اذا حاجتك عند الجلب.... قوله ياعمي

[أم بدير]

السلا عليكم ورحمة الله وبركاته
طبعا مستغربين من العنوان
بس صراحه هو انسب عنوان لما تقرون اللي بكتبه لكم
مادري ليش بكتبه لأني ما اقدر اصنفه على اساس انه مشكله.. أو اني بس ابي افضفض من الحره

معاي بالدوام صديقتي.. وقريبه مني وايد لدرجة نطلع مع بعض ساعات ودايما نسعد بعض بالشغل ومابينا خلاف نهائيا
كان عندنا صديقة مشتركه بس حاليا انا مالي علاقه فيها لأن صار بينا خلاف
المهم ان صديقتي اللي معاي بالدوام مره احتاجت مني خدمه اقدر اسويها لها بما ان لي معارف بالوزارة اللي كانت تبي منها خدمه
وماقصرت معاها سويتلها الخدمه

بعد مده دق تلفون صديقتي وسمعتها تتكلم مع البت اللي انا صرت ما اكلمها وطبعا انا مالي شغل فيها كيفها معاها ما امنعها من انها تكلمها دام اهي زينه معاها
بس سمعتها تقولها والله ما ادري شنو اقدر اسويلج بس انا معاملتي سواها لي شخص وما ادري اذا يقدر يسويها لج.. لكن بالنهايه قالتلها اوكي اوكي بشوف وسكرت الجهاز.... واول ماسكرته تأففت ماتدري اني وراها وقالت اذا حاجتك عند الجلب قوله ياعمي

عقبها التفتت علي وقالتلي يافلانه انا مفتشله منج ومادري شلون اقولج بس بغيت منج خدمه.. تذكرين المعامله اللي سويتيها لي من قبل. عندي معامله بالوزارة اللي قبل سويتيلي فيها معامله باسم فلانه (اللي ما اكلمها) والحين ابي اكمل المعامله وموراضين على اساس انها مو باسمي والبنيه ماتقدر تسويها لظروف خاصه، تقدرين تكلمين اهلج يسوونها لي؟!

انا ماتدرون شلون نصدمت.. ومن الصدمه ماقدرت اتكلم ولا ارد عليها
طلعت قاصدتني يوم قالت اذا حاجتك عند الجلب قوله ياعمي

شرايكم بالسالفه بنات مو صج قهر ​

 

[هدوي]

محشومه يالغاليه

صج شي يقهر
بس من رايي كملي المعامله دامج تقدرين عشان ربي ينصرج عليهم


واذا صار مجال عقب ماتخلصين المعامله قولي لها المثل بكلام عام خليها تحس انج سمعتيها

وهونيها وتهون

 

[أم بدير]

مشكوره حبيبتي هدوي عالرد
المشكله ان البنيه زينه معاي وتهبل وانا بعد زينه معاها وما ارضى اسمع عنها كلام يضرها
صج انصدمت يوم عرفت انها قالت المثل قاصدتني​

 

[Shestylet]

الله يعينج حبيبتي

 

[سبائك]

لا لا اتوقع انتي فهمتي غلط

يمكن اهي تقصد البنيه الي كانت تكلمها بالتلفون

لان لو انها تقصدج جان شفتي ويهها اختلف لما التفتت عليج صح؟؟؟؟؟؟​

 

[Filakawyia]

صح لازم تتاكدين عن منو كان الكلام . . . انا بعد اتوقع عن البنت اللي كانت اتكلمها

قعدي معاها و قوليلها اذا بغيت صاحبك دوم حاسبة كل يوم و انا سمعت منج كلمه بس مادري كانت موجهه حق منو و حبيت اتاكد بس لانج صديقتي و ماحب افهمج غلط ولا احب اخذ بخاطري على شي ممكن اكون مالي شغل فيه ​

 

[.]

لا لا اتوقع انتي فهمتي غلط

يمكن اهي تقصد البنيه الي كانت تكلمها بالتلفون

لان لو انها تقصدج جان شفتي ويهها اختلف لما التفتت عليج صح؟؟؟؟؟؟​

هدااللي بقوله..

 

[بنت الحزن]

لا حول و لا قوه الا بالله

 

[:: حـيـاتـي ::]

محشوومه يالغاليه

بس اكيد ماكانت تقصدج

وانصحج انج تكلمينها وتفهمين السالفه عدل​

 

[أم بدير]

يعطيكم العافيه كلكم وتسلمون عالرد
بس شلون البنيه ماتقصدني اذا اهي اصلا كانت حاجتها عندي؟؟
يعني اهي كانت تبي مني اسويلها الخدمه
وكانت مفتشله مني لأني على خلاف مع البنيه اللي كلمتها
وداست على نفسها وطلبة مني ومن جذي قالت المثل
صح؟؟
والله انا فكرت اصارحها واقولها سمعتج تقولين جذي
بس خفت احرجها
وفكرت اني حتى لو قلتلها واهي فعلا قايله هم بتنكر
يعني معقولة وحده بتقول اي والله قصدتج؟!!​

 

[^^ جـنـونـيـه ^^]

محشومه يالغاليه بس يمكن البنيه ما تقصدج و الا شلون تقول هالمل و انتي وراها يمكن البنيه حست ان فلانه اللي انتي ما تكلمينها تمصلح عندها و قالت هالمثل تقصد روحها مع احترامي لها طبعا بس انتي صارحيها و اذا تعذرتلج و عرفتي ان مو انتي المقصوده بترتاحين اما اذا كنتي عاد واثقه ان المقصود انتي لو اني بمكانج اخذت المعامله و قلتلها على هالخشم و نقعتها عندي و عقب بطا اجيبها و اقولها ما تير لانهم قالولي اذا حاجتك عند الجلب قوله يا عمي و بجذي بتفهم النغزة و تكون وحدة بوحدة بس انا افضل تصارحينها ترا ما فيها شي

 

[الغاليه نونو]

شوفي ياقلبي اذا تقدرين تساعدين احد لاتبخلين بالمساعده واحتسبي الاجر عند الله مايضيع وكلن يتكلم علي هواه وهذى اذا قاصده رفيجتج مالج عذر واذا تقصدج انتي محسومه فديتج سوي لها المساعده جنج ماسمعتي شى وصيري انتي بالزينه واجرج عند الله مايضيع لاتخسرين رفيجتج علي كلمه قالتها يمكن البنت موفاهمه معني المثل او يمكن قالتها علي غشمره معاج
ويمكن طبعها تقط الكلمه ماتثمنها خلقي لها الاعذار وطوووفي ترا الدنيا طويله وعريضه وبتشوفين اكثر من جذى

 

[bnt q8 in usa]

انزين مو يمكن اهي عندها حاجه عند البنت الي انتي ماتكلمينها وقالت هالمثل
شوفي لتسوين شي وانتي مغصوبه محد يجربج سمعتي شي تعالي علي طول قولي تقصدين منواحسن بلا تعورين راسج

 

[أم بدير]

ليت فرقا ترى البنيه ماكانت تدي اني موجوده بالمكتب لأن بداية مكالمتها ماكنت موجوده ولما ييت ماحست فيني، وعلاقتها بالبنيه اللي ما اكلمها اقوى من علاقتها فيني واهم مثل الخوات.

والله يا الغاليه نونو اني حطيتلها كل عذر بس لما افرها براسي يمين ويسار ما القالها تفسير ثاني بس من ناحية انها يمكن ماتقصدها مع اني ما اعتقد ان لها معنى ثاني.. هذا العذر اللي انا حاطته لها ومن جذي ماكلمتها
بس مو معناها اني ما احتريت والله
بنت الكويت ادري اني مو مغصوبه والله بس انا محتره لأنها رفيجتي وماقصرت معاها وماكان له داعي هالمثل لأنه صج قويه بحقي​

 

[Vampira]

ممممم اذا جذي سوي اللي عليج وواجهيها لا تسكتين بالهل زمن ماتعيش
الا القوية

 

[أم منصـ 85 ـور]

ياحبيبتي .. طنشي .. اللي مايطنش هاليومين مايعيش .. !

 

[زيـنـه]

يمكن لها حاجه عند البنت اللي ما تكلمينها ... و عشان تسويها لها .. تبيج تسوين للبنت اللي ما تكلمينها معاملتها .. عشان جذيه قالت هالكلمه و المقصود فيها البنت اللي ما تكلمينها .. هذا اللي واضح لي .

 

[Q8-Lady]

لا لا اتوقع انتي فهمتي غلط

يمكن اهي تقصد البنيه الي كانت تكلمها بالتلفون

لان لو انها تقصدج جان شفتي ويهها اختلف لما التفتت عليج صح؟؟؟؟؟؟​

نفس اللي فهمت

 

[طير الحب]

الله يعينج

 

[صمت الهدوء]

محشومة ، بس يمكن مو قاصدتج لان كنتي وراها ولا استغربت ولا تغير كلامها انتي سأليها موخسرانه وانتي راح ترتاحين