اذا بيوم انتهى حبي لك...> تأكد انه يوم موتي< (قصة كويتية)

[n00ni]

احس بهالبارت صارت القصه مليقه
نفس المسلسلات
ونهايتها معروفه

راح انسحب من المتابعه

الله يعطيج العافيه

 

[كادي::::]

ناطررررررررررررررررررررررررررررررررررررررررررررررررررررررررررررررررررررنج

 

[ღ TőOőma ღ]

نوني زين تسوين خخخ والله تحسفت ليش نزلتها

وكادي انشالله اول ماتحط انزل

 

[dlo3t^baba]

لوووول اهي صج صارت جنها فلم هندي بس ابي اعرف النهايه
يسلمو تومه ^_^

 

[b6oOoOo6a]

يسلمو تومه مواضيعج خطيرين ناطرة البارت اليديد

 

[كادي::::]

waiiiiiiiitttttttttttttttttttttttttingggggggggggggggggg

 

[ღ TőOőma ღ]

بوفواز: فطوم
ام فواز: شفيها فطوم
بوفواز: يعني البنات ما قالولج شي
ام فواز: لا ليش شصاير
بوفواز: امس وانا راد البيت سمعت فطوم تتكلم مع واحد بالتلفون
ام فواز: شنو؟ ومنو هذا؟
بوفواز: مادري انا الي قاهرني اني معطيها الثقة بس طلعت مو قدها
ام فواز: انت لاتعب روحك الحين بروحه الي فيك مكفيك
بوفواز: وينتج تخلي الواحد يرتاح
ام فواز: معقوله فطوم تطلع منها هالسوالف
بوفواز: حتى انا مثلج انصدمت عشان جذي تعبت امس
ام فواز: عيل اهدا ولاتفكر انا بتصرف معاها
بوفواز: الحين يايه تقولين هالكلام وينج عنها شلون ما حسيتي فيها
ام فواز: وانا شدراني خو انا مو اربعه وعشرين ساعه معاها
بوفواز: بس هم مهما يكون انتي امها والمفروض تعرفين كل شي عنها
ام فواز: هم انت ابوها ولا بتحط اللوم كله عليي
بوفواز: انا ما قلت جذي بس انا مشغول وايد وانتي عارفة طبيعه شغلي
ام فواز: الحين هالكلام ما ينفع لازم نشوفلنا حل
بوفواز: مايت اليوم مالها وي تشوفني انا لازم اقعد معاها واكلمها
ام فواز: انت بروحك تعبان قلتلك ارتاح وخل الموضوع عليي وبعدين اهيا عندها امتحانات الحين وهذي آخر سنة خل تخلص وحسابها عندي
..................
دانه وصلت البيت اول ما دخلت لقت فطوم نايمه عالقنفة بالصالة
دانه: فطووووم شفيج نايمه هني
فطوم وغصب تفتح عيونها: ها شلون ابوي
دانه:احسن واايد بس لازم يظل عندهم بعد
فطوم: زين اشوه كلمت عيسى من تلفون البيت
دانه: حدج فاضية تدرين .. ابوي سأل عنج
فطوم: صج شقال؟
دانه: بس قال ليش ما يت وانتي لي مته ماراح تروحيله
فطوم: راح اروحله بس تكونون انتي وامي معاي ما اروح بروحي
دانه: انزين انا بروح ادرس
فطوم: شفيج دانو
دانه: مافيني شي انتي شايفه ان فيني شي
فطوم: عيل ليش جذي قاعده تكلميني
دانه: لن تصرفج بايخ ابوي طايح بالمستشفى وانتي تفكرين بعيسى لا ورايحة داقة عليه بعد
فطوم: والله اني قاعده احاتي ابوي حتى امس ما قدرت انام بس هم لازم اطمن عيسى
دانه: اوكي سوي الي يريحج انا بروح ادرس
صعدت دانه وفطوم ظلت قاعده بالصالة وضايق خلقها تحاول تدرس بس مو قادره تركز وكان اول امتحان عندها فيزيا (اففف من له خلق يدرس الحين)
............
(البحرين)
سارة بغرفتها (شفيها فطوم ما دقت صارلها مده) دخل فيصل: شفيج
سارة: لا ولا شي بس غريبة فطوم صارلها مده ما دقت
فيصل: تلقينها لاهية مع الامتحانات
سارة: اخاف صايرلهم شي
فيصل: لا يبا ماكو الا الخير انشالله قومي تعشي
سارة: اوكي يلا يايه
.......................
مر الوقت وفطوم تحاول تركز وتفهم الي تقدر عليه دخلت ام فواز شافت فطوم عطتها نظرة وصعدت من غير ما تسلم حتى
فطوم (اكيد ابوي قالها الله يستر) صعدت ام فواز بدلت ونزلت
فطوم: يما شلون ابوي
ام فواز: ولج عين تسإلين عنه بعد
فطوم: ليش؟
ام فواز: يعني تسوين روحج ما تدرين
فطوم:....
ام فواز: بالله ما تقوليلي ليش تسوين جذي هذي جزاتنا الي عطيناج الثقة وعديناج بنت فاهمة
فطوم: يما انا ما غلطت
ام فواز: لا والله كل هذا وما غلطتي عيل الغلط شلون صاير
فطوم: يما انا احبه واحنا متفقين عالزواج
ام فواز: ماشالله متفقين بعد وانتي واثقة فيه تدرين اذا كان صاج ولا قاعد يلعب عليج
فطوم: انا واثقة فيه وادري انه ما يلعب
ام فواز: والله قلة حيا وتردين بعد بدال ما تسكتين وتنزلين راسج
فطوم: .....
ام فواز: انا مالي حجي معاج الحين خلصي امتحاناتج وبنقعد معاج انا وابوج
فطوم: انشالله
ام فواز: درستي
فطوم: اي بس مو قادره اركز
ام فواز: شيلي هالموضوع من بالج الحين انتي بآخر سنة وماله داعي اعيد الاسطوانة مالت كل مرة
فطوم: انشالله يما بس طمنيني على ابوي شلونه
ام فواز: الحمدلله بخير بس بسووله عملية
فطوم: عملية شنو
ام فواز: عملية بالجهاز الهضمي بس ما قالنا الدكتور بالضبط شنو
فطوم :متى بسويها
ام فواز: بعد ليلحين ما قررنا انا بوديه برا احسن
فطوم: اي احسن الدكاترة هني يخرعون
ام فواز: يلا جابلي كتبج انا بروح انام تعبت من المستشفى
فطوم: تصبحين على خير
ام فواز حقرتها وصعدت فطوم حاولت تدرس بس ما قدرت صعدت فوق وراحت غرفه امها طقت الباب
ام فواز توها منسدحة بسريرها: منو
فطوم: انا يما
ام فواز: شتبين بعد دخلي
دخلت فطوم وقعدت يم امها عالسرير وباست راسها
فطوم: يما انا ادري اني غلطانه بس عفيه سامحوني
ام فواز: لا تكلميني انا كلمي ابوج
فطوم: اهو راح يبي يخطبني بس لنه يبي يكمل دراسته ما قدر وانتي تدرين ان ابوي يبي شهادة
ام فواز: هالحجي تو الناس عليه وانتي بعدج صغيره
فطوم: ادري بس انا ببينلج ان اهو صج يحبني ومو قاعد يقص علي
ام فواز: خلاص عيل خلصي امتحاناتج وخليه يكلم ابوج
فطوم: اوكي يعني مو زعلانه مني



ام فواز: امبله وماراح ارضى لين ينحل كل شي
فطوم: انزين
ام فواز: يلا سكري الليت بنام
طلعت فطوم وسكرت الليت وراحت غرفه دانه لقتها نايمة والكتب يمها
فطوم: دانووو.. دانوو
دانه: هااا شتبين
فطوم: قومي شيلي كتبج ونامي
دانه: افف انزين
راحت فطوم شالت كتبها الي بالصالة وصعدت غرفتها سكرت الليت وحاولت تنام بس ما قدرت طلعت راحت غرفه دانه كانت بالحمام
دانه طلعت من الحمام: شفيج رجعتي
فطوم: ابي انام عندج
دانه: غريبة العادة انا انام عندج
فطوم: مو قادرة انام قلت ايي عندج
دانه: انزين عيل سكري الليت
دانه وفطوم نايمين بالسرير
فطوم: دانو زعلانه مني انتي بعد
دانه: اي
فطوم: هوو دانو انا مالي غيرج كافي امي وابوي زعلانين عليي بعد انتي
دانه: انا مو زعلانه بس ابيج تحسين شوي
فطوم: والله حاسة بس خلج معاي
دانه: انزين
فطوم: يعني خلاص مو زعلانه
دانه: لا خلاص بس باجر تيين معانا المستشفى
فطوم: انزين ايي
دانه: خلاص اوكي يلا تصبحين على خير بناام
فطوم: وانتي من اهله
......................
اليوم الثاني قامت ام فواز الصبح ونزلت تحت راحت حق ديده مريم
ام فواز: صباح الخير خالتي
ديده مريم: صباح النور يما شلونج
ام فواز: تمام الحمدلله
ديده مريم: بوفواز متى يرجع البنات يقولون مسافر
ام فواز: لا اهو مو مسافر
ديده مريم: هوو ونه عيل صايرله شي
ام فواز: لا خالتي مافيه الا العافيه بس تعب علينا شوي ووديناه المستشفى
ديده مريم: من متى وليش ما قلتلولي
ام فواز: صارله يومين ما حبينا نقولج لنج تعبانه
ديده مريم: بس مهما يكون ولدي طايح بالمستشفى ولا ادري خنت حيلي عسى مرضه مو جايد
ام فواز: لا الحمدلله
ديده مريم: انزين متى بتروحيله
ام فواز: بعد شوي
ديده مريم: عيل اخذيني معاج
ام فواز: خالتي تتعبين بالمستشفى
ديده مريم: لا ما اتعب بروح اتطمن عليه
ام فواز: خلاص من عيوني بس ما نطول نرجع بسرعه
ديده مريم: يلا عيل قومي بدلي خلنمشي
ام فواز: انشالله خالتي عشر دقايق وانزلج
بدلت ام فواز ونزلت خذت ديده مريم وراحو المستشفى
ديده مريم: سلامات يما ما تشوف شر
بوفواز :الله يسلمج يما ليش متعبه روحج ويايه
ديده مريم: ما قدرت قلت لازم اتطمن عليك
بوفواز: انا مافيني الا العافيه وكاني جدامج مافيني شي
ديده مريم: شلونك الحين شقالولك
بوفواز: طول ما هالوي الحلو جدامي ويدعيلي بكون بخير انتي بس تطمني ولاتحاتين
دانه وفطوم قامو من النوم ونزلو تحت
دانه: بيبي وين ماما
بيبي: ماما ياخذ ماما كبير ويروح مستسفى
دانه: انزين سويلنا ريوق
بيبي: جين
فطوم: دانو دقي على امي شوفي متى بتيي
دانه: الوو قوة يما
ام فواز: هلا دانه متى قعدتي
دانه: تونا انا وفطوم قمنا انزين متى بتردين
ام فواز: برجع حزة الغدا اييب ديده مريم والعصر ارد انتو قعدو درسو عشان تيون معاي
دانه: اوكي سلمي على ابوي باي
ام فواز: باي... البنات يسلمون عليك
بوفواز :الله يسلمهم
...
فطوم: ها شقالت
دانه: بتيي وقت الغدا تييب ديده مريم والعصر نروح معاها وقالت قعدو درسو
فطوم: الله يستر من الفيزيا كافي مزفته بالفترة الاولى
دانه: اففف مايت المشاكل الا الحين
............
صار العصر بدلو البنات وراحو مع ام فواز المستشفى دخلو الجناح وفطوم كانت آخر وحده راحت تسلم على ابوها غرفت عيونها دموع
فطوم: سلامتك يبا ما تشوف شر
بوفواز واهو متضايق: الشر ماييج شلون دراستج
فطوم (حياتي حتى وانت زعلان مني تحاتيني): الحمدلله
بوفواز: شدو حيلكم
دانه: انشالله
قعدو يسولفون وبوفواز طول الوقت يطالع فطوم ويقول بقلبه (ليش سويتي جذي يفطوم) صار المغرب يالهم السايق ورجعو البيت صلو وقعدو يدرسون كان يوم الجمعه وبقالهم يوم واحد وتبدي الامتحانات رجعت ام فواز البيت بليل
ام فواز: سلام
دانه: وعليكم
ام فواز: طليتو على يدتكم
فطوم: اي قعدنا عندها شوي بعدين قالتلنا روحو درسو
ام فواز: شلون الدراسة
دانه: زينة
ام فواز: ترى ماكو طلعه بعد ولا مستشفى خلاص جابلو دروسكم
فطوم: وابوي نبي نشوفه
ام فواز: الخميس روحوله
دانه : بييي وايد
ام فواز: شنسوي الظروف صارت جذي




يوم الاحد اول امتحان فطوم توها واصلة المدرسة شافت اماني
اماني: هااااااي
فطوم بدون نفس: هاي
اماني: عادي عادي يبا كلنا خايفين الفيزيا طول عمره صعب مهما ندرسله
فطوم: ومن قالج اني احاتي الامتحان اصلن كلش مو هامني
اماني: عيل شفيج
فطوم: ابوي درا اني اكلم عيسو وخذا تلفوني
اماني: شلووون
فطوم قالتها السالفة: وعقبها ابوي تعب وودوه المستشفى
اماني: مسكين ما يشوف شر وشلونه الحين
فطوم: احسن بس لازم يسوي عمليه وخايفين نسويها هني نبي نسوي اوراقه عشان يسافر امريكا
اماني: عيل انتي اكيد مو دارسة عدل
فطوم: يعني شرايج بس والله مو هامني ابي افتك بس
اماني: خلاص ولا يهمج انتي بلجنتي انا بحاول التفت عليج كل شوي واي شي تبينه قوليلي
فطوم: مالي خلق شي عادي طاف
اماني: يعني شلون بتسقطين
فطوم: عشان ازيد البلاوي الي على راسي لا يبا خلاص عالاقل الموضوعي وجم قانون
اماني: اوكي لا تحاتين
الابله: يلا بنات دخلو اللجنة بنوزع الاوراق
اماني: يلا سمي ودخلي
دخلو القاعه وحاولت اماني تساعد فطوم كثر ما تقدر بس الامتحان كان حده صعب لما خلصو طلعو من القاعه
اماني: ها شسويتي
فطوم: مادري والله
اماني: يعني عرفتي تحلين ولا لا
فطوم: اي عرفت بس كان وايد صعب
اماني: انزين عيل شدي حيلج بامتحان باجر اوكي واذا بغيتي اي شي دقي عليي
ابرار: هاااي شلونج فطوم ما شفتج
فطوم: تمام
ابرار: الامتحان يشق شــق
اماني: اي حده
راحو ثلاثتهم مع بعض وطلعو كان السايق ناطر فطوم وراحت علطول ودانه معاها
ابرار: شفيها فطوم احسها مو طبيعيه
اماني: ابوي ناطرني دقي عليي واقولج
مرت الايام وامتحان ورا امتحان وفطوم صارت احسن شوي وصار لها خلق تدرس على آخر الامتحانات
(آخر يوم امتحان)
وصلو فطوم ودانه البيت وكانو حدهم مستانسين لما دخلو ما كان في احد امهم بالمستشفى
فطوم: مدام امي مو هني خل ادق على عيسى
دانه: اوكي انا بروح ابدل وانزل
عيسى: هلا حبيبتي وييينج طولتي عليي
فطوم: حياتي سوري حدي مشتاقتلك
عيسى: وانا بعد ولهت عليج وايد
فطوم: انزين ما باركتلي خلصت امتحانات
عيسى: اي صج مبروك اليوم كنت ياي المدرسة ما شفتيني
فطوم: لا كنت قاعده اسلم على رفيجاتي ما لاحظت
عيسى: اي بعد آخر يوم شخبار ابوج
فطوم: تمام انزين عيسى اكيد ابوي راح يفتح معاي الموضوع لني خلصت امتحانات
عيسى: اوكي مو انتي قلتلي حق امج اني ابي اخطبج وفهمتيها ليش ما ييت ليلحين
فطوم: اي
عيسى: خلاص عيل نفس الكلام تقولينه حق ابوج بس بدون سالفة الشهادة وانا اليوم بكلم ابوي بالمضوع
فطوم: وانت ليلحين ما كلمته
عيسى: لا تحاتين راح يرضى لني بس راح اخليه يكلم ابوج عشان تنحل هالمشكلة
فطوم: اوكي انا راح اقوله كل شي عنك اذا سألني
عيسى: اوكي خلاص
فطوم: انزين يلا اخليك
عيسى: وييين ما شبعت منج
فطوم: ما اقدر اخاف امي تيي وبروح ابدل توني يايه من المدرسة دقيت عليك
عيسى: اوكي حبيبتي ديريبالج على نفسج
فطوم: انشالله وانت بعد
عيسى: انشالله احبج
فطوم: اموت فيك باي
عيسى: باي
راحت فطوم تبدل ودانه يايه بتنزل
دانه: ها كلمتيه
فطوم: اي واتفقنا على كل شي
دانه: على شنو اتفقتو
فطوم: دقيقة ابدل واييلج
دانه: اوكي
نزلت دانه رن التلفون
ناصر: مبرووووووووووك خلصناااااا
دانه: ههههههه الله يبارك فيك
ناصر: دقيت مساع مشغول
دانه: اي فطوم كانت تكلم رفيجتها
ناصر: وينها بكلمها
دانه: راحت تبدل الحين تنزل
نزلت فطوم: منو تكلمين
دانه: نصور هاج بكلمج
فطوم: اهليييين
ناصر: مبرووك قرة عينج
فطوم: هههه شكو
ناصر: مادري شقول المهم مبروك خلصنا
فطوم: هههه الله يبارك فيك
ناصر: شفيكم ادق عليكم مسكرين اجهزتكم يبا عطلنا خلاص فتحوهم
فطوم توهقت: نصور هاك كلم دانو بروح المطبخ



العصر دانة وفطوم راحو عند ابوهم وكانو حدهم مستانسين انهم خلصو لما صار بليل
دانه: يما ترى بنطلع مع نصور وحصو
ام فواز: بسم الله توكم مخلصين
دانه: اي بس قطيعه ملينا اسبوعين بالبيت
ام فواز :انزين بس لا تتاخرون
دانه: يبا عادي نروح
بوفواز: اي يبا روحو استانسو عقب الحكرة
فطوم تفكر (متى راح يكلمني شكله مو ناوي يفتح الموضوع اليوم)
وصل السايق سلمو فطوم ودانة على ابوهم وباسو راسه وطلعو راحو الترفيهية
دانه: فطوم هذي سارة تدق اكيد تبيج
فطوم: هااااااااااااااااااااااي
سارة: هايات يالخايسة شلونج
فطوم: حدي تماااام
سارة: ههههه خلصتو امتحانات
فطوم: اي اليوم
سارة: شنو طالعين
فطوم: اي احنا بالترفيهية مع حصو ونصور يلا متى تيون الكويت
سارة: لا هونا ماراح نيي
فطوم: شنوو جذابه
سارة: يبا من صجي امي قالت ماراح نيي
فطوم: ليش عاد
سارة: مادري عندها شغل مادري شسالفتها
فطوم: وييع ملاقة متى اشوفج عيل
سارة: بالعيد الياي
فطوم: هووو يالمليقة
سارة: انزين قوليلي ابوج شسوى معاج
فطوم: مادري سارو ما فتح الموضوع
سارة: اخاف نسى
فطوم: غبية انتي بالله بينسى موضوع مثل هذا
سارة: هههههه شدراني انا انزين ترى جذبت عليج انا داقة اقولج ان يوم السبت احنا بالكويت
فطوم: ياحمااااااارة ليش تقصين عليي
سارة: هههه كيفي
فطوم: يلا قلبي ويهج بنركب الجندول
سارة: انزين قطيعه سلمي باي
فطوم: باااي .. تسلم عليكم
ناصر: الله يسلمها انزين امشي ركبي معاي دانو وحصو بيركبون مع بعض
فطوم: بركب معاهم
ناصر: وانا اركب بروحي
فطوم: صرت اخوي وابتلشت فيك انزين امش خلصني
ناصر: طالع هذي تزف بعد شسوي يبا تمونين
فطوم: هههه غصبن علييك
كان هاليوم حده وناسة وكلهم استانسو فيه رجعو البيت الساعه 11ونص
ام فواز قاعده بالصالة: جان نمتو هناك بعد
فطوم: ما حسينا بالوقت والله
ام فواز: وانتي ليش مسكره جهازج شكثر ادق مغلق
دانه: مافيه شحن طفا
ام فواز: ابوكم راح يطلع باجر
فطوم: صججج ونااسة
ام فواز: ونااسة ها راح تشب حريجة هني
فطوم سكتت وصعدت ودانه لحقتها
.........
صار اليوم الثاني راحت ام فواز الصبح المستشفى والظهر يو اهيا وبوفواز البنات كانو ليلحينهم نايمين دانه قامت قبل فطوم
دانه: فطوم يلا قومي
فطوم: انزين
دانه راحت بتنزل سمعت صوت يدتها تكلم ابوها بالصالة جان تركض غرفة فطوم
دانه: فطوم ابوي تحت
فطوم: صجج انزين نطريني لا تنزلين
دانه: يلا خلصي
نزلو ثنتينهم مع بعض وسلمو على ابوهم وتحمدوله بالسلامة
صار العصر دانه راحت حق امها
دانه: يما بنروح بيت خالتي حنان بعد شوي
بوفواز: فطوم خل تقعد ابيها
دانه خافت: واناا
ام فواز: انتي روحي وانا بعدين اقط فطوم عندكم
دانه: انزين .. راحت دانه ركض عند فطوم كانت قاعده تبدل.. فطووم ابوي قال خل فطوم تقعد ابيها
فطوم كانت ماسكه ملابس بيدها جان يطيحون منها: من صجج
دانه: اي
فطوم: انزين انتي قعدي لا تروحين
دانه: امي قالتلي روحي اشكره بصرفوني
فطوم: لا مابي قعدي معاي
دانه: يبا افتكي خلصي السالفة
فطوم: دانو خايفة
دانه: هههه عادي عادي اعتقد انج متعوده على عصبية ابوي
فطوم: بس هالمرة الموقف جايد امبيي
......... بدلت دانه وراحت مع السايق ..
ام فواز: اهيا بسن المراهقة ولازم تمر بهالمرحلة بس انت لا تضغط عليها
بوفواز: انا عارف شلون اتصرف معاها لا تحاتين بس روحي ناديها
ام فواز: انشالله
صعدت ام فواز نادت فطوم ونزلو تحت قعدت فطوم يم امها وابوها كان جدامها
بوفواز بكل هدوء: اعقتد انج تدرين ليش احنا منادينج
فطوم منزلة راسها: اي




بوفواز: فطوم انتي بنتي ولا تظنين اني بسوي شي يأذيج او بعاقبج انا بكلمج على انج بنت كبيرة وفاهمة
فطوم مستغربه من هدوء ابوها لنها كانت متوقعه انه بعصب عليها ويصرخ
بوفواز: الكل يعرف عايلتنا ويمدح فيها وبعيالنا واعتقد انج ما ودج تشوهين سمعتنا البنت يايبه سمعه واقل شي ممكن يخرب عليها وانتي بعدج صغيره وممكن اي احد يستغلج ويقص عليج صج انج ذكية وما ينخاف عليج بس هالزمن يخرع وصرنا نشوف البلاوي واحنا من حقنا نخاف عليج ونحميج.......... (وظل يقولها من هالكلام لحد ما بجت وحست بغلطتها)
ام فواز: اهيا تقول انها تحبه ويحبها وانه بيخطبها
بوفواز: وهالكلام متأكدة منه
فطوم واهيا تبجي: اي
بوفواز: بننطر ونشوف انزين قوليلي شسمه ومن ولده
فطوم: عيسى...........
بوفواز: هذا اعرف ابوه ودايما ايينا الدوانية
ام فواز: زين عيل اكيد شايف الولد وتعرفه
بوفواز: انتي من وين متعرفه عليه
فطوم ساكته ومو قادرة تتكلم
ام فواز: كانو معانا بمصر اهو وربعه ساكنين بنفس فندقنا
بوفواز: المهم الي صار يكون درس لج وتتعلمين منه وانشالله تكونين فهمتي كلامي عدل
ام فواز: يلا قومي بوسي راس ابوج واعتذري منه
فطوم تطالع امها وتبجي
ام فواز: يلا قومي
قامت فطوم باست راس ابوها: سامحني يبا
بوفواز: ماكو ابو يزعل من بنته بس انشالله ما يطلع قاص عليج
ام فواز: لا انا قعدت معاه بمصر اهو خوش ولد وما اعتقد عنده هالسوالف
بوفواز: خلاص عيل روحي غسلي ويهج ولا تتضايقين انا ما سويت جذي الا لني ابي مصلحتج
راحت فطوم غرفتها وظلت تبجي (ابوي كان وايد هادي وطيب معاي مع ان هذا مو طبعه كلش صج اني ما استاهل هالثقة الي عطانياها) دخلت امها غرفتها
ام فواز: انتي ليلحينج تبجين يبا خلاص ابوج وسامحج والولد وبيخطبج يلاقومي غسلي ويهج وبدلي خل اوديج بيت خالتج
فطوم رفعت راسها منصدمة: ابوي راضي اروح
ام فواز: اي راضي واهو الي قالي بعد يلا قومي
فطوم: انزين يما انتي مو زعلانه الحين
ام فواز: لا خلاص مو زعلانه ولما عرفت انه عيسى تطمنت اكثر يلا بدلي انطرج تحت
فطوم باست راس امها: انشالله
............
عقب يومين دق ابو عيسى على بوفواز وقاله انه بشوفه وبكلمه عزمه بوفواز عنده بالدوانيه وقاله اييب عيسى معاه كلم بوعيسى بو فواز وخطب فطوم حق عيسى
بوفواز: بس البنت بعدها صغيرة وماخلصت الثنوية يسير خير انشالله
بوعيسى: على خير انشالله وسامحنا علي صار ونعتبر روحنا خذينا كلمة منك
بوفواز: انا ما عطيتكم الرد ليلحين يسير خير انشالله المهم اني تطمنت على بنتي
بوعيسى: انشالله
......
فطوم توها راده البيت كانت طالعه راحت حق امها
فطوم: ها يما شصار
ام فواز: سلمي اول ابوه كلم ابوج بس ابوج قالهم انج بعدج صغيرة ويسير خير
فطوم: يعني شنو
ام فواز: يعني ما عطاهم رد
فطوم: ولييش مو قلتلكم اني ابيه وانا متفقين على كل شي
ام فواز: ابوج يقول ان سعود يبيج واكيد سعود احسن وايد من عيسى
فطوم: ليش يعني شنو الفرق عشان الشهادة
ام فواز: انا ما تهمني هالاشياء بس ابوج منو يقنعه
فطوم: بس انا ماراح آخذ غير عيسى
ام فواز: يسير خير خلصي هالسنة ونشوف شبصير المهم هالسالفة خلصت
فطوم: انزين ما قالج برجع تلفوني ولا لا
ام فواز: لا بس ما اعتقد يرجعه انسي
فطوم: اففف انزين بروح ابدل
ام فواز: شعليج باجر سارو بتيي
فطوم: اي ونااسة
ام فواز: الحين بنرجع حق حنتكم وطلعاتكم
فطوم: ههههه ما تفتكون منا لو شنو تسوون
ام فواز: انا يمكن اسافر
فطوم: وين
ام فواز: بروح مع رفيجتي دبي
فطوم: واحنا
ام فواز: نامو بيت خالتج حنان
فطوم: انزين متى بتروحين
ام فواز: مادري ماحجزنا ليلحين هالاسبوع يمكن
فطوم: اهاا الحين دانو ما تصدق فيها نومه هناك
ام فواز: هههه حتى نصور زين ما يفرشلج الارض ورد لما تروحين
فطوم: ههههههههههه كلش ولا الحب عاد
ام فواز: نصور والحب مو لايق
فطوم: كاااااك حده يما جنج مصخرتي الولد يبا خل اروح ابدل احسن
ام فواز: ههههههه
راحت فطوم غرفتها دانه كانت مبدله وقاعده
فطوم: طالع هذي مبسطة بداري
دانه: مو وقت هواش الحين شصار مع ابوعيسى
فطوم: اظاهر ابوج بعلق السالفه الله يستر ما عطاهم رد اكيد قالهم يسير خير امي تقول اكيد قاعد يقارنه مع سعود
دانه: ويييه
فطوم: انا مابي اخرب وناستي الحين طاف يسير خير لي وقتها... شكلي بنام عشان يصير باجر وتيي سارو
دانه: ههههههههه يالخبله تفكير يهال
فطوم: اي صج امي بتسافر دبي واحنا راح نروح انام بيت خالتي حنان
دانه: صجج متى؟
فطوم: مادري جن ما حجزو ليلحين​

 

[KaBsOlA eM9Rg3a]

المفروض حمد يهدي هالاغنيه حق فطوم عشان يحسسها>>>ليش ما قلتي من البدايه انه في غيري حبيب
وتصدميني بـ النهايه إني بـ عيونج غريب
ليش قلتيله ابيك و قلبي بينك ايديك
بـ النهايه تجرحينه و تقولين ما ابيك <<< لووووووووول

 

[ღ TőOőma ღ]

خخخخخخخخخخ حلوا

 

[كادي::::]

ناطرررررررينج

 

[b6ooo6a*_*]

ثانكس ناطرينج

 

[b6oOoOo6a]

البارت حده خطير ناطره البارت الياي

 

[ماسيتي]

يعطيج العافيه حبي توما على نقل القصه بس احسهاا بس كلام مافيهاا احداااث جنه سوالف يوميه بس بما انج تعبتي ونقلتي لعيونج بكلمهااا ليه الاخر

 

[shaQshoQa]

نااطرين

 

[اسيرة احزاني]

يسلمو
ناطرينج

 

[الجوريــه]

يسلمووووووو .. عالقصه
جااري الانتـــظار ..
تقبلي مروريـ

 

[ღ TőOőma ღ]

فديتكم كلكم حباايب البي

وماسيتي بعد عمري انتييييييييييييييييييييي فديييييتج امممواااااااااه

 

[كادي::::]

يلا وينج ناطرينج

 

[ღ TőOőma ღ]

دانه: ونااسة بنام عندهم
فطوم: اي حدده شبتسوين الحين
دانه: مادري خنطالع مسرحية
فطوم: انزين عيل ييبي اللاب ونقيلنا مسرحية على ما ابدل
راحت دانة يابت لابتوبها ودخلت على اليوتيوب وحطت مسرحية (بو متيح) ونزلت تحت يابتلهم بطاط وبيبسي وقعدو يطالعونها لين ملو سكرو اللاب وطفو الليت ونامو
اليوم الثاني فطوم قامت من النوم شافت الساعه كانت ساعه وحدة الظهر قعدت دانه ونزلو يتريقون بوفواز رجع عادي مع فطوم
فطوم: متى راح يوصلون
ام فواز: العصر
فطوم: بنروحلهم المطار انا ودانو
بوفواز: ليش المطار ماله داعي اكيد بتييكم سارة
فطوم سكتت
دانه: يبا عفية
بوفواز: قلتلكم ماله داعي خلاص لا تحنون
فطوم: انزين شرايكم نروح نتغدى بالمطار ومرة وحدة نستقبلهم
ام فواز: اي والله فكره من زمان ما طلعنا مع بعض
بوفواز: انا ما اقدر ايي معاكم ربعي عازميني
ام فواز: بس انت تعبان شلون بتروحلهم
بوفواز: لا عادي مو تعبان وماراح اطول وايد
ام فواز: خلاص عيل انا باخذ البنات ونروح المطار
بوفواز: اوكي بس ديريبالج عليهم
فطوم فهمت قصده
ام فواز: توصيني على بناتي
دانه: فطوم قومي خلنلبس
بوفواز: من الحين بتروحون
دانه: اي بنتمشى شوي بالمطار
ام فواز: اوكي يلا روحو بدلو
صعدو يبدلون وفطوم حدها مستانسة
فطوم: وااااي واخيرا بشوف سارو
دانه: شدعوه لو انا ما استانستي جذي
فطوم: هههههه طالع هذي تغار من سارو الحمدلله والشكر
دانه: ههههه ماكو شغل اغار من هذي
فطوم: ليش شفيها
دانه: ملييقة
فطوم: كلش يعني حصو مقصرة
دانه: حدج على حصو عاد
فطوم: ليش تغلطين على سارة
ام فواز طالعه من غرفتها سمعتهم: بسكم نجرة خلصوني انطركم تحت
فطوم ودانه ماتو ضحك سوو شعورهم ونزلو
فطوم: يبا تامرنا على شي
بوفواز: سلامتج
فطوم: الله يسلمك
دانه: يلا بااااااي
بوفواز: مع السلامة
دانه: هههههه
طلعو ركبو السيارة
فطوم: يما جن ابوي رجع عادي معاي
ام فواز: اي صح لاحظت
فطوم: افف واخيرا خلصت من هالمشكله صج كانت وييع
دانه: صج يما متى بتسافرين
ام فواز: اي نسيت اقولكم اليوم دقت على زينب رفيجتي وقالتلي انها حجزتلنا يوم الاربعا
دانه: الاربعا هذا
ام فواز: اي
دانه: هيااا وناسة
ام فواز: ايا الحمارة بسافر تقولين وناسة اشكره تبين الفكه مني
دانه: ههههههههه لا والله مو قصدي بس وناسة عشان بنام عند حصو
ام فواز: الي يسمعج يقول عمرج ما نمتي عندها طول العطلة عندهم
دانه: بييي من زمان مو نايمه عندهم بروحج تقولين بالعطلة
فطوم ساكته تفكر بعيسى وحيل مشتاقتله
..........
عيسى مع ربعه بالبر كان قاعد على كرسي بنص المخيم
جاسم: عويس شفيك قوم الربع كلهم راحو ببانشياتهم
عيسى: مالي خلق شي روح انت
جاسم: لا يبا اروح واخليك بهالحالة قولي شفيك شصاير
عيسى: جسوم والله مالي خلق اتكلم
جاسم: بييه شكلها السالفة جايدة يبا تكفه تكلم لا تخليني احاتيك
عيسى قعد يقول حق جاسم السالفة الي صارتله مع فطوم من البداية
..........
وصلو المطار ونزلو يتمشون
فطوم: الله دانو شوفي الجنطة الي هناك يما خلنشريها
ام فواز: بسكم جناط ما تملون
دانه: يما عفيه تهبل شوفيها
ام فواز: انزين امشو بس ترى بوكي بيفضي ولا ما تبون تتغدون
فطوم: خلاص الغدا عليي بس خلينا نتشرى ونستانس
...............
جاسم: معقولة كل هذا يصير وانا ما عندي خبر ليش ما قلتلي
عيسى: ما كان لي خلق اتكلم وكل ما مرت ايام اكثر اتضايق اكثر
جاسم: انا كنت ملاحظ ان فيك شي ونطرتك انت تقول بس ما تكلمت
عيسى: انا تعبان يجاسم وحيل مشتاقلها صارت بس تدق تسلم وتسكره بسرعه ما تقدر تكلمني وحتى ابوها ما عطانا كلام اكيد عشان ارتاح
جاسم: هونها وتهون وانشالله فترة وبتعدي انت لا تضيق خلقك ترى فطوم اذا درت بتزعل واكيد انت ما ترضى على زعلها
عيسى: اكيد ما ارضى هذي الغالية وما عندي اغلى منها
جاسم: خلاص عيل قوم استانس مع الشباب وخلك من همومك شوي
................
عقب الفرارة بالمطار
دانه: يما يوعانه خنروح نتغدا
ام فواز: اووف الساعه 3 ما حسينا يلا خل نتغدا بسرعه قبل لا يوصلون
فطوم: يلا مو انا عازمتكم امشو
راحو المطعم طلبو وقعدو ينطرون ام فواز شافت وحده من رفيجاتها وراحت تسلم عليها
فطوم:دانوو مشتاقة حق عيسى ابي اكلمه
دانه: هاج فوني دزيله مسج
خذت فطوم تلفون دانه ودزت حق عيسى مسج (قوة حياتي شلونك؟ حبيبي لا تحاتيني ترى انا بخير بس المهم انك ما تتضايق ولا تزعل من كلام ابوي احبك وحدي مشتاقلتلك)
دانه: شفييج هيي لا تبجين




فطوم: افف مو قادرة متعوده اكلمه وانام على صوته والحين ما اكلمه بالايام
دانه: والله ادري بس عفيه لا تبجين كاهي امي يايتلنا خلج عادية
فطوم: اوكي
ام فواز: ها ما وصل الطلب
دانه: كاهو جنه يايلنا
خلصو كلو وراحو الحمام واهم بالحمام سمعو المايك (تم وصول الرحلة رقم ... والقادمة من المنامة)
فطوم: دانووو وصلو يلا وين امي
دانه: امي ناطرتنا برا
طلعو فطوم ودانه وراحو مع ام فواز (صالة القادمون)
فطوم: وينهم محد طلع
ام فواز: شفيج ما فيج صبر قاعدين ياخذون جناطهم يمكن
ام سارة وعيالها داخل ناطرين جناطهم
سارة: واااي يالله وين الجنطة بشوف فطوم
فيصل: كاهي جنطتج وصلت اخيرا... خذا فيصل الجنطة وحطها بالعربانة
ام سارة: يلا امشو
طلعو بس ما كانو متوقعين ان في احد راح يستقبلهم
سارة: منو بباخذنا
ام سارة: تلقين خالتج دازتلنا السايق
فيصل: كاهي خالتي هناك مع بناتها
سارة: صج فطوم هني وين
فيصل واهو يأشر: كاهم هناك
سارة: اي والله
فطوم: يما كاهم طلعو
وصلو عندهم
سارة لمت فطوم وشوي ويبجون: يالخايسة فقدتج
سارة: مي تووو ملييقة
كلهم سلمو على بعض وطلعو حطو جناطهم بالدبة وركبو
فيصل: ها شلون الوضع بدونا
دانه: وييع حده ملاقة ملينا من مجابل حصو ونصور نبي ويوه يديده
فطوم: لااا الحين مليتي ماشي عند حصو
دانه: يعني انتي كلش مو ماله
سارة: هههههه والله مشتاقة حق نجرتكم
ام سارة: شلون النتايج؟
ام فواز: ما طلعت ليلحين الشهايد باجر
دانه وفطوم يطالعون بعض
دانه تساسر فطوم: الله يستر
فيصل: خالتي شلون عمي بوفواز
ام فواز: الحمدلله تمام طلعوه من المستشفى
فيصل: لاا زين اشوه
وصلو بيت ام سارة
ام سارة: يلا نزلو شناطرين
ام فواز: لا ما يصير توكم واصلين نأذيكم
فيصل: شدعوه خالتي ترى كلها البحرين
ام فواز: بس هم فشلة
ام سارة: لا يالله نزلو ولا ترى بزعل
ام فواز: لا خلاص بننزل كل شي الا زعلكج
فيصل: عيل لو سمحتو يالرقيقات تعالو نزلو معاي الجناط
فطوم: بروحك قلتها رقيقات ما نقدر نشيل الجناط نزلهم بروحك
فيصل: صج ما تستحون بدال ما تقولون نساعده
سارة: انت الي ما تستحي تقول حق الضيوف ينزلون الجناط
فيصل: عشتووو مادري منو الضيوف عاد اقصاهم دلي وملي
دانه: انا كنت بساعدك لنك كسرت خاطري بس الحين خلاص هونت نزلهم بروحك
فيصل: هههههه يبا خلاص سحبت كلامي بس عفيه تعالو شيلو معاي
فطوم ودانه وسارة واهم يدلخون البيت: آآسفييين
فيصل: يالله اشيلهم بروحي شسوي بعد
...........
عيسى بالمخيم توهم رادين كانو طالعين ببانشياتهم
عيسى: شباب ما شفتو تلفوني
كلهم: لا
عيسى: يوسفو دق عليه
دق يوسف على تلفونه
فهد: كاهو عالكرسي ويايلك مسج بعد
عيسى: صج .. راحله ركض خذا التلفون وقرا المسج جان يقول بقلبه ( يا بعد عمري يا فطوم علطول تفكرين فيين وتحاتيني فديتج) دزلها مسج (هلا حبيبتي انا بخير طول ما انتي بخير ولا تحاتيني المهم تديرينبالج على روحج وانا بعد احبج واموت فيج وحدي حدي حدي مشتاقلج)
دانه تساسر فطوم: وصل مسج من عيسى
فطوم: عطيني اشوف
خذت فطوم التلفون وقرت المسج وارتاحت شوي بس ام فواز قامت تطالعها سارة حست فرقعت السالفة
سارة: كاااك هذا المسجات الي كنت ادزها ايام الامتحانات
ام فواز التفت وكملت سوالفها مع ام سارة
فطوم تساسر سارة: عفيه والله رقعتيها عدل
سارة تغمزلها: افااا عليج
دانه: امشو نصعد فوق عشان ناخذ راحتنا بالسوالف
سارة: يلا قومي
ام سارة: هاا وين
سارة: بنصعد غرفتي
صعدو غرفة سارة وسكرو الباب
سارة: اللله والله اشتقتلها واشتقت حق سريري اخييي ذكريات وايد بهالغرفة
فطوم: شخبار فهد
سارة: تمام رايحين المخيم
فطوم: اي ادري قايلي عيسى انهم بروحون
دانه: انزين انتي ليلحينج تكلمين عادل
سارة: اي ليش
دانه: مادري يعني متى بتختارين ولا بتظلين تكلمينهم اثنينهم
سارة: مادري يسير خير
فطوم: شنو يسير خير وبالله فهد حس انج تكلمين غيره
سارة: عادي ما يهمني بالطقاق
دانه انصدمت وقامت تطالع فطوم
فطوم: عادي يبا لا تنصدمين انا متعوده على اسلوبها هذا
سارة: اصلن فهد طلع ياهل وماراح اتحسف لو هديته
فطوم: وانتي لي متى بتظلين جذي
دانه: اي والله لي متى شنو يعني ناويه تكلمين الف واحد
سارة: اووو فكوني من هالسالفة الحين ترى مالي خلق نصايح
فطوم: هالكلام حق مصلحتج
سارة: انا اعرف مصلحتي وين واعرف شلون اتصرف لحد يتدخل واعتقد انج تذكرين لما كنت اكلمج عن حمد وتقوليلي مالج شغل فرجاءا لا تتدخلين
فطوم: اوكي انا بنزل تبين شي
دانه: هييي ترى السالفة ما تسوى اهم شي انكم بتتزاعلون عشان شباب
سارة: اختج الي بدت مو انا
فطوم: انا خايفة عليج ولا جان ما قلتلج هالكلام
سارة: خلاص لا تخافين عليي قلتلج انا اعرف اتصرف وسكري الموضوع احسن مانبي نتهاوش على شي تافه
فطوم حاولت تبين انها مو متضايقه: اوكي خلاص
رن تلفون سارة: هلا فهودي
فهد: هلا حياتي ها متى وصلتو
سارة: اي قبل ساعه تقريبا
فهد: الحمدلله على السلامة نورت الديرة
سارة: بوجودك حياتي
(دانه بصوت خفيف: اهم شي مو توها تقول ياهل .. فطوم: ختولي كيفها ماراح اكلمها بهالموضوع بعد كللش)
فهد: جن عندج احد
سارة: اي فطوم ودانه خذونا من المطار وقعدو عندنا
فهد : اهاا (فهد ما كان يدري عن الي صاير بين فطوم عيسى) سلمي عليهم وايد
سارة: الله يسلمك .. يسلم عليكم فهد
دانه وفطوم: الله يسلمه
سارة: فهودي انا بسكره الحين بقعد معاهم اوكي
فهد :اوكي بس كلميني لما تفضين
سارة: من عيوني جم فهود عندي
فهد: فدييتج تسلم عيونج يلا باي
سارة: بااي​

 

[b6oOoOo6a]

تومه البارت خطير ناطره البارت الياي يسلمووو​