البطاقه التموينيه.....شنو تاخذين منها؟؟؟؟

[الذاهبه]

الله يديمها من نعمه

ناخذ الشكر والعدس مو كل مره لان وايد يعطون والدهن والعيش والحليب كل شهر ناخذه
وبعد زادو بالبطاقه من شهر 12 دجاج وجبن قلاصات كرفت ارخص بكثير من الجمعيه

ماقصرواااا

 

[شوفواشموخي]

هلا اختي يامعوده كل اهل الكويت ياخذون منه والفرق بينه وبين اللي بالجمعيه ان الدوله تدعمه لشعب وارخص بكثير من الجمعيه الحين زادو دجاج وجبن على اللي قبل وموفقه وعيش التموين شزينه كل يوم ناكه ويهبل وموفقه حبي سلااااااااااااااام

 

[الطموح]

بالعكس البطاقة التموينية تفيد وااايد
بس احنا عندنا البطاقة بس فيها عيش وسكر وحليب وزيت
مومثلكم الله يديمها عليكم من نعمة

 

[اخت الغالي الغائب]

حنا ناخذ منها حليب بودر استخدمه حق المعجنات والحلى والشكر وعيش مرات ومرات لا واذا طبخنا منه محد يصدق انه عيش التموين
ومعجون طماط وزيت والشهر هذا زادو دجاج وجبن كرافت دجاجهم ساديا حلو وابشركم بيغيرون العيش بيحطون كنتري وانواع ثانيه زينه
واللي يقولج ماناخذبالبطاقه التموينيه اجل منو مسوي زحمه عند فروع التموين ؟؟

 

[الفرحه]

انا الزيت اخذه كل شهر

وطماط المعجون والسكر اخذه شهر وشهر

والحليييب قبل 3 شهوور ماخذته ماخلص


العيش مالهم جربته بس في ريحه قويييييييه

وهل الشهر قالي في جبن قلاس المراعي ودياي ساديا بس ماخذتهم كنت توني ماخذه من الجمعيه

.....

والله ابصراحه اكثر شي ينفعني الزيييت حق التقلي

 

[ريماا]

انا تونى خذيتها اشوة صرااااحة الميزانية افررررقت الحين احنا عايلة 8افراد منهم 3خدم وتعرفوون الخدم يحبون الاكل
الشى الاسااسى وكل شهر اخذة
الزيت
العدس
الارز
السكر
الحليب البودرة والسائل
الدجاج هلال
معجون الطماطم
جبن كرفت
وعلى فكرة عيشهم حلوووو انا وزوجى مو اكليين بس اشوف خدامتى تسوية مع الزهرة والنخى وياااااى يشهى والله اكلتة حلو وحبتة طويلة
وطبعا لازم ايكون عندى عيش للعزايم او للضيوف كنترى

 

[بس خلاص]

تصدقون مااعرف طريقته شلون؟؟انا تزوجت وسافرت...اسمع اهلي يقولون تموين وتموين...
بنات اهو ببلاش يعني يصرفون الاكل؟؟ولا بسعر رمزي؟؟

 

[love love]

بديت فيه من عمر بنتي اخذ لها الحليبب ومعجوووون وزيييت وبكمل شكر وغيره

بس بسئل بالضبط شنو فييه تموييل؟؟ والدياي شنو نوعه؟ بليز فيدونا

 

[احساس طفلهـ]

بنات التموين بس ينصرف الحليب شهر ايه وشهر لا

انا اليوم جيت اصرف الحليب السائل قال كل شهرين مره

مدرى احس المصري ينصب؟؟​

 

[miamy]

لااااااااااازم ناخذ شلون ماناخذ

الزيت

الحليب السائل

جبن القلاص

ومراااااااااااات العيش والعدس والشكر والمعجون

احنا ماعندنا طبخ زايد

 

[miamy]

على حسب عدد افراد الاسره

اذا 7 واكثر الحليب كل شهر

اذا اقل من 7 شهر وترك

 

[إستبرق]

والله انا صارلي 7 سنين متزوجه بس ماكنا مطلعين بطاقه الحين هالشهر زوجي طلع لنا لان الصراحه حرام الجمعيه شابه ناار

 

[احساس طفلهـ]

مشكوره حبيبتى على الرد

 

[بطوطه خانم]

وانا بعد اخذ من بطاقة التموين


اخذ الزيت والحليب والمعجون بس اما العيش ما اعرف له

 

[دلع الشمال]

الحمد لله على النعمه انا اخذ كل شي وعيشهم حلو ورخيص في بعد جبن قلاص المراعي

 

[اطباق ماي ورد]

ليش خو التموين ناخذه بفلوسنا مو زكاة وحتى لو ما فيها شى.. دام انه محتاجينه ومن حكومتنا الله يعزها

يعنى الحين يوفرون لنا التموين باسعار مدعومه .... شلى يحدنا ناخه بالغالى من الجمعيات

لا والله الا ناخذ من التموين كل اللى نحتاجه والعيش قبل كان صج مو شى ونضطر نشتريه من الجمعيه بس الفتره الاخيره ماشاءالله اشحلوه وحبته تصير اشكبرها لا الاه الا الله

هذا غير الجبن الكلاصات انواع حاطين لج والدجاج هم انواع

انا حتى من الجمله اللى عنده اخذ اغراض اوفر واضمن من الاسواق الشعبيه بعد

الله يديم علينا هالنعمه .

 

[راس غليص]

الله يعز ديرتنا كل شيء ناخذة والحين بعد حطوا دجاج الوطنية والمتحدة والكل يعرفهم وجبن الكلاس والحليب السائل طويل الامد وارخص وايد من الجمعيات والحكومة تحاول جاهدة تخفيف العبيء عن كاهل رب الاسرة فالحمد لله على هذه النعم ويدومها علينا الناس حاسدتنا على هذه النعم والامتيازات

 

[ام خالد 78]

ناخذ السكر والعيش والمعجون والحليب البودر والجبن والدجاج وكل شئ ولو يحطون البيبسي والكاكاو بناخذ منهم بعد

 

[اللوحه الفضيه]

واللة ناخذ كل اللي موجود في البطاقة من خير ديرتنا وبفلوسنا وكل شغلهم حلو ورخيص واللة يزييد خير ديرتنا

 

[om fares]

انا اخذ التموين طبعا بس اعرف وحده من قرايبي تاخذ حليب البودر ونسوي عليه روب (زبادي) عجييييييييييييييييييييب وتوه مسويه علي الروب ماله لبنه تصوري احله لبنه اكلته ما شاء الله بس ما عرفت اسوي مثلها حرام علمتني ما بخلت علي بس ما نجحت عندي