استغفر الله العلي العظيم

[صريحة النسب]

السلام عليكم بنات جميلات امورات

سالفتي الله يسلمكم ان زووجي عسى الله يخليه لي ويهديه الحمدلله تقريبا مو مقصر بحقي ..

وانا احاول ارضيه دايما

بس بقولكم نبذه عني .. انا من عايله فري يعني قبل الزواج كنت متحجبه طبعا و البس واكشخ وخواتي وكل بيئتي نفس الشي .. وبعد الزواج بجم شهر زوجي طلب مني البس عبايه ( اهو يعتبر محافظ ) وفيه شوية حجاره :eh_s(10):

وانا وافقت بعد معاناة وحنه ورنه .. بس الحمدلله مشت الامور بعدها وصرت الحين احب العباة وما استغنى عنها


بس الموضوع الحين .. ان صار له فتره يلمح على سالفة (( النقااب )) :eh_s(12):

امبييه بنات يعني مع احترامي لجميع المنقبات ومع احترامي ايضا للنقاب نفسه .. انا مااقدر عالنقاب .. خاصة ان البيئه اللي انا عايشه فيها ولا وحده فيهم منقبه ولا حتى من خواته .. يعني لو بتنقب بصير بروحي

وبعدين مووو عن .. انا ما اتخيل اتنقب في يوم من الايام ..مادرري شسوي .. اهو مو غاصبني عليه لاا والله بس بخااطره حيييييييل ويقول لو تسوين لي هالشي راااح اسويلج اشياء وايد ترضيج

وهالموضوع مأزمني مادري شسوي :0bee2e8d89:

ابي رايكم بنات

 

[صريحة النسب]

حتى انا قلت له جم مره .. ليش يوم فكرت تتزوج مادورت لك على وحده منقبه وفكيت عمرك بدل هالحنه ..

واهو يرد علي ويقول .. انا قلت انج خووش بنيه واكيد راح اطيعيني وترضيني

(( لا تعليق ))

 

[sara bent elkuwait]

واللة ما ادرى اعتقد ان الصعووبة مو منك الصعوبة الى انتى خايفة منها ان ولا وحدة فى بيئتكم لابسة نقاب 0عموما احتى النقاب مافية شى ووايد بنات متنقبين وانا اعتقد ان الى يهمك بالعالم كلة هو زوجك وانتى قلتى انة ما يقصر معاك فلا تقصريين فية ونصيحة ترى واللة رضا الزوج من رضا اللة عليك وشوى شوى بتتعودين يكفييك كسبتى رضا ربك ورضا زوجك وكافى انك بعينة مستورة محشومة محافظة على ويها من نظرات المتلصيين وما اكثرهم الحين 0فكرى عدل ولا تخسرين ريال اختارك من بنات الناس كلهم وما قصر معاك فلا تقصرين معاة واللة ييهديك 0

 

[دنياالوله]

والله
اولا فيها ارضاء للرب
وارضاء للزوج
انتي لاتوقفين على هالاشياء
طيعي زوجج والله يوفقج
وصدقيني من غيرته عليج
واكيد انتي حلوه وخايف عليج يبي يحافظ عليج ويصونج
واذا اهو يبي هالشي سويه برضاج وعن قناعه والا ماراح يسكت من الحنه وكل طلعه راح يذكر الموضوع فلا تخلينه ينقص عليج حياتج
وعلى فكره انا اكلمج من تجربه شخصيهوانا عشتها

وبالتوفيج

 

[<<الأميره>>]

النقاب قبل لايكون أمر او طاعه لزوجك فهو امر من الله وطاعه وعباده لربك

(ياأيها النبي قل للمؤمنات يدنين عليهن من جلابيبهن)
حتى لوكان مجتمعك مايلبسه أحتسبي الأجر وألبسيه وماتدرين يمكن تكونين فاتحة خير ويلبسنه من وراج وصدقيني بتكبرين بعين زوجك
بالتوفيق​

 

[صريحة النسب]

سارا بنت الكويت مشكوووره حبيبتي عالكلام الحلو والمؤثر بصراحه

دنيا الوله مشكوره ياقلبي .. بس قوليلي شنو تجربتج اللي مريتي فيها .. عشان نستفيد .. (( ملقووفه ))

 

[عرموشة]

اختي اسمعى كلام زوجج

الحمدالله اهو مو طالب منكر بالعكس بيحافظ عليج من وجهة نظره

 

[صريحة النسب]

الاميره مشكووره حبي عالرد ..

امبين على اللي ردوا علي كلهم منقبات .. ماشالله عليكم الله يتمم عليكم ياارب

 

[صريحة النسب]

\ عرموشه .. ادري والله ان مو طالب شي غلط .. بس انااااا مافيني جرئه شسوييييي

 

[الاسطورية]

انتي مومتقبله الموضوع كلش لازم يحس فيج شوي مايصير هالانانيه الحجاب فرض بس النقاب لا انتي متستره واشزينج حاولي تقنعينه عادا شدعوا بين الزوج والزوجه تفاهم وحوار تقدرين عليه ساحليه شوي

 

[$ الـسـلـطـانـــــه $]

لو انا منج على طووووووول اسويله هالشي تدرين ليش


لانه بيذكر هالموقف وراح يساعدني اذا طلبت منه شي وبتكبرين بعينه


انتي يمكن البيئه اللي حواليج مو مساعدتج بس مالج شغل فيهم اذا انتي مقتنعه بالنقاب تنقبي

ومبين عليج تبينه بس متردده

 

[صريحة النسب]

انتي مومتقبله الموضوع كلش لازم يحس فيج شوي مايصير هالانانيه الحجاب فرض بس النقاب لا انتي متستره واشزينج حاولي تقنعينه عادا شدعوا بين الزوج والزوجه تفاهم وحوار تقدرين عليه ساحليه شوي

وهااااذي وحده مو منقبه ردت علي :dddds:


حبيبتي كلمته وساحلته على قوولتج .. اتصدقين يسكت يقوللي كيفج .. بس احس ان الموضوع فبالهة حيييل مو قااادر

وبين فتره وفتره يقط نغزاات .. يعني مايقوللي مباشر

 

[صريحة النسب]

لو انا منج على طووووووول اسويله هالشي تدرين ليش


لانه بيذكر هالموقف وراح يساعدني اذا طلبت منه شي وبتكبرين بعينه


انتي يمكن البيئه اللي حواليج مو مساعدتج بس مالج شغل فيهم اذا انتي مقتنعه بالنقاب تنقبي

ومبين عليج تبينه بس متردده

صح كلامج

بس ترى اهو بعد يذكر سالفة العباة .. لأن سالفة العباة نفس الشي انا ماكنت البس .. ولبست عشانه

.. والله مااادري شسوي:0bee2e8d89:

 

[nice-girl]

انا اللي اعرفه انه النقاب مو فرض يعني ما راح تغضبين ربج اذا ما تنقبتي فهمي ريلج وقوليله هالشي يعني نفس الشياااااااذ تنقبتي عن الناس وقفج تفتيش وبل شي ماراح يشوف صورتج بالليسن ولا البطاقه
انا مع ريلج انه يغار بس مو لهدرجه لو انتي عايشه ابيئه كله منقبات ممكن انج تتاقلمين بس انتي من كلامج مو متاقلمه وما ودج ترى ماكو شي غصب
انا اشوف انه العبايه والحجاب كافي للستر وهذا رايي الشخصي
فهمي ريلج وقوليله

 

[إستبرق]

لا والله الي تقول يترس عينه لا مو شرط باجر يطلع بشي ثاني اذا انتي لبسج مافيه شي ومو مكياج اوفر لا مو شرط انا كنت مو لابسه عبايه وحتى اهلنا الاغلبيه كانوا مو لابسين الي كبري ولما تزوجت وراها بفتره قالي لبسي عبايه قلت له لا ما ابي وساحلته وصج بعد ماقالي ادري كان وده بس مالبست بس لما التزم ربى لحيه شوي قلت هني خلاص ما اقدر اقول لا ولبست بس النقاب الحين هو ملتزم ومربي لحيه بس لما اطلع وانا حاطه مكياج مو اوفر يعني كريم ومسكره وجذي ما البس ويدري اني ماراح البس بس اذا مكياج مكياج يعني بروح حفله وبيوت صرت البس وادري لو بسوي له فلم واقطه اقطه بس مو ضارني هالموضوع بشي بس اني على طول كل طلعاتي لااااااا ادري راح يقيدني باشياء وايد ولو كل مره اقوله اوكي هو راح كل يوم يطلع لي بشي وعن تجربه من الي عايشين معاي كل ماقالها لاتجطين لاتسوين قالت اوكي بعدين لما تزهق تبدى مشاكلهم ونصهم من ورى ازواجهم يقطون ويسوون كله اقوله جذي اذا خليتني اسوي شي مو مقتنعه فيه يمكن اصير مثل الي خبري خبرك الي تعرفهم من ورى ازواجهم يقطون اذا ترضاها لنفسك اوكي
حتى الحين هو مطوع وانا اشوف الي ابيه بالتلفزيون واذا قالي تسمعين اغاني اقوله اي انشاءالله الي هداك يهداني بس انا ما احب اكون مثل غيري وامثل جدامك وانا من وراك شي يسكت مايعلق والله يسوي لج الي فيه الخير

 

[عاشقة الفهد]

زفيه
أحقريه
لاتردين عليه
ليم يطيح اللي براسه

أكيد مو هذا الكلام اللي بننصحج فيه ........ساحلي زوجج وان رضا وإن مارضا رضا الله ومن ثم رضا زوجج
وإذا ملزم حبي الشيء اللي يحبه زوجج لاتخلينه يطالع لغيرج اللي لابسين النقاب
بعدين إذا لبستيه شوي شوي بتعودين عليه
والله يهديكم لبعض

 

[girl_in_abottle]

don't do it unless u want 2

 

[غـــ روحــsaraــي ــلآآ]

حبيبتي انا بسألج سؤال؟

باجر بعد عمر طويل اذا الله خذا امانته وانحطيتي بقبرج بيجون معاج خواتج ولا بنات جماعتكم ولا حتى بنات المنتدى؟

باجر اذا وقفتي بين ايدين رب العالمين وقال لج ليش مااقتديتي بزوجات النبي والتزمتي بالحجاب الشرعي؟

بتقولين والله خواتي مايلبسون ولا النقاب يضايقني؟ فكري عدل اختي وارضي ربج قبل زوجج وعسى الله يهدي الجميع

 

[مطيريه ماركه]

حبيبتي النقاب مو ستر والله انه فتنه اكثر من اللي تمشي بدون حجاب

تبين اتنقبين البسي النقاب الشرعي

وطيعي زوجج

 

[وسونة]

شوفي حبيبتي اهم شئ تقنعي نفسك لانة من صالحك شوفي احنا السعوديات عباية والنقاب اغلبهم يرفضونة لا غطاء الوجه كامل لاوبزود ممكن يلبسك قفازات وشراب بعد يعني احمدي ربك واسمعي كلام رجلك