رد : اسراري لأول مره...مكياج انيق ..نظيف..مرتب..نااعم..سوو كيوت 
..( تفضلوا )..
مكياجي للكليه بالخطوات .. ( للبشره العاديه اللي تميل للجفاف اكثر ) :
مثل ماوعدتكم اكتب لكم مكياجي اليومي والحمدلله ثابت بدرجة 90%..ما احتاج اعدله
كل شوي بس مجرد اني ازيد الحمره او اخففها..او امرر اسفنجه مبلله من ماي على الاماكن اللي احسها شوي جفت..:
بسم الله ..
بالبدايه .. تحضير البشره للميك اب :
1) سكراب المشمش ( السنفره)..
طبعا المشمش اللي على اليسار...ممتازه جداً ..ماتنشف البشره كلش مع ان بشرتي تميل للجفاف اكثر..
طبعا اغسل ويهي بماي بارد واجففه بكلينكس مو بفوطه :eh_s(4):
2) الحين امرر قطعة ثلج على بشرتي واركز على خشمي لأني اول ما اقوم من النوم اكثر شي يفرش خشمي..
3) عندي سبريه(بخاخ) صغيرونو امخصصته احط فيه ماي ورد..الصبح ارش منه على ويهي على السريع.. ومحتفظه فيه بجنطة مكياجي
هذا النوع اللي استخدمه بالضبط اسمه كلاب الربيع لوول شكو مادري
4).. الحين ابدا احط مرطب شانيل المائي هذا حبيبي ..
مميزاته :
1. مناسب لذوات البشره الدهنيه لانه اساسه الماء واحماض الفواكه يعمل على ترطيب البشره ويخليها ناعمه جدا ومتهيئه لاستقبال المكياج اكثر الاوقات استخدمه قبل مكياج المناسبات
لان مافيه حمايه من الشمس .
وحطيت لكم صورته بالبداية اهوا لونه اخضر ..واستخدم بعد مستحضر العنايه بالجفن والمنطقه اللي حول العين من شانيل..
6) قبل كنت استخدم بيز ميك اب فوريفر بس بعد ماعرفت مرطب شانيل ماقمت احتاجه لأنه يثبت المكياج ويعطي مظهر نضر وااايد للبشره..اما اللي حابه تستخدم بيز وماتستغنى عنه انصحها
بـ بيز PUPA وتلقاه بـ صيدلية بوتس الافنيو..او فافافوم الافنيو..
7) ابدا ارسم حواجب بتاتو PUPA الكربوني ..يعطني شكل نهائي ذرب مو اسود حييييل لأ وايد ناااعم..وفرشته فنااانه مثل ماسبق وذكرت ..يعني مستحيل مايعجبج..يرسم لج الحواجب ولا كأنج حاطه تاتو ويسد لج الفراغات بإختصار الشكل النهائي للحاجب يكون مثل حواجب كيم ..
واحلى بـ وايد..
8)..بفرشة الزوايا مالت ماك انضف واشيل الخطوط الغير مستحبه اللي رسمتها بحواجبي..وطبعا هالخطوه مو دايما اسويها لأن فرشة بوبا تغنيني عن هالخطوه و وايد خطوات كنت اسويها بالسابق لـ رسم الحاجب..
9) ابدا اوزع الكولسينر..وعندي درجتين للكوليسنر ( ستيك فاونديشن من ماك ) المدوور.. هذا احبه بس عيبه مايصلح للبنات بالثلاثينيات او للبشره المجعده لأن سمااكته وتغطيته الكبيره ممكن تبرز التجاعيد حول العين..يعني وايد حليييو حقنا احنا البنيات..
وسبب استخدامي لدرجتين من الكولسينر..اهوا ان ساعات تكون في حبه بالغلط بالوي..
بضغطه عليها من الدرجه الغامجه تخفيها..واستخدم الدرجه الغامج لعمل كونتور( نحت) للوجه..
حوالي خشمي..و الجزء الاسفل من خدي اوزعه جنه بلاشر و اطبطب عليه يعني مو مساااح ديروا بالكم
10) الدرجه الافتح استخدم صبعي الرابع اللي قبل الصغيروونو..وعن طريق الطبطبه ( التربيت)..اوزع الكولسينر لي تحت العين و على الخط والمكان اللي حول الانف لأن بروز الخد بهالمكان يصغر الخشم وعلشان اخطي الخطوط التعبيريه ولو ان ويهي الحمدلله مافيه خطوط
يتبع ..( صج نسيت حطيت خطوة التاتو قبل الفاونديشن..عكسوهم ما اوصيكم لأن الفاونديشن قبل :eh_s(7)
