اسراري لأول مره...مكياج انيق ..نظيف..مرتب..نااعم..سوو كيوت :)..( تفضلوا )..

[كويتية222]

مشكورةةةةةةةةةةةةةةةةةةةةةة

 

[Killer^Girl]

احب لوكات كيم وميسا
ودايما هذا المكياج الي اعتمده غالبا
والي تتعود عليه بتكتشف شغلات يديده تفيدها باللوك
وايد استفدت من افكارج ويعطيج العافيه

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

مكياجي مجرد ألوان..!


في عندنا مفهوم غلط..الله ياكثر المفاهيم الغلط..
إن " المكياج مجرد ألوان"..

قبل فتره مو طويله سويت تجميل..واكتشفت بعضها اني
ضيعت خريطة ويهي :eh_s(10):

فجأه قمت احس مكياجي القديم ماقام يتناسب و ويهي اليديد..

دخلت بمووود تعيييييييس خصوصاً ان وقتها ماكنت قادره
احط مكياج على راحتي ليش ان خشمي بعده شوي وارم..

فجأه حسيت عيوني نازله حيل..بالنسبه لإرتفاع خشمي..
و شفايفي نازله حيل وصار في مسافه بين خشمي
وحلجي !!:eh_s(10):

حيرررررررررررررره كبيره

مادخلت دورات مكياج ولا عمري..لكن عبثيتي اكسبتني
خبره اقدر اقول وااااسعه...

وهني بديت اعرف ان المكياج مو مجرد ألوان..

الوجه..مساحه..مسافه نحتاج نضيقها ..مساحه نحتاج نكبرها
خطة كحل تساعد انها تنزل عينج شوي.. و قلم تحديد شفاه
يعمل على تصحيح عيب الشفه..و امووور كثيره..

اذا شفتي اي مكياااااج ابهرج واعجبج وماعرفتي شنو السبب
ابيج تعرفين تماماً ان الماكييره عندها ثقافه كبيييييييييره
بهالمجال وانها راااعت المساحات وإعرفت لهندسة وي
الموديل..

يمكن هالصوره تعبر بقوه عن اللي ببالي..

إرتفاع الحاجب ونزوله بالمكان المناسبه اللي خلاج تتوهمين
كبر حجم جفن الموديل..ولو ان جفنها صغير ..

خطة الحكل السفليه اللي ساعدت على تغيير رسمة العين
الاصليه..وابراز العين وتقريبها من الانف..واختيار الالوان
مهم جداً يعني..اللون البني اللي تحت عينهاا..وسع عينها وايد
لو كان اسووود جان صغرها...اللون الابيض ساعدت على تكبير المساحه تحت الحاجب وبالزاويه الداخليه للعين..بإختصاااار
كل شي بهالصوره متقن اميه بالاميه...بخلاف هالمكياج

الآي شدو الللي نازل عن عينهاا عطاها مظهر وكأن عينها نازله لي تحت ..مظهر فيه نوع من انواع الشحوب
وخطة الحاجب خاااطئه...وعموماً مكياجها بشكل عام نقدر نقول سيء





علشان جذي انا ابيكم انتوا بعد تعرفون ملامحكم شنو تحتاج
رفعة حاجب..!! ولا مد خط الكحل من الزاويه الداخليه للأمام..
بلاشر غاااامج ولا بلاشر فااااتح...


يعني لا تشوفين خطة الكحل حلوه على رفيجتج تقولين ليش
انا ماتطلع علي حلوه..
رسمة عينها تختلف وملامحهاااا غيير..حتى انتي
اللي يصلح معاااج مو بالضروره يطلع حلو على غيرج
حتى لو كانت اختج..

دوري اللي يناسبج....وحتى لو كان في هبه
او موضه او ألوان معينه دارجه حاولي تغيرين شوي تغيير
يخليج ماشيه مع الموضه وبالمقابل مناسب لج..

إنتي :eh_s(17):

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

الــــدمـــج..
ذكاء..فن..


من اسباب حكمنا على لوحه فنيه على انها سيئه او جيده..
الدمج..

شوفوا الدمج بهاللوحه....

لازم نعرف متى نحتاج نعرض قلم الكحل...ومتى نحتاج
نضعفه وندمجه بالآي شدو..متى نحتاج ندمج البلاشر
بالكولسينر..وشلون ندمجه..

شكثر نحط من كل مستحضر..ومتى ندمج..وبأي اداة..
كل هالامور لازم تعطينها اهميه كبيره..لأن اللوحه
الفاشله اهي اللي الدمج فيهااا سيء....

واكيد ماتحبين تطلعين بطله سيئه..

شوفي الدمج بهالمكياج

شرايكم فيه ؟

من دون ما انقد ..كلمه وحده ممكن تعبر عن هالمكياج
اللي حطتلها مستحيل تكون خبيرة تجميل...
اهي حاطه في بالها ان المكياج مجرد ألوان وهالشي غلللط..



اما الدمج الصحيح...

شوفوا

مابي اوسع الموضوع مجرد ان حبيت القي الضوء على هالشي

بما انه مهم بالمكياج...

اليوم نكتفي لي هني قفل مخي :$

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

تصبحوووووووووون على خيييييييييير..

باجر انشالله بمر فافافوم الصبح اسوي جوله زايغ قلبي على جم شغله

انشالله راح اكتب لكم كل شي اتعلمه

 

[عروس يونيو]

مشاء الله عليج صج خبرته حلوه والاحلى اسلوبج بالشرح واضح والاهم انه ممتع ومفيد

متابعتج كملي ناطره جديدج

 

[أثير88]

مشكوووووووووووورة

 

[يّ ضميرِكّ]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

موضوعج روووووووعه شويه عليه

يعطيج العااافيه

من خطوات وادوات ونصايح

وفي كذا مستحضر دش مزاجي

بمر اليوم اجربهم علي

وبالنسبه لمكياج البنات الصغار

انا معاج 100 %

اكره اشوف بنت صغير وملطخينها ميكب

انا اذكر اول مره حطيت الميكب الكامل

اللي اهو كريم اساس وخطه عين كان عمري 19 :$

وقبلها الله يخلي المسكرا والقلوس والبلشر البنك

موضوعج انحط عندي بالمفضله

ولي عوده

 

[ما أروعك!]

يعطيج العافية

حييييييل اشتفدت

قريت كل الصفحات

ولي عودة لمتابعة جديدك

عساج ع القوة والله يوفقج وينولج كل اللي ببالج

 

[بنت أسامه]

رد : رد: اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

يعطيييج العافيه كملي حلوه

 

[Pure Beauty]

مشكوووورة على الرد حبيبتي


متابعه وبشده

 

[قـــمـــوره]

مشكوووووووووره

 

[ملواكي]

مشكوره وموضوعج واااااااااو

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

:eh_s(15):غريضات هالويك اند ..

امس عقب الغداا عينت من الله خير ورحت الصالون حفيت وعقبهاا على طول
على الافنيوووز.. وصارتلي سالفه وانا ادور park وااحد غصب بيطلع علي
قط روحه علي وعلى ابو اني بنت المفروض اني اخاف وارجع له واخليه يطوف..
لكن وحياتكم خليته يكره حياته..قطيت روحيييي خليته من الخرعه يزلق بالصبه
اييييي عيوني مو عشاني بنت معنااااته ينوخذ حقي..

ومن القهر ظل لازق يمي يبيني اطالعه علشان يسبني وانا بكل برود اطالع الصوب الثاني..و اموصيه اختي ماتطاااالع صوبه .. ومن الحرررررررررره حذف
علي مسباااااحه على الجااامه ...وانااا ولا كأنه موجود ...

دامج على حق لا تخافين الا من ربج..

عموماً وعدا الموضوع على خير وعلى طول شخطت على حبيبي.. مـــــاك..

والحين بقولكم عن اغريضاتي اللي شريتهم من ماااك ..:eh_s(17)::eh_s(17)::


* بداية ماكنت اتجرأ آخذ حمر فاتحه مثل حمرة angel وربعها... لكن امس خميت
اللي ابيه بدون ما اجربه على ويهي والحمدلله لما شفته بالبيت طلع ورررررررده..

بس الاضاءه مالت المحل واايد خايسه تخليج تكرهين ويهج :eh_s(14): :...

_ يمكن راح تنصدمون من الألوان وماتحبونها بس صدقوني بالصج روووعه..
خصوصاُ اللي بشرتها ببيضه مايله للبيج او حنطاويه فااااتحه ..

ANGEL

طبعا بالطبيعه غييييييييير والمعروف عنها انها حمرة كيم ... واكيد ماكو وحده ماحبتها..

وهاذا شكلها على الشفايف

والحمره الثانيه اللي انصح كل وحده بشرتها بيجيه تشتريها والله يابنات عمري ما اختبيت
على حمره جذي...


PLEASE ME

اكيد وايد بنات يأيدوني الراي في ان الحمر الفاااتحه ماتقدرون تحطونهم اذا ماكنتوا
حافين او اذا بشرتكم فيها مشاكل..او تحسون انها تعبانه شوووي..

علشان جذي اذا حسيتي انج مو حافه وتبين حمره ماتبرز هالشي ..انصحكم بـالصاروخ..



CAPTIVE

___________________________________________


وخذيت آي شدو ابيض مات علشان الحركه اللي قلتلكم عنها..

بعد ماتخلصون مكياااااجكم كله كله... من اول خطوه لى آخر خطوه....
تحطين بالفرشه تحت عينج فوق الكولسينر لي بداية البلاشر....علشان تضبطين لوك كيم..



وسويت اللوك امس وحطيت من حمرة بليز مي طلع شكلي كيووت :eh_s(15):

_________________________________________

وبما ان من زمااااااان خاطري ببلاشر مااااك كريمي...
انصحتني رفيجتي اللي بماك اني آخذ هاللدرجه ..

لونه بالصج غيير جريء ونعوم تصيرين جنج لعبه :eh_s(15): ولما ادمجه فوق الخد روعه روعه روعه بس هاااااا..

اللي بشرتها دهنيه توخر عن البلاشر الكريمي..قلت حق اللي هناك قبل كنتااو تعطونا الاسفنج المثلث ببلاش الحين ليش تنيحستااو قمتااو تبيعونه عليناا
جان تقولي ولا يهمج خذت جيسي واترسته لي اسفنج و فرش هدايااا ترا الاسفنج المثلث مااال مااك فنااااااااااااااان لا تستهينون فيه


وبعدها سويت جوله سريعه لقيت اني اكتفيت ولو ان في كذا اضاءه بماك حلووه بس ماكان عندي وقت اجربهم ..

على طوول طرت على فااافاافوم.... جيفنشي...وسألت عن البيز الوردي..

ممم كان امخلص...

رحت سيفووورا صوب بارت تووو .. وسألت عن البيز و كان من نصيبي آآآخر حبه من البيز
الوردي :eh_s(9):

للأمانه جربته على ايدي بس ماجربته على ويهي ليلحين انشالله باجر حق الكليه بحط منه

بس عن خبره اول ما حطيته على ايدي عرفت انه ممتاااز...خصوصا ان بشرتي امصوفره شويه..


وبالنسبه للي طلبت مني ادور على كومباكت باودر او فاونديشن سائل ممتاز ويعطي تغطيه
قويه غير ماااك بما ان مااااك يتعب البشره...

وبعد ماسمعت عن فاونديشن جيفشني رحت جربته امس...وخذيت الكومباكت باودر..

ما ابالغ اذا قلت لكم غطى عندي حتى الشعر الخفيف اللي ماينشال بالخيط..

ممتاز يا بنات بس اخذوا الدرجه اللي تناسبكم علشان يفيدكم ..

وخذيت كولسينر منهم انصحوني فيه وايد بنات .....ممتاااااز تحسينه يرطب المنطقه
بدون ما يتكتل يعني لا اهوو OILY ولا جاااااف...وسعره بـ11 دينار..





=================================

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

انا اون لااااين يابنات لي الساعه 6 اي سؤال انا موجوده :*

وبليز اللي اسألتني عن شي تكفون ترد تذكرني لأن مشالله الرسايل وااايده :s

 

[بنت أسامه]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

eeeeh 7yate momken 9orat el conselar wb3d solfay lna 3n n9a2y7ech w b3d

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

حبيبتي بنت اسامه عيزت وانا ادور صورته بالنت اكيد موجوده بس مو امحصلتها حالياً..

اهوا شكله جنه قلم تبطلين المقطه فرشته نفس الفرشه اللي نحط فيها الحمره ..

فيه مااادة الكولاجين اللي تشد لج هالمنطقه..ومثالي جداً للبنات في الثلاثينات...وممتاز للبشره الجافه والعاديه والمختلطه..

امس اختي حطت منه طول ما احنا بالافنيو كل شوي لا ارادياً اقول لهاااا اينن يشوووووووووووووووق..

حتى تحت الاضاءه القويه مايطلع العيوب...


ونسيت اقول للي بتاخذ كومباكت باودر جفنشي خل تتأكد انه كومباكت من الاسفنجه البيضه المربعه..
لأن في نفس شكل العلبه بس مو كومباكت وهذاك فيه لمعه شوي احسه دفش وله فرشه ...

تأكدوا بليززز انه كومباكت باودر ..

 

[لف ليدي]

روعه الموضوع متابعيييييييييييين

 

[حقووقيــــــه]

انتي عجييييييييبه ...:rerrerek:
وموضوعج اينن
يعطيج العافيه :eh_s(22):



بس بسالج بيس جيفنشي حق كل البشرات؟؟
وبسالج بعد .. تحطين انجل بروحها بدون تحديد ؟؟

 

[caramil]

رد : اسراري لأول مره...مكياج انيق ..نظيف..مرتب..نااعم..سوو كيوت ..( تفضلوا )..

كلنااا ندري مااااك الى اي مدى امينن البناااات..بكل مكان بالعالم مو بس الكويتيات او الخليجيات

والكل مستخف على حمر ماك .. ومحد ينكر إلى اي مدى حمر ماااك ممتازه..

لكن في منافس قوووي ظهر بكولكشناته اليديده.. :rerrerek:

واللي اهوا...." ايف سان لوران "..

ألوانه ذربه...انييييقه... :ggdw:

انصحكم تجربون .. يمكن ايووز لكم اكثر من مااااك..