اذا بيوم انتهى حبي لك...> تأكد انه يوم موتي< (قصة كويتية)

[ღ TőOőma ღ]

بحاول انزل جم بارت قبل لاروووح وانشالله بخلصها فديييتج

 

[dlo3t^baba]

بليييييييييز كمليها وخلصيها عشان همن احنا نقرى روايتج الحصريه ^_^ و ما نتخربط بالاحداث

 

[ღ TőOőma ღ]

الساعه 12 ونص الظهر رن تلفون فطوم ساره قعدت بس فطوم ما حست كلللش


سارة: فطووووم قومي تلفونج ذبحنا


فطوم: اووو سكريه مالي خلق


سارة شافت التلفون كان رقم مو مخزن خلته يرن بس حطته عالصامت وبدون هزاز ونامت


علي: هااا ما ترد


حمد: لا


علي: يمكن نايمه


حمد: اي اتوقع اكيد سهرانه لن ساره كانت عندها امس


علي: خلاص عيل خل نروح نريح والعصر نطلع


حمد: ما اقدر انطر اكثر انا ما صدقت وصلنا الكويت


علي: يعني شتبيني اسويلك اروح بيتهم اقعدها


حمد: افففف اهيا لو ترد


حاول حمد يدق عليها اكثر من مره بس التلفون عالصامت وساره وفطوم بسابع بنومه


علي: شلون الحين


حمد ضايق خلقه: خلاص روح الفندق


علي: اوكي


..........................


(نشوف الشباب بمصر)


عيسى وفهد قاعدين عالبحر جاسم ويوسف بغرفتهم


فهد: عويييس قولهم خنرجع ابجر


عيسى: انت ليش مافيك صبر كلها 3 ايام وبنرد


فهد: عويس اخاف تروح من ايدي هالبنت والله حبيتها


عيسى: لا ما تروح من ايدك مو خذيت رقمها خلاص تطمن


فهد: هذي المشكل هانا ابي اكلمها باسرع وقت ابي اعرف اهيا مرتبطه ولا لا اخاف كل هذا يطلع عالفاضي


عيسى: شسويلك انت مطفوق


فهد: لااا يعني تبيني اخليها تروح من ايدي انت تدري فيني انا ما احب هالسوالف ولا فكرت فيها بس هالبنت غير


عيسى: قالوها قبلك كل الشباب وعقب اسبوعين هدوها مو اسبوعين اقل بعد


فهد: لا ساره غير


عيسى: ههههههههه والله مو لايق عليك


فهد: ليش يعني الحب حلال على غيري وحرام عليي


عيسى: لا لا انت قدها وقدود انزين صج صج فهود اذا كلمتها شبتقولها شلون بتفتح الموضوع


فهد: مادري


عيسى: كل هالحنه وما تدري


فهد: يسير خير بوقتها يطلع الكلام


عيسى: والله وكبرت يفهود


فهد: جب جب الشرها عليي الي قاعد اقولك كل شي ما تستاهل


عيسى: تعال وين رايح


فهد: بروح اييبلي شي اشربه غثيتني


عيسى: هههااااي ييبلي معاك


فهد: انســـــــى قوم بروحك


عيسى: صج نحيس


.................................................. .


صارت الساعه 4 العصر بيبي دخلت تقعد ساره وفطوم


بيبي: فتوووم يلا قومي ماما يقول قوم سائه اربئه


فطوم: اووو بيبي وخري عني قطيعه بنااااام


بيبي: سنو كلا نوم كلا نوم يلا قومي يبي نزف سوي خمي كلا نايم


فطوم: ما حلالج التنظيف الا الحين اقول قلبي ويهج وطلعي


بيبي: ماكو اقلب لما انت يقوم يلااا


فطوم: شن ويلا اشتغل عندج انا طلعي لا بهالابجوره على راسج الحين


بيبي: سنو هدا كلا جنجال انا سكو هدا مماما قول قعد فتوم


فطوم: قوليلها فطوم تقولج بنام ويلا طلعي وسكري الباب


بيبي: جييين انا كلو هدا كلام راح يقول حق ماما


ساره: اففف ما بغت بطت راسي


ردو نامو دخلت عليهم ام فواز


ام فواز: فطوم سارو بسكم نوم يلا قومو


فطوم: يماااا مانمنا شي عفيه بس ساعه


ام فواز: شنو بس ساعه الساعه اربع الحين قوم ويلا بيبي بتنظف


سارة: خالتي خليها تنظف بعدين عفيه بنام


ام فواز: محد قالكم تسهرون قومو خلصوني يلا


سارة: اصلن حتى اذا بنام ماراح تيينا نومه عقب ازعاج بيبيو الهبله قومي فطوم قومي


فطوم: لا عادي ايينا نوم ما عليج


ام فواز: انا بروح خمس دقايق وبرجع واذا شفتكم بالفراش انا بنفسي بشيلكم وبقطكم برا الدار


طلعت ام فواز قامت فطوم قفلت الباب ونامت بالفراش وساره تضحك عليها تلحفو وغمضو عينهم جان يقومون مره وحده ثنتينهم ويقولون بوقت واحد


فطوم: حمد سارة: الافنيوز


قامو بسرعه وراحو الحمام وفتحت فطوم الباب ودخلت بيبي تخم الغرفه


طلعت ساره من الحمام كانت قاعده تسبح ودخلت فطوم عقبها وسبحت خلصو استشورو شعورهم


فطوم: اوووووو تلفوني ما جيكت عليه اكيد حمد وصل ودق


سارة: تعالي ليكون اهو الي كان داق وحنا نايمين


فطوم: متى


ساره: شكلج ما كنتي تدرين كان في رقم قاعد يدق عليج الظهر حطيت تلفونج سايلنت ونمت


فطوم: اكيد اهو


خذت فطوم تلفونها وجيكت لقت 8 مس كول وثلاث مسجات الاول من حمد (حبيبتي انا بالكويت)


فطوم: اييي وصل سارو داز مسج من الساعه وحده


ساره: عيل هذا رقمه


خل اشوف باجي المسجات المسج الثاني من دانه (فطوم اذا بتطلعون اليوم دقي عليي)


المسج الثالث من حمد (حبيبتي هذا رقمي متى ما شفتي المسج دقي عليه)


فطوم: أي أي رقمه سكري الباب خل ادق


حمد وقتها كان منسدح عالقنفه بالفندق وحاط التلفون يمه رن التلفون نقز حمد ورد علطوووول


حمد: الوووووو


فطوم: الو هلا حمد


حمد: وينج انتي شكثر دقيت ما تحسين


فطوم: سوري كان محطوط عالسايلنت متى وصلت


حمد: 12 يلا وين اشوفج


فطوم: لحظة لحظة ما قلت حق امي ولاشي توني قاعده من النوم


حمد: خلاص حبيبتي روحي الحين قوليلها وانا انطرج


فطوم: اوكي اسكره وادق بعدين باي


حمد: باي


فطوم: سارو امشي خنقول حق امي حمد يبي الرد الحين


ساره: امشي




راحت فطوم حق امها كانت قاعده بالصاله مع يدتها حاطين الجاي والحب ويطالعون التلفزيون سلمت على يدتها وباستها على راسها وسلمت ساره عليها بعد راحت فطوم قعدت عند امها وساره يمها عالجنب الثاني


ام فواز: هااا شعندكم اكيد تبون شي


فطوم: اييي


ام فواز: قولو


ساره: اممم فطوم انتي قولي


فطوم: نبي نطلع انا وسارو


ام فواز: على وين انشالله


فطوم: الافنيوز


ام فواز: مع منو بتروحون


ساره: بروحنا خالتي


ام فواز: نعععم شنو بروحكم


فطوم: هووو يما عفيه شدعوه وين رايحين كلا الافنيوز


ام فواز: تدرين ابوج ما يرضى تبينه يحطها براسي بعدين


فطوم: لا لا عادي انا اكلمه اقوله ويا سارو


يدتها: هووو خلوهم يروحون يستانسون


ام فواز: شسوي خالتي ابوها ما يرضى وتدرين بمحمد اذا عصب شسوي


يدتها: اي يما ادري فطوم يما قومي ييبي التلفون


فطوم: انشالله يدتي


راحت فطوم يابت التلفون وعطته يدتها


يدتها: دقي على ابوج وعطيني


فطوم واهيا مستانسه: من عيووووني


ام فواز تساسر ساره: شوفي العياره لما تبي شي لسانها ينقط عسل


ساره: ههههههههههه


يدتها: الووو قوه يمه


بوفواز: هلا يما


يدتها: يما البنات بروحون السوق ومولاقين احد يروح معاهم عاد انا قلتلهم يروحون بروكهم بس ما طولون


بوفواز: منو الي بروح


يدتها: البنات فطوم وساره


بوفواز: مدامج انتي الي قلتلي ما اردج بس قوليلهم لا يتاخرون


يدتها: لا يمااا ما يتاخرون انا قلتلهم


بوفواز: خلاص اوكي انا راح ادق عليهم بعدين


يدتها: مشكور يماا ديربالك على نفسك


بوفواز: انشالله يما تامريني على شي ثاني


يدتها: سلامتك يانظر عيني


بوفواز: الله يسلمج مع السلامه يما


يدتها: مع السلامه حافظك ربي ........ خلاص رضا


ساره وفطوم: هياااااااااا فطوم: فديتج ديده مريم والله ماكو يده مثلج وتبوسها


يدتها: اي بس عاد مو تتأخرون ناا عطيت ابوج كلمه


سارة: لا ديده ما نتاخر


يدتها: خلاص عيل روحو مبجر عشان ترجعون مبجر


فطوم: انشالله ديده تامرين امر


ام فواز: تعالو وين بتروحون


فطوم: بنصعد الغرفه


ام فواز: أي بس خلصتو شغلكم وضبطتو كل شي بتخلونا وتصعدون هاا


فطوم: هههههههه


دخلو الغرفه دقت فطوم على حمد علطول


حمد: هااا شصار


فطوم: خلاص بنروح يدتي توسطتلنا


حمد: مع منو بتيين


فطوم: مع ساره


حمد: بس


فطوم: اي بس منو تبي بالله


حمد: ههههه لا مابي احد جذي احسن انزين وين


فطوم: الافنيوز


حمد: الله والله اشتقتله خلاص اوكي اقعد علاو بس


فطوم: انزين احنا مو الحين راح نطلع تو الناس


حمد: فطوووم شنو تو الناس عفيه بشوفج مابي انطر اكثر كافي نطرتيني اربع ساعات


فطوم: هههههه خلاص اوكي بس على ما نلبس ونتزهب


حمد: اوكي لما بتطلعون قوليلي


فطوم: اوكي باي


حمد: باي


راح حمد ركض حق علي عشان يقعده


حمد: علاااو قوم قوم


علي: شفيك شصاير خرعتني


حمد: مو صاير شي بس فطوم دقت وبتروح الافنيوز يلا قوم بدل


علي واه ويتمقط: مالي خلق باجر باجر


حمد: روح زييين خلصني قوم ترى اهدك واروح


علي: لا خلاص بقوم بس باخذلي شاور عالسريع


حمد: اوكي على ما اهم يطلعون بس مو تطول


علي: لا لا .......... خذا الفوطه ودخل الحمام


ساره: كشخي كشخي


فطوم: هههههه امبي سارو خايفه مادري ليش


ساره: من شنو خايفه الحمدلله والشكر اول مره بتشوفينه


فطوم: لا مو عن بس خوفج احد من الشباب يشوفنا


ساره: لا لا ما يروحون هالوقت اهما


فطوم: انزين خل نطلع بسرعه قبل لا يشوفونا الشباب ويون معانا


ساره: ههههههه انزين


لبسو خلصو


(فطوم كانت لابسه نفنوف بنفسجي ثلثت ارباع (ثري كوارتر) خامته شيفون وفيه حزام عريض سلفر مع كعب سلفر عليه كرستال من جدام وفيه شريطه تنربط على الريل من فوق ولبست اكسوارات بنفسجيه بسلفر على شكل كرز ولبست تاج عريض بنفسجي منقط ببنفسجي فاتح وفيه ورده سلفر عالجنب (السلفر الي بلبسها ما كان يملع كله كان مطفي) وحطت آي شدو سلفر خفيف حيييل على عيونها مع مسكره وكحل وحمره بنفسجيه وكانت فاله شعرها ومنزله قذلتها الطويله على جنب مع التاج والبف)


(ساره لبست برموده جينز سكني اسود وقميص جبنيز وردي ستان مخطط بابيض وفيه حزام اسود بالنص مع تاج وردي وكانت مسويه شعرها بف ورابطته مع تراجي وردي صغير وفلات وردي عليه نقشه بالاسود وحطت ميك اب وردي فاااتح )


كان شكلهم وايد حلو بس فطوم كانت احلى خلصو لبسو قامو يجيكون على روحهم بالمنظره قبل لا يطلعون.....​

 

[ღ TőOőma ღ]

قبل لا يطلعون دقت فطوم على حمد



فطوم: الو



حمد: هلا حياتي



فطوم: حماده احنا شوي وبنطلع



حمد: اوكي احنا طالعين الحين



فطوم: اوكي باي



حمد: باي



فطوم: يلا سارو ما خلصتي



سارة: يلا شوي



فطوم: انزين انا انزل اشوف السايق على ما تخلصين



ساره: اوكي



نزلت فطوم راحت المطبخ



فطوم: بيبي وين شمس الدين



بيبي: ما يئرف يمكن روح برا



فطوم: اووو انا نسيت ادق عليه بعد ليكون طالع مادري حق شنو نعطيه معاش هذا



دقت فطوم على السايق



فطوم: الووو وينك انت



السايق: انا مئا راجو بيت بابا منصور



فطوم: انزين خل راجو وتعال نبي نطلع



السايق: وين تبي روح



فطوم: برووح الافنيوز يلا بسرعه لا تتاخر



السايق: جين



سكرت فطوم التلفون وراحت الصاله



يدتها: ها يما بتطلعون



فطوم: اي ديده توصين على شي



يدتها: سلامتج يما بس ديروبالكم على روحكم



فطوم: انشالله يما تبين شي ماشيات



ام فواز: لا مابي شي بس هالله هالله بالثقل



ساره واهيا نازله: افااا خالتي شهالكلام



ام فواز: مو قصدي شي بس انتو بعض المرات تفصلون والحين بروحكم بعد ما يندرا شتسوون



ساره: ههههه لا لا تحاتين هذا بمصر مو بالكويت



ام فواز: انزين مو تتاخرون



فطوم: لا ما نتاخر يلا سارو هذا هرن السايق



طلعو عشان يركبون السياره



سارة: تعالي شسم سايقكم نسيت



فطوم: شمس الدين



سارة: هههه شلونك شمس الدين



السايق: جين ماما انت شلونك



سارة: ههههه انا بنت سويتني ريال انا جينه اذا انت جين



ركبو السياره دقت سارة على عادل



عادل واهو نايم: الووو



سارة: الو انت ليلحينك نايم



عادل: كنت سهران بالدوانيه امس



سارة: لوعت جبدي بهالدوانيه انزين انا بسكره عيل لما تقوم وتصحصح دق



عادل: لحظة انتي وينج جنج بالسياره



سارة: اي طالعه مع فطوم



عادل: وين بتروحون



سارة: حمد وصل الكويت وبنروحله الافنيوز وانت اقعد



عادل: قتلج انا متى ما تبيني ايي قوليلي



سارة: يعني لازم انا اقول ليش ما تيي بروحك مثل ما حمد فكر بروحه



عادل: شنو السالفه غيره ولا شنو



سارة: لا حبيبي مو نوعي اغار من الناس بس ببينلك انك لو تحبني جان بنفسك ييت مو تنطرني اقولك



عادل: اوكي مشكوره انا الحين صرت ما احبج الشرها عليي الي قطعت نومتي ورديت عليج



سارة: نععععم شنو يعني بتذلني اقووول انا فاضيه قاعده اكلمك باي باي



عادل: باي باي كلش عاد هميتيني... قبل لا يخلص كلامه سكرته بويها (ماشي يا سارو اوريج)



فطوم: شفيييكم ليش كل هذا



سارو: خيولي صاير مثل اليهال على اقل شي بيزعل



فطوم: بس هم انتي ما قصرتي الي قلتيه مو شويه



سارو: ما قلت الا الصج ولا الصج صار يزعل الحين



فطوم: بس كليتي الولد يمكن ما يقدر ايي ولاشي



سارو: ما عليج منه يقدر حتى الحين اييني بس اهو ما يبي لو بمزاجه ايي جان يا يزحف مو بطياره بعد



فطوم: هههههههههههه انزين لا تعصبين تكفين ويهج ينقلب



سارو: لا يبا شكو بعصب ما اخرب طلعتي عشانه ما قامو يهموني كلهم نفس بعض



فطوم: ههههه يما منج ساعات احس انج اكبر مني بواااايد على سوالفج



سارو تغني: سااااااعاااااات ساااعااات احس ان الزمن قاسي



فطوم واهيا تسكر اذنها: لا تكفيين نشااااااااز سكتي



سارو: ههههههههه انزين شفيه سايقكم جذي منفس قوليله خل يحطلنا شي



فطوم: اي ما خليناه يقعد مع رفيجه راجو شلون ما ينفس



سارو: وييي يحليلهم بعد هذيل عندهم ربع



فطوم: ههههههه وشفيهم جذي طايحين من عينج مو بشر



سارو: ههههه لا حرام استعبط مو من صجي .. انزين شسمك انت قمر الدين شغل رادو حط ميوزك music))



السايق ما رد عليها



سارو: هييي شفيك تحقر انت



السايق: انت يقول قمر الدين مافي قمر الدين في شمس الدين



سارو: وييي يحليله يستعبط بعد انزين شمس الدين يلا حط ميوزك



السايق: جييين منو يبي راسد ولا مهندث



سارو: كاااااااااك امبي فطوم سايقكم مو صج يعرف المغنيين بعد



فطوم: هههههه افا عليج هذا صارله 7 سنين عندنا ما تبينه يعرفهم



سارو: وناااسه زين عيل حطلنا على ذوقك



حط راجو اغنيه راشد (يغداره)



فطوم: ايوااااااااااا




وصلو الافنيوز ونزلو واهم ميتين ضحك


دقت فطوم على حمد: الو ها حماده وينكم


حمد: احنا بالطريج انتو وصلتو


فطوم: ايي وصلنا انتو مو طلعتو قبلنا


حمد: ايي بس نسينا فلوسنا ورجعنا


فطوم: شدعوه عاد رجعتو عادي يبا نعزمكم


حمد: هههه لا ما يصير احنا الي لازم نعزمكم


فطوم: اوكي حمد احنا نفتر على ما توصلون


حمد: اوكي حبيبتي


افترو سارة وفطوم بالمجمع


فطوم: منتي داقه عليه


سارة: منو عدول


فطوم: اي منو غيره بعد


سارة: خيولي خل اهو يدق اهو الي زعل انا ما قلت شي غلط


فطوم: ههههههه انزين امشي خل ندخل دبن هامز


سارة: اوكي يلا


واهم يفترون بدمن هامز دق حمد على فطوم


فطوم: الو


حمد: حياتي احنا بالمجمع انتو وين


فطوم: احنا بدبن هامز


حمد: اوكي خلكم لا تطلعون احنا نييلكم


فطوم: اوكي


سارة: ها وصلو


فطوم: اي بيولنا هني


سارة: اهاا


فطوم: امبي سارو خايفه


ساره: ههههههه خو اخوج على قولتج ليش خايفه


فطوم: مااادري انزين شكلي عدل


سارة: اي اي عدل تينين


فطوم: ههههههه امبي مادري شنو رايح يصير


سارة: مو جن هذا علي


فطوم: اي جن ...اي اي كاهو حمد وراه يماااا


سارة: هههههه شفيج يالخبله عادي ريلاكس


حمد وصل عند فطوم وحددددددددددده مستانس: هاااااااااااا شلونكم


فطوم: هههههه ويعااااا تمام انتو شلونكم


حمد: بخير دامكم بخير


فطوم: الحمدلله على سلامتكم نورت الديره


حمد: بوجودج يقلبي


فطوم استحت حدددها وساره تضحك عليها علي ضيع السالفه: سارة شلونج


سارة: تمام انت شلونك


علي: بخير الحمدلله


سارة: دوم امممم فطوم انا بروح عند العطورات شوي


فطوم: اوكي بيي معاج عيل


حمد غمز حق ساره وعلي ضحك ومشى


سارة: لا خلج هني مو قاعده تدورين قميص


فطوم: اي قميص!!! هييي تعالي... راحت ساره وخلتهم بروحهم


حمد: هههههه شفيج خايفه تدرين بشنو ذكرتيني


فطوم: بشنو


حمد: لما كنت بعطيج رقمي تذكرين


فطوم: ههه اي اذكر


حمد: انزين طالعيني


فطوم: قاعده اطالعك


حمد: لا قاعده تطالعيني ولا شي هههه لي هالدرجه مستحيه ههههه تصدقين ما توقعتج جذي


فطوم واهيا معصبه: ليش اشايفني


حمد: ههههههه اي هذي فطوم الي اعرفها


فطوم: انزين فشله جذي واقفين نسولف جدام الناس


حمد: كيفينا ما صدقت اشوفج لا تفكرين اخليج تروحين


فطوم: انزييين بس مو جذي خلنمشي شوي


حمد: انزييين فديت الي منحرجين انا


فطوم: وين سارو وين راحت


حمد واهو يمشي وراها: مالج شغل بسارو انسيها


فطوم: روح زين ابيييها


حمد: ههههههه انزين لا تبجين كاهي هناك عند المكياج


راحت فطوم عند ساره وحمد لاحقها بس بعيد عنها


سارة: ههههههه شفيج ييتي


فطوم: ليش هديتينا بروحنا


سارة: يمكن الريال بقول شي شلون يعني


فطوم: لا مايبي يقول شي خلج معاي يويلج اذا بعدتي


سارة: بي بي شدعوه


فطوم: جب جب امشي يلا


سارة: ويييييين


فطوم: امشي بروح زارا بشوف شنو منزلين


سارة: والله فاضيه الريال يايلها من البحرين وهذي بتشوف الملابس


فطوم: مالج شغل امشي يلا


طلعو من المحل وحمد وراهم وعلي راح عند حمد


علي واهو يغمز: هااا شسويت


حمد: ههههه الخبله حدها مستحيه ما توقعتها جذي


علي: هههههههه يعني ما قلتلها شي


حمد: اهيا خلتني اقول شي هدتني وراحت عند سارة وانا امشي وراها


علي: هههه يحليلها فطوم


حمد: شنو يحليلها انت


علي: ههه شفيك شفيك يبا فطوم مثل اختي


حمد: عبالي بعد


علي: هههههههه




دخلو فطوم وسارة زارا وحمد وعلي وراهم فطوم سوت روحها قاعده تطالع القمصان وسارة كانت وراها راحت ساره ووقف حمد بدالها بس فطوم ما حست فيهم


فطوم: سارو حمد وينه


حمد: كاهو وراج


فطوم اخترعت: يماااا وين سارو عيل توها وراي


حمد: مادري جنها طلعت من المحل


فطوم: وين راحت الخبله


حمد: هههههه شفيج فطوم شعليج من سارة الحين


طلعت فطوم من المحل لقت سارة برا


فطوم: انتي وينج


سارة واهيا تطالع حمد: كااني شفيج طلعتي


فطوم: انتي خليتيني بروحي


سارة: هههههه امبي فطوم انتي مو صج


فطوم: جب قلتلج خلج معاي


سارة: ههه انزين انزين امشي


راحو يتمشون وحمد وراهم


حمد: هههه علاو فطوم يننتني كل ما كلمتها انحاشت


علي: هههههه زين تسوي فيك


حمد: اظاهر بنقزرها جذي


دخلو فطوم وسارة H&M ودخلو الشباب وراهم واهم يتمشون داخل فطوم كانت تدور على حمد بس ما لقته


فطوم بقلبها: هيااا شكله ضيعنا ... قامت تتمشى بثقه وتطالع الملابس لين طلع حمد بويها وسكر الصريج بيده عشان ما تروح


فطوم: وخر بروح عند سارو


حمد: ما راح اوخر شنو لي متى بلاحقج


فطوم: ...........


حمد: انزين قولي شي لا تسكتين


فطوم: امممم بلوزتك حلوه يلا وخر


حمد: لا والله شايفه مصاصه بحلجي بتقصين عليي شفيج فطوم


فطوم واهيا توخر ايد حمد بيدها: ما فيني شي بس بمشي


حمد اوهو ماسك ايد فطوم: انزين بخليج تمشين بس عقب ما تسمعيني


فطوم ارتبكت: اسمعك قول


حمد: طالعيني اول


فطوم رفعت راسها وكان طماااااااطمه: يلا قول


حمد: احــبج


فطوم شافت اللمعه بعيون حمد سحبت ايدها ووقفت واهيا ساكته


حمد: شفيج؟


فطوم بتضيع السالفه: يننتك وانت تمشي وراي صح


حمد: ههههه احلى ينون


فطوم: انزين ممكن امشي الحين لن الناس قامو يطالعونا


حمد واهو يوخر: تفضلي بس ترى محد قاعد يطالع يتهيالج


مشت فطوم راحت عند سارة وحمد كان طاير من الوناسه وظل يطالعها لين ياله علي وطقه على جتفه


علي: هاااا وين سرحاااان


حمد: اسكت عيونها مو صجيه


علي: ههههههه


.........................


سارة: هههه شفيج ويهج جذي طماطه


فطوم واهيا تحط ايدها على ويها: صج


سارة: هههههه اي صج شنو شقالج


فطوم: ولاشي


سارة: يمااا منج


فطوم كانت مستانسه ومتضايقه ودها تبجي وودها تضحك ماتدري شصارلها كانت متشوشه بس حمد كان حيل مستانس


فطوم: ساروو حمد كاسر خاطري شوفيه شلون مستانس


سارة : مدامه كاسر خاطرج لا تضيقين خلقه عيل خليه يستانس اليوم


فطوم: شتقصدين يعني


سارة: يعني لا تخلين هالتعابير على ويهج لا تحسسينه انج قاعده تشفقين عليه


فطوم: ومن قالج اني قاعده احسسه بهالشي


سارة: ويهج ونبره صوتج يقولون جذي خلج عادي اوكي


فطوم: اوكي


دز حمد مسج حق فطوم (وقفو شوي)


فطوم: سارو حمد يقول وقفو


سارة: انزين بس خل نروح الكورنر الي هناك عشان ما نصير بالطريج


فطوم: اوكي


مشو شوي ووقفو بزاويه


حمد: خل نقعد بستاربكس


فطوم: اخاف احد يشوفنا


حمد: ما نطول شوي بس


فطوم تطالع ساره ...سارة: اوكي امشو


راحو كلهم وقعدو بستاربكس


علي: شتشربون


سارة: لا مايصير احنا لازم نعزمكم انتو ضيوف عندنا


علي: لا عاد ما يصير ولا شرايك حمد


حمد لاهي يطالع فطوم: اممم هااا اي اي مايصير خلوه علينا


فطوم: خلاص اوكي


حمد: انا دقيقه وبرجع


فطوم: ويين


حمد: دقايق بس


علي: اوكي مو تطول... ما قلتولي شتشربون؟


سارة: اطلبي فرابيتشينو


علي: اوكي وانتي فطوم


فطوم: خل ايي حمد اطلب معاه


علي: اوكي انا اطلب واييكم


فطوم: تهقين وين راح


سارة: مادري يمكن بكلم اهله ولاشي


فطوم: لا ما اعتقد شكله طلع من المجمع


سارة: مادري الحين يرجع ونعرف


فطوم: على قولتج


.....................


دق حمد على فطوم: سارو هذا حمد


سارة: اي ردي شفيج


فطوم: الو


حمد: حياتي تعالي الباركنق (مصافط السيارات)


فطوم: ليييش شكو رايح هناك انت


حمد: تعالي وتعرفين


فطوم: انزين وين اي باركنق


حمد: الي برا عالشارع لما تطلعين دقي وانا اقولج ويني


فطوم واهيا تقوم من الطاولة: اوكي


سارة: وين بتروحين


فطوم: مادري حمد يقول تعاليلي الباركنق خل اشوف شعنده


سارة: اوكي


عليي ياب الطلب: وين فطوم عيل


سارة:حمد دق عليها وراحت


علي: هههه اظاهر وجودنا ازعجهم


سارة: لا شكله عنده شي قالها تعالي الباركنق


علي: اييي تذكرت كان شايل جيس معاه لما طلعنا اكيد يايبلها شي


سارة: اهاااا يحليله حمد وايد يحب فطوم


علي: اي بس اهيا الله يهداها مادري متى بتفتح عيونها وتعرف هالشي


سارة: هههههه راسها يابس فطوم


......................


نزلت فطوم وطلعت برا لقت حمد بويها وياشرلها عشان تروحله راحت عنده


حمد: ها ليلحين خايفه مني


فطوم: لا مو خايفه بس خرعتني شفيك ليش مطلعني


حمد: ولاشي بس كنت بعطيج هالهديه وما حبيت انهم يكونون معانا


فطوم واهيا تاخذ منه الجيس: ثنكسس بس ليش مكلف على روحك


حمد: لا كلافه ولاشي بس ما يصير ايي وايدي فاضيه وسامحيني عالقصور


فطوم: اي قصور حماده كافي ييتك


حمد: انزين فطوم حطي عينج بعيني وقولي الصج مستانسه بشوفتي ولا لا


فطوم انصدمت من سؤاله: اي طبعا


حمد: اكييد


فطوم: لااا مو مصدقني افاا


حمد: ههههه لا خلاص مصدقج


فطوم: انزين بنطول هني


حمد: ههههه ليلحين خايفه ماراح آكلج


فطوم: هههههه ادري بس خليناهم بروحهم


حمد: عادي شعلينا منهم


فطوم:................


حمد: أي صج نسييت


فطوم: شنووو


حمد: لحظة


فتح حمد السياره وخذا ورده وخشها ورا ظهره


فطوم: شنو ورا ظهرك


حمد: امممم خمني


فطوم: مااادري


حمد: شي حلو


فطوم: امممم اي لون


حمد: احمر


فطوم: ككاو مالتريز


حمد: لوووووووول اظاهر مشتهيته لو ادري جان ييبته معاي انتي تفكيرج كلا بالككاو


فطوم: ههههه مادري اهو الي طرا على بالي


حمد: لا شي ثاني


فطوم: مادري مادري طلعه خل اشوف


حمد: اوكي


طلع حمد الورده وعطاها فطوم


فطوم ما تدري شصارلها مسكت الورده واهي ساكته ظلو ماسكين الورده اثنينهم وفطوم منزله راسها


حمد: احبج فطوم


فطوم:............


حمد: ههههههه فدييتج


فطوم: مشكووور حمد صج احرجتتني


حمد: العفو ولو انتي تستاهلين اكثر


فطوم: وانت بعد


حمد واهو يفكر: امممم في شي بعد


فطوم: ههههههههه


حمد: فديييت هالضحكة دوم انشالله


فطوم: تسلم حماده


حمد: يسلمج حبيبتي


فطوم ابتسمت وحطت الورده بالجيس.... مو جنا تاخرنا عليهم


حمد: هههه معني ما شعبت منج بس يلا امري لله


فطوم: هههههههه


حمد: يلا امشي وانا ايي وراج


فطوم: اوكي


راحت فطوم وقعدت معاهم وحمد يا وراها


سارة تساسر فطوم: هااا شصار


فطوم: بعدين اقولج


علي: شنو اطلبلكم ما شربتو شي


فطوم: انا مابي شي


حمد: لا بتشربين اطلبلنا موكا اثنينا


علي: اوكي


رن تلفون سارة: عن اذنكم دقيقه


حمد: اذنج معاج


صارو فطوم وحمد بروحهم


حمد: شرايج بالمفاجأة


فطوم: تهبل مثلك


حمد: اوووو شهالكلام الحلو لو ادري جان ييت الكويت من زمان


فطوم: لا تحرجني عاد


حمد: هههه اوكي اوكي ما صدقت قمتي تتكلمين خلاص سولفي عادي


فطوم: مادري شقول


حمد: اي شي


عليي يابلهم طلبهم: عيل وين ساره


فطوم: راحت هناك


علي: انزين شربو


حمد: شربي فطوم


فطوم: اشرب انت اول


علي: ههههههه لا تتعازمون ماراح تشربون لي باجر يلا شربو اثنينكم




رن تلفون فطوم : الو


دانه: الو انتي طالعه وما تقولين مو انا دازتلج مسج


فطوم: مانبيكم تيون معانا شلون يعني انتي منو قالج


دانه: امي


فطوم: انزين شتبين الحين


دانه: ولاشي بس كنت بزفج شوي


فطوم: قلبي ويهج زين انتي بتزفيني انا


دانه: ليش طايحه من عينج


فطوم: اقول كملي هواشج بعدين


حمد يأشر حق فطوم (منو)


دانه: خل اشوفج اعلمج


فطوم: هههه يماااا خفت واااي لحظة لحظة دانو عندي مفاجاه


عطت فطوم التلفون حق حمد وقالتله هذي دانه


حمد: هااااااي


دانه: بسم الله منو انت


حمد: انا واحد اختج قاعده معاي بالكوفي شوب


دانه: شنووو ينت هذي منو انت


حمد: هههههههه انا حمد


دانه: حمد!! انت ييت الكويت


حمد: اي اليوم وصلت


دانه: اهاا وانا اقول ليش فطوم كشتت فيني وما قالتلي انهم بيطلعون


حمد: ههههه اي تدرين ممنوع اصطحاب الاطفال عشان ما ينحرفون


دانه: نععععم ماشي انت ما اقدر اسويلك شي بس فطوم اوريك فيها


حمد: اذا لمستي شعره منها اييلج لي البيت


دانه: ههههههه انزين حمد امي قاعده تدق قول حق فطوم اوريج باااي


حمد: هههه خبله باي ..... تقولج اوريج


فطوم: شفيها سكرته


حمد: امج قاعده تدق عليها


يت ساره: اتوقعين منو داق عليي


فطوم: منوو


سارة:مريوم


فطوم: جذااابه مريوم البحرينيه


سارة: اييي اكو غيرها


فطوم: يحليلها شلونها


سارة: تمام جنها حاسه ان اهلها عندنا دقت بنفس الوقت


فطوم: ههههه اي شفيها انقطعت عنا


سارة: تقول ان اهيا كانت مسافره بعد


فطوم: اهااا يحليلها تينن


حمد: احم احم نحن هنا


سارة: ههههههه اي والله هديناهم وقعدنا نسولف بروحنا


فطوم: انزين قومو خلنتشمى اخاف يشوفنا احد


حمد: اوكي


علي: يلا مشينا عيل


قامو يتمشون وعلي وحمد وراهم رن تلفون فطوم كان ابوها الي داق


فطوم: الو هلا يبا


بوفواز: هلا يبا وينكم


فطوم: بالافنيوز


بوفواز: متى بتردون


فطوم: تو الناس يبا بنتمشى شوي


بوفواز: انزين بس لا تطولون ساعه وتكونون بالبيت


فطوم: اوكي


بوفواز: يلا يبا ديروبالكم على روحكم مع السلامه


فطوم: مع السلامه


سارة: منو عمي


فطوم: اي يقول لا تتاخرون


سارة: امبي فطوم الساعه 8ونص ما حسينا


فطوم: صج بسرعه مره الوقت


حمد دق على فطوم : ها حبيبتي شفيكم


فطوم: ولاشي بس ابوي دق وقال لا تتاخرون


حمد: اهاا يعني بتروحون


فطوم: لا مو الحين بنتعشى بعدين نرجع


حمد: اوكي وين بتتعشون


فطوم: سارو وين نتعشى


سارة: ماكدونالز


فطوم: حماده ماكدونالز


حمد: اوكي احنا وراكم عيل


فطوم: اوكي


سكرو التلفون وراحو المطعم طلبو وقعدوا كلو لما خلصو فطوم
دزت مسج حق حمد (حماده احنا بنطلع الحين عشان ما نتاخر)
وقامو اهيا وساره راحو حمد وعلي وراهم



فطوم دقت على السايق عشان اييلهم فقعدوا يتشمون على ما يوصل


فطوم: سارو خل نقعد تعبت من الكعب


سارة: مادري عنج اكو احد يلبس كعب واهو رايح مجمع


فطوم: شسوي لزوم الكشخة تدرين


قعدو بكوفي شوب على ما يوصل السايق وقعدو حمد وعلي بطاوله ثانيه ظلو حمد وفطوم يسولفون بالتفلون لحد ما وصل السايق


فطوم: يلا سارو هذا شمس الدين دق رنه


حمد: منو شمس الدين هذا


فطوم: السايق بعد منو


حمد: اهااا حلايه اسمه


فطوم: هههههه يلا سي يو


حمد: ما ودي تروحين ما شبعت منج


فطوم واهيا مستحيه: ما نقدر نتاخر اكثر سوري


حمد: اوكي خلاص دقي عليي لما توصلين


فطوم: اوكي وثنكس واايد


حمد: العفو


سارة: مشكور علي على العزيمه


علي: هههههههه العفو اي عزيمه كلها ستاربكس


سارة: هههه يلا فطوم


فطوم: يلا باااااي


حمد: بايات


طلعو فطوم وسارة وركبو السياره....................​

 

[ღ TőOőma ღ]

فطوم وسارة بالسياره
سارة: هاااا شعليج ورده حمره وحركات
فطوم: امبي سكتي سارو حمد حده يونس
سارة: قلتلج شكثر بس ما تفهمين شفتي شكثر يحبج
فطوم: ايي شفت
سارة: انزين قوليلي شيابلج
فطوم: مادري ما شفت
سارة: من صجج انتي والله لو انا جان مبطله الجيس جدامه
فطوم: شنو مو مصدقه الحمدلله والشكر
سارة: هههههههه انزين بطلي خنشوف
فتحت فطوم الجيس كانت داخله علبه حمرا وملفوفه بشرايط شكلها وايد حلو
سارة: حركاااات
بطلت فطوم العلبه كان داخها قلب على حرفها وبلوزه بيضه على فراوله كبيره
فطوم: ههههه يحليله ذوقه حلو بعد
سارة: القلبه تهبل
فطوم: مادري شلون عرف مقاسي تصدقين امبي احرجني ابي ادق عليه
سارة واهيا مستانسه: أي أي دقي
دقت فطوم على حمد
حمد: هلا والله
فطوم: هلااا فيك
حمد: ليلحينكم بالسياره
فطوم: أي حماده ثنكيووو وايد على الهديه حدها تينن
حمد: العفو حبيبتي تستاهلين اكثر سامحيني عالقصور
فطوم: لا لا أي قصور مشكووور وايد
حمد: العفو حبيبتي اشوه عجبتج
فطوم: أي وايد سارو عجبها القلب
حمد: صج خلاص المرة اليايه اييبلها
فطوم: انزين حماده شلون عرفت مقاسي
حمد: ههههههه اخاف اقولج تضحكين عليي
فطوم: ههههه لا قول ما اضحك
حمد: انا عجبتني البلوزه خذيتها ومشيت لما شفتها تخيلتها عليج حسيتها حلوه وخذيتها ولا سالت عن مقاسها
فطوم: ههههه وطلع ضبط
حمد: زين اشوه
فطوم: اوكي حماده اكلمك وقت ثاني
حمد: اوكي
فطوم: يلا تامرني على شي
حمد: سلامتج ديريبالج على نفسج
فطوم: انشالله وانت بعد
حمد: فديييتج والله انشالله من عيوني
فطوم: تسلم عيونك باااي
حمد: باي
فطوم تطالع ساره الي كانت سرحانه: هييي الووو
ساره: ها
فطوم: ويعااا وين وصلتي
سارة: لا ولاشي
فطوم: ما تدرين عن الدنيا وتقولين ولاشي
سارة: خلاص لا تعلقين عاد
فطوم: اوكي بس ادري شلي شاغل بالج
سارة: وشنو انشالله
فطوم: عادل
سارة: .....
فطوم: هااا سكتي يعني كلامي عدل اكيد قاعده تقولين كشت فيني ولا دق
سارة: لا غلطانه مافكرت جذي كلش
فطوم: أي هييين
سارة: خلاص فطوم سكري الموضوع
ظلو ساكتين لين وصلو البيت اول ما دخلو كانت امهم ويدة فطوم وفواز وسعود وفيصل قاعدين بالصالة
فطوم: هاااي
يدتها: هلا والله ها استانستو
فواز: انتو وين رايحين بروحكم
فطوم: الافنيوز
فواز: لا والله وشلون تطلعون بروحكم
يدته: استأذنو من ابوك واهو رضى بس قالهم لا تتأخرون
فيصل: غريبه عمي رضا
فطوم: ديده مريم الله يخليها لنا توسطتلنا
سعود: اهاا عدل وانا اقول محد يقدر يلين راس عمي
فيصل: وشفيه الحلو الي يمج زعلان
فطوم: هههههه مادري
سارة: مافيني شي
ام فواز: متعشين ولا لا
فطوم: اي متعشين
يدتها: انزين يما بدلو ملابسكم وتعالو قعدو معانا
فطوم: اوكي
فيصل: سارة لحظة ابيج شوي تعالي معاي
صعدت فطوم غرفتها وراحت ساره مع فيصل طلعو الحديقه
فيصل: سارة شفيج شلي مضايقج
سارة: ولاشي بس تعبت من المشي
فيصل: ما اعتقد يعني بتعلميني فيج اختي واعرفج عدل
سارة: قلتلك مافيني شي
فيصل: اوكي خلاص اهدي الحين بعدين اكلمج
سارة: لا الحين ولا بعدين مافيني شي
مشت سارة وهدت فيصل وفطوم كانت قاعده تسمعهم من فوق
فيصل بقلبه: غريبه سارو تخش عليي
دخلت سارة وصعدت غرفه فطوم ودخل وراها فيصل




ام فواز: ها شفيها اختك


فيصل: لا مافيها شي بس تعبت من الفراره


ام فواز: ههههه وهذيج الينيه ما تتعب


دخلت سارة الغرفة وظلت ساكته مده


فطوم: يعني لازم تبينين انج متضايقه


سارة: ومن قال اني متضايقه


فطوم: تقصين على روحج انتي وبعدين ليش كلمتي فيصل جذي حرام كان خايف عليج


سارة: وانتي شكو تتسمعين


فطوم: ما كنت بسمع بالصدفة سمعت وبعدين صوتج كان عالي


سارة: انزين فطوم ولي عافيج سكتي عني


فطوم: ابي افهم ليش جذي تنرفزتي مره وحده


سارة: مو متنرفزة خلاص


فطوم: لا تجذبين قولي الصج شفيج


سارة: مليييت


فطوم: مليتي من شنو؟


سارة: مليت من الشباب وجذبهم مليت


فطوم: قصدج عادل يجذب


سارة: ايي يجذب لنه لو كان يحبني صج جان ما هان عليه يخليني زعلانه طول هالمده


فطوم: ما عليج تلقينه محترق وده يدق بس يبيج انتي تدقين لا تنسين انج سكرتيه بويها


سارة: لو يموت ما ادق انا اوريه


فطوم: ههههه خلاص عيل يلا عاد بلا ضيقه خلق ضحكي ترى مو لايق


سارة: انزييين واي فصول حياتي


فطوم: الحين صار حياتج وقبل شوي مسفله فيه


سارة: شسوي كنت معصبه


فطوم: خلاص روحي اعتذريله


سارة: لا في حركه نسويها انا وياه معناها ان طاح الحطب


فطوم: ههههههه والله انتي واخوج ميانين الحمدلله والشكر


سارة: انزين وخري خل ابدل


فطوم: شرايج ابلبسي


سارة: وانشالله بتنزلين جذي


فطوم: ليش مو حلو


سارة: مو عن بس سعود تحت بتقعدين جدامه ابجامه


فطوم: روحي زييين ومنو سعود يعني


سارة: منو سعود هااا كشخي كشخي


فطوم: قلبي ويهج انا بنزل مو تطولين


سارة: اي بتلحق عالحب


نزلت فطوم الصاله وقعدت يم امها


فيصل: وين سارو عيل


فطوم: تبدل وتنزل


قعدو يسولفون لحد ما رجع بوفواز وقعد معاهم


بوفواز: السلام عليكم متيمعين ماشالله


ام فواز: وعليكم السلام تعال تعال شوفهم ذبحوني


بوفواز: ليش شفيهم


ام فواز: الشباب يقولون ما نبي نتزوج لين يصير عمرنا 30


بوفواز: اي والله احسلهم شلهم بعوار الراس


ام فواز: لااا بغيتك عون صرت فرعون


فواز: ايوااا عاش الوالد


فطوم: اي يبا حتى انا ماني متزوجه لين يصير عمري 30


بوفواز: لا يبا تبين اطحين بجبدي ابتلش فيج سنه اليايه مزوجج انا


فطوم: اشوف الشباب غير صرت وياهم


فيصل: اي احنا رياييل غير


سارة: لا والله وليش غير انشالله


فيصل: بالله تبين تقعدين لين يصك عمرج الثلاثين منو بياخذج بتصيرين عانس واطحين بجبدي


بوفواز: هههه خلاص شفيكم يبا المهم العقل مو العمر


ام فواز: اي والله عدل كلامك الزواج مسؤوليه مو كل من يا وقال بتزوج وآخرتها مطلقين


سعود: ههههه هالموضوع لو نتكلم فيه من اليوم لي باجر ما نخلص يلا انا استأذن


فواز: وين اقعد اسهر معاي


سعود: بروح حق امي اكيد داقه عليي وتحاتيني لن تفلوني طافي


ام فواز: انزين بس قبل ما تطلع دق عليها طمنها


سعود: انشالله خالتي


قام سعود بدق على امه بس التلفون كان مافيه حراره


سعود: خالتي شفيه تلفونكم


ام فواز: هذا الواير خربان فطوم قومي سويلياه


قامت فطوم راحت عند سعود عدلت الواير


فطوم: كا سار يلا دق


سعود واهو مستانس: مشكورة


فطوم: العفو


ظل سعود ساكت ويطالعها فطوم انحرجت وويها صار احمر: ما تبي تدق؟


سعود: هههه امبله عطيني


عطته السماعه وراحت عند سارة


سارة تساسرها: شفيه ويهج قالب الوان


فطوم: ههه لا ولاشي سوالف سعود


سارة: هههههه


فيصل: سارو انا بمشي يتردين ولا بتنامين هني


سارة: لا بنام هني


فيصل: اوكي يلا خالتي تامريني على شي


ام فواز: سلامتك سلم على امك


فيصل: الله يسلمج


طلع فيصل وطلع وراه سعود بوفواز وام فواز صعدو غرفتهم وظلو سارة وفطوم وفواز


فواز: وانتو شناطرين يلا وراهم بعد


فطوم: وانت كلا مصرفنا وبس


فواز: هههه لايبا لا اصرفكم ولاشي انا الي بصرف روحي تصبحون على خير


سارة: وانت من اهله


فطوم: ها نصعد ولا نقعد


سارة: لا خلينا هني عطيني الريموت شحاطين


فطوم: هذا ابوي لازم يطالع اخبار قبل ما ينام


سارة: شخباري التلفزيون من زمان ما نتابع مسلسلات


.................................................. ........................


علي وحمد توهم رادين الفندق لما طلعو من الافنيوز راحو يتمشون عالبحر وتوهم رادين


علي: اييي يبا شعليك شايف الحب شلون ما تتشقق


حمد واهو ينسدح عالقنفه: ههههههه بس ما شبعت منها


علي طفا الليتات وخلا ليت الابجوره مبطل


حمد: هيي ليش طفيتهم


علي: بخليك بجوك الشاعري


حمد: لا يبا اخاف انام هني ومادري عن روحي بروح آخذلي شاور مو تنام


علي: شعليك مني اخاف زوجتي وانا مادري


حمد: ويييع لو انا زوجتك جان انتحرت


علي: افااا هذا وانا مضبطك ويايبك الكويت


حمد: يعني ما اقدر ايي بروحي اقدر بس انا ماخذك معاي عشان اقزرها عليك


علي: لا السالفه جذي يعني اوكي عيل انا راجع البحرين دور غيري


حمد واهو يركض وراه الغرفه: هيييي تعال اتغشمر يالخبل


علي خذا حمد وقام يطقه حمد: طقني طقني بس لا تزعل


علي: فديييتك والله لا خلاص ماني طاقك قوم قوم كسرت ريلي


حمد: هههههه


راح حمد يسبح وعلي قعد بالصاله ياكل فواكه ويطالع التلفزيون





(مصر)


عيسى: صج شريييف ضبطنا اليوم


جاسم : اي والله حدنا استانسنا


فهد: انزين يلا ذلفو غرفتكم ابي انااام


يوسف: طالع هذا يطرد بعد


فهد: خلصني قوم لا احذفك من البلكونه الحين


جاسم: حدك عاد على يويو


عيسى: بالله هذا ويها وي يويو


جاسم: هههههه هذي الحب مالته تدلعه يويو امس طحت عليهم


يوسف: جب جب مالك شغل


فهد: حركااات والله طلعت مو هين يوسفو


يوسف: خل اروح قبل لا تستلموني


طلع يوسف وظل جاسم قاعد


عيسى: وانت شناطر بعد ودك تنطرد مثله


جاسم: هههه لا يبا لا انطرد ولاشي بس عطوني شحن شحني مادري وينه


فهد: ابتلشنا فيك انت وليش يوسف اقصد يويو ما يعطيك


جاسم: شحنه موتو ابي نوكيا


عيسى: هاك يلا تفضل برا


فهد: كااااااك طرده محرررتمه


جاسم: خل اروح اراضي يويو هههاااااااااي


فهد: وانت مابي اسمع صوتك سكر الليت واخمد


عيسى: انشالله عمي


فهد: عبالي بعد ما تيون الا بالعين الحمره


عيسى: اقول بو عين حمره نام لا انومك بالمستشفى اليوم


فهد: ههههههه لا تكفه خل ارجع الديره بعدين نومني بالمستشفى


عيسى: اي هذا الي ذابحك انت


.................................................. ..


فطوم وسارة قاعدين بالصاله يطالعون تلفزيون


سارة: انا بصعد انام


فطوم: هييي وانا


سارة: مادري كيفج


صعدت سارة وظلت فطوم قاعده بروحها


فطوم: اففف شسوي ملل حتى التلفزيون مافيه شي


خذت فطوم تلفونها ودزت مسج حق حمد (حماده قاعد؟) رد عليها (لا نايم) فطوم قامت تضحك شلون نايم ويرد دزتله (نايم وتكتب مسج) رد عليها (انا علي حمد نام من زمان) فطوم (اهاا متملله قاعده بروحي مادري شسوي) علي (دقي على سارة) فطوم (سارة عندي بالبيت بس راحت نامت) علي (اها يعني نفس الحاله حتى انا حمود نايم ومخليني انزين وين بتروحون باجر) فطوم (مادري والله بس ماراح نقدر نطلع بروحنا) علي (اهاا حمد كان وايد مستانس اليوم) فطوم (صج :S ) .... :S>>> هذي يعني وي احمر ..... علي (ههههه اي صج استحت البنت كان خايف الهديه ما تعجبج) فطوم (لا تينن ذوقه حلو ) علي (زين اشوه) فطوم (اوكي عيل خل اروح انام احسن تامرني على شي) علي (سلامتج تصبحين على خير) فطوم (وانت من اهله باااي) علي (باي)


صعدت فطوم بدلت ونامت وعلي بعد قام نام .........


.................................................. .................................................. ....................................


(الساعه 1 الظهر )


دانه وحصه وناصر قاعدين يتريقون


ناصر: دانو دقي على اختج شوفيهم بيطلعون اليوم


دانه: ما اعتقد قاعده الحين


ناصر: انزين جربي


حصه: شفيك انت خل البنيه تاكل


ناصر: مالج شغل انتي دانو عفيه لما تخلصين دقي عليها


دانه: انزييين


حصه: امس كشتو فينا وطلعو اليوم ما نخليهم


ناصر: امس؟ ليش وين راحو


دانه: فطوم وسارو راحو الافنيوز


ناصر: لاااا ولايقولون


دانه: ما قالتلي انا بتقولك انت


ناصر: صج خونه


حصه: هههههه لنها تدري انك بتلزق معانا عشان جذي ما قالت قطيعه كل مكان راز ويهك


ناصر: تكلمي عدل لا بهالقفشه على راسج


حصه: ههههههه انزين اعصابك تكفه


.................................................. ....


(بالفندق)


حمد توه قاعد من النوم طلب ريوق وقاعد ياكل لما خلص راح حق علي الغرفه


حمد: علاو يلا قوووم الساعه 8 بليل


علي شال الكمبل من على ويها: صج ثمان لما طالع الغرفه استوعب: ايا الجذااب كل هالشمس تقولي ثمان اطلع برا بنام


حمد: هوو علاو قوم خلنطلع لما نرجع نام على كيفك


علي: قعدني بعد ساعه


حمد: لا يبا قووم يلااا


علي: افففف انزين انزين ما تخلي الواحد ينام


حمد: هههههه فديت الي يسمع الكلام


قام علي بدلو ملابسهم على ما طلعو صارت الساعه 2


.................................................. .........................


(بيت بوفواز)


سارة قعدت من النوم بدلت ونزلت كانت ام فواز وبوفواز وديده مريم قاعدين


ام فواز: كاهي نزلت عمرها طويل


سارة: هااا اكيد تحشون فيني


ام فواز: توني كنت اكلم امج وسألتني عنج تقول اليوم تردين


سارة: يسير خير انزين خالتي يوعانه في ريوق


اليده: ريوق هالحزة نطري لي الغدا


سارة: ما اقدر يدتي يوعانه


اليده: اكليلج خبزه صبري روحج فيها



نزل فواز باس راس يدته وقعد
فواز: سارو بتروحين المطبخ
سارة: اي
فواز: ييبيلي معاج ماي
سارة: اوكي
بوفواز: شصار على اوراق البعثه
فواز: مادري امس رحتلهم قالولي انطر دورك
بوفواز: خلاص انا باجر اروح معاك
يت سارة عطت قلاص الماي حق فواز
فواز: مشكوره شالطيبه الي نازله عليج
سارة: ههههههه العفو
ام فواز: عيل وين فطوم
سارة: نايمه
بوفواز: وهالبنت كل ما سألنا عنها نايمه
فواز: اي كانو سهرانين امس
سارة: بسم الله شدراك انت
فواز: كنت نازل المطبخ الفير وشفتكم مندمجين بالفلم شوي وتبجون ولا حسيتو فيني حتى
سارة: هههه صج اي كنا قاعدين نطالع فلم هندي عاد صج يبجي
فواز: والله انتو ميانين اكو احد يبجي عشان تمثيل
رن تلفون ساره:الو
دانه: الوو وين فطوم ليش ما ترد
سارة: الناس تسلم اول
دانه: هههه انزين شلونج شخبارج خلصيني وين فطوم
سارة: ههههه هذا سلام يعني فطوم نايمه
دانه: انزين وين بتروحون اليوم
سارة: مادري ولا مكان
دانه: اي امس طالعين مالكم خلقنا اليوم
سارة: هههههه شدراني انا لما تقوم فطوم ساليها
دانه: انزين قوليلها لما تقوم تدق عليي وسلمي عليهم كلهم
سارة: اوكي الله يسلمج
دانه: يلا باي
سارة: باي..... تسلم عليكم دانو
ام فواز: الله يسلمها... سارة روحي قعدي فطوم خل تتغدى معانا
سارة: اوكي
صعدت سارة كانت فطوم بالحمام: (زين اشوه قامت بروحها مالي خلق عنادها)
فطوم: يوووعانه
سارة: عاد توها امج قالتلي روحي قعدي فطوم خل تتغدى
فطوم: منو تحت؟
سارة: امج وابوج وفواز وديده مريم
فطوم: يلا عيل امشي
نزلو تحت كانت بيبي قاعده تجهز الغدا قعدوا كلهم على الطاوله
بوفواز: صح النوووم
فطوم : امممم يبا شنو يردون
بوفواز: ههههههههه صح بدنك
فطوم: ا ي اي صح بدنك
فواز: والله انا اشك انج اختي اخاف بنت بيبي
فطوم: لاااا يمااا شوفيه
ام فواز: شفيكم يهال انتو
سارة: اي صج دانو قالتلي لما تقوم فطوم خل تدق عليي
فطوم: اي ادري مليون مس كول منها
ام فواز: تعالي شبغت
سارة: ماكو تسال وين بتروحون اليوم
ام فواز: اليوم انا وامج وخالتج حنان معزومين تعالو معانا
فطوم: اووو يما ما احب قعدات الحريم كلها حش وبلعه
اليده: هههه اي والله صاجه
ام فواز: لا هذي العزيمه غير ام عبدالله عازمتنا عشان تخرج ولدها توه راد من امريكا
فطوم: ها سارو نروح
سارة: كيفج
فطوم: فوازو وين بتروح اليوم
فواز: بطلع مع ربعي
فطوم: عيل خنروح معاهم احسن من القعده بالبيت
ام فواز: اي والله بسكم من هالطلعات ما تملون
سارة: اكو احد يمل من الطلعه
يدتهم: شباب ويبون يستانسون
خلصو تغدو راحت فطوم دقت على دانه
دانه: الوو يالمعفنه
فطوم: المعفنه انتي
دانه: هههه والله انا ما انام 24 ساعه مثلج
فطوم: خلصيني شتبين
دانه: وين بتروحون اليوم مو تطلعون وما تقولون
فطوم: ماراح نروح مكان ام وخالاتي معزومين وبنروح معاهم
دانه: معزومين وين؟
فطوم: بيت ام عبدالله ولدها توه راد من امريكا ومسويتله عزيمه
دانه: ويييع من صجكم بتروحون
فطوم: اذا ما رحنا بنقعد بالبيت يعني بنقزرها
دانه: اهااا انزين وانا وحصو
فطوم: مادري كيفكم
دانه: انزين عيل قلبي ويهج باي
فطوم: باي
ناصر: دقيتي على اختج
دانه: اي توني كلمتها تقول بروحون عزيمه مع امي وخالاتي
ناصر: ليش خل يطلعون معانا
دانه: اي والله لحظة خل اقولها دزتلها مسج (ناصر يقول خلنطلع معاه)
فطوم: سارو دانه تقول خلنطلع مع ناصر
سارة: لا انا بروح اشوف دلال من زمان مو شافينها
فطوم: اييي صح نسيت وهذيج بنت خالتها بعد شنو اسمها
سارة: قصدج روان
فطوم: ايي حدهم فصله يونسون
دزت فطوم مسج حق دانه (روحو معاه انتو بنشوف دلال من زمان ما شفناها)
دانه: نصور تقول طلعو معاه انتو لنهم بشوفون بنت ام عبدالله من زمان مو شافينها
ناصر:انزين خلاص كيفها
.................................................. ..........




ثنكيوووو حبايبي على الردود الحلوه فديتكم والله

رن تلفون فطوم
فطوم: الو
حمد: هلا حبيبتي شلونج
فطوم: تمام انت شلونك شمسوي بالكويت؟
حمد: ههههه تمام والله ماراح اشوفج اليوم
فطوم: اممم لا
حمد: ليييش؟
فطوم: بروح مع امي معزومين
حمد: حسافه كان ودي اشوفج
فطوم: ما مليت من ويهي
حمد: هههههه
فطوم: ههههه شفيك
حمد: مادري عنج
فطوم: اي والله صج امس طول اليوم جدامك
حمد: اي بس ما شبعت منج
فطوم ما تدري شتقول: ...........
حمد: الو شفيج
فطوم: لا ولاشي انت وين
حمد: احنا بشرق قاعدين نتمشى يلا بوقي اي سيارة وتعالي
فطوم: ههههههه ابوق سياره اروح الفرع إي مو اروح شرق
حمد: خلاص اييج الفرع
فطوم: ههههه حمد شفيك خلاص يسير خير انت متى بترد
حمد: مادري ما ورانا شي قاعدين
فطوم: خلاص عيل بتشوفني
حمد: اوكي ادري وايد احن
فطوم: ههههه اي وايد
حمد: لااا ما تجامل
فطوم: ههههه اتغشمر
حمد: انزين يلا انا اخليج علاو ذبحني صاير زوجتي
فطوم: هههه عاد لايقين على بعض
حمد: هههههههه لا يسمعج ما يصدق
فطوم: ههههه اوكي عيل تيك كير
حمد: اوكي وانتي بعد باي
فطوم: باي
سارة: عادل دازلي مسج
فطوم: صجججج شنو !!
سارة: هاج شوفي
خذت فطوم التلفون وقرت المسج (رغم بعدك عن عيوني كل شي فيك أحبه لا تظن المسافه ترخص للي أحبه...... مابي اقول شي اكثر من هالكلام)
فطوم: رديتي عليه
سارة: لا ماني راده عباله بقص عليي بمسج انا ادري اهو دز المسج عشان بعدين يقعد يقولي انا سألت عنج وما كشت ومن هالكلام بس انا مليت وشبعت من هالكلام خلاص
فطوم: انزين عاتبيه قوليله هالكلام
سارة: ماكو فايده كل مره نفس القصه انا تعبت ومو مستعده انزل نفسي
فطوم: ما قلتلج نزلي نفسج بس لا تخلين السالفه معلقه جذي
سارة: انا مالي خلق هواش الحين يسير خير لما ارجع البيت
فطوم: متى بتردين؟
سارة: اليوم
فطوم: لييش قعدي عندي
سارة: شفيج نسيتي الخيران يوم الخميس ولازم اروح ازهب اغراضي
فطوم: اي صح وناسه
.................................................. ...
(مصر)
الشباب بالنيل
جاسم: شباب ما اشتقتو حق الكويت
فهد: اكيييد
عيسى: اي مو لله
فهد يرفع حاجبه: شقصدك؟
عيسى: لا ولاشي
يوسف: ولاشي هااا لا قول اشقصدك خل نضحك
فهد: عاد انت آخر واحد تتكلم عقب يويو طحت من عيني
جاسم: ههههههههههههه
يوسف: تضحك هاا كلا منك انت
جاسم: اي ما قدرت عليه بتحط حرتك فيني
يوسف: عاد انتو مو صج اذا علقتو على شي
عيسى: هههههه شباب شفيكم عالولد فديت يويو والله
يوسف: اففف متى افتك من ويهكم
فهد: ههههههه خلاص هانت عقب باجر احنا بالكويت واشوف منو بيطلع معاك
يوسف: كلش عاد ميت عليكم
جاسم: هههههه مردك لنا
عيسى: اي والله مردك لنا ما تلقى ربع زقرت جذي مثلنا
يوسف بصوت خفيف: اممممم بهذي صدقتو بس اذا مسكتو شي علي اروح فيها
فهد: ههههه شتقول ما نسمع
يوسف: لا ولا شي بس اقول فدييتكم يا احلى شباب
عيسى: تفداك الدنيا كلها يا يويو
جاسم وفهد: ههههههههههههه
يوسف: ولييييه رديييينا هههههههههههه
.................................................. .........................................
مر الوقت وصار المغرب سارة وفطوم قاعدين يلبسون
سارة: فطوم شلون شعري حلوو
فطوم: اي حلو بس خل اعطيج تاج ثاني ينن مع لبسج
سارة: اوكي
فطوم: هاج .. انزين وانا؟
سارة: فديتج والله قمر قمر
فطوم: ههههه ثنكيووو
سارة: عشتو يعني تستحي ههههههه
رن تلفون فطوم: هذي دانو
فطوم: الوو
دانه: هاااي
فطوم: هايات ويييه مستانسه وين انتو
دانه: بالشعب
فطوم: ويييع شموديكم هناك
دانه: أي ويع انتي حددده وناسه لا تشوفين نصور حده فاصل قام يركض من لعبه لي لعبه فشلنا
فطوم: ههههههه اشوه ما يينا معاكم
دانه: انزين المهم انا داقه بقولج شي بس لا تقولين حق سارو
فطوم: اممم شنو قولي
دانه: توني شفت منو تتوقعين
فطوم: منوو؟
دانه: عزوز الي كانت تكلمه سارو
فطوم: صج! في احد معاه
دانه: اي معاه بنيه شقره ههههههه
فطوم: هههههههه كفوه
دانه: انا لما شفته قلت زين الي ما ييتو جان سارو ذابحته الحين
فطوم: هههههههههه اي من صجج
دانه: انزين يلا قلبي ويهج ولا تقولين حق سارو
فطوم: اي اكيد يلا باي
فطوم: باي
سارة: هااا شبغت
فطوم: شايفه رفيجتي بالشعب وداقه تقولي
سارة: الله وناسه من زمان مو رابحه
فطوم: ويييع كلها عقد ما احبها
سارة: اكو مكان ما فيه عقد الحين
فطوم: انزين لا تقرقين وايد خلصتي خلننزل
سارة: أي خلصت امشي



نزلو فطوم وسارة كان سعود توه داش البيت ياي حق يدته
سعود: اووو شهالكشخة وين بتروحون بيي معاكم
فطوم: معزومين
سعود: عشتووو وين
فطوم: بيت ام عبدالله
سعود: اي كلش عرفتها انزين بتروحون بروحكم
فطوم: لا مع امي وخالاتي شنو تحقيق
سعود: ههههه لا بس اسأل انزين ديده قاعده
فطوم: مادري والله من عقب الغدا ما شفتها
سعود: سارة شلونج؟
سارة: بييي تو الناس توك تشوفني
سعود واهو يحك راسه: ههههههههه
سارة: تمام انت شلونك
سعود: بخير الحمدلله يلا عن اذنكم
سارة: اذنك معاك
فطوم: هههههه شفيج احرجتي الولد
سارة: هههههههه مادري بعدين استوعبت
نزلت ام فواز: اشووووف منو هالبنات الحلوين
فطوم: هههه هذا احنا انا وسارو
ام فواز: يحلوكم والله من باجر الخطاب طوابير على بابنا
سارة: ههههههه شدعوه خالتي
ام فواز: بس جذي اقص عليكم بونسكم يلا امشو لا نتأخر
فطوم: افااا مشكورة خلاص روحي احنا بنقعد عشان ما نفشلكم
ام فواز: ههههه لا يبا تهبلون بس امشو
سارة: ما عليج منها خالتي تتدلع ما تبي تيي خلتقعد كيفها
فطوم: لاااااا هييين
سارة: هههههههههههه
ركبو السياره وقعدو يسولفون لحد ما وصلو بيت ام عبدالله لما وصلو ونزلو من السياره
فطوم: سارو شكلي عدل؟
سارة: اي اي وانا؟
فطوم: اي عدل انزين شعري زين
سارة: ي زين وبفي زين
ام فواز: خلصووونا كلشي زين بس لا توقفون بالحر عشان الميكب ما يسيح
فطوم: لا لا امشو
دخلو البيت كانت الحفله بصاله الاستقبال بيت ام عبدالله كبير وواسع
ام فواز: قوووة ام عبدالله
ام عبدالله: هلا والله هلا وغلا شلونج
ام فواز: تمام حبيبتي انتي شلونج
ام عبدالله: بخير دامج بخير عاش من شافج
ام فواز: عاشت ايامج تسلمين
ام عبدالله: عيل وين خواتج لا تقوليلي مو يايين
ام فواز: امبله بيون تلقينهم بالطريج
ام عبدالله: هذي فطومه
فطوم: اي خالتي شلونج
ام عبدالله: تمااام اشهالحلات
فطوم: هههه تسلمين خالتي عيونج الحلوه
ام عبدالله: الله يسلمج حبيبتي وانتي سارونة عدل
سارة: اي خالتي
ام عبدالله: يحلوكم والله تهبلون
سارة: مشكورة خالتي
ام عبدالله: بتظلون واقفين هني تعالو تفضلو
ام فواز: دام فضلج حبيبتي
ام عبدالله: زين الي شفناكم قاطعين
ام فواز: شنسوي لهينا مع المدارس وامتحانات العيال واول ما خلصو سافرنا
ام عبدالله: اكيد مصر
ام فواز: هههه اي
ام عبدالله: وشلون كانت السفره عسى استانستو
ام فواز: اي والله الحمدلله
ام عبدالله: دلااال دلااال يما
دلال: هلا يما
ام عبدالله: تعالي سلمي على خالتج
دلال: هلااا والله
ام فواز: هلا فيج حبيبتي شلونج
دلال: تمام الحمدلله هاااااي شلونكم
فطوم: هلا تمام انتي شلونج
دلال: بخير الحمدلله سارو شلونج
سارة: تمام حياتي عاش من شافج
دلال: عاشت ايامج
ام فواز: مبروك التخرج شالنسبه الحلوه
دلال: الله يبارك فيج خالتي
ام عبدالله: سويت حق دلول بعد عزيمه بس لما سألت عنكم قالو مسافرين
ام فواز: تستاهل دلال
فطوم: دلول قعدي شفيج واقفه
دلال: ناطره روانو ما يت
سارة: أي صج شخبارها شمسويه
دلال: هههه مقزرة العطله نوم لوعت جبدي كل ما دقيت عليها نايمه
فطوم: هههه والله اشتقنالكم قلنا نيي نشوفكم ما بغينا نيي عاد
دلال: لا زين الي ييتو من زمان ما شفناكم كاشخين امبيي تهبلون
سارة: حبيبتي من ذوقج وانتي بعد طالعه قمر
دلال: صج ثنكيو
فطوم: أي افتكيتي من المدرسه وحنة الابلات هاا
دلال: هههههه أي بعد تدرين كبرنا ههههه
فطوم: هههههههه وين قدمتي
دلال: قدمت على الطب
سارة: واااااو يعني بتصيرين دكتورة دلال وناسه
دلال: هههه الفال لكم انشالله
فطوم: هههه انا حدي علوم اداريه هذا اذا قبلوني بعد



دلال: هههههه شوي وارجع دقيقه اوكي
سارة: اوكي يحليلها دلال حبوبه
فطوم: اي والله يحليلها
دلال: كاهي روان يم الباب تعالو معاي بسويلها سبرايز اوكي
سارة: اوكي
قامو فطوم وسارة مع دلال راحو عند الباب خلتهم دلال يوقفون ورا الباب وفتحته اهيا
دلال: زييين شبعتي نوم وييتي
روان: سكتي غصب ييت بغيت اكشت
دلال: لو كاشته جان طايفج نص عمرج
روان: ليش؟
دلال: غمضي عينج وتعرفين
روان: روحي زين شنو فلم عربي
دلال: هووو يلا غمضي
روان: انزين غمضت
يو فطوم وسارة ووقفو قبال الباب
دلال: يلا بطلي
روان: اوووو هاااااااااااااااااي
سارة وفطوم: هااايااات
روان: امبييي miss u يالخايسين
سارة: واحنا اكثر حبيبتي
روان: ونااااااسه واخيرا شفناكم
فطوم: ههههه كلكم تقولون نفس الكلام
دلال: يلا تعالو داخل
دلخو البنات سلمت روان على الموجودين وعقبها يو ام ناصر وام سارة خالات فطوم دخلو وسلمو وقعدو
روان: شلون السفره
فطوم: ونااااسه
روان: نااايس.. دلول شنو ماكو دي جي
دلال: مادري بدور قال بييب اهو الدي جي
روان: يلا وين دقي عليه
دلال: اوكي
دقت دلال على اخوها بدر الي كان يشتغل بدي جي
روان: ها شقال
دلال: يقول شوي وياي
(دلال بنت ام عبدالله توها متخرجه من الثنويه وروان بنت خالاتها عمرها 17 كبر فطوم)
فطوم: بنروح الخيران الخميس تعالو
دلال: صج وناسه
روان: مع منو بتروحون
سارة: كلنا مع خالاتي ويده فطوم ومرت عمها
دلال: خل اقول حق باباتي نييكم حسافه اكيد ماكو حجوزات جان حجزنا معاكم
فطوم: اي حسافه
سارة: عادي تعالولنا يوم من الصبح لي بليل
روان: اي اي وناسه
دلال: شخبار اخوج فواز
فطوم: تمام
دلال: وين يدرس الحين
فطوم: كان بكليه علوم اجتماعيه درس سنة بس ما عجبه الوضع وطلع
دلال: ويي وين راح ليكون قاعد بالبيت
فطوم: لا قدم على بعثه حق مصر وناطر
دلال: اهاا شنو بيدرس هناك
فطوم: مادري والله
سارة: دلول طلعتي ليسن ولا ليلحين
دلال: نوو بعد ما كملت 18 شهر 11 اكمل
روان: يعني اول كورس جامعه بقطها السايق
فطوم: اهااا حسافه جان قزيتي بالعطله
دلال: اي افف
سارة: شنو بتاخذين سياره انشالله
دلال: مادري والله ليلحين ما قررت بس ودي بجيب انفينيتي
فطوم: عاد انا ما احبه
روان: ولا انا وايد جيبات احلى منه
دلال: ههههه يبا خلاص ماني شاريته اخاف ما تركبون معاي بعدين
سارة: ما عليج منهم انا اركب معاج يحلو الانفينيتي شعرفهم هذيل
دلال: هههههه تعالو خل اعرفكم على رفيجاتي
قامو البنات سلمو على رفيجات دلال وعرفتهم عليهم وقعدو يسولفون
وصل فطوم مسج من حمد (فطومتي وينج؟) ردت عليه (انا بالعزيمه) حمد (اها وشلونها وناسه ولا لا؟) فطوم
(اي حده وناسه وايد بنات ) حمد (زين اشوه تيك كير حبيبتي) فطوم (اوكي يو تو)
وصل بدر وجهز الديجي ودق على دلال وراحتله
دلال: بنات الدي جي وصل دقيقه وارد
راحت دلال عند اخوها قالتله الاغاني الي تبيهم وشغل الدي جي
روان: وناااسه يلا منو تقوم ترقص فطوم قومي
فطوم: لا استحي الحريم كلهم يطالعونا
روان: عادي قومي معاي مو بروحج
دلال: يلا يلا كلكم قومو
سارة: هههههه عاد هذي ما تهدنا لين تقومنا
دلال: ههه اي يلا يلا
قامو البنات يرقصون والحريم يطالعونهم وكل وحده منهم عاجبتها وحده من البنات
ام عبدالله: يحلو البنات بس ناقصهم معاريسهم
ام يوسف: اي والله شحلاتهم ماشالله عليها دلال كل ما اشوفها زايده حلات
ام عبدالله: حبيبتي والله تسلمين وين بنتج ليش ما ييبتيها
ام يوسف: طالعه مع اخوها ودانه بنت ام فواز ما يحبون العزايم
ام عبدالله: ما يدرون ان في دي جي وحركات ولا جان يو
ام يوسف: اي والله
ام فواز: اقول ام عبدالله عبدالله وتخرج مو ناقصه الا تزوجينه وتفرحين بعياله
ام عبدالله: انشالله يتزوج الله يسمع منج شكثر اقوله ما يبي الحين
ام سارة: اي توه مخلص دراسه يبي يستانس شوي
ام عبدالله: عن اذنكم شوي
ام سارة: اذنج معاج
قامت ام عبدالله راحت تجيك على البوفيه ويت
ام عبدالله: حياكم تفضلو عالبوفيه
دلال: يلا امشو ناكل
روان: انا صج يوعانه عقب هالرقص
فطوم: ههههه صايره فنانه متدربه عدل
روان: العطله وما تسوي
فطوم: ههههههه
دلال: يلا بسكم سوالف يلا بنات اماني نادي البنات يلا امشو
راحو كلهم البوفيه وتعشو وقعدو يسولفون عالعشى




لما خلص العشا وزعو الجاي والقهوه والحلو وظلو يسولفون لي الساعه 11 وبدت الناس تطلع
ام فواز: يلا نمشي
ام عبدالله: ويين ما شبعنا منكم لا قعدو تو الناس
ام فواز: اخاف نثقل عليكم الناس كلها مشت
ام عبدالله: لا شدعوه لا تثقلون ولا شي وبعدين عطله ما ورانا شي قاعدين
ام فواز: خلاص بنقعد شوي عشانج بس
ام سارة: وين ولدج عبدالله بنشوفه
ام عبدالله: خل ادق عليه اشوفه........الو
عبدالله: الو هلا يما
ام عبدالله: هلا فيك وينك؟
عبدالله: بره بالدوانيه مع الشباب
ام عبدالله: انزين يما تعال شويه داخل
عبدالله: فشله اخاف اضايقهم
ام عبدالله: لا عادي اهم بشوفونك
عبدالله: منو اهم؟
ام عبدالله: ام سارة وخواتها
عبدالله: صج خالتي ام سارة عندنا يلا كاني ياي
ام عبدالله: اوكي ....... كاهو الحين ايي
لبسو الحريم حجاباتهم ودخل عبدالله
ام سارة: كلوووولووش مبروك يما مبروك
عبدالله انحرج: الله يبارك فيج خالتي شلونج شمسويه
ام سارة: تمام الحمدلله انت شلونك وشلون الدراسه هناك
عبدالله: الحمدلله تمام الدراسه كانت سهله الحمدلله
ام سارة: زين اشوه
ام فواز: ما حطيت عينك على وحده من الشقر الي معاك
عبدالله: هههه امبله متزوج وحده بس مخليها هناك وعندي ولد بعد
ام عبدالله: اي عشان ادفنك معاها
عبدالله: هههههه
روان: عبدالله شلونك؟
عبدالله: هلا روان تمام انتي شلونج
روان: بخير الحمدلله
دلال باذن روان: لا ما اقدر على هالصوت وهالذرابه
روان: جب جب
فطوم: هااا اخاف حاطه عينج عليه
سارة: قولي قولي لا تستحين
روان: جان زين اقد احط عيني عليه اكبر مني بوايد ما ينفع
فطوم: هههه لا عادي مو مهم العمر
دلال: اخاف صج بيعطيها وي عاد
روان: ليش اشناقصني
سارة: هههههه مو ناقصج شي بس هبله
روان: لا جدامه غير
دلال: اي ما شفتوها توه شلون صارت رقيقه عشتو مو لايق
روان: جب محتره
ام سارة: اقعد ليش واقف
قعد عبدالله عند اخته دلال وكانو البنات يمها
عبدالله: شلونكم بنات
فطوم: تمام انت شلونك
عبدالله: تمام
دلال: عرفتهم ولا لا
عبدالله: لا والله
دلال: هذي سارة وهذي فطوم
عبدالله: صج سامحوني ما عرفتكم متغيرين وصايرين كبار
دلال: اي بعد صرنا حريم خلاص
عبدالله: وين تدرسون الحين
فطوم: انا بروح رابعه ثنوي
سارة: وانا بروح ثالثه اصغر وحده بينهم
عبدالله: ههههه موفقين وانتي روان اي صف؟
روان واهيا مرتبكه: بروح رابعه ثنوي
عبدالله: اها حلو موفقين عاد هالله هالله بالنسب الحلوه ابيكم تطلعون عليي ههههه
دلال: وييه اشوفك صرت مغرور
عبدالله: ليش ما يحقلي
روان: امبله اكيد
عبدالله: ههههه على راسي بنت الخاله
ام سارة: يلا عيل نستأذنكم
ام عبدالله: هو شفيكم مستعيلين قعدو
ام سارة: والله تعبانه اليوم قاعده من الصبح
ام عبدالله: سلامتج حبيبتي بس عاد لا تقاطعون
ام فواز: لا انشالله اليايات اكثر
ام عبدالله: انشالله
دلال: يما بروحون الخيران الخميس خنروحلهم
ام فواز: اي صج تعالو ونسونا
ام عبدالله: خلاص اشوف بوعبدالله وادق عليكم
ام فواز: اوكي
ام ناصر: مشكورة ما قصرتي والله انشالله تشوفينه معرس
ام عبدالله: آمين الله يسمع منج
ام فواز: يلا بنات
قامو البنات سلمو كلهم على بعض وطلعو
سارة: يما بروح مع فطوم مابي ارجع البيت
ام سارة: بتشوفينها بالخيران ما تشبعون من بعض
سارة: يما عفيه باجر العصر ارد
ام سارة: لا سارو تعالي قعدي معاي كلا قاعده بروحي بالبيت جني ينيه
سارة: فصول بالبيت
ام سارة: فصول ما يرد الا متأخر
سارة: هوو يما
فطوم: خلاص سارو روحي مع امج حرام بروحها
سارة: اففف انزين
ام سارة: الحين انا ساعه اقولج ما تسمعين كلامي وهيا من قاتللج علطول رضيتي
فطوم: هههه طبعا طبعا
ام فواز: انزين يا ام طبعا خلصيني ابوج ناطرني
فطوم: انزين ذبحنا العاشق الولهان باااااي سارو
سارة: حيااتي باي
راحت ام فواز مع بنتها وام سارة راحو مع ام ناصر
وصلت فطوم البيت كان ابوها بروحه بالصاله
ام فواز: السلام عليكم
بوفواز: وعليكم السلام زين الي ييتو قاعد بروحي مليت
فطوم: افاا ابوي مال وانا موجود غريبه مو شابك
بوفواز: مالي خلقه هالابتوب صاير وايد يعلق
فطوم: اي خرف مسكين طلعت روحه
ام فواز: ههههه اي والله اشترلك واحد يديد
بوفواز: اي انشالله
فطوم: بروح ابدل
ام فواز:وانا بعد
بوفواز: عاد نزلو مو تقعدون فوق



صعدت فطوم الغرفه اول ما دخلت قطت روحها عالسرير (افففف تعبت من الكعب آآي ريلي) خذت تلفونها جيكت ما لقت شي قامت بدلت ومسحت الميكب وربطت شعرها يت تبي تنزل ولا يدق حمد
فطوم: (هههه جنه يدري)..... الو
حمد: هلا حياتي وينج بالبيت
فطوم: اي توني راده
حمد: بدلتي ولا ليلحين
فطوم: لا بدلت
حمد: وشلون كانت العزيمه
فطوم: حدها وناسه بيونا الخيران
حمد: اي صج متى بتروحون الخيران؟
فطوم: الخميس
حمد: يعني عقب باجر
فطوم: اي
حمد: زين عيل اشوفج
فطوم: امممم اي بس من بعيد لن كلهم بيون
حمد: عادي المهم اشوفج
فطوم: ههه انزين قولي وين رحتو اليوم
حمد: ماكو مو قتللج كنا بشرق افترينا افترينا لين ملينا جعنا الفندق صلينا وريحنا شوي ورحنا الترفيهيه
فطوم: زييين استانستو عاد
حمد: ايي وناسه عاد تذكرتج لماكنتي تقوليلي بروح الترفيهيه
فطوم: ههههه اي كان هاليوم وناسه
حمد: علاو ذبحني ماكو لعبه الا وركبها حتى الحصن مالت اليهال ركبها
فطوم: ههههه يحليله فاصل
حمد: اي حده
فطوم: اوكي حمد انا بسكره الحين لني بنزل تحت
حمد: ليش منو عندكم
فطوم: محد بس ابوي قالي بدلي ونزلي قاعد بروحه زهقان
حمد: اهاا اوكي عيل تصبحين على خير
فطوم: وانت من اهله سلملي على علي
حمد: الله يسلمج باي
فطوم: باي
........................................
سارة كانت واصله البيت وقاعدة بالصاله مع امها يطالعون تلفزيون
ام سارة: شفتي عبدالله ماشالله عليه جمال وشهاده الف من تتمناه
سارة: اي شفته
ام سارة: وشقيج جذي نفسيه
سارة: اولا لنج ما خليتيني اروح مع فطوم وثانيا لن قصدج شي من ورا هالكلام
ام سارة: افاا يعني ما تبين تقعدين مع امج
سارة: ما قلت جذي بس انا ما اشوف فطوم الا بالعطل كلا بالبحرين وما تخليني اقعد عندها
ام سارة: انا ما قلتلج لا تقعدين بس لنج عقب باجر بتشوفينها
سارة: انزين خلاص طاف بس اشقصدج من الي قلتيه
ام سارة: عن عبدالله
سارة: اي
ام سارة: لا مو قصدي شي بس اتمنى يكون نسيبي مثله
سارة: ههههههه اشكره تبين تزوجينياه
ام سارة: جان زين ليش لا
سارة: ومن قالج اني راضيه وابيه
ام سارة: ويييه يحصلج
سارة: اخاف صج يعني الولد بيرضى
ام سارة: اي عادي خليني اقص على روحي شوي
سارة: هههههه يماا يوعانه
ام سارة: انا مادري كل هالأكل الي تاكلينه وين يروح ما اشوفج تمتنين
سارة: تدرين اني اسأل نفسي كل يوم نفس السؤال
ام سارة: ههههههه لااا وما لقيتي جواب
سارة: للأسف لا
ام سارة: ههههههه انزين شنو بتاكلين
سارة: مادري اي شي
ام سارة: امشي المطبخ عيل
سارة: ايوااا عاشت ام فيصل
ام سارة: كل هذا حق بطنج
.................................................. ...........
(مصر)
عيسى وفهد بغرفتهم وجاسم قاعد عالبحر ويوسف بغرفته
عيسى: فهود متى بدق على سارة
فهد: اول ما اوصل الكويت
عيسى: تدري اني حدي متشوق ابي اشوف شنو بتقول شنو بصير
فهد: انا خايف لا تطلع تحب والله راح اموت
عيسى: مينووون انت شدعوه تموت اخاف روميو بس
فهد: انت لو تجرب الحب تعرف
عيسى: يالعاشق انت لا ابي الحب ولا بجربه
فهد: كنت اقول مثلك بس مردك بتشوف وحده تخليك غصب تحب
عيسى: لا ما اعتقد انا غير عنك
فهد: نشووف واذكرك
.................................................. ....................
بوفواز: تعالو صج وين سارة مايت معاكم
فطوم: لا ردت بيتهم
بوفواز: ليش ليكون مزعلتها؟
فطوم: هههه لا لا بس خالتي تقول بروحها بالبيت
بوفواز: اي ودانه متى بترجع
فطوم: مادري عنها
ام فواز: باجر ادزلها السايق خترد الخميس كلنا بالخيران بتملون من ويوه بعض
بوفواز: ايي شعليكم ضبطتكم بعد شتبون
فطوم: عاااد صج ضبطتنا ومضبط العايله كلها بعد
بوفواز: افا عليج ابوج يعجبج
ام فواز: قلنا حق ام عبدالله ايونا الخيران
بوفواز: بزورونا قصدج
ام فواز: اي لن ماكو حجوزات الحين
بوفواز: يالله انا بروح انام تصبحون على خير
ام فواز: وانا معاك
فطوم: واناا اقعد بروحي فوازو وينه
ام فواز: تلقينه مع سعود ولا فيصل
فطوم: انزين انا شسوي
بوفواز: قومي نامي
فطوم: مافيني نومه
ام فواز: قعدي بفراشج بدوخين وتنامين
صعدوا بوفواز وام فواز
فطوم: ويييع ملل
دقت فطوم على فواز وقالها انه عند سعود وبنام عنده ودقت على دانه جهازها مسكر كانو تعبانين اول ما رجعو نامو قامت يابتلها بيبسي وبطاط وقعدت تطالع تلفزيون مرت ساعه واهيا على الحاله
................................
ام سارة: سارو انا بقوم انام
سارة: ما خلص الفلم
ام سارة: ما اقدر اقعد عيني قامت تتسكر بروحها اذا يا فيصل قوليله خل يجيك على موقع الجامعه يمكن بدا تسجيلهم
سارة: اوكي
ام سارة: يلا تصبحين على خير
سارة: وانتي من اهله
قعدت ساره تطالع الفلم لما خلص وصل فيصل
فيصل: اووو رديتي
سارة: اي رديت وين كنت لي هالحزة
فيصل: كنت عند سعود
سارة: وفواز معاك
فيصل: اي فواز بنام عنده
سارة: اهاا اكيد فطوم بروحها عيل اي صج قبل لا انسى امي تقول جيك على موقع الجامعه يمكن بدا التسجيل
فيصل: اووووف عاد كنت ناسي تصدقين فديتها والله الوالده
سارة: اي والله شايله كل شي على راسها
فيصل: اصلن بدونها نضيع يلا تصبحين على خير
سارة: وييين اقعد معاي
فيصل: انا لو بقعد جان قعدت معاهم رديت البيت عشان انام
سارة: عيل خل اروح انام انا بعد
فيصل: اي احسلج
نامو كلهم وفطوم قامت تقلب بالقنوات ما قلت شي يعجبها طفت التلفزيون وصعدت غرفتها ونامت.......​

 

[ღ TőOőma ღ]

(اليوم الأخير حق الشباب بمصر)
جاسم: لمو اغراضكم عشان لما نخلص نطلع
عيسى: اوكي فهود امش غرفتنا
يوسف: جسوم وين جنطتي مو موجودة بالكبت
جاسم: شوفها بكبتي
يوسف: اي كاهي انزين ترى ما اعرف احط الملابس
جاسم: عيل شلون حطيتهم لما ييت
يوسف: الله يخلي الوالده اهيا رتبتهم
جاسم: اففف ابتلشت فيك انزين يمع اغراضك وحطهم عالسرير وانا بحطلك اياهم
يوسف: يا بعد جبدي اوكي
جاسم: لا تستانس بتيمع اغراضي بعد
يوسف: ههههه لازم مقابل يعني
.........
عيسى: فهود شوف شنو بادراجي
فهد: روح انت ما تشوف الدثرة الي عندي
عيسى: اففف املق شي بالسفره شيله الجناط
فهد: انا بالنسبه لي عادي
عيسى: انت كل شي صاير عندك عادي وحلو بس الي هامك ترجع
فهد: اي حده
عيسى: زين اول مرة تعترف
فهد: هههههه ما يحتاي اعترف انت فاهمني عدل
.................................................. ...........
(الساعه 2ونص الظهر بيت بوفواز)
قاعدين يتغدون بوفواز وام فواز وديدة مريم وفطوم ليلحينها نايمه
ام فواز: خالتي انا بروح اشتري جم شغله بعد شوي تبين شي حق الخيران اييبه معاي
اليده: لا يما تسلمين مو محتاجه شي
بوفواز: الحمدلله سفره دايمه
اليده: بالعافيه
بوفواز: الله يعافيج انا بصعد اريح وبعدين بطلع تامريني على شي يمه
اليده: سلامتك يوليدي ابيك سالم
بوفواز: يلا عن اذنكم
.................................................. ...........

(بيت ام سارة)
سارة نايمه وتلفونها يرن خذت التفلون لقت عادل قاعد يدق عليها جان تحطه سايلنت وتنام
صارت الساعه اربع قامت فطوم من النوم غسلت وبدلت لما نزلت ما لقت احد بالبيت
فطوم: بيبيي... بيبييي
بيبي: سنو يبي ليس يسرخين
فطوم: وشفيج جذي منفسه قطيعه وينهم شنو ماكو احد
بيبي: مافي كلو روح
فطوم: وين راحو؟
بيبي: انا ما يدري
فطوم: انزين وديده مريم مو هني
بيبي: ماما مريم روح بيت ام أهمد
فطوم: ودانو مايت
بيبي: نو مافي يجي
فطوم: انزين روحي سويلي شي آكله يوعانه
بيبي: جين
راحت فطوم دقت على سارة بس ما كانت ترد
فطوم: وينها هذي ما تدري عن تلفونها خل ادق على بيتهم
فيصل: الو
فطوم: الو قوة فصول
فيصل: هلا فطوم تبين سارو
فطوم: اي وينها ما ترد على موبايلها
فيصل: نايمه ما قعدت ليلحين
فطوم: اوكي خلاص عيل باي
فيصل: باي
سكر فيصل التلفون وصعد فوق طق الباب على سارة
فيصل: سارووو قومي لحقي لا يطوفج
سارة انصدمت جان تقوم علطول وتفتح الباب: شنو شصاير
فيصل: ههههههههه ولاشي بس ابيج تقومين
سارة: يحمار وقفت قلبي
فيصل: ههههه احسن عشان تقومين
سارة: اففف قطيعه الواحد ما يرتاح بهالبيت
فيصل: انزين ترى فطوم دقت تقول ما تردين على موبايلج
سارة: انزين اقلب ويهك (ٍسكرت الباب)
فيصل: انا اقلب ويهي وتصكينه بوهي بعد ماشي يسارو
دخلت سارة الحمام ولما طلعت خذت تلفونها ودقت على فطوم
سارة: هاااااي
فطوم: هايات يالخايسه
سارة: انا خايسه المهم تدرين منو دق اليوم
فطوم: منوو؟
سارة: عادل
فطوم: انزين وشصار
سارة: ماكو ما رديت عليه حطيت تلفوني سايلنت وكملت نومتي
فطوم: حرام عليج انزين ما دق مره ثانيه
سارة: امبله ثلث مرات
فطوم: ولي مته بتظل السالفه معلقه
سارة: احسن انا ابيها تطول عشان يبطل من حركاته المليقه
فطوم: تبيني انا اكلمه
سارة: لا لا مابي ادخلج بينا خلج بعيده
فطوم: انزين بس لا تظلين جذي مسكبه فيه
سارة: انزين ما علينه متى قعدتي انتي
فطوم: قبل شوي
سارة: افف يوعانه كليتي شي
فطوم: ناطره بيبي تسويلي شي
سارة: بتروحين مكان اليوم
فطوم: ما اعتقد اليوم بريك ورانا الخيران
سارة: اي يلاا متى يصير باجر
فطوم: ههههه مابقى الا جم ساعه
سارة: ساعه جم بنروح
فطوم: مثل كل مره نقوم الصبح عشان نوصل الظهر
سارة: عاد الله يعينا عالحر اي صج جوتيي الpuma العنابي ابيتكم ييبيه معاج اوكي
فطوم: اوكي في شي ثاني بعد عندنا
سارة: اممم لا الباجي ما ابيهم اييي امبله الآيبود بعد
فطوم: اوكي
سارة: انزين اييب لابي
فطوم: مادري كيفج
سارة: اوكي مو تنسين الكاميرا
فطوم: افاا عليج اهيا اول وحده تنحط بالجنطه
سارة: ههههه انزين ام عبدالله دقت على امج
فطوم: مادري انا قمت من النوم ما لقيت احد بالبيت
سارة: دانو ماراح ترجع
فطوم: مادري يمكن امي تاخذها
سارة: اهاا انزين دقي على من بيتكم ما عندي رصيد
فطوم: لا يبا قلبي ويهج بيبي يابت الاكل بااااي
سارة: قطيعه ما تعزم باي
سكرت سارة التلفون يت تبي تنزل فتحت الباب ولا فيصل بويها​

 

[كادي::::]

يلا نزلي البارت الياي شكله حلو

 

[اسيرة احزاني]

وااااااااااااااااااااااو القصة حدهااااااااا روعة
كمليها بانتظاااااااااااااارج

 

[M!sS*bdLiyat]

يلاااااااااااااااا كمليييييي

لا ننسى الاحداااااااااااااااااث !!

انزين مدام انه عندج امتحانات جان حطيتيها عقب ما تخلصين الامتحانات !!

ولا تخلينا جذي ننطر !!

لا حول ولا قوة الا بالله العلي العظيم ...

عموما مشكورة ع القصه بس ناطرينج ع احر من الجمر

 

[dlo3t^baba]

مشكوووووووووووووووووووووووووووووووووووووووووره
^_^

 

[ღ TőOőma ღ]

بااااااااااااااااااااك بناات سوووري رحت البيت يبت اللاب بس عشان اكلملكم الروايات
وسووري والله ظرووف
الحين بنزلكم بارتات

 

[ღ TőOőma ღ]

سارة: يممممه
فيصل واهو ماسك شعرها: انا تسكرين الباب بويهي
سارة: آآآآي هده
فيصل: انا تقوليلي اقلب ويهك
سارة: خلاص آسفه بس هد شعري
فيصل واهو يشده حيل: ماراح اهده عشان ما تعيدينها
سارة: آآآآآآي شعري يمااااااا
طلعت ام سارة مخترعه: شفيييكم؟
فيصل: ماكو بس قاعد اعلمها شلون تحترم اخوها الكبير
سارة: آآي خلاص ما اعيدها هد شعري يماا شوفيه
ام سارة: خلاص هد شعرها لا تقرع علينا
فيصل هد شعرها: عشان امي بس ولا انتي تستاهلين اكثر
سارة: وانت من متى هني
فيصل: من سكرتيه بويهي قعدت
سارة: انزين انا يوعانه تغديتو
ام سارة: انا ما كليت شي تريقت متأخر وشبعت
فيصل: وانا توني راد من النادي وحدي يوعان بروح اطلبلي
سارة: انزين اطلبلي معاك
فيصل: على حسابج عقاب لج يما تبين شي ترى سارو عازمتنا
سارة: متى عزمتكم
فيصل: جب انتي يما تبين شي
ام سارة: لا شبعانه بالعافيه
فيصل: يعافيج يا بعد فصول انتي وانتي يلا روحي زهبي فلوسج
سارة: اففف انزين
نزل فيصل تحت وراحت ام سارة غرفتها ولحقتها سارة
ام سارة: هاا شعندج
سارة: ولاشي بس متى بنروح باجر
ام سارة: بنطلع مبجر لن غدانا هناك
سارة: انزين ابي كرت ما عندي رصيد
ام سارة: روحي مع فصول الجمعيه وشوفي اذا تبين شي اشتريه مره وحده
سارة: ليش منتي رايحه
ام سارة: امبله بس مم الحين بليل
سارة: خلاص ايي معاج مابي اروح مع فصول
ام سارة: انزين يلا طلعي ببدل
سارة: وين بتروحين؟
ام سارة: بروح معرض عطور تيين معاي
سارة: لا مالي خلق توني قاعده وباكل
ام سارة: اي احسن عشان ما أتأخر
طلعت سارة ونزلت تحت وامها بدلت ونزلت
فيصل: ها يما جنج بتطلعين
ام سارة :اي بروح معرض عطور ساعه وراده تبون شي
فيصل: سلامتج
ام سارة: يلا مع السلامة
سارة: مع السلامة
فيصل: وانشالله ليش ما رحتي مع امج
سارة: يوعااانه وتوني قاعده من النوم انت شايف ويهي
فيصل: اي مالنا خلق حوادث شذنب الناس مساكين
سارة: يالمليييق من زينك عاد
فيصل: والله انا ما قلت شي انتي بروحج الي قلتي
سارة: انزين طلبت ولا لا
فيصل: اي طلبت فلوسج زاهبه؟
سارة: اي زاهبه
وصل المطعم كلو وخلصو صعد فيصل بدل ملابسه ونزل
سارة: ها بتطلع
فيصل: ويعاا اي بطلع عندج مانع
سارة: لا ماعندي مانع اصلن فكه
فيصل: انزين ممكن سلف عشر دنانير
سارة: وييي شفيك مقحط
فيصل: اي والله مقحط حدي
سارة: ليش ما خذيت من امي
فيصل: بعدين آخذ منها انتي عطيني الحين
سارة: انزين بوكي فوق
فيصل: يلا انطرج
......................................
فطوم قاعده بالصاله بروحها رن تلفونها كان حمد الي داق
فطوم: الو
حمد: شلونج حبيبتي
فطوم: هلا حمد تمام انت شلونك
حمد: تمام الحمدلله توج قاعده من النوم
فطوم: يعني صارلي ساعه يمكن
حمد: اها انزين بتروحين مكان
فطوم: لا ماراح اطلع اصلن بروحي بالبيت
حمد: صج انزين فطوم طلبتج بس مو ترديني
فطوم: امممم حسب الطلب
حمد: لاااا يعني مالي خاطر عندج
فطوم: امبله بس اخاف ما اقدر انفذ الطلب
حمد: اوكي ابي امر صوب بيتكم بالسيارة
فطوم: لا اخاف احد يشوفك
حمد: مو تقولين ماكو احد بالبيت
فطوم: اخاف جيرانا يشوفونك
حمد: ما اطول بس فرتين واروح يلا فطوم لا ترديني عاد
دخل فواز البيت ومعاه سعود
فطوم: سارو قاعده بروحج
حمد: ساروو
فواز: قووة
فطوم: هلا فواز
سعود: شلونج فطوم
فطوم: تمام انت شلونك
سعود: بخير دامج بخير يدتي هني
فطوم: لا رايحه بيت ام احمد
فواز: شنو ماكو احد بالبيت
فطوم: لابس انا
فواز: منو تكلمين
فطوم: سارو بعد منو
فواز: سلمي عليها
فطوم: سارو يسلم عليج فواز
حمد: خلاص اظاهر ما راح تقدرين تتكلمين اخليج
فطوم: اوكي اشوفج باجر
حمد: اوكي باي
فطوم: باي​

 

[ღ TőOőma ღ]

سعود: من متى راحت ديده
فطوم: مادري انا قعدت ما لقيت احد بالبيت
فواز قام بيصعد فوق
سعود: وين
فواز: بييب شغله وراد
سعود: اوكي
فطوم ترتبك لما تكون بروحها مع سعود سوت روحها تطقطق بالتلفون
سعود: شلون العزيمه امس
فطوم: اممم حلوة اي صج ذكرتني
سعود: ذكرتج بشنو
فطوم: هههه الحين تشوف بس خل ينزل فوازو
سعود: اوكي
نزل فواز
سعود: يلا قولي كا فواز يا
فواز: شنو شتقول
سعود: مادري سألتها عن العزيمه جان تقولي تذكرت شي
فواز: العزيمة؟ ايي عزيمه امس شنو قولي
فطوم: منو تتوقع سأل عنك امس
فواز: امممم مادري ام عبدالله
فطوم: لاا
فواز: شدراني منو قولي
فطوم: دلال بنت ام عبدالله
فواز: صج؟ شقالت
فطوم: ولا شي بس سالتني وين يدرس الحين
سعود: اوووو عندك معجبات والله
فواز: ما قالت شي ثاني
فطوم: لا
فواز: اهيا جم عمرها الحين
فطوم: توها متخرجه من الثنويه بتكمل 18 يعني
سعود: لا زين تصلحلك عيل
فواز: شنو تصلحلك انت قاعد اسأل مو قصدي شي
سعود: اي هين لا قصدك
فطوم: ههههههه
فواز: بس عيب تتكلم عن البنيه
سعود: اي بلش يغار الولد
فواز: طالع ويهك انت اغار كلا منج انتي ما قلتيلي الا جدام هذا
فطوم: هههههههه شدراني انا
دخلت دانه : هااااااااااااااااااااااي شباب
فطوم: هايات منو يابج
دانه: السايق
فطوم: زين الي ييتي ما بغيت اشوفج حصو تشوفج اكثر مني
دانه: ههههه وانتي سارو تشوفج اكثر مني
فواز: مادري ليش خوات انتو
فطوم: ما عليك منا محتر ليش ما عندك اخو
سعود: افا وانا وين رحت
فواز: فديتك والله يابعد عمري
دانه: ههههه مو لايق العاده تجعمون ابعض
فطوم: امشي دانو بقولج شي عن امس
فواز يخزها وسعود ميت ضحك
دانه: اي صج شصار امس قولي
فطوم: لا مو هني عشان بعض الناس ما ينحرجون امشي فوق
فواز: اورييييج
دانه: منو بعض الناس فوازو شفيك
فطوم: امشي وانا اقولج شفيه
صعدو فطوم ودانه وسعود ميت ضحك
فواز: اذا ما سكت احذفك بهالمحول على راسك
سعود: هههه لا خلاص خلاص
دانه: هههههههههه اشوفه معصب والله اخوي طلع وسيم وانا مادري
فطوم: بيونا الخيران
دانه: منو ام عبدالله
فطوم: اي
دانه: راح يصير وناسه يمعه
فطوم: اي حده
دانه: سارو ردت بيتهم
فطوم: اي رجعت امس
دانه: وانتي ليش ما قلتيلي انج بتشوفين حمد جان ييت معاكم
فطوم: شلون اقولج وحصو معاج ما راح نقدر ناخذ راحتنا
دانه: اي صح
فطوم: شلون الطلعه امس
دانه: ههههههه سكتي نصور صج فصل علينا امبيي آخر شي هديناه بروحه يفشل جنه ياهل
فطوم: واهو شنو مو ياهل
دانه: لااا ترى اهو قدي يعني انا ياهل
فطوم :لا انتي موياهل بس اهو مادري ليش احس انه ياهل
دانه: والله لو يسمعج ينحبط
فطوم: هههههههه
.................................................
(بيت ام سارة)
ام سارة توها واصله: قووة
سارة: هلاا زين ييتي مليت
ام سارة: تعالي شوفي العطورات
سارة: شريتيلي طبعا
ام سارة: شريت وايد اختاري
سارة: الله هذا ينن شكله
ام سارة: شمي ريحته انتي تهببل
سارة: امبيي حده حلو ابييه
ام سارة :انزين شوفي الباجي واختاري هذيل الي بروحهم حق فيصل شوفيهم حلوين انا بصعد ابدل وايي
نزلت ام سارة ... سارة: يما يهبلون راح يعجبونه
ام سارة: زين اشوه
سارة: ما تبين تروحين الجمعيه
ام سارة: وييي نسيت انزين روحي نزلي عباتي وشيلتي على ما اصلي
سارة: اوكي
................................
ام فواز وصلت البيت: ها الشباب عندنا
سعود: شلونج خالتي
ام فواز: تمام الحمدلله يدتكم يت
فواز: اي قاعده تصلي
ام فواز: وانتو شناطرين
سعود: كا الحين بنقوم
صعدت ام فواز فوق راحت غرفه فطوم : زين شفناج واخيرا رجعتي
دانه: كنت بيي معاهم باجر بس شمس الدين يقول انتي الي دازته
ام فواز: اي انا الي دزيته عشان تحطين اغراضج ولا تبيني انا احطهم لج
دانه: لا انا احطهم اخاف تنسين شي بعد واتوهق
صلو البنات وطلعو جناطهم وحطو ملابسهم واغراضهم
سارة كانت مع امها بالجمعيه شروا الأغراض الي يبونها وطلبوا عشا وردو تعشو وصعدوا يحطون اغراضهم​

 

[ღ TőOőma ღ]

(بيت بوفواز)
قاعدين يتعشون
ام فواز: فواز جهزت اغراضك
فواز: اخلص العشا واحطهم
ام فواز: سعود ما بغا يتعشى طلع وقت العشى
فواز: يقول شبعان ولن امه دقت عليه ابوي متى برد
ام فواز: مادري يقول بروح الديوانيه
فطوم: يما شريتيلي شامبو
ام فواز: اي الأغراض بالمطبخ مو تنسون شي ترى محد يرد اييبلكم
خلصو عشا وصعدو غرفهم فطوم عند دانه بغرفتها
دانه: ما اشوف حمد دق اليوم
فطوم: دق علي العصر بس وانا اكمله دخلو فواز وسعود سكرناه بس اخااف زعلان
دانه: ليش؟
فطوم: قبل لا ايون فواز وسعود كان قاعد يقولي ابي امر يم بيتكم بالسيارة بس انا ما رضيت خفت احد يشوفه
دانه: لا حمد ما يزعل على اشياء جذي
فطوم: مادري والله ....رن تلفون فطوم: هههههه عمره طويل.. الو
حمد: هلا حبيبتي ها تقدرين تكلميني ولا بتسويني ساره بعد
فطوم: هههه لا اقدر
دانه: سلمي عليه
حمد: منو عندج
فطوم: هذي دانو تسلم عليك
حمد: الله يسلمها متى بتروحون باجر
فطوم: الظهر نكون هناك
حمد: اوكي انشالله العصر احنا نييكم
فطوم: اوكي رايح الخيران من قبل
حمد: اي بس من زمان
فطوم: عيل راح تستانسون
حمد: مدام بشوفج اكيد بستانس
فطوم: هههههه
حمد: شفيج تضحكين من صجي
فطوم: ادري
بوفواز يطق الباب
فطوم: حمد هذا بوي باي
دانه: تعال يبا
بوفواز: هاا شلون بناتي
دانه: تمام
بوفواز: اووو دانه عندنا اليوم وين بوستي
قامت دانه باسته
بوفواز: زين شفناج صايره ما تبينين
فطوم: اي ما بغت تيي
بوفواز: اي شعليكم باجر الخيران
دانه: اي حدنا مستانسين
بوفواز: جهزتو اغراضكم
فطوم: اي
بوفواز: ما نقصكم شي
فطوم: لا
بوفواز: انزين باجر قوموا مبجر لن غدانا هناك اوكي
دانه: اوكيييك
بوفواز: يلا تصبحون على خير
فطوم: وانت من اهله
دانه: واااااي فديت ابوي
فطوم: شتبين انا الي فديته
دانه: جب انا
فطوم: روحي زين اصلن اهو ابوي قبل لا يكون ابوج
فواز دخل مرة وحده: ابوي انا قبلكم
دانه: بسم الله من وين طلعت انت
فواز: من فتحة الباب
فطوم: ليش نمله
دانه: ويييييع حدكم ملاقه تدرون
فواز: عدااال
فطوم: ههههههه اي والله عدال
دانه: شوفو ترا انتو بغرفتي لا تخلوني اطردكم الحين
فواز: طالع منو بيطردنا والله اطلعج واقفل الباب واشوف شلون غرفتج
فطوم: ههههههههههه
دانه: لنك ملييق
فواز: ولنج املق
فطوم: بس لا تطفرها
دانه: ويقولون ليش ما تقعدين بالبيت اقعد اجابل هالويوه
فطوم: الحين انا شكو
دانه: انتي شكو ها انتي معاه نفس الطقه اثنينكم
فطوم: اوكي اشوف منو بيسهر معاج باااي
فواز: وانا بعد باي
دانه: هييي تعالو
دخلو فواز وفطوم غرفهم راحت دانه غرفه فطوم
فطوم: نعم شتبين داشه داري
دانه: هييي يلا عاد لا تصيرين جذي
فطوم: ههههه انزين سكري الباب بوريج شي
دانه واهيا تسكر الباب: شنو بسرعه
فطوم: شوفي حمد يابلياهم
دانه: الله القلبه تهبل والله عنده ذوق
فطوم: حتى سارو عجبها القلب
دانه: انزين متى بتنامين
فطوم: مادري انا قاعده ساعه اربع شنومني
دانه: وانشالله بتواصلين
فطوم: لا يبا ورانا خيران اذا واصلت راح انام هناك
دانه: انا عن نفسي قايمه مبجر وحدي دايخه بقعد معاج شوي وبروح انام
فطوم: انزين خلج عندي نقرق لين انام
دانه: اوكي ابدل وايي
بدلت دانه ملابسها ويت عند فطوم سكرو الليت ونامو بالسرير وقعدوا يسولفون لين نامت دانه فطوم دقت على حمد وسولفت معاه لي الساعه 3 ونامت...
...............
(مصر)
الشباب نايمين طيارتهم الصبح وفهد حده مستانس لنه باجر راح يوصل الكويت ويدق على سارة..​

طبعا بالخيران راح تصير وايد احداث..
الي يرد يقولي رايه بالبارتات وتوقعاته مابي يسلمو ثنكيوو وبس اوكييييك:ada:

 

[M!sS*bdLiyat]

الباااااااارت عجيييييييب ناطرين البارت اللي عقبه على احر من الجمر ..

اتوقع فهد يدق على سارة وتدري انه يحبهاا لوول

 

[توتي 11]

متااااابعه


ننطرج شدعوا انتي بس نزلينا البرارتات وردي درسي....

 

[ღ TőOőma ღ]

(يوم الخيران)
الساعه 10 الصبح ام فواز قعدت من النوم وقعدت بوفواز وراحت تقعد البنات دخلت غرفه دانه لقتها فاضيه راحت غرفة فطوم: دانه فطوم يلا قومو ساعه 10
فطوم قامت علطول: صباح الخير يا احلى ام
ام فواز: كل هذا عشان الخيران
دانه: اففف من صجج
ام فواز: زين عيل يلا غسلو ونزلو تريقو على ما اقعد فواز
راحت غرفه فواز قعدته بس غصب قام ونزلو كلهم تحت
بوفواز: ماشالله شالنشاط قاعدين الصبح وكلنا نتريق انشالله دوم
اليده: اي والله يريت كل يوم جذي
فواز: لا ما تصير الا بالمناسبات
فطوم: يما ام عبدالله ما دقت عليج
ام فواز: لا ليش
فطوم: ما قالوا اذا بيون ولا لا
ام فواز: اكيد راح ايونا بس يمكن مو اليوم
فواز: دقي عليهم شوفيهم
دانه: شنو تدق عليهم شكو
فواز: شتبين انتي
ام فواز: خلاااص كلا بتناجرون وبس لما نوصل هناك ادق
خلصو تريقوا صعدوا غرفهم يبدلون وكل واحد حط أغراضه
فطوم: افف دانو مادري ليش احس اني ناسيه شي
دانه: شنو بتنسين مثلا
فطوم: مادري بس حاسه
تلفون فطوم يرن: هذي سارو.. الو
سارة: صبااح الخير
فطوم: صباح النور ها متى قعدتي
سارة: قبل شوي توني مخلصه ريوق
فطوم: اها متى بتمشون
سارة: كا شوي وبنطلع انا داقه اقولج لا تنسين الآيبود ما استغني عنه ترى
فطوم: طالع وانا اقول شناسيه والله كنت حاسه توني اقول حق دانو
سارة: اشوه زين الي دقيت عيل انزين وجوتيي نسيتيه بعد
فطوم: لا حطيته
سارة: اوكي يلا سي يووو
فطوم: اوكي باي
سارة: باي
دانه: شنو شناسيه
فطوم: آيبود سارو كاهو هناك عالطاوله عطيناه
خلصو كل شي خذوا جناطهم ونزلو تحت نطروهم لحد ما نزلو كلهم
بوفواز: يلا مشينا
ام فواز :اي يالله
بوفواز: ما نسيتو شي
ام فواز: لا حطينا كل شي
بوفواز: اوكي فواز اخذ البنات معاك وانا آخذ امك ويدتك والخدامه
فواز: اوكي
طلعو حطو الأغراض بالسيارة وركبو ومشو طبعا الطريج بعيد يعني يبيلهم ساعه تقريبا دانه فتحت لابها ودخلت المسنجر وقعدت تسولف فطوم طلعت الpsp وقعدت تلعب وفواز معلي عالأغاني ومندمج
سارة مع امها وفيصل بالسيارة سارة مشغله لابها بعد وفيصل يسولف مع امه
ام ناصر مع زوجها وحصة وناصر والخدامه(ناصر مشغل الديفيدي الي بالسيارة وحاط توم وجيري) >> صج ياهل مثل ما تقول فطوم وحصه تلعب بالpsp
سعود مع امه مقزرينها سوالف طول الطريج
(على ما يوصلون نروح حق الشباب نشوفهم وينهم الحين)
طبعا الشباب الحين بالطياره وباقيلهم ساعتين ويوصلون عيسى ويوسف نايمين
فهد: انا ابي افهم شلون يقدرون ينامون بالطياره
جاسم: عاد هالأثنين قطهم اي مكان ينامون الحياه سعيده عندهم
فهد: ههههههه اففف متى نوصل احس انا طولنا
جاسم: شفيك مستعيل قول انشالله نوصل بالسلامه لا يصير فينا شي من حنتك
فهد: لا يبا سمله علينا
جاسم: هههه خفت مادري عنك
فهد: انزين ما عندك شي اقزرها عليه لين نوصل
جاسم: الحين كل هالافلام الي حاطينهم لك مو عاجبينك
فهد: من له خلق يجابل فلم الحين
جاسم: عيل روح تحرش بعويس ويوسفو
فهد: قصدك يويو
جاسم: كاااااااااك تصدق نسيتها
فهد: تصدق اني لا يمكن انساها
جاسم: هههه من امممه
فهد: من امه ولا من ابوه
جاسم: ويييع املق اضحك ولا ابنجر التاير
فهد: لاتكفه اسكت عشان ما اسويك تاير الحين
.................................................. .​

 

[ღ TőOőma ღ]

( نرجع حق الكويت )


العايله كلها التقت بالطريج ومشو كلهم ورا بوفواز بسياراتهم لما وصلو عند الشاليهات صفطو السيارات


فطوم: يبا ايهو شالهينا


بوفواز: شوفوا انا حجزت اربع شاليهات راح نقسمهم اوكي الشاليه الاول حق ام سعود والشباب والشاليه الثاني حق ام سارة والبنات والشاليه الثالث حقنا انا وام فواز وديده مريم وبيبي والشاليه الرابع حق ام ناصر وبوناصر والخدامتين (خدامه ام سعود وام ناصر) شلون التقسيمه عجبتكم


دانه: ايي حده وناسه


بوفواز: يلا عيل كل واحد ينزل اغراضه صلوح ملوح الي يدل شاليه يروح


راحو كلهم نزلو اغراضهم وحطوهم بالشاليهات وطلعو قعدو البنات عالكراسي قبال الشاليه


ام سارة: هاا جن ليلحين ما بدا النشاط


فطوم: لا بعد على ما نستوعب


دانه: هههههههههه


حصه: اقول قومو من صجكم قاعدين


سارة: اي والله قومو خلنتمشى


بوناصر من بعيد: بنات لا تروحون مكان الحين نطرو لي بع د الغدا


فطوم: دانو يعني يا كاب يا نظارة شمسية ليش اثنينهم يعني


دانه: شفيج حركات


سارة: ههههه الحمدلله والشكر


واهم يتمشون يولهم الشباب


فواز: ها بنات شرايكم نلعب


فطوم: اي بس شنو؟


نتسابق من شاليهنا لي شاليه خالتي حنان اوكي


سارة: اوكييي


فيصل: عاد تقدرون


حصه: اي نقدر ليش طاحين من عينك


فيصل: لا بس اخاف بنص الطريج نلقاكم مسدحين


دانه: انشوف منو الي بنلقاهم مسدحين


ناصر: انشوووف


سعود: يلا عيل صفو خلنبدي


فواز: اي يالله بس مو تتلازقون عشان ما تصير كوارث


فطوم: هههههههه اي تكفون


صفو كلهم الشباب بالترتيب من صوب البحر فيصل سعود ناصر فواز وعقبهم البنات دانو حصة فطوم سارة


فواز: يلا وااااحد اثنيييييين ثلاث


ركضو كلهم اول واحد وصل ناصر وعقبه فواز بعدين دانه وفيصل وسعود وعقبهم سارة وحصة وآخر وحده فطوم


ناصر: احم احم صج تفشلون ترى ما تعرفون تركضون


سعود: اي فايز يتمصخر علينا


ناصر: هههههه بس الي صج فاشله فطوم آخر وحده


كلهم قامو يضحكون عليها


فطوم: تضحكون هاا لني مو نايمه ولن الشمس الحارة


فيصل: كلنا مو نايمين وكلنا ركضنا بالشمس الحاره


فواز: ههههه خلوها لا تبجي علينا يلا اقييين


دانه: اي يالله


سارة: فطوم بتلعبين


فطوم: اي وليش ما العب انشالله


ردوا ركضوا مرة ثانيه ومره ثالثه لحد ما تعبو الشباب قعدو عالرمل قبال البحر والبنات راحو قعدو عالكراسي مع باقي العايله


فطوم: انا حدي يوعانه


سارة: اي حتى انا


يدتهم: من الركض ماشالله عليكم من يينا ما قعدتوا


ام فواز:شباب وبيستانسون


يدتهم: مدامهم يواعه قولي حق الخدم خل بنجبون


دانة: شنو ماكو شوي


ام سارة: لا الشوي بليل احسن


حصة: شنو غدانا عيل


ام ناصر: كل شي طبي وتخيري مسويلكم كل شي


ام فواز: اي مسويلكم بوفيه شتبون بعد


يدتهم: يلا قوموا نجبو


قامو الحريم بنجبون الأكل ولما خلصو نادوهم


بوفواز: فطوم نادي الشباب


راحت فطوم تناديهم ما كملت كلامها جان كلهم يقومون >>> ميتين يوع مساكين


دخلو الشاليه قعدو يتغدون وطبعا السوالف ما تخلص يسكت واحد يتلكم الثاني لحد ما خلصو غداهم قامو البنات غسلوا ايدهم وراحو شاليهم


بوفواز: ويين؟


فطوم: بنروح شاليهنا


بوفواز: اوكي اذا بتروحون مكان قولولنا عشان ندري


دانه: انشالله


وصلو الشاليه كل وحده قامت تعدل بشكلها والي تبدل ملابسها يعني لووويه فطوم عدلت شعرها وبدلت بلوزتها وخذت تلفونها وطلعت بالبلكونه كان حمد داق عليها فدقت عليه


فطوم: الو


حمد: الوو وينج ما تردين


فطوم: كنت قاعده اتغدى معاهم


حمد: اها احنا بعد شوي بنطلع


فطوم: اوكي لما توصل دق عليي


حمد: اوكي انزين فطوم الشباب معاكم


فطوم: اي معانا بس احنا بروحنا مالنا شغل فيهم


حمد: اشوه يعني اقدر اشوفج


فطوم: اي بس ديربالك


حمد: اوكي يلا اشوفج عيل


فطوم: اوكي باي


حمد: باي


دخلت فطوم الشاليه: بسكم تعدل يبا والله حلوين


سارة: انا خالصه بس هالثنتين


دانه: خلصنا ما تشوفين


سارة: امبله اشوف انزين وين بتروحون الحين​

 

[ღ TőOőma ღ]

حصه: مادري
دانه: خنروح نتمشى ونقرر بالطريج
سارة: اي يالله
فطوم: انزين بس نروح نقولهم اول
راحو الشاليه الثاني كانوا كلهم هناك
فطوم: احنا بنروح نتمشى اوكي
بوفواز: اوكي ديروبالكم على نفسكم
دانه: انشالله
طلعو راحو الشارع الرئيسي الي ورا الشاليهات وظلو يتمشون حمد دق على فطوم
فطوم: الو
حمد: الوو احنا بالطريج
فطوم: هلاا نورة شلونج
حمد: ههه انا نورة منو عندج
فطوم: قاعده اتمشى مع البنات
حمد: اها اوكي عيل لما اوصل ادزلج مسج باي
فطوم: اوكي نورة بليل ادق عليج باي
سارة طبعا شكت بالمضوع وكانت متوقعه انه حمد
سارة باذن فطوم: حمد
فطوم: اي
راحو عند الملاهي بعد ما مشو مده ولما وصلو عند الملاهي وصل فطوم مسج من حمد (احنا وصلنا انتو وين)
دزتله فطوم (احنا عند الملاهي) حمد وقف وسأل واحد من الشباب الي مارين وين الملاهي ودالاه وراح حصه ودانه راحو يلعبون وظلو فطوم وسارة
سارة: ها وينه
فطوم: مادري اخاف ما يدل
سارة: انزين دقي عليه
فطوم: اوكي توها يايه بتدق شافته جدامها بس بعيد.. كاهم هناك
سارة :اي والله
حمد شاف ماكو احد معاها غير سارة دق عليها
فطوم :الو
حمد: هلا بالحب كله
فطوم: هلا فيك
حمد: شفيج
فطوم: ولاشي مرتبكه شوي
حمد: ليش
فطوم: اخاف احد يلاحظ
حمد: لا لا نخافين خلج عادي ما راح اقرب يمكم
فطوم :اوكي
حمد: منو كان معاج قبل شوي
فطوم: حصه بنت خالتي
حمد :اها وينها الحين
فطوم: راحت تلعب مع دانو
حمد: وانتو ليش ما لعبتو
فطوم: كنا ناطرينك
حمد: اها خلاص روحو لعبو واحنا بنظل هني
فطوم: اوكي ... يلا امشي نلعب
سارة: يلا
راحوا يلعبون وحدهم مستانسين طول ما اهم يلعبون ميتين ضحك
دانه: انا عطشانه
سارة: حتى انا
فطوم: امشوا نروح الكفتيريا
دانه: ويييه مالي خلق امشي
فطوم: كيفج مو عطشانه غضبن عليج بتمشين
سارة: انزين يلا نمشي عادي
راحو لي الكفتيريا طلبو ماي وشرو بيبسي وراحو قعدو على كرسي يطالعون الرايح والراد وحمد كان يطالع فطوم من بعيد
دق بوفواز على فطوم
فطوم: هلا يبا
بوفواز: ها وينكم
فطوم: قاعدين عالكراسي الي ورا الشاليهات
بوفواز: اوكي انا والشباب بنييكم
فطوم: اوكي
دانه: منو امي
فطوم: لا ابوي يقول بيون اهو والشباب
سارة: زين احسن من ضيقه الخلق
لما وصلو بوفواز وبوناصر والشباب كانوا يايين بسيارة بوفواز نزل الجام: يلا بنات ركبو
ركبو البنات دانه: يبا وين بنروح
بوناصر: بنعلب كرة قدم
فطوم: وناسه احنا المشجعات عيل
بوفواز: اي اكيد ليش يايبينكم عيل
لما راحو الملاعب كانت فل نزل بوناصر وكلم واحد من الشباب الي قاعدين يلعبون وقاله انهم بيطلعون الحين نطروهم لين طلعوا دخلو الملعب وقسمو روحهم فريقين فريق بوفواز وفيصل ووناصر وفريق بوناصر وسعود وفواز
البنات توهقو ما يدرون منو يشجعون قاموا يشجعونهم كلهم واي فريق يحط قول يصفقونله ويصفرون حمد دز مسج حق فطوم بس فطوم كانت لاهيه وما شافت تلفونها
حمد: وين راحت تتوقع رجعو الشاليه
علي: مادري والله امش خلنفتر يمكن نلقاهم
حمد: اوكي يلا
............................
طبعا الشباب وصلو الكويت صارلهم ساعه تقريبا كل واحد راح بيتهم وسلم على اهله
فهد بغرفته يفكر: مادري ادق عليها ولا لا ؟ انزن اذا دقيت شقول ؟ اممم اسلم واسال بس ؟ اففف مادري شسوي ؟ عقب ما فكر وفكر قرر انه يدق بس لحد الحين ما يدري شبقول لما دق سارة ما كانت ترد (شفيها ما ترد احسن خل افكر اكثر)
.....................................
حمد وعلي واهم يفترون مرو صوب الملاعب بس ما لاحظو ان فطوم والبنات هناك
علي: دق عليها
حمد: ما ردت عالمسج بترد على الاتصال
علي: خلاص عيل خلنقعد بالكفتيريا لحد ما ترد عليك
حمد: اوكي
..........................
الشباب تعبوا من اللعب وخذوا بريك وكان الفريق الفايز لحد الحين فريق بوناصر
بوفواز: شباب الي يبي شي يروح الكفتيريا برييك بعد ربع ساعه نبدي
راحو الشباب كلهم الكفتيريا وقتها فطوم شافت تلفونها وقرت المسج ودزتله (انا بالملعب) حمد (اي ملعب) فطوم (ملعب كره القدم) حمد: علاو قوم فطوم بالملعب.... راحو عند الملعب شافوا فطوم مع البنات وبوناصر وبوفواز
فطوم لما شافته دزتله مسج (حمد لا تفتر هني لن الشباب بيون بعد شوي) ... (فيصل كان شايف حمد وعلي من قبل مع عادل الي تكلمه سارة لنهم دايما يزرون اهله لما يكونون بالبحرين بس ما يذكرهم ولا اهم يذكرونه عشان جذي فطوم كانت خايفه)
حمد رد عليها (اوكي لما تكونون بروحكم قوليلي)
سارة: فطوم تعالي شوي... قامو سارة وفطوم يتمشون بالملعب
فطوم: شفيج
سارة: رقم غريب داق عليي شوفيه تعرفينه
فطوم: لقيتي عاد انا احفظ ارقام دقي شوفي منو
سارة: لا يبا ماني داقه اخاف احد غلطان ولابيستعبط
فطوم: اوكي كيفج
سارة: حمد هني
فطوم: كان يتمشى هني بس قلتله يروح اخاف فيصل يشوفه
سارة: اي صح شلون طافت عليي اهو شايفهم صح
فطوم: اي ما تذكرين لما طلعنا مع اهل عادل اهم يو شوي وراحو
سارة: اي صح انزين حتى لو شنو يعني يايين الخيران فيها شي
فطوم: لا يبا اخاف فيصل يقولهم حياكم وعاد حمد ما يصدق وانا ارتبك
سارة: هههههه عاد انتي صج فضيحه
وصلو الشباب دخلو الملعب جان يقوم بوفواز ويقولهم يلا ورونا شطارتكم هالمره نشوف منو يغلب جان تقوم دانه وتصرخ (ايوااا عاش بوالشباب) كلهم قامو يضحكون عليها
سعود راح عند فطوم: فطوم ممكن تحطين موبايلي عندج
فطوم: اوكي
سعود: بس مو تتعبثين
فطوم: لا بتعبث ليش شنو فييه
سعود: هههه يبا حلالج تعبثي على كيفج
لما مشا سعود وبدا اللعب كانت فطوم ماسكه تلفون سعود تعبت واهيا واقفه جان تروح تقعد لما شافت الفون بيدها فكرت تتعبث بس لما يت بتفتحه لقته حاطله باسوورد نطرت قامت تضحك وتشجع معاهم مره ثانيه ولما خلص اللعب الفريق الي فاز فريق بوفواز ودانه تستعبط وتاخذ بطل ماي تعطيه ابوها يعني الكاس وبوفواز يكمل معاها ويرفعه ويركض بالملعب والشباب وراه والبنات ميتين ضحك قرب المغرب وكانو بردون الشاليه
فطوم راحت عند سعود: حلالج هاا وحاطله قفل
سعود واهو يطلع لسانه: ههههه ثنكيووو
فطوم ترفع حاجبها: ولكم
بوفواز: يلا شباب بنرجع الشالبيه بتيون
فواز: انا برجع بتسبح لاعت جبدي حررر
سعود: اي حده سباحه
ردو كلهم الشاليهات الشباب راحو يسبحون البنات راحو عند الحريم​

 

[ღ TőOőma ღ]

ام ناصر: هاا شسويتو
فطوم: طافكم اللعب
ام سارة :اي لعب؟
سارة: الشباب كلهم لعبو كره مع عمامي
ام فواز: ههههه اكيد ريلي الي غلب
دانه: اكيييد مو ابوي اكيد بيغلب
ديده مريم: لا عشانه ريلج ولا عشانه ابوج لنه ولدي
ام سعود: هههههه افحمتكم
ام فواز: قعدوا ليش واقفين
سارة: فطوم امشي نتمشى عالبحر
فطوم: يلا
فصخو جواتيهم وراحو يتشمون وحاطين ريلهم بالماي
سارة: فطوم الرقم الغريب الي مساع دق مره ثانيه
فطوم: متى
سارة: قبل شوي
فطوم: وليش ما رديتي
سارة: مادري ما شفت التلفون
فطوم: خلاص عيل دقي شوفي منو
سارة: لا مابي
فطوم: هووو كيفج اوو صج حمد لا انساه دزتله مسج (حماده احنا رجعنا الشاليه) رد عليها (ماراح تطلعون مره ثانيه) فطوم (امبله اكيد بس مادري متى) حمد (اوكي)
ناصر طلع من الشاليه توه متسبح وكاشخ شاف فطوم وسارة يتمشون راحلهم
ناصر: شتسوين
فطوم: بسم الله من وين طلعت انت
ناصر: من البحر
سارة: ليش سمجه
ناصر: ملييقه ما تضحكين
فطوم: ههههه اي حدج سخيفه لا تطالعين جذي
سارة: اوكي ماشي اشوف منو بيتمشى معاج
ناصر: لا من هالناحيه ارتاحي انا بمشى معاها
فطوم: ههههه عبالج بتصيديني
سارة: اوكي عيل خلج مع هالخبل
ناصر: محتررره ليش اني خبل محد ماسكج صيري خبله
سارة: ويييع هذا الي ناقص بعد انا بروح
فطوم: وييي شفيها يبا تعالي نتغشمر
سارة من بعيد: ادري بس مالي خلق
ام فواز: شفيج شقالتلج
سارة: ولاشي خالتي
ام سارة: وين بتروحين
سارة: بدخل الشاليه بغسل ريولي
ناصر: انا مادري شلون متحملتها انتي
فطوم: هييي ترا ما ارضى عليها
ناصر: والله غثيثه على كل شي بتزعل
فطوم: حرام عليك مو زعلانه بس جذي تستعبط
ناصر: اي هين الا زعلانه
فطوم:لا مو زعلانه بتعلمني فيها انا اكثر وحده اعرفها
ناصر: انزين طاف خلينا منها
فطوم: اي احسن بسك حش بالبنيه
ناصر: هههه انزين قالتلج دانو عن الشعب
فطوم: هههههههه اي شمسوي فيهم انت تقولي فشلنااا
ناصر: اي شسوي ماكو احد يفصل معاي فصلت بروحي آخر شي هدوني وراحو بروحهم
فطوم: اي تقول دانو سارو ما غلطت يوم قالت عنك خبل
ناصر بقلبه (محد مخليني خبل غيرج )
فطوم: ..........
ناصر: شوفي البحر شكله مع الغروب عجييب
فطوم: والله وطلعت رومانسي وانا مادري
ناصر: افا عليج اعجبج
فطوم: فديت اخوي والله
ناصر بقلبه (مشكلتي اني اخوج بالرضاعه)
...............
سارة بالشاليه غسلت ريلها وتوها طالعه من الحمام شافت تلفونها يرن جان ترد علطول
سارة: الو
فهد واهو مرتبك: قوة سارة
سارة: هلا!! منو معاي
فهد: معاج فهد
سارة: امم اي فهد
فهد انحبط حده: فهد الي بمصر
سارة: اها سوري ما عرفتك
فهد: شلونج اقصد شلونكم شمسوين
سارة واهيا منحرجه: والله تمام الحمدلله انتو شلونكم
فهد: بخير دامج بخير
سارة: جنك بالكويت؟
فهد: اي اليوم ردينا
سارة: اها
فهد: .........
سارة:.....
فهد يدور سالفه: دقيت عليج ما تردين
سارة: اي لاهيه مادري عن التفلون
فهد: اها طالعه
سارة: اي يايين الخيران
فهد: شلون خالتي
سارة: بخير الحمدلله
فهد: دوم انشالله......
سارة: ........
فهد حده توهق: اوكي اخليج عيل
سارة: اوكي
فهد: باي
سارة: باي.. توها مسكره التلفون جان تدخل فطوم واهيا تركض وتلمها
فطوم: اذا زعلانه حدج مو صج
سارة: اي زعلانه وماراح ارضى بعد روحي حق نصور خل ينفعج
فطوم: هييي يالمليقه من صجج انتي
سارة واهيا توخر ايد فطوم: اي من صجي وخري
فطوم منصدمه: جذابه قاعده تقصين عليي
سارة: ياهل عندج انا
فطوم: اوكي عيل اروح اقعد معاهم احسلي
مشت فطوم جريب توصل الباب جان تصرخ سارة: مو زعلانه تعالي
فطوم:هههههههههه شفتي شلون بتقصين عليي يعني
سارة: سكتي توا دق نفس الرقم
فطوم: رديتي عاد
سارة: اي
فطوم: انزين شفيج مستغربه منو طلع
سارة: فهد​