ღ TőOőma ღ
New member
الساعة 10 الصبح جاسم قعد من النوم فتح الستارة كان شكل الشمس على البحر عجييب
جيك جاسم على تلفونه رسائل جديدة:2
المسج الأول من امه (جسوم يمه دق على ابوك زعلان ليش ما تسأل عنه)
المسج الثاني من شريف (الغذا في فيلتنا اليوم مامي وبابي عاوزين يتعرفو عليكو)
رد على امه: (انشالله كلشي ولا زعل الوالد)
ورد على شريف: (اوكيييك ابلغهم)
حط جاسم تلفونه على الطاولة وراح الحمام لما طلع راح عند يوسف
جاسم: يوسفو قوم بسك نوم قوم انزل معاي نتريق
يوسف واهو يسحب الكمبل من جاسم: اوووو جسوم اقلب ويهك خلني انام
رد جاسم الكمبل وخذا تليفونه: ماكو الا ادق عليهم يمكن قاعدين
دق جاسم على عيسى جهازه مسكر سكره ودق على فهد
وقتها كانت سارة قايمة ومبدله ملابسها (كانت لابسة بنطرون جنز سكني اسود مع تي شيرت ابيض عليه رسمة ميكي على كبر البلوزة ولبست فلات احمر عليه وردة
صغيرة من جدام وكان شعرها ستريت فالته بدون بف بس لابسه تاج احمر عريض عليه فيونكه صغيره عالجنب)
نرجع حق الشباب رن تلفون فهد الي كان شابك وناسي ساره لنه كان مندمج باللاب قاعد يطالع لقطات مضحكه باليوتيوب وبطنه قام يعوره من كثر ما ضحك
فهد واهو يضحك وماسك بطنه: هلا جسوم
جاسم: شفيك جذي ميت ضحك منو مدلدقك
فهد: هههههه محد شبغيت
جاسم: يمعوده زين الي لقيتك قاعد ابيك تنزل معاي بروح اتريق يوعان ويوسفوا نايم وكاشت فيني
فهد: اي والله حتى انا يوعان من فيرالله قاعد وما كليت شي خلاص عطني خمس دقايق ابدل واطلعلك
جاسم: فدييييتك جذي الصداقه ولا بلاااش
فهد: جب لا تخليني اهون
جاسم: شفيه الي بذلني يلا خلص انطرك
فهد: اوكي حبيي
جاسم: هههه مادري شفيك فاصل انت يلا اقلب وسكر التلفون
حط فهد ايميله بالخارج وقام يلبس وجاسم ما صدق علطول قام يلبس بعد
سارة خلصت من لبسها
سارة: فطوم يلا قومي عفيه نزلي معاي مابي انزل بروحي
فطوم: ساروو ما نمت شي امس خلصيني طفي الليت وطلعي
سارة واهي تاخذ تليفونها وتلقي نظرة اخيره على شكلها: انزين كيفج انزل بروحي ولا منتج
سكرت سارة الليت وطلعت من الغرفة دخلت الأصنصير ونزلت السرداب (المطعم) راحت علطول حق البوفيه كانت ميته يوع
فهد خلص وطلع راح بطق الباب على جاسم ولا يطلع بويها
فهد: بسم الله يني
جاسم: والله شدراني انك يايلي
راحوا عند الأصنصير ونزلو المطعم بعد
كانت سارة يم البوفيه خذت صحن صغير حطت كرواسون جبن وبيتزا قطعتين وقطعه جيزكيك وخذتلها عصير برتقال وراحت قعدت بروحها
جاسم وفهد دشوا المطعم حدهم يوااعه
فهد: جسوم مو تفشلنا خلك ذرب
جاسم: طالع منو بعلمني الذرابه امش بس امش
راحوا عند البوفيه خذو اكلهم وكل واحد خذاله عصير وراحوا قعدوا على طاولة جدام طاولة سارة بس شوي بعيده عنها
سارة كانت قاعدة تاكل بكل ذرابه بس فهد كان ليلحين مو ملاحظ وجودها ولا اهي لاحظتهم
جاسم: ترى شريف دزلي مسج ويقول ان غدانا اليوم عندهم بالفلة عشان امه وابوه يبون يتعرفون علينا
فهد: فشله اخاف نثقل عليهم احنا اربعه
جاسم: لا يبا شكو اهو الي عازمنا مو احنا الي عزمنا روحنا
فهد: عيل هذيلاك خيقومون بعد ما يسير نروحلهم حزة الأكل
جاسم: اي مو عشان جذي قاعد اقولك
فهد: خلاص عيل اول ما نخلص نصعد نقعدهم
جاسم: عاد يوسفوا مقدور عليه بس عيسو شقعده
فهد واهو يطالع سارة بس مو مستوعب: لا ما عل.....
جاسم: شفيك
فهد: هذي سارة قاعده هناك
جاسم: واذا يعني شفيك انسطلت
فهد: لا بس قاعد اقولك
جاسم: وين اي صوب
فهد: كاهي الطاولة الي وراك
جاسم: اها
فهد: قوم خنسلم عليها قاعده بروحها
جاسم: وانت شدراك يمكن في احد معاها
فهد: انت قوووم
ღ TőOőma ღ
New member
قاموا فهد وجاسم وراحولها كانت اهيا منزلة راسها قاعده تقرا مسج من رفيجتها (هاااااااي وينج يالقاطعه ) لما قربوا رفعت ساره راسها
فهد: هاي سارة
سارة: هاااي شلونكم؟
جاسم: تمام انتي شلونج
سارة: بخير حياكم قاعده بروحي
فهد: افا ليش؟
سارة: فطوم نايمه ما رضت تنزل معاي
فهد: اها يعني نفس الحالة حتى احنا عويس ويوسف ما رضوا يقعدون
سارة: انزين عيل ييبوا اكلكم وتعالوا هني
خذوا جاسم ويوسف اكلهم وراحوا عند سارة
فهد: فطوم هذي نسمع فيها ولا نشوفها
سارة: عاد امس اول ما مشيتوا اهي يت
جاسم: اظاهر مو نصيب نشوفها
فهد كان حده مستانس انه قاعد مع سارة
جاسم: اي بعد خلاص ما بقالكم الا باجر وتردون
فهد: صج راجعين خلاص
سارة: اي صارلنا ثلث اسابيع هني
فهد ضاق خلقه: اها بس بصراحة مصر ما تنمل
سارة: احنا حفظناها حفظ من كثر ما نييلها
جاسم: اي والله ولا نمل
فهد: ام الدنيا ما ينمل منها
سارة اطالعهم وتبتسم: وين بتروحون اليوم
فهد: معزومين عند شريف صاحبنا الي امس
سارة: يحليله مبين عليه خوش ولد
جاسم: اي عاد شريف صج خوش ولد زقرتي يعجبج
خلصوا اكلهم وظلوا يسولفون
جاسم: صج على طاري شريف فهود امش خل نقعدهم لا نتأخر
فهد يطالع ساعته: تو الناس جسوم خلنا قاعدين
جاسم: شفيك انت لزقه يمكن البنيه وراها شغله
سارة تطالعهم وساكته ما تدري شتقول
فهد: سارة وراج شي؟
سارة: لا عادي قاعده انطرهم لين يقومون
فهد: شفت شلون انا بقعد
جاسم: خلاص كيفك انا بروح اقعدهم
قام جاسم وقبل لا يمشي قال حق فهد باذنه: لا تسير لزقه عاد
سارة سوت روحها ما سمعته بس ابتسمت
فهد: اي سارة قلتيلي انتي بالثنويه
سارة: اي
فهد قام يدور سالفة يتلكم فيها مو عارف شقول من شاف سارة توهق لسانه انربط
فهد: طافج مساع كنت قاعد اطالع لقطات مضحكة باليوتيوب مو صج فطست من الضحك
سارة: هههههه شخباري النت من زمان مو شابكه
رن تليفون سارة كانت امها الي داقه
سارة: الو
ام سارة: هلا يمه وينج انتي؟
سارة: انا تحت اتريق
ام سارة: خلصتي ولا ليلحينج؟
سارة: لا خالصه بس قاعده مع فهد
ام سارة: اي سلميلي عليه ولا تطولين تحت تعالي رتبي معاي الجنط
سارة: فهد امي تسلم عليك
فهد: الله يسلمها
سارة: خلاص يما شوي واصعد
ام سارة: اوكي باي
سارة: باي
فهد واهو منحرج: خلاص انا اخليج عيل اظاهر امج تبيج
سارة: اي تبيني اعدل معاها الجنط
فهد: اها بس جن امج مستعيله
سارة: لا مومستعيله بس لن الأغراض وايد وعشان يمدينا نطلع
فهد: اي خوش عيل خل انا بعد اروح اشوف جسوم شسوى مع هالأثنين
سارة ابتسمت وقامت وقام فهد راحوا مع بعض وركبوا الاصنصير
فهد: اي دور
سارة: السابع
فهد: احنا الخامس قبلكم وضغط على الخامس والسابع
ظلوا فهد وسارة ساكتين ويطالعون بعض ويبتسمون لحد ما وصلوا الدور الخامس
فهد: يلا نشوفج اقصد نشوفكم
سارة: انشالله وتسبتسم
ظل فهد واقف يطالعها لحد ما تصكر الاصنصير
وصلت سارة الدور السابع وكان شكل فهد واهو واقف يطالعها ومبتسم ليلحينه ابالها طلعت وراحت عند امها طقت الباب فتحتلها ام فواز
ام فواز: هلا سارونه فطوم قعدت
سارة: مادري عنها انا لما نزلت كانت نايمه
ام فواز: مادري شفيها هذي على آخر السفره خربت نومها بدال ما تقوم تساعدني نايمه حضرتها
سارة: ولا يهمج خالتي انا اساعدج
راحت سارة تساعدهم وفطوم كانت غاطه بالنومه
شرايكم بفهد؟؟؟:ggdw:
ابي ردود حلوة تشجع
_03BA:
miss-pinksh
New member
** زنوب **
New member
ღ TőOőma ღ
New member
فهد راح حق جاسم لقاه عند عيسى قاعد يحاول يقعده بس مو راضي يقعد
راح حق جاسم وقاله باذنه: خله انا عرف شلون اقعده
راح فهد بطل الثلاجة وطلع بطل ماي بااااااارد صب منه بقلاص وراح عند عيسى صب بويه الماي
قام عيسى مخترع مو قادر يبطل عينه: يالحمير اوريكم (كان بقوم بس مو قادر يفتح عيونه)
جاسم وفهد ماتو ضحك على شكله كاااااااااك احسن عشان مره ثانيه اول ما نقعدك تقوم علطول
مسح عيسى الماي عن ويه وقام من السرير: اعلمكم
جاسم وفهد انحاشوا من الغرفة وراحوا غرفة جسوم بسرعه وسكروا الباب حيل كان يوسف نايم بس اخترع من صوت الباب وفز من نومه
يوسف: شفيكم انتوا ذلفوا بره
يالهم عيسى قام يطق الباب: اذا فيكم خير طلعوا مو تتنحشون عبالكم اذا انخشيتوا ماراح اصيدكم
فهد: انا اقول روح الغرفه احسلك لا تفضحنا
عيسى: انا بروح بس مردي بصيدكم ما راح تقعدون بالغرفة طول اليوم
يوسف شال الكمبل عن ويه وقام يطالعهم ما يدري شسالفة
جاسم: شفيك انت الثاني؟
يوسف: انتوا الي شفيكم شفيه عويس؟
جاسم: بنقعده مو راضي يقوم خذا فهود قلاص ماي بارد وصبه على ويه واذا انت بعد ما قمت بنسوي فيك نفس الشي
يوسف: يالحمير شفكم منه الحين اشوه اني ما كنت وياكم
فهد: انزين يلا قوم بسك نوم خياااس
جاسم فتح الليت: فهود تعال خل اوريك البلوزة الي قلتلك عنها
قام يوسف راح الحمام
وعيسى قام بدل ملابسه وقعد يفكر شسوي فيهم
نرد حق فطوم راحتلها امها دخلت عليها الغرفة فطوم قومي ساعديني شوفي سارة شلون تساعد امها طاح حيلي
فطوم: يماااا ما شبعت نوم عفيه بس خمس دقايق
ام فواز: قومي قومي عشان تتعدل نومتج حتى بالسفر بتنامين لي العصر
فطوم: تو الناس يما خليني نايمه
ام فواز: قومي عشان نخلص شغلنا ونروح نتغدى بره وبخليج انتي تختارين المكان
فطوم شالت الكمبل بسرعه وقامت: صج!
ام فواز: أي صج بس تقومين الحين تساعديني
فطوم: افا عليج اذا ما اساعد الغالية منو اساعد
ام فواز: يمه يمه من عياره البنات
قامت فطوم راحت الحمام وطلعت بدلت ملابسها (لبست تريننق رياضي برموده اسود وفيه خطين رماديين عالجنب ولمت شعرها وكانت قذلتها على جنب وحاطتها ورا اذنها) قعدت تطلع الملابس الي تبيهم حق اليوم وباجر وحق المطار خلتهم على جنب وشالت باجي الملابس عشان تحطهم بالجناط واهيا تشيلهم تذكرت انها ما جيكت على تلفونها راحت تشوفه مالقت شي (غيربه حمادة ما دق ولا دزلي شي)
ام فواز: فطوم يمه روحي قولي حق خالتج عندها بلاستر ايدي نجرحت من السحاب
سارة حطت التلفون وراحت طقت الباب فتحتلها سارة
سارة: هااا الاميرة النائمة قعدت
فطوم عطتها نظرات ودخلت راحت عند خالتها: قوة خالتي
ام سارة: هلا حبيبتي صح النوم
فطوم: صح بدنج خالتي عندج بلاستر؟ امي جرحت ايدها من سحاب الجنطة
ام سارة: وييي مسكينه من اللويه شوفي بجنطتي الي عالسرير في علبه اسعافات
عيسى كان قاعد ياكل Galaxy بالبندق شاف لابتوب فهد محطوط عالأرض ومفتوح قام خذا اللابتوب ودخل على ايميله شاف ايميل جاسم وايميل فهد (online)
فكر يسوي فيهم دقه عشان يصيدهم دخل على جاسم
بوناصر(نك عيسى): جسووووووم قول حق فهود مادري شفيه لابتوبه شنو كان مسوي (download) حق شي؟
رد عليه فهد (نك جاسم) بو حمود: عويس انا فهود شفيه اللابتوب
بو ناصر: مادري معلق والشاشة نصها بس الي طالع
بوحمود: من صجك انت
طلع عيسى من ايميله عشان يخلي فهد ايي ويشوف بنفسه
فهد: جسوم قوم خنشوف شفيه
جاسم: لا يبا اخاف يستلمنا نسيت شسوينا فيه
فهد: روح زين انت وين وانا وين لابتوبي بينفجر وهذا خايف على روحه كلش عاد عويس متذكر
جاسم: كيفك روح بروحك
طلع فهد راح الغرفة فتحله عيسى الباب وسوى روحه عادي
فهد: وين اللابتوب ؟
عيسى: كاهو هناك طفا بويهي
فهد راح حق اللابتوب كان عيسى شايل الواير قعد يحاول فيه يبي يشغله ما سار
راحله عيسى من وراه من غير ما يحس وصب عليه قلاص ماي
فهد: ياااا حيوااااااان حدك فاضي اللابتوب ما يشتغل
قام عيسى ركب الواير: ما فيه شي اللابتوب شزينه
فهد استوعب ان انقص عليه: قام يبي يطق عيسى قاموا يركضون بالدار كل واحد يبي يصيد الثاني سمعوا جاسم ويوسف صوتهم راحولهم طاح يوسف صوب الباب ومسك بطنه مات من الضحك على شكلهم خلص عيسى من فهد شبعه طق شاف جاسم جدامه (انت هني بعد)
كان جاسم يبي ينحاش من الغرفه بس يوسف ما خلاه سكر الباب وقف جدامه
جاسم قام يصرخ: يوسفوا وخر
ياله عيسى ذبحه طق ويوسف يضحك
عيسى: وانت بعد تضحك عليهم ها وحطه ويا جاسم واستلمهم لما خلص راح انسدح على السرير وقام يضحك على اشكالهم
بعدين كلهم قاموا يضحكون على اشكالهم كل واحد بصوب واشكالهم مبهذله
قام جاسم راح حق عيسى مسكه من جتفه: فديتك والله يا رامبوا
عيسى: احم احم طبعا.. شفتني شلون طشرتكم
جاسم: اي شفتك فديت الـbigboss انا
يو فهد ويوسف قعدوا معاهم عالسرير
جاسم: اي صج عويس ويوسف ترى شريف عازمنا عندهم غدا اليوم
فهد: خل اييب اللاب اوريكم لقطات مضحكة مو صج
ظلوا الشباب مجابلين اليوتيوب بعدين قاموا بدلوا وراحوا فلة شريف
والحريم والبنات خلصوا شغلهم وراحوا يبدلون عشان يطلعون يتغدون بره
كانت فطوم تفكر (شفيه حمد ما دق .. ادق عليه ولا انطره.. لا لا خل انطره اكيد بدق)
سارة: بشنو سرحانه
فطوم: حمد مادق ولا دز حتى مسج
سارة: الغايب عذره معاه ليش ما دقين انتي عليه
فطوم: مادري بنطره اهو يدق
سارة: كيفج انا قلت ما راح ادخل
فطوم: بس اخاف صايرله شي
سارة: مدامج تحاتينه دقي عليه
فطوم: خلاص خل نوصل المطعم اشوف
سارة: يلا تعالي لبسي لا نتأخر
فطوم: اوكي
يتبع....
راووني ردودكم الحلوة مثل كل مره
_03BA:
** زنوب **
New member
ღ TőOőma ღ
New member
dlo3t^baba
New member
- إنضم
- 24 مايو 2008
- المشاركات
- 1,102
- مستوى التفاعل
- 0
- النقاط
- 0
miss-pinksh
New member
ღ TőOőma ღ
New member
ღ TőOőma ღ
New member
ღ TőOőma ღ
New member
لبست فطوم (بنطرون جنز سكني مع توب رمادي جبنيز ومكتوب عليه بالسماوي ((I Love u ولبست معاه سلسة طويلة كلها خرز سماوي وبنهم خزن صغار سلفر ولبست فلات سماوي عليه فيونكه سلفر وكانت لابسه باند سماوي فيه خطوط رماديه ومنزله قذلتها على جنب بس بدون بف كان شكلها حده شبورتي وناعم وحطت ميك أب خفيف)
ولبست سارة (نفنوف رمادي قصير لي فوق الركبه ستايله وسيع شوي كان كله عليه نفشات بالوردي الغامج شوي والبنفسجي كان شكله حيل ناعم لبست معاي قلب قصير فيه فصة وحده صغيره لوبنها وردي ولبست تاج وردي فيه فراشه رماديه صغيره عالجنب مع بف خفيف وكان لون الفلات نفس لون التاج وعليه فيونكه سلفر >>> نفس فلات فطوم بس الألوان غير وحطت ميك أب ناعم )
كان شكلهم حدده ناااعم وكيوت خذوا موبايلاتهم ونزلوا اللوبي عطوا مفتاح غرفتهم حق الرسبشن ووقعدوا ينطرونهم ينزلون
سارة: ما قلتلتج منو شفت اليوم لما نزلت اتريق
فطوم: منو؟؟
سارة: فهد وجاسم
فطوم: منو هذيله
سارة: هههههه الشباب الي كنا قاعدين معاهم امس
فطوم: اهااا وشقالوا .
سارة: ماكو قعدنا نسولف وقلتلهم يقعدون معاي كنت قاعده بروحي خذوا اكلهم وقعدوا معاي بطاولتي
فطوم: اهااا ومنو الي عاجبج فيهم
سارة: جب ليش تفكيرج جذي انتي
فطوم: ههههههه صج قوليلي حاطه عينج على منو
سارة: يا حماره والله العظيم عادي ما فكرت جذي والله
فطوم: انزين انزين بسج حلف (تذكرت فطوم حمد) ... ساروا شرايج ادز حق حمد مسج؟
سارة: اي شوفي شفيه يمكن صايرله شي الله لا يقول
فطوم: لا انشالله بس صج خايفه عليه غريبه اول مرة يسويها
سارة: خلاص عيل دزيله عشان تطمنين
نزلو ام سارة وام فطوم عطوا مفتاحهم حق الرسبشن وراحوا عندهم
ام فواز: يلا بنات التاكسي ناطرنا برا
قاموا البنات وركبوا التاكسي
طلعت فطوم تلفونها ودزت مسج حق حمد (حمادة وينك ما دقيت عليي اليوم L ) نطرته 10 دقاقيق تقريبا بس ما رد عليها فتحت الملاحظات وكتبت (سارو دزيتله مسج من 10 دقايق ما رد عليي L ) ردت عليها سارة بتلفونها (لما نوصل دقي عليه يمكن ما شاف التلفون ولا ما سمع ما تدرين) كتبتلها فطوم (اوكي اففف متى نوصل قمت احاتي) طالعتها سارة وابتسمت وكتبتلها (وتقولين ما تحبينه بعد يمه منج) كتبتلها فطوم (احبه بس مثل اخوي مو اكثر) سارة ردت عليها (يإنتي يا ام الاخوة) قرصتها فطوم وكتبتلها (جب مليقه) ضحكت سارة وقفلت تلفونها
وصلوا المطعم نزلوا من التاكسي كان المطعم مكانه حلو وفيه قعده تطل على البحر
سارة: خنقعد بره احلى الجو ينن
ام فواز: أي والله الهوا يرد الروح خنشبع من هوا مصر قبل لا نرجع
ام سارة: يلا عيل امشوا
فطوم ظلت ساكته ومشت وراهم وقعدت معاهم على الطاولة وقامت تطالع البحر
ام فواز: شفيج فطوم
فطوم: ولا شي يمه بس دايخه
ام فواز: ويييه انتي ما تشبعين نوم
فطوم: انا نمت شي عشان اشبع نوم
ام فواز: انزين شنو تاكلين
فطوم: ما اشتهي
ام فواز: لا بنتي فيها شي مو معقوله
ام سارة: شفيج ليكون متناجره مع ساروا
سارة: لا لا متناجرين ولا شي بس اهي مادري شفيها مطنقره يمكن عشان فيها نومه (وتغمز حق فطوم)
ام فواز: عي اذا بتظلين جذي نخلص غدا ونرجع الفندق علطول
فطوم: أي يمه احسن مالي خلق شي بروح انام
(سارة تقول بقلبها وتقولي مثل اخوي أي اخوة أي بطيخ زين)
ام سارة: ها شتاكلون....
طلبوا وكلوا وقعدوا شوي يسولفون وفطوم ساكته تطالع البحر وكل شوي تطلع تلفونها يمكن يوصل مسج او يدق حمد
فطوم: انا بروح الحمام سارة تعالي معاي
قامت سارة: امشي يالحب انتي فديت الزعلانين انا
فطوم: جب مالي خلق
سارة: زين مني قاعده ادلعج
فطوم: سوري متضايقه
سارة: دقي عليه تطمني
فتحت قفل تلفونها ودقت على حمد ترررررررن......تررررررن.......ترررررررن.........
ترررررررن......تررررررن.......ترررررررن.........تر ررررررن
(ساروا ما يرد L )
سارة: تعالي اخاف نايم
فطوم: ما اعتقد امس كلمته مبجر وقالي انا بنام حتى ما سولفنا سكرناه
سارة: ما تدرين يمكن تعبان ونايم لي هالحزة
فطوم: اففف ما يسير جذي حرق اعصابي
سارة: ايييي!!!
فطوم: شنووو شفيج؟
سارة: عندي رقم علاو رفيجه
فطوم: صج عفيه دقي عليه استحي انا اكلمه
سارة: اوكي ودقت عليه
علي: الو
سارة: الو هلا علي عرفتني
علي: اممم مادري جن سارة
سارة: اي سارة شلونك علاو
علي: تمام انتي شلونج ؟
سارة: بخير الحمدلله (فطوم قرصتها عشان تسأله) إي علي بغيت أسألك عن حمد ما تدري وينه
علي: حمود اكيد نايم لنه اذا قاعد بدق عليي عشان نطلع
سارة: مادري فطوم تقول انه نايم مبجر امس
علي: أي عادي يمكن ما شبع نوم قوليلها لا تحاتي الحين اروح اطل عليه واطمنها
سارة: اوكي ثنكيوووو علاو
علي: العفو حياكم بأي وقت
سارة: تسلم خلاص انت شوفه ودزلي مسج اوكي
علي: اوكي
سارة: تامرني على شي؟
علي: سلامتج بس سلميلي على فطوم
سارة: الله يسمك يوصل باااااي
علي: بايات
سارة: يسلم عليج
فطوم: شقالج؟
سارة: قالي اكيد نايم ولا جان دق عليه وقال انه بروح يشوفه ودزلي مسج يطمنا
فطوم: زين اشوه الي عندنا رقمه ولا جان قاعده على اعصابي
سارة: شفيج انا المنقذة دايما امشي خنقولهم نرد الفندق لن مزاجج مو صج
فطوم: أي والله احسن
راحوا عندهم وقالولهم انهم بيرجعون الفندق
ام سارة: خلاص عيل ناخذ تاكسي نقطكم الفندق واحنا بنروح السوق
سارة: فطوم ما تبين تروحين معاهم
فطوم: مالي خلق فرارة السوق بس ملينا خنروح نقعد عالبحر احسن
سارة: اوكي خلاص عسل قطونا الفندق
ام فواز: يلا عيل مشينا
راحوا كلهم ركبوا التاكسي ....
ღ TőOőma ღ
New member
وصلنا لي لما طلعوا من المطعم وركبوا التاكسي
بالتاكسي كانت فطوم تفكر ( انشالله مو صايرله شي ليش تفكيري انا جذي لا لا انشالله)
وصلوا الفندق نزلوا سارة وفطوم خذوا المفتاح من الرسبشن وصعدوا الغرفه فطوم قطت روحها على السرير علطول
فطوم: اففففف يبيله نومه بس خل اطمن على حماده اول
سارة: لاااا يعني منتي نازله!!
فطوم: مادري ساروا اشوف
سارة: يالمليقه انا رجعت عشانج لا نقعد بالغرفه عاد
فطوم: اوكي بس خنشوف علي شقولنا اول
البحرين
علي وصل بيت حمد طق الجرس فتحت الخدامه الباب
علي: بابا حمد وينه
شكيله: بابا حمد نوم ماكو يقعد
علي: انا قلت اكيد نايم خل ادق عليهم قاعدين يحاتون
شكيله: سنو بابا انا ماكو مفهوم انت سنو يقول
علي: ولاشي ولاشي لما بابا حمد يقوم قوليله يدق عليي ضروري ادري بشوف مكالمتي وبيكشت
شكيله: جين بابا
مشا علي وركب سيارته وبالطريج دق على سارة
تلفون سارة يرن (قوم قوم قوم علم الصبح....) بس اهي كانت بالحمام
فطوم: هذا علي خل ارد: الو
علي: الو هلا سارة رحتله بيتهم طلع نايم
فطوم: انا فطوم مو ساره اكيد نايم مافيه شي يعني
علي: هههه لا مافيه شي
فطوم: بس اهو كان نايم مبجر امس شمنومه لي هالحزة
علي: مادري والله لي قام سإليه
فطوم: مشكور علاو ما قصرت سوري اذيناك معانا
علي: لا تقولين جذي لا أذيه ولاشي والي يعز على حمود يعز عليي
فطوم: ثنكس علي
علي: ولكم فطوم مدام قاعد اكلمج بقولج شي وابيج تفهيمنه عدل
فطوم واهي مستغربه من طريقه علي الجدية: قول
علي: فطوم انا عمري ما شفت حمد بالحاله الي اهو فيها الحين
فطوم: امممممم ما فهمت شتقصد
علي: قصدي من كلمج واهو حده مستانس بس في شي يكسره
فطوم: شنو؟؟؟
علي: ما يحتاي اشرح اكثر انتي ذكيه وتفهمين فلا تخلين عالشعور عنده يزيد
فطوم: امممم اوكي فاهمتك
علي: اوكي عيل انا استأذن تامريني على شي؟
فطوم: سلامتك ومشكور وايد
علي: العفو باي
فطوم: بايات
حطت فطوم التلفون على الطاولة وظلت واقفه بمكانها وسرحت بكلام علي (بس في شي يكسره... بس في شي يكسره.. بس في شي يكسره) كانت فطوم سرحانه حتى ما حست بسارة لما طلعت من الحمام لما شافتها سارة جذي راحتها من وراها
سارة: بوووووووو
فطوم: يممممه قلبي بغى يوقف
سارة: سمله عليه قوليلي الحلوة بشنو سرحانه
فطوم قررت انها ما تقول الكلام الي قالها ياه علي حق سارة: ولاشي بس قاعده تقول انها حرقت اعصابها عالفاضي
سارة: ليش شنو وين ما فهمت!!
فطوم: ههههههه شفيج شفيج توه علي دق لما كنتي بالحمام وقالي ان حمد نايم
سارة: اهااااااا اشوه يعني مافيه شي الحمدلله
فطوم: بس انا مستغربه ساروا
سارة: من شنو؟
فطوم: قلتلج انا اني كلمته مبجر امس وقالي انه بنام عيل شلي منومه لي هالحزة المفروض يكون قاعد قبلي بواااااايد
سارة: امممم مادري سإليه لما تكلمينه
فطوم: بسإله وبسJ مسكين بشلخه
ساره: هالولد صج مسكين والله
فطوم: بس زين تطمنت انه مافيه شي
سارة قامت تطالع فطوم بنظرات حيره (شلون تقول ما تحبه ابي افهم)
فطوم: سكنهم مساكنهم يمممه شفيج تطالعيني جذي
سارة: مافيني شي بس جن في حبوب يديده طالعتلج بوهج
فطوم: اختاري جذبه سنعه نسيتي اني قاعده احط كريم تقشير يعني مستحيل تطلع حبه يديده يالجذاااااااابة
سارة: اووو المهم بتنزلين عالبحر ولا لا?
فطوم: مادري ساروا فيني نومه والفراش يشوق
سارة: شلون يعني اروح بروحي
فطوم: اي عادي شنو يعني
سارة: شسوي تحت بروحي بالله
فطوم: اخذي لابتوبج وقعدي
سارة: فطوم يلا عاد انا ييت معاج الفندق لا تكسرين فيني
فطوم: انزين قطيعه بس خل ابدل
(قامت فطوم لبست بنطرون بنفسجي غامج سكني خامه الجنز وبلوزه سماويه عليها ثلاث قلوب بنفسجيه من جدام وولمت شعرها سوته عنقوص ولبست تاج بنفسجي عليه شريطه سماويه ضعيفه ونظارة شمسية ماركه dior وجوتي رياضه سماوي (puma
خذوا موبايلاتهم ونزلوا تحت راحوا يتمشون عالبحر كانوا ساكتين يطالعون البحر كل وحده فيهم راحت بعالم ثاني
فطوم (كلام علي عدل انا جذي قاعده اضر حمد اكثر مما افيده كان المفروض من البداية انهي كل شي وما اكمل الحين صج توهقت ما اقدر اقوله مابي اكلمك ياربي شسوي والله محتاره)
سارة (مادري ليش حسيت ان نظراته غريبه احسها غير عن نظراتهم كلهم حتى لما يسولف معاي احس ان شعوره غير عن الباجي بس يمكن يتهيألي ممممممم مادري )
التفتوا على بعض ثنتينهم وقالوا بوقت واحد: بشنو سرحانه؟
سكتوا ثواني وعقبها انفجروا ضحك
سارة: صج بشنو كنتي سرحانه?
فطوم: انتي سرحانه بشنو?
سارة: ما اقول انتي قولي اول
فطوم: لا انتي اول
سارة: مابي ماراح اقول لين تقولين
فطوم: ولا انا راح اقول
سارة: مو لازم
مشت فطوم شوي بعيد عن سارة قعدت عالرمل ورسمت بالرمل علامه استفهام يتلها سارة قامت اطالع الي مسويته فطوم
سارة: شتقصدين يعني?
فطوم: ولا شي بس جذي
سارة: هيييين
فطوم: كيفج والله صدقتي ولا بالطقاق
سارة: وييييع شفيج جذي انتي
فطوم: سوري سوري (وتبوسها) تعالي قعدي يمي كلشي ولا زعل سوير
سارة واهي حاطة طرف ظفرها بين اسنانها يعني مستحيه: هييي استحي
فطوم: ههههه مادري مته بتكبرين انتي ليلحين احسج ياهل
سارة: بس شكل ولا من داخلي اكبر من امي
فطوم: افااا ليش كل هذا
سارة واهي تتنهد: الجرح الي تركه عزوز ما كان هين خلاني اكبر فوق عمري سنين وايد
فطوم: وانتي ليلحينج ما نسيتي هالسالفه
سارة: لو كنتي مكاني بتقدرين تنسينها
فطوم: والله مادري.. بس شقولج لازم تحاولين تنسين
سارة: قوليلي شلون انسى كان اول حب بحياتي تعلمت الحب لما عرفته ولما كلمته
فطوم: والله حاسه فيج مو سهله انه يلعب بمشاعرج ويستغلج
سارة: آآآآخ يفطوم آآآآخ الله لا يذوقج الي ذقته
فطوم: حبيبتي لا تقولين جذي انتي قويه وتقدرين تنسين
سارة والدمعه بعيونها: شلون انسى فطوم؟؟ شلون؟؟ كلمت عقبه ولا قدرت انسى.. اشوف بكل واحد صورته صوته.. رغم كل الي سواه احس ان ليلحين في مشاعر بقلبي له
فطوم: افااا ساروا هذا وانا دايما ماخذه عنج فكره انج قويه ليش جذي
سارة ما قدرت تحبس دموعها نزلت دمعه على خدها
فطوم لمتها: ساروا حياتي آسفة كلا مني انا
سارة واهي تبجي ونفسها كان سريع: انتي مالج شغل انا حاطتها بقلبي من زمان
فطوم (غرقت عيونها بالدموع): حياتي انتي خلاص لا تضيقين خلقج خيولي
يلا ناطرين حبيبتي القصة عجيبببببببببببببببببببببببببببببببببة و اسلوبج حللللللللللللللللللللللللللوووووووووو
miss-pinksh
New member
dlo3t^baba
New member
- إنضم
- 24 مايو 2008
- المشاركات
- 1,102
- مستوى التفاعل
- 0
- النقاط
- 0
ياااااااااااااااااااااااااااااااااااااااااااااي
يلا يلا اسرع سرييييييييييييع نزلي بارت يلا اسرع سريع
القصه top
وترا انا اسبوووع واسافر كملييها بسرعه اسرع سريييييييييع << شنو اسرع سريع لوووووووووول
يلا يلا اسرع سرييييييييييييع نزلي بارت يلا اسرع سريع
القصه top
وترا انا اسبوووع واسافر كملييها بسرعه اسرع سريييييييييع << شنو اسرع سريع لوووووووووول
