استغفر الله العلي العظيم

[Tangled]

انا اقول كل شي بالقناعة والنقاب خطوة مو هينة الستر حلو ومو معناته اللي لابسة عببات مو مسترة بالعكس يعني احنا نشوف منقبات بلفتون النظر اكثر من المفرعات وانا ما اتكلم عن المنقبة اللي تتتمكيج لا يعني انا وايد شفت بنات عيونهم اتينن من غير كحل ولا شي بالنقاب اللي انا بنت طالعتها وطالعت عينها مشالله

فلازم تكونين انتي مقتنعه ومتقبلة كل التضحيات لن بما انج قلتي مجتمع فري فوايد راح تييج تساؤلات وليش وشحقه وكثر الدق يفج اللحام عشان لا تندمين وتحسين انج تسوين شي ونتي مغصوبة عليه

اتوقع انتي تعرفين زوجج ولج طريقة باقناعه حاولي تفهمينه ان حبج لله وطاعتج لله وخوفج الله فيه من حدامه ومن وراه اكبر من موضوع نقاب او قطعه تغطي جسمج زيادة والله يوفقج

 

[MissChoco]

حبيبتي شوفي .. انتي ماشاء الله ماعليج شي


يعني متحجب وعبايه وزين هالشي

وترا النقاب مو فرض ولا واجب!!!! .. وكلنا نعرف هالشي وكلنا نفهم بالدين


قولي حق ريلج اذا مالبست نقاب مو حرام!!


ومادري انتي شوفي ريلج

 

[ام سويرة]

من ناحية النقاب واجب ولا مو واجب مختلفين المشايخ
انا الحمدلله متغطيه
بس امس على تلفزيون الكويت د. الطبطبائي
سألته وحده نفس سؤالج بالضبط وهو قال جمهور الفقهاء اجمعوا ان الوجه والكفين
مو عوره لكن فيما يتعلق بطاعة الزوج فقد امر بشئ مستحب مادري مباح (ما اتذكر عدل)
فقال بما انه ما طلب محرم فطاعته واجبه
والله يكتب لج التوفيق والقرب له سبحانه

 

[Hello_kitty]

حبيبتي وين المشكله؟؟الحمدلله زوجج مو غاصبج ولا ملزم عليج تارك حريه القرار لج

حتى لما يتكلم عن النقاب يتكلم بطريقه غير مباشره مثل ما قلتي يعني بدون حنع وبدون عصبيه

وانه اشوووف من كلامج انج مايله للنقاب وودج تتنقبين عدل؟؟ اقصد ودج ترضين زوجج وتسعدينه؟؟

اذا بخاطرج هالشي بس محتاجه وقت تفكرين او تتشجعين اكثر استخيري ربج وااااااايد

واقري كتب وفتاوي بالحجاب الشرعي ومواصفته وشروطه والله بيشرح قلبج لصالح لج

 

[عاشقة الرشاقة]

شوفي يا الغالية أنا كنت سفور وفري والإختلاط عندنا عادي وزوجي لما خطبني كان في بداية الإلتزام وقال لي إنت بإيدج تخليني ألتزم أو أفج قلتلة لا والله أعينك على الطاعة وراح ألبس عباية من الحين وكانت عباة راس وعقب الزواج ب3سنين تنقبت والحمدالله والحين صار لي 17سنة منقبة .....يارب تثبتنا على طاعتك

 

[وردة العاشقq8ya]

نقاااااااب قويه خنقه غطي ويهج شويه تختنقين

 

[كحيلانه]

النقاب قبل لايكون أمر او طاعه لزوجك فهو امر من الله وطاعه وعباده لربك

(ياأيها النبي قل للمؤمنات يدنين عليهن من جلابيبهن)
حتى لوكان مجتمعك مايلبسه أحتسبي الأجر وألبسيه وماتدرين يمكن تكونين فاتحة خير ويلبسنه من وراج وصدقيني بتكبرين بعين زوجك
بالتوفيق​

انا معاها بالردد :ggdw::ggdw::ggdw:

 

[بنت جنيف]

اي ساحليه احس النقاب بتكون صعبه لأن اهلج فري انا مثال حضريه وتزوجت بدوي وكنت مومتحجبه اساسا لكن بعد ماتزوجت خلاني سنتين بعدين لزم علي اتحجب ومعجزه اني تحجبت بس الحمدالله انه حجبني لأن فرض علي لكن وده يلبسني عبايه لكن مستحيل البس عبايه احنا عايلتنا وبدوامي كل لبس وماركات وكشخة لكن رضى بالنهايه لرغبتي حجاب ولبست لكن عبايه اسمحلي ماقدر ولبسي اساسا مستر

سالفتج ذكرتني بسالفه وحده هم فري ومومتحجبه اهي ابدويه لكن متحضرين حيل ولبسها قصير وبنطرونات وبدي الخ تزوجت واحد بعد بدوي من الفحيحيل حجبها ولبسها عبايه لا ودش عليها يلبلها كرتون مغلف قالها يبتلج هديه استانست بطلت العلبه ولا كلها نقابات انصدمت وضاق خلقها لكن سمعت كلامه ولبست النقاب قام وتمادى وقالها لبسي عبايه راس اهني اطفرت صج واتضح ان كل هالسوالف من تدبير خواته المصونات ايشيشونه عليها

 

[باش مهندسة]

walllah lo ana (esmellan 3laiy) ma ra7 awafe8
e9ra7a 9a3ba enech tetna8ebeen o enty mo me8tan3a
ana a3aref wa7da kanat et7en 3la ene8aab o maita ella talbesa
o lama elbesta ta7asefat o galat enha esta3yelat o ma tamat cham shahar o ga6etah
!!!!!!!!!!!!!!!!!!!!!!!!!!!!!!!​

 

[malekatsabaa]

اسمحيلي

ريلج عياااار..

وانتي حاولي اتفهمينه ان خطوة العباة كانت صعبه بس سويتيها عشانه..
والنقاب عاد يخليه شي اختياري لج...وانتي ردي عليه ..عادي ما احب اتنقب ..

ماراح تنقلب الدنيا..والمره سترها باحترامها لنفسها مو بلبسها..

 

[المشتاقه لله]

(( والله اني اقرا الردود والعبره تخنقني !! وغيرتي لله ولديني تجبرني ارد ولا اخاف في الله لومة لائم ))

وحده تقولج تنقبي عشان زوجك يحبك !! والثانيه تقول اذا مو مقتنعه لاتلبسينه !! والثالثه تقول مو فرض و و و

اقولهم اما ان تقول خيرا او اصمت

حبيبتي في الله اول شيء واللي الكل لازم يعرفه ان الحجااااااب الشرعي فررررررررض والحجاب الشرعي للي ماتعرفه هو (( عباة راس + بوشيه+قفازات+ جوارب))

وللي تقول ارضي زوجك والبسيه !! عجيب وليش ماارضت ربها قبل زوجها الزوج اهم من الله

وللي تقول لاتلبسينه الا اذا مقتنعه اقولها انتي مجبوره تلبسينه سواء مقتنعه او لا الله ماخيرج الله امرج انج تلبسينه وماعليج الا الطااااااااااااااااعه لامره

واعلموااااا حبيبااااتي ان اي رجل يرضى ان مرته تطلع سفور او بغير الحجااااب الشرعي (( ديوووووووووووووووووووووووووووووث ))

ففي الحديث الصحيح أن النبي صلى الله عليه وسلم قال: "ثلاثة لا ينظر الله عز وجل إليهم يوم القيامة: العاق لوالديه، والمرأة المترجلة، والديوث".

ولا يصاب بهذا الداء العضال إلا عديم المروءة ضعيف الغيرة رقيق الدين، فتراه ولا يبالي باختلاطهنَّ بالرجال أو تكشفهنَّ.

واخر كلامي ((سمعنا وأطعنا، غفرانك ربنا وإليك المصير))

 

[زينانه]

اذا يستاهل زوجج ............ماكو مانع انج تطيعينه
لكن السالفه انج مو قادره عشان البيئه اللي حوالينج..معاج حق
مو سهله الوحده تكون غير بنات العايله
لا والمصيبه انهم احتمال يتطنزون
وماراح يقدرون انها طاعه لرغبة ابو عيالج
فكري عدل... والله يعين

 

[دلوشه]

ماقالج يبي النقاب الا عشانه يغار عليج

وصدقيني انا بعد ريلي يبيني اتنقب بس يقولي ابيج تقتنعين فيه مابي اغصبج عليه عشان مايي يوم من الايام و تقطينه..

بالعكس لما يقولي ريلي شي و خاصه لما احس انه هالشي يدل انه يغار وااااااااااااااااااااااااايد استانس

 

[المشتاقه لله]

ههههههههههههههههههههههههه

اقرا الردود اتعجب واشوووووف التواااااااااااقيع اتعجب اكثر

لاحول ولاقوة الا بالله