اذا بيوم انتهى حبي لك...> تأكد انه يوم موتي< (قصة كويتية)

[اسيرة احزاني]

يسلمو
ناااطرينج

 

[q8ya36]

ناااطرينج

 

[ღ TőOőma ღ]

صار بليل بيت ام سارة كلهم قاعدين يتعشون بس فيصل طلع
فطوم: اي صج سارو ترى امي بتسافر الاربعا واحنا بنروح انام بيت خالتي حنان
ام سارة: هاا على وين؟
ام فواز: بروح دبي مع زنوب
ام سارة: ايي بالسلامة انشالله عاد هالله هالله بالصوغة
ام فواز: هههه افا عليج احنا رايحين حق التسوق اي شي تبين قوليلي واييبلج
فطوم: سارو شرايج تيين معانا انتي بعد
ام سارة: لا فشلة تنام هني وكل يوم تييكم
ام فواز: انا ماراح اطول كلهم 3 ايام زين الي عطوني اجازة بعد
خلصو العشا وقعدو يشربون قهوة صارت الساعه 10
ام فواز: يلا بنات تأخرنا على ابوكم
ام سارة: وين تو الناس ما شبعنا منكم
ام فواز: شسوي بوفواز بروحه وتدرين فيه تعبان
ام سارة: اوكي بس مريني قبل لا تسافرين
ام فواز: انشالله يلا بنات
فطوم: يلا ساروو سي يو باجر ادق عليج اوكي
سارة: اوكي
ام فواز: يلا مع السلامة
ام سارة: مع السلامة
طلعو ركبو السيارة ورجعو البيت لما دخلو كان بوفواز قاعد بالصالة وشابك عالنت
ام فواز: السلام عليكم
بوفواز: وعليكم السلام
دانه: هااا ماخذ لابتوبي
بوفواز: اي لابتوبي خربان
فطوم: ليلحين ما صلحته
بوفواز: امبله صلحته بس رجع اخترب
دانه تساسر فطوم: بوطقة
بوفواز: شفيكم تتساسرون
ام فواز: هههههه يقولون عن لابتوبك بو طقة
فطوم: انا مالي شغل هذي دانو
بوفواز: لااا انا لابتوبي بوطقة لا تخليني احط باسوورد حق لابتوبج واوهقج
دانه: ههههه لا لا خلاص آسفة
بوفواز: انزين وين بوستي ولا تبوني ازعل
فطوم حيل استانست ان ابوها رجع يعاملها مثل اول راحو اهيا ودانه وباسوه وقعدو يمه
دانه: هاا يبا منو تكلم
بوفواز: اكلم سعود يكلمني من الجامعة
دانه: صج ونااسة
فطوم: شنو عندهم الصبح
بوفواز: اي شفيج مو امريكا
فطوم: اي صح
دانه: انزين يبا عطني اللاب بكلمه
بوفواز: هاج انا بروح انام سلمو عليه
فطوم: انا بروح ابدل
دانه: تعالي ما تبين تكلمينه
فطوم: بعدين خل ابدل اول
دانه: اوكي .. (بالمسنجر).. هاي سعود انا دانه ابوي يسلم عليك راح ينام
سعود: هلا دانوووو الله يسلمه شلونكم شمسوين
دانه: تمااااام انت شلونك
سعود: الحمدلله فطوم عندج
دانه: لا صعدت تبدل
سعود : اهاا كنتو طالعين
دانه: اي اليوم وصلت خالتي من البحرين ورحنا عندهم
سعود: اهاا اي قالي فيصل
دانه: شخبار الدراسة متى بتخلصون الكورس
سعود: تمام قاعدين نمتحن الحين باقي جم يوم ونخلص طلعت نتايجكم
دانه: باجر الشهايد الله يستر
.......
فطوم تبدل بغرفتها وتفكر (والله فاقدتك يعيسى كنت كل ما اطلع ارجع اكلمك واقولك شصار فديييتك حياتي انشالله تكون مو متضايق) دخلت عليها امها
ام فواز: باجر ما اقدر اروح آخذ شهايدكم روحو مع السايق
فطوم: لاااا يما تكفين اخذيهم انتي شقومنا
ام فواز: لو فيها طلعة جان قمتي ما اقدر اطلع من الدوام باجر بروحها المسؤولة بالغصب عطتني الإجازة
فطوم: اوكي خلاص
ام فواز: بس مو تكشتون راح ادق على بيبي تقعدكم
فطوم: انزين
ام فواز: يلا انا بروح انام نامو مبجر وراكم قعده
طلعت ام فواز وسكرت الباب
فطوم (ويييييييع عسى بس مو ساقطة بماده) خلصت فطوم بدلت نزلت حق دانه
فطوم وتسوي صوتها زعلان: دانووو
دانه: شفيج
فطوم: امي تقول روحو مع السايق اخذو شهايدكم ما تقدر تطلع من دوامها
دانه: اي عادي شنو يعني
فطوم: اففف اخاف اطلع ساقطة بمادة وانحكر بالبيت
دانه: جذي ولا جذي بشوفونها عااادي وبعدين ليش جذي متشائمة يبا قولي انشالله مو ساقطة
فطوم: افف انشالله منو تكلمين
دانه: سعود سأل عنج
فطوم: شيقول
دانه: هاج كلميه
فطوم بالمسن: هاااي سعود انا فطوم
سعود بقلبه (هلا بحياتي كلها): هلا فطوم شلوونج مشتاااقلكم
دانه: قصده مشتاقلج
فطوم: جب .. (بالمسن) واحنا بعد شلون الوضع عندك
سعود: تمااام بس ناقصيني انتو
دانه: ترى قصده انتي



فطوم: ذبحتيني ليش قاطة ويهج وخري وخري.. (بالمسن).. يلا انشالله تخلص وترجع وتفتك من الغربة
سعود: اي انشالله اوكي فطوم انا استأذن بقعد اراجع امتحاني بعد ساعه
فطوم: اوكي بالتوفيق
سعود: تسلمين دعواتج
فطوم: انشالله
سعود: يلا سي يووو
فطوم: اوكييك
سعود: بااي (f)>>>وردة
فطوم: بايات
دانه يايه من المطبخ: فطوم حصو تقول باجر خلنطلع كلنا مع سارو وفصول
فطوم: يسير خير لي باجر خنشوف شهايدنا اول لن اذا مزفتين لا تفكرين يخلونا نطلع
دانه: لا انشالله لا تقولين جذي
.....................
الشباب شابين نار بوسط المخيم وقاعدين دار مدارها
فهد رن تلفونه كانت سارة راح قعد على الكرسي ويكلمها عيسى درى انه يكلم سارة تضايق ودخل الخيمة جاسم لحقه وظل يوسف قاعد مع باقي الشباب
جاسم: شفيج عويس ليش ييت هني
عيسى: متضايق ودي ارجع
جاسم: ليش يعني مو قلنا انسى هالموضوع ولا تفكر فيه
عيسى: مو قادر لما فهد قام يكلم سارة تضايقت اكثر
جاسم: شنو تغار منه
عيسى: اي لني مشتاق حق فطوم ومو قادر اكلمها
جاسم: عويس لا تصير جذي عاد خلاص حاول تلهي نفسك وتكون طبيعي
عيسى: ما اقدر فطوم كانت جزء كبير من حياتي وفقدتها حيييل
جاسم: الله كريم ومثل ما قلتلك فترة وبتعدي انشالله
عيسى: انا مو قادر اتحمل اكثر ملييت
جاسم: رجعنا مرة ثانية مو قلنا الي يحب لازم ما ييأس
عيسى: لني احبها مو قادر على فراقها
.........................
سارة تكلم فهد دق عادل ولقى ويتنق لما شافت ان عادل الي قاعد يدق حاولت تصرف فهد
سارة: فهد بعدين اكلمك اخوي يطق الباب
فهد: وين ما سمعت شي
سارة: قاعد يطقه شوي شوي لن امي نايمه
فهد: خلاص اوكي شوفيه شيبي ورجعي كلميني
سارة: اوكي باي
فهد: باي
سكرته سارة ودقت على عادل بسرعه
عادل كان شاك لنه اكثر من مرة يدق ويلقى ويتنق
سارة: هلا حياتي
عادل: هلا فيج ها هالمرة مع منو ويتنق
سارة: مع فطوم طبعاا قاعدين نتفق على باجر وين بنروح
عادل: اهاا انا مو قلتلج لما توصلين طمنيني اشوفج لا دقيتي ولا شي
سارة: اي ما قدرت ادق لن خالتي كانت عندنا وكنا قاعدين معاهم طول الوقت
عادل: في شي اسمه مسج
سارة: رصيدي كان مخلص وقبل شو عبيت
عادل شاك: اي اوكي اي خالة الي كانت عندكم
سارة: ام فطوم
عادل: وين بتروحون باجر
سارة: امم مادري
عادل: مو توج تقولين قاعدين تتفقون انتي وفطوم
سارة: هاا اي امبله بس ما قررنا (سارة بقلبها يربي شفيه هذا)
عادل: تدرين انج متغيرة وايد
سارة: ليش شفيني
عادل: مادري حتى ما قمتي تسإليني نفس قبل وين رحت وين ييت ومع منو
سارة ترقع: اي لن صرنا وايد نتهاوش على هالاشياء واعتقد انك مليت من حنتي فعشان جذي بطلت
عادل: بس جذي ما قمت احس باهتمامج مثل اول
سارة: لا بالعكس ليش فسرتها جذي
عادل: ليش يعني انا غلطان
سارة: اي لني كنت ابي راحتك وبفكك من عوار الراس
عادل: اوكي انا ما قلت لا بس لا تصيرين كلش عاد يعني خلج مهتمه شوي
سارة: اوكي من عيوني بس ترى انا مهتمه من قالك اني مو مهتمه
عادل: خلاص اوكي مو مشكلة يمكن كنت فاهم غلط
.................
دانه كانت قاعده تكلم حصة بالمسنجر
حصة: نصور خالتي بتسافر الاربعا
ناصر: يعني الاربعا بنامون عندنا
حصة: اي اي
ناصر: ايواااا حده وناسة
...........
دانه: ههههه نصور حده مستانس
فطوم: هههههه الخبل
دانه: كل هالوناسة حقج مالت عليج
فطوم: وليش عاد مالت عليي محترة
دانه: ويييع على شنو احتر
فطوم: مادري عنج
دانه: قلبي اقول قلبي.. وكملت سوالفها المسن
فطوم سرحت تفكر بعيسى (فرصة اذا رحنا بيتهم اقدر اطلع على كيفي لازم اروح اشوف عيسى حدي مشتاقتله)
***********************************

 

[اسيرة احزاني]

يسلمو
بانتظارج

 

[shaQshoQa]

يعطييييج العافيه يا عسسل

 

[كادي::::]

وي البارت حدة قصير كنت ابي اعرف نتايجهم
ناطرينج

 

[shaQshoQa]

up
up

 

[كادي::::]

اليوم ما في بارت و لا شنو

 

[@أحلى بنوته@]

صباح االخير
الله يخليج كملي لنا القصة بسرعة نبي نعرف الاحداث والبارت حده قصير
وعطينا مواعيد اللي تنزلين فيها البارتات

 

[MeeMeeYoo_2]

امبيييييه ساره مو صج بدعت واهي تقول بالطقاق مايسوى عليهم يحبونها
لووووووووووووووووووووووووول

مشكووووره
ناطرييين

 

[كادي::::]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
متى البارت الياي؟؟؟؟؟؟؟؟؟؟؟؟؟؟؟؟؟؟
طولتي

 

[MeeMeeYoo_2]

up
up
up

 

[Findy Girl]

Hellooooooooooo tooomaaaaaaaaaa

thanks 3la il part

 

[ღ TőOőma ღ]

اليوم الثاني الساعه 10 الصبح بيبي قعدت دانه وفطوم عشان يروحون المدرسة قامو غسلو ويوهم وبدلو وراحو مع السايق
فطوم: دانو خايفة مابي اشوف شهادتي
دانه: ولا اناا الله يستر
دخلو الإدارة لقو وحدة من السكرتارية
فطوم: من وين ناخذ شهايدنا
.....: روحو شؤون الطلبة
راحو شؤون الطلبة كل وحدة خذت شهادتها وطلعو
دانه: هااا شلون شهداتج
فطوم: اشوه مو ساقطة بولا مادة
دانه: اي حتى انا اففف ارتحت
فطوم: دقي دقي على امي بشريها
ام فواز: الووو ها بشرو
دانه: يمااا ناجحين بكل المواد
ام فواز: مبرووووك انزين درجاتكم زينه ولا عالحفة
دانه: مادري انتي بعدين شوفيهم
ام فواز: انزين يلا رجعو البيت بسرعه مافي روحه مني ولا مناك
دانه: هههههه
ام فواز: تضحكين هاا اي ادري بسوالفكم انا
دانه: خلاص يما انشالله يلا باي
ام فواز: باي
فطوم: شتقول شفيج تضحكين
دانه: تقولي ردو البيت علطول لا تروحون مني ولا مناك
فطوم: ههههه انا برد اناام بكمل نومتي
دانه: اي حده
رجعو البيت حطو شهايدهم بالصالة وصعدو يكملون نومتهم
صار المغرب قامو من النوم نزلو تحت
بوفواز: مبروووك مبرووك شهالشهايد الحلوة
فطوم: صج يبا حلوة درجاتنا
ام فواز: لا وين لا حلوة ولاشي خاصة انتي مادري متى بتشدين حيلج بعد هذا وانتي بآخر سنة
فطوم: هووو يما لا تحبطيني
دانه: يعني انا شهادتي اوكي
ام فواز: ولا انتي ثنتينكم مال ذبح
بوفواز: شفيج عليهم خليهم مستانسين بعطلتهم
ام فواز: والله محد مخربهم غيرك
دانه وفطوم يضحكون
بوفواز يغمزلهم ويسوي روحه يتكلم جد: بس هم شدو حيلكم ابي درجات احسن المرة اليايه
دانه وفطوم يضحكون: انشالله يبا
ام فواز: اي صج نصور دق
دانه: اكيد يبي فطوم
ام فواز: اي مو على قولتهم الحب
فطوم: هههههههه خل ادق عليه عيل
راحت فطوم دقت على ناصر: الوو هلا حبي
ناصر: اهلييييين صح النوم بلعتي المخدة
فطوم: ههههههه شسوي كنت قايمة الصبح اييب شهادتي بشر شسويت
ناصر: باركيييلييي شهادتي عجيييبه
فطوم: صج مبروووك زين زين ما بغيت تصير شاطر
ناصر: الله يخلي الغش انتي بشري شسويتي
فطوم: زينه شهادتي انا كنت خايفة من الفيزيا بس اشوه نجحت فيه
.................................................. ..........
مرت الأيام وصار يوم الاربعا الساعه 4 العصر بيت بوفواز
ام فواز نازلة عالدري وتنادي بيبي
بيبي: نأم ماما
ام فواز: شمس الدين حط الأغراض بالسيارة
بيبي: اي ماما
ام فواز: يلا بنات ويينكم باقي ساعه عالطيارة
فطوم: كانا كانا
بوفواز قام يسلم على زوجته: تروحين وترجعين بالسلامة
ام فواز: الله يسلمك ديربالك على روحك واذا تعبت روح الطبيب لا تهمل
بوفواز: انشالله من عيوني جم ام فواز عندي
فطوم ودانه نازلين من فوق: ايوااااا
دانه: شالرومانسية
ام فواز: تؤتؤتؤ صج ما تستحون بنات آخر زمن
نزلو البنات وسلمو على ابوهم وطلعو وصلو امهم المطار سلمو عليها وراحو بيت خالتهم حنان
حصة: اهليييييييييييين
ناصر: نور نور البيت
دانه: اكيد مو بوجودي
ناصر: اي طبعا يعني
فطوم: بتوقفونا عند الباب يعني ولاشنو
ناصر: ههههه لا دخلو دخلو
صار بليل يتلهم سارة وطلعو (بالأفنيوز)
سارة: فطوم امشي نقعد بستاربكس بكلمج شوي
فطوم: اوكي
ناصر: وين؟
فطوم: بنقعد بستاربكس سارو بتكلمني شوي
ناصر: اوكي لما تخلصون دقو علينا
سارة: اوكي يلا فطوم
راحو ستاربكس طلبو فرابتشينو
فطوم: قولي شفيج
سارة: عادل شاك فيني حاس اني اكلم غيره
فطوم: شلون شك؟
سارة: يدق عليي بليل يلقى ويتنق وكلا اقوله فطوم
فطوم: وانتي شدراج انه شاك
سارة: صاير وايد يسأل ولما اقوله فطوم احسه مو مصدقني
فطوم: يعني سارو لي متى ناوية تظلين جذي يا تكلمين واحد منهم يا تهدينهم اثنينهم جذي ما ينفع
سارة: لا ما اقدر ابيهم اثنينهم
فطوم: اهههم شي شنو قاعدين نلعب احنا
سارة: مادري انا ابيهم اثنينهم شالحل
فطوم: كيفج انتي الي براسج تسوينه فلا تسإليني احسن
سارة: يالمليقة الحين انا يايبتج هني عشان تدوريلي حل تردين عليي جذي
فطوم: لن كلامج يبط الجبد وبعدين لي متى بتظلين تجذبين على عادل
سارة: مادري مادري
فطوم: هذا اذا مو فهد شاك بعد
سارة: لا فهود ياهل ما اعتقد يشك فيني كلللش
فطوم: والله كيفج انا نصحتج وقلتلج اكثر من مرة وانتي كيفج
سارة: ابي افهم انتي ليش تتنرفزين كل ما نفتح هالموضوع
فطوم: امبييي سارو حدج مو صج المشكلة انج واثقة وانتي تتكلمين يبا حبل الجذب قصير واذا عادل ما عرف اليوم مرده بعرف باجر
سارة: اففف خلاص بحاول اختار واحد معن اثنينهم اي شي
فطوم: اوكي قومي نروحلهم لا تغثيني زياده
سارة: وليش هالنظرة يعني
فطوم: ذبحتيني ليش وليش اعتقد انج فاهمتني عدل وما يحتاي اتكلم
سارة: اوكي اوكي خلاص خل ادق اشوف وينهم
دانه: هلا سوير خلكم احنا بنييكم
سارة: اوكي باي... قعدي بيولنا
يو دانه وحصة وناصر
ناصر: سارو ليش فيصل ما يا معاج
سارة: قلتله قال معزوم عند واحد من ربعه
ناصر: اها
فطوم سرحانه تفكر شلون تشوف عيسى
حصة تأشرلها: هااا وين وصلتي
فطوم: امم معاكم
حصة: ايي مبين انج معانا
دانه وسارة يضحكون وناصر ما يدري شالسالفة
خلصو من ستاربكس راحو تعشو بماكدونالدز الي عالبحر
فطوم: نصور امش برا ابيك شوي
حصة ودانه وسارة التفتو ومنصدمين كلهم ابالهم نفس السؤال(شتبي فيه فطوم؟؟!!)
طلعت فطوم ومعاها ناصر
ناصر: آمري
فطوم: مايامر عليك عدو نصور حبي بطلب طلب بس ما تردني
ناصر: انا اردج انتي قلتلج آمري
فطوم ابتسمت: واحنا رادين ابي امر البيت خمس دقايق باخذ شغله
ناصر: بس هذا طلبج من عيوني واذا تبين نمشي الحين نمشي
فطوم: ههههه لا تكفه عشان يذبحوني عادي متى ما طلعنا طلعنا بس المهم نمر بيتنا
ناصر: خلاص اوكيييك
فطوم: اي هذا الاخو ولا بلاش
ناصر: ههههههههه
فطوم: يلا امش داخل
ناصر: ليش
فطوم: شنو ليش جنك استانست عالوضوع
ناصر: هههه اي حده
فطوم: لااا والله
ناصر: هههه يلا امشي
دخلو وكلهم عيونهم على فطوم يبون يعرفون شكانت تبي منه
سارة تساسرها: شقلتيله
فطوم تضحك وتطالع ناصر: سر بيني وبين اخوي نعم شتبون
دانه: انزين انا اختج بعد قوليلي
حصة: وانا اخت اخوج قوليلي
فطوم: هههه حلوة اخت اخوج يبا راح تعرفون بعدين
سارة: لا قولي الحين ليش بعدين
حاولو بفطوم بس ما قالت خلصو تعشو وكان السايق ناطرهم (سايق بيت بوناصر) ركبو السيارة
ناصر: روح بيت بابا فواز
السايق: جين
دانه: ليش بيتنا شكو بنام عندكم
ناصر: فطوم بتاخذ شغله
سارة :انشالله هذي السالفة الي بينكم
فطوم تضحك: اي
دانه: وانا عبالي شي
حصة: اي حتى انا مالت عليج وعليه عيل
فطوم: طالع هذي تغلط نصور ادب اختك لا اقطها من الدريشة الحين
ناصر: ههههههه خلاص عفيه الناس قامت تطالعنا
وصلو بيت بوفواز فطوم نزلت
دانه: ايي معاج
فطوم: لا نطروني هني دقيقة وايي
دخلت فطوم البيت طبعا ما كان في احد راحت غرفه بيبي كانت مشغله التلفزيون وقاعده تطالع فلم هندي
بيبي: بسم الله انت ليش يجي
فطوم: بيبي وين الفون مالج
بيبي: ليس سنو يبي
فطوم: بيبي ابيه ضروري
بيبي: جين انا يعطي انتي بس قولي اول ليس يبي يكلم إيسى << يعني عيسى
فطوم: ايي انا لازم اشوفه عشان جذي ابي الفون
بيبي: جين خلاص انا يعطيج انتي
فطوم: حبيبتي والله
خذت فطوم التلفون طلعت الخط وحطته بمخباتها
بيبي: ليش بس ياخذ هذا ما يبي تلفون
فطوم: لا عندي واحد بروح آخذه من فوق هذاك صغير اقدر اخشه
بيبي: جين بس بابا لا يشوف
فطوم : بابا ما يا ليلحين يلا بيبي مشكورة باي
بيبي: باي
(الخط الي عند بيبي اهو خط فطوم القديم واهيا معطتهياه)
صعدت فطوم غرفتها وخذت التلفون خشته بمخباتها ونزلت بسرعه ركبت السيارة
ناصر: ها خلصتي
فطوم: اي ثنكيوو نصور
ناصر: ولكم ويغمزلها بالمنظرة
فطوم تضحك
حصة: شنو الي خذيتيه ما اشوف بيدج شي
دانه: اي صح
فطوم: وانتو شكو مالكم شغل
سارة: حتى انا مالي شغل
فطوم: اي حتى انتي
سارة: افااا بس افاا
راحو قطو سارة بيتهم وراحو بيت بوناصر على ما وصلو كانت الساعه 12
ام ناصر وبوناصر قاعدين بالصالة دخلو كلهم وسلمو
ام ناصر: تأخرتو قمت احاتيكم
ناصر: افاا يما تحاتينهم والسبع ولدج معاهم
بوناصر:والله شادين الظهر فيك
ناصر: ليش يبا لهدرجة طايح من عينك
بوناصر: ههههههه لا يبا
ام ناصر: جهزتلكم الكنابل وكلشي وحطيتهم بالغرفه الثانية
فطوم: مشكورة خالتي ما قصرتي
ام ناصر: العفو يما شدعوه ما سويت شي
(بيت بوناصر كانو توهم ساكنين فيه وقاعدين يعدلونه وفوق ما كان مفروش عدل وما كان في اسره حصة وناصر ينامون عالأرض
الساعه 2 قاعدين بالصالة فوق
فطوم: انا بروح انام لني دخت حدي
دخلت فطوم الغرفة وصكرت الباب طلعت التلفون حطت فيه الخط ودقت على عيسى
عيسى: الو
فطوم: حيااااتي فديت هالصوت انا شلونك
عيسى: انتي الي حياتي ودنيتي وكل شي انا بخير مدام سمعت هالصوت انتي شلونج حبيبتي شمسويه
فطوم: تمام الحمدلله
عيسى: تلفون منو هذا
فطوم: تلفوني
عيسى: شنو؟ شلون
فطوم: هذا خطي القديم كان عند خدامتنا خذيته منها عشان اكلمك
عيسى: يا بعد عمري انتي بس ديريبالج لحد يشوفه عندج
فطوم: لا لا تخاف محد راح يشوفه احنا نايمين بيت خالتي
عيسى: اي خالة
فطوم: خالتي حنان ام نصور
عيسى: اي حرييني اكثر بعد
فطوم: ليش تحتر حياتي نصور اخوووي جم مرة اقولك اخوي
عيسى: مادري هم اغار منه انزين ليش نايمه عندهم
فطوم: امي سافرت اليوم عشان جذي يينا عندهم
عيسى: اهاا
فطوم: وبعدين هني احسن اقدر آخذ راحتي بحاول اطلع بروحي باجر عشان اشوفك
عيسى: صججج حبيبتي راح اشوفج
فطوم: اي حبيبي راح احاول قول انشالله اقدر
عيسى: انشالله يارب حدي مشتاقلج فطوم ما اقدر اعيش بدونج
فطوم يتها البجية: حتى انا والله
عيسى: خلاص حبيبتي عفيه لا تبجين احبج فطوم
فطوم: فديتك وانا اموت فيك
......................... وظلو يسولفون لين صارت الساعه 3 ونص وفطوم كانت حيل دايخه
عيسى: حبيبتي خلاص نامي انتي تعبانه
فطوم: لا مابي بكلمك عادي عادي الحين اصحصح
عيسى: حبيبتي ليش اتعبين روحج خلاص نامي وانشالله باجر نشوف بعض
فطوم: انشالله يريت
عيسى: يلا حبيبتي تصبحين على خير واذا بغيتي اي شي دقي
فطوم: اوكي وانت من اهله انزين انت شبتسوي
عيسى: انا بنام علطول ابي انام على صوتج مابي اسمع صوت ثاني غيره
فطوم: حياتي انت خلاص اوكي نوم العوافي
عيسى: الله يعافيج
فطوم: احبك
عيسى: اعشقج
فطوم عيونها غمضت
عيسى: الوو حبيبتي نمتي
فطوم غصب تتكلم: ل...ا قـ..اعـ..د..ة
عيسى: خلاص حياتي نامي احبج مع السلامة
فطوم: وانا احبك مع الف سلامة
سكرت فطوم التلفون كانت منسدحة على كنابل سحبت مخده وشالت كنبل من تحتها وتلحفت فيه ونامت بمكانها
حصة: نصور تعال بنحط فلم
ناصر: لا يبا انا خلاص قفلت بروح انام
دانه: كيفك
راح ناصر الغرفه بياخذ كنبله ومخدته عشان ينام بالغرفة الثانية دخل لقى فطوم نايمة على الكنابل وكان شكلها حده بريء ماحب يقعدها راح عندها وخر شعرها عن ويها وخذا مخدة وطلع
.............................
اليوم الثاني الظهر قامت فطوم من النوم لقت التلفون طايح يمها
فطوم بقلبها (امبيي انا شلون نمت جذي ولا حسيت زين محد شافه) خذت فطوم التلفون وحطته بمخباتها واهيا تحطه دخل ناصر
ناصر: مساء الخير
فطوم: ما تعرف تطق الباب
ناصر: غرفتي هذي تبيني اطق الباب قبل لا ادخل
فطوم: صج هذي غرفتك
ناصر: اي والكنبل الي نايمه عليه كنبلي امس ييت باخذه بس كستري خاطري ما قعدتج
فطوم: وي سوري كنت دايخه.. عيل بشنو تلحفت
ناصر: ابشت ابوي مال البر
فطوم: هههههه والله تدبر روحك
ناصر: افاا عليج
فطوم: وهذيلاك وينهم وين نامو
ناصر: الميانين نايمين بالصالة
فطوم: صج ميانين انزين ممكن تطلع ببدل
ناصر: عادي بدلي جدامي
فطوم: لااا والله
ناصر: هههههه اتغشمر ..طلع وصكر الباب
فطوم (ليكون شاف التلفون بس ما قال) بدلت فطوم ملابسها وحطت الفون بجنطتها وراحت الصالة



سووري بنااات تأخرت عليكم الكاتبه مانزلت غير هالبارت سوري حوبي​

 

[كادي::::]

waaaaaaaaaaaaaittttttttttttttttttttting u

 

[KaBsOlA eM9Rg3a]

thnxxxxxxxxxxxxx 7bibty yalla go head hashat toma el 7lwa

 

[Findy Girl]

Thanx 3la il part 7daa Zou'3a

y36each il3afya

 

[ღ TőOőma ღ]

حباايبي فدييتكم يسلموووو مممواااااااااااااح احبكم

 

[بنت الدلال]

ننـــطررج


لاتطولين بلييز

 

[KaBsOlA eM9Rg3a]

و احنا بعد انحبج واااايد