اخوي تصرفاته مب طبيعيه !!!

[PuPa^^SWeeT]

لا والله الوضع مو طبيعي


و عادي خير لو ييتي ساليتهم وين رايحيين


يعني الحيين ام البنت ماتسال بنتها وين رحتي وين ييتي


رفيجتج ماتقولج امس طلعتي ولا لا ؟؟؟



مافيييها شي السؤال



لو بنتحسس من هالسؤال و انقوول انتي داشة ببلعوومهم عيل الردى منهم مو منج



سؤال بسيط و يساله الغريب و القريب





الشي الثاني



ناتشووو


حتى لو المرة اتقص عالريال


الريال مو ياهل


الريال له حق القوامة بكبرها مو علشان مخه يااهل


الغلط من الريال


سواء مرته حلييوة ولا لا



الريال اللي مايسلم على اهله ويتصدد عنهم



يكون فيه شي




صاحبة الموضوع



ابووج و امج بايدهم الحل


يكلموونه و يشوفون شفييه


وليش شايل



وبعديي عن طريا مرته

اللي مايبيكم لا تبيوونه



اخووكم لازم يعرف يوفي





ما يه الحدييث امك ثم امك ثم امك


من عبث



لاا


هذا تاكيييد خطييير لفضل الام


مايتقيم ولا يتقارن حب الام و برها بشي ثاني

 

[نـعـومـه]

احس في شي غلط



شنو كل شهر مسافرين ! ماعندهم دوام ؟؟ اخوج ماعنده دوام !؟

اصلا ماكو احد كل شهر يسافر لان مافي اجازه كل شهر ولو كل واحد كل شهر بيسافر بتخلص دول

 

[بنت الكويت &]

ادعيله الله يجعله بار بوالديه

 

[كريستال]

لاحول ولاقوة الا بالله

الله ينور بصيرته

 

[انونا]

اعوذ بالله منج الحمدالله منتي بحماتي

شدراج ما تعرف تسوي جاي الا اذا كنتي ادورين وتتسالين

ثانيا انتي شكو وين راحواووين يوو

ثالثا اعوذ بالله حاسدتهم ليش مسافرين بالعافيه والف عافيه عليهم ويتهنون

رابعا المره كافه خيره من شرها عنكم ما تزوركم همن تتكلمون عنها

خامسا اهي ما قطت عيالها عليكم علشان تناشبونها

سادسا اخوج الردى منه اسمحيلي مو من بنت الناس لو حتن بنت الناس مو زينه همن اخوج اهو الي مطاوعه

الحل لا تتدخلين ولا لج شغل والتهي بحالج وخلي الام والابو يتكلمون ويعرفون شفيه

 

[soso-90]

أمبييييه بنااااات شفيييكم كليتوا البنت
بقولج شيء <عواشه سبيكنق <بتسوي لها جو لووووول

حبوبه أنا ماأبي إخوفج بس صح ممكن يكون سحر هذا منتشر اللهم يأكافي
أنا أختي كانت تعالج لإنها تطيح اسم الله عليكم واكتشفنا أكثر من حاله وااااائ عالم ثاني اكسروا خاطري الله يشافيهم
تفريق اللي بينها وبين ريلها أو بينها وبين أهلها. أو يخلونها عانس
عشان جذيه استغربت أن فجاه عاف واااااااالدييييييييينه تعرفين شنو والدينها ويتصدد عنهم غريييييييبه
أولا قل لن يصيبنا إلا ماكتب الله له. وألسحر ياروحي مو شرط تشوفينه الله عرفناه بالعقل في علامات تدل عليه
وانتي حاولي تتأكدين قبل. عشأن ماتظلمين المره
والله يرده لكم ويلم شملكم
أنا جد مابي إخوفج وكنت أقول خرابيط بس لا جد الوضع اللي فيه غريب وألسحر مذكور بالقرآن
لاااااااااكن مثل ماقلت لج تأكدي وبعدين ييبوا أحد يرقى عليه وعليج بسوره البقره
وختاااامااا إلحمدلله أختي تعافت من السحر ويابت فجووووووره الحلوه اللي تشبه خالتها <ترفع من نفسها لووووول

 

[latkt7as]

من الي قريته

كلكم غلطانين بحق بعض

شكلكم تدخلون بحياته

وهو قاطع بوالدينه

والمفروض الا امه وابوه


الله يصلح الحال


تقبلي مروري

 

[عجميه ذوق]

جان تنصدم من الردوود

شدعوه ندعي عليها حرام عليش انتي شكله فاضيه وتشوفين حياه أخوك مالك دخل فيهم يمكن أعاتبه لانه مائي حق امي بس اما طلعات هم وسفراتهم انتي مالش دخل ولا شكلك محتره اشغلي نفسش بشى ثاني وقولي الله يهنئهم قال ساحرته قال?

 

[قآنون كيفكـ!!]

ابعد عن الشر وغني لة
لا تدخلين باخوج ومرتة ترى بالنهاية ان شانت علاقتج فية اخوج وعضيدججج
بالنسبة لج تسالينة وين طالع مالج حق ولوج انتي جان قلتي لريلج
مابي احد يعرف وين اطلع وين اروح طبقي الموقف ع نفسج
علشان تميزين واذا انتي ترضيم بكرة حماتج تسال ريلج وين طططالع
من ناحية تصددة عن ابوج خلي ابوج واخوانج يحاجونة
انتم يالحريم خلكم برا الموضوع ....
ولاتحطين بذمتج انها ساحرتة ترى الظن اثممم

 

[BubbLe87]

وايد كليتوها

المهم انا مكانج ما اسالهم عن اي شي خاص فيهم وين رايحين او وين مسافرين
و سالفة ما يسلم عليكم و لا على ابوج و يتصدد عنكم قوية

فمن رايي تروحون له تكلمونه ها فلان عسى ما شر فيك شي صاير شي سامع شي
يمكن متحسس من موقف انتو تشوفونه عادي او مو منتبهين له بس اهو حاز بخاطره

و ادعي حبيبتي الله يسخر قلب خوج لكم

و ما يصير ندعي عليها حبيبتي

موفقة

 

[قَلبڪْ صًخرْ]

الله يرده رد جميلا لامه وابوه
الي تعبو فيه

 

[بيبي قيرل]

اول شي مشكوورين عالردود كلها ولو ان بعضها يغث ... والسؤال الي ذبحتوني عليه الي هو وين رايح !! سالته بسبب لاني مب من النوع الملقوف .. وعلى فكره اول مره اساله هالسوال لاني شفت عياله كاشخين وبنته ملبسينها فستان وحاله وكان يوم عادي فقلته اشعندكم وين رايحين يحاول يتهرب من السؤال ومره شفته في الحوش .. لو تلاحظون يعني ان احنا مانشوفه الا فالحوش .. وكان مع زوجته وسلمت عليهم ويسولف معاي ويطالع زوجته كل شوي كانه خايف يقول شي مايعجبها وهي تطالعه نظره تخووف !! والله العظيم خفت قلت بسم الله اشفيها المره .. وانا متزوجه اصلا ساعات لما اجي ازور هلي اشوفه طالع معاها ..

والشي الثاني لما تربي احنا نزورها ونييب لها الهدايا واخر مره زرتها لعنت فيها الساعه الي دخلت الملحق سلمت عليها بعدين تمت اتطالع التلفزيون وانا احذاها حسيت اني طوفه فهاللحظه !! واذا شفناها في عرس تسلم على العالم كلها ماشاء الله تعرف الاصول وتمر من حذانا وماتسلم وتقوم ترقص بعد قويه عين !!

لما تقولون اشعليج واشدخلج هذا اخوي من لحمي ودمي انا ماتكلم عن ولد الجيران يحز بخاطري لما اشوفه متغير بهالطريقه .. انا مب قاهرني في الموضوع تصرفاته مع ابوي ابوي ريال كبير في السبعينات ياما وقف معاه وساعده حتى في البيت وكان اعز واحد من العيال على قلب امي تحبه وتموت فيه .. يتغير بهالطريقه يشوف ابوي في الحوش مايسلم عليه كانهم مايعرفون بعض وبدون سبب كانوا يدقون عليه اخواني وابوي مايرد عالجوال واذا رد بخياس .. والي يقهر اي شخص من برع بيتنا يرد عليه !! اي شخص تكرهه هي بزياده يكرهه هوو والي تحبه يحبه !! اشوف نظره خوف غريبه في عينه لما تكون حذاه .. ساعات استغرب اخووي طبيعي شهالخوف كله منها ..
وعلى طاري اني ملقوفه وابي اعرف اخبارها هي عاشت سنه في بيت الوالد قبل ماتطلع ملحق وطلعت على حقيقتها .. هي تعترف تقول انا ماحب ادش المطبخ ولاعرف اسوي شي وغرفتها كله معفنه وريحتها خايسه وخدمها ماشاء الله مطلعين كل بلاويها مع خدمنا ويسولفون عنها ..

 

[بيبي قيرل]

سالتوني ليش شاكه انه مسحور:
· تغير 180 درجه في شخصيته .. من شخص طيب يطيع ويحترم امه وابوه لشخص عاق .. مايداني يشوفهم ولايسلم عليهم حتى اذا شافهم بالصدفه ..
· مايقرب صوب بيتنا ..
· يرد على العالم على الجوال الا احنا ..
· الي عرفته انه كل شوي يزور اهل زوجته وكريم معاهم
· يحب الي تحبه ويكره الي تكرهه ويطيعها طاعه غريبه .. ولاحظت لما تكون حذاه كل شوي يطالع فيها نظره غريبه !! مب نظره حب يعني ههههه نظره خوف .. يخاف يقول شي مايعجبها !!
· المره نفسها مش ملتزمه ومنافقه وحسوده وخبيثه يعني اتوقع منها اي شي .. اقدر اقولكم اني ماعرفت وفهمت الخبث الا منها
· صار عصبي وصحته تدهورت .. يعني عنده الضغط ومشاكل في الكلي وهو في عز شبابه !! انا مادري اذا هذا له علاقه في السحر !!

 

[alm9rg3a]

بنات شفيكم كليتوو البنت بقشورها حرام عليكم بس صح ترا انا معاها لان اهي قاعد تقولكم متغير علينا لا يكلمهم ولا يسلم ولا شي يعني ( عايف والدينه ) حرام عليه مايصير يسوي جذي الا الوالدين وهمن انتي بيبي قيرل مايصير تتدخلين فيهم

 

[Perfume]

والله يا حبيبتي انا مادري شنو اعراض السحر
بس الحل انه امج وابوج يكلمونه على انفرااد ويعرفون شنو فيه شدعوه حتى السلام ما يرد
وزوجته مالكم شغل فيها ابداااا ولا تتدخلون في شي وبادروا بالخير بس اخوج لازم يكلمونه الوالد والوالدة

 

[lemonda]

فيه سببين في الموضوع الاول زوجة اخوك مو متربيه وماتعرف تحترم كبير ولا صغير وماتعرف عقوبة قطع الرحم وتتسبب في عقوق زوجها مع امه وابوه طنشوها اسفلوها بعد فتره انتوا متجمعين وهي لحالها الناس رح يشاورون عليها ويقولون انها ماتحترم اهل زوجها ومقاطعتهم هذا غير الاثم والسيئات الي جمعتها ورح تبان في رزقها وحياتها وتعامل عيالها معها اذا كبرت
الثاني اخوك طوفه هبيطه وماعنده شخصيه ولا مقدر امه وابوه ولا اخواته والا اخوانه وحاس انكم سبب مشاكله ويبي يرتاح منكم ومن مشاكلكم في نظره طنشوه اسفلوه ولا كانه موجود تجمعوا سوا حفلات اعياد زوارات وهو لا تكلمونه ولا تسئلون فيه بعد فتره رح يحس ويرجع يتسحب عندكم يدور بس نظره ولا ابتسامه منكم وسالفة انا ندعي عليها اش دخلنا ندعي انتي ادعي عليها وسلامتك طولة عليكم

 

[كيك و حلاوهـ]

انا مايغثنننننننننننننني الا سالفه مالج دخل فيهم وخليهم بحالهم

هوب هوب عسسى ماشر اوك صح مالها شغل بحياتهم الخاصه بس هي قاعده تشوف شي غريب يصير

اخوها حتى ابوه وامه مايسلم عليهم حتا هني بتقولون مالج شغل فيهم ؟؟؟

وبعدين لاتقاروننها مع حمواتكم يمكن البنت معاها حق مو كل مره اخو طيبه كلن فيه خيررررره

وهي ابخص منا باخوها تشوف انه مو طبيعي وكاره اهله اتحدا لو حده فيكم اخوها جذي سواته بتقول نفس كلامكم

ولحد يفهم اني مع اللي يتدخلون بحيات الناس الشخصيه بالعكس انا ضدهاااااااااااا تماااااماااا كلن حر وكلن يعيش على هوا بس في ظروف استثنائه لين وصلت السالفه للام والابو سسسسسسسسستوب << متعصبه ححدددي

وانا مع عواش اللي هي soso بكل كلمه قالتها

بس انا مو معاج ياصاحبه الموضوع انا ندعي عليها بالعكس المفروض ندعي لهم انه الله يهديها ويهدي اخوج وتصيرون سسمن على عسسسل

 

[Geisha]

حبيبتي يمكن البنت مافيها شي العيب كله انه اخوج زادت التزاماته والضغوط يعني مو معقوله كل مشكله نلوم زوجة الاخ لا تتدخلون بحياته خلوه علي راحته ريال متزوج مو ياهل

اذا في تقصير كبير اكيد اهلج بيكلمونه

وصدقيني مايصح الا الصحيح

 

[حلا vip]

اي صح في شي موطبيعي
لان شلون يشوف ابوه ويتصدد عنه
حتى المشغول يقط السلام ويمشي فمابالج اذا كان ابوه وامه اللي متعود عليها شلون بسهوله جذي
ترا حتى المشغول يحن لو مره بالاسبوع*
مومعقوله ابوي واهلي وخواتي وامي اتنحش عنهم علشان والله مشغول

اخوج يا انه مسحور او انه هو مافيه خير ابد
بس كان ناقصه احد يفر مخه ومرة اخوج مومقصره فرت مخه عدل
وسالفة انه تسألهم وين رايحين ترا مافيها شي عااادي كل الناس يسألون بسم الله كليتوها علشان سألت*
انا اكتشفت انه معضم اللي ردو هالردود
هم من الحريم اللي يفرقون بين الاهل
اعوذبالله من هالحريم وحوبته الاهل ماتعداكم ان شاءالله
اللي قهرني انهم مااهتمو بالام والابو عادي قالو مافيها شي والمره تبي تستانس
ياسلاااام بس فكرتم بالمره اللي. نفسكم
والام والابو اللي تعبو وضحو وسهرا طول هالسنين مافكرتم فيهم!!!!!!!!!!
سبحان الله
عموما ع قولتهم كما تدين تدان

وصاحبه الموضوع اذا بتعرفين لازم تقرون ع اخوج هذيج الساعه واح تميزون بس تكون هي طالعه بيت اهلها موعندكم او لو ع الاقل واحد من ربعه يوديه

 

[8mr ta7a]

الله يعينك

ويعين أخوك