اذا بيوم انتهى حبي لك...> تأكد انه يوم موتي< (قصة كويتية)

[اسيرة احزاني]

يلا كمليها ناطرينج
القصة عجيبة

 

[ღ TőOőma ღ]

فدييتج حوووبي وبكملها بس نطرو علي شوي :$

 

[Miss^_^CoOoL]

نااطريينج p;

بس بليييز لا تطوليين ^_^

 

[ღ TőOőma ღ]

جين:eh_s(6): فدييتج

 

[shnan]

يالله يالله

 

[Findy Girl]

waiting

 

[كادي::::]

يلا ناطرينج

 

[Findy Girl]

حبيبتي قوليلنا متى

 

[الفراشه الورديه]

عجيبه هالقصه

صارلي يومين اقرا فيها

يلا نبي بارت بسرعه

 

[Miss^_^CoOoL]

yala pleez kamleeha !

 

[Findy Girl]

ee 9a7 ylaaaaaaaaaaaaaaaa


looooooooooool

y36each il 3afya

 

[Miss^_^CoOoL]

ويييينح طولتي علينااا :eh_s(1):

 

[ღ TőOőma ღ]

سوووري بنات تأخرت عليكم انشالله اول ماتنزل بارت يديد احطه لكم على طول

 

[ღ TőOőma ღ]

وصلو الشباب والبنات الشاليه وراحو يتغدون لما خلصو غدا طلعو كلهم وقعدو عالكراسي قبال الشاليهات ويابو الجاي والحب


ام فواز: بنات قومو صبو الجاي


سارة تطق فطوم على جتفها: قومي شوفي شغلج


فطوم: وليش انا مو انتو


دانه: انتي خبيرة بهالسوالف انا ما اعرف اشيل الصحن


فطوم: شدعوه عليج


ام سارة: فطوم ما عليج منهم صبي انتي الجاي من ايدج احلى


فطوم تطلع لسانها حق البنات: موووتوووو حررره


حصه: قصو عليج قالولج جذي عشان تقومين


ديده مريم: لا قصينا عليها ولا شي بعدعمري والله فطومه يبخت الي بياخذها


سعود سمع يدته جان يقول بقلبه (انشالله بكون انا)


صبت فطوم الجاي عطت امها ويدتها وخالاتها وابوها وبوناصر: شباب اصبلكم


فواز وسعود: اي


فطوم: فيصل وناصر ما تبون


فيصل: لا بعدين


فطوم: وانت ما تحب الجاي ادري


ناصر: عيل لا تساليني مره ثانيه


فطوم: انزين قطيعه صاير جنك دانو من كثر ما تجابلون بعض


دانه: ويييع تشبهين هذا فيني


ناصر: ويع انتي شنو اشايفه جدامج


ام ناصر: ههههههه شفيكم خلااص


دانه: عشان خالتي بسكت ولا انت ما تستاهل


فواز: الي يطيح بلسانج مسكييين


فطوم صبت الجاي وودته حق الشباب عطت سعود وبعدين عطت فواز مرت يم سعود


سعود بصوت خفيف: جن الجاي اليوم احلى


فطوم سوت روحها ما سمعت


سارة: فطوم فديييتج حبيبتي انتي صبيلي جاي


فطوم: كل هالمساحل عشان استكانت جاي


سارة: ههههههه شسوي فيج ما تيين الا بهالطريقه


صبت فطوم جاي حق سارة وحقها وقعدو ياكلون حب ويسولفون


وصل سارة مسج لما فتحته كان رقم فهد والمسج كان (احبج...) علطول راوت المسج حق فطوم وفطوم قامت تضحك


دانه: شنو بشوف


سارة: شتبين نعم


دانه: بشوف شنو الي قاعدين تضحكون عليه


حصة: اي انا بشوف بعد


سارة: سووووري خصوووصيات


حصة: ليش وريتي فطوم عيل


فطوم: حبيبتي انا غير


سارة: اي قالتلج اهيا غييير


دانه: ملاااقه حدكم


سارة: مو املق منج هههههه


فطوم: شرايكم نروح نتمشى


حصه: روحو بروحكم عشان تاخذون راحتكم


دانه: اي مو عندكم خصوصيات مانبي نضايقكم


فطوم: شنو يعني انشالله زعلانين


حصة: ايي


سارة: ههههه اهم شي عن الاستعباط


دانه: مو قاعدين نستعبط من صجنا


فطوم تغمز حق سارة: اوكي عيل على راحتكم يلا سارو مشينا


سارة: مشيينا


فطوم: يبا احنا بنروح نتمشى


بوفواز: اوكي


راحو فطوم وسارة يتمشون بشارع القز صار شوي شافو حصة ودانه وراهم


سارة: هااا مو زعلانين شيايبكم


حصه: يايين نتمشى ما علينا منكم


فطوم: وما لقيتو مكان تتمشون الا هني


دانه: ليش شارع ابوج وانا مادري


فطوم: هههه يالخبله ابوي ابوج


حصة: انزين وخرو عن طريجنا كش كشش


سارة: قطاوه جدامج


دانه: ايي مو عاجبكم


فطوم: فديت القطاوة يهبلون امبله عاجبنا


دانه وحصه قامو يتساسرون


حصة: دانو جن ماكو فايده


دانه: اي.. ها شرايج؟


حصة: خلاص نرجع عادي


دانه: فدييييتكم يابعدعمري والله امشو نلعب


سارة: ههههههههه


فطوم: ههه شفيكم قلبتو مرة وحده


حصة: كنا بنطفركم بس ماكو فايده


سارة: هههه زين يعني ردت العلاقات


دانه: اييي


سارة: عيل يلا نقز


حصة: ههه يلا


راحو البنات يتمشون وبعدين راحو الملاهي لعبو لما خلصو راحو الكفتيريا قعدو يقرقون ويبلعون


دانه: ايي صج نسيت اقولكم


فطوم: شنو قولي


دانه: عبدالله خذا ايميلي امس


سارة: جذااابه متى


دانه: آخر شي لما كنتو قاعدين تقرقون مع روان ودلول ياني عبدالله وقالي عندج ايميل عطيتياه


فطوم: وليش توج تقولين


دانه: مادري نسيت


حصة: حدده مستانس على شطانتج


سارة: اييي


دانه: فديتني والله ووقتها فوازو قام يطالعني من بعيد بعدين يالي سألني شنو سجل بتلفونه جان اقوله ايميلي جان يقولي وايد مستانس عليج ما جرب ملاقتج ولسانج ليلحينه


فطوم: اي والله ما جذب فواز هذا الصج


سارة تساسر فطوم: والله لو تدري روان


فطوم: ههههههههههه اييي


حصة: وبعدين معاكم مو عيب تتساسرون واحنا موجودين


سارة: يبا خلاص آسفين بعد بتردون تطقونها زعله مالنا خلق


ظلو يسولفون بعدين دقت سارة على فيصل


فيصل: هلا سارو


سارة: فصول وينكم؟


فيصل: كنا بالملعب ليش؟


سارة: لا بس اسال طلعتو يعني


فيصل: اي بنروح الكفتيريا


سارة: احنا بالكفتيريا


فيصل: اوكي عيل​

 

[ღ TőOőma ღ]

يو الشباب وقعدو معاهم
فواز: ها شسويتو
دانه: تمشينا شوي وبعدين رحنا الملاهي ويينا قعدنا هني
ناصر: خنأجر لنج
فيصل: تبوون؟
البنات كلهم: اييي
سعود: قومو عيل
راحو كلهم سعود وفيصل اجرو اللنج لما ركبو فطوم قعدت عند ناصر بس ناصر كلللش مو معطيها ويي
فطوم: شفيه الحب رافع الجام
ناصر يسوي روحه مو سامع: حصوو عطيني الكاميرا شوي
فطوم تطقه على جتفه: نصور قاعده احاجيك
ناصر: اسمعج
فطوم: لا وليش ما ترد
ناصر: كييفيي
فطوم: الشرها عليي الي يايه بشوف شفيك
ناصر: مافيني شي
فطوم: اعصابك
فواز: يبا يتغلى هذا ما عليج منه
فطوم: خل يتغلى فديييته
ناصر سكبببب
فطوم: شدعوه عاد ما استاهل
ناصر بقلبه ( اذا انتي ما تستاهلين منو يستاهل عيل): لنج اختي بسامحج بس لا تشبهيني بالشيفه اختج مره ثانيه
دانه: يحصلك مثل الشيفه اشوه الي ما صرت اختك
ناصر: كلش عاد انا الي ميت عليج
فيصل: تكفووون خلاص ابي مره اقعد معاكم وما تتناجرون
دانه: اهو انا شكو
فواز: خلاااص عاد
دانه: انزين
........................
عيسى توه قاعد من النوم شاف تلفونه لقى مس كول من فهد واتصل فيه
فهد: الوووو وينك انت
عيسى: كنت نايم آآآمر
فهد: كلمت سارة
عيسى: كااااااااااااااااااااااااك
فهد: شضحك الحين
عيسى: مو قلتلك امس مردك بتيي وتقولي
فهد: هووو عويس عاد لا تصير جذي شسوي ما عندي غيرك افضفضله
عيسى: يا بعد جبدي انزين كمل شنو قلتلها
فهد: قلتلها اني احبها
عيسى: صججج هيااااااا وشنو قالتلك
فهد: كانت حيل منحرجه ما ردت عليي
عيسى: اي اكيد بتنحرج
فهد: بس انا قلتلها عادي اتصل عليج بين فتره وفتره واهيا قالت عادي
عيسى: اهاا انزين وبعد غرررد غرررد
فهد: وبسس دزيتلها مسج احبج
عيسى: ايواااا عاش فهيدان ردت عليك
فهد: لا
عيسى: هههه مسكينه تلقاها حدها منحرجه
فهد: شكلها مو مرتبطه ولاشي
عيسى: شدراك؟
فهد: مادري ما قالتلي
عيسى: شلون بتقولك واهيا ما تعرفك
فهد: مادري بس انا حسيت جذي
عيسى: اوكي فهود شرايك تمرني ونطلع ترى زهقه
فهد: اوكي ابدل واييك
عيسى: يلا عيل نكمل سوالفنا بالسيارة
فهد: اوكي باي
..................
(نرجع حق الشباب)
مر الوقت ونزلو من اللنج والحين قاعدين يمشون بروحون الشاليه
دانه وحصه وناصر سابقينهم شوي وعقبهم فواز وفيصل وسعود ووراهم فطوم وسارة
ناصر: دانو شوفي هالصورة
دانه: منو هذا
ناصر: هذا مدرس الاحياء مصورينه واهو ما يدري
حصه: نصور ورها مدرس الفيزيا دانو يموت ضحك
.............
فواز: عاد امس كلمته ما قالي
فيصل: ما يدري انك بتدرس بمصر
فواز: ليش انت مو قايله
فيصل: كنت قايله بس عن البحرين مو عن مصر مو انت غيرت بعدين
فواز: ايي وانا عبالي يدري خلاص بعدين ادق عليه
فيصل: شرايك ايي اكمل معاكم بمصر
فواز: شلون يصير؟
فيصل: مادري
سعود: اصلن شلون بتخلي امك واختك بروحهم
فيصل: اي هذي المشكله
فواز: يبا خلك بمكانك طالع انا شلون متبهذل
سعود: تعال انت شصار عليك
^^^(السوالف الي فوق عن الجامعه)^^^
....................
سارة: عادل ما دق اليوم غريبه
فطوم: اي دق بداله فهد
سارة: هههه تصدقين نسيته
فطوم: بما منج تجذبين بعد
سارة: والله من صجي
فطوم: رديتي عالمسج
سارة: لااا شقول اصلن
فطوم: قوليله وانا بعد ههههههه
سارة: ههههه ايا الخبله
فطوم: سارو طالعي هذاك شلون يخز ويبتسم
سارة: لا يشفونه الشباب وتصير سالفه
فطوم: عيل سرعي خل نمشي معاهم
مشو بسرعه لين صارو يمهم وظلو يمشون معاهم لين وصلو الشاليهات دخلو البنات شاليهم غسلو وبدلو ملابسهم وصلو​

 

[ღ TőOőma ღ]

فطوم: انا بطلع اذا خلصتو تعالو
طلعت فطوم لقت ديده مريم قاعده ومعاها بيبي
فطوم: اووو بيبي هني شخباااري
بيبي: شنو سخباري
ديده مريم: يعني ما شافتج من زمان
فطوم: اي اشتقتلج
بيبي: لا يسوي جزاب
فطوم: ههههههه والله من صجي ما قاعده اجذب
بيبي: هبيبتي فتوم سيم سيم انا (يعني حتى انا اشتقلتلج)
ديده مريم: بيبي قومي ييبيلي دواي لا انساه
فطوم: تدرين منو ناقصنا
ديده مريم: منو؟
فطوم: شمس الدين
ديده مريم: هههه خذاله اجازة الحين تلقينه كلا قاعد مع رفيجه بابو
فطوم: ايي يضحكون هالاثنين
سعود وفواز يو وقعدو
سعود: ديده خذيتي دواج
فطوم: راحت بيبي تييبه
فواز: وينها خل اطفرها شوي
يت بيبي وعطت الدوا وقلاص الماي حق ديده مريم
فواز: لحظة ديده لا تشربين
ديده مري: ليش يما
فواز: بيبي تعالي
بيبي: سنو يبي
فواز: عيزانه تروحين الشاليه يايبتلنا ماي من البحر
بيبي: انت ما يشوف انا يجي من ساليه سنو ماي بهر
فواز: يتقصين عليي يعني يلا اخذي القلاص ييبي ماي من داخل
بيبي: قوم انت جيب انا ما يجيب
مشت بيبي واهيا تتحلطم (مجنون هدا ماي نزيف قول ماي بهر والله مجنون هزا)
ام سعود سمعتها واهيا ماره: بيبي شفيج
بيبي واهيا تمشي: كلو نفرات سوي جنجال
ام سعود ضحكت وراحتلهم كلهم كانو ميتين ضحك
ام سعود: شفيها بيبي؟
ديده مريم: فواز يطفرها واهيا تصدق
ام سعود: هههه مسكينه تمشي وتتحلطم
فطوم: زين يسوي فيها
ديده مريم: حرام عليكم الحين تلقونها زعلانه
سعود: زعل بو يعل هههههههههه
طلعت سارة ويتلهم
فطوم: وينهم؟
سارة: قاعدين يطالعون مسلسلهم المليق
فطوم: انزين قعدي ليش واقفه
سارة: يوعانه
فطوم: انا بروح آخذ بطاط اييبلج
سارة :اي ابي برنقلز الأحمر
فواز: يبيلي انا بعد
راحت فطوه الشاليه خذت بطاط حقها وحق فواز وسارة تذكرت سعود
فطوم (مادري اوديله ولا لا ) خذت بطاط حق سعود اذا يبي تعطيه
عطت فطوم فواز وسارة البطاط
فطوم: سعود تبي ييبتلك
سعود: مدامج ييبتي ما اردج
فطوم: زين اشوه
سعود: مشكورة
فطوم: العفو
رن تلفون سارة كان عادل الي قاعد يدق فراحت الشاليه تكلمه
يت ام فواز: بنروح نتمشى تيين خالتي
ديده مريم: والله يليت ناديلي بيبي تدزلي الكرسي
ام سعود: ليش بيبي احنا ندزج
ديده مريم: لا يما اخاف اثقل عليكم
ام سعود: شدعوه خالتي لا تثقلين ولاشي
ام فواز: يلا عيل امشوا
راحو الحريم كلهم يتمشون وراحو بوناصر وبوفواز الكفتيريا
فطوم قامت راحت الشاليه دخلت لقت دانه وحصه
فطوم: وين سارو
دانه: بالغرفه
دخلت فطوم الغرفه لقت سارة قاعده ماسكه تلفونها وضايق خلقها
فطوم: شفييج
سارة: ولاشي
فطوم: ليش قاعده هني ومخليتني بروحي عيل امشي برا
سارة: انزين
طلعو ردو قعدو عند الشباب ويو فيصل وناصر بعد
فيصل: سارو شفيج
سارة: ولاشي فطوم امشي نتمشى
راحو يتمشون جدام البحر
فطوم: يلا قولي شلي مضيق خلقج
سارة: .....
فطوم: قولي سارو شفيج
سارة: العطله قربت تخلص
فطوم: بييي كل هذا عشان العطله بتخلص عادي شنو يعني
سارة: انا قصدي ان اذا خلصت العطله كل واحد بروح بصوب
فطوم: اهااا
سارة: بنرجع البحرين وماراح اشوفج ولا اطلع معاج
فطوم: لا شدعوه اكيد راح تيون بالويك اند نفس كل مرة
سارة: اي بس ماراح نتيمع هاليمعه
فطوم: يعني انتي ما تعودتي ليلحين كل سنه انتو جذي
سارة:بس هالسنه غير
فطوم: شلون يعني غير
سارة: مادري انا احس انها غير عن كل سنه احس انا صرنا مع بعض اكثر
فطوم: اي عدل كلامج
سارة: عرفتي ليش مو هاين عليي اروح البحرين
فطوم: حياااتي انتي كل هذا عشاني
سارة: اييي يالخاسيه
فطوم واهيا تمسح دمعه سارة: فديييتها والله
سارة وفطوم لمو بعض والشباب يضحكون عليهم
فواز: مو جن صار فلم عربي هناك
سعود: اييي مادري شسالفتهم
ناصر: هههاااااااااااااااي
رجعو فطوم وسارة عند الشباب جان فيصل يقوم يلم فواز ويضحكون كلهم
فطوم: شقصدكم يعني
فواز: لا بس تونا شفنا فلم عربي وقاعدين نقلد المشهد
سارة: لا تعيب عليينا
فيصل: اووو طلع اللسان والله اللمه سوت شغل توج مطنقره
فطوم: سارو امشي نقعد بروحنا خيولون
سعود: هههههه تعالو يتغشمرون
سارة: مانبي قعدو بروحكم
طلعو دانه وحصة من الشالهيه
دانه: وين بتروحون
فطوم: ولا مكان بس ما نبي نقعد معاهم
حصه: ليييش احنا يايبين الاونو عشان نلعب
سارة: وييع مالي خلق اونو
دانه: كيفكم حصو امشي​

 

[ღ TőOőma ღ]

دخلو فطوم وسارة الشاليه خذت سارة لابها وفتحت ايميلها كانت يايتلها اضافه
سارة: مادري منو ضايفني
فطوم: يمكن هذول البنات الي شفناهم اليوم الصبح
سارة: اي صح يمكن
ضافتهم سارة وكانو شابكين
......: هااااااي سارة
سارة: هايات منو؟
.....: انا اسراء
سارة: هلا اسراء شلونكم
اسراء: تمام وين رحتو عقب الالعاب
سارة: ماكو رجعنا الشاليه وبعدين طلعنا مره ثانيه رحنا الالعاب والملاهي واجرنا لنج
اسراء: اهاا اوكي سارة احنا بنطلع نتمشى تعالو
سارة: مادري اشوف
اسراء: اوكي عندج رقمي اذا بتطلعون دقي عليي اقولكم احنا وين
سارة: اوكي
اسراء: برب
سارة: تيت
فطوم: بتروحين
سارة: مالي خلق
فطوم: انزين سكري لابج خنطلع نقعد عند البحر
سارة: شوي بشوف الايميلات الي واصلتني
فطوم: هووو شوفيهم بالبيت امشي
سارة: افف انزين قومي
طلعو سارة وفطوم راحو قعدو عند البحر وخذو الكاميرا معاهم وقعدو يطالعون الصور.. الشباب ودانه وحصه كانو قاعدين يلعبون اونو
فواز راحلهم: هااا ليلحين زعلانين
فطوم: من قالك انا زعلانين
فواز: عيل ليش قاعدين بروحكم تعالو
سارة: بعدييين
فواز: كيفكم ترى بنبدي لعبه يديده يلا قبل لا نوزع
فطوم وسارة يطالعون بعض
فواز: يلا قومو لاتنحون
فطوم: انزين قومي
راحو عندهم بدت اللعبه وفطوم فازت اول وحده فيهم
فطوم: هيااااا واااي لحد يكلمني امبي مو صج
ناصر: ههه ينت البنت مو مصدقه
فطوم: اصلا انا متعوده عالفوز بس لن هالمره بوقت قياسي
سارة:انزين لا تستانسين وايد لا يصير فيج شي
واهم يلعبون كل واحد منهم قام يقط كرت سحب بواثنين والي كلاها سعود فطوم ميته ضحك وكانت قاعده تصورهم فيديو
فطوم: ترى قاعده اصور فيديو
سعود: لا تكفيين بلا فضايح الا هاللقطة
فطوم: ههه لا اهم شي هاللقطة
فاز ناصر جان تروحله فطوم وتصوره
فطوم: شنو شعورك وانت فايز
ناصر: جني راكب فراري وقاعد اقحص
فواز: كااااااااااااااااااااااك
وظلت فطوم جذي كل مافاز واحد منهم صورته وسالته نفس السؤال ولما فاز سعود راح ركض دخل الشاليه كان بروح الحمام
فطوم: وين راح ما صورته
سارة تغمز حق فطوم: روحيله قبل لا يفوز احد ثاني
راحت فطوم ووقفت عند باب الشاليه سعود كان ياي بيطلع جان تطلع بويها
سعود اخترع: بسم الله شفييج
فطوم كانت قاعده تصوره: ما قلتلي شنو شعورك لما فزت
سعود: ههههه مثل شعوري عقب ما طلعت من الحمام
فطوم: ههههه شكو لا جد
سعود: اممم مثل شعوري وانتي واقفه جدامي الحين وودي اصرخ...
فطوم وقفت تصوير ونزلت الكاميرا: ....
سعود: لييش وقفتي تصوير
فطوم: مادري
سعود: ما كملت
فطوم: يلا كمل
سعود: شفيج
فطوم: شنو كنت بتقول
سعود: هااا لا ولاشي
فطوم: اوكي .. لفت عشان ترجعلهم
سعود مسك ايدها: لحظة
فطوم: شنو؟
سعود: اشش
ظل سعود يطالع عيونها واهو ساكت
فطوم: شفيك؟
سعود: كنت بحاول اقرا هالنظرات يمكن اقدر افهمج
فطوم: ههههه ماراح تقدر
حصة من بعيد تصرخ: فطوووووووم فصووول فاااز تعاليي صوريييه
فطوم: اقدر اروح الحين
سعود اوهو يبتسم: اي تقدرين
راحت فطوم وراح وراها سعود لما خلصت هاللعبه والكل فاز وصورتهم كلهم دانه كانت اهيا الخسرانه
ناصر: ههههههه عادي دانو لا تبجين
فواز: قيم لك وقيم عليك (يعني لعبه لك ولعبه عليك)
دانه تطالعهم واحد واحد: في احد بقول شي بعد
فطوم: هههههههه لا مالنا خلق تبجين
دانه تطلع لسانها: ليش قالولج فطوم
فطوم: جب جب
سعود قام يضحك بس خاش الضحكه
فطوم: لا عادي اضحك
كلهم لفو وهم على سعود جان يبطها ضحك
سارة: امشو نروح نتعشى
فواز: يلا امشو نروح الصاله
دقت فطوم على امها
فطوم: يما بنروح نطلب اوكي
ام فواز: يعني ما نعمل حسابكم بالعشا
فطوم: لا يما
ام فواز: والشباب
فطوم: حتى الشباب
ام فواز: اوكي عندكم فلوس
فطوم: اي عندنا
ام فواز: خلاص اوكي
راحو لي الصالة ودخلو كلهم كل واحد طلبله من المطعم الي يبيه وقعدو مع بعض فطوم وصلها مسج من حمد (شدعوه ما سألتي طول اليوم) فطوم ردت (سوري قاعده معاهم ما اقدر اكلمك) حمد (اوكي لما ترجعين دقي عليي) لما خلصو طلعو من الصاله
دانه: مانبي نرجع الشاليه
ناصر: من قالج بنرجع
فطوم: خنروح نلعب بلياردو
فواز: هههههههه
فطوم: شفيك تضحك
فواز: الي يقول تعرف تلعب عاد
سعود: اي تعرف انا علمتها شوي
فيصل: يلا خنشوف اللعب
دخلو الصاله وراحو يلعبون
فيصل: يلا ورينا لعبج
فطوم: اوكي شوفو
فواز: اووو والله تطور لازين تعلمتي شوي
سعود: احم احم انا المدرب
حصه: انا بعد علمني بس فطوم احسن مني
ناصر: يلا خنشوف لعبج انتي بعد
فيصل: وانتو
سارة: انا ما اعرف ولا ابي اتعلم
دانه: ولا انا
فيصل: هههه احسن
لعبو وسعود علم فطوم شوي وبعدين طلعو من الصاله شروا عصير وراحو يتمشون​

 

[ღ TőOőma ღ]

فواز: بقولكم خبر بايخ بس لا تطقوني انا مالي شغل
كلهم: شنو؟؟
فواز: وصلني مسج
فطوم: انزين وشنوا لمسج
فواز: المسج يقول (ردو الشاليه شيلو جناطكم لن بعد شوي بنروح)
سارة: لاااااا
حصه: هووو مانبي
فطوم: ملييق ليش قلتلنا
سعود: ههههههههه خلاص لا تبجون
فواز: انا شكو ابوي الي دازه
دانه: وييع صار ضيقه خلق
رجعو كلهم الشاليه وبالطريج كل وحده من البنات تتحلطم والشباب يضحكون عليهم لما وصلو دخلو البنات الشاليه علطول
بوفواز يأشر حق الشباب شفيهم البنات
فواز واهو يضحك: عشان بنرجع
ديده مريم: بعد عمري والله كانو مستانسين
بوفواز: شنسوي ما لقينا حجوزات زين الي لقينا هالجم يوم
راحو كلهم الشاليهات يشيلون اغراضهم
ناصر خلص راح حق البنات: عمي يقول الي تخلص تودي اغراضها بالسيارة
فطوم: اوكي
طلعت فطوم تحط جنطتها بالسيارة كان سعود ناطرها بس اهيا ما شافته حطت جنطتها وكانت بترد الشاليه جان يناديها
فطوم : انت من متى هني
سعود: من زمان
فطوم: ما شفتك انزين شبغيت
سعود: بوريج صوره
فطوم: صورة منو
سعود واهو يطلع الصورة بتلفونه: الحين تشوفين... كاهي شوفي
فطوم شافت الصورة كانت الصورة الي مزوم عليها لما كانو باللنج
فطوم: متى هذي
سعود: ههه بالنلج لما قلتلولي اصوركم آخر صورة زومت عليج وخليتهم
فطوم: لا والله انزين امسحها
سعود: ههه انسييي بحطها بلابتوبي
فطوم: مليييق بالله احد شافها
سعود: لا تحاتين محد راح يشوفها بس ما هان عليي ما اقولج
فطوم : اوكي تبي شي
سعود: سلامتج
ردت فطوم الشاليه وراحت صوب البحر كان ضايق خلقها وقفت جدام الشاليهات وصورتهم كلهم لما خلصو كلهم ركبو كلهم سياراتهم وبالطريج كانو مع بعض بعدين تفرقو وكل واحد راح منطقته
فطوم نامت بالسيارة ودانه تلعب بال psp
حصه وناصر يطالعون الصور الي صوروها
سعود معلي عالاغاني ويفكر بفطوم
سارة مبطله لابها تذكرت عيد ميلادها
سارة: يمااا
ام سارة: قوليي
سارة: ترى عيد ميلادي الاسبوع الياي ابي اسوي بارتي صغيره
ام سارة: وين يتسوينها
سارة: مادري اي مطعم مو بارتي كبيرة عاديه بينا كيكه ويغنولي واعزم رفيجاتي
فيصل: ولييه مالي خلق اشتريلج هديه
سارة تطلعله لسانها: مو لازم
ام سارة: خلاص اشوف اي مطعم واقولج
سارة: انزين بس مو تطولين عشان اقولهم
ام سارة: انزيين
..........................
وصلو كلهم البيت
(بيت بوناصر)
ام ناصر وبوناصر راحو غرفتهم وناصر وحصه بدلو وقعدو يطالعون فلم ويسولفون عن الخيران
(بيت ام سعود)
ام سعود بدلت وقعدت بالصاله وسعود خذا شاور وقعد مع امه
(بيت ام سارة)
ام سارة بدلت ونزلت قعدت بالصاله وفيصل بداره يتلكم بالفون وسارة كلمت عادل ودخلت تسبح
(بيت بوفواز)
ام فواز وبوفواز قاعدين بالصاله فوق وديده مريم نامت فواز شابك بغرفته ودانه بدلت وكملت لعبها بالpsp وفطوم دخلت تاخذ شاور لما طلعت لقت سارة داقه عليها رجعت دقت عليها هم اهيا كانت ماترد استشورت شعرها وطلعت
فطوم: عيل وين دانو
ام فواز: بغرفتها
فطوم: غريبه ما يتلي
راحت فطوم غرفه دانه لقتها مندمجه باللعب
فطوم: وانا اقول ليش ما يتلي
دانه: هاا شتبين
فطوم: ماتبين تنامين عندي
دانه: مالي خلق اتحرك من مكاني وما تسبحت ليلحين
فطوم: يعني مطوله
دانه: اي
فطوم: اوكي انا بعد شوي بنام
دانه: اوكيييك
رجعت فطوم غرفتها لقت تلفونها يرن: الوو
سارة: الووو قلت حق امي عن عيد ميلادي
فطوم: وشقالت
سارة: بسوي بارتي صغير بمطعم
فطوم: اهاا اي هم وناسه منو بتعزمين
سارة: مادري ليلحين بس ماراح اعزم وايد
فطوم: اي احسن انزين وين اي مطعم؟
سارة: مادري امي قالت بتشوف وتقولي
فطوم: اوكي
سارة: خلاص انا باجر اقولج ونشوف منو نعزم بعد
فطوم: اوكيي شقاعده تسوين
سارة: توني متسبحه بستشور شعري يلا قلبي ويهج
فطوم: اوكيي وييع بفقدكم كل يوم انام مع بعض
سارة: اي حده بس لا تضيقين خلقي باااي
فطوم: ههه باي
سكرت فطوم الليت وفتحت الابجورة شغلت التلفزيون ودقت على حمد
حمد: هلا بلي كاشته فيني
فطوم: ههه يعني زعلان
حمد: لا عادي لي الله انا
فطوم: هههه شفيك
حمد: ولاشي اتغشمر متى رجعتو
فطوم: من زمان بس على ما بدلت وشلت اغراضي وسبحت
حمد: اهاا متى بتنامين
فطوم: بعد شوي شلون كانت العزيمة
حمد: حلوة شفت الربع من زمان مو شايفهم
فطوم: زين وناسه
حمد: وشفت واحد كان معاي ايام الثنويه كنا بصف واحد قعدنا نتذكر سوالفنا
فطوم: ..............
ظلو يسولفون لين صارت الساعه ثنتين
حمد: جنج دختي
فطوم: اي قايمه مبجر اليوم
حمد: خلاص عيل اخليج
فطوم: اوكي
حمد: تصبحين على خير
فطوم: وانت من اهله باي
حمد: باي
سكرت فطوم التلفزيون وانسدحت بفراشها وسكرت الابجورة لما غمضت عينها تذكرت الصورة الي عند سعود ابتسمت وقعدت تتذكر المواقف الي صارت معاه بالخيران قامت فتحت الليت خذت كاميراتها وقعدت تطالع الفيديو الي صورته واهم يلعبون اونو وباجي الصور ونامت من غير ما تحس ...​

 

[ღ TőOőma ღ]

اليوم الثاني الساعه وحده الظهر بيت بوفواز
فطوم قامت من النوم راحت الحمام لما طلعت يت بتعدل فراشها شافت الكاميرا بالفراش تذكرت انها امس كانت قاعده تطالع الصور ونامت من غير ما تحس ابتسمت وركبت الكاميرا بالشحن وخذت تلفونها ونزلت تحت كانو بوفواز وام فواز قاعدين يتريقون
فطوم: اووو الوالد مو رايح الدوام
بوفواز: اي خذيت اجازة
فطوم: صجج جم يوم
بوفواز: بس اليوم
فطوم: وانا عبالي شهر
بوفواز: ههههه مو شايفتني المدير
فطوم: وييع الحين بنرد حق نفس الروتين
ام فواز: اي وماراح نشوفك الا آخر الليل لا وتكون دايخ تقعد معانا نص ساعه وتروح تنام
بوفواز: شسوي بعد شغلي جذي
ام فواز: متى بتروح تسوي فحوصات
فطوم: ليش شفيه
بوفواز: مافيني شي بس امج تبالغ
ام فواز: لا ابالغ ولاشي بس ابي اتطمن عليك
فطوم: شنو ليش شفيك
ام فواز: صارله جم يوم اييله عوار ابطنه
بوفزا: ماعليج منها ما فيني شي العوار راح
فطوم: لا يبا روح الطبيب عشان نتطمن عليك
بوفواز: اذا ياني العوار مرة ثانيه اروح
فطوم: وعد
بوفواز: اي وعد بس انتو لا تحاتون
تريقت فطوم ولما خلصت راحت قعدت بالصاله تطالع تلفزيون نزلت دانه
فطوم: صح النوم
دانه: وينهم ابي ريوق
فطوم: قولي حق بيبي تسويلج
راحت دانه المطبخ كلت ولما خلصت راحت عند فطوم صار شوي نزلو بوفواز وام فواز
دانه: وين بتروحون
ام فواز: بنروح نتغدى برا
فطوم: واحنااا
بوفواز: تغدو مع ديده
دانه: وليش ما نيي معاكم
ام فواز: ما يصير نطلع بروحنا يعني
بوفواز: خلاص لا تزعلون نتعشى معاكم برا
فطوم: نبي اليوم مو تقصون علينا
بوفواز: انشاااالله.. نقدر نطلع الحين
دانه: ها فطوم شرايج نخليهم ولا لا
ام فواز: وانت من صجك ناطرهم هههه
بو فواز: شسوي ما احب ازعلهم
فطوم: فدييتك والله مدامك قلت جذي عيل بالعااافيه بس مو تنسى العشا
بوفواز: هههه اوكيي
دانه: امشي نروح عند ديده
راحو قعدو عند يدتهم ونزل فواز قعد معاهم بعد تغدو وصعدو فوق وديده مريم راحت عند جارتهم ام احمد وفواز قعد شوي بعدين بدل وطلع ظلو دانه وفطوم بروحهم بالبيت دانه شابكه وفطوم قاعده تلعب بشعرها وتسوي فيه حركات
(بيت ام سارة)
توهم متغدين فيصل راح النادي سارة وامها قاعدين بالصالة رن تلفون ام سارة : الو
رفيجتها: قوة شلونج يالقاطعه
ام سارة: هلا تماام انتي شلونج
رفيجتها: بخير دامج بخير وين هالغيبه
ام سارة: كنا بالخيران
رفيجتها: وانا اقول مو مبينه انزين بتروحين مكان
ام سارة: لا والله قاعده
رفيجتها: اوكي عيل امرج
ام سارة: حياج الله
رفيجتها: الله يحييج ابدل واييج
ام سارة: اوكي مع السلامه
رفيجتها: مع السلامه
سكرت التلفون وقامت راحت المطبخ سارة كانت شابكه وقاعده تسولف مع دانه بالمسنجر
دانه: فطوم تقولج شصار على عيد ميلادج
سارة: ما صار شي ليلحين برب اكلم امي
دانه: اوكي تيت
راحت سارة حق امها المطبخ
سارة: شصار على البارتي
ام سارة: ليلحين ما شفتلج المطاعم
سارة: انزين متى
ام سارة: بعدين انا لاهيه الحين
سارة: شقاعده تسويين؟
ام سارة: هيفاء رفيجتي بتييلي بعد شوي
سارة: هووو وانا وين اروح
ام سارة: شنو وين تروحين قعدي معانا
سارة: لا مابي قطيني عند فطوم ودانه قاعدين بروحهم
ام سارة: والله متفرغه انتي ما تشبعين من الطلعه
سارة: الحين بيت خالتي صار طلعه
ام سارة: سارو لا تحنين على راسي المرا بتييني بعد شوي وين يمديني اقطج
سارة: افف انزين
ام سارة: بدال ما تتأفؤفين روحي عدلي الصاله
سارة: انزين
راحت سارة الصاله خذت لابها
سارة: دانو بيي عندكم امي مو راضيه تقطني
دانه: ليش عاد ملل محد بالبيت
سارة: اي قلتلها بس رفيجتها بتيي بيتنا بعد شوي
دانه: ندزلج السايق
سارة: لا اخاف تزفني
دانه: قوليلها
سارة: اوكي بعد شوي انا بعدل الصاله الحين برب
دانه: تيت
..............
فطوم: شتقول؟
دانه: تبي تيي عندنا بس امها ما تقدر تقطها بتييلها رفيجتها قلتلها ندزلج السايق قالت اشوف
فطوم: اهاا .. الو
دانه لفت ويها شافتها تتكلم بالتلفون
حمد: هلا حبيبتي متى قعدتي
فطوم: بييي من زمااان
حمد: انا توني قمت راحت عليي نومه
فطوم: ليش متى نمت امس
حمد: عقب ما سكرناه بساعه بس مادري ليش توني قاعد يمكن عشان البيت هدوء
فطوم: ليش وين اهلك​

 

[ღ TőOőma ღ]

حمد: كلهم راحو يتغدون بيت خالتي
فطوم: اهاا يعني نفس الحاله انا ودانو قاعدين بروحنا بعد كلهم طلعو
............
رتبت سارة الصاله وردت تحاجي دانة بالمسنجر لين يت هيفاء رفيجة امها دخلت وسلمت عليهم وقعدو يسولفون رن تلفون سارة كان فهد الي داق خذت تلفونها واللاب وصعدت
ام سارة: وين؟
سارة: بروح اركب شحن اللاب بيطفي
صعدت سارة ودخلت غرفتها نطرت فهد يدق بس ما دق طول شوي
سارة بالمسنجر: فطوم عندج
دانه: قاعده تحاجي حمد بالفون
سارة: اها انزين ابي اكلمها شوي
دانه: فطووم سارو تبيج شوي
فطوم: قوليلها شتبين قولي
دانه بالمسنجر: تقولج قولي شتبين
سارة: قوليلها فجر دقت عليي بس ما لحقت ارد ونطرتها تدق مرة ثانيه ما ردت ارجع ادق ولا لا
دانه قرت الكلام حق فطوم جان تقولها: قوليلها خل تنطر بعد شوي واذا ما دقت خل تدق اهيا
دانه كتبت الكلام حق سارة
سارة: اوكي
دانه بالمسنجر: منو فجر
سارة: رفيجتي
دانه: عليينا لا مو رفيجتج ليش تسإلين فطوم ادق ولا لا
سارة: اي لني متهاوشه معاها
دانه: ترى مو مصدقتج بس بمشيها مردكم بتقولون
سارة: ههههه كيفج
نطرت سارة بس ما دق كلش فطوم سكرت التلفون
فطوم: سارو ليلحين شابكه
دانه: اي
فطوم: انزين عطيني بكلمها شوي
دانه: هاج بروح المطبخ تبين شي
فطوم: بيبسي وبطاط
فطوم بالمسنجر: هااي انا فطوم دق ولا لا
سارة: لا ما دق ليلحين
فطوم: انزين دقي انتي
سارة: لا مابي خلاص اهو اكيد بدق مره ثانيه
فطوم: كيفج انزين منتي يايه عندنا
سارة: لا بقعد عشان لما تروح هاللزقة الي تحت اخلي امي تشوفلي سالفه الحفله
فطوم: لووووول ليش تقولين عنها جذي حرام عليج
سارة: لنها يت بوقت غلط
فطوم: ههههه مسكينه شدراها اهيا
سارة: مادري حقدت عليها
فطوم: ههههه يمممه تخرعين
سارة: انزين فطيم انا بنزل تحت لني من دق فهد صعدت فوق
فطوم: اوكي سلمي على خالتي
سارة: الله يسلمج باي وقولي حق دانو باي بعد
فطوم: اوكي بايات
يت دانه وعطت فطوم البيبسي والبطاط
فطوم: سارو تقولج باي
دانه: وينها طلعت
فطوم: بتنزل تقعد معاهم
دانه: المسنجر صخة الناس كلها طالعه بس احنا مجابلين بعض
فطوم: سكريه قطيعه مادري شلون تجابلونه
دانه: والله انتي المعقده اكو احد الحين ما يدخل نت
فطوم: اي انا
يو بوفواز وام فواز راحو بدلو ونزلو قعدو معاهم وبعدين قامو كلهم يصلون ويت ديده مريم
فطوم راحت غرفه امها: متى بنطلع
ام فواز: تو الناس الحين بتتعشون
فطوم: خنروح نتمشى شوي
ام فواز: خل اشوف ابوج واقولكم
فطوم: انزين انا بغرفه دانو
راحت فطوم غرفه دانه صار شوي يت ام فواز: يلا قومو لبسو
فطوم: هاا وين قررتو
ام فواز: ينروح الافنيوز وبعدين نروح المطعم الي تبونه
دانه: هياااا يلا فطوم
راحت فطوم غرفتها بدلت ودانه بعد بدلت ونزلو ينطرونهم تحت
نزل بوفواز: اووو انتو هني وانا اقول جن نور الصاله زايد
فطوم ودانه: هههههههه
بوفواز: وين امكم
دانه: عند ديده
بوفواز: وانتو ليش ما رحتو تسلمون عليها
فطوم: الحين نيي معاك
قامو سلمو على يدتهم وطلعو ركبو السيارة
بوفواز: فواز ما رجع البيت
فطوم: لا من طلع ما رد
ام فواز: طافته الطلعه عيل
دانه: ادق اقوله
فطوم: اي دقي عشان لا يقول ما قلتو
دقت دانه على فواز وقالتله
فواز: الحين ما يمدي اييكم بس قوليلي اي مطعم بتروحون اييكم عالعشى
دانه: اوكي لما نقرر نقولك
فواز:اوكي
وصلو الافنيوز راحو يتمشون ويدخلون المحلات يطالعون .. فطوم قامت تضحك
دانه: شفيج شضحك
فطوم: تذكرت لما حمد يلحقني وانا انحاش
دانه: ههههههه
ام فواز: شفيكم تضحكون
دانه: ها ولاشي
ام فواز: انزين شوفو هالبلوزة حلوة
فطوم: اي تهبل
ام فواز: انزين اي لون آخذ
دانه: البنفسجي
فطوم: لا التركواز احلى
ام فواز: ما لقيت مقاسي التركواز
فطوم: خلاص اخذي البنفسجي هم حلو
شرو جم قطعه وبعدين طلعو يتشمون وشرى بوفواز نظارة شمسيه
بوفواز: ها وين بتتعشون عشان ادق على فواز
ام فواز: شرايكم نروح روبي تيوسدي
فطوم ودانه: ايي
دق بوفواز على فواز
فواز: اوكي اييكم
طلعو من الافنيوز وراحو المطعم دخلو وقعدو وبعدين يالهم فواز وطلبو....وصل الطلب وقعدو ياكلون ولما خلصو طلعو يتمشون ويسولفون وكانو حيل مستانسين انهم كلهم مع بعض ومعاهم بوفواز لنه دايما مشغول وما يطلع معاهم
بوفواز: وراي دوام باجر لازم نرجع
فطوم: افف هالدوام لاحقنا لاحقنا
ام فواز: احنا من الظهر طالعين تعبنا تبون تتمشون خلكم مع فواز
فواز: لا اذا بترجعون نرجع معاكم
رجعو كلهم البيت صعدو بدلو بوفواز وام فواز نامو لن وراهم دوامات فطوم ودانه وفواز قعدو بالصاله​