البطاقه التموينيه.....شنو تاخذين منها؟؟؟؟

[@شمس الضحى@]

:hjy5jewf:
روحي لقسم وزارة التجاره راح تلقينه عند الجمعيه الرئيسيه وماراح يطلبون منج الا البطاقات المدنيه ومو مهم اذا بطاقتج بمنطقه وبطايق اعيالج بمنطقه واذا عندج شغاله او سايق باسمج هم جيبي بطايقهم وماراح يطلبون عقد اجار او اوراق سكن اذا ساكنه عند اهلج....وبس!!ترى الموضوع بسيط والله يوفقج ان شاءالله:yaaaaaarb:

الله يوفقج ويسعدج ويحفظج الي عبرتيني ورديتي علي يالغاليه:yaaaaaarb:

 

[bnt_kwt]

والله ناخذ الدهن
والعيش والشكر
والمعجون
والحليب السائل والبودر

وعادي مافيها شي الكويت كلها تاخذ من التموين

 

[bnt_kwt]

على فكره انا رحت طلعت البطاقه لانه ريلي يومه عن سنه
ورحت انا عادي وخذيت بطاقاتنا الاصليات وجواز خدامتي
ويحتاجون طابع 5 دنانير

والله يديم عزج يا كويت

 

[عرموشة]

انا الحمدالله اخذ العدس والمعجون والسكر والزيت ومرات اخذ العيش بس ما يضبط معاي بالطبخ لكن اقول الحمدالله

 

[شندوخه]

الجوهره
هذي السلع الاساسيه توفرها لنا الحكومه باسعار رمزيه وارخص من السوبر ماركت بوايد

واحنا ناخذ كل شي وعادي والله واصلا حليب التموين يهبببببل للفطاير وحليب الزعفران

 

[غزيل الفله]

الحمدلله بخير ونعمه بس نسحب التموين ليش اخليه ناخذ الحليب والعدس والعيش والشكر والزييييت ومعجون الطماط

 

[الجوهرة الماسية]

شندوخه مشكوره حبيبتي على اجابة الاستفسار الله يسعدك

 

[F@ntG Q@t]

انا في بيت ابوي ناخذ اشياء واشياء يودونها حق اسر محتاجه وعيالهم وايد كنوع من المساعده

 

[لؤلؤية]

احنا ناخذ كلشي
الحليب البودر احيانا نآخذ بداله السائل يهبل حق ايام البرد ويه الزنجبيل
طبعا العدس يا سلام على الشوربة ...والمعجون...والشكر...والزيت...
وهالشهر الدياي >>>حاسبين كل نفر له ديايتين بالشهر
والجبن الكرافت سعره بالتموين 300 فلس يا بلااااش
والعيش مرات زين ومرات لا...اذا ماعجبني اعطيه ناس محتاجينه
ولي الحين ريلي ما ضاف بنتي الصغيرة بالبطاقة مع انه عمرها تعدى الثلاث شهور...قالولي انه فرق سعر الحليب عن الجمعية دينار لكل قوطي

 

[pretty maryoma]

هوووووووووو عاااااااادي حتى عيااال الشيووخ يااخذوون

بس عااد بناااات عن العياااره و التفلسف
ترى كلللللش موو معناتهااا انج كششخه اذا ما تاخذين من التموين


شوووفي حجيه آآنا قبل جم يوووم امي الله يحفظهااا لت لي اييب التموين
عااد يبت دياي و جبن و عيش و الخ الخ الخ لووووووووووووووووووووووووووول

 

[م فطومه]

الحين ضايفين الجبن بس مادري ريلي ماخذاه الله يعز لكويت والله

انا اخذ الطمام المعجون والدهن والعدس ومرات العيش وطحين يعني كل شي واهم شي حليب اليهال لما كانو صغار وسيريلاك الصراحة اوفر وايد والي يزيد ومابيه اوديه بيت ابوي الله يخليه لنا لان احنا 24 ساعه عنده داخلين وطالعين بس اول مرة ادري ان فيه دياي بنات الي خذو الدياي شنو نوعه؟؟؟

 

[Little_Queen]

يبا هالي تقولين عنهم ماياخذون من البطاقة ..

بطرانين !

احد يحصله شي رخيص و زين و ماياخذ !!!


احنا ناخذ من البطاااااااااااااقة .. و الحين زادولنا جبن كرافت بعد و دياي


ناخذ عيش
و حليب سائل
و حليب بودر " يهبل حق المحلبية "
و ناخذ سكر
و زيت
و ساعات ساعااااااااااات عدس
و معجون طماط
و الحين ناخذ جبن كرافت
و دياي المتحدة

 

[Little_Queen]

الدياي فيه كذا نوع والله ذاك اليوم ابوي يايب الورقة ..

ساديا
و المتحدة
و دو
و ذهبية

يعني انواع زينة والله ... الله يعزج يا ديرتي

 

[Little_Queen]

و فيه بعد كذا نوع

 

[eng.q8]

والله انا مو كل شهر اخذ
بس الاشياء اللي ما اطوفها السكر والدهن والمعجون لانهم استهلاااااااااااك صج

 

[OM BSAM]

والله مو كل شهر اخذ علشان وايد الله يعز الحكومه ما قصروااا والله يديم النعمه علينا


وشهر والله اخذه كله وكل شى حلو وارخص من بره وتروالى الكل ياخذ واللى ما ياخذه يتصدق فيه احسن واجره لهم

 

[مــسـك]

والله ناخذ كل شي

بس شهر وشهر لا

لانه وايد

والعيش للى يعرف يضبطه حلوو

نعمه فضيله من ربنا


وسلامتكم

 

[مــسـك]

اخذنا الدجاج الشهر اللى فات ساديا حلووو

وجبن كرافت هم حلووو بعد

والحمدلله

 

[أساور]

بنات شنو ضافوا للتموين بالضبط؟

 

[امة الله2]

الله يعزج يا ديرتي ويبارك فيج ويطرح محبتيج في قلوب كل العالمين
قولو ما شاء الله عليج يا كويت المحبين

والله ما اخلي ولا شيء من البطاقه
العيش = الزيت= المعجون = الحليب البودر =الدجاج ساديه = جبن كلاسات = عدس = شكر =

وييه الله يحفظج يا ديرتي الحبيبه قولو امييييين

وشكرلكم يا الحبيبات