اذا حاجتك عند الجلب.... قوله ياعمي

[قهوة عربية]

محشومة ياعمري ...

وأنا نفس تفكير سبائك ..أكيد ماتقصدج ..تقصد البنت الثانية

بدليل انها التفت عليج وقالت أن المعاملة مامشوها ولازم تكون باسم البنت الثانية ..يعني يمكن بينهم بيزنس أو شغل ..والأثنين لازم يسوون المعاملة عشان شغلهم يمشي

وأكيد معاملتها خلصت ولازم معاملة الثانية اللي هي مرتبطة بالعمل معاها تخلص بعد عشان يبدون شغلهم ..فهي مضطرة تسوي لها معاملتها عشان مايتعطلون

أن بعض الظن اثم ...والتمس لأخيك سبعين عذراً

 

[أم بدير]

تسلمون خواتي عالمرور ويعطيكم العافيه
وبالنسبه للي قالت اواجهها.. اذا واجهتها وكانت قاصدتني هل بتقولي اي فعلا انا قاصدتج؟!!

محشومة ياعمري ...

وأنا نفس تفكير سبائك ..أكيد ماتقصدج ..تقصد البنت الثانية

بدليل انها التفت عليج وقالت أن المعاملة مامشوها ولازم تكون باسم البنت الثانية ..يعني يمكن بينهم بيزنس أو شغل ..والأثنين لازم يسوون المعاملة عشان شغلهم يمشي

وأكيد معاملتها خلصت ولازم معاملة الثانية اللي هي مرتبطة بالعمل معاها تخلص بعد عشان يبدون شغلهم ..فهي مضطرة تسوي لها معاملتها عشان مايتعطلون

أن بعض الظن اثم ...والتمس لأخيك سبعين عذراً

والله فعلا ان بعض الظن اثم
بس اهي مو محتاجه من الثانيه تخلص معاملتها
اهي محتاجتني انا.... من جذي ماربطت المثل بالبنيه لأن اهي والبنيه محتاجيني اخلصلهم معاملتهم عشان اختي تشتغل بالوزارة اللي قاصدينها وبحكم انهم بنات بتطول سالفتهم بس اذا اختي مشتها بتمشي
واهي خافت ارفض لأن المعامله مرتبطه بالبنيه اللي ما اكلمها ومن جذي بداية كلامها قالت والله مفتشله منج بس بغيت خدمه... يعني اهي منحرجه لأنها بتطلب مني شي يخص بنيه انا ما اكلمها

ودي فعلا اكون غلطانه
وانشالله اكون غلطانه
بس انتو لو سامعين كلامها جان تأكدتوا انها قاصدتني
بس هم برقعلها والله كريم​

 

[قهوة عربية]

لا ياعمري ..أؤكد لج انها تقصد الثانية

وحاجتها عند الثانية أكثر منج لأنها مرتبطة معاها بالشغل مثل ماقلت لج ولازم اثنيناتهم يخلصون معاملتهم عشان يبدأ شغلهم ...

يعني يمكن مسوين مشروع مشغل أو محل حلويات أو أي شي

صديقتج مثلا براس المال والثانية بالمواد والأيدي العاملة ...يمكن

عشان جذي حاجتها لها هي عشان يبدأ مشروعهم ....

والدليل الثاني انها قالت لها بالمكالمة :

والله ما ادري شنو اقدر اسويلج بس انا معاملتي سواها لي شخص وما ادري اذا يقدر يسويها لج..


يعني هي مضطرة تسويها لها عشان تفتك

 

[أم بدير]

سلمين اختي قهوه عربيه
والله انج قاعده تهونينها علي

مع العلم ان معاملتهم مو تجاريه بس مجرد تحويل اسماء
يعني المعامله من اسم فلان لين اسم فلان

ومثل ماقلتلج اهي علاقتها مع البنيه الثانيه اكبر من علاقتها معاي ثنتينهم مع بعض من عمر ومثل الخوات
بس هم ارد واقول اتمنى اللي تقولينه يطلع صح​

 

[يمامة]

لا لا اتوقع انتي فهمتي غلط

يمكن اهي تقصد البنيه الي كانت تكلمها بالتلفون

لان لو انها تقصدج جان شفتي ويهها اختلف لما التفتت عليج صح؟؟؟؟؟؟

 

[محتارة]

مادري شقولج ... بس اذا تقدرين على عمل الخير كملي وخلصي لهم المعامله ... وانتي التمسي لها العذر وخففي قعداتج معاها اذا حاسه انهم بيتمصلحون منج .. لانج انتي ادرى منا انتي اللي قاعده معاهم وعارفتهم عدل احنا مجرد قرينا السالفه وعلقنا عليها ... وعشان تبردين قلبج وتحسسينها انج سمعتيها سواء تقصدج ولا لا ... دقي على اي احد بالتلفون وسولفي سولفي وجدامها وقولي ايه اذا حاجتك عند الجلب قوله يا عمي .. شوفي ويها راح يقط الوان وبنفس الوقت تبينين لها انج سمعتيها واذا كانت شكوكج صح بتستحي على ويها وبتقول ايه سوت لي المعامله واهي سامعتني طلعت احسن مني ...وبتنقد على نفسها

 

[أميرة الورد]

انا أتوقع تقصد البنت اللي انتي ما تكلمينها ممكن انها تنقد عليها أو شغله جذيه انا انصحج سوي لها هالمعاملة وانويها تفريج عن مسلمة وربج بيجازيها اذا كانت تقصدج او تقصدها ولا تحريين عمرج ولا شي خليج انتي الطيبه صدقيني الطيبة بهالدنيا صج تنظلم وايد بس كافي انه الله معاها شتبي بالناس اذا الله سبحانه معاها ؟

 

[ii DareeN ii]

اول شي محشومه اختي ام بدر ثانيا ساليها ومن جوابها بتعرفين اذا اهيه قاصدتج ولا قاصده غيرج لان من جوابها بيبين ولاتسالينها بالتليفون لا ساليها وجها لوجه بتبين تعابير ويها ومن طريقه كلامها

وارد واقولج مثل ماقالت لج بنت لكويت منتي مجبوره تسوين شي ماتبين تسوينه واحنا بشر محنا ملائكه الي نسوي معاملات واخدم ناس يسيئون لي انا عن نفسي اسفه ماخدم احد يسيئ لي ممكن اي احد يقول نسره او اي شي بس انا بني ادم لحم ودم ماقدر اخدم انسان يسيئ لي
وانشاء الله تطلع مو قاصدتج لان ادري شكثر شي يحر لمى تطلع الاسائه من عزيز

 

[Filakawyia]

تدرين . . . لو اهيا تقصدج جان قالت هالكلام حق رفيجتها لما كانت تكلمها بالتليفون . . . مو تنطر اتسكر الخط و بعدين تقول هالكلام

و مانحرجت لما شافتج و بالعكس عقب ما قطت هالكلمة على طول قالت لج عن طلب البنت

اتوقع الكلام فعلا عن البنت . . .

و حتى اذا واجهتيها و انكرت هالشي . . . سامحيها و حطي في بالج ان هالشي مو عنج لان بذلتي كل السبل عشان تعرفين

و مع الوقت كل شي راح يبين​

 

[أم بدير]

يعطيكم العافيه ومكورين عالمرور
شكلي بكلمها مع اني ادريسواء قاصدتني والا لأ بتنكر بس يكن يبين من ملامحها
على فكره اهي ماتدري اني سمعتها لأني مابينت هالشي واهي عبالها اني توني داشه مو من كانت تتكلم لأن مكتبا شوي صاد

اتمنى تكونون على حق وجد جد جد ريحني ردكم عالأقل ممكن أكون غلطانه لو بنسبه بسيطه​

 

[Filakawyia]

توكلي على الله

و انشالله ترجع صداقتكم مثل اول و احسن​

 

[aBoOoRa]

حبوبه سوي المعامله وكملبي شغلج على اكمل ويه وابتعدي عنها والله معااج لاتقهرين عمرج ولاشي​

 

[حـــــلا]

ياكره بنات الدوام ما ادري ليش ما يستحون على وجيهم ... هم مسويتلها خدمة وهم تذم فيك
شوفي انا اقول قطيها وراك ونسيها لاكن علميها انك سمعتي الكلام اللي قالته وانها تقصدك اكيد لان حاجتها عندك وخلاص

 

[Kuwait]

واجهيها وبس

 

[ظلال القرآن]

واجهيها

 

[رنين]

لا لا اتوقع انتي فهمتي غلط

يمكن اهي تقصد البنيه الي كانت تكلمها بالتلفون

لان لو انها تقصدج جان شفتي ويهها اختلف لما التفتت عليج صح؟؟؟؟؟؟​

:eh_s(15): بالضبط اللي كنت راح اقولج اياه.

 

[كويتية أصيلة]

شوفي حبيبتي

بما ان من كلامج قلتي انهم حيل مع بعض

معناته ان صديقتها ( اللي انتي ما تكلمينها ) تدري ان انتي اللي سويتي معامله هالبنت اوكي؟

فاحتمال لما قالت لها انا ناس سووها لي ردت عليها ذيك قالت اي ادري فلانه سوتها .. عفيه كلميها قوليلها خل تسويها لي بس لا تقولين لها اني انا اللي طلبتها منها .. فردت عليها خلاص اشوف
وسكرت التلفون متأففه لانها راح تحرجها معاج .. فقالت اذا حاجتك عند الجلب

اولا محشومه اختي .. بس اتوقع انها تقصد صديقتها يعني صديقتها ما تكلمج وهم تبي منج خدمه .. يعني هذا قصدها

.............

شفيني استنيت؟؟؟؟؟؟ انا لو اصير مخرجه مو ابرك لي من القعده؟

 

[جورية كويتية]

حبيبتي محشومه
بس لا تقوليلها ولا شي
نصيحتي
جنج ما سمعتي هالحجي
وما عليج شنو يصير وراج
عليج من اللي يصير جدامج
اذا اهي زينه معاج خلج زينه معاها
واذا تتضاهر لها رب يحاسبها
اهم شي اتكون انتي نيتج صافيه
واذا لج حق ما يضيع عند الله
واذا قلتيلها وانكرت يعني اهي انحرجت منج وتحسفت على اللي قالته اذا كانت فعلا قاصدتج مع اني ما اعتقد

اذا تقدرين سوي المعامله واحتسبي الاجر عند الله
سويها لله لا تحطين ببالج ان هالمعامله حق فلانه من الناس
وكل شي بثوابه حبيبتي
الله يآجرج
بس هم حسني الظن فيها

اهي بصراحه المفروض ما اتقول هالحجي لا لج ولا لغيرج
ما ادري عيب هالحجي بين الناس ما ادري ليش يقولونه !!

عموما انسي اللي سمعتيه اذا ما تبين اتصارحينها
وخلج معاها عادي
اذا بتسوين المعامله الله يجزاج خير
واذا ما تبين على راحتج ومحد يقدر يلومج

يعطيج العافيه حبيبتي
هونيها وتهون

 

[كويتية أصيلة]

رديت اتطمن واشوف شصار معاج

بس سلمي عليها قوليلها كويتية اصيله تقولج

اذا صار حاجتك عند الجلب قوله يا سيدي مو يا عمي

 

[[ . . Jee Jee . . ]]

قريتي رد بنت الكويت ؟

لا تسوين شي انتي مو مضطرة اتسوينه..

والله العظيم يا ام بدير آنا كنت مثلج ما اتعامل معه الموقف حار بحار .. وكنت اقعد اسابيع افكر بسالفه واهي خلصت واعور قلبي ..

بس تعلمت من مواقف بايخه .. اذا ما تحجيت وسكت بعور قلبي طبعاً تعلمت بعد ما شبعت عوار قلب ..

وصرت ارد وما اسكت عن حقي واي كلمة احسها غلط بحقي اقول عفواً شتقصدين ؟

حاجيها .. دام تعزينها صارحيها عاتبيها لا تسكتين ..


آنا بالحالتين ما انصحج تسوين لها شي .. ماراح تخلصين جذي ..

باجر تقولج ولد الجيران عنده معامله .. وبنت خالة رفيج ولد الجيران عنده معامله ابيج تخلصينها ..

وانتي يا حبة عيني بتستحين تقولين ما اقدر << آنا قبل جذي

اوعد حتى بالشغلات اللي ما اقدر اعليها واسويها للغرب وانسى روحي ..



بالاخير ان شاءالله تتضح لج الامور وما تطلع تدور من وراج مصلحه .. لانج تعزينها وماتستاهلين هالصدمة ..