اخوي تصرفاته مب طبيعيه !!!

[ناتشوو]

بيبي قيرل
طوفي ردود البنات
كثيرات ودهم يحصلون نفس عيشة مرت اخوج وحمولتهم مسنهتهم وممشيتهم ع الصراط المستقبم
فيحطون حرتهم ونقصهم هني
ولا عندهم حماة قشرة فتخيلوج انت مكانها
عالعموم في نماذج نفس مرت اخوج
بس صدقيني
الله يمهل ولا يهمل
وانسي يكونون مستانسين ولا سعيدين
والايام بتثبت لك
واذا بتسكرينً الموضوع راسلي المشرفات
الله يرد اخوكم ردا جميلا
واذا تدعين ع مرت اخوج
قولي
الله يعطيها ع نيتها
اللهم امين

 

[PuPa^^SWeeT]

^^^^ مع ناتشوو



و الافضل انج ماتنزلين مشاكل الجنة اهني


قسم المشاكل الاجتماعية

فيهم تفاعل افضل من هالحالة



بس انا ليش اقوولج تركييها اهي


لانه اهي راحت ولا ردت مو مهمةبالنسبة لكم


الاهم اهو اخوج



افضل حل يكلموونه اهلج


و يفهمون منه





ترا بعض الرياييل بعد يحبون المرة اللي تخطفهم من اهلهم مادري ليش




فهمو من اخووكم


بعدييين كييفكم

 

[أأأميرة الورد]

الله يهديه ويسخره لابوه وامه ولزوجته وعياله

 

[Geisha]

الاخت صاحبة الموضوع يعني الله يهديج شنو تبين البنات يكتبون تبين نشيشج ونقولج روحي كفخيها ونتفي شعرها وطرديها ليش ليش !!!! العيب في صاحب الشان اخوج يعني ليش ماتكونين صريحة مع نفسج

الريال حتى لو مرته شريه وشينه واهوا واصل باهله مستحيييييييل تقدر عليه لانه عاز ااهله ورازهم ويقدر يخليها تقدرهم شانه بس

وضع اخوج كانه تعود علي نمط معين وخلاص ومايبي يزعل كل الاطراف

المهم انتي ادعيله

وقعدوه معاه كلموه بتفاهم وحب وسمعوا راي الطرف الثاني!!!


انا مادافع عنها بس هم لازم تسمعين راي اخوج

واذا اخوج مرتاح معاها واهي كافه خلاص مافي شي يدوم الاوجهه سبحانه

 

[كافي صمت]

بخصوص بعض الردود ..!!!
تفشلون البنت بالردود وتتشمتون فيها بعد
تشكي لكم أن اخوها يتصدد عن أبوها وما يسلم وما يزورهم في البيت تقولون لها كيفه هو ومرته شعليج وتحطون ضحكات !!!
يالله بنشوفكم كما تدين تداااااااااااان
خلج تشوفين أمج تصيح على أخوج ما يزورها وتعالي بعدين المنتدى ولولي
والله في ناس ما عندها أحساس ، ترقص على جروح بعضها

حبيبتي صاحبة الموضوع ,
هو تصرفاته مب طبيعية بس مب شرط سحر
ولا تتسرعين في الظن إن بعض الظن أثم
أدعي أن الله يسخره لكمممم ويرده لكم رد جميل

:rerrerek: انا اوافقج الراي بعض البنات الله يهديهم احكموا
انو مالكم شغل بالرجال ليش مو اخوها !!!:eh_s(10):
الله يسخر لكم اخوانكم ويصلح حالكم :eh_s(17):

 

[بيبي قيرل]

انا ماكنت ابي ارد لكن الردود تنرفز الصراحه !!
اولا انا متزوجه وعندي عيال واختي متزوجه وامي كبيره في السن يعني محد فاضيلها ومحد قاعد يحتك معاها هي اصلا تبي هالوضع من زمان .. لكن في تصرفات ماتنسكت عنها انها تشوفنا في اي مكان وماتسلم علينا تسلم على العالم كلها الا احنا هذي اهانه لنا .. عايشه في ملحق لها سنتين ماجات عندنا وتمنع عيالها يجون عندنا مب ميتين عليها بس الغريب انها تزور العالم كلها ومسويه انها اجتماعيه وتعرف الاصول ..تطرش خدامتها تشوف شنو اخر الاخبار في البيت لان الخدامه تسالنا اسئله غريبه دايما !! الشي الي يضحك انها تقعد تعطي خدمنا فلووس وهدايا وتقولهم لاتقعدون عندهم هذيلا ناس مب صاحين ههههه خدمنا قالولنا هالكلام وماعرفنا هالموضوع الا منهم!! استغربنا والله وصلت للخدم بعد تبي تطفشهم !!
والشي الي استغربت منه عرفت مره ان زوجي واقف عند الباب اطلعت ببجامه وتطالع فيه رايحه راده !! وتقولون اني اغار منها على وشو على الامراض النفسيه!!

طبعا اذا زرناها في الملحق لما تربي تقعده ماده البوز شبرين وتقعد تطالع التلفزيون ماتنطق بكلمه مع العلم انها تسولف ماتسكت مع الناس جنها تقول اشجابكم عندي !!
اخوي قبل مده لما كان يجي عندنا كانت تقعد تدق عليه مليون مره عشان يطلع من البيت تقول بسرعه تعال وهي ماتبي شي وهالشي صار قدامنا كذا مره ومره اختي اضطرت انها تطلب منه يوديها مجمع ماحصلت حد يوديها .. زوجته جات معاه ومعصبه في السياره وتقط نغزات... لما يسولف معاي او مع اختي تتم واقفه فوق راسنا وتطالعنا نظره تخوف والله قمت اخاف منها احسها مب طبيعيه!! ... واشياء كثير وربي ردودكم تنرفز لاتقععدون تدافعون عنها

وانا متاكده لليي يدافعون عنها لو مرت اخوج جي كان لعنتي اليوم الي دخلت فيه بيتكم .. لاتدافعون عنها بعدين الله يبلاكم بوحده نفسها !!

 

[عسل مرت قيمر]

انا مع اميره

 

[أمواج البحر]

الله يهديه ويسخره لكم

ترى عادي سؤال وين رايحين

اشدعوا سويتوها قصه

يعني اذا شفتوا اخوكم وعياله كاشخين وطالعين ما ظنتي سويتي منكر اذا سالتي

ماشالله عليهم بعض البنات يتصنعون المثاليه

عالعموم مافي شي يثبت انها ساحرته بس في بعض الحريم مثل نمونة اللي ردوا اهني

يحشون راس الريال ضد اهله

الا سوو والا عملوا

وشفت اختك شلون سالت وشفت امك شلون طالعت

وشفت ابوك شلون زف ولدك

حجي اول ماله اخر

الله يهديهم اثنينهن وياليت محد ينسى ان الدنيا دواره

كما تدين تدان

 

[عضوا]

أفضل نصيييحه

خليهم بحالهم
دام اخوج ما اشتكى لج و مرتاح مع مرته فخليهم بحالهم
لازم اهي الساحره

صحيح انه اخوج غلطان بالحيل لأنه كاشت بامه
و اهو عليه العتب
لأنه حتى فعلا مرته شريييه
يقدر يوصل اهله
مو شرط سحر
إن بعض الظن ثم

ادعي انه الله يهديه
وريحي نفسج و لاتنشغلين فيهم

 

[أمي قرة عيني]

اللّہ يهدي النفوس ويصلح أحوالكم يارب العالمين
اللّہ يعطي كل واحد على قد نيته بس قولي اللهم من أراد بنا سوء أشغله في نفسه ورد كيده في نحره وأجعل تدبيرة تدميره
وسالفة سحر وماسحر لا تحطين بذمتج اللّہ يهديج وع فكرة التغير بعد الزواج لازم بحكم الحياة والمشاغل والمسؤؤليات يعني يمكن مشغول ومايسأل عنكم ............. اللّہ يريح قلبج ويخلي لكم الوالده دام أمج موجودة كل شيء يهون واللّہ

 

[قموووره]

ماتدرين يمكن اهو مرتاح جذيه وممكن نفس ماتقولين مسحور الله العالم بس علسان ترتاحون خل اخوج العود اييب شيخ يقرا عليه بدون مايدري عني لاتقولون له بنييب لك شيخ وخل يقرا عليه وراح يبين اذا فيه سحر ولا لا

 

[معي احلى]

البنات الذي يهاجمين .. صاحبة الموضوع ..


بسألكن سؤال :: جميل انك ماتتعاطفين مع صاحبة الموضوع .. لانه قد تكون شريره بتوقعات البعض وفضوليه .. وماتحب الخير لمرة اخوها .. بس :: ليش تشهدين لمرة الاخ .. علشان ماتدخلين في ذمتكن وتكون مظلومه ليش ماتتوقعين ان الكلام هذا نقطة في بحر اعمال مرة الاخ وانها فعلا شريره .. .. معظم الذي ردين هجمين على صاحبة الموضوع هجوم عنيف .. ودخلين صاحبة الموضوع لذمتهن .. علشان مايدخلين مرة الاخ .. :eh_s(2):


السؤال مش حرام . تمام .. اذا خايفات تظلمين مرة الاخ .. على حد قولكن .. اقول لكن كمان لاتحكمين على صاحبة الموضوع انها كذا وكذا .. تبرئة للذمه .. (تدعين بان الله ينتقم من كل ظااااااااااااااااااااااااااااااااااالم كائن مايكون )) الحرمه جت هنا تفضفض .. ومن جور مرة اخوها قالت ادعين عليها .. وانتين ندمتين البنت انها .. نزلت الموضوع ..



ثانيا :: على افتراض حسن النيه لمرة الاخ وانها ماتلجأ للسحر .. الاولى انها لو تحب زوجها تحب اهله ..( والا الزوج عسل واهله بصل).. ومن واجبها انها تقوم بواجبهم واقلها السؤال عنهم .. والسلام عليهم لو شافتهم بأي مكان .


ومن واجبها كمان لو الخلل من زوجها اتغير على اهله .. انها توجه زوجها .. انه لازم تزور اهلك .. وكذا وكذا .. الزوج مأمور بطاعة امه .. وهي لو تحب الخير لزوجها .. تعينه على هذا.. حتى لو يكونوا اهله كيف مايكونوا ... وبعدين الدنيا دواره . بيجي عليها الدور .. من عيالها .. لاتفرح بنفسها اليوم .. انها بعز شبابها .. بيجي يوم تشرب من نفس الكأس المشربه منه ام زوجها .. او ربما .. ربي يسلط على امها مرة ابن .. شريره تنتقم من امها بما تفعله مع ام زوجها ..

 

[بيبي قيرل]

مشكوررين عالمرور ..
​

اختي مره راحت حاولت تتفاهم معاه تساله ايش سبب القطيعه قالها مشغول وبس!! بس متاكده اذا طلع بيته اليديد ماراح يمكن نشوفه طول عمرنا خاصه ان بيته اخر الدنيا احذا بيت اهل زوجته خخخخخ ..

مب شاغله بالي فيهم ولا شي الحين اصلا محد فاضي حق حد لكن صار موقف نرفزني خلااني اكتب الموضوع ..

اللهم من أراد بنا سوء أشغله في نفسه ورد كيده في نحره وأجعل تدبيرة تدميره

​

 

[sh_mashael]

شوفي اذا اهي حقيره و ساحره ف بتنرد لها ان شالله
و الله يمهل و لايهمل
و تشوف هالسوات من عيالها


اما اذا انتوا تتبلون و سانين سچينتكم عليها من البدايه
فالصراحه تستاهلون و هذا اقل من جزاكم


احنا مرت خالي چذي و ماتهمنا و مالنا شغل فيها
بس اهي اللي شايله عمرها و ماتمر امي العوده
بس عيالها و خالي لا عادي يزورونها


اسفه ان چان غلطت

و شكرا

 

[خالتي قموش]

انا فاهمه عليج حبيبتي
متاكده انه في حقيرات مثل مرت اخوج
بس مو لازم نحطها في بالنا
نحقرها و الدنيا مو متوقفه عليها
خل تولي

في بحياتنا شغلات اهم منها
وهذه صدقيني الله بيردها لها
الله ما يطق بعصى

 

[بنت كريتر]

الله يهديه إن شاءالله وأنتي أختي ماعليك من أخوك ومرته خليهم بحالهم يسافرون مايسافرون كيفهم والله يهدي الجميع

 

[Bloom]

بيبي قيرل
طوفي ردود البنات
كثيرات ودهم يحصلون نفس عيشة مرت اخوج وحمولتهم مسنهتهم وممشيتهم ع الصراط المستقبم
فيحطون حرتهم ونقصهم هني
ولا عندهم حماة قشرة فتخيلوج انت مكانها
عالعموم في نماذج نفس مرت اخوج
بس صدقيني
الله يمهل ولا يهمل
وانسي يكونون مستانسين ولا سعيدين
والايام بتثبت لك
واذا بتسكرينً الموضوع راسلي المشرفات
الله يرد اخوكم ردا جميلا
واذا تدعين ع مرت اخوج
قولي
الله يعطيها ع نيتها
اللهم امين

معاها والله
انا اول مانزل الموضوع قريت الردود وانصدمت من الهجوم وكل يوم اقول بدخل على الرحه وارد لكن انا مع ناتشوو هذا الكلام الي ابي اقوله :eh_s(22):

 

[برستيجي مآركة]

بعض الردود شكلهم مع الخيل ياشقرا اذا شافوا الردود ضد صاروا ضد واذا مع صاروا مع الا من رحم ربي
بس كل وحدة اشتكت من زوجة اخوها صارت ظالمة وتتدخل في حياتها افهموا لأسباب مانحكم على كل الناس من خلال تجاربنا ومحيطنا

وعزيزتي صاحبة الموضوع والله السحر هالأيام صاير ولا ببيزة يمكن يكون سحر الله يكافينا الشر ويمكن حاشية راسه بأفكار تكرههه فيكم ترى صج ياكثر الحريم اللي يغارون من حمواتهم ويقلدونهم بعد ويلا وتحشي في راس هالاخو البعض مايعطي وجه والبعض لا والله يتأثر ويشوف اهله كنهم اعداء والمرة هي الملاك توصل المواصيل في البعض الى الافتراءت عشان تقنع الشخص وتقول هذا هم قالوا كيت وكيت وكيت عشان تكرههه فيهم الله يفكنا من هاالبكتيريا المنتشرة هالأيام

والله يهدي اخوكم ويصلحه قوووية انه يصد عن امه وابوه ومايحاجيهم قوووية والله الله يعين بس ...

 

[غنج اهلها]

اللي عندي لاتحطين بذمتج وتقولين سحر


والله يصفي النفوس

 

[# غنوجة بيبي #]

فعلا حياتهم الخاصه


انا و زوجي ما نحب احد يتدخل بحيتنا الخاصه

نطلع و نرد محد يدري

لان بالنهايه هذي اسرار زوجيه

مو لازم احد يدري عنها

و اللي ما يحفظ سر زوجته هذا مو ريال ولا يحبها


اذا خش عنكم معناته يحبها و يموت فيها

ما ينلام

يمكن يشوف شي منها ما تشوفونه

يمكن اهي زوجه مخلصه

و يحبها و ما يبي يتكلم عنها