اذا حاجتك عند الجلب.... قوله ياعمي

[diorella]

انا اتوقع ان هذيك البنت محتاجه صديقتج تتوسط عندج.. يعني فهمتي غلط
بس انتي سواء جذي ولا جذي خلي علاقتج فيها بس بالعمل .. لانها مثل ماقلتي اخت لهذيج اكثر من ما اهيه صديقتج

 

[أسيرة موني]

اذا مستحية تردين البنت ..

سويلها المعامله و من عقبها خلاص خليج سطحية معاها و ان كلمتج

كلمه وردي غطاها وبس ..

سوي جذي و افتكي من هالتفكير الي ما وراه الا الارف

 

[زهرة اللوتس]

الله يعينج

 

[rainbow_brite]

انا بعد احس انها ما تقصدج انتي وتقصد اللي تكلمها وانتي احسنلج انج تحسنين الظن بالناس وبما انها زينه معاج وحبوبه مرري السالفه بس اذا حس قلبج بالمرات اليايه انها قاعده تستغلج وقفي المساله عند حد معين والله يعينج ​

 

[@ الرسامة @]

حاجيها يمكن سمعتي غلط

واذا صج قالتها عنج هذي فشيلة بحقها

 

[أم بدير]

تسلمون حبايبي عالردود الحلوه
انا سويت الخدمه اللي تبيها البنيه بحكم انها رفيجتي
ومابي افكر منو كان قصدها
لأني ان فكرت بتأكد انها قاصدتني ومابي اعور قلبي زياده

والبنيه يوم قلتلها اني سويتلها الخدمه استحت مني يمكن لأني سويتلها الخدمه ويمكن لأنها قالت المثل عني ماتوقعتني اسويها
ماني حاطه بذمتي
الله كريم
​

 

[manoola]

لاتعيدينها ابدا لانهم مايستاهلون صراحه ........... المثاليه ماتمشي بهالايام
والطيب عند الناس يسمونه خبل وهذا للاسف حاصل حتى لو مانبي

المهم سواء كان عنج والا عن الثانيه البنت هذي صج ماتستحي ولايبين فيها الطيب لانكم ثنتيكم خواتها ورفيجاتها وروحه ورده مع بعض ..... ياربي شهالاوادم اللي لو تعطينهم ماي عيونج هم يحجون ويذمون صج صج ان لم تستحي فافعل ماشئت اعوذ بالله

الله يجعله بميزان حسناتج بس ان رديتي وسويتي هالخدمه حق هالنوعيه ترا بدورج بكل مكان وياويلج ان صدتج:eh_s(13):

 

[manoora]

قوليلها عيب عليج هالحجي ترى انا سمعتج و زفيها

 

[ضحكة الدنيا]

تسلمون حبايبي عالردود الحلوه
انا سويت الخدمه اللي تبيها البنيه بحكم انها رفيجتي
ومابي افكر منو كان قصدها
لأني ان فكرت بتأكد انها قاصدتني ومابي اعور قلبي زياده

والبنيه يوم قلتلها اني سويتلها الخدمه استحت مني يمكن لأني سويتلها الخدمه ويمكن لأنها قالت المثل عني ماتوقعتني اسويها
ماني حاطه بذمتي
الله كريم
​

زين تسوين حبيبتى ام بدير عين العقل خليج انتى الاحسن واكسرى عينهم
بمعروفج
ولا تعورين قلبج ولا تفكرين فى منو تقصد
اذا اهى رفيجه بمعنى الكلمه راح تصلح موقفها بعد اللى سويتيه

 

[حصة]

أول شي شوفي أم بدير أول شي أموووت اذا دشيت مواضيعج وما أقدر أطلع ما أكتب رد

حبيبتي جان قلتيلها " آسفة والله حبيبتي مو أنا جلبة تعرفين بعد اذا حاجتج عندي لازم اتمسكنين وكفخيها بالجنطة وطلعي " ههههههههههههههههههههه

يباااااااااااااااا لا أحد يهمج خل تولي وحقريها هذي أشكرة ما كانت مرافجتج الا حق مصالحها لا اتعبين نفسج وتزعلين واهيا ما تستاهل خليها تولي يبا اللي يبيعج بيعي بنعالج وايد عليها

 

[همسات ليالي]

ما اقول الا الله يعينج بهالزمن الوحده ما تقدر تفرق بين الزينه والشينه

 

[أم بدير]

كتبت كلام وايد وكله طار

عالعموم
مشكوره حبيبتي حصه والله انا استانس على ردودج بعد
وهمسات تسلمين يالغاليه عالمرور والتعليق

بس تدرون طلعت صج مو كفو
قامت تسوي سوالف ان صار عندي شغل كله عبالها بيعتمدون عليو اهي بيطنشونها
وقامت ان وصل مراجع عطاني ورقه تركض تسحبها من ايدي عشان اهي تسويها
وتكود الشغل على راسها عشان يقولون فلانه تشتغل اكثر شي والباجي قاعدين بس جذي
لا ومره سويت شغله حق القسم جان تركض حق رئيس القسم بالاوراق تقوله انها سوتهم
يوم واجهتها قالتلي ماكان قصدي سويتها بروحي
انا قصدت ان انا معاج سويناها بس الظاهر مافهمني
مع انها ماسوي شي انا مسويتهم كلهم​

 

[sunshine22]

ان قطعتي الشك باليقين

وقلتيلها ليش تقول جذي؟؟؟قاصدتج

عشان ما تفكرين وتنصدمين


بس اقتعد تقصد البنت اللي ما تكلمينها انها بغت منج الخدمه وهي تكرهج فحاجتها عندج

ومحشومه عن الجلب هي بعد كلمتها قويه


هذا رايي الشخصي

 

[أم جوري]

الله يعين
واجهيها ولا تحرين نفسش ...

 

[أفوكادو]

لاتعيدينها ابدا لانهم مايستاهلون صراحه ........... المثاليه ماتمشي بهالايام
والطيب عند الناس يسمونه خبل وهذا للاسف حاصل حتى لو مانبي

:eh_s(13):

:eh_s(15): صح كلامج :eh_s(15):
والطيب يسمونه فقير على نياته= وشه مو صاحي وهذا اللي جانا من الطيب !!

 

[باروكة ام كشة]

لاااااااااااااااااااا اصلا واضح ان اهي قصدها ان هذيج مع انها امتحبج وماتكلمج بس لانها تبي منج شغلة مستعدة تقول لج عمي.....انا اتوقع جذي
مو قصدها انتي

 

[باروكة ام كشة]

لاااااااااااااااااااا اصلا واضح ان اهي قصدها ان هذيج مع انها ما تحبج وماتكلمج بس لانها تبي منج شغلة مستعدة تقول لج عمي.....انا اتوقع جذي
مو قصدها انتي