البويه والمنقبه

[love life]

خووووووش قصة
ابي التكملة الحيييين
ويعطيج العافية تنزلين البارتات بسرعة
انا ما قمت اقرا قصص بسبب انها بعد سنة ينزل بارت ولا بس ما ينزل

 

[« ҝ ά ш ά i i »]

رد : البويه والمنقبه

كملي ...................

 

[غــلآهاا غير]

كملي بداايه مشوقه وانتي كاتبه اسلووبج يشد وحلو بصرااحه بالانتظاار غلاي

 

[هاديهـ&مطيعهـ]

رد : البويه والمنقبه

بداية روعه كملي متابعة @@

 

[love life]

يلا ويتنغ
وين المغرب

 

[زقرتيه الديره]

طلال حط ايده على حنجه وقعد يفكر انا وين والاستقبالات وين ، مايبوني بعد احط فيونكا على شعري ، خو السالفه خربانه
ويت اتخيل شكلي على الفيونكا
"موزين اتخيل وايد"

اخاف اخورها والبس شى مايعجبهم وتتضايق امي
ماكو غير خلدوه تيي تساعدني
طلال : هلا حبي ممكن مساعده
خلدوه : ممكن ونص

في غرفة طلال
خلدوه شنو هذا ماكو شى يصلح للاستقبال كله سبورتي
ماكو غير اني اركب لك

طلال : سوي اللي تسوينه

طلال بعد ماختارت له اللبس طبعا سبورتي بس حلو ولايق
راح عند المنظره ورفع غولة القميص وقعد يغمز لروحه
خلدوه وراه قاعده وكان زايغ قلبها عليه بس من المستحيلات تنطق

حست على روحها و قامت طقت جتفه بحنيه لما التفت عليها
خلدوه : حبيبي .. اقصد طلول
طلال : دايما يقولون الكلمه الاولى اللي تطلع اهى اللي نقصدها وابتسم وصد عنها

طلال قعد يطالعها من المنظره وشك فيها هالمره انه فيها شى
وخلدوه قالت تدري عاد الصج كنت بقولك ياغبى
طلال : غبى لاني ماافهم مووو !!
خلدوه : ..........

طلال : اى ياحلوه كملي
خلدوه : غولتك نزلها انت رايحه لاستقبال مو ل دي جي

طلال : انشالله ومسح ايده على شعرها وقال نزلي تحت نتغدى
خلدوه : ااخ لوتدري حركتك شسوت فيني

 

[زقرتيه الديره]

خلدوه تاكل وحاطه ايدها على خدها ومجابلها طلال ، فجأه سألها خلدوه
خلدوه : هلا
طلال : تذكرين البنت المنقبه
خلدوه : والنار تاكل قلبها ، اى منقبه
طلال : اللي قعدت يمها بالمحاضره ، هذي اللي تحرش فيها حمود
خلدوه بنفسيه : شفيها !!
طلال : ماكو فيني فضول عليها
خلدوه : وبعدين
طلال : بس ، خلاص انسي ماعندي سالفه
خلدوه : ياخوفي انه في سالفه
طلال يضحك : ليش عاد ياخوفج ؟
خلدوه : لانك غالــي ياطلال ( طلعت الكلمه باحساس )
طلال : حياتي انتي

وقت الاستقبال
ام دلال : يلا يايمه
دلال : انشالله فديتج
ام دلال : شقاعده تسوين كل هالوقت
دلال : اتكشخ جود احد يخطبني
ام دلال : زين والله في امل فيج
دلال : لايأس مع الحياه
ام دلال : يلا نمشي يالعياره
دلال : ليدي فيرست ماما

في بيت العمه
طلال ضايع بينهم ، وكل حرمه تسلم على امه تسلم عليه ، ومن هالاسئله جم عمر بنتج وبأى سنه
طلال : منو المقرود اللي بياخذني

عمة طلال تنادي طلال
طلال : هلا عميمه
العمه : انا زعلانه منج
طلال : انشالله دوم
العمه: شنو
طلال : اقول ليش يالدلوعه الثانيه
العمه : ومنو الاولى
طلال : مرت اخوج اللي اهى امي

وعدى الاستقبال ثقيل على طلال وماصدق يرد البيت

************
يوم الاحد في الكليه

طلال اول شخص بالقاعه

 

[زقرتيه الديره]

كل الطلبه دشوا القاعه واهو ناطر على نار انسانه ماكلمها .
شلته يدقون عليه .. وينك ؟؟
طلال : انا بالقاعه تعالووووا

جسوم مع الشله شفيه طلال صاير الطالب المثالي ، موجود بالقاعه
حمود : انا لله وانا اليه راجعون
جسوم : شكووووووو
حمود : راح يخترب طلال
فروحه واهى تعدل الميكب : عشان حاضر مبجر بيخترب ، ماااالت
حمود وجسوم : على الباميه
خلدوه : ساااااااااكته ..

طلال : يوووو المزعجين
حمود : الحاله هذي معاك من زمان
طلال : اى حاله ؟
حمود : تيي مبجر
خلدوه اخر وحده واقفه والسكوت يمليها
طلال : يب

طلال يلا قعدوا خلصوني ..
هالمره خلدوه من نفسها ماقعدت يمه راحت تقعد مع شلتها .

طلال عينه على الباب ينطرها تدش

دشت نوف القاعه

 

[زقرتيه الديره]

اول مادشت عينها يت بعين طلال وطلال حس جسمه يرتعش لا مو حس جسمه فعلا يرتعش

ومن غير شعور شالت نظرتها نوف وطاحت على خلدوه ، خلدوه اللي محد حس فيها الا نوف

قعدت يمه واهو يبي يلتفت صوبها ماقدر ، والقلم بيدها عذبته كالعاده
وعين طلال على القلم ، لهدرجه متوتره ؟؟؟

طلال ماسمع شى من المحاضره والغريب حتى نوف ماسمعت شى بالمحاضره بعد

كانوا حاسين في شى قاعد يصير معاهم ، شى مجهوووووول

انتهت المحاضره

تبي تقوم نوف والا فوق راسها خلدوه بكل غضب الدنياااااااااااااا
وبعصبيه ونرفزه خلدوه : موعاجبتج حتى قاعده تخززززين

نوف من الصدمه قعدت تطالع اللي حواليها ، وحتى لو مانصدمت نوف بنت ضعيفه ولاحول ولاقوه لها ماتقدر تدافع عن نفسها .

طلال يكلم خلدوه : انتي شسالفتج شفيج وقام من كرسيه ، ونوف قامت تبي تفتك من هوشه بتصير

خلدوه ل طلال : انت حط لسانك بحلجك واسكت
الشله : خلدوه شفيج

طلال طالع نظره نوف ولقى نظرتها له تعور القلب جنها تقول ماسويت شى

حس بالقهر وقال لارجع عقلج اكلمج انا مااكلم ناس مينن
خلدوه والكلام بالغصب يطلع : انت مالك شغل ، وانتي كلميني نفس مااكلمج والا وربي اعفس هاليوم عليج

خلدوه يرت نوف من ملفعها وايدها ، وطلال سحب خلدوه وقال لشلته وخروها من ويهي الحين لااجرم فيها

 

[زقرتيه الديره]

خلدوه طلعت يبون يمسكونها شلتها ووخرت ايدهم عنها ، فجأه شافت الدنيا الكبيره عليها صغيره وماتكفي جرحها ، دموعها تنزل وماقدرت توقفهم ، لاول مره خلدوه كانت بهالحاله ، محد قدر ينزل دمعتها غيررررررررررره ..

نظراتها كانت يمين ويسار تشووف ، كانت منهاره وتتذكر ويهه واهو معصب عشان بنت مايعرفهاااااا
عورني عشانها وقعدت تمسك مكان الالم ,,,,,,,

ركبت سيارتها وحركت فيها ووراها جسوم وحمود وفروحه مايبونها تسوق واهى بهالحااااااااااله

طلال ل نوف : انا اسفه على اللي صار
نوف : حصل خير

راحت نوف تعدل ملفعها ولحقها طلال
دشت الحمام ، نطر طلال عند الباب الحمام ودش عليهااااااااا

وكانت نوف شايلها النقاب والملفع

 

[زقرتيه الديره]

واقف طلال عند باب الحمام متردد يدش ، بعد دقيقتين من دخول نوف الحمام ، دش طلال عليها

كانت المنظره بالويهه للي يدخل الحمام ، وكانت نوف مجابله المنظره وظهرها لباب الحمام

طلال ثبت عند مدخل الحمام ، ونوف تطالعه من المنظره واهو يطالعها ، لحظه صمت مرت

طلال يكلم روحه ياربي شنو هالجماااااااااااااال !!!!

ونوف فوق الجمال البراءه طاغيه على ملامحها والهدوء

ماكنت اصدق بالحب من اول نظره ، بس اهى خذتني من نفسي قبل لااشوف هالجمااااااال

نوف مرتبكه نزلت عيونها وتوهقت درت انه حس فيها انها متوهقه ومرتبكه

طلال ضم يدينه على صدره وقعد يتنحنح وقرب صوبها كان متوهق بعد

دق فون نوف : هلا ، انا بالحمام انتي وين

طلال نسى نفسه وسرح فيها كان خوفها واهى تتكلم بالفون ومرتبكه يشده ويجذبه

نوف وعيونها لتحت : يلا باى

نوف ل طلال : رفيجتي
طلال متنح : الله يسلمها
نوف ابتسمت : ......
طلال استوعب : شفيهاااااا !!!
نوف : مافيها شى بس اقول انها رفيجتي
طلال : اى اى

طلال قرب منها مد ايده صوبها ، نوف بخوف مدت ايدها تصد ايده عنها
طلال انصدم : شفيج يايبه انا باخذ كلينكس
وفعلا طلال كان من صجه يبي كلينكس
وعمر طلال ماكان من النوع الحقير ​

 

[زقرتيه الديره]

[/نوف سكتت ماعلقت على تصرفها وحست انه تضايق ، بس هم ماتنلام
طلال ممكن اعزمج على قهوه عالاقل اكفر عن غلطة رفيجتي

نوف بطفوله : لا مابي
طلال تنح : مره ثانيه شنو
نوف : ...........
طلال : بليز القهوه بنشربها بالكليه
نوف : اوك

طلال : بخليج تاخذين راحتج وانا بقعد برااااااا
نوف : ماعلقت
طلال شافها ماعلقت طلع برا ينطرهاااا

نوف جابلت المنظره وخذت نفس طويل ويدينها حاطتها عالمغسله وسرحت ، ماكانت تبي ترفض ، رغم انها ماتحب تتعرف وتكتفي باللي تعرفهم


طلال ناطر برا ويدينه ضامهم على صدره وريله متسند فيها عالطوفه

اوووووه راحت عن بالي خلدوه والله عورتها المسكينه بس كله منها

دق عليها الجهاز مغلق ، لايكون صار فيها شى المينونه
دق على فروحه

فروحه : هلا طلال لاتخاف انا عندها في البيت مافيها شى

طلال : عطيني اكلمها
خلدوه قوليله اني متهاوشه مع امي من جذي طلعت حرتي بالبنت


فروحه تهز راسها : طلال خلدوه تعتذر منك انها طلعت حرت امها بالبنت

طلال : اهااا حصل خير ، بس قولي لها اني اسف

*************

فروحه موحرام ماتقولين انه من غيرتج عليه صار كل هذا

خلدوه : موانا اللي اذل روحي


b]

​

 

[زقرتيه الديره]

طلعت نوف وطلال كان ينطرها بشوق الدنيا ،ليش كل هذا صار مع طلال ناحيتها ؟؟ هل لانها شى يديد عليه ويبي يكتشفها ، والا انسانه ارتاح له من اول مره شافهاا

كل واحد فيهم يسأل نفسه مومن عوايدي اسوي جذي ، وليش ، واشمعنى !!

طول الطريج واثنيناتهم ساكتين لما دشوا الكافتريا

بعد ماقعدوا طلال شنو تبين اييبلج
نوف : اى شى
طلال : على ذوقي
نوف صدت ويهه ماردت
طلال : خلاص على ذوقي

قعد يشرب القهوه وحاله صمت بينهم ، ونوف ماشربت قهوتها
طلال : عمري
نوف اللي محرومه من هالحنان : هلا
طلال : شربي قهوتج
نوف نزلت نقابها وقعدت تشرب وماتطالعه
طلال : ماشالله
نوف سمعت شقال وسكتت

طلال : اسمج نوف هذا كل اللي اعرفه ، وانتي تعرفين اسمي

نوف : طلال
طلال : لووووووووووووووول
طلال : دلال ياقلبي
نوف : ادري انه مو اسمج بس هذا اللي سمعته
طلال : فديتج
طلال : عمري 19 وداش بالعشرين وانتي
نوف : 18
طلال : العمر كله
نوف : تسلم

طلال : كله انا بسولف
نوف : اسفه
طلال : وليش تتأسفين ياقلبي
نوف متوهقه : .......

طلال : ادري اذيتج
نوف : ..........
طلال: افا يعني صج اذيتج
نوف ببرائتها : لا لا

طلال : تدرين عمري ماكنت جذي مع احد ، وانا مستغربه من نفسي
نوف : ليش مستغربه ؟
طلال : اول مره احس عندي حجي وايد بقوله لانسانه ماعرف عنها غير اسمهااا

نوف : كان هذا احساسها بعد بس ماقالت

طلال : من صجي والله
نوف هزت بس راسهاااا​

 

[زقرتيه الديره]

راح الوقت مع بعض ونوف صارت شوى شوى تسولف معاه
فيها تكلم عن ربعه وشخصية كل واحد وانهم وايد طيبين وبالذات خلدوه

بعز مااهو يسولف عن ربعه ، نوف قالت ماقلتي عن نفسج شى

دلال: ماكو شى اقوله عن نفسي اصلا
نوف : بالعكس احس تبين تقولين
دلال : مثل ؟
نوف : انت قولي
دلال : ليش بويه مو هذا سؤالج ؟
نوف مرتبكه : لا موقصدي
دلال : لوقتلج مادري تصدقيني
نوف : اى

نوف : ممكن اقول شى ماتزعلين
دلال : اكيد ماازعل
نوف : تصلين !!!
دلال انحرجت : اى طبعا اصلي موعشان بويه مااصلي
نوف : اسفه
دلال : كلنا عندنا ذنوب حتى الناس العاديين ، انزين ممكن اسالج ؟
نوف : اكيد
دلال : انتي ملتزمه بصلاتج ؟
نوف : استغفرالله لا بس اصلي
دلال : شلون لا وتصلين
نوف : اصلي بس ااخر بصلواتي واجمع هذا قصدي
دلال : هذا وانتي ملتزمه بلبسج ، هذا اللي بفهمه لج انه كلنا فينا عيوب
نوف : والشاطر اللي يصحى ويرجع لربه
دلال : صح

دلال : انا موعاجبني حالي وادري اعاند نفسي مو احد ثاني ، بس انشالله الله كريم
نوف : انشالله

ومر الوقت بسوالف وجنهم من سنين يعرفون بعض سالفه ورى سالفه

بعد ماصار وقت محاضرة نوف الثانيه ، انا استأذن ومشكوره على القهوه
دلال : العفو واتمنى تتكرر ، بس قبل تروحين ممكن اخذ رقمج
نوف : ممم ممكن​

 

[زقرتيه الديره]

طلال حس روحه تطير يااه شعور حلووووو ، طنش في محاضراته وراح لسيارته وملامح الضحكه مليانه ويهه ، ورفع صوت السي أعلى شى على اغنية " انت كافي " للجسمي وصار يهز براسه
ومرت بنت صوب سيارته وتشوفه يهز راسه مع الاغنيه واهى تكلم رفيجتها فون قالت لها طافج بويه زوغه وترقص ..


وشخط بسياااااااااااارته

*********************

في بيت خلدوه

الخدامه : خلود فرند في تحت
خلدوه : منو ؟
الخدامه : دلال
خلدوه : قولي نايمه

*********
طلال نايمه هااااا !!!
خلدوه : اى عندك مانع والا تبي تهاوشني ماكفاك اللي سويته

طلال : انتي اللي سويتيه لروحج وعلى كل حال اسف

خلدوه : يعني عاجبك اللي صار منك ، طلال انا خلدوه رفيجة عمرك توقف بصفها وتمصخرني جدام الكل .

طلال : موانا اللي امصخر احد ، وانتي الغلطانه ، ممكن اعرف البنت شسوت ؟

خلدوه : سوت
طلال : اى شنو علميني
خلدوه عضت شفايفها وخنقتها العبره .

طلال : موقاعد اسمع شى ياخلدوه .
خلدوه عطت ظهرها ل طلال ونزلت راسها .
وقالت : دام الشى ماحسيت فيه اكيد مايسوى اني اتكلم عنه .

طلال : تدرين مااحب الالغاز

ومن غير ماتحس خلدوه طلع طلال من غرفتها .

خلدوه : انا احبك ياغبى ومابيك تروحين عني ، خايفه افقدك ،خايفه من يوم ماتكون فيه بهذي الدنيا معاى، تخيل من كثر مااحبك كل الافكار اللي موحلوه تخطر في بالي عشانك ، عليك تعودت وتعلقت ، ابيك ياطلال انت ماتفهم

التفت ومالقت طلال وبجت


يادمع عيني خف جرحت عيني
والعين تبكي خوف تفقد بصرها
كف يادمع ماودي انك تجيني
بنسى عسى نفسي تدارى خطرها
ودي الصبر والوقت يرحم انيني
والنفس من ذا الصبر تجني ثمرها
ياغير صبري مل والله يعيني
والروح تبكي ضايقه من صبرها
هو صاحبي كفا ودمر سنيني
كان الامل كان لحياتي عمرها
كان الوفى والشوق يموت فيني
هو دنيتي ملهم عيوني نظرها
هو غايتي هو راحتي هو ضنيني
هو مهجتي بالحب نفسي غمرها
ياحيف وقت حال بينه وبيني
وتبدلت الاحلام لحظة سفرها
واللي انكتب وانصاغ وسط الجبيني
لابد هالايام تكشف خبرها​

 

[زقرتيه الديره]

نوف مع السايق راجعه من الكليه وكانت مستانسه ، وتتذكر شلون كانت تكلمها من غير ماتستخف فيها .

كانت مهتمه فيني كان واضح عليها هالشى ، ووشلون دافعت عني
اول مره احد يتجرأ ويدافع عني ومايهمه احد ، ماهتمت انها رفيجتها وراح تزعل منها ، ليت امي والا ابوى جذي ، كان سيف ماذبحني طق كل ماخطر بباله ،

وحست برعشة بجسمها لما تذكرت اخوها واهو يطقهاا واهى تتذكره يطقها مرت دلال في بالهااا وحست في امـــــان غريب !!

طلبت من السايق يشغل السي الدي الخاص فيها ..

وأول اغنيه اشتغلت " خليني يمك " للفنان باسم العلي

وطول الطريج مندمجه نوف على الاغنيه ..

*****************

اول ماوصلت البيت اللي فتح لها الباب اخوها سيف مع منو جايه ؟
نوف يعني مع منو وياالسايق
سيف : عطيني جدولج
نوف : ليش ؟؟
سيف يطالعها بنظره خوفتها
نوف طلعت جدولها من جنطتها

سيف قاعد يطالع وقت محاضراتها بعدها قال هاج وذلفي لدارج

نوف ماتكلمت راحت لدارها وقالت للخدامه لاتنادوني على الغدى بنام ...​

 

[زقرتيه الديره]

ها حبايبي انشالله القصه ليلحين عاجبتكم​

 

[زقرتيه الديره]

جسوم مع فروحه قاعدين بالكافيه ، وحمود وراهم لاحق بنت
فروحه : ملاقه لما ربع يتزاعلون ويع حده
جسوم : اى والله ، اهى خلدوه ليش سوت جذي
فروحه : ها مادري
جسوم : معقوله اللي ببالي صج !!
فروحه : وشنو اللي ببالك
جسوم : تحبه ، تحب طلال
فروحه : ممممم
جسوم طالع فروحه : يعني صج
فروحه : اى صج
جسوم : شلون جذي ، خلدوه وطلال ربع
فروحه : هذا بالنسبه ل طلال بس خلدوه لاااااااا
جسوم : وانتي تدرين ؟
فروحه : انا حسيت وفهمت ، اهى ماقالت
جسوم : ماكان مبين عليها
فروحه : صح بس انا افهمها

جسوم : والله مشكله
فروحه : والحل جسوم
جسوم : مادري فروحه

حمود يه وخده احمر
جسوم : هالمره منو عطاك كف البنت والا اللي معاها
حمود : الاثنين ، البنت واللي معاها
فروحه : ويع اثقل ، خلك مثلي خل كفختك بالنهايه مو من اول مره مكفوخ

حمود : انا كنز بس محد يبيه
جسوم : منو يبيك ، انا ماابيك
حمود : افاااااااااا
فروحه : لاحرام انا ابيك مالت عليك
حمود : ابيك ومالت عليك حدك مقنعه

حمود : وين المفقودين خلدوه وطلال
جسوم : خلدوه تقول بزي ، وطلال مايرد شكله نايم​

 

[زقرتيه الديره]

خلدوه قاعده تسمع بلا حب بلا وجع قلب ، وفي بالها اشياء بتسويها بس شنوووو هالاشياء ؟؟

كانت بالمسن مدمنه محادثه بس مع منووووووو ؟؟

ولاتنسووون انها تحت تأثير جرح طلال لهاااا ، يعني الله يستر

******************

نوف مع امها قاعده ودقت عليها مضاوي وسدت بويهه ، ماتبي امها تعطيها محاضره عن مضاوي خاصه انها رفضت ولدها المدلل .

وحطت فونها سايلنت ، وامها لاهيه تطالع بالتلفزيون

ام نوف : متى الصيفي يخلص
نوف : نص 8 يمه
ام نوف : مويضي معاج
نوف : اى بس مو مع محاضراتي
ام نوف : البنت اللي فيها خير ماترافج وحده رفضت اخوها

نوف : يمه هذا زواج ومو غصب ، وماشوفج قطعتي علاقتج بخالتي
ام نوف : هذي اختي

نوف : انشالله يمه
ام نوف : والله شكلج تقعدين معاها
نوف : يمه شفيج ماتبيني اقعد معاج ، كل ماقعدت لازم تتهاوشين

والا على نزلت سيف شفيها الاميره صوتها عالي

نوف عدلت في قعدتها بالغنفه جنها تبي شى يحميها منه

ام نوف : شكلها ليلحين مرافجه مويضي
سيف رافع حاجبه : والله زين ، البنت اصيله تحب اخوها

نوف وصوتها يرتعش : ماكلمتها

سيف : تدرين لو صاحبي مو برا جان بدعت في تربيتج ، بس الله رحمج

ام نوف بس تطالع نوف واللي صار يايز لها .

نوف راحت لدارها وقلبي ينبض بسرعه بسرعه وكأنه بيطلع من مكانه

قعدت على فراشها وغمضت عيونها ، وقالت لو عندي بنت مستحيل اعاملها نفس ماامي تعاملني ، العيب في منو ، فيني والا فيها .

نوف نست انها حاطه فونها سايلنت وغفت

وكان طلال يتصـــــــل عليها ​

 

[زقرتيه الديره]

حمود ل فروحه : انا حزين الحقيقه
فروحه وتعدل كشتها : ليش يمه حزين

حمود : من كشتج حزين ، ومستغربه ماتستمرين بأى علاقه
فروحه : ويعة يدي انشالله
حمود : انا اقول شفيهم البويات عليج ، مساكين شايفين وصابرين

فروحه : ويعه ويعه
حمود : ماقتلج
فروحه : شنو
حمود : والله ماقتلج
فروحه : لا شنو
حمود : حزين انا
فروحه : جب حمود
حمود : انشالله

حمود : فروحه ليش انا مااعطي ويه للبنات
فروحه : اسم الله عليك حمود وصلت لمرحلة التخيل مبجر
، منو هذا اللي مايعطي ويه
حمود : انا الله يسلمج
فروحه : اى خير انشالله
حمود : انتي مومصدقه اني الحق البنات ، اقصد البنات يلحقوني
فروحه تعدل الكشه : والله البنات يلحقوني انا اصدق ،بس انت شويه قويه

حمود : الله يسامحج
فروحه : اجمعين

جسوم لاهي بالفون يقز

وخلدوه لها ايام غايبه عن الشله وتصادفهم بس بالكليه

*******************



​