اطلقج ولا توافقين على شروطي؟؟

[توتا الكتكوته]

ضعف جنسي و ما يصرف عليج و ما تكملين دراستج وما تشتغلين وما وما وما ​

هذا عدو مو زوج ​

سوري على هالكلمه زوجج مو رجال ذكر لا رجل ​

اذا ما تشوفين نفسج وتحققين طموحج وكيانج ​

وحتى احلى مافي الزواج الجنس محرومه منه ​

شحقة متزوجته بس مستانسه اسمج مدام ​

الله يعينج بس من عاشر قوم صار منهم ​

تطلقي وعيشي حياتج يمكن حتى ريحة اليهال ​

ما تشمينهم منه هذا مامنه فااااااااااااااااايده ​

 

[زين ودلال]

حبيبتي اهم شي دراستج والله والله والله

محد راح يعزج ويرزج غير دراستج ومستقبلج ومعاشج

باجر لا سمح الله طلقج وانتي ماعندج شهاده شنو راح تسوين ؟؟؟!!!!!

ديربالج
ديربالج
ديربالج تتنازلين عن دراستج

والله يهديه ياااارب ويسخره لج

 

[Miss^NeozZ]

امبييييييييييييه شتبين فيييييييييييييه !!!!


خل يطلقج بالطقاق يطقه !!!

 

[hell0 kitty=^^=]

بس لاتتحسفين عقب لاشفتيه فالمحكمه يصيح تقولين والله شكله يحبني وتتحسفين على قرارج ترى اغلبها تصير جذي لما يطلبون منهم خلج واثقه من قرارج اسمحيلي دخلت ثلاث مرات ارد بس قهرني

 

[ضحاوي الديره]

ضعيف جنسيا وحارمج من الامووومه ويبيج تهدين دراستج

حبيبتي كللللللله يهووون الا الدراسه اهم شي اذا لزم انه يحرمج من دراستج تطلقي
شهادتج سلاحج شضمنج انه مايحرمج من دراستج ويردج وتالي يطلقج وتصيرين مطلقه وماعندج شهاده
ع الاقل لي تطلقتي الا عندج شهاده توظفين فيها وتعيشين حياتج ولاهالذل هذااا !!!!؟

 

[بانانا]

حبيبتي. انااا ضددد فكرة الطلاق
واغلب ردودي تشوفيني انصح البنات ان يشيلوووون فكرة الطلاق من راسهم
بس بحالتج .....!!!!؟؟

يبيج تتركين الدراسه
وفوق هذا ايده مغلوله مايعطيج الا 100 !!!

والامررر عنده ضعف ويمكن ماينجب
حبيبتي
الاااا هذالشي لا تتنازلين عنه

صدقيني بدون طفل يملي حضنج وحياتج

ماراح تحسين بطعم هالدنيا

حتى لو كنتي تحبين زوجج

مع الايام بتحسين بينكم فرااااغ كبير

وان ولا شي بهالدنيا له طعم



الله يعوضج باللي احسن منه يقدرج ويحترمج
ويرزقج منه الذرية الصالحة

 

[وردة-الكويت]

الزم ماعليج يااختي دراستج

 

[! Miss.Q8 !]

اهم شي دراستج لا تتركينها علشان ريال ممكن يتزوج عليج بأي لحظه
يعني ما اشوف ريلج في شي سنع يخليج تتنازلين عن دراستج علشانه
اذا على كلام الناس بيتكلمون شهر شهرين وبينسوون اهم شي راحتج انتي
مو مفكره يكون عندج عيال !

 

[وحيدة امى]

بعد كل هذي البلاوي وهمن تسالين البنات تردين له او لا!!!!!!!

حبيبتي شوفي الشغله مايبيلها تفكير

بتسمعين حجي ونغزات وسواااااااااااالف وبتتعبين نفسيا وتكتأبين

بس فتره وتعدي ويصير فصل بحياتج وينتهي ولا انج تعيشين طول حياتج جذي

هذي موعيشه!!!!!

يعني صراحه شروطه شي موطبيعي واصلا اذا وافقتي انتي بتعطينه دافع يدوس عليج

ويهينج ويتحكم فيج اكثر لان شروطه موطبيعيه وماكو وحده صاحيه توافق علييها

انا اقولج صلي استخاره وتوكلي على الله احسن

وحمدي ربج ليل نهار انج ماحملتي منه استغفرالله مافيه ايجابيه وحده!!!!!حسبي الله ونعم الوكيل

يامعوده فتره وتعدي وان شاء الله ربي بيعوضج اللي احسن منه بالف مره انتي بس صبري

واحتسبي الاجر

جزاج الله خير هذا الكلام الصح فتره وتعدي شهاتج لاتخلينها منوالحين بدون راتب ياعمري ادعي وقيام الليل

 

[Emeeta]

حبيبتي بالبدايه الله يفرج همك

معك خيارين انتي اختاري واحد منهم

اما انك تبقين معه مكسوره وذليله توصلين لعمر معين و يطلقك و وقتها مامعك لا شهاده ولا جمال و لاعمر ياهل للزواج

الخيار الثاني اللي انا اشوف انسب لك تتطلقين منه وياااااكثرهم المطلقات تكملين دراستك توصلين لاعلى المستويات الناس بيتكلمون عليك اسبوع وينشغلون و امك اكيد يهمها راحتك و اهم شي الناس حتى اللي بقبرهم تكلموفيهم يعني بكل الحالات الناس مايسكتون من تابع الناس مات هما


الناس بينقدون انك ماجبتي عيال لوبقيتي معه مراح يتوقعون العيب فيه مهما صاااار


تطلقي و ادعي ربك يعوضك بالرجال اللي يعرف قدرك و انا متاكده ان مستقبلك بيكون مره زين باذن الله

و اكرر لك مليووووون مره الناس والاهل بيضايقون فتره والزمن ينسي

ومن الحين اغسلي يدك منه عقدة النقص فضيعه

العمر مره عيشيه و ابني فيه مستقبل و لحظات حلوه


الالم بينتهي اذا انتي قررتي تصيرين قويه و تبعدين هالانسان من حياتك*

 

[السمبتيك]

الله يكون بعونج اختي
بس الصراحه مهما صااار لا تتخلين عن دراستج
ميخالف لا تشتغلين بس لازم تخلصين دراستح
والله باجر لي تزوج عليج ولا طلقج
بتعضين اصااابع الندم ليش تخليتي عن نفسج عشانه

وبعدين المره بس اهيا الي تصبر وتطول بالها عشان زواجها ينجح
والريال يسرح يمرح ومايطول بالها على زواجه !!!
رغم عيوبه يبي يتزوج ويهددج بالطلاق ويخليج تقبلين بشروطه !!!


لا تتنازلين عن نفسج حطي نفسج في المقدمه
المعم انتي
المهم دراستج
المهم مستقبلج
واهو اذا يبيج بيقبل

وصدقيني الريال اذا شاف المره ضعيفه حدامه يتخلى عنها بكل سهوله
بس اذا شافها قويه يتمسك فيها

 

[راهيــه الحــس]

الصراحه محد بيحل مشاكلج او بيقولج الصح غير ربج

صلي واستخيري وقومي الليل والله بتلقين اللي يسرج
والبنات كل وحده بتتكلم حسب عايلتها وحسب تفكيرها واللي ايده بالنار مو مثل اللي ايده بالماي


فكري واستخري وبسسسسسسسس





الله يهديكم لبعض ويرشدج للطريج الصح

 

[{سيد العذارى }]

انا عن نفسي لو مكانج ماراح اضيع عمري معاه اختار حياتج ودراستج واحمدي الله ماجاج منه عيال صدقيني اذا هاي بدايته وياج ينعرف اخرتها الله يسر امرج حبيبتي

 

[Om_Ksha]

تسلمون عالردود خواتي الله يجزاكم خير

اهلي نفس رايكم وواقفين بصفي واستخرت واخترت الانفصال

الموضوع صعب لكن الحمدلله على ما قسم

ان شاء الله ربي يتم موضوع الطلاق بخير وهدوء لان تعبت من المشاكل

الله يكتبلج اللي فيه الخير وصدقيني خيره .. الله يعوضج باللي يستاهلج .. ولا تتحسفين على شي واشتغلي على نفسج

 

[معلمه متميزه]

دراستج ابدى ما تدرين يمكن يطلع نذل لا وظيفة ولا دراسة تالي يقطج على صخر وتكبرين بحسرة لا يبه صيري ملكة بشهادتج دامج بالجامعة ينطر ليما تخلصين خذاج طالبة واذا ما كان شارط عليج تهدين الدراسة من اول ماله حق يطلبها الحين ويغصبج عليها على الاقل يخيرج مو غصب

انا مريت بتجارب بحياتي تزوجت اكثر من مره وتطلقت اكثر من مره لك المنقذ الوحيد لي في كل هذا ربي اولا ثم شهادتي ووظيفتي عزتني ورزتني خلتني مكتفيه ومو بعازت اي احد حتى لو الي حولج ما يقصرون امج ابوج اخوانج بس ولو هم بوظيفتي دللت روحي ودللت عيالي ولا نقصهم شي الحمد لله ..

 

[لآ بيرلآ]

حياتي و الله قريت المووضوع لمن وصلت لردج حبيت اتطمن

ماعليه يا قلبي هذا ما عليه حسوف .. و الطلاق بحالتج باذن الله انه الخيرة و انتي مبين عليج انج عاقلة و تكانة
الله بيعوضج باذنه سبحانه باللي احسن من هالانسان اللي ما يستحي صراحة

موفقة حبيبتي

 

[فوق الثريا محلي]

لا تفكرين حرام تضعين عمرج عسبه ما يستاهل و الله
انا مطلقة و مرتاحة وطليقي شرات مواصفات ريلج بس عكسه يبيني اكمل هسب اصرف ع عمري الحمد الله والشكر

 

[فوق الثريا محلي]

الحمد الله ع كل حال ولا تخلين الطلاق حالة انكسارالا انطلاق للحياة و المستقبل

 

[[[ عيون جابر ]]]

عزي نفسج وردي بيت اهلج هذا انسان مايتعاشر والعيشه معاه مامنها امااااان

 

[قلبي معاك]

الله ينور بصيرتج ويكتبلج الي فيه الخير