اطلقج ولا توافقين على شروطي؟؟

[miss swan]

فوق عيوبه يبي اخوج يردج بعد هم مو مكلف على نفسه مشوار سياره
ليش عشان يقول حق الناس اهي اللي لازقه فيني
ولا يبي يتزوج ثانيه وفيه ضعف ّ!!!
ماادري يستاهل تظحين عشانه ؟؟؟
صلي استخاره وانتي ادرى بالاحسن
بس يتروالي ليه حط عليج مره ومايصرف
وانتي ضيعتي الدراسه وفيه ضعف بعد
خسرتي كل شي خسرتي كيانج وهويتج واحترامج وسعادتج حرام
بس اذا خسرتيه راح تكسبين
1-شهاده وطموح
2-راحة بالج وسعادتج
3-............ انتي كملي​

وبالنهايه انتي لج الاختيار

 

[Princess^Mom]

لا تتركين دراستج عشاااانه واذا هذا شرطه هم انتي خيكون شرطج الدراسه صدقيني لو عافج وانتي ما معاج شهادة بتنذلين للكل بس شهادتج سلاحج تعزج وترفعج وماتخليج محتاجه احد
الله يفرج همج ان شاالله

 

[Queenleo]

شهادتج اهيا سلاحج
يمكن ردي متاخر
بس اقوولج الريال يبي الوحده تحت سلطته عشان يمشيها على كيفه
وبشهادتج يخاف انج تستغلين عنه ووتقوين وتعتمدين على نفسج
انتي المفروض تشتطرين مو اهوووا دام فيه ضعف !!

كملي دراستج مايشوف شر

 

[ام العبايه]

انا ما ودى اعطيج راى ............

الامان مفقود واصل الاستقرار الزواج امان ومجرد ما قال بطلق فالامان انفقد

بتعيشين معاه وانتى خايفه لازم يعطيج الامان مع شروطه تحطيم وكرت الطرد باي دقيقه يرفعه

 

[Laidy n3ooma]

المفرووض انتي تحطين شروووووط

عيووووووووبه ووااااااااايد

انا اقول اختاري حياتج

وحياتج هي درااااااستج

تحمليييييييي تفرطين فيها

 

[brettey]

كل هالاسباب ماتخليني اصلا اعيش معاه ما اشيشج بس الي يهدد بالطلاق كل ساع مرده راح يطلق ساليني باجر بتندمين يبه اهم شي دراستج وربي يعوضج باحسن منه
كافي انه عاجز

 

[مس مونتريال]

حبيبتي لاتخسرين نفسج وحياتج وشبابج ومستقبلج على واحد مثله
مثل ماقالوا البنات اكسبي نفسج ... انتي وبس ...
ولو بتعيشين طول عمرج بحالج ابرك من العيشه معاه
وهذا رايي .. واستخيري​

 

[{ انعم دفشة ~]

تسلمون عالردود خواتي الله يجزاكم خير

اهلي نفس رايكم وواقفين بصفي واستخرت واخترت الانفصال

الموضوع صعب لكن الحمدلله على ما قسم

ان شاء الله ربي يتم موضوع الطلاق بخير وهدوء لان تعبت من المشاكل

 

[جديده 1]

الله يوفقج يارب بطريجج .. و شدي حيلج بدراستج

 

[Queenleo]

تسلمون عالردود خواتي الله يجزاكم خير

اهلي نفس رايكم وواقفين بصفي واستخرت واخترت الانفصال

الموضوع صعب لكن الحمدلله على ما قسم

ان شاء الله ربي يتم موضوع الطلاق بخير وهدوء لان تعبت من المشاكل

الله يعوووضج ان شاء الله بولد الحلال الي يصونج ويريحج
ويرزقج منه بالذريه الصالحه

 

[فركيته]

ياحياتي
وياقلبي انتي..
الزواج
رحمه وموده مو اكراه وغصايب ومعامله سيئه..
واللي يهددك بطلاق عشاااان امور تافهه ويساومك على تعليمك وش تترجين من وراهـ..؟؟
شوفي انا بجاوبك من وجهة نظري وبحط نفسي بمكانك
ولك حرية الرأي..
وفي النهايه انتي اللي عايشه معه وتعرفينه..

شوفي انا اقولك صبرت عليه سنتين وعلى اخلاقه و.....الخ
منتظره انه يتعدل ويصير رجال بحق وحقيق بقول بيتي ورجالي بصبر المراه مو كل يوم لها رجال
لكن يساومني ويقول بطلقك والا توافقين
وش هالنذاله وش هالانانيه اصلا كلمة الطلاق كبيييييييييييييييييييييييييييييييييره وش لون عطاه قلبه يقولها وعشان شي مايستاهل
من حقي ادرس واتوظف
الزواج مشاركه ماهو عبوديه ولا انا جاريه له خصوصا اذا كنت شارطه هالشي
طاعته واجبه صحيح بس مو من حقه يساومني اصلا هالشي بغيض
فأنا ساعتها بختار الطلاق وافضل شهادتي ودراستي عليه مادام انه هو حط هالمساومه
لانه يقول اللي مافيه خير تركه خير والطلاق حلال بغيض بس اهون من رجال لئيم
وطلبي الطلاق له عدة معززات
اولا معاملته
ثانيا تفاهة تفكيره ومساومته لي بالطلاق على امور تافهه
ثالثا ضعفه الجنسي ورحمه من الله ماعندي عيال
رابعا عدم صرفه علي ولانفقته الا بالنزر اليسير
خامسا عزمه على ان يتزوج عليك
...والخ
في النهايه حبيبتي ياتفاهمي معه يا اطلبي الطلاق
ولايهمك نغزات الناس ولانظراتهم ماعاشوا اللي عشتيه ولاحسووووا فيك
لاتضحين بعمرك عشااان كلام انسي ان فيه ناس اصلا من هالنوعيه ولاتعدينهم اساسا
بكره لاجالك عيال بيلوي ذراعك فيهم وبيمرمطك اكثر..
نصيحتي لك قرري الافضل لنفسك
اختاري مستقبلك او تفاهمي معه

^^^^
^^^
^^
^
الله يجزاج كل خير كلامج يهبل وانا معاج 100%

 

[ترف بابا]

لو مكانج ؟؟؟

اختار دراستي واختار الطلاق دام شابه وصغيرة / اللا اذا انتي ما تبين اطفال .

او ترجعين بشروطج انتي مو هو !!!

 

[kuwaitya_zoGaa]

حبي استخيري انتي قاعده اتشاورين اللى احسن مني ومنج

 

[الجووورى]

الله يعينج وينور بصيرتج

ادعي ربج واستخيري

وعسا ربي يهديه لج

​

 

[يفداك قلبى]

خايفة من انج تكونين مطلقه
طيب اذكرى لنا ميزه حلوة فى ريلج
ممكن انج تتحملين عيوبه عشانها
انا اقولج استخيرى وطلبى ربج
وحمدى ربج ما يبتى عيال منه

عسى الله يكتب لج اللى فيه الخيرة ويسعدج

 

[بنت الجنوب 80]

ياحياتي شكلك مرررره عاقله ماشاء الله


حبيبتي انفذي بجلـــــدك واستخيري


اذاكل شوي تهديد بالطلاق رح يطلق بالمستقبل والمصيبه الاكبر اذا جبتي اطفال منه


استخيري الله

 

[مـزآج ــــية]

الله يعينج موقفج وايد صعب

بس نصيحة لويه الله لا تتركين دراستج لوو شنو
ترا امج و ابوج مو دايمين لج و الاخوان عندهم حريمهم هالزمن كلن يالله نفسي
باجر اذا وافقتي على شروطه و وقفتي تعليمج و قمتي تاخذين منه فلوس بالقطارة و بنفس شينة
و فوق هذا يبي يتزوج عليج و اذا تردّت معاملته زيادة صج راح الدنيا تصفعج

انا ما اقولج تطلقي لكن حاولي بالمسايس انج تقنعينه تكملين دراستج ع الاقل مو شرط تتوظفين بس اهم شي قضيي الشهادة بيدج

و اذا همج كلام الناس ترا ما يخلص و مردهم بيملون و يسكتون
دوري مصلتج شوفي شنو الافضل لج و سويه
و اهم شي ادعي الله يفتح بصيرتج

 

[ام عفاف الكويت]

كلام الناس او الحياه باهانه ؟
وانتي تقولين متاكده بيردج عشان يحط على راسج مره
حبيبتي كملي دراستج والله الوظيفه والمعاش راحه
واستخيري

 

[Freakya]

حبيبتي انتي مو ملزومة تقعدين معاه

الزم ما عليج نفسج و راحتج

و تمسكي بدراستج و شهادتج

صدقيني ربج بعوضع عنه بمليون مرة

 

[ام الاسيرالشهيد]

ان كان كما تقولين

فبكل صراحه فرقاه عيد

ولا تستمري بحياة كهذا ابدا