KaBsOlA eM9Rg3a
New member
- إنضم
- 21 يوليو 2009
- المشاركات
- 77
- مستوى التفاعل
- 0
- النقاط
- 0
ღ TőOőma ღ
New member
عقب السوالف راحو تعشو بعدين قعدو يطالعون مسرحية ويو فواز وفيصل وسعود وصعدو البنات غرفة فطوم
حصة: الله من وين هالسكارف ينن
فطوم: هذا من مصر تبينه اخذيه دانوه عندها نفسه
حصة: لا فشله عليج بالعالفية
فطوم: جب اخذيه عادي
سارة تساسر فطوم: مزاجج متغير تدرين
فطوم: صج عاد تدرين حتى سعود لاحظ
سارة: مسكين هالسعود
دانه: وانتو لازم مساسر
سارة: سوالف كبار كل شي بتعرفون
دانه: عشتو اخاف امي وانا مادري ترى كل الي بينا سنة
سارة: وسنة شويه
فطوم: هههه خلاص
حصة: منتو نازلين ترى ملينا
سارة: نزلو انتو
دانه: امشي حصو
نزلو حصة ودانه تحت
سارة: انتي قوليلي متى سعود شافج تقوليلن حاس
فطوم: امس لما رجعت البيت كان عندنا قاعد مع فواز وقالي مستانسة
سارة: هههه وشقلتيله
فطوم: قلتله اي شقوله بعد بس قلت بقلبي لو تدري ليش جان ما قلتلي دوم
سارة: ههههههه اي والله مسكين انزين ممكن اعرف شنو سر هالوناسة
فطوم: لااا يعني ما فهمتي
سارة: اي اوكي فاهمة بس انتي ما كلمتيه وايد
فطوم: مادري سارو انا من دريت انه يحبني ياني هالشعور ليش مادري
سارة: والله شكلج حبيتيه بس مو راضية تقولين
فطوم: ههه تبين الصج ترى مادري شلون الي يحبون
سارة: ما فهمت شتقصدين
فطوم: يعني بشنو يحسون
سارة: هههه سإليني انا لما تحبين تحسين انج علطول مشتاقة حق الشخص الي تحبينه حتى لو كان جدامج ما ودج تتركينه لحظة
فطوم: اهااا
سارة: هااا هذا شعورج ولا لا
فطوم: اي يعني
سارة: لا يعني ولاشي اصلن مبين من عيونج
فطوم: هييي جب جب امشي تحت عشان تفكيني من اسإلتج
سارة: لااا بتنحاشين يعني
نزلو ونست فطوم تاخذ تلفونها كان محطوط على سريرها
عيسى توه طالع من الدوانيه رد البيت تطمن على اخته ودخل داره خذا التلفون ودق على فطوم بس ما كانت ترد
صارت الساعه وحده
ام ناصر: يلا حصة وناصر خلنمشى وراي دوام باجر
ام فواز: اي قطيعه هالدوامات ما تخلي الواحد يرتاح
ام سارة: يلا عيل احنا بعد نخليج
حصة: انا بنام عند دانو
ام ناصر: لا ماكو نوم
ام فواز: لا خليها عادي
ناصر: لااا وانا اقعد بروحي
ام فواز: نام عندنا انت بعد
ام ناصر: يعني ارجع بروحي
دانه: يلا خالتي عفيه والله ضيقة خلق مابقى شي من العطلة خلنستانس
ام ناصر: انزين خلاص اوكي بس اذا بتروحون مكان دقو عليي عشان ادري
حصة: انشااالله من عيونا
دانه: هيااااا وناسة
فطوم: سارو انتي بعد نامي
ام سارة: لا باجر عندنا شغل الجوازات منتهية ولازم نجددها
فطوم: انزين خالتي لما تخلصون قطيها عندنا
ام سارة: اوكي انشالله يلا تصبحون على خير
ام ناصر: تصبحين على خير
ام فواز: وانتو من اهله
طلعو ام ناصر وام سارة وسارة
ام فواز: يلا انا بروح انام اذا بغيتو شي كلشي بالمطبخ تصبحون على خير
فيصل: وانتي من اهله خالتي
سعود: يلا انا بعد بروح امي بروحها بالبيت
فواز: اوكي سلم عليها
سعود اوهو يطالع فطوم: الله يسلمك
فطوم: يلا بنات امشو نصعد فوق
ناصر: ليش قعدوا خل نسهر مع بعض
فطوم: انا بصعد كيفكم انتو
دانه: بعد شوي نيي
دخلت فطوم غرفتها بدلت وربطت شعرها وخذت تلفونها لقت 3مس كول ثنتين من عيسى ووحدة من حمد
دقت فطوم على عيسى علطول رن ثلث رنات ومارد جان تسكره
عيسى كان بالحمام وطلع بسرعه عشان يرد بس تسكر رد دق علطول
فطوم: الو
عيسى: هلا والله
فطوم: هلا فيك سوري خالاتي كانو عندنا ونسيت فوني فوق
عيسى: لا عادي
فطوم: شلون اختك
عيسى: الحمدلله وايد احسن كانت حرارتها مرتفعه ونزلوها بالمستشفى
فطوم: اشوه الحمدلله اهيا جم عمرها
عيسى: ثلث سنين
فطوم: يحليلها الله يخليها لك
عيسى: صج تعالي انتي كبر سارة
فطوم: لا انا اكبر منها بسنة
عيسى: اها يعني جم عمرج
فطوم: 17
عيسى: العمر كله
فطوم: تسلم
عيسى: مادري سارة قالتلج شي عني
فطوم:اممم لا
قعد عيسى يكلمها عن نفسه وعن حياته
عيسى: ولين شفتج وغيرتي نظرتي للحب وصج صكت فيني الدنيا لما جسوم قص عليي
فطوم: هههه
عيسى: فطوم
فطوم: هلا
عيسى: مابي ابالغ واصير مثل باجي الشباب الي من اول مرة يكلم البنت يقعد يتغزل فيها بس الي بقوله لج شي واحد
فطوم: قول
عيسى: ...... تدرين شلون خلاص مرة ثانية
فطوم ما حبت تلزم عليه: اوكي على راحتك
دانه طقت الباب على فطوم
فطوم: دقيقة عيسى
راحت فطوم فتحت الباب
فطوم: شتبين
دانه تطل بالغرفه: شقاعده تسوين تعالي قعدي معانا
فطوم بصوت خفيف: قاعدة اكلم عيسى لما تصعدون نادوني
دانه: هههه اي وانا اقول غطت ما نزلت اوكي عيل كملي سوالفج
سكرت فطوم الباب وخذت تلفونها بسرعه
فطوم: سوري تأخرت عليك
عيسى: لا شدعوه هذي اختج
فطوم: اي دانو
عيسى: اخاف تبيج بشي روحيلها
فطوم: لا بس كانت تبيني اقعد معاهم ولد خالتي وبنت خالتي نايمين عندنا وكلهم سهرانين تحت
عيسى: اهاا اوكي انا اخليج بس ممكن تدزيلي مسج قبل ما تنامين
فطوم: اوكي
عيسى: مع السلامة
فطوم: مع السلامة
سكرته فطوم لقت مسج من حمد (اذا شفتي المسج دقي) فطوم بقلبها (شلون على حمد شكله يا اليوم الي بجرحك فيه) طالعت المسج وضاق خلقها طلعت من الغرفه لقت دانه وحصة توهم صاعدين
فطوم: ها صعدتو
دانه: اي فوازو ونصور جابلو السوني قلنا نصعد
فطوم: يعني بتنامون
حصة: اي ترى الساعه 3
دانه: بتنامين عندنا
فطوم: وين انام حصو بتنام معاج بالسرير
حصة: انزين تعالي قعدي معانا لما بنام روحي غرفتج
فطوم: اوكي امشو ترى سوينا ازعاج امي نايمه
دانه: ويي نسيت امشووو
راحو غرفه دانه قعدو يطالعون صور الخيران والفيديوات الي صوروها وطالعو صور حفله سارة بعد وعيسى كان طالع بوحدة من الصور عاد دانه لما شافته غمزت حق فطوم وفطوم تضحك بس حصة ما تدري شالسالفة صارت الساعه 4 قامو صلو ونامو وفطوم راحت غرفتها دقت على حمد اول
حمد: اهلييين وينج انتي
فطوم: هلا فيك كانو خالاتي عندنا وحصة وناصر نامو عندنا وكنا سهرانين ما قدرت اصعد اكلمك
حمد: اهاا
فطوم: انزين حمادة انا تعبانه باجر اكلمك اوكي
حمد: اوكي فطوم بس بكلمج باجر مو مثل اليوم
فطوم: انشالله يلا تصبح على خير
حمد: وانتي من اهله باي
فطوم: باي
سكرت فطوم ودزت مسج حق عيسى (j) دق عليها عيسى علطول
عيسى: الو
فطوم: الو
عيسى: هههه شالمسج الي دازته قعدت اضحك عليج
فطوم: مادري انت قلتلي دزي مسج قبل ما تنامين مادري شدز
عيسى: ههههه اي كنت بقولج شي قبل ما تنامين
فطوم: قول
عيسى: ...... فطوم احبج
فطوم ما تدري شتقول: .......
عيسى: هههه انحرجتي
فطوم: ........
عيسى: ههههه خلاص بس هذا الي كنت بقوله ههههه يلا تصبحين على خير ونوم العوافي
فطوم: وانت من اهله الله يعافيك
عيسى: فطوم
فطوم: هلا
عيسى: احبج باي
فطوم: باي
فطوم بهاللحظة كانت حيل مستانسة ونامت واهيا مبتسمة
...........
(مرت الايام وقربت العطلة تخلص اليوم فواز بسافر) كلهم بالمطار الساعه 3 العصر
ام فواز ودموعها تنزل: ديربالك على روحك يما ودق عليي اول ما توصل
فواز: انشالله يما من عيوني
بوفواز: وشد حليلك مو تلهى عن الدراسة
فواز: لا انشالله ببيض ويهكم
فطوم: ولا تنسى اختك الغاليه دق عليي انا بعد
فواز: انشالله
دانه: واناااا
فواز: عاد انتي منو يقدر ينساج
سعود: وانا بعد لا تقاطعني ترى رقمي نفسه ما راح اغيره
فواز: انشالله
فيصل: راح اشتاقلك
فواز: وانا بعد راح اشتاقلكم كلكم نصور هالله هالله بخواتي اطلع معاهم وديربالك عليهم لما يسافر ابوي
ناصر: ههه افا عليك خواتك بعيوني
سلم فواز عليهم كلهم ولمهم حييل ولما لم امه بجت وفطوم بجت ودانة بعد واهو بعد ما قدر بجا معاهم
بوفواز: يلا يبا لا تتاخر على طيارتك بالسلامة انشالله
فواز: الله يسلمك دخل فواز صالة المغادرين وكلهم طلعو من المطار
بسيارة بوفواز هدوووووء محد منهم يتكلم وصلو البيت بوفواز قعد يقرا جرايد بالصالة وام فواز صعدت غرفتها تدعي حق ولدها وفطوم ودانه كل وحده دخلت غرفتها
فطوم دقت على عيسى وكان ضايق خلقها حيل
عيسى: ما عليه فطوم يرجعلكم بالسلامة انشالله ادعيله الله يوفقه
فطوم: انشالله بس انا مو متعوده على فراقه راح يطول
عيسى: حياتي انتي ادري غالي عليج بس مثل ما قلتلج اكيد اهو متضايق بعد انتي ادعيله الله يوفقه
فطوم: آمين
..........
عقب 3 ايام سفره سعود ام سعود قاعدة ترتب اغراضه وتزهبله جناطه
سعود: اليوم لما شفت خالتي واهيا تسلم على فواز تذكرت اول سنة لما كنت بسافر اول مرة
ام سعود: صج اني تعودت على روحتك بس هم يضيق خلقي
سعود: اكيد مو انا ولدج الوحيد والغالي
ام سعود: هههه اي اكيد الله يوفقك واشوفك معرس انشالله
سعود: انشالله انزين يما انا بروح عند ديده اذا بغيتي شي دقي عليي
ام سعود: اوكي بس لا تطول ابي اقعد معاك قبل لا تسافر
سعود: اوكي
........
(بيت بوفواز) وصل سعود طق الجرس فتحتله بيبي الباب لما دخل ما لقى احد غير بوفواز
سعود: قوة عمي يدتي هني
بوفواز: هلا سعود اي بغرفتها
راح سعود عند يدته ويابها بالصالة
فطوم نزلت تحت: وين امي عيل؟
بوفواز: من رجعنا من المطار واهيا بغرفتها
اليده: مسكينه ضايق خلقها على فواز
بوفواز: روحي ناديها خل تقعد معانا قوليلها كلهم تحت
صعدت فطوم نادت امها ونزلت معاها ويت دانه معاهم بعد
بوفواز: ما عليه يالغالية ترى الايام تركض تغمضين عينج تفتحينها تلقينه ياي والشهادة بيده
ديده مريم: اي والله ادعيله الله يوفقه
ام فواز: انشالله سعود يما متى بتسافر
سعود: الأربعا انشالله بعد 3 ايام
ام فواز: الله يوفقك الحين حسيت بشعور امك
سعود: عاد كنت قاعد اقولها انج ذكرتيني باول مرة كنت بروح فيها امريكا
ام فواز: اي بعد انت وحيدها
قعد سعود معاهم ولزمو عليه يتعشى عندهم لما خلصو عشى قعدو شوي وبعدين راحت فطوم ودت يدتها الغرفه عشان تنام لحقهم سعود سلم على يدته وطلع
سعود: فطوم
فطوم لفت ويها: هلا
سعود: الاربعا بسافر تامريني على شي
فطوم: سلامتك
سعود كان وده يقول شي وقف يطالع فطوم واهو ساكت: الله يسلمج هالله هالله بدراستج
فطوم: انشالله
راحو الصالة سعود استأذن ورجع البيت
فطوم بالمدة الي مرت تقريبا اسبوعين قربت من عيسى وايد وصارت تفكر شلون تقول حق حمد
........
(مرت 3 ايام ) كانت طيارة سعود الساعه 4 الفير راح بيت بوفواز عشان يسلم على يدته قبل مايروح وكانو كلهم متيمعين
بوفواز: منو بوديك المطار تبيني اوديك
سعود: لا عمي مشكور فيصل بوديني
كانو البنات قاعدين بالحديقة لن الجو كان حلو سلم سعود عليهم كلهم وطلع بيرجع البيت يقعد مع امه راح عند البنات
سعود: يلا انا رايح تامروني على شي
دانه: سلامتك
سارة: تروح وترجع بالسلامة
سعود: الله يسلمكم راح اشتاقلكم كلكم واشتاق حق يمعتنا
دانه: الله يوفقك انشالله
سعود: مشكورة
فطوم: فواز كلمنا اليوم وقال بدق عليك
سعود: مادري مادق اذا دق قولوله انا لما اوصل اكلمه
دانه: اوكي
سعود: يلا مع السلامة
كلهم: الله يسلمك
راح سعود لما وصل عند الباب نادى فطوم
سعود: ديريبالج على نفسج راح اشتاقلج
فطوم: انشالله وانت بعد
سعود والدمعة بعيونه: انشالله مع السلامة فطوم
فطوم تأثرت بشكله واهيا بعد عيونها غرفت بالدموع: الله يسلمك
طلع سعود ركب سيارته وراح وراحت فطوم عند البنات
حصة: هااا شبغى
فطوم: ولاشي بس كان يبيني اقول شغله حق فواز
حصة: اكيد حق فواز
فطوم: اي اكيد
صارت الساعه 2 فطوم بغرفتها تكلم عيسى وسعود كان بروح المطار مع فيصل مرو عند بيت بوفواز سعود طالع البيت وابتسم
(مرت الايام وبدت المدارس وسارة وامها وفيصل راحو البحرين قبل المدارس)
فطوم قاعده بدارها تدرس عندها امتحانات الفترة وكانت طبعا آخر سنه وصلها مسج من سارة (هاااي شلون الدراسة شدي حليج) ردت عليها فطوم (هايات تمااام وانتي بعد شدي حيلج مس يووو) سارة (مي توو يالخايسة)
فطوم سرحت تتذكر اليوم الي كانت سارة بتسافر فيه رن تلفونها وكان عيسى
فطوم تسوي روحها زعلانه: الو
عيسى: حبيبتي شفيج؟؟
فطوم: شنو شفيني ما تدري عني ولا تسأل ولاشي
عيسى: بخليج تدرسين مابي اشغلج مابيج تصيرين فاشله مثلي
فطوم: لا تقول جذي ما ارضى عليك
عيسى: خلاص كلمت ابوي وبقدم على كليه سعد العبدالله راح يكون معاي يوسفو بس اهو جريب يتخرج عاد مادري اشوفه ولا لا
فطوم: زين اشوه
عيسى: بس ترى كل هذا عشانج وعشان ابوج يوافق عليي ولا انا ما فكرت بالدراسة كلش
فطوم: ادري بس لازم تسوي جذي انت تدري ان سعود ولد عمي يدرس بأمريكا وابوي تهمه الشهاده وهذا الي مخوفني
عيسى: الله كريم بس انا ما راح اخلي احد غيري ياخذج مهما صار
فطوم: وانا لا يمكن آخذ غيرك
عيسى: انزين حبيبتي قعدي درسي كنت بسمع صوتج بس
فطوم:لااا وين توك داق
عيسى: عمري انتي خلصي دراسة وكلميني اوكي
فطوم: اوكي يلا عيل خل ادرس عشان اخلص
عيسى: ههه فديتج احبج فطوووم
فطوم: وانا بعد احبك
عيسى: اموووت فييييج يلا بااي
فطوم: بااااي
عقب هالمدة الي مرت فطوم حبت وايد واتفقو على الزواج بس كانو خايفين ان بوفواز يرفضه لن كان مطرود من الثنوية فعشان جذي قدم على كلية سعد العبدالله
آخر يوم بامتحانات الفترة فطوم بالمدرسة توها مخلصة الامتحان وطلعت تتمشى بالممر مع رفيجاتها اماني وشهد وابرار
فطوم: اففف واخيرا خلصنا
اماني رفيجتها: اي اففف حدده
ابرار: امشو نشرب ماي
فطوم: بسرعه قبل ما تشوفنا الابله
شهد: شنو علينا الحين
اماني: جن عربي
ابرار: ويييع امشو عيل
نزلو تحت يشربون ماي وطولو على ما يسولفون ويضحكون صعدو شافو ماكو بنات بالممر بس بنيه وحده اشرولها عشان تشوف منو عليهم قالتلهم ان عليهم فيزيا
فطوم: اوو فيزيا عادي امشو
دخلو كانت الابله قاعدة تكلم البنات والصف حوسه حده الي تمسح اللوح والي تحل واجب مادة ثانية والي تسأل الابله يعني حده لويه دخلو اهم بسرعه وقعدو بامكانهم وسوو روحهم من زمان يايين والابله ما لاحظت بدت الابلة تشرح واهم كالعاده قاعدين يلزقون الاوراق طبعا كشاكيلهم عقب الامتحانات لووويه وكل وحده ناقصها شي وكل شغلهم يخلصونه بحصة الفيزيا واذا بقى وقت قعدو يسولفون بالأوراق والابلة ملت منهم لنها من السنة الي طافت تدرسهم ونفس الحركات كانو يسوونها لنها ما تفهم كللش ومهما شرحت ما يدخل بمخهم مر اليوم لحد ما صارت الهده
فطوم تكلم اماني: اليوم عيسى قال بيي
اماني: صج وين بشوفه
فطوم تطالع السيارات: مادري لحظة خل اشوف
اماني: ابوي ينطرني هناك
فطوم: خلاص روحي مرة ثانية باي
اماني: باي
رجعت فطوم البيت ودقت على سارة علطول
فطوم: خلصتتتت امتحااناااااات
سارة: هههههه مبروووووووك
فطوم: الله يبارك فيج ويييع وييع افتكيت
سارة: يلا عيل خلصي سالفتج
فطوم: اي سالفه
سارة: شفيج نسيتي حمد
فطوم: اييي شسوي من الوناسة نسيت انزين سارو انا اصلي واتغدا وادق عليج بعدين
سارة: اوكي باي
فطوم: باي
عقب الغدا صعدت فطوم غرفتها اهيا كل يوم تنام لما ترجع من المدرسة بس ما نامت اليوم عشان يمديها تطلع بليل دقت على سارة
فطوم: باااااك
سارة: هههههه ولكم
فطوم: ساروا خاف اصدمه شرايج اقوله بمسج
سارة: لاا شلون مسج كلميه احسن
فطوم: حرام ما اقدر كلميه انتي
سارة: لا انتي كلميه احسن وبعدين اهو كان قايل حق عادل ادري ان فطوم ما تحبني وبيي اليوم الي تحب فيه غيري
فطوم: حراااام صج اهو قايل جذي
سارة: اي والله بس احسن خل يشيلج من باله ماتدرين يمكن يلقى غيرج ويحبها
فطوم: جان زين عشان ما احس بالذنب
سارة: انزين يلا كلميه وانا بعدين ادق اشوف شصار
فطوم: اوكي باي
سكرته فطوم ودزت مسج حق حمد (فاضي؟ ابي اكلمك بموضوع ضروري) دق عليها حمد علطول
حمد: هلا فطوم
فطوم: هلا حمد
حمد: خلصتي امتحانات
فطوم: اي خلصت اليوم
حمد: زين مبروك
فطوم: الله يبارك فيك
حمد: آمري شبغيتي
فطوم: بكلمك بموضوع بس اتمنى ما تزعل مني
حمد: لا مابينا زعل قولي
فطوم ما تدري شلون تفتح الموضوع: حمد اعتقد انك تدري اني انا من كلمتك كان قصدي انا نكون فرند وبس
حمد ضاق خلقه شوي وخاف من الي بتقوله: اي ادري
فطوم: وتدري اني اعزك بس اعدك مثل اخوي مو اكثر
حمد حس ان الكلام قاعد يقطع قلبه: فطوم قولي الي بتقولينه بدون مقدمات ما يحتاي
فطوم: بصراحة مادري شقولك
حمد: فطوم انتي حبيتي احد
فطوم بتردد:..إ..إ..إي
حمد طبعا وقتها حده انهار بس ما بين اي شي: اوكي الله يوفقج معاه وانا كنت عارف ان هذا الي بصير
فطوم: سامحني حمد
حمد ودمعته بعيونه: مسموحة فطوم والله يوفقج معاه وانشالله يكون يستاهلج
فطوم: مشكور حمد هذا الي كنت متوقعته منك وصدقني غلاتك بتظل بقلبي علطول
حمد: وانتي بعد يالغالية بس ممكن اسأل عنج بين مده ومده بالمسجات بس
فطوم: اوكي مو مشكلة وحتى انا اكيد ابي اتطمن عليك واعرف اخبارك
حمد: اوكي عيل ديريبالج على نفسج
فطوم: انشالله وانت بعد
حمد: انشالله يلا اخليج مع السلامة
فطوم حست ان حمد حيل متضايق (اخليه بروحه احسن): مع السلامة
فطوم سكرته وكانت حيل متضايقه ودقت على سارة وهدتها
حمد من سكر التلفون نزلت دموعه وظل قاعد بغرفته لي بليل ياله علي لما سأل عنه قالوله انه ما طلع من غرفته من رجع من الجامعه علي حس انه فيه شي راحله بسرعه لما درا حمد ان علي الي عند الباب فتحله علطول علي لما شافه انصدم سكر الباب وقعد عنده
علي: حمد شفييك
حمد: صار الي كنت متوقعه صار اخيرا
علي: شنو الي صار مو فاهم شي قولي شفيك
حمد: فطوم حبت واحد غيري ومن اليوم ماراح تكون لي
علي: متى صار هالكلام
حمد: اليوم دقت عليي وقالتلي وانا كنت حاس لنها تغيرت عن قبل وما كانت تكلمني وايد
علي: حمد انت كنت عارف هالشي وانا نصحتك اكثر من مرة بس انت ما خذيت الكلام
حمد: خلاص الحين ما ينفع اللوم كل شي صار وخلص
علي: ادري انك متضايق وما تبي تسمع هالكلام انزين قوم اطلع غير جو لي مته بتحبس نفسك بالغرفه
حمد: مالي خلق اروح مكان
علي: عشاني حمد ولا مالي خاطر عندك يلا قوم
قام حمد وطلعو اهو وعلي راحو تمشو وغير حمد جو وهداه علي
*********************************************
sarah^_^cool
New member
واااااااااااااي حمد مسكيييييييييييييييييييييييين كسرر خاطري وااي حرام وعليه افففففففف مالي خلق ابجي بس بجيت و خلصت و ثنكس على البارت القصيييير ههههههه
ღ TőOőma ღ
New member
n00ni
New member
- إنضم
- 10 يناير 2009
- المشاركات
- 919
- مستوى التفاعل
- 0
- النقاط
- 0
- العمر
- 34
- الإقامة
- baitna
- الموقع الالكتروني
- www.nrnr10.com
ღ TőOőma ღ
New member
AngeL-q8a
New member
ღ TőOőma ღ
New member
صار بليل راحت فطوم غرفه دانه كانت توها قاعده من النوم
فطوم: دانو خلنطلع دقي عليهم
دانه: قبل شوي كلمتني حصة وقالت بيولنا ونطلع بس انتي شفيج
فطوم: ليش مبين عليي شي
دانه: اي شفيج شصاير؟
فطوم: قلت حق حمد عن عيسى واتقفنا انه ما يدق عليي بس يظل يسأل عني بالمسجات
دانه: وييي مسكين وشسوى
فطوم: كان متضايق حيل وبسرعه سكره
دانه: لا تحاتين علي عنده
فطوم: اي بس ما كان ودي اكسر فيه او اجرحه تدرين انه قالي الله يوفقج تدرين شنو كسر قلبي بهالكلمة
دانه: لنه يحبج صج لازم بقولج هالكلام بس هالشي مو بيدج انتي يالله ما عليه مرده بينسى
فطوم: لازم يحب عشان ينساني
دانه: ما اعتقد بفكر بالحب بعد
فطوم: هووو دانو لا تحبطيني زياده
دانه: اوكي خلاص سكري الموضوع وروحي بدلي عشان اول مايون نطلع
فطوم: انتي قايله حق امي
دانه: اي قلتلها
فطوم: اهيا وينها
دانه: مادري طلعت قبل شوي
فطوم: اوكي خل اروح البس عيل
فطوم واهيا تلبس وصلها مسج من ابرار (هاااي ترى اتقفنا الصف كله بغيب باجر يتغيبين ولا لا) ردت عليها فطوم (اي اكيد بغيب اذا كلكم بتغيبون) ردت عليها ابرار (اوكييك) بدلت فطوم واهو تسوي شعرها يتلها دانه
فطوم: باجر بغيب
دانه: ليش
فطوم: خلصنا امتحانات لازم نغيب ههه توها ابرارو دازتلي مسج تقول الصف كله بغيب
دانه: وييع احنا صفنا في 3 بنات ملاقه مسوين روحهم عباقره بس اذا انتي بتغيبين بغيب خيولون
فطوم: هيااا وناسة
يو ناصر وحصة ونزلولهم فطوم ودانه وركبو مع السايق
فطوم: هاااي مبرووك خلصنا امتحانات
ناصر: اي افف ما بغينا نفتك
حصة: بس انا قطيعه باقي اسبوع على امتحاناتي
دانه: هههه شخباري متوسط
حصة: هييي لا تعيبين
فطوم: باجر انا ودانو بنغيب
ناصر: لا احنا بنغيب الخميس عشان نسحبها مع الويك اند
فطوم: عاد حسب المزاج يمكن حتى الخميس اغيب
دانه: تعالي متى الشهايد
فطوم: مادري امببييي الله يستر
دانه: انا الي حدي خايفة من الرياضيات
فطوم: انا الفيزيا امبي اذا مو ساقطه
ناصر: هذا وانتي آخر سنة شدي حيلج يالخبله
فطوم: شسوي مالي خلق الدراسة كللش
حصة: اذا انتي تقولين مالي خلق عيل احنا شنقول الي جدامنا سنين
راحو الفنار وتعشو هناك ساعه 10 ونص طلعو لن ناصر وحصة بداومون وصلوهم البيت وبعدين راحو بيتهم
دانه: خل اروح ادق على دانو اقولها اني بغيب (دانه اسم رفيجتها ثنتينهم نفس الاسم)
فطوم: وااي اشتقت حق عيسى بروح اكلمه
دخلو البيت كانت ام فواز قاعده بالصالة
ام فواز: هاا استانستو ولا لا
فطوم: اي حده كان وناسة عقب الامتحانات الطلعه غييير
دانه: اصلن احس الكويت كلها طالعه اليوم زحمممة
ام فواز: متعشين
فطوم: اي
ام فواز: يلا عيل غرفكم نوم
دانه: لا باجر بنغيب
ام فواز: لييش بسكم غياب
فطوم: خلصنا امتحانات لازم ناخذلنا راحة
ام فواز: عشتو اخاف انتي نورية الصبيح وانا مادري
دانه: ههههه صفهم كله بغيب
ام فواز: انزين وانتي
دانه: احنا صفنا ملاقة في بنات ما يغيبون وويوهقونا انا بشوف دانو اذا بتداوم بروح
فطوم: وييه فاضية انا بروح داري
صعدت فطوم غرفتها بدلت ودقت على عيسى
عيسى: هلا بدنيتي كلها
فطوم: هلا فيك ليش ما ييت كنت بشوفك
عيسى: انشغلت ما قدرت باجر اييج المدرسة
فطوم: لا انا باجر بغيب
عيسى: ههه وانتو لازم هالغياب
فطوم: اي لازم ههههه متفقين كلنا الصف كله
عيسى: ناصر كان معاكم
فطوم: اي
عيسى: وشكو ايي معاكم كلكم بنات
فطوم: من صجك يخلونا نطلع بروحنا احنا ناخذه معانا عشان يخلونا نطلع
عيسى: شنو مقزرينها عليه يعني
فطوم: هههه لا حرام اهو يونس بعد
عيسى: لااا يونس
فطوم: شفييك ترى اخوي هاا
عيسى: بس هم يبط جبدي
فطوم: ههههه من صجك انت
..................
عقب اسبوع فطوم قاعده تكلم عيسى وتحل الواجب
فطوم: وين رحت اليوم
عيسى: رحت بيت خالتي
فطوم: ليكون الي بنتها فرح
عيسى: اي اهيا ليش
فطوم: تدري اني ما احبها وما احب حركاتها ليش تروح عندهم
عيسى: شسوي امي قالتلي تعال اقولها مابي
فطوم: تقدر تقولها مشغول اي شي
عيسى: شسوي هذا الي صار
فطوم: وطبعا هذيج ما صدقت
عيسى: اي حدها يت قعدت يمي وتسولف بس انا كنت شبه حاقرها
فطوم: لا والله اففف ملييقه مابي مابي
عيسى: شنو الي ما تبين
فطوم: ما بيها تشوفك
عيسى: شفيج فطوم يبا انا احبج ولا تفكرين ان في وحده غيرج تقدر تاخذني منج
فطوم: بس هم مابي
عيسى: فديت الي تغار انا
فطوم: مرة ثانية اذا بتروح عندهم تقولي
عيسى: انشالله بس لا تزعلين
فطوم: انزين
عيسى: خلاص عاد حياتي لا يضيق خلقج
فطوم: شسوي ما اقدر تبط جبدي
اليوم الي وراه فطوم رجعت من المدرسة تغدت ونامت لما قامت لقت رقم غريب داق عليها غسلت ويها ودقت
فطوم: الوو
صوت بنت..: الو قوة
فطوم: هلا منو معاي؟
...: انتي الي منو
فطوم: شنو انا منو انتي الي داقه
...: ممكن اعرف شلي بينج وبين عيسى
فطوم: نعم! وانتي ومنو عشان تسإلين وبعدين من وين ييبتي رقمي
...: من تلفونه
فطوم: اهم شي منو انتي؟
....: انا فرح بنت خالته الي يموت عليي
فطوم: وايد مصدقة روحج اعتقد انه علطول مسكب فيج وما يعطيج ويه
فرح: والله محد مصدق روحه غيرج حبيبتي عيسى لي انا وكل العايله تدري انه يحبني
فطوم: اظاهر وايد تتخيلين ومدامج واثقه جذي شتبين داقه علي عيل
فرح: داقة اقولج وخري عنه احسلج
فطوم: هههههههههههههه
فرح: شلي يضحك اخاف قايله نكتة وانا مادري
فطوم: سمعيني حتى لو انا وخرت عن عيسى اهو ماراح يوخر عني
فرح عصبت: قلتلج عيسى لي وبس
فطوم: خلاص مدامج واثقة نعم داقة عليي ومعصبة وحالتج حالة يلا باي وسكرته بويها
دقت على عيسى علطول
عيسى: هلا حياتي
فطوم: حياتك هاا شكو معطي فرح رقمي
عيسى: شنوو!! متى ما عطيتها
فطوم: عيل شلون داقه عليي
عيسى: دقت عليج متى
فطوم: توه
عيسى: اي تذكرت
فطوم: شنو؟؟
عيسى: مو قلتلج امس كنت ابيتهم قمت رحت الحمام لما رديت كان فوني بيدها بس خذيته منها مادري انها خذت رقمج
فطوم: لا والله البنت ميته فيك وتقول انك تحبها والعايله كلها تدري انكم تبون بعض
عيسى: وانتي تصدقين هالخبلة
فطوم: كانت واثقة واهيا تتكلم
عيسى: فطوم من صجج يعني مو واثقة فيني
فطوم: امبله بس كلامها يبط الجبد
عيسى: ما عليج منها انا اعرف شلون اوقفها عند حدها
فطوم: لا خلها تولي مابيك تكلمها
عيسى: اوكي عشانج بس واذا دقت عليج مرة ثانية قوليلي بس انا ادري اهيا ليش سوت جذي
فطوم: ليش
عيسى: انقهرت لما شافت اسمج بفوني
فطوم: ليش شنو حاط
عيسى: تتومه حبيبتي
فطوم: حياتي انت
عيسى: اختي جنان تسلم عليج
فطوم: الله يسلمها
عيسى: حدها حبتج اقولها زين ما تحبينها اكثر مني تقولي فطوم تستاهل اكثر
فطوم: وااااي فديتها سلم عليها واايد
(جنان اخت عيسى اكبر منه بسنه عمرها 20 تدرس بجامعه الكويت – علوم ادارية شافت فطوم مرة وسولفت معاها وايد بالفون وكانت حيييل تحبها وتنطر متى تصير فطوم مرت اخوها)
وعقب يومين رجعت فرح دقت على فطوم بس فطوم ماردت دزتلها مسج (ترى كل الكلام الي قلته كان صج واذا تبين تعرفين اكثر انا حاضرة) فطوم حقرتها وما ردت جان ترجع تدز (وعيسى بكون لي بالنهاية اهو يكلم وايد غيرج بس يبيني انا وبسس) فطوم عصبت شوي بس هم حقرتها دقت على عيسى لقت عنده ويتنق سكرته نطرت شوي ورجعت دقت بس كان ليلحين ويتنق شكت بكلام فرح وقرت المسج مرة ثانية معقوله يكون عيسى يلعب عليي وما يحبني ويكلم غيري بس شلون انا كلمت اخته وقعدت معاها معقوله حتى اهيا بتجذب رجعت دقت وليلحين ويتنق علقت تدق وتسكره تدق وتسكره لحد ما دق عليها
عيسى: شفيييج يننتيني
فطوم: منو كنت تكلم كل هالوقت
عيسى: قاعد اكلم يوسف
فطوم: يوسف ها يتقص عليي يعني مو قبل شوي كنت عنده بالدوانية
عيسى: وشفيها يعني ما يصير
فطوم: لا لنك قاعد تقص عليي
عيسى: انا اقص عليج شفيج انتي
فطوم: مافيني شي انت الي شفيك اذا قاعد تلعب قول
عيسى عصب: ينيتي انتي منو مشيشج عليي
فطوم: مو ياهل انا عشان يشيشوني عليك
عيسى: عيل شفيج جذي معصبه وحالتج حالة
فطوم: لني كشفتك على حقيقتك
عيسى: اوكي اذا انتي جذي مو واثقة فيني خلاص بسمعج الي تبينه اي انا قاص عليج وانا قاعد العب اوكي ارتحتي الحين ويلا باي وسكره علطول
فطوم (يعني شكي طلع صج لو يموت ماراح اكلمه بعد خيولي) وظلت تبجي بروحها بالغرفه ودانه مادرت عن شي كللش
اليوم الي وراه بالمدرسة
اماني دزت ورقة حق فطوم بحصة الفيزيا
اماني: شفيج؟
فطوم: مافيني شي
اماني: يعني ما اعرفج قولي شفيج
فطوم: بهد عيسى
اماني انصدمت ولفت ويها على فطوم لقت عيونها مغرقه شوي وتبجي جان تقولها بصوت خفيف: شفيكم ليش
فطوم بالورقة: طلع يلعب ويكلم وايد غيري
اماني: من صجج انتي مو تقولين يحبج ويموت عليج وكل يوم يايلج المدرسة شلون عرفتي كل هذا
طق الجرس خذت اماني فطوم وطلعو من الصف بهاليوم ابرار رجعت البيت لنها تعبانه وشهد كانت غايبة فراحو اماني وفطوم صف (توعيه مرورية) بالدور الثالث دخلو وسكرو الباب وقصو الحصة
اماني: فهميني يلا
فطوم: فرح بنت خالته قالتلي كل شي عنه
اماني: شلون وين كلمتيها
فطوم: اهيا كانت داقة عليي بس انا ما قلتلكم
اماني: انزين كملي وشقالتلج
فطوم: قالت ان عيسى يحبها وانه يكلم وايد غيري بس كلهم يلعب عليهم وانه راح يكون لها بالاخير
اماني: بالغبيه وانتي تصدقين كلامها
فطوم: اي اصدقه لني دقيت على عيسى وكان عنده ويتنق يمكن ساعه كامله ولما سألته يقولي يوسف واهو كان توه طالع من الدوانية يعني يوسف كان عنده اشكره مجذب
اماني: انزين واهو شقالج
فطوم: عصب وسكره بويهي وقبل لا يسكره قالي انه قاعد يقص عليي ويلعب
اماني: من صجج قالج جذي مو معقوله
فطوم: اهو ما قالها جذي بس قالي مدامج مو واثقة بقولج الي تبين تسمعينه وبعدين قال هالكلام
اماني: وهذا اكبر دليل ان فرح جذابه
فطوم: مادري منو اصدق مادري
اماني: فطوم لا تنسين ان عيسى بكمل دراسته عشانج وغير وايد من اطباعه عشانج وعرفج على اخته وكلمتيها معقوله يكون كل هذا جذب ولعب
فطوم: انا فكرت جذي بس مادري وقتها انفعلت ومادري شخربطت
اماني: بس لازم تكونين واثقة فيه يعني تصدقين فرح الي حاقده عليج واكيد ما تحبج وتجذبين حبيبج
فطوم: اهو عصب وسكره بوهي وادري ماراح يدق
اماني: انتي الغلطانه ولازم انتي الي تدقين
فطوم: بس حتى اهو غلط بوقتها عصب وصرخ عليي وسكره
اماني: لا تلومينه كلامج نرفزه
................................ مرت الحصص وفطوم ضايق خلقها وناطره الهده طلعت بالهده شافت السايق ناطرها بس ما لقت سيارة عيسى مثل كل يوم ضاق خلقها اكثر ركبت السيارة وما تكلمت بالطريج كللش
..............
صار بليل سعود راح بيت خالته دخل لقى خالته لابسه وبتطلع
ام فرح: هلا عيسى شلونك
عيسى: تمام خالتي انتو شلونكم جنج بتطلعين
ام فرح: اي والله بطلع ليش بغيت شي
عيسى: سلامتج بس كنت مار هني وقلت اسلم عليكم
ام فرح: الله يسلمك سلم على امك
عيسى: انشالله يوصل جن مافي احد بالبيت
ام فرح: لا ماكو احد بس فرح وبعد شوي بتروح عند رفيجتها
عيسى: اها اوكي عيل مع السلامة
ام فرح: مع السلامة
عيسى ركب سيارته ولما راحت خالته رد نزل
(فرح عمرها 18 توها ماخذه الليسن حلوة بس فطوم احلى منها وعيسى من زمان ما يحبها حتى قبل لا يكلم فطوم)
فتحتله الخدامة الباب لما دخل لقى فرح توها نازله عالدري اهيا شافته استغربت
فرح: هلا والله شطاري عليك
عيسى: ممكن اعرف انتي ليش تسوين جذي
فرح: شسويت شفيك معصب
عيسى: ليش تبين تفرقين بيني وبين حبيبتي
فرح: انت تدري ليش وما يحتاي اقولك
عيسى: يا فرح فهمي الف مرة قلتلج ما احبج ولو ما بقى غيرج بالدنيا ماراح آخذج تفهمين ولا لا
فرح: وطول ما انت تعاندني راح اعاندك
عيسى: بس ماراح توصلين للي تبينه مهما سويتي
فرح: انا ابي اعرف شعاجبك فيها شنو عايلتها هذي اكيد من هذيل البنات الي اي شي
عيسى: الي تقولين عنها اي شي تاج راسج وتسواج وتسوى امثالج
فرح: ما بقى الا الزباله بعد
عيسى: فررح لا تخليني اعصب ترى بصيرلج شي عمرج ما شفتيه وان دقيتي عليها لا تلومين الا نفسج ومحد راح يردني عنج واول واحد راح اقوله عن حركاتج وسوالفج ابوج
فرح خافت: تهددني يعني ولا شنو
عيسى: انا ما اهدد ولا عمري هددت بس انتي الي حديتيني على هالشي وصدقيني هذي آخر مرة اكلمج فيها المرة اليايه راح يكون الكلام مع ابوج .. طلع عيسى وصكر الباب حيل
فرح ما نزلت منها ولا دمعه راحت غرفتها وقامت تقول بقلبها (مردك بتييلي يعيسى)
طلع عيسى وكان حاس انه مختنق دق على جاسم وراحو قعدو عالبحر كان وقتها الجو بارد حيل
فطوم بغرفتها كل شوي تطالع تلفونها يمكن عيسى يدق بس ما دق كلللش (الله ياخذج يفرح الله ياخذج)
جاسم: الي صار سوء تفاهم وبينحل لا تضيق خلقك
عيسى: مليت من فرح انا عمري ما شفت بنت مثلها احسها بس تبي تأذيني وبس
جاسم: ما عليك عقب هالتهديد ما اعتقد بتعيدها
عيسى: اشتقت حق فطوم وايد بس ماراح ادق خل تحس بغلطتها
..............
مر اسبوع كامل فطوم بالمدرسه
ابرار درت عن السالفة كتبت ورقة حق فطوم: جم يوم صارلكم
فطوم: اسبوع l
ابرار: ولي مته جذي
فطوم: مادري بس هم ماراح ادق خل اهو يدق
ابرار: بس انتي مو مرتاحة جذي ليش تأذين روحج
فطوم: تتوقعين نساني
ابرار: لاااا طبعا
فطوم: عيل ليش ما دق
ابرار: لنج انتي الغلطانة ولنج بينتيله انج مو واثقة فيه
الأبله: يعني كل مرة بتعملو نفس الحاقة ما فيش احترام يعني
ابرار: ابله شسوينا
الأبله: لأ ما عملتوش حاقه انا بتوهم
اماني: خشو الاوراق مو اشكره
الأبله: كمان يأماني بترقعي تتكلمي
اماني: خلاص ابله آسفه كملي شرحج
الأبله: استغفر الله العلي العظيم
صارت الهدة طلعت فطوم ركبت السيارة ومثل كل يوم ساكته طول الطريج يومها كان عيسى واقف عند المدرسة بس بعيد وفطوم ما شافته اهو لما شافها ضاق خلقه اكثر .. فطوم وصلت البيت دخلت غرفتها علطول ومانزلت حتى تتغدى راحتلها دانه
دانه: لي مته بتظلين جذي يعني
فطوم: دانو ترى مالي خلق شي خليني بروحي
دانه: كيفج بس ترى انتي الي مسويه بروحج كل هذا .. طلعت دانه وسكرت الباب
فطوم خذت فونها ودقت على جاسم
جاسم: هلاا بالقاطعه
فطوم: هلا فيك جاسم شخبار عيسى
جاسم واهو يضحك: تمام اشتقتيله
فطوم: يعني شرايك انزين متى آخر مرة شفته
جاسم: اليوم وصلني المدرسة كان سهران
فطوم: انزين ما يقول شي عني
جاسم: اصلن ما يتكلم بشي غيرج
فطوم: صج انزين يعني مو زعلان مني
جاسم: فطوم يعني يحقله يزعل انتي تتوقعين ان الي سويتيه عادي
فطوم: لا وادري اني غلطانه
جاسم: خلاص عيل ليش ما تكلمينه وتقوليله هالكلام ولا مصرين تعاندون بعض
فطوم: وليش اهو ما دق
جاسم: وليش انتي ما دقيتي؟
فطوم: اخاف ادق
جاسم: تخافين من عيسى اعتذريله وكل شي بصير اوكي
فطوم: مادري..
جاسم: انتي لازم تثقين فيه وما تخلين اي شخص يأثر عليج عيسى كان قايلج عن بنت خالته المفروض ما تصدقين اي شي تقوله اهيا تبيكم تتزاعلون وانتي سويتي الي تبيه
فطوم: مادري ليش هالبنت تسوي جذي حرام عليها
جاسم: انتي ما عليج منها حقريها وعطيها سكب حتى لو دقت عليج او دزتلج مسج حقريها وخلي عيسى يتصرف معاها
فطوم: اوكي
جاسم: بتدقين؟
فطوم: بفكر بكلام بعدين ادق
جاسم: اوكي اخليج واذا احتجتي شي دقي
فطوم: اوكي مع السلامة
جاسم: مع السلامة
حاولت فطوم تنام ولما قامت لقت مسج من عيسى (ممكن اشوفج ونتكلم) فطوم ما استوعبت مو مصدقة ان المسج من عيسى رجعت جيكت جان تقوم تروح حق امها علطول طقت الباب وفحته علطول
ام فواز: بسم الله شفيج جذي خرعتيني
فطوم: يما بروح اشتري هديه حق رفيجتي
ام فواز: ضروري الحين يعني
فطوم: اي توني تذكرت ان عيد ميلادها باجر فشلة ما اوديلها شي
ام فواز: انزين بس مو تطولين
فطوم: لا ماراح اطول يلا باي
وقتها كان بوفواز مسافر وفطوم ماخذه راحتها عالآخر ردت فطوم على عيسى وقالتله انها بتروح البحر بدلت وطلعت بتركب السيارة لقت عيسى واقف بالفريج بس بعيد عن بيتهم مشى السايق ووراه عيسى وصلو نزلت فطوم
عيسى دزلها مسج (لحقيني هناك بنكون بروحنا) لحقته فطوم وراحو بمكان محد يشوفهم
فطوم لما شافته ما عرفت شتقول: آ..آ..سـ..فة
عيسى: الحين تقولين آسفة شعقبه عقب ما عرفت انج مو واثقة فيين كلش
فطوم: لا تقول جذي والله واثقة فيك بس انفعلت وقلت كلام ندمت عليه وانت بعد ما قصرت
عيسى: يعني خلاص مو شاكه فيني
فطوم: لا يمكن اشك فيك
عيسى: حياااتي انتي وانا بعد اسحب الكلام الي قلتله وسامحيني سكرته بويهج
فطوم: كلا من فرح المليقة والله لو اشوفها اعلمها مادري ليش...
عيسى سكر حلج فطوم وما خلاها تكمل: خلاص حبيبتي انتهى الموضوع
فطوم سكتت وقامت تطالع عيون عيسى:....
عيسى يطالع عيونها بعد: احبج
فطوم: احبك
عيسى: لا تزعلين مرة ثانية لني بدونج اضيع اشتقتلج وايد
فطوم: وانا بعد مشتاقلتلك
عيسى مسك ايد فطوم وراحو يتمشون ويسولفون
(عشان محد يعلق أو يسأل وقتها بوفواز مسافر وفيصل وسعود وفواز كلهم مسافرين بعد وبوناصر مايي هالاماكن ودانه رايحة عند حصة واذا بيطلعون راح بدقون على فطوم) يعني باختصار محد ممكن يشوف فطوم فعشان جذي وقتها ما كانت خايفه
نكمل..عقب ما مرت ساعه كامله
عيسى: انزين حبيبتي يلا دقي عالسايق عشان ما تتأخرين
فطوم: لييش مليت مني
عيسى: لا حبيبتي انا امل منج والله ودي اقعد معاج علطول بس اخاف امج تزفج وانا ما ارضى عليج وبعدين الجو بارد مابيج تمرضين
فطوم: اوكي عشانك بس وانت بعد ترجع
عيسى: فديت المطيعه انا انشالله من عيوني
فطوم: انزين قبل ما اروح اكيد مو زعلان
عيسى: والله العظيم مو زعلان
فطوم: عيل احبك
عيسى: ههه وانا بعد احبج
طلعت فطوم فونها ودقت عالسايق ورجعت البيت لما وصلت ما لقت سيارة امها عند الباب (افف اشوه ما يت ليلحين) دخلت فطوم صعدت بدلت وراحت عند يدتها
ديده مريم: دقي على امج شوفيها وينها مو جنها تأخرت
دقت فطوم على امها
ام فواز: كاني بالطريج مريت دانه والحين يايين
فطوم: اوكي باي.. ديده تقول كاهي يايه راحت تاخذ دانه عشان جذي تأخرت
ديده مريم: زين اشوه طمنتيني
لما يت ام فواز قعدت عند ديده مريم فطوم صعدت غرفه دانه
فطوم: هاااااااااي
دانه: اووو المزاج تغير واخيرااا
فطوم: شفت عيسى اليوم
دانه: شنوو متى؟
فطوم: قبل شوي راده
دانه: وشلون امي خلتج
فطوم: قلتلها بروح اشتري هديه حق رفيجتي باجر عيد ميلادها
دانه: انزين قوليلي وشصار
فطوم: عيسى سمع فرح كلام ماراح يخليها تفكر تسوي شي بعد
دانه: صج زين يسوي فيها واخيرا رديتي على طبيعتج انا من ضيقة الخلق خذيت جنطتي ورحت احل واجباتي عند حصو
فطوم: هههههه اي ما كنت معطيتج ويه
دانه: اي قطيعه الله يعين الي بياخذج
فطوم: فديييته انا
دانه: منو اهو
فطوم: عيسى منو يعني
دانه: يمكن ما يكون اهو شدراج
فطوم: جب جب لا تقولين جذي انشالله يكون من نصيبي
دانه: ههههه انشالله
.................................
مرت الايام وباقي جم يوم على امتحانات نص السنة
فطوم بغرفتها منسدحة عالسرير توها مخلصة من المدرس ما كان في احد بالبيت كلهم طلعو وام فواز طلعت عقب ماراح المدرس دق عليها عيسى
فطوم: هلا حبيبي
عيسى: هلا فيج ها شلون الدراسه
فطوم: وييع مليت توه كان عندي مدرس فيزيا على آخر شي مادري شكان قاعد يقول مخي وقف
عيسى: ههههه يالله ما بقى شي وتخلصين
فطوم: افف اليوم بررد
عيسى: اي حددده انا كنت طالع بس ما قدرت رجعت البيت بسرعه
.............. ظلو يسولفون وفطوم ما كانت مسكره الباب لن ماكو احد بالبيت
دخل بوفواز وفطوم ما حست فيه كلش صعد وسمعها تسولف
عيسى: اضحك يعني ولا اقط روحي من الدريشة
فطوم: مليييق
دخل بوفواز شافته فطوم سكرت اللتفون علطول
بوفواز واهو معصب حددده: منو تكلمين
فطوم: رفـ..يـ..جـ..تي
بوفواز: رفيجتج وقاعده تقولين مليق عطيني التلفون
خذا بوفواز التلفون وشاف الاسم (حبي) طبعا محد كان ياخذ تلفونها
بوفواز: تلفونج هذا لا تفكرين انج تشوفينه بعد وطلعه من البيت ماكو مدرسة وبس لحد ما تخلص الامتحانات واشوفلج صرفة
طلع بوفواز وكان حاس انه تعبان
فطوم بغرفتها ما تدري شتسوي نزلت عند بيبي
فطوم: بيبي وين تلفونج بسرعه
بيبي: ليس سنو في فتوم
فطوم: بعدين اقولج بس عطيني تلفونج بسرعه
خذت فطوم تلفون بيبي ودزت مسج حق عيسى (ترى تلفوني عند ابوي سمعني وانا اكلمك لا تدق انطرني لين ادق عليك)
طبعا عيسى وقتها ما عرف شسوي كان يبي يعرف شصار وكان خايف على فطوم
فطوم دزت المسج وصعدت دارها بسرعه لما يت ام فواز وشافت بوفواز تعبان ودته المستشفى وقالو انهم بنومونه لنه كان مريض من قبل بس ما كان يروح الطبيب وزاد عليه
فطوم ودانه بالبيت حدهم خايفين
فطوم: دانو دقي على امي
خذت دانه التلفون ودقت على امها لما سكرته
فطوم: هاا شقالت
دانه: تقول بنومونه بالمستشفى
فطوم: كلا مني انا انا السبب
دانه: امي تقول كان المفروض ينام عندهم من زمان بس اهو ما كان يروح
فطوم: كنت اقوله روح بس ماراح
دانه: امي درت عن شي
فطوم: لا الله يستر
دانه: ابي اشوفه ليش امي ما خلتنا نروح
فطوم: عشان ندرس
دانه: ومنو له خلق يدرس الحين راح نزفت
فطوم: بالطقاق انا خايفة على ابوي كلا مني
فطوم قامت تبجي لمتها دانه وسكتتها
رجعت ام فواز البيت
فطوم: ها يما شلونه
ام فواز: الحمدلله احسن بس شكله بطول بالمستشفى شكثر كنت اقوله يروح ماراح
فطوم: انزين باجر نبي نروحله
ام فواز: يسير خير لي باجر
دانه: انزين اهو كلمج
ام فواز: لا كانو مبنجينه وحاطيله درب ماراح يقوم الا باجر عشان جذي رديت
صعدو كلهم غرفهم عشان ينامون فطوم بسريرها تفكر بابوها وتفكر بعيسى والي راح يصيرلهم
عيسى بغرفته ضايق خلقه ويبي يعرف شصار كان خايف ان بوفواز سوا شي حق فطوم
................
اليوم الثاني العصر ام فواز بتروح المستشفى
ام فواز: يلا ما خلصتو
دانه: كاني خلصت
ام فواز: وين فطوم عيل
طلعت فطوم من غرفتها: ماني يايه
ام فواز: ليش؟
فطوم: تعبانه بطني يعورني
ام فواز: خلاص كيفج اذا بتيين بعدين خل اييبج شمس الدين
فطوم :اوكي
راحو ام فواز ودانه وظلت فطوم بروحها بالبيت
دخلو ام فواز ودانه عند بوفواز
دانه سلمت على ابوها وباست راسه: سلامات يبا شلونك الحين
بوفواز: الحمدلله احسن
ام فواز: ماتشوف شر يالغالي
بوفواز: الشر ماييج عيل وين فطوم ليش مايت
ام فواز: تقول تعبانه بطنها يعورها
فطوم دقت على عيسى من تلفون البيت وقالتله كل الي صار
فطوم: يلا عيسى ما اقدر اكلمك وايد
عيسى: اوكي ديريبالج على نفسج وطمينيني عليج
فطوم: اوكي باي
عيسى: باي
صار بليل (المستشفى)
ام فواز دقت عالسايق ياخذ دانه لما وصل
دانه: مابي اروح بقعد معاكم
ام فواز: روحي درسي متى بتدرسين بعد
بوفواز: ما عليه يبا روحي درسي انا مطول هني بتييني وايد
سلمت دانه على ابوها وطلعت
ام فواز: من اول مايينا احسك بتقول شي بس تطالع دانه تسكت قولي شفيك شصاير
************************
ღ TőOőma ღ
New member
b6ooo6a*_*
New member
- إنضم
- 4 يوليو 2009
- المشاركات
- 1,177
- مستوى التفاعل
- 0
- النقاط
- 0
