استغفر الله العلي العظيم

[نواااال]

انا ماكنت متنقبه بس بعد الزواج تنقبت والله لقيت راحه مو متخيله الحين شلون قبل كنت امشي بسوق او اي مكان عام من غير نقاب والمفرووض تكونين مستنانسه انه زوجج يحبج ويغار عليج ومايبي احد يشووف ويهج غيره هذا من حرصه وخوفه وصدقيني بتعودين عليه ويصير شي عادي ولاتفكرين باللي حواليج انا كل اللي حوالي مو متنقبات بس مايهمني نظرتهم لي كثر مايهمني زوجي اني اكسب رضاه واريح له باله

 

[فلفوله]

والله
اولا فيها ارضاء للرب
وارضاء للزوج
انتي لاتوقفين على هالاشياء
طيعي زوجج والله يوفقج
وصدقيني من غيرته عليج
واكيد انتي حلوه وخايف عليج يبي يحافظ عليج ويصونج
واذا اهو يبي هالشي سويه برضاج وعن قناعه والا ماراح يسكت من الحنه وكل طلعه راح يذكر الموضوع فلا تخلينه ينقص عليج حياتج

 

[اسيرة زوجها]

انا كنت نفسج لاحجاب ولا نقاب مع العلم ان كل خواتي تحجبوا بالمتوسطه الا انا واول ماملج علي تحجبت لانه بدوي حيل بس ماكنت البس عبايه ولما عرف هالشي قال لابوي البس نقاب قبل العرس ومالبست وبعد العرس لبست عباية راس ونقاب وماكنت اعرف وشكلي غلط واطيح بالعباية كل شوي والنقاب ينزل ويتبطل الملفع شي مو طبيعي وبجيت بجي بس ماكو فايده خصوصا اني كنت مدلعه بيت اهلي والحين تعودت وحبيت العبايه والنقاب وصرت البس العبايه الاسلاميه من دون مايطلب واحس اني مرتاحه ضحيت بشغلات بسيطه لانه يستاهل وانا احس ان احلى شي بالدنيا زوج يحبج ويغار عليج مو مهم اللبس والمكان بس المهم القلب والحنان توكلي علي الله واذا رجلج يستاهل البسي

 

[سمار الشمس]

المسالة مو مسالة اذا في احد بعايلتج ولا لا المهم شلون تقتنعين او تقنعين ريلج الله يعينج ولا تكبرين الموضوع كل شي بالهداوة يصير

 

[Milk_Shake]

انا نفس حالتج. اول ماخطبني شرط عباية راس ووافقت والحين يبي بوشية يقولي فكري اقوله انت ماشرطت عالبوشية وانسى مافي امل... الصراحة العباية ويالله امشي كل ساع بطيح عويهي بعد بوشيية عشان اتكود عالأرض.. وهم انا اهلنا كله سفوور واهله بعد... يمكن بالمستقبل افكر ألبس بس حالياً نووو وي... وانتي حبيبتي سوي اللي ترتاحين له والله يوفقج

 

[فوووفه]

حاولي تتفاهمون و تتبادلون وجهات النظر بينكم و حاولي تقنعينة بوجهه نظرك ما اتوقع فيها شي

 

[صريحة النسب]

حبايبي والله ما قصرتوا

اللي شجعتني عالنقااب الله يجزاها خير .. واللي ما شجعتني هم الله يجزاها خير .. ردودكم حلوه واغلبها أثرت فيني :eh_s(7): وبعض الردود حيرتني :bbbiu:

بس اللي بوصله لكم .. اني مقنعه زوجي .. ان موضوع النقاب لازم يكون بارادتني وابقناعتي .. واهو مقتنع بهالشي .. بس زووجي واعرفه صج مرات مايفتح الموضووع بس ترى حيييل فباله ويحاول يقنعني بطرق غير مباشره ووده اقوله اليوم قبل باجر ترى خلاص تنقبت

اااااااااااااااااه الله كريم

 

[الهما]

حبيبتي انتي وازنيها
ااذا الريال زيين و يحبج و ايجابياته اكثر من سلبياته ...تنقبي و توكليعلى الله اذا الريال يستهل و يبين بعيينه

 

[miamy]

النقاب حريه شخصيه

واذا انتي ما تبينه شلون بتاخذين ثوابه؟

وبعدين احنا نسمع كلامهم بكل شي وهم معطينا طاف ويركبون على راسنا

مابي اخرب عليج

بس انا ندمت يوم مشيت وراه وركب على راسي

 

[صريحة النسب]

حبيبتي انتي وازنيها
ااذا الريال زيين و يحبج و ايجابياته اكثر من سلبياته ...تنقبي و توكليعلى الله اذا الريال يستهل و يبين بعيينه

مشكوره بعد قلبي راح ااخذ كلامج بعين الاعتبار

 

[bint_looda]

don't do it unless u want 2

رايي من رايها لانج لاتسوين شي انتي مو مقتنعه فيه 100%
الله يهديكم ويخليكم لبعض ولايغير عليكم

 

[صريحة النسب]

رايي من رايها لانج لاتسوين شي انتي مو مقتنعه فيه 100%
الله يهديكم ويخليكم لبعض ولايغير عليكم

صح اكيد انا ما اسويي شي الا لما اكون مقتنعه فيه اميه بالاميه

مشكوره عالدعوه الحلوه .. ااامين يارب العالمين:tek:

 

[قــ القلوب ــوت]

بصراحه اختي الله يعينج .. والله انا تقريبا في نفس موقفج ومرات افكر نفسج لانه احتمال اتزوج بدوي وخايفه من هالموضوع ولا العبايه مقدور عليها بس النقاب بصراحه احس صعب واهلنا صج ملتزمين بس فري ومافي احد لابس لانقاب او بوشيه حتى الحريم الكبار اللي عندنا كلهم حجاب وعباه راس والباجي يلبسون عبي بس لمن لهم مزاج عبي مو الزامي .. فعارفه شلون تفكرين وصعب عليج ..

يعني بصراحه احس مستحيل البس نقاب لاني بالاساس مو مقتنعه فيه مع احترامي للمتنقبات .. بس النقاب مو ستر وغطا وانا ماعترف فيه انه مثل الحجاب .. بس اللي صج يتسمي الحجاب الصح اهيا البوشيه او الغشوه ..

يعني بنصحج نفس اللي انا بسويه لو انجبرت بموقفج .. لاتلبسين الا لمن تقتنعين وتكونين واثقه انج بتستمرين وعندج القوه انج ماتتاثرين باللي حولج واذا بيوم بتقولين ياليت ماسويت هالشي تكون مجرد لحضه ضيقه وبس لكن في الواقع انتي مقتنعه انج صح وماتندمين من قلبج .. ولو تبين تسوين هالشي سوي الشي الصح ولبسي بوشيه .. واذا على الحر والخنقه الاثنين يغطون اماكن النسم فماتفرق الا اللهم انه النقاب يعتبر كفتنه اكثر والبوشيه اهيا اللي صح لانها تغطي ملامح الويه ومعالمه مو مثل النقاب والبوشيه لو لبستيها فانتي تثبتين انج مقتنعه انه هالشي اهوا الصح وانتي ترضين ربج قبل ريلج ..

صدقيني لو لبستي النقاب راح تكرهين حياتج بالمجتمع اللي انتي عايشته لانه ماراح يكون عندج دافع قوي لكن لو لبستي البوشيه بتحسين انه على الاقل عندج دافع انه هالشي يرضي ربج قبل ريلج وبيخليج اقوى وتقولين عادي استحمل واصبر لاني ارضي ربي واسوي لاخرتي ..

انا هذي نصيحتي لج والله يوفقج باللي يكون احسن لج بالدنيا وبالاخره ويسهل عليج هالموضوع

 

[Dancing^Queen]

بكل بساطه كوني حازمه
قوليله يافلان
انا لك مثل ماتحب باللبس ومستور
بس النقاب ماحبيته وانا مستره ولله الحمد

 

[Nawara]

مثل ما حبيتي العبات بتحبين النقاب

استخيري وتنقبي وسويها أحلى مفاجأة حق ريلج والله يسعدج ويهنيج دنيا وآخرة وترى حدى حلو النقاب وتتعودين عليه

بس نصيحتي البسيه طاعة لربج وأخلصي النيه وطاعة لزوجج

 

[بناتي حبيباتي]

الله يهدي سركم ويسخر لج ريلج

حاولي تقنعينه بالحوار والنقاش بدون اعصاب يمكن يلين شويه

 

[Nawara]

يعني بنصحج نفس اللي انا بسويه لو انجبرت بموقفج .. لاتلبسين الا لمن تقتنعين وتكونين واثقه انج بتستمرين وعندج القوه انج ماتتاثرين باللي حولج واذا بيوم بتقولين ياليت ماسويت هالشي تكون مجرد لحضه ضيقه وبس لكن في الواقع انتي مقتنعه انج صح وماتندمين من قلبج .. ولو تبين تسوين هالشي سوي الشي الصح ولبسي بوشيه .. واذا على الحر والخنقه الاثنين يغطون اماكن النسم فماتفرق الا اللهم انه النقاب يعتبر كفتنه اكثر والبوشيه اهيا اللي صح لانها تغطي ملامح الويه ومعالمه مو مثل النقاب والبوشيه لو لبستيها فانتي تثبتين انج مقتنعه انه هالشي اهوا الصح وانتي ترضين ربج قبل ريلج ..

صدقيني لو لبستي النقاب راح تكرهين حياتج بالمجتمع اللي انتي عايشته لانه ماراح يكون عندج دافع قوي لكن لو لبستي البوشيه بتحسين انه على الاقل عندج دافع انه هالشي يرضي ربج قبل ريلج وبيخليج اقوى وتقولين عادي استحمل واصبر لاني ارضي ربي واسوي لاخرتي ..

انا هذي نصيحتي لج والله يوفقج باللي يكون احسن لج بالدنيا وبالاخره ويسهل عليج هالموضوع

حبيبتي ترى النقاب كان موجود على عهد الرسول صلى الله عليه وسلم وترى مافيه فتنه لو ماحطت كحل وميكاب حق عيونها ...

خل تتدرج يا سرايين ياظلمة

وعسى ربي يوفقج

 

[مس فاشن]

بنااااااااااااااااااااااااااااااااااااااااااااااااااات

لاتفتون من كيفكم وكل شي تلصقونه بالدين منو قال ان النقاب واجب لاتفتون حبايبي الله قال الحجاب واجب واوكي لازم البنت تكون لبسها شرعي واسلامي والبنت لابسه عباة يعني ماشية على شرع الله بس النقاب مو واجب وهاذا الشي صار عاده وتقاليد واذا في بنت مطيريه معانا بالمنتدى راح تقولكم سالفة النقاب وين بدت

واذا ماترعفون انا راح اقولكم
والقصه معروفه ترا والله وسالي اي واحد
يقولكم كان في بنت جميييييييييييييييييييييله حيل ويوم من الايام وهي واقفه بره عند الخيمه مرهم واحد وانعجب فيها طرش امه عشان تخطبها طبعا اهي ماتبيه
قامت فكرت بشغله عشان تنحشه
قامت البست كيس اسود وسوت له فتحات لعينها وانكشت شعرها عشان تخرع ام الولد
وطبعا فعلا الام اخترعت
فأبوال البينت لمن عرف حكم عليها ان طول العمر تلبس هالكيس الاسود اللي له فتحات من صوب العين فمن بعدها أهل الباديه استمدوا هالفكره ان لازم حريمهم يتغطون عشان ان النساء فتنه وتدرون قبل كانت تصير خروب بسبب النساء

ومن اهنيه اطلعت سالفة النقاب

والله العظيم هاذي القصه صحيحه وسألي اي واحد دارس تراث راح يقول هالقصه
المقصد ان يابنات مو شرط يعني اذا البنت تنقبت تصيييييييييييير خوش بنت لا ليش انتو تحكمون على الناس من مظهرهم البنت تقول ان لابسه عباة وملتزمة ليش تلبس نقاب اذا اهي مو بخاطرها

ثاني شغله قريت في بعض ردود البنات اذا مالبست نقاب راح تعصين ربح اشددددددددددددعوه اهي شمسويه عشان تعصي ربها

 

[الاستاذة]

مادري اذا تقدرين تنقبي بسس قوليله انت خذيتني جذي شلي تغير

 

[Dancing^Queen]

بنات

العضوه طرحت الموضوع بغرض المشاوره واخذ الراي
رجاءا لاتخلون الموضوع وتدخلون بنقاشات جانبيه عقيمه