !!

طلال : ياجسوم انا مومرتاح للي قاعده تسويه خلدوه
جسوم : كلنا مومرتاحين ، بس مابيدنا شى

طلال: لازم نعرف منو هالبويه ، مويمكن تكون انسانه موزينه
جسوم : معاك حق ، ومهما كان خلدوه رفيجتنا
طلال : وهذا اللي بقوله .

فروحه لـ حمود : تدري دايم اقول محد نفسك
حمود : اكيد لمحتي بويه ، خلصيني شنو تبيني اسوي
فروحه : فديتك فاهمني ، شوف جنك ماتدري دزني على البويه هذيج الحلوه ، وانا جني ماادري واطيح عليها ..

حمود : وبعدين !!
فروحه : عاد انا ابجي نظام رقيقه وتأثرت بالدزه
حمود : كلش موجنه امس ماكله اخووج يالرقيقه
فروحه : جب حمود
حمود : انشالله

بعد تنفيذ الخطه بدقائق ارجعوا مكفوخين ، وقد كانت محاوله فاشله ومكشوفه
حمود انطق من البويات ، وفروحه من الليديات​

 

[زقرتيه الديره]

شرايكم بالقصه لحد الحين
وفديتكم مراح اتأخر بالبارتات والقصه موطويله وايد

 

[بنتq8]

كملي حبوبه متاابعينج القصه حلوة

 

[love life]

اتينن
ماشالله وايد حلوة
مندمجة مابي القصة تخلص

 

[زقرتيه الديره]

لووووول الله يسامحج ياليلى شكو انا بويه

انا شيخة البنات افا عليج

 

[زقرتيه الديره]

خلدوه يت ومعاها البويه ، وكانت شلتها مومتوقعه حضورها معاها ..

خلدوه : اعرفكم على فهد
طلال ساكت ومويايز له الوضع

فهد : اخيرا شفنا شلتج
خلدوه وواضح عليها موفرحانه : اى اخيرا

كل الشله مارتاحوا ل فهد
واول ماقعد ولع بزقارته

طلال زاد عدم ارتياحه ونفس الحال ل جسوم وحمود وفروحه

فهد : اخليكم الحين
خلدوه : اوك بينا فون حبيبي
فهد : اكيد حياتي

طلال حاط ايده على حلجه وسرحان
وخلدوه كانت تطالع ردت فعل طلال ، وقالت بنفسها : شكله تضايق وحست بلذة النصر ، هذا اللي ابيه

جسوم : خلدوه انا كلش مومرتاح من هذا اللي اسمه فهد
فروحه : شنو تعرفين عنه ياخلدوه
خلدوه : اعرف عنه اللي يكفيني
حمود : موشايفه انه اسبوعين مده قصيره حتى ترتبطين فيها

فروحه : انا حـــره
طلال : منو قال انج حره

فروحه تضحك لكن ضحكة قهر : ومنو عاد انته !!

طلال : الحين صرت منو انا ، الله يالدنيا
انا اللي يخاف عليج اكثر من روحج

خلدوه : وبعد
طلال : ويبيج احسن الناس
خلدوه : وبعد
طلال : يحبج ، يحب لج الخير
خلدوه : .......

فروحه : كلنا نبي لج الخير ، وماكو شى يستاهل وانتي فاهمتني

التفت خلدوه على فروحه وفروحه نزلت عيونها عنها

خلدوه : انا بروح احس نفسي مخنوقه
طلال : اروح معاج
خلدوه : الا انت
طلال : ليش
خلدوه واهى تحرك جتوفها : بس جذي

خلدوه كانت محتاجه طلال بس شنقول عن الكرامه وماتسوي​

 

[زقرتيه الديره]

حمود : طلال ترى خلدوه تحبك
فروحه : حمووووووود
جسوم : كمل لاتسكت
حمود : انا فهمت وانت مافهمت

طلال مصدوم

جسوم : اى تحبك
فروحه : اى ياطلال

طلال : انتو تخربطون ، هذي خلدوه رفيجتي شفيكم انتوووووو

فروحه : ندري بس هذا الصج

طلال : وانا اخر من يعلم

جسوم : كلنا درينا متأخر موبروحك
حمود : انا من نفسي حسيت كان واضح

فروحه : انا خايفه عليها ، الله يخليك ياطلال لاتخليها

طلال : بس انا وياها ربع
جسوم : عاد تحبك

حمود : مايمنع تراعي مشاعرها لو ماتحس ناحيتها بشى

طلال : جذي بشيل ذنبها وانا مااحبها
فروحه : اكثر من ذنوبنا ياطلال

جسوم : روح لها حسسها باهتمامك ، خلدوه قاعده تتصرف من غير عقلها ، وانا مومرتاح كلش من هالفهد

طلال : ولاانا

​

 

[زقرتيه الديره]

طلال يتصل على خلدوه وشايل همه وساكت

خلدوه : هلا طلال
طلال : احبــج
خلدوه من الفرحه : شقلت
طلال : احبج ، ماتحبيني
خلدوه : اموووووووووت فيك

طلال : عيل ممكن طلب صغيرون
خلدوه : وكبير لوتحب
طلال : مشتاق اقعد معاج
خلدوه : موكثري وربي

وتغيرت نفسية ومزاج خلدوووه 360 درجه

وعلى طوووووول شغلت اقرب واحب اغنيه لقلبها " الطير " للجسمي وصارت ترقص عليها

سكر الفون طلال وشعر بالحزن لانه لعب باحساس خلدووه

دق على الشله ووصاهم مايقولون لها انه درى انها تحبـــــه !!!!

والشله طبعا مستحيل بيقولون لانه خلدوه تهمهم

***********
في بيت خلدوه

طلال طول اليوم قاعد مع خلدوه ومافارقها ،،
وكانت نايمه على صدره ، وكشفت لها عن كل مشاعرها ، وكانت مشاعرها صدمه ورى صدمه بالنسبه ل طلال
شى ماتوقعه ولازم يبادلهم

*****

نوف تتصل على طلال وخلدوه يمه​

 

[زقرتيه الديره]

نوف تتصل على طلال ،وتخربط طلال وكان واضح عليه

خلدوه : منو متصل ؟؟

طلال : رفيجي مالي خلق ارد

خلدوه : اى لاترد ، مووقته

طلال مرتبك : اى اى عدل مووقته ، حبي عطشان ممكن ماى ؟

خلدوه : من عيوني غلاتي
طلال : تسلم عيونج

طلال على طول دق على نوف
نوف : اول مره تسوينها ماتدقين ولاتردين على
طلال : سوري نوف انشغلت شوى
نوف : ممم نوف حاف ، بالعاده ياقلبي ياعمري
طلال : سوري ياقلبي راح اتصل شوى
نوف : براحتج


خلدوه : جني سمعتك تتكلم بالفون
طلال متخربط : اى ، مورفيجي حرقني قلت ارد عليه احسن
خلدوه : شيبي ؟؟
طلال : ها ,,, اى صح شيبي ، ابد يسأل ويني وجذي
خلدوه : اها
طلال : وين الماى قلبي
خلدوه : كاهو جدامك
طلال : سوري يا " نوف " ماانتبهت

خلدوه : يا" نوف " !!!!
طلال بلع ريجه بعد الماى : نوف اى نوف
خلدوه : نوف المنقبه
طلال : انا قلت نووف
خلدوه : لانها في بالك الحين غلطت باسمها
طلال : لا ياحبي ، عشان خاطري انسي

خلدوه لانها تحبه بتنسى كل شى حتى تكون معاه ......​

 

[زقرتيه الديره]

نوف لامه ريولها على صدرها وقاعده على فراشها ، سمعت صوت احد عندها ، دلال ماكانت بروحها ...

امبلا سمعت ، اهى معاها مع هذي اللي تحب دلال ، ومن دون شعور ضغطت نوف بيدها على فراشهااااااا

" كل شى احبه اتوقع ضياعه " هالجمله قالوهاااا ، وحيل قريبه مني ........

ماتحملت نوف اكثر رجعت تتصل بس كان مغلق جهاز دلال ...
حست من القهر بتموووووووت

**************

خلدوه اسفه ياطلال ، ماكان قصدي كل شى يصير بسرعه ..

طلال انا اللي اسف صح احبج بس الحين مااقدر خلدوه
خلدوه تحبني وماتبي
طلال تكفين فهميني

خلدوه قامت وقالت كيفك

****************​

 

[Lilly - KSA]

لاتزعلين
مزوووح تجي وتروح
بس كذا اهبل فيك من النك حقك
بس ماقلتي حمود وجسوم بويات ولا هم شباب صدق
واذا هم بويات ابي اعرف اساميهم البناتيه

 

[زقرتيه الديره]

محاضره الاحد

ودلال لها يومين ماكلمت نوف ولاترد على اتصالاتهاااااا

نوف تحتضن كتبها وداشه القاعه مالقت دلال والدنيا ضاقت فيها ، ماسمعت صوتها ولاشفتها ، يعني صاير فيها ..

لكن دلال مافيها شى وهذه دشت مع شلتها القاعه وطالعت نوف ، نوف كانت بتقوم تروح ل دلال بس شافت خلدوه ورى دلال ورجعت مكانها قعدت ..

دلال مرت من صوب نوف وراحت تقعد مع شلتها .
نوف عيونهم بالارض تسأل شفيهاااا !!


بعد ماانتهت المحاضره

خلدوه تعمدت تحضن طلال جدام نوف وقالت له بصوت مسموع مو بس انت تحبني انا احبك اكثر ..

نوف تأكدت محد يسوى نزعل عشاااانه
والحب ماعاد موجود بينا ، كانت دلال حلم بالنسبه ل نوف وصار موعد انها من هالحلم تقعد ,,

ياما ناس مروا بحياتنا وكانوا اقرب الاشخاص ،وكانت اسرارنا مع بعض ، وعشنا معاهم لحظات حلوه ، ومع مرور الزمن صاروا هالاشخاص ذكرى ، بعضهم ننساهم ، وبعض من حين الى حين عالبال يخطرووون

محد يبقى معانا على طووووووول ....

هالشى لازم كلنا نفهمه ، لاتصدق من يقولك مااقدر انساااك ، لو مانساك طيب ، الحياه بتنسيه غصب ..

كل انسان في حياتنا يظل معانا مرحله ويرحل
، وتيي مرحله يديده وناس غير ...

جم ناس وربع كانوا بحياتنا ، والحين هم ووووين !!!!!!

ماندري عنهم شى ، ولايدرون عنا

عاااااادي الفراق معانا كل يوم قاعد يصير ، بس لاتزعل منه ، لانك بتنسى وبتعيش حياتك

محد يدوم لك .. واللي معاك اليوم ،، لاتضمن وجوده باجر​

 

[زقرتيه الديره]

في غرفة طلال

طلال بيده كره صغيره يحذفها على الطوفه وترجع لها

ام دلال : دلال يمه
دلال : هلا
ام دلال : شفيج ياحبيبتي
دلال : سلامتج
ام دلال : شاللي مضايقج
دلال : ضيقه بس
ام دلال : قومي صلي لج ركعتين وبترتاحين
دلال : يمــــــــه
ام دلال : هلا
دلال : بالصلاه الواحد يرتاح صح ؟
ام دلال : اللي ملتزم فيها بيرتاح ، لكن للي يتذكرها لانه متضايق مراح يرتااااح

دلال : يمــــــه
ام دلال : شفيج يادلول
دلال : ......، لا سلامتج كنت بقولج سكري الباب وراج

دلال كانت بتصارح امها عن اللي معذبها وانها ضايعه بس الكلام اقوى من انه ينقال بسهوله

********

دلال تتصل على نوف

نوف ماصدقت هذي دلال رجعت تتصل

نوف : نعم
دلال : محتاج لج

وللاسف صارت نوف تكلمه انه بويه ودلال صارت تتكلم انها بويه معاها

دلال : ممكن تيين عندي
نوف : مراح اقدر
دلال : تكفين نوف ، خلاص مراح احرجج
نوف : والله مراح اقدر ، باجر بالكليه اروح معاج وين ماتبين

دلال : اكيد يانوف
نوف : اى


في الكليه

طلال تهرب من شلته وبالسر خذى نوف وراح معاها بيته
نوف : مراح نطول ياطلال
طلال كان سااااكت
نوف : طلال
طلال : ,,,,,,
نوف : دلال شفيج
طلال : مافيني شى


طلال من سوء حظ نوف كان يمر بحاله نفسيه سيئه سالفه خلدوه وطلباتها اللي موقادر يسويها لانها رفيجته ، والتغيير في علاقته مع خلدوه من رفيجه الى حبيبه دون رغبته

وفوق كل هذا صراعه مع نفسه واهو اللي مومرتاح من وضعه

طلال : البيت مافيه احد لاتحاتين
نوف : خير ياطير لو فيه احد شالمشكله
طلال : ماعلق

نوف خوفها زاد ولاول مره تحس انها مو دلال اللي تعرفها

نوف برعشه : هذي غرفتج
طلال : اى
نوف : دلال شفيج قاعده تخوفيني منج
طلال يقرب من نوف
نوف : دلالـــــــــــــــ
دلال : اوووووووووووووش ولاكلمه تفهمين


*********​