استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

الاخت
دارسين
بالنسبه للزيركونيوم اهي فعلا ماده ممتازه لكن مقارنه بباقي المواد للكن السن الطبيعي يظل الافضل.
الاسنان اللي معالجتهم عصب او اللي مدمرينن وايد لبسيهم زركونيوم اما الاسنان القويه فماله داعي.
وسلامات انشالله

 

[لولو.87]

السلام عليكم دكتور .. انا تقريبا قبل عشر سنين سويت نزع عصب و الدكتورة حطتلي حشوة مؤقتة .. عاد انا ما رحت حطيت دائمة .. ظليت لمن قبل اسبوعين شكلها طاحت و ضرسي يعوورني لمن اكل صار فيه فتحة .. و احس كل اسنان اللي يمة يعوروني .. الحين اذا رحت الطبيب شنو راح يسوونلي ؟؟ يعني راح يسوونلي عملية عصب مرة ثانية و لا بس حشوة ؟؟؟؟*

 

[د/ بدر حسين كرم]

الاخت لولو.87
الضرس اللي مسويله عصب لااازم يتلبس عشان نحافظ عليه
في حالتج على حسب الاشعه... اما انه يسونله اعاده علاج عصب و تلبييس او خلع
اللي يحدد العلاج الاشعه و الكميه الباقيه من السن

 

[دمعة حزن]

السلام عليكم دكتور بدر
بنتي عمرها 5 سنين وقبل 7 شهور طاحت وتكسرت اسنانها ال4 اللي فوق وبجى لها قطع صغيره من الظروس فلما سرت عند

دكتور الاسنان قالي عادي هاذي اسنان لبنيه وبتطلع الاسنان الدايمه بعدين سليمه فانته شرايك دكتور ؟؟

اما ولدي عمره سنتين الا شهر هذا سالفته سالفه

طاح قبل فترة وتكسر جزء من اسنانه ال3 اللي فوق فنصحوني احطله قهوة عشان الدم يوقف وفعلا حطيتله بس بعد فترة شفت

الاسنان كلها بنية وتطلع ريحه بشعه منها وقبل اسبوعين تقريبا صار لونهم اخظر انا بروحي استغربت ولما وديته لطبيب

الاسنان قالي نفس الشي هاذي لبنيه ومن هالقبيل والريحه مستمرة ولمن افرش اسنانه يطلع منهم دم فخفت وبطلت افرشله

اسنانه وانا وااااايد خايفه دكتور لاني مو عارفة ليش استواله جذي والسموحه منك

 

[د/ بدر حسين كرم]

الاخت
دمعة حزن
حالة أطفالك الاثنين الله يحفظهم لك تقريبا متشابهه اللى هى تكسر الأسنان الأماميه - صحيح ان هذه الاسنان لبنيه وراح تطيح و يتبدلون بالاسنان الدائمه ولكن هذا مومعناه ان نخليهم مكسورين و لونهم اسود وموحلو لانها تادى الى تاثير سيء على الطفل أولا نفسيا لان الاطفال فى المدرسه ممكن يأذونه (وهذا ممكن يخلى الطفل دايما مايبى يضحك ويلعب مع الاطفال الباجيين عشان أسنانه ماتبين) وثانيا ممكن يتجمع فيهم الاكل والبكتريا و يسببون خراج و وهذا سبب الريحه الموحلوة اللى تقولين عليها وهذا الخراج مؤذى للطفل ابسط شىء ينزل على بطنه وهو ياكل ويمرضه و بعد ممكن الخراج لو مستمر يسوى بقع على الاسنان الدايمه وثالثا الاسنان المكسرة ترى العصب فيها مكشوف ممكن تسوى عوار مايتحمله الطفل و يكون معاه ولدك مايبى ياكل عشان لايحوشه عوار وهو على المدى الطويل ياثر على نمو الطفل و صحته العامه
عشان جدى انا انصحك بتنظيف الاسنان المكسوره من التسوس والسواد و سحب العصب منها لو احتاجت وممكن نحطلهم حشوات تجميليه بيضاء ونرجعهم مثل ااول بيض وحلوين لوكان الحجم اللى باجى من السن كبير ولو الحجم اللى باجى مو كبير كفايه ممكن نحطلهم وتد صغير وبعد حشوات تجميليه بيضاء
اهم شىء ان اطفالنا ما عندنا اغلى منهم فمايسير نخليهم متاذيين و متعورين عشان الاسنان اللبنيه بتتبدل (الأسنان اللى فوق تتبدل عند سن 8 الى 9 سنوات )
ترجو ان اكون جاوبت اسئلتك اختى وأسف على الاطاله

 

[المطيريه4]

ر
ززظت

 

[Міss.cool ]

يعطيك العافيه

 

[عسل مرت قيمر]

سلام عليكم دكتور

يعطيك الف عافيه ومشكور علمجهود الواضح


دكتور بغيت اسألك عن ولدي اول شي اهوا عمره سنه وخمس شهور ويرضع رضاعه طبيعه من يبته كلش مادخلت له الصناعي


انا بديت افرش اسنانه من فتره واستخدم معجون كولجيت مال اليهال


بس لاحظت باسنانه الاماميه من فوق في مثل طبقه بيضه مو على الضرس كله بس من فوق


هل هذا تسوس دكتور ولا شنو


لاني حييل احاتي التسوس



ومشكور كتور مقدما

 

[نغم1986]

يعطيك الف عافيه دكتور
انا عمري 26سنه وعندي شوية بروز في اسناني الاماميه ماتبان الا في التصوير كثير
سؤالي ينفع معاي تقويم الانفزلاين؟لأن التقويم العادي يكبر الفم وما افضله
وماهو الافضل تقويم(الانفزلاين)ام العادي؟
وكم الفتره اللي ياخذها التقويم (الانفزلاين)بشكل تقريبي؟​

 

[كتكاته وبس]

مشكووووور يا دكتور حبيت اسالك انا ع 17 اسناني الاماميه وحده منهم فيها صفار يعني صج صج تفشل لما رحت للدكتوره وشافتها قالت هاذي ماتروح لانو من وانتي صغيره واهيا يمكن تكون نقص فيتامينات حطمتني حييييييييل فياليت يادكتور تقولي الحل غير التبييييييض

 

[د/ بدر حسين كرم]

الاخت
عسل مرت قيمر
أولا بالنسبة لتنظيف الفم والاسنان فينصح به من اول الولاده حتى قبل طلوع الاسنان بقطعه شاش او قماش قطنية صغيرة بعد كل رضعه لازالة بقايا الرضاعه من على اللثه وعشان الطفل يتعود وما ياذيكى بعديين مع التفريش (و فى بعض المنتجات بسلطان والجمعيات تتلبس على الاصابع لتسهيل التنظيف) وبعد ما الاسنان تبلش بالطلوع تبلشين معاه بمسحه وايد صغيرة من المعجون وممكن نستمر على الشاش او نستخدم فرشه ناعمه للاطفال
ثانيا البقع البيضه اللى بالاسنان الاماميه هى بداية تسوس لان التسوس لما يبلش يكون لونه ابيض وبعدين يكون اسود ولكن اللون الابيض هى بدايه للتسوس و ممكن نلحج عليه بالفلورايد ويوجف وما يزيد ان شاءالله ولاكن يبيله متابعه

 

[drhakim]

يشرفنا انضمامكم معنا في
منتديات مدينة اطب

 

[عالم حواء]

السلـآم عليكمـ

لو سمحت يآ دكتور آبي آخذ رأيكـ

في وحده من صديقآتي آسنآنهآ كآنت متسوسه يعني آغلب آسنآنهآ وضروسهآ ورآحت عند دكتورة و سألتهآ آذآ تقدر تركب لهآ فقآلت : آيه آقدر ’بعدين

قآمت آلدكتورة وحفرت آسنآنهآ وخلتهآ مره صغيره وتقول عشآن آركب لكـ عليهآ بعدين قآمت آخذت قيآس آلـآسنآن وركبت لهآ و في آليوم

آلثآني طآحت آلـآسنآن آللي ركبتهآ وبعدين رجعت سألتهآ وقآلت آلدكتورة:آنتي آسنآنكـ مآ يصلح لهآ تركيب يصلح لهآ زرآعه

وآبي آخذ رآيك يآ دكتور وش يفيد في حآلتهآ هآذي وآذآ تعرف مستشفى في مدينة آلريآض شغله زين دلني عليه..

و شكراً وآلله يجزآكـ كل خير:eh_s(17):

 

[..~Goolz]

دكتور حابه اشكرك ع جهودك وردودك

ثانيا حبيت اسالك عن قوالب التبيض الي اسوي الشكل بالعياده والباجي اكمله بالبيت >اتمنى فهمت الي اقصده

هل له مضار .
ما تتحس الاسنان او تضعفها

 

[ما ابيه]

اول شي شكرا لك ثاني شي عندي نزيف في اللثه دائما اعمل تنظيف ويكون فيه جير متراكم بس مجرد اعمل التنظيف بيرجع با اسبوع يرجع النزف هل يوجد حل *

 

[بشاييير]

بنتي 4 سنوات فيها سوس بضرس واحد يصير تنظفه بس يكون بكمام تخدير وكم تكلفته للضرس الراحد*

 

[د/ بدر حسين كرم]

الأخت:
نغم1986
بالنسبه لتقويم الانفيزالين فهو ماينفع مع كل الحالات و يجب دراسه قبل مانقول شنو ينفع معاها على حسب وضع الاسنان والأشعات وهذى السوالف اما بالنسبه للوقت فتقريبا متساوى

 

[د/ بدر حسين كرم]

الأخت:
كتكاته وبس
بالنسبه لحالتك اللى تقولينها فأحيانا تصير بقع صفرا بالاسنان نتيجه ضعف تكوين بالسن و يمكن حلها بأشياء كتيرة بتعتمد على حجم الصفار يمكن لو صغيرة نبدلها بحشوة تجميليه بيضه او تبييض او تلبيس لو ما تبين تبييض

 

[د/ بدر حسين كرم]

الاخت :
عالم حواء
اولا اهم شىء فى علاج الاسنان التخطيط الجيد واختيار خطه العلاج المناسبه لكل واحد لان مو كل شي ناسب كل الناس ممكن حالات ينفع معاها التلبيس وحالات ماينفع معاها تحتاج شي ثانى
اما بالنسبه للزراعه فهى تحتاج الى الى اشعات و مقاسات لتحديد كمية العظم اللى باقيه بالفك عشان نزرع مكانها
ثانيا بالنسبه لسؤالك عن مراكز بالرياض بصراحه انا ماعرف بس اعطينى مهله اسأل وانشاء الله ارد عليكى

 

[د/ بدر حسين كرم]

الأخت :
تكفيني الذكرى.
بالنسبه للتبييض فهو قسمين
قسم بالعيادة اللى يقوم به الطبيب المتخصص بهذه السوالف
وقسم منزلى بالقالب بقوم به المريض بنفسه بالبيت
واحسن نتيجه تكون من الاثنين مع بعض
فنبدا بالعياده ثم نتابع بالمنزلى عشان نثبت اللون هذا لا يمنع انه ممكن نستخدم التبييض المنزلى بروجه بس النتيجه بتكون اقل