البويه والمنقبه

[زقرتيه الديره]

طلال : خرعتيني ليش سديتيه ؟
نوف كانت تبجي
طلال : تحجي شفيج
نوف : بــ ....و ،،،،ي ،،،، ه
طلال : موقاعد افهم منج شى ، انتي وينج ؟
نوف : بالحمام اللي يم قاعتي 115
طلال : كاني ياي

***
فهد ل خلدوه : تدرين كنت راح اهون
خلدوه باستغراب : شحقه !!!
فهد : ماقلتي لي انها وايد حلوه
خلدوه معصبه :خير ياطير حلوه

فهد : اوه اوه بدينا بالغيره
.. مايدري انها صج غارت بس مو عليه ..

****
طلال : واضحه مايبيلها تفسير ، البويه فهد واللي دازته خلدوه
نوف : انا خايفه على نفسي
طلال : مايقدر يسوي شى
نوف : تضمن هالشى ؟؟
طلال : ماني مستعد اغامر فيج ، بس سمعي تعودي لاتيين صوب شلتي ، خليني انا اييج
وحتى لوشفتيني لاتيين فاهمه
نوف : انشالله
طلال : وهالفهد ان ماخليته يتحسف
نوف : عشاني لاتتهاوش معاه عشاني حلفتك
طلال : تبيني اسكت
نوف : عشاني طلال

طلال : لازم اوقف خلدوه عند حدها ، وماكو شى غصب ، واذا راعيت مشاعرها مومعناه اغفر لها تصرفاتها الغبيه

***
يتصل على خلدوه

خلدوه : هلا طلال
طلال : من متى صرتي زعيمة عصابه
خلدوه : مممم موفاهمه
طلال :انتي فاهمه عدل ، لاتخربين اللي بينا خلدوه
خلدوه : واهو بعده مااخترب
طلال : الحجي ضايع معاج ، ونوف لوصار فيها شى لاتظنين بسكت او اسامحج

خلدوه ماتت مليون مره : خايف عليها
طلال : واحبها يكون بعلمج

خلدوه ودموعها تنزل : صرت تقولها اشكره
طلال : لازم ابطها بويهج حتى تصحين من الوهم ، اسلوب اداريج ماينفع

وانتهت المكالمه ، وخلدوه حذفت فونها على الطوفه وتكسر مليوون قطعه​

 

[زقرتيه الديره]

ارتباط حمود

فروحه : منو المقروده ؟؟
حمود : قصدج المحظوظه فيني

فروحه : بالضبط
حمود : اسمها ملاك واهى ملاك
فروحه : ليش عندي احساس العكس

حمود : ويت اتصل عليها
فروحه : عشتوووووووو

وبعد ماانتهى من المكالمه

حمود : ااااخ يافروحه
فروحه : سلامتك من الاخ شفيك يمه

حمود : صج الزين مايكمل
فروحه : ليش يمه ؟

حمود : تصدقين مافهمت منها ولاكلمه لدرجه خنقتني العبره
فروحه : لووووول ليش عاد

حمود : سريعه بالحجي موقادر امسك جمله
فروحه : وانت يعني الكامل اسم الله عليك

حمود : انا اصلا لااقدر بثمن
فروحه : اى صح انته ولابيزه

وفروحه كانت تقول بداخلها فعلا ملاك محظوظه فيك لانك وايد طيب وبيبي​

 

[زقرتيه الديره]

مضاوي ونوف في ساحة الكليه

مضاوي : صرتي تجذبين
نوف : بشنو جذبت

مضاوي : البويه شخبارها
نوف : شدراني

مضاوي : تحلفين ماتدرين عنها
نوف بعصبيه : انا ماذكر سمحت لج تتدخلين بحياتي
مضاوي : كلمتج قويه
نوف : انتي اللي جبرتيني

مضاوي : انتي عبالج لما تغثيني بكلامج بزعل واخليج على كيفج
نوف : شنو يعني على كيفي ، شنو تقصدين ؟؟

مضاوي : اعتقد تخافين الله
نوف : كلنا نخاف الله

مضاوي : واللي تسوينه شنو !!!
نوف :,,,,,,
مضاوي : لاتتساهلين الموضوع
نوف : البنت تحبني وانا احبها

مضاوي : والصدمه بعيونها : شالخرابيط
نوف ترقع : مثل مااحبج والا انا اكرهج يعني

مضاوي : والله وتعلمتي تلفين وتدورين
نوف :،،،،،،،،
مضاوي : اهى كلمه وحده هالبنت تقطعين علاقتج فيها
نوف : مراح اقطع علاقتي فيها

مضاوي : نوف انا موقاعده اطلب منج
نوف : انتي موولية امري

مضاوي : لاتخليني اقلب على وجهي الثاني معاج
نوف بنرفزه : انا بروح تبين شى ؟؟
مضاوي : ماخلصت كلامي
نوف : مومهم عندي

مضاوي : تذكري محد يضمن يومه ومحد بينفعج باجر

نوف مانطرت تسمع الجمله الاخيره من مضاوي وراحت

****​

 

[زقرتيه الديره]

انتهى الصيفي

شهر ونص وبين نوف وطلال بس فونات

وخلدوه صارت تتأقلم مع وجود فهد بحياتها
وللاسف فهد دخل خلدوه لجوه وحفلاته لماادمنت هالشى
خلدوه كانت مهتمه بدراستها ، بس الصاحب ساحب ، وفهد سحبها معاه

وشوى شوى اعجبتها هالحياه ، لانها اشغلتها عن طلال، صار السواد تحت عيونها من السهر وعدم التنظيم
حتى صار السواد مليان حياتها

***

طلال غسل ايده من خلدوه وبعدين موفاضي بزي مع نوف ، ونوف قدرت تنسيه كل الناس

حمود مع حبه اليديد

فروحه ليلحين تغازل وتنكفخ

جسوم الجنتل مازال مع حبه


****
السنه اليديده
بداية الكورس الاول

اليوم الاول
طلال : خلصيني وينج ، شهر ونص ماشفتج يالخايسه
نوف : شرايك باجر اشوفك

طلال : لاوالله اهو بكيفج
نوف : اى دايما بكيفي
طلال : يلا حياتي وينج ؟؟؟


اول ماشافها صار يلمها وماهدها
نوف : فشلتنا الكل يطالع

طلال : وين الناس ؟ اصلا ماشوف احد لاصرتي معاااااااى

نوف : عيارتك
طلال : عيار لاني احبج
نوف بدلع : اى
طلال : فديتهم انا ، ويت حبي هذي اختي الكبيره داقه على
نوف : ماكلمتني عنها
طلال : ويت قلبي

وبعد ماانتهى من مكالمته مع اخته

طلال : باك ياحبي
نوف : عمرك ماقتلي عندك اخت اكبر منك
طلال: شقول عنها اهى متزوجه ومااعجبها

نوف : لانج بويه
طلال : اى لانها حاسه اني بويه واختي هذي ملتزمه ودايما تنصحني ، بس حسافه ماطلعت عليها
نوف : ممممم

طلال : المهم ياحبي بتروحين معاى بيتنا
نوف : لا
طلال : موفاقدتني ؟
نوف : امبلا فاقدتك بس مابي اروح
طلال : عشان امي والا لسبب ثاني
نوف : الاثنين

طلال : موبكيفج بتيين معاى
نوف : مابي
طلال : نشوف منو كلامه اللي يمشي

****​

 

[زقرتيه الديره]

في بيت طلال

طلال : هلا بالحب ،نورتي بيتج ياعرووووسه
نوف : العقل يمدحونه

طلال : العقل ودعته من يوم ماشفتج
نوف : والله عيار

طلال : انا صبرت وايد رحميني عاد
نوف : والمطلوب ؟؟

طلال قرب منها وايد ، وعيونه مركزه على شفايف نوف : سلامتج
نوف رجعت لورى ورجع يسحبها له

وصارت تسمع صوت انفاسه قريبه منها

طلال حط ايده على رقبتها : تبيني ؟؟
نوف وعينها بعينه : ابيـــــك


( كانت سعادة لحظه ، وراح تتبعها ساعات وليالي ندم طويلـــــــــــــه )

***​

 

[زقرتيه الديره]

طلال ونوف بالسياره راجعين للكليه
وطول الطريج كانوا ساكتين

ماكانوا مرتاحين ، واللي يرتكب ذنب من متى يرتااح

طلال كان حاطه ايده على حنجه ويسوق وباله بعيد يفكر

ونوف كانت تطالع من دريشتها وسرحااااااااااانه

بعد ماوصلوا الكليه

طلال التفت على نوف : مستانسه ؟؟
نوف تجذب : اى عمري

والصج لااهو ولااهى مستانسين

****
كان بينزل طلال من السياره ومنعته نوف
طلال : شنو حبي
نوف : ابيك تلمني لك حيل

طلال حس في نوف لانه اهو بعد يبيها تلمه
يمكن باللمه ينسى اللي صار

***
طلال في المحاضره يفكر انا كنت ابي هالشى حيل ليش لما صار ضاق صدري

ونفس التفكير كانت تفكر فيه نوف

والاجابه عندي
لانه ابليس كان معاكم وزين الشغله بعيونكم
وانتصر عليكم والسبب قلة ايمانكم

شالفايده دام نحس بالذنب وندري انه ذنب ونكمل طريقنا فيه
اللي فعلا شاعر بارتكابه معصيه المفروض يتوب مو يقضيها تفكير بالذنب من دون فعل ايجابي​

 

[زقرتيه الديره]

خلدوه تغير كل شى فيها ماعدا الغرور اللي فيها ، كانت تمشي بروحها رايحه محاضرتها

جسوم كان اهو الوحيد اللي معاها بنفس المحاضره ، وهالشى خلى خلدوه تحس براحه شوى

مسك جسوم ايد خلدوه وسألها : شفيهم جذي ذبلانين وحتى ويهج

خلدوه بنص ابتسامه : من الدراسه
جسوم : مشتاق ل خلدوه القديمه ، ماشتقتي لايامنا مع بعض وطلعاتنا وللشله

خلدوه حز بخاطرها كلام جسوم : اكيد مشتاقه
جسوم : ترى الدنيا ماانتهت ولاواقفه على طلال

خلدوه : كل شى تقلبونه اني مسويته عشان طلال
جسوم : لانه هذا الصج
خلدوه : اهو اللي يه قال احبج مو انا ، وبعدين انا استغربت اصلا من حبه وجاملته حتى لااجرحه ، تالي خلاني

جسوم عارف كل شى وعارف انها اهى اللي تحبه : بس الموضوع كبر وتفرقنا

خلدوه : منو قال تفرقنا كاني احاجيك وتحاجيني
جسوم : سمعت انج تروحين حفلات !!
خلدووه : عادي
جسوم : حفلات عن حفلات تفرق
خلدوه : عارف شنو مشكلتك ياجسوم ؟؟

جسوم : شنووو
خلدوه : انك تنصحني وانت اول واحد محتاج للنصيحه ، على قولت المثل " تامر بالصلاه ولاتصلي"

جسوم : موبس انا محتاج للنصيحه كلنا بس انتي تماديتي بتصرفاتج
خلدوه : الله يهدينااااااااا

*******​

 

[امي الحنونه]

رد : البويه والمنقبه

نبي بآرت بلييييييز كملي

 

[زقرتيه الديره]

بعض البشر مرات مايصحون الا بصدمه

صدمه كبيره تعيد لهم مراجعة حساباتهم

لاحظوا معاى ولا واحد من شخصيات القصه مرتاح

***
نوف شنو كسبت الحين غير ضياع مستقبل
وطلال شنو كسب غير انه دمر حياته وحياة غيره

***
اشخاص مثل مضاوي واخت طلال الملتزمه لهم مستقبل وحياه مليانه خير ونجاح

بس شخصيات مثل نوف وشلة طلال كافي غضب رب العالمين

***

مر شهر على السالفه

ونوف وطلال مستمرين باللي اهما فيه ، وزيادة عدم الراحه تزيد عندهم مع كل ذنب يديد

***
في الكافتريا

نوف قاعده بالطاوله بروحها ، كان عندها بريك ، ولمحت مضاوي ورفيجتها معاها داشه الكافتريا

حن قلب نوف ل مضاوي
جرحتها بكلامي واهى اللي تبي مصلحتي
ليش جذي سويت؟؟

كان ودها تروح لها بس ماقدرت

****​

 

[زقرتيه الديره]

ومرت الاشهر وخلدوه من سهر الى سهر وحفلات

كانت هالحفلات فيها كل شى لدرجه ممكن ينخسف فيهم المكان من كثر المعاصي

خلدوه لابسه جينز وبلوزه جبنيز ضيقه ، كان محدد جسمها الحلو ورافعه شعرها

ملامح خلدوه الحاده كانت تدل عليها لانها حاده بطبعها اغلب الوقت

ام خلدوه : ماني راضيه عن اللي تسوينه
خلدوه : يمه انا مااتاخر 10 دايما اهني وطالعه مع رفيجاتي ، وين المشكله

ام خلدوه : يايمه حياتج مو حياة ، وموعشان واثقه فيج تتمادين
خلدوه : موقاعده اسوي شى غلط

ام خلدوه والهم والتعب واضح عليها:
الله يحميج يابنتي
خلدوه تضايقت حست بيصير شى بالحفله اليوم

يمه خلاص مابي اروح وانتي زعلانه

***
اليوم الثاني الظهر
وصل خبر ل خلدوه ان حفلة امس داهمتهم الشرطه ومسكوا كل اللي فيها، وهذا معناه ان الشقه كانت مراقبه من زمان

خلدوه كأنه احد صافعها على ويهه لو كنت رايحه ، شنو فضيحه بتصير ، ومروا ببالها امها ابوها اخوانها الصغار

شنو بقول لهم
عمرهم مراح يسامحوني وانا فضحتهم بين الناس

لو راحوا فيهم بسبتي امي وابوى شلون بعيش باقي عمري وانا اللي ذبحتهم

غطت ويهه وقالت من كل قلبها ياااااااااااااااااارب سامحني
يااااااااااااااااارب رحمتك وانت رحمتني
يااااااااااااارب اغفر لي

والشى الحلو انها تعلمت الدرس عدل وتلاحقت عمرها قبل لايطيح الفاس بالراس

كلنا نغلط وجذاب منو يقول ماعندي ذنوب

بس الحكمه شلون نتعلم ومانعيد الغلط

خلدوه استعادة حيويتها وارجعت احسن من اول محافظه حتى على صلاتها رغم انها قبل ماتصلي
صارت تهتم اكثر بالدراسه وتفكر بالمستقبل والوظيفه والزواج

وابتعدت عن السخافات القديمه

وغيرت نظرتها الى طلال وصارت تعتبره رفيجتها وبس
حتى صارت تناديه باسمها الصجي دلال

كل الشله افرحوا ل خلدوه هالتغيير
وفي نفس كل واحد من الشله فكرة التغيير وارده

انشالله عاد يتغيرون معاها

وهذا اللي بنعرفه

****​

 

[زقرتيه الديره]

نوف وطلال ظلوا مرتبطين 4 سنين ، ويوم بعد يوم صاروا مايستغنون عن بعض

طلال كان يسأل نوف اذا ندمت انها عرفته وكان الجواب اى

والسبب انه صار كل شى بالنسبه لها وخايفه تفقده
واهو بعد كان خايف يفقدهااا


خلدوه ظلت مع شلتهاماتقدر تبتعد عنهم ، رغم انها تغيرت للاحسن
وطلال مازال مع شلته بطلعاتهم وقزهم

حمود مازال بالعبط
وفروحه عايشه الدنيا تسليه
وجسوم مازال الشخص اللي تعتمد عليه ويفهمك

***

ملجــة نــوف

جن جنون طلال : وانتي موافقه ؟؟؟
نوف تبجي : هالمره مراح اقدر ارفض

طلال : ليش ماتقدرين
نوف : هالمره شنو عذري وانا خلاص بتخرج بعد جم شهر ، واللي خاطبني مافيه عيوب

طلال : انتي مستوعبه مراح نكون نفس اول بياخذج عني
نوف : محد يقدر ياخذني عنك غير الموت ، صدقني ياطلال مراح يتغير شى

طلال : تبين تذبحيني : عادي عندج تكونين مع غيري ،ويلمسج ( قالها بقهر وعصبيه )
نوف : هذا مصير كل بنت الزواج

طلال : موكلنا يانوف
نوف : طلال افهم مابيدي شى هالمره ، شنو عذري لاهلي
طلال نزل راسه وقال : ياليت اذيتج واحنا نمارس علاقتنا جان غصب عنج رفضتي
نوف بعتب : وعادي عندك فضيحتي !!

طلال : مراح ارد عليج ، لانج ماتستاهلين يانوف ، والظاهر مليتي ، ومقزرتها على

نوف : ترى كلامك يجرح ، وانت تدري عن كل اللي خطبوني ورفضتهم السنين اللي فاتت، وكانوا من احسن الناس وتحججت بالدراسه ، وكان هذا عشانك لاني احبك

طلال : ليلحين تقدرين ترفضين
نوف : اقص عليك لو قلت اقدر ، وكلها جم شهر واتخرج

طلال : عيل من الحين عوديني على غيابج
نوف : لاتصعب الشى على ، انا محتاجتك اكثر من اول ، ومحتاجه كل دقيقه معاك

طلال بحزن : راح تتغيرين بعد الزواج ادري
نوف : احلف لك مراح اتغير ومستحيل احبه وقلبي معاك


طلال كان يدري انها بتفارقه وندم انه علق قلبه مع انسانه متوقع فراقها بيوم من الاياااااام

"" ولاتعلق قلبك الا بالله ""​

 

[زقرتيه الديره]

الاحداث اليايه هلى الاحداث ماقبل الاخيره
وراح يصير حدث بيغير اشياء وايد

**
عطلة الربيع

الكل مستعد للاجازه ، ونوف تستغل كل لحظه تعيشها مع طلال وطلال نفس الشى

وصارت نوف تطلع مع طلال وتحصل طق من اخوها على طلعاتها المتكرره بس مايهمها

لانها تدري مستحيل يطلعها من الكليه ومابقى على تخرجها وزواجها شى
وثانيا شنو بيقول لزوجها ليش طلعها من الكليه

ونوف مستغله هالشى وصارت ماتفارق طلال

***

كل واحد من الشله طلع مع اهله للبر والشاليهات ، وبينهم فونات ومسن

كان الجو روعه للكل والكل مستانس

وطلال كان يحسب العد التنازلي لزواج نوف لانها بتتزوج اول ماتخرج

***
فروحه تحاجي بويتها :واى ملل
بويتها : ياليت شاليهنا يمكم جان كل يوم عندج

فروحه : ماكووو شغل
بويتها : افا ماتبيني

فروحه : ابيج ، بس موكل يوم عاد ، خليني اشتاق لج

فروحه نظامها بسرعه تمل وماتحب الارتباط يطول

****

وفاة حمود

حمود بالقيات لاحق امه وامه المسكينه تركض منحاشه
ابوه يبي يوقفه ، خلى امه وصار يلحق ابووه

ام حمود : حنين ويهد

حمود لاحياة لمن تنادي

حتى عمال الشاليه ماخلاهم بحالهم
ولما عفس الشاليه كله

نزل من البقى وقال : عسى بس ماازعجتكم !!!​

 

[زقرتيه الديره]

كل عايلة حمود متيمعه عند الدوه شابين هالفحم ويشووون وضحك ووناسه

وحمود قاعد مع بنات عمته وخالاته
ذبحهم بالتقليد صار يقلد كل وحده فيهم حتى امه قلدها ، غشوا من الضحك عليه
واهو كان محلي القعده

حمود دق على ابوه اذا بتيي علمني عشان انحاش
ابوه ضحك وسد الفون منه
والسبب انه لاحقه بالبقى

وطالع حمود امه وقال : والله ريلج خطير بالجري ، لومطول معاه جان خذاها قفز

ام حمود : لووووووول يوزي

وبعد السهر الكل راح ينام وام حمود طفواا الدوه موتنسون ماعدا حمود مايبي ينام

كان يم الدوه مافيه نوم وكان البرد شديد انسدح وغلبه النوووم

وبسبب دخان الفحم والمكان مسكر مات حمود واهو نايم

والصبح اهله دروا عنه وكانت المصيبه

مات اكثر انسان طيب ومينون
مات بعمر 22 سنه​

 

[زقرتيه الديره]

كانت صدمه كبيره لشلته شلته اللي ماتفارقوا من ايام المتوسطه

الكل انهار
طلال وجسوم وخلدوه وفروحه

مشهد انهيارهم كان صعب وماكو قلب يتحمله

فروحه تمسك جسوم : مامات
جسوم ماسكها ومنهار

طلال مغطي ويهه ومنهار بجي بروحه

وخلدوه منهاره : لا مااصدق مراح اشوووووفه مره ثانيه

فروحه : حمود هذي دقه منه حمود شلون يروح من غير ماودعه

ابيه يزعجني واوعده مراح اقول له جب حمووود

لايروح جذي

********

بعد اسبوع من وفاة حمود

الشله متيمعه وكانوا يتكلمون عنه وعيونهم غرقانه دموووع

خلدوه : تذكرون بأيام الثانويه لما تأخرنا على الحصه ، ودشينا كلنا الصف من غير الابله ماتشوفنا
الا حمود كشفته وعبالها انه اهو المتأخر واحنا طلعنا منها وقعدنا نضحك عليه وعاقبته

الشله بابتسامه ودموعهم تنزل :اى نذكر

جسوم : وتذكرون لما سرقت منه بالمدرسه الككاو اللي يحبه وقعد يدور عليه
وكان يقول والله حاطه بالجنطه
ولما شافته الابله يسولف قالت له قومي حنين وقفي عند الزباله وطالعي الزباله عقابا لج
ولما قام وطالع الزباله ولقى قرطاس الككاو ماله وقال بصوت عالي ككاوي كاهوووووو

وماتوا من الضحك كل الصف عليه بما فيهم الابله

الشله : اى نذكر

فروحه انتبهوا عليها شلتها كل شوى تتصل وترجع تتصل

خلدوه :على منو تتصلين ؟؟

فروحه ماترد

خلدوه : فرووووووحه
فروحه : هاااااا

خلدوه : على منو قاعده تتصلين
فروحه : مغلق خلدوه مغلق

خلدوه : شنو اهو اللي مغلق
فروحه تبجي : ادق بس يعطي الجهاز مغلق او خارج منطقة التغطيه

خلدوه قامت وراحت ل فروحه

خذت خلدوه الفون من فروحه وشافت على منو كانت تتصل عليه

تدرون على منووووو

كانت تتصل على حموووووود

خلدوه راحت ركضت للحمام وسكرت على روحها تبجي

جسوم وطلال انهاروا اكثررررررر​

 

[زقرتيه الديره]

كان حمود مزعج في حياته بس لما رحل عن هالدنيا رحل بهدوء

**
موت حمود خلى فروحه تتبدل ، شافت الدنيا ماله امان ومافيها خير

كانت قاعده وتسمع "فقدتك" للجسمي وتتذكر اعز انسان " حمود المزعج "
حمود اللي لايمكن تنســـاه

ترك فراغ كبير لها فراغ ماينسد الا برجوعها لربها والتكفير عن ذنوبها وذنوبه

لانها تحبه تبيه مرتاح في قبره تبي تسوي شى يساعده في وقت الحساب

" ياقبر لوتدري عقبها بحالي
حلفت ماتاخذه مني وتخفيه "

فروحه مثل ماودعت حمود اللي مراح تلتقي فيه مره ثانيه ، ودعت معاه ايام اللهووو

صارت انسانه قريبه من ربها تحجبت واشتركت في الانديه والمراكز الدينيه وصارت مساعده للداعيات

وسوت حمله دينيه بعنوان " حنين " بمساعدة الداعيه يلقون فيها محاضراتها بالمدارس

فروحه تغيرت صج من الداخل صارت اكثر قرب من ربها موت حمود اللي وصلها ل جذي

وقامت بأعمال خير من صدقات وكفالة يتيم وخلت اجرها ل حمود او حنين

وقطعت عهد على نفسها بس تشتغل ويكون لها دخل ثابت بتسوي مركز اجتماعي ديني خاص وبتسميه مركز حنين

وشوى شوى انفصلت فروحه عن شلتهااا​

 

[زقرتيه الديره]

مرور 8 شهور على موت حمود

***
نوف : ابي تكلمني للصبح
طلال : باجر زواجج

نوف : ابي اكلمك اليوم كله بشبع منك
طلال : تذكري احبج

نوف : عمري مراااح انسى ليش خايف
طلال : بس تذكري

**
تزوجت نوف وتخرجوا الكل بما فيهم نوف
وكانت نوف على وعدها ل طلال واستمرت تكلمه وماانشغلت عنه

بس مع مرور الاشهر والاشهر صارت تتهرب من طلال
هالحب الكبير تلاشى
حبت زوجها حب نساهاااا فيه طلال

وطلال درى ماكو شى يدوم حتى نوف

انسحب من حياتها ومارجع يتصل ولااهى رجعت تتصل عليه

وانطوت صفحة نوف من قلب طلال
ونوف نست طلال

نسيتي اسعد ايامك
وانا اللي كل من لامك في حبي
قلت ياويله
فمان الشوق لورحتي
فمان الروح لوجيتي
فمان الليل لونمتي
على جرحي وترتيله

****
بعد سنتين من فراق نوف وطلال

دلال اعجب فيها زميلها بالوظيفه وشوى شوى تغيرت عشانه لانها حبته صج
وتزوجها وخوش زوجه صارت
***

جسوم راح يكمل دراسته برااااا
والله يهديه انشالله

وخلدوه تزوجت انسان طيب وخلوق

والشله ماجتمعت مره ثانيه والكل عاش حياته

***
باختصار محد يدوم لك غير عملك لاصاحب ولاحبيب

**
اتمنى القصه نالت اعجابكم
فقـدت احبابي​

 

[زقرتيه الديره]

حبايبي اليوم كملت القصه لكم لخاطر عيونكم
وعشان ماتنطرون
عاد ابي منكم تعليقكم على القصه اذا اعجبتكم​

 

[love life]

امبي
عيني دمعت
صجة ببجي
بس خووووش قصة
وا بعد قلبي يا زقرتيه انشالله دوم هالقصص الحلوة
وانتي خوش وحدة عشر مرات >> شكو
علشان انتي ما اطولين علينا

 

[Lilly - KSA]

يعطيك العافيه
مختصر مفيد
ونهايات منطقيه لكل شخصيه فيهم
شكرا جزيلا كثيرا جدا

 

[~ آسٓگنتگ عٓيونـيٓ ~]

يعطيــــــــج الف الف عافيه جد القصه وااااااااااااااااااو

ثيينكـــــــس