استغفر الله العلي العظيم

[صريحة النسب]

هووووووووووووووووووووووووووووب .. اسم الله عليكم بنات شفيكم

صح كلام المشرفه العامه انا كنت بشوف رايكم .. واذا وحده مرت بنفس موقفي تقوللي شسوت ..واكيييد بسوي اللي انا مقتنعه فيه .. والحمدلله زووجي انشالله ان متفهم وموغاصبني .. بس اهو بخاااطره فقط لاااغير (( يعني موووو غصب )) انا عشان جذي يطري على بالي النقاب لأن الحمدلله لما يتناقش معاي بهالموضوع ماياخذه بعصبيه لا يحاول يقنعني بطريقه حلوه اللهم لك الحمد

 

[صريحة النسب]

بصراحه اختي الله يعينج .. والله انا تقريبا في نفس موقفج ومرات افكر نفسج لانه احتمال اتزوج بدوي وخايفه من هالموضوع ولا العبايه مقدور عليها بس النقاب بصراحه احس صعب واهلنا صج ملتزمين بس فري ومافي احد لابس لانقاب او بوشيه حتى الحريم الكبار اللي عندنا كلهم حجاب وعباه راس والباجي يلبسون عبي بس لمن لهم مزاج عبي مو الزامي .. فعارفه شلون تفكرين وصعب عليج ..

يعني بصراحه احس مستحيل البس نقاب لاني بالاساس مو مقتنعه فيه مع احترامي للمتنقبات .. بس النقاب مو ستر وغطا وانا ماعترف فيه انه مثل الحجاب .. بس اللي صج يتسمي الحجاب الصح اهيا البوشيه او الغشوه ..

يعني بنصحج نفس اللي انا بسويه لو انجبرت بموقفج .. لاتلبسين الا لمن تقتنعين وتكونين واثقه انج بتستمرين وعندج القوه انج ماتتاثرين باللي حولج واذا بيوم بتقولين ياليت ماسويت هالشي تكون مجرد لحضه ضيقه وبس لكن في الواقع انتي مقتنعه انج صح وماتندمين من قلبج .. ولو تبين تسوين هالشي سوي الشي الصح ولبسي بوشيه .. واذا على الحر والخنقه الاثنين يغطون اماكن النسم فماتفرق الا اللهم انه النقاب يعتبر كفتنه اكثر والبوشيه اهيا اللي صح لانها تغطي ملامح الويه ومعالمه مو مثل النقاب والبوشيه لو لبستيها فانتي تثبتين انج مقتنعه انه هالشي اهوا الصح وانتي ترضين ربج قبل ريلج ..

صدقيني لو لبستي النقاب راح تكرهين حياتج بالمجتمع اللي انتي عايشته لانه ماراح يكون عندج دافع قوي لكن لو لبستي البوشيه بتحسين انه على الاقل عندج دافع انه هالشي يرضي ربج قبل ريلج وبيخليج اقوى وتقولين عادي استحمل واصبر لاني ارضي ربي واسوي لاخرتي ..

انا هذي نصيحتي لج والله يوفقج باللي يكون احسن لج بالدنيا وبالاخره ويسهل عليج هالموضوع

حبييبتي كلامج واااايد مقنع ومنطقي .. يعطيج الصحه والعافيه و يوفقج ياااارب

 

[ريحانة الوادي]

أولا حبيت فيك صراحتك ثانيا أبسألك وجهك غالي عليك أو لا


هذا النقاب يحمي وجهك الفتان من الأعين الزائغه ويجعلك لزوجك المحب

فقط لذلك من رأيي أن تصوني وجهك وتحفظيه لانك جوهره مصونه

 

[صريحة النسب]

بنااااااااااااااااااااااااااااااااااااااااااااااااااات

لاتفتون من كيفكم وكل شي تلصقونه بالدين منو قال ان النقاب واجب لاتفتون حبايبي الله قال الحجاب واجب واوكي لازم البنت تكون لبسها شرعي واسلامي والبنت لابسه عباة يعني ماشية على شرع الله بس النقاب مو واجب وهاذا الشي صار عاده وتقاليد واذا في بنت مطيريه معانا بالمنتدى راح تقولكم سالفة النقاب وين بدت

واذا ماترعفون انا راح اقولكم
والقصه معروفه ترا والله وسالي اي واحد
يقولكم كان في بنت جميييييييييييييييييييييله حيل ويوم من الايام وهي واقفه بره عند الخيمه مرهم واحد وانعجب فيها طرش امه عشان تخطبها طبعا اهي ماتبيه
قامت فكرت بشغله عشان تنحشه
قامت البست كيس اسود وسوت له فتحات لعينها وانكشت شعرها عشان تخرع ام الولد
وطبعا فعلا الام اخترعت
فأبوال البينت لمن عرف حكم عليها ان طول العمر تلبس هالكيس الاسود اللي له فتحات من صوب العين فمن بعدها أهل الباديه استمدوا هالفكره ان لازم حريمهم يتغطون عشان ان النساء فتنه وتدرون قبل كانت تصير خروب بسبب النساء

ومن اهنيه اطلعت سالفة النقاب

والله العظيم هاذي القصه صحيحه وسألي اي واحد دارس تراث راح يقول هالقصه
المقصد ان يابنات مو شرط يعني اذا البنت تنقبت تصيييييييييييير خوش بنت لا ليش انتو تحكمون على الناس من مظهرهم البنت تقول ان لابسه عباة وملتزمة ليش تلبس نقاب اذا اهي مو بخاطرها

ثاني شغله قريت في بعض ردود البنات اذا مالبست نقاب راح تعصين ربح اشددددددددددددعوه اهي شمسويه عشان تعصي ربها

يعطيج العافيه حبيبتي بس اول مره اسمع هالسالفه

لا ترى النقاب اللي اعرفه ان مختلفين فيه علماء الدين .. والافضل طبعا ومن السنه لبس (( النقاب الشرعي )) انشالله ما اكوون افتيت :eh_s(1):

 

[صريحة النسب]

أولا حبيت فيك صراحتك ثانيا أبسألك وجهك غالي عليك أو لا


هذا النقاب يحمي وجهك الفتان من الأعين الزائغه ويجعلك لزوجك المحب

فقط لذلك من رأيي أن تصوني وجهك وتحفظيه لانك جوهره مصونه

اشكرج حبيبتي على النصيحه .. ماقصرتي

 

[بنت عطا]

سمعي كلام ريلج والله احسن لـــــــــــــــــــــــــج....

والله ليزيد حبه لج

واهو لو مايحبج ويغار عليج جان ماهتم لبسج.........

وسويها له مفاجأ والله لتكبرين بعينه.......يعني اشتريه وتدربي عليه فتره وعقبها لما بتطلعون لبسيه وصدقيني راح يستانس

والله يوفقج

 

[صريحة النسب]

الله يهدي سركم ويسخر لج ريلج

حاولي تقنعينه بالحوار والنقاش بدون اعصاب يمكن يلين شويه

انشالله ماكو اعصاب .. ومشكوره حبي :tek:

 

[ســــــــــما]

حتى انا قلت له جم مره .. ليش يوم فكرت تتزوج مادورت لك على وحده منقبه وفكيت عمرك بدل هالحنه ..

واهو يرد علي ويقول .. انا قلت انج خووش بنيه واكيد راح اطيعيني وترضيني

(( لا تعليق ))

وانا هذا رايي بعد

اذا الواحد يحبذ النقاب والعباة ليش من الاول ما يخطبله وحده من البداااااايه متنقبه

ليش ياخذ الفري وبعدها يقولها ويفرض عليها اشياء اهيا مو متعوده عليها

بصراحه انا احتر من الي جذي :eh_s(14):

الله يعينج

 

[++The DuchesS++]

حبوبه لا تقولين ليش من الاول ما خذا منقبه
الله كاتب انه ياخذج انتي مو غيرج
والنقاب ستر وحشمه
والزوج احق الناس بويهج وجمالج مو الناس
لاتقولين اهلنا محد فيهم لابس نقاب
شوفي ريلج شنو يبي وارضيه وهذا اهم شي
صدقيني راح تكبرين بعينه اكثر واكثر ان شاء الله
طبعا النقاب اللي اتكلم عنه
مو نفس بعض بعض البنات الله يسامحهم الكحل والعدسات والفتن
انا اقصد النقاب الشرعي المستور
وما تدرين يمكن انتي تكونين سبب في نقاب خواتج واهلج يقتدون فيج
انا اول ما تزوجت ما كنت متحجبه بالاساس بس بعدين الحمدلله تنقبت وتحجبت
وصج بالبدايه كنت ما اعرف ارتب شكلي لاني مو متعوده بس الحين الحمدلله مرتااااااااحه
واهم شي ريلي راضي علي
حتى شكلي غييير مع امي وخواتي لين طلعنا مكان بس مايهموني
اللي يهمني ربي وريلي وبس
واشكثر اسمع تعليقات من الاهل الله يهديهم على نقابي بس طااااااااااااااف ما همني عادي كلش
الوحده ترضي ريلها وربها وهالدنيا رحله مصيرها راح تنتهي محد دايم فيها
خلي كشختج عند زوجج واهلج
ومن كلامج عن زوجج حسيت انه خوووش ريال ومو مقصر فأنتي لا تقصرين وياه ابد حبوبه
وانتي تقولين يوم سألتي ريلج ليش من الاساس ما خذيت منقبه
رد وقال انج خوووش بنيه وراح تطيعيني
خلج عند عشمه فيج وحسن ظنه
والله يوفقج يارب ويستر عليج اكثر واكثر

 

[غـــ روحــsaraــي ــلآآ]

صريحة النسب بالعكس انتي ماافتيتي انتي حكمتي عقلج

بالنسبه للبنات اللي يقول النقاب مو ضروري وصار عاده؟؟

يعني زوجات الرسول عليه الصلاه والسلام كانوا يمشون وكاشفين وجيهم؟؟؟؟؟؟

لعلمكم كانوا يطلعون عين وحده بس عشان يشوفون الطريق عسانا من اتباعهم ان شاء الله

 

[غنوة ستايل]

توكلي على الله و تنقبي ..

والف مبروووك

 

[عاشقة تراب ديرتي]

لا تعليق ؟؟؟

 

[معكرونه أسبكتى يم يم]

اعتبرى نفسج اول وحده تنقبت بالعائله وان شاءالله مو الاخيره

 

[حاااايره]

تبين الصج انا اتنقب وانا اضحك هذا اذا كان زوجي مطوع مقصر دشداشته ومطول لحيته

اما اذا الاخ قفل وحاك الشنب وحركات وانا منقبه عشان الحجاره لو يموووووووووووووووووووت ما اتنقب



وانتي كيييييييييييفح

 

[۩۩ الجـــــود ۩۩]

النقاب قبل لايكون أمر او طاعه لزوجك فهو امر من الله وطاعه وعباده لربك

(ياأيها النبي قل للمؤمنات يدنين عليهن من جلابيبهن)
حتى لوكان مجتمعك مايلبسه أحتسبي الأجر وألبسيه وماتدرين يمكن تكونين فاتحة خير ويلبسنه من وراج وصدقيني بتكبرين بعين زوجك
بالتوفيق​

نفس كلام الا خت جزاها الله خير

 

[صريحة النسب]

مشكوورييين بنات عالردود ماقصرتوا

وراح اخذ كلامكم بعين الاعتبار .. والله كريم .. ادعولي الله يهديلي زوجي ويهدينه له بنااات عفيه

 

[مريوما الحلوه]

الله سبحاه امر بالحجاب الشرعي مو نقاب مع احترامي للجميع الايه تدل على تغطيه الراس

 

[tofy]

بالعكس ليش ماتكونين انتي السباقة وباجي البنات يقلدونج بالشي الزين ويكون لج الأجر ان شاءالله انج شجعتيهم على

النقاب

انا مو متنقبة ولو زوجي طلب مني اتنقب ماراح ارفض

 

[ام مضاوي]

الله يهديج ويهدييييييه

ويكتب الي فيه صالح لكم

 

[شوق ومها]

مع اني مو منقبه

بس سمعي كلام زووجك

راح يحبج اكثر وتصيرين مدلله

الله يووفكم ويسخره لج ياارب