رد : رد: اسراري لأول مره...مكياج انيق ..نظيف..مرتب..نااعم..سوو كيوت 
..( تفضلوا )..
مجهود جبار و موضوع جبار بعد صرااحه من البنات اللي يعطون من قلب ولهم سعة بال ,,شكرا لج من القلب موفقة ان شالله تقريبا جاوبتي علي كل اسئلتي بس سؤال ثاني الاستخدام اليومي للفاونديشن والبودرات ما يطلع مسامات للويه؟؟ او يسرع من ظهور التجاعيد بالويه؟
للأسف اي..كثرة المكياج وخصوص التغطيه اللي تكون سميييكه ( مثل كريم اساس العروس)
واللي يحطونهم الممثلات والفنانات..كلهااااا تحرق البشره وتكبرها قبل ميعادها..
هذا اذا ماخلت المسام يتبطل ويبان الوي جنه امحفر...
شوفوا اي فنانه بدون مكياج واخترعوا..لأنها اساسا ملتزمه تحط من هالكريمات والكفرات
الثقيله كل يوووووم.. ولو انها تستخدم كريمااات عنايه غاليه جداً..
علشان نتفادى هالمشكله..
اول شي وااايد اشوف بنات يشرون كريمات اساس من الهنوود ..و خصوصا بالمعارض
تشتري الكرييييم الكبير اللي تستخدمه لكل مكان حتى لجسمها.. واسعارهم رخيصه جداّ
يمكن تشوفين انهم يعطونج تغطيه زينه....لكن البلشه انهم مواااااد تضر البشره واااااااايد
تهلكها تتعبها..ويبين مع العمر انها دمرت بشرتهااا... لا تشترون من الهنود حتى الحمر
لأنها مواد كربونيه و كلهااااا مواد رخيصه رخص التراب..ماكو مقارنه بين مكياج الهنود
والمكياج الماركات
اولاً الماركه تخاف على سمعتها وماتنتج شي يمس هالشي... صج اللي يوصلنا احنا االخليج
اردى شي بس هم ارحم من منتجات الهنود الصينيه والتايلنديه..و تكفووون
تكفون تكفون علشان بشرتكم وخروا عن ( كريمات الاساس ملوت المعارض) اللي يصير
امدور من شكله اصلا هيلقي .. و وخروا عن التاتو السبوري مالهم..
وو وخروا عن الحمر ملوت الهنود كلهم يسودون الحلج ويجففونه..لاحظوا حطوا حمره من الهنود
نطري عليها بتنشف لج حلجج اصلا..تحسين حلجج يتقشر حتى لو كانت بشرتج ماتتحسس من اي
شي
الحمدلله انا بشرتي ماتتحسس بسرعه بس حمرة الهنود تنشف لي شفايفي...كلهم قطيتهم
بالزباله وانتوا بكرامه..
اول شي : لا تحطين مكياج شاريته من حيالله مكان حتى لو عجبتج اللالوان وحتى لو تتمتع
بثبات ترا قاعدين يغشونكم..ع الاقل قطي فلوسج على شي يسوى ماركة لانكوم ( جباره)
لأنها طبيه اميه بالاميه..
ثاني شي: قبل المكياج حطي البيس وكريمات الحمايه اللي توفر لج كفر ( غطاء) علشان
ماتتضرر بشرتج من كريم الاساس المتكرر اللي تحطينه كل يوم..وتكون بمثابة عازل
ثالث شي: شيلي المكياج اول بأول ومسحي ويهج بزيت الزيتون .. ووخروا عن مناديل المكياج..وحتى لو مسحتي ويهج بمناديل ازالة المكياج لازم تغسلين ويهج عصبها وتدهنينها
بكريم مرطب
ثالث شي: وفري حق نفسج فيتامينات بمعنى ( كريم خاص يحتوي على فيتامينات تحمي بشرتج)اذا كنتي من البنات اللي تغذيتهم مو صحيه وهالشي ينطبق على 99.9% من بنات الكويت..
وموجوده هالكريمات بالبودي شوب..وكل ماكان الكريم غالي ابيج تعرفين انه راح يفيدج
لا تشترين كريمات عنايه من الفلبن لأنها كلهاااااا مواد ضاره..كلها كلها لا يقصون عليج
يقولون لج طبيعيه اميه بالاميه ولا ليش تحطلج كبسوله داخل التونر مال الجمعيه
ترا هاذااا يهلك البشره..يعطيج مظهر صافي " مؤقت" وبعدين تعالي رقعي بشرتج
رابع شي: كثري فواكه و خضروات ..حتى لو صكيتي الاربعين راح تشوفين بشرتج بعدها
ناعمه وبعدها نضره ...يمكن ماتحسين بفايدة هالشي الحين..وتكثرين من البيبسي والمشروبات
الضاره مثل القهوه.. و توخرين عن السلطات و الفواكه..لكن بعدين راح تفهمين شنو معنى كلامي
مع ان عمري عشرين سنه..بس انا وايد يهمني ان بشرتي ماتكبر اخاف من هالشي وااايد
خامس شي: اذا كنتي كبيره بالعمر او بمعنى اصح بدت بشرتج تكبر..
لازم ترطبينها بإستمرار لأن اساس ظهور التجاعيد البشره الجافه الغير صحيه..
اصلا الجمال الحقيقي يظهر بالثلاثينات علشان جذي لا تضيعين هالمرحله ..تقدرين تبرزين
جمالج بطريقه جباره..دوري شنو احلى شي بويهج وبرزيه راح يغطي على وايد عيوب
حتى لو كانت درجة جمالج عاديه بمجرد ماتكون بشرتج صافيه واتينن هالشي بحد ذاته مصدر جاذبيه... هالعمر اساس الجمال واصلا مستحضرات التجميل كلها بألوانها مناسبه اكثر
للمرأه بالثلاثينات والاربعينات..اما فترة العشرينات فترة المكياج الملون .. والمفروض
مانهتم احنا كـ بنات صغار بمستحضرات العنايه..لكن اللي حاصل عندنا هني بالخليج
الجو ملوث جداً و ضااار وتقدرون تقولون مسموووم ..علشان جذي انا اقولكم اول بأول اعتنوا فيها....لأن بالسنوات القليله القادمه راح تلاحظون بشرتكم تكبر قبل عمرها اذا مافي عنايه..
سادساً: اذا استفدتي ادعيلي :eh_s(7):
