اطلقج ولا توافقين على شروطي؟؟

[السهم الصويب]

الصراحة الصراحة
لو انا منج اسم الله علي ...

مو اهوا اللي يقولي توافقين ولا بطلقج !!

انا اللي مابيك

عسر وبخيل وفيه ضعف وفوق هذا بيحرمج من شهادتج وهمممم ماعندج عيال ؟
على شنو قاعده ؟

 

[صلوا ع الرسول]

انشالله :|

ان شاءالله للتصحيح فقط

 

[-Bello-]

لاتوافقين انج تهدين دراستج ..دراستج اهم شي بحياتج نصيحه

 

[FeShinGoOo]

واااااي الله يعيييييييييييييييينج ..!!
حبيبتي اذا انتي مو قادره تعيشين ويا هالانسان كلام الناس حطيه بجيس وباقرب زباله حشااااااااااااااااج
وبعدين انتي لي انفصلتي ماراح يكون في علاقه بينج وبين حريم اخوانه ..
والله الزم ماعلي راحتي واخر مايهمني كلام الناس اضيع عمري وشبابي وصحتي وراحتي واعيش بهم وغم عشان فلانه لاتتكلم علي ؟؟ اهي جذي ولا جذي متكلمه ..!!
انا ماشجعج عالطلاق بس اتكلم بحال انج مصره عالطلاق والي ماسكج كلام الناس

 

[كـ غلا ــلي]

تحملي
تحملي
تحممممممملي تتركين دراستج مهما كان السبب .
والله العظيم بتندمين قد شعر راسج لو سويتيها . شهادتج سلاحج بهالدنيا وهي الي راح تحفظ لج مكانتج وكرامتج لان من بعدها راح تلقين الوظيفه الي بتغنيج عن الأولي والتالي ولا منة احد عليج .
وما اقول لج تطلقي بس اقول لج تفاوضي معاه على شروطه . قولي له دراستي امر منتهية منه خلاص مستحيل اتركها . مثل ما هو قاعد يتشرط هم انتي تشرطي انتي مو ياية من الشارع انتي بنت ناس و وراج اهل ورياييل.
وبعدين انتي انسانة مثقفة ومتعلمة شنو يعني مابي انقذ روحي من هالعذاب بس لاني مابي حريم اخواني يتشمتون فيني ؟؟؟؟ ترى اذا عالشماتة من الناس الحقودة ما راح تخلصين . ما بيتم شي ما بيتشمتون فيه حتى لو ما كان يستاهل . ف كبري عقلج وعطي طاف لهالاشكال وفكري في نفسج ومصلحتج .
كبري عقلج و وزني الامور بعقلانية مو بعاطفتج. شوفي وين اخير لج . نار زوجج ولا جنة هلج ؟؟ ولا العكس صحيح؟
بالنهاية .. استخيري مرة ومرتين وثلاث وادعي ربنا ان يعطيج القوة والصبر والثبات ويسوي الي فيه خير لج عاجلا غير آجل

الله يعينج ويعوضج خير يارب

انا من رايها شهادتج مالج غنى عنها

 

[عيني عليه]

شوووفي انا حياااتي طبيعيه مع زووجي ... نختلف خلاافااات طبيعيه ...و في بينا حب وارتباااط ...

وانا موضفه ...

كل ماتعبت في الوضييفه افكر استقيييل ... بس ارجع وافكر ... واقووول الرجاااال مااااااااينضمن لو شنوووو ... اليوووم يحبني ومريحني ولي بروووحي ... بس بكره ماادري شيصييير ...

الااااااااا شهاااادتج لااااااااااااتتنازلييين عنها ابددددددددد

 

[دلوعة عزوز]

حبيبتي نصيحه مافيه شي تخسريينه
قولي الحمدلله ماعندك عيال وهذا ابووهم
دامك عارفه انه يبي يحظ مره على راسك وهذا همه
اشتري راحتك وقبلها استخييييرررري
وشهادتك وعلمك بتنفعك وبتنفع امك
وربي بيعوضك باللي احسن منه
اهم شي مافيه اطفال يتعذبون بينكم شوفي حياتك العمرر كلله قداامك
حطي ايجابياته وسلبياته وقررري بعقلك مو بقلبببك
وربي يوفقك ويخلي لك امك ويحفظها

 

[مطيريه ماركه]

مآقريت ردود آلبنآت بس مشكلتج
حبيبتي عآدة مآ آحب آلبنت تتنآزل عن طموحهآ وشهآدتهآ سلآح بـ آيدهآ
لكن في حآلة وحدة آذآ وآلله زوجهآ مو مقصر عنهآ من تعآمل ومآدة
نقول آوكي يمكن
لكن دآمه معآج بخيل وتعآمله آكس لآ تتنآزلين آبدآ ً
شهآدتج آن كمل زوآجج سلآح بـ آيدج وآن تطلقتي مآ تعتآزين لـ آحد
وترآ آلطلآق مو نهآية آلمطآف يآمآ بنآت تطلقو وآلله عوضهم

 

[مشاعر عذبه]

يرضى فيكي وبظروف دراستك زي ماانتي راضيه فيه وراضيه بضعفه وواجهيه بهالشي ولاتستسلمي له وحاولي انك ماتخسري دراستك وماتخسريه

 

[استغفار]

حطي حياتج وطموحج واللي ودج فيه بكفه وبالكفه الثانيه حياتج وياه وشوفي اي كفه ترجح وتستاهل تضحين بالثانيه عشانها مع اني اشوف انه ما يستاهل بس اقولج استخيرررررررررري يا غاليه وربي يوفقج

 

[Soso_Bronzy]

شوفي يالغاليه ..
مستقبلك مستقبلك
لاتخلينه لو كان من ماكان
دراستك لاتخلينها .. والوظيفه بعد ماربي يرزقك بالتخرج
انتي وش يضمنك انه بكرا مايطلقك ؟
خلي الطلاق .. نقول يمكن يهديه ربي ومايطلق
لو ربي قدر بشر .. وصار له شي
انتي من وين تصرفين على روحك ؟ تجلسين على قلب اهلك
اهلك ماراح يقصرون .. بس ولو هم مادرسوا بنتهم عشان اخرتها تبطل وتتركها

اذا معاك شهاده ضمنتي وظيفتك ومستقبلك
واذا ما معاك تجلسين طول عمرك اقل من غيرك .. وناقصك شي

ومدام الرجال .. الله يستر عليه ماعليه حسوفه
ليه تقدمين تنازلات عشانه واهو مايساعد .. بس يشرط ويبي يقلل من قيمتك ..

الله يسخر لك ويعوضك خير

استخيري قبل كل شي

 

[شو حلاتي]

الله يعينك استخيري ربك والله ميضيع حق المظلوم

 

[شو حلاتي]

والله حاسه فيك.....
بس يلايت الشباب يحسوا بمعنات المره ..........