ღ TőOőma ღ
New member
فطوم: اي فهد هذا بعد؟
سارة: وييي حتى انتي ناسيه
فطوم: منو ذكريني
سارة: فهد الي خذا رقمي بمصر
فطوم: ايي الي تعرفهم امج
سارة: اي
فطوم: ههههه انزين وشقال
سارة: ماكو بس سلم
فطوم: بسس
سارة: سألني ليش ما رديتي وقتله اني لاهيه وجذي
فطوم: وبعد
سارة: قالي انهم وصلو الكويت اليوم
فطوم: انزين وبعد شقال
سارة: بس ما قال شي اصلن كل شوي يسكت
فطوم: ههههههه اول ما وصل الكويت دق اظاهر متولع الولد
سارة: روحي زين شكو داق يسأل وبس
فطوم: وشدراج ان بس
سارة: اقووول امشي جدامي مالي خلق ملاقتج
فطوم: انزين لا تزعلين علينا بعد
سارة: جب كنت اطفرج مو من صجي
....................
فهد قاعد يفكر (والله فقدت صوتها جن مو صج كلمتها) واهو يفكر دق عليه عيسى
فهد: نعم شتبي
عيسى: الناس تسلم اول
فهد: مالي خلقك خلصني شتبي
عيسى: شفيك انت يبا مابي شي خلاص هونت باي
فهد سكره علطول
عيسى (شفيه هذا ين ولا شنو)
فهد رجع يفكر (توقعتها تتذكرني) قعد وضايق خلقه ما يدري شسوي (اذا بظل جذي راح تروح مني) خا تلفونه بدق على عيسى جان يستوعب الي سواه (اووف انا شسويت شدعوه برد عليي الحين) دق عليه ما رد ظل يسكره ويدق كل شوي لحد مارد عليه
عيسى: نعم مو توك مسفل فيني ومسكره بويهي شتبي
فهد: سوري سوري مادري عن روحي
عيسى: لا تجذب ماكنت نايم اعرف صوتك اذا نايم
فهد: ما كنت نايم كنت افكر
عيسى: انزين شتبي الحين
فهد: افااا انا تقولي شتبي
عيسى: اي اقولك عندك مانع
فهد: عويييس ساعدني
عيسى حس ان فهد فيه شي: شفيك فهود
فهد: دقيت توني على سارة
عيسى: صجج مبروووووك انزين قولي شصار
فهد: ما عرفت اتكلم غصب يطلع مني الحجي
عيسى: هههههه جذي الحب يسوي انزين شقلتلها
فهد: ما قدرت اقول شي بس سلمت
عيسى: الحين ذابحنا حنه بترد وبترد ولما دقيت بس سلمت
فهد: انا كنت مرتبك قبل لا ادق وانحبطت زياده لما قلتلها اسمي وما عرفتني
عيسى: هههههههااااااي
فهد: مو وقت ملاقتك الحين
عيسى: ههههه انزين قول
فهد: شقول
عيسى: شقالتلج شلون كلمتك
فهد: مادري عادي اقولك ما عرفتني البنت ناسيتني كلش
عيسى: يعني اكيد بالله شكو بتتذكرك تصيرلك تعرفك عشان تتذكرك
فهد: مادري قلت يمكن تبادلني نفس الشعور
عيسى: وايد تحلم ترى انت
فهد: لا تحبطني زياده تكفه
عيسى: اوكي شالمطلوب الحين
فهد: مادري شسوي
عيسى: صارحها بمشاعرك وخلصنا
فهد: اخاف تجعمني
عيسى: لا شدعوه
فهد: انا بسلم وغصب تيني اقولها احبج
عيسى: ترى حيرتني معاك شسويلك يعني
فهد: مادري فكر دبرني
عيسى: انزين انزين انا اكلمك بعدين المهم ارتحت سمعت صوتها
فهد: افف حده
عيسى: خلاص عيل اكلمك باجر
فهد: اففف انزين
عيسى: لا تفكر وايد يا روميو انت
فهد: انزين اقلب ويهك
عيسى: هههههه باي
فهد: باي
.............................
(الخيران)
كلهم دخلو الشاليهات يصلون
طلعت فطوم لقت سعود قاعد بروحه عالكرسي كانت يبترد تدخل جان تناديها دانه من داخل التفت سعود شافها سوت روحها ما شافته ودخلت
فطوم: شتبين
دانه: وين الpsp مالتي
فطوم: حطيتها بجنطتي
دانه: وانا ساعه ادورها
فطوم: مره ثانيه اذا تبين شي لا تصرخين
دانه: روحي زين اسمله على اذنج
فطوم: جب جب سارو امشي بره
سارة: بعد شوي بنسدح شوي
فطوم: حصو امشي
حصه: بطالع المسلسل الحين يحطونه
فطوم: انزين دانو امشي
دانه: مالي خلق بعدين
فطوم: حدكم ملاقه
ظلت فطوم تحوس بالشاليه
سارة: شفيج انتي
فطوم: ملييت
سارة :طالعي احد ماسكج
فطوم: اطلع بروحي
سارة: تلقين خالاتي بره
فطوم: افف انزين
طلعت فطوم مره ثانيه مرت بسرعه جنها مو شايفه سعود
