اسراري لأول مره...مكياج انيق ..نظيف..مرتب..نااعم..سوو كيوت :)..( تفضلوا )..

[اوراق التوت]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

ماشاء الله عليك رهيييييييييييبة يعطيك العافية

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

الجمال الحقيقي

عندنا مفهوم كويتي..او بالاصح مفهوم خليجي..ان البنت بالثلاثينات خلاص لازم تجابل
بيتها وعيالها واذا كانت مو متزوجه تجابل شغلها ولا اهلها..وشبه انتهت صلاحيتها
بالنسبه لي مفاهيم غبيه..ومجتمع مغفل إلى حد كبير..

لأن كل شي يثبت ان الجمال الحقيقي للمرأه يظهر بالثلاثينات ويزداد بالاربعينات
يعني حرام تهملين هالشي بس لأن المجتمع يتطلب هالشي..

اعشق بشدة اللوكات المخصصه للحريم بهالعمر..تحسينها رزه و تكانه وانيقه
إلى حد كبير..واكثر لوك يناسبها لوكات الستينات اللي تتميز بالحمره الغااااامجه جداً
عموما كل الالوان القاتمه تناسب المرأه بهالعمر لكنها محتاجه لـ :
اولا: فن في اختيار درجات الالوان
ثانيا: فن في دمج الألوان..
ثالثا: لوك نظيييف وانيق..الى حد كبير..
رابعا: بشره صحيه ونضره..


للبنات في بداية الثلاثينات او في الاربعينات..وانا كيفي بسميكم بنات..ماني قايله حريم..
لأن البنت لازم تدلع روحها إلى آخر يوم بعمرها:

1_ لازم تحرصين انج توزعين كريم الاساس بدقه وفن..وانصح بهالاسفنجه راح تفيدكم
لأنها تعطي تغطيه متساويه..

الاسفنجه المثلثه وتلقونها بـ ماك..بس النحيسين قبل يعطونا الاسفنجه ببلاش الحين صارت بفلوس

2_ علشان تحصلين على لوك مثل لوك جمانه اللي بالصوره الاولى..انصحج بفرش الآي شدو
لأنها اكثر دقه في رسم العين..واختيار الالوان يكون مابين ( الالوان الناريه : درجات البرتقالي
مع المشمش تقدرين تسوين مكس مو طبيعي مع تحديد العين من الداخل...او الدرجات البنيه القاتمه..او الحمر الصارخه لـ شانيل ..ممتازه جداً جداً..)

2) بلاشرات لانكوم..وحمر لانكوم كلها لكم والاحمر مال لانكوم اللي يكون يعكس يخفف درجة الاحمر اذا كنتي من اللي ماتحبين الاحمر..او لأن مجتمعنا مايحب هالشي..احمر لانكم اللي يعكس على بني ممتاز

3) حضري بشرتج جيداً قبل وضع المكياج..وخري عن الالوان البناتيه واذا حبيتي تجربين الزهري
و الدرجات النعومه...حددي عينج من داخل علشان شكلج يكون رزه والنظره تكون حاده شوي..تبرز شخصيتج

4) التاتو لازم يكون امرتب مو مبالغ فيه..وانصح بالتاتو الكربوني اذا كنتي بيضه..

5) جربي مستحضرات تحتوي على كولاجين علشان تملي الاماكن المجوفه ..

6) اي شي بخصوص لوكات الثلاثينات انا موجوده لأني اعشق هاللوكات..
وماقدرت اخصص لكم لوك معين لأن كل شي حلو عليكم..لكن لا تنسون لازم يكون المزج ممتاز
ويكون في فن بالاختيار.. علشان الشكل النهائي يكون تكااااااااااااااااااااااااانه وانييييييييييييييييييييق




اللوك الفازليني " الرطب"..

اتوقع كل اللي يبون هاللوك بشرتهم جافه او عاديه او مختلطه..لأان ذوات البشره
الدهنيه ماتحب يكون شكل مكياجها دهني ..
علشان جذي اغلب المنتجات اللي بكتبهم تناسب البشره الجافه او العاديه او المختلطه:

انصح بهذا المنتج الفازليني من ماااك ولازم تحرصين تكون درجته مناسبه لج:

واختاري قلوس من ماك .. او اي ماركه ثانيه..+ آي شدوو فيه لمعه بسيطه مثل هذا:

اللون الابيض اللؤلؤي اللي فيه لمعه لبداية العين..( البوز من جدام) بس ديري بالج
اذا عيونج بعااد وايد عن بعض وخري عن هالخطوه واكتفي بتوزيعه تحت الحاجب و عن زاوية
العين الخارجيه

ديري بالج تحطين كحل اسود..لأنه مناسب للمناسبات ..و وايد هيلقي اذا سويتي هاللوك
بكحل اسود..افضل الرمادي او البني.....

نعيد الخطوات بترتيب و وضوح اكثر:

1_ بعد الترطيب و بعد ماتحطين الكولسينر والفاونديشن..حطي من لمعة ماك اللي حطيت صورتها
على هالامااكن..








على راس خشمج من فوق...واليبهه و تحت الكولسينر ليييي الخارج...على عظمه الخد من فوق
وشوي على حنجج اذا كان صغيرونو..علشان هالخطوه تبرزه..


2_ حطي من الاضاءه البيضه..في زاوية العين الداخليه و وزعيها تحت الحاجب..

2_ اختاري لون واحد و وزعيه على الجفن كلللللله ( هاذي الهبه اليديده) واتمنى يكون
برتقالي او مشمشي او موف او وردي ..الدرجات الخفيفه الصيفيه...

3_ حطي خطة كحل ناااعمه و كثري ماسكرا..بنيه او سوده ..

4_ اذا حابه تحطين خطه بقلم الكحل( التركواز او الاصفر او البرتقالي او البني .) حطي تحت العين شوي وموهيه بصبعج..

5_ حطي من البلاشر الكريمي مال ماااك..البيبي بينك او البرتقالي ..اينن بس وزعيه بصبعج لي من خدي لي الخاااارج..

6) حددي شفايفج بمحدد الشفا ولوني شفايفج فيه علشان يعطي ثبات للقلوس و لون ممتاز وصيفي

7) رشي من فكس ماك السائل..

8) تمتعي بلوك رطب صيفي..نااعم..انثوي..

ملاحظه : التاتو يكون بإختيارج بس ديري بالج تكون حواجبج غااامجه..حوالي يكون ناعم وكيوت
و وخروا عن تاتو الساحرات الحاد الزوايا..وخلي الزوايا تكون مموهه شوي..

وشكرا :eh_s(17):

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

اووف حسافه الصور مو طالعه خل ارد ارفعها لكم

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

لوك الستينات :


وايد بنات يسألوني عن لوكات الستينات ..واللي اهوا هبة لشتا اللي طاف وليلحين اشوف بنات
جذي لوكهم..ويصلح لكل الوان البشره وكل الاعمار بس عاد مو عمرج 15 وتحطين جذي
مو حلوو اصلا يكبرج وايد...:

ميزته : مثير...انيق..وع الموضه..

خطوات تهمج:

1_ بعد ما تحطين الكولسينر والفاونديشن..وزعي البلاشر البرونز او البني على عظمة خدج
و حنجج و يبهتج من فوق بشكل عشوائي علشان ينحت ويهج..

2_ وزعي لون واااحد على جفنج من الحاجب لي خط الكحل..

3_ اذا ماكنتي تعرفين ترسمين عينج بالآي لاينر السائل..جربي قلم الكحل العادي..وحطي كحل داخلي للمنطقه اللي فوق..علشان تعطي حجم اكبر لرموشج و حطي خطة الكحل فوق عيونج..وبعدها عااد لما تضبطينها ابدي حطي الآي لاينر السائل واختاري رسمه مثيره مثل رسمة القطوه..

4) ابدي حطي ماسكرا وكثري ماسكرا عند زاوية العين..ونطري لما تنشف رركبي الرموش راح
تبرز عينج واايد..وشوي شوي بالملقط ثبتي الرموش..وانصح برموش ميك اب فور ايفر

5) اختاري حمر غامجه وديري بالج لا تنشف على حلجج حطي قلوس شفاف فوقها..وارشح
حمر شانيل الحمره و ديور..روعه وترطيب..

6) كـ شيء غير اساسي..حطي عدسات بس تكون غامجه..او بنيه..او عسليه..لا تحطين رمادي..

شامه تحت العين وفوق الخد بس صغيرونه تعطيج مظهر مثير ....

وزعي البلاشر البرونز على خدج ..ولا تنسين وانتي تحطين تاتو الحواجب لازم يكون غامج
ويملي كل الفراغات الى حد كبير.. طلتج تكون جذابه اكثر..ولا تنسين لمسه بيضه لؤلؤيه
قبل زاوية عيونج الداخليه تعطي رونق واضاءه تشووق


وبالنهايه اي سؤال انا حاضره وانا هالمره شرحي كان بشكل عام لأن اختيار الالوان والماركه
حلو يكون على ذوقج..لكني رشحت بعض الاسماء...

ادعولي اذا فدتكم بشي :eh_s(7): واذا لأ نطروا مني المزيد

 

[_zahra]

كارميل شكرا لج وفعلا استفدت منج والله يوفقج بكل شي ببالج ربي يرزقج فيها ان شالله,,بحب اقولج عن عنايتي بشرتي مختلطة دار مدار العين لو غامق من بشرتي اللي لونها ابيض مايل للصفار بس من قمت الحمدلله اشرب عصاير فرش الصبح ومع الريوق اخذ فاكهة شوية اوكي لكن عندي مشكلة خطوط الرفيعه تحت العين,ويبان بعد الكونسيلر,,عمري 32
ماحب الماكياج الثقيل بس احب الحمر اللي الوانها قوية ساعات حتي لو مو حاطة شي ممكن احط حمرا بس واطلع وللدوام لوكي ناعم و مو كل يوم فاونديشنز لان لاحظت كم مسامات شوية عندي صغار مفتوحين ,,شربي للماي متوسط ,,اهتم ببشرتي ورقبتي اخاف من الجاعيد المبكرة دايما اسوي مساج لرقبتي عشان الترهل ,,احط يوم وترك زيت جنين القمح سمعت انه مفيد لسواد العين والتجاعيد وبعدها اغسل بصابونة واحط تونيك لانكوم وكريم الليل عندي كافيار وكريم العين الصبح ماي ورد مخلوط مع بودرة دم الغزال شوية عشان يعطيني تورد وبعدها كريم الترطيب ومعاه حماية من صيدلية ماخذته و مثل ما قلت مو دايما فاونديشن ساعات البودرة او ساعات السائل وما اخذ اللي بوطقة اخاف,,واذا بعد كريم اساس او بودرة ساعات احط بيس وساعات لا.هدفي في الحياة الحفاظ علي صحة وجمال بشرتي مايهمني الماكياج كثر ما احب الويه النظيف الصحي النقي.. ادري طولت بالحجي بس شفت فيج اخت مخلصة تحبين تنصحين .طبعا بقول السكراب 2 او 3 بالاسبوع المساكات كمان 2 بالاسبوع تنظيف بشره كل شهرين او 3اشهر..ومزيل الماكياج عندي كريمي طبي ..

ونسيت اسأل لوكات الصبح احب احط احيانا مو دايما حمر الونها غامجة عادي والا بحكم العمر او جو العمل مو حلوة جذي ألوان؟؟

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

ملاك غير البشـــر

لاحظت وايد بالكويت واغلب دول الخليج..
البنوتات الصغار بالعرس.. مكياجهم مايكون مناسب ابدا لعمرهم..
اول شي :
تشوف بنت عمرها عشر سنوات او 9 سنوات ومكياااجها الاوفر
والصارخ يحسسج كأنها مره كبيره لكنها قزمه..وما اعتقد
ان في مرأه تحب بنتها تطلع بهالشكل...

ثاني شي:
البشره بهالعمر ماتتحمل المكياج الثقيل..وحرام تخربين بشرتها على صغر..وحتى فرش واسفنجة المكياج اللي بالصالون..راح تتحسس منها لأنها من وي لي وي..يمكن احنا الكبار..بشرتنا تتحمل اكثر..علشان جذي جنبي بنتج هالاضرار..

ثالث شي:
نعيش وسط تخلف كبير لتفهم البنات في هالمرحله..
من الصغر لي 14 او نقدر نقول 15 سنه.. تقدرين تبرزين جمالها وبراءتها..اكثر من ما تلطخين بشرتها الناعمه بمستحضرات ثقيله تكبر شكلها وتطلعها بطله سيئه إلى حد كبييييير

رابع شي:
البشره بهالعمر مو محتاجه لتلطيخ..ليش انها نعومه وخاليه
من العيوب..ولا تقولون بناتنا اشيف..بالعكس يحسدونا الغرب
قبل الشرق على ملامحنا الخليجيه المخلوطه ..تذكري دايما..
ان احنا مزيج عجيب غريب ياسبحان الله.. مو عارفين قدر روحكم..بما ان احنا نعيش في قلب العالم..فإحنا مزيج عجيب..

علشان جذي..ابي اكتب لكم خطوات للمكياج البناتي..
لأني قاعده احاول ما انسى ولا احد ..ولأني وايد شفت بنات
يسألوني عن المكياج بهالمرحله..او اللي تقولي بنتي ماترضى
الا تبي تحط نفس مكياجي..هذا خطأ كبير وجهل كبير..

خلونا نبلش الحين بـ" النصايح":

- تجنبي الكحل الأسود ..بكل انواعه السائل قبل الجاف..
- تجنبي الالوان القاتمه لأحمر الشفاه و للآي شدو
- تجنبي الرموش التركيب حتى لو كانت طبيه وماركه معروفه
- تجنبي تثقلين الفاونديشن

الخطوات:
- توزعين كريم الاساس على ويهها ولازم يكون خفيف وحليو
مثل ماركة ماكس فاكتور او تلقين مكياج الاطفال عند الشايع حليو..

- مشطي حواجبها الصغار ورتبيهم ...

- بالعاقصه ضغطي على رموشها

- وزعي لون الاي شدو البنوتي ولج حرية الاختيار واذا حبيتي
تمزجين لونين ..لا تنسين منطقة زاوية العين الخارجيه
والاضاءه البيضه..حليوه وتطلعها كيوووت..

- خطة الكحل افضل اللون البني..من فوق..وحطي لها ماسكرا

- قلوووس وردي..و بلاشر بإضاءه..علشان تصير جنها لعبه
ولا تنسين هذا المكياج مناااااسب حتى للبنت المشعره
لا تحطين لها عجينة الحاجب ولا تسوين اي شي..لأن الشعر
يزيد برائتها ولما تحطين تاتو او عجينه تطلعينها بطلة الساحرات اللي ما احبها..او كأنها مرأه كبيره قزمه..

- حاولي تقنعينها ان هالمكياج انسب لها ويطلعها حليوووه
و ذمي مكياج الكبار..

كثري من البلاشر الوردي...و من الاضاءه البيضه علشان تطلع كيووته..


اما البنات في الـ15 او الـ16 من عمرهم..

ما انصح بيوم وليله البنت تحط مكياج ثقيل..

اللي يميز الموديل بهالصوره انها مو حاطه كحل اسود..امخليها وكأنها صغيرونه
ونعووووومه


ابدي دمجي اكثر من لون لهاا وتفنني بالرسمه بس بدون ماتبالغين بالالوان
ولا تختارين الوان ثقيله..


بالنهايه نصايحي:

بالـ11 او الـ12 من عمر بنتج..اخذيها الشايع ..خليها تختار قلوسات و بلاشرات ..
لازم تكون عندها ثقاقه من هالناحيه..علشان لما تكبر تكون عندها الخبره الكافيه
هالشي لازم نعلمه بناتنا مثل اي شي ثاني..علشان مع العمر تكبر معرفتها لهالشي..
بس عاد مو تمصخهاا وتختار شغلات مو مناسبه لعمرها..حطي لها حدود..
وكـ خطوه اولى ييبيلها زبدة من الصيدليه بعدها بفتره خليها تختار زبده ثانيه...لج مني من فرحتها فيها بتحطها تحت المخده ..يعني مو بيوم
وليله تاخذينها السوق تقوليلنها اختاري مكياج..لا لازم حبه حبه..علشان تعرف حدودها

لا تتجاهلين البنت بهالعمر..لأن مثل ما انتي تحبين تهتمين بمظهرج اهيا بعد نفسج..علشان
تزيد ثقتها بنفسها
لا تحسسينها انها ياهل..وهالشي من حقوقها عليج.. علشان اهيا بعد تحس انها صارت
كبيره وتزيد مسؤوليتها لنفسها..وماتتصرف نفس الياهل....نفسياً عقلها راح يكبر..راح
تتعامل كـ كبيره ..مثل ما انتي تعاملينها على هالاساس..راح تبادلج الاحترام لأنها تبدا تحس
انج حطيتي لها اعتبار وقدرتي وايد شغلات
بس عاد لا تبالغين بهالشي..ديري بالج...

وهالنصايح اكيد عن معرفه كبيره في مجال علم النفس..مو بس بعالم المكياج..

تحياتي لكم لي هني وانا قفل مخي :* :eh_s(7):

 

[عبير البنفسج]

الله يجزاك خير على موضوعك تحفه..

 

[caramil]

رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

كارميل شكرا لج وفعلا استفدت منج والله يوفقج بكل شي ببالج ربي يرزقج فيها ان شالله,,بحب اقولج عن عنايتي بشرتي مختلطة دار مدار العين لو غامق من بشرتي اللي لونها ابيض مايل للصفار بس من قمت الحمدلله اشرب عصاير فرش الصبح ومع الريوق اخذ فاكهة شوية اوكي لكن عندي مشكلة خطوط الرفيعه تحت العين,ويبان بعد الكونسيلر,,عمري 32
ماحب الماكياج الثقيل بس احب الحمر اللي الوانها قوية ساعات حتي لو مو حاطة شي ممكن احط حمرا بس واطلع وللدوام لوكي ناعم و مو كل يوم فاونديشنز لان لاحظت كم مسامات شوية عندي صغار مفتوحين ,,شربي للماي متوسط ,,اهتم ببشرتي ورقبتي اخاف من الجاعيد المبكرة دايما اسوي مساج لرقبتي عشان الترهل ,,احط يوم وترك زيت جنين القمح سمعت انه مفيد لسواد العين والتجاعيد وبعدها اغسل بصابونة واحط تونيك لانكوم وكريم الليل عندي كافيار وكريم العين الصبح ماي ورد مخلوط مع بودرة دم الغزال شوية عشان يعطيني تورد وبعدها كريم الترطيب ومعاه حماية من صيدلية ماخذته و مثل ما قلت مو دايما فاونديشن ساعات البودرة او ساعات السائل وما اخذ اللي بوطقة اخاف,,واذا بعد كريم اساس او بودرة ساعات احط بيس وساعات لا.هدفي في الحياة الحفاظ علي صحة وجمال بشرتي مايهمني الماكياج كثر ما احب الويه النظيف الصحي النقي.. ادري طولت بالحجي بس شفت فيج اخت مخلصة تحبين تنصحين .طبعا بقول السكراب 2 او 3 بالاسبوع المساكات كمان 2 بالاسبوع تنظيف بشره كل شهرين او 3اشهر..ومزيل الماكياج عندي كريمي طبي ..

ونسيت اسأل لوكات الصبح احب احط احيانا مو دايما حمر الونها غامجة عادي والا بحكم العمر او جو العمل مو حلوة جذي ألوان؟؟

مشالله عليج عنايتج ممتازه.. بس هم ديري بالج من التونك ينشف شوي..وكل ما رطبتي بشرتج
كل ما أخرتي ظهور التجاعيد..وحلو وايد انج تسوين مساج لرقبتج..تقدرين تسدين المسام
بمنتج بينفت اللي يسد لج المسام ويحمي بشرتج من البكتيريا

بالنسبه لسؤالج..اذا كان مكياج العين ناااعم او بالاحرى ستايل النو ميك اب..ركزي اني قلت ناعمممم..حلو تحطين حمره ثقيله.....بالنسبه لعمرج اصلا حلاة الحمره الغامجه بهالعمر
واقري خطوات العنايه للبنت بالثلاثينات اتوقع راح تفيدج..

لكن هم جو العمل ساعات يحكمج بإختيار الوان هاديه ونهاريه اكثر...:eh_s(7):
وانتي اعلم بمجال عملج :eh_s(7):
مثل ما قلتلج الحمر الغامجه حلاتها للثلاثينات..لحد يقص عليج يقولج مو لج.... البنوتات لهم
درجات الوردي المشمشي اكثر من الالوان الغامجه :eh_s(7):

بالنهايه اي سؤال اانا اون لاين :eh_s(7):

 

[Killer^Girl]

انا متابعتج وستيباتج حلوة وايد ونصايحج عامه ومفيده

 

[Killer^Girl]

بستفسر منج عن شغله
انا احب احط الفونديشن لونه طبيعي على افتح شويه من درجة بشرتي الاساسيه
واحط فوقه بودرة برونز اسوي فيها مثل التحديد للويه
جربت وايد
وفي شغلات عجبتني
بس لي الحين ماطحت على البرونز الي يرضيني ويكون مثل ماتمنى
ياليت تسوين لي ريفيو عن اهم البلشرات او الكومباكت البرونز الي جربتيه ومن اي ماركة واي واحد تفضلينه عشان اروح اجربه
انا الحين احب كاليفورنيا ان كومباكت من توفيسد
بس مومحصلته اهني
ف ابي بديل
ابي البرونز الي يكون على لحمي او بني
مابي الي يكون على ذهبي او وردي
ومشكورة حبيبتي سوري تعبتج وياي

 

[أسيرة_أحزاني]

انا كنت بسألج عن اللوك الفازليني

يعني هذا فونديشن الي حطيتيه من ماك يعتبر فازليني ؟

وقواج الله انا ماكملت الباجي بس قريت اللوك الفازليني ماقدرت مارد

تسلمين

 

[caramil]

رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

بستفسر منج عن شغله
انا احب احط الفونديشن لونه طبيعي على افتح شويه من درجة بشرتي الاساسيه
واحط فوقه بودرة برونز اسوي فيها مثل التحديد للويه
جربت وايد
وفي شغلات عجبتني
بس لي الحين ماطحت على البرونز الي يرضيني ويكون مثل ماتمنى
ياليت تسوين لي ريفيو عن اهم البلشرات او الكومباكت البرونز الي جربتيه ومن اي ماركة واي واحد تفضلينه عشان اروح اجربه
انا الحين احب كاليفورنيا ان كومباكت من توفيسد
بس مومحصلته اهني
ف ابي بديل
ابي البرونز الي يكون على لحمي او بني
مابي الي يكون على ذهبي او وردي
ومشكورة حبيبتي سوري تعبتج وياي

هلا وغلا..

حبيبتي انا بشرتي بيضه مايله للبيج ومييييييييييح مو زين احط شي برونزي بويهي
يقبحني..بدرجه ماتتصورينهااا..والوردي ودرجاته تناسبني اكثر..

علشان جذي معرفتي لمنتجات البرونزاج محدوده...لكن اختي سمارها ماااايل للبرونز
ودايما تحط برونز اينن عليهاا يشوووق..واكثر وااحد شفته صاروخ عليهااا

بلاشر مكياجي الذهبي..بس انتي ماتبين شي ذهبي...ولا مايل للوردي..

انتي تقصدين بتحديد ويهج ( نحت الوي او الكونتور) وعلشان تنحتين ويهج لازم تحددينه
بدرجه " بُنيه" مو درجه برونز.. انصح ببلاشر ريميل البني..وحتى فرشته عنونه تصلح لتحديد الوي

بعدها حطي البرونز اللي عندج بفرشه كبيره شوي وامدوره وشوفي الفرق..لأن تحديد الوي معروف يكون بدرجة بنيه
مو تبلشين بالبرونز على طول

الخطوات على السريع:
1_ الكولسينر
2_ الفاونديشن
3_ الدرجه البنيه من البلاشر لنحت الوي وعمل كونتور
4_ ابدي الحين بتوزيع البرونز على عظمة الخد..اليبهه والحنج بفرشه كبيره..والذهبي مال مكياجي
لا يطوفج جربيه مو خسرانه شي خليها تحطه لج

بالمختصر المفيد الدمج بين البني و الذهبي...يعطيج الدرجه اللي تتمنينها :eh_s(7):

 

[caramil]

رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

انا كنت بسألج عن اللوك الفازليني

يعني هذا فونديشن الي حطيتيه من ماك يعتبر فازليني ؟

وقواج الله انا ماكملت الباجي بس قريت اللوك الفازليني ماقدرت مارد

تسلمين

اي نعم فازليني..وممتاز..
وفيه منه درجات..واحد يميل بشرتج للوردي.. و واحد للبرتقالي و واحد للبرونز..
اذا كنتي بيضه جربي الوردي او الشفاف وفوقه البلاشر الكريمي..او البلاشر اللي مايكون مات
اللي فيه لمعه ..
اذا كنتي سمره فاتحه او حنطاويه جربي البرتقالي او البرونز حلو واينن

ولا حظوا ان فيه فرق بين البرونز والبرتقالي..وانشالله بسوي ستيب يوضح لكم هالشي
لأن اغلبهم يخربط بين الاثنين ..

 

[Killer^Girl]

سجلتهم عشان اجربهم
يعطيج العافيه حبيبتي

 

[..HwazN..]

بصرااحه موضوعج روووعه .. وحييل استفدت منه .. من اليووم اقرا فيييه

ولا يوقف لايووقف

ويعطييج الف عاافيه

 

[أسيرة_أحزاني]

انا جني سمعت من تجمع ماك انه الفل كفرج منقطع ؟

 

[أوتــار الهــوى]

يعطيك العافيه
على الأغراض الحلوه والشرح الوافي

 

[غيم الصباح]

مشكوورة حبيبتي

افدتيني كثير ​