البطاقه التموينيه.....شنو تاخذين منها؟؟؟؟

[حلاها بلاها]

اي والله ابوي اييب منهم الحليب و السكر و المعجون و الزيت بس العيش مو دايما ياخده .. لان نوعيته اشوي رديئه و يعجن بالطباخ

 

[ســوســو]

مادري شياخذون اهلي بالضبط .. بس شالمشكله اذا خذينا < الحمدلله والششششكر

 

[noo7a]

احنا بعد ناخذ مافيها شي

 

[Athwaq]

احنا ناخذ كل شي بعد

شنو العيب فيها ؟ هذي بطاقة تموينيه يعني سلع مدعومة من الحكومة مو مساعدات انسانيه !! نشتريها بفلوسنا


العيش صح شهر زين و شهر مو زين

انتوا اذا شفتوا انه مو زين يعني العيش يديد .. الافضل تخشونه شهرين والا 3 .. اذا عتق يصير تمااااااااااام

 

[عنزية والهيبه وايليه]

اصلا ابوووي يقعد بالسااعاات ويااالله يووصله الدور

اصلا كل الكويتين ياخذون من التموين

وبصراحه احنا تقريبا ناخذ كل شي

يعني حليب وشكر وعيش معجون طماط والحليب السائل ودجاج واجبان .... إلخ

والحمدلله ع النعمة الله يزيدها ان شاااء الله

 

[توت عنكبوت]

ناخذه كله خصوصا حليب الأطفال وكل حاجة بالبطاقة وعمار يا دار ابو مبارك

 

[أمانيQ8]

والله احنا مضافين مع بيت حمولتي ما ادري شالقصه

 

[koko2007]

ناخذه الحمد اللله و بعدين على قولة البنات احنا شارينه بفلوسنا اصلا بعض الدول الاجنية يوفرون بعض الشغلات من هالنوع ببلاش بعد حتى مو سعر مخفض

 

[كل الأسامي مأخوذة ليش؟]

والله احنا بعد امي يتيب منهم وايد شغلات بس اللي اذكره العيش والعدس والشكر والحليب ومعجون الطماط وفي بعد بس ما اذكر
الموضوع جدا عادي ومن عمر ناخذ

 

[supermarket]

الحمدلله مو محتاجه...الله لا يحدنا عالبطاقه!!!!:eh_s(12):[/color:

شدعوة الله لايحدهم .... شدعوة زكاة للمحتاجين

كل مافي الامر انها اسعار رمزية

والله احنا ناخذ اللي نحتاجه ليش لا ... وماقصروا يوم حطوا الحليب السائل وفروا علينا نهب كي دي دي

 

[احساس طفلهـ]

والله خالتى قبل يومين ثالثه قصت لنا بطاقه بروحناااااااا

عيش عدس حليب زيت سكر معجون

وفيه حليب الاطفال

رخيص القواطى بدينار والجمعيات على دينارين وفوق

بالعكس مفيده البطاقه

 

[@شمس الضحى@]

بناااااااات انا ماعندي بطاقة التموين
ودي اسويها بس موعارفه الطريقه
ولا الطلبات
وحماتي مطلقه بس طالعه ببيت مع عيالها
وتبي تسوي بطاقة تموين وبطاقتها عنوانها غير عن عيالها
وساكنه بآجار يصير تاخذ ولا لأ
يالبت تردون غلي ابي الطريقه والطلبات ووين ارووح؟؟!!​

 

[مس*فلحه*]

الحمدلله على النعمه والخير الكويت الله لا يغير علينا ويزيد ويبارك.

بالنسبه للعيش صح قبل كان مو شي عجين بس الحين وايد متسنع وخاصة مال شهر رمضان وااااااااااااااااايد تمدحه امي, واللي تقول ليش مو شي: لانه مكسر وحبته متينه بس من عقب رمضان يقولون متسنع وصايره الحبه طويله ورشيقه
وعموما عيش التموين نستخدمه للخدم أحيانا اذا غدانا مافيه عيس او شوي ناقص ونطحنه حق حلوة العيش والكبة العيش.. جذي هالأشياء.

بس مو كل شهر و مرات ناخذ نص الكميه لان وايد علينا ومانستهلك منها وايد

ناخذ عدس, ومعجون طماط, وحليب مجفف حق العجين وأضافته على الحليب الطازج للمحلبيه وحق الخدم ريوقهم. ناخذ شكر ودهن و

 

[مس*فلحه*]

صح كلام اختي اذواق بالنسبه للعيش كل ما يعتج يصير زين حتى لو مو عيش التموين واذا صار فيه دويبا(نملة العيش) بعد احسن بس مو واايد بشكل مقرف عشان ما تاكل العيش كله ويكون مكسر!!

وللتنبيه بعض الجمعيات عندهم سوء تخزين الحليب السائل ديروا بالكم لانه جم مره صارت بخالتي وخالي يطلع الحليب محمض والعلبه متفوخه من الحر وتدرون السائل طويل الامد فيه مواد حافظه تتفاعل مع الحراره عشان جذي حبيت انبهكم.

بالنسبه لجمعيتنا حاطينه بغرفه خاصه بااااااااارده ومشغلين عليه المكيفات وصاكين الباب صايره مثل الثلاجه.

 

[afesa]

الحمد لله واشكر .......................عما ريا كويت

 

[فرح الياسر]

بناااااااات انا ماعندي بطاقة التموين
ودي اسويها بس موعارفه الطريقه
ولا الطلبات
وحماتي مطلقه بس طالعه ببيت مع عيالها
وتبي تسوي بطاقة تموين وبطاقتها عنوانها غير عن عيالها
وساكنه بآجار يصير تاخذ ولا لأ
يالبت تردون غلي ابي الطريقه والطلبات ووين ارووح؟؟!!​

:hjy5jewf:
روحي لقسم وزارة التجاره راح تلقينه عند الجمعيه الرئيسيه وماراح يطلبون منج الا البطاقات المدنيه ومو مهم اذا بطاقتج بمنطقه وبطايق اعيالج بمنطقه واذا عندج شغاله او سايق باسمج هم جيبي بطايقهم وماراح يطلبون عقد اجار او اوراق سكن اذا ساكنه عند اهلج....وبس!!ترى الموضوع بسيط والله يوفقج ان شاءالله:yaaaaaarb:

 

[Q8_ButterFly]

انا قبل كنت كله آخذ حليب حق ولدي من الجمعيه نهبنا نهاااااااااااااااااب هالحليب غالي حده ولما تونا خذينا بطاقة التموين فرق علي واااااااااااااااااااااااااااايد امبيه حرام حرام ناخذ من الجمعيه سعر الفرق كبييييييييييييييييير وانصح الكل ياخذ من التموين :icon30:

 

[الجوهرة الماسية]

بنات شلون طريقة بطاقة التموين عندكم في الكويت
يعني يعطوكم الاشياء مجانا او باسعار رمزيه
وهل البطاقه تستخدموها في اي سوبرماركت او بس في اماكن مخصوصه

ياليت توضحون لي ودي اعرف معلومات عامه

ماشاء الله على الكويت وحكومتها واهلها الله يحفظهم :icon30:

 

[ScarletteO'Hara]

اول مرة اسمع ان في ناس يستعرون من البطاقة التموينية
حتى عيال الفلوس الي اعرفهم يستخدمونها
بيت اهلي وايد اشياء ايبون من التموين من معجون الطماط, العيش مرات, الحليب, الزيت... و غيره
مافيها عيب

 

[kuwaitya-frawla]

عادي ومافيه شى الحمد لله نعمه من رب العالمين



احنا ناخذ


شكر



زيت



مرات عيش



معجون طماط



و سلامت قلبكم