اخوي تصرفاته مب طبيعيه !!!

[امـ خــزامـى]

الله يهدي بالكم

من راقب الناس مات هما والله يهني سعيد بسعيده
وحاولي حبيبتي لاتدخلين بينك وبينهم
واذا مسالة العقوق وان اخوك صار مايسلم على ابوك ويكره امك
انت لاتزيدين وتشيشين بالعكس خليك محضر خير بين اخوك وامك
اما زوجته بنت الناس ماعليكم منها ومو ملزومه تحبكم وتحبونها
اهم شي اخوك انصحيه ادعيله وذكريه ان رضى الوالدين من رضى رب العالمين
ربي يهدينا ويهديكم

 

[بخـــارى]

سؤال

انتوا سعيتوا انكم تتقربون منهم؟

هل كان في مشاكل وماانحلت؟

يمكن كلامج صحيح انه مسحور
او
انه حبها ولقى راحته وسعادته معاها

لكنه غلطان كونه مايصل رحمه بذات الوالدين وقاطع عياله عنكم

يارب يهديها ويهديه لكم

ويارب تنصلح احوالكم وترجع احسن من قبل

 

[الشهد كله]

خلوه يطلع بروحه

يمكن يحن عليكم

ويقعد وياكم مثل عيال خلق الله

خلوهم يجربون العيشة بروحهم ابرك لهم ولكم​

 

[شموخي اتعبهم]

ماقصروالبنات كلامهم صحيح

 

[om MaRyooM]

كل اللي قلتيه لحد الان مافي اعراض سحر ولاخرابيط

وبعدين كل واحد يتزوج لابد يتغير ويلتهي بحياته الخاصة

انتو بس احسنو الظن وبتصير الامور طبيعية

وشنو اللي يثبت انها شيطانه على هئية انسان !!
مافي موقف جايد ذكرتيه
بس عشانهم تهربو من الجواب لما سالتيهم وين رايحين ؟؟؟؟؟ يمكن مكان خاص او عيادة
ولكل واحد ظروفه .. لاتحكمين على مواقف جدا عادية



احسنو الظن بالناس
والله يهديكم

 

[miss_7sawiya]

الله يعينكم ويعنيهااا عليكم

 

[Mjnont '3lay]

حبوبه انا زوجي يدللني بعض المرات قدام حمولتي ويدلعني ويمدح فيني عندهم
هل معناته مسحور ؟؟
حنا ساكنين وياهم بنفس البيت تمر اشهر مايشوفهم يا دوام يا طالع يا نايم يامطلعني اللهم يمر صوبهم يقط السلام ويمشي
هل معناته مسحور ؟؟
وانا دايما اقعد مع حمولتي مجرد يسألوني وين رجلج اقولهم طالع او نايم وبس بالعكس احسن معامله يعاملوني عمرهم ماقالو لا قدامي ولا من وراي خذته وغيرته وسحرته وقلبته علينا وماعاد يجينا
بالعكس انا كل يوم عندهم تحت عمرهم ماعاملوني بنفسيه
وان بعض الظن اثم
ماعليج منه دامه مرتاح بحياته وياهم عليهم بالعافيه والله يهنيه خليج بنفسج وبس

 

[Mjnont '3lay]

وبعدين بقولج شغله رجلي قبل لا ياخذني كان كل يوم ياخذ ورعان اخوانه كلههههم ويطلعهم ويعشيهم ويلعبهم
وكان كل يوم مرتز عند اهله تحت وكل اسبوع يطلع امه الاسواق يمشيها ويسوي كل شي لها
من خذاني تغير اميه وثمانين درجه ماعاد يبي غيري ومايبي يطلع ورعان اخوانه وخواته ولا يبي يودي امه مكان وماله خلق شي مع اني والله العظييييم كله اقوله ليش تغيرت روح طلعهم ونسهم يقول مالي خلق
يدووووب دوام نوم اكل او يطلعني وكلش ماله خلق يسوي اي شي زياده على روتينه اليومي
هذا التغيير صار منه هو سبحان الله انا مالي شغل
يعني لا تحطين العذاريب بمرت اخوج يمكن اخوج من نفسه تغير
وبعدين انسان بيت وزوجه وعيال ودوام ومسؤؤليه خلاص مايفضى لشي

 

[انثى عاشقة]

رايي من راي الاخت اميرة ​

 

[جلكسي بالمكسرات]

بخصوص بعض الردود ..!!!
تفشلون البنت بالردود وتتشمتون فيها بعد
تشكي لكم أن اخوها يتصدد عن أبوها وما يسلم وما يزورهم في البيت تقولون لها كيفه هو ومرته شعليج وتحطون ضحكات !!!
يالله بنشوفكم كما تدين تداااااااااااان
خلج تشوفين أمج تصيح على أخوج ما يزورها وتعالي بعدين المنتدى ولولي
والله في ناس ما عندها أحساس ، ترقص على جروح بعضها

حبيبتي صاحبة الموضوع ,
هو تصرفاته مب طبيعية بس مب شرط سحر
ولا تتسرعين في الظن إن بعض الظن أثم
أدعي أن الله يسخره لكمممم ويرده لكم رد جميل

 

[جلكسي بالمكسرات]

وبعدين بقولج شغله رجلي قبل لا ياخذني كان كل يوم ياخذ ورعان اخوانه كلههههم ويطلعهم ويعشيهم ويلعبهم
وكان كل يوم مرتز عند اهله تحت وكل اسبوع يطلع امه الاسواق يمشيها ويسوي كل شي لها
من خذاني تغير اميه وثمانين درجه ماعاد يبي غيري ومايبي يطلع ورعان اخوانه وخواته ولا يبي يودي امه مكان وماله خلق شي مع اني والله العظييييم كله اقوله ليش تغيرت روح طلعهم ونسهم يقول مالي خلق
يدووووب دوام نوم اكل او يطلعني وكلش ماله خلق يسوي اي شي زياده على روتينه اليومي
هذا التغيير صار منه هو سبحان الله انا مالي شغل
يعني لا تحطين العذاريب بمرت اخوج يمكن اخوج من نفسه تغير
وبعدين انسان بيت وزوجه وعيال ودوام ومسؤؤليه خلاص مايفضى لشي

ما يفضى لشي ..!!
ما يفضى للي فنت عمرها تربيه !
أنتي عندج معلومه أن في الشرع أمه أحق فيه منج ؟
وانتي تقولين "ما عاد يبي غيرررررري" ...!
قسم بالله شي يحرررررررق القلب
يبدي مرته على أمه والمره عادي تبرر له تصرفاته
ياربي لا تبليناااااااااااا ياربي
وأجعل أزواجنا بارين في أمهاتهم مرضينهم لين يوم الدين
وبقولج شي حبيبتي
إذا شفتي البركة من بيتج راحت فجأه ياليت تذكرينه بالي كان يطلعها ويداريها قبل ما ياخذج
والله أن مرت أخوي إذا شافت أخوي مقصر في الجيه تقوله رووووح لا يردونها لك عيالك
هاذي المره ولا بلاااااااااااااش :eh_s(4):

 

[جمآنه]

صدقيني كل وآحد او وحده بيعق امه وابوه ويحرض ع العقوق

بيلقى حوبتهـ بالدنيآ والاخره وبالعكس المفروض السآآعه المبآركه طلعتهم

تصدقين نفسي نحط قآنون ممنوع سكن الشآب بوسط بيتهم خلي الحموله والمره اللكل يآخذ حرريتهـ

 

[عروسة فوشيآ]

واااي مادري شفيكم لازم تتمسخرون بردودكم .. ولازم تحطون البلا على اللي مايعجبكم .. مبين من الموضوع ان صاحبته متزوجة وعندهم اخو متزوج علاقتهم زينه بمرته لان قالت الولد يحب يلعب مع ولد اخوهم الثاني



اولا معروف ان اغلب مشاكل البيوت من مرت الاخ

تدرون ليش لان تييج الوحدة قبل الزواج متروس راسها كانها داشة حرب واغلب عيوب الجنات :

-طبخ ماتطبخ وحاذفة ريلها على امه او خواته

- تتدخل بشؤون حمولتها ونص اخبارهم توصلها لاهلها

- تسولف بخوات ريلها عند زوجها لمن ياخذ فكرة غلط عنهم

- لا واذا يابت عيال تقطهم عند الخدامة واهي بس تبي سفراات ومطاعم ... هذا اذا مو 24 ساعة عيالها عند الحمولة

وفوق هذا كله تغار منهم واذا ريلها سوا لامه وخواته شي قالت له (مافي غيرك )

المشكله كل وحدة تبي تملك ريلها لها بررروحة


والله عيب يا بنات عيب عليكم هذي امه وواخواته من قبل يعرفج ... واعرفي الريال اذا فيه خير لاهله في خير لمرته وعياله

ع العموم صاحبة الموضوع
مو شرط سحر ... بس في رياييل مافيهم خير زوجته تشكله مثل ماتبي ... اللي عليكم تسوون اللي يرضي رب العالمين اتصلوا وسلموا وزوروهم اذا نزلوا بيتهم اليديد وعطوهم الهدية ... جود رب العالمين يحنن قلوبهم

 

[قره عين زوجها]

ليش ندعي عليها و ناخذ اثم و احنا مو عايشين معاها و لا نعرفها
اختي خليك ف حالك ترى اخوكي مستانس معاها و مافي لا سحر و لا شيء
عدل كلام الاخوات و الله يهدي بالكم

 

[PuPa^^SWeeT]

لااا مو شرط سحر ياقلبي




الريال معدنه يبين بعد الزواج


ان حاان رضا ان يقطع اهله


فاهو للاسف مافيه خير



سواء والله مرته صاينته ولا عايفته ولا مداحرته


الريال يوصل امه و ابووه



خلج انتي على صووب مهما يكون الاخت لما بتزوج بتلهى عن الباجي بحكم التربية و البيت و الدوام



بس امه وين برها


ابووه وين احترامه و صلة الرحم



العياااال من الحيين معودييينهم عالقطااعة



تبي اتسافر المرة ماتشووف شرررر


اتروح و اترد و اتسوي اللي تبيييه


بس الريال لازم يرسم حدوود


علاقته مع اهله اهو غييير عن علاقتها اهي ويا اهله



اذا اهي قطعت


اهو لا يقطع



فاا البلا من اخووج للاسف

 

[بولندية]

الكلام مو على زوجته !!
الكلام على اخوكِ اللي ماعنده شخصيه ..
لو فيه خير في أهله كان ماجت حرمه تغيره وتكرّهه في أمه !!

معااااهاااااا

 

[نـــوفـــا]

بسم الله الرحمن الرحيم

شخباركم بنات ان شاء الله بخير .. راح ادخل فالموضوع علطول بدون مقدمات
والموضوع عن مرت اخوي حسبي الله عليها ونعم الوكيل ..والله يرد كيدها في نحرها

اخوي متزوج من 7 سنوات وعنده 3 اطفال وساكن في ملحق في بيت ابوي وناوي يطلع بعد كم شهر بيت يديد .. المشكله ان اخوي هذا اعز واحد من بين اخواني على قلبي وطيب ومحترم وملتزم وخذا وحده عكسه انسان على هيئه شيطان !!
اخوي تغير علينا بعد الزواج بشكل كبير مب علطول بعد سنه او سنتين تقريبا كانت حياته كلها مشاكل في البدايه .. وكانت من البدايه تحاول تفررق بينا وبينه بشكل واضح و صج صار الي تبيه اخوي خلاص ماعاد نشوفه مانعرف شي عنه وهو ساكن حذانا عياله الصغار مانشوفهم ولده الكبير يجي عندنا غصب عشان يبي يلعب مع عيال اخوي الثاني .. اخوي قام يشوف ابوي في الحوش يصد مايسلم عليه وصار يكره امي كره العمى صار يكرهنا كلنا ويحب زوجته ويطيعها بشكل غريب اي شي عن زوجته او عياله مايتكلم عنه لدرجه مره شفته بالحوش قلتله هاا وين رايحين يتهرب من الجواب تخيلووا .. وزوجته الساحره طبعا نفس الشي من زمان مازرتنا خبيثه بشكل مب طبيعي .. ياليت انها تخدمه ولاتسويله شي حتى شاي ماتعرف تسوي بس فالحه تصيع وياه حول العالم كل شهر مسافرين مكان وقاطه عيالها عند الخدم ..وياما صارت مواقف ووقف معاها ضدنا !!
والحين هم ناووين يطلعون بيت يديد واخوي صار اخس وهي بعد عشان تبي تقطع علاقتنا كلش وماتبي حد يزورها في البيت اليديد .. احسها مب طبيعيه واخوي احسه مسحووور .. هل تتوقعون انها ساحرته ؟؟ لاني ماعرف في هالسوالف!!

بنات ابيكم تدعون عليها هالانسانه .. كتبتلكم الموضوع باختصار لو اقول لكم عن بلاويها بتسغربوون !!​

انا بس الشي الوحيد الي بعاتبه عليه .. امه ثم امه ثم امه وابوه ... الزوج الي مايقوم في والدينه كشي عليه وعيفيه ..لان بيظل مافيه خيرر ...


كلش الا الوالديـــــــــــــــن ... هذا شي اخر ..




الي اشرت عليه با الاحمر ....شفتيه :eh_s(14):



با الله هذا سؤال تسئلينه ...؟



انتي شاكو وين رايح وين راد ..... ومن حقه يعطيج طاف ....


حطي نفسج مكان زوجة ..وتجي وحدة من الحمولة تسئل وين رايح ..


يمكن عندهم مشوار خاص ...خاص ... خاص ...



ثانيا متزوج وجالس بملحق شي طبيعي في شي مارح ينتظم صح في حياتكم :rerrerek:



الزواج معناه استقلالية وبيت واسرة ثانية .... وصعب تكونين اسرة داخل اسرة ثانية ...




وشنو سحر ومو سحر ..... صلي على النبي بس


اخوج واضح انه متذمر من وضعه ويمكن حرمته مو طيبة ..



بس صدقيني خروجهم احسن بكثير من جلوسهم با الملحلق يمكن تطيب النفوس ..


واتركو الكنـــــــــــة بحالها ..



وانتي التهي بنفسك .. وخلي الامور تهدى وخلي حضورك فيه خير ...ومهما كان هذه حرمت اخوج


واهل واقارب .. تحملو بعضكم وطيبو نفوس



...

 

[ناتشوو]

بس ايضا للمرة دور كبير
تنبه الزوج
امك من زمان مو زايرها
ابوك من زمان ماطليت عليه
ليش مانشتري هدية لاختك
حتى بالحياة اليومية تنصحه بالصلاة
هااشرايك نصوم البيض مع بعض.. الخ
فلا تقولون من الزوج بس
اذا المرة بنت حلال
تقدر تسنع قبيله مو بس زوج
كذلك كثر الزن ع راسه
امك ماتحب عيالك
خواتك يحبون مرت اخوك
اخوانك يحترمون فلان اكثر منك
وبكل خبث تختمها لو يحبونك جان حبوني لو يحترمونك احترموني
لكن بقول حسبي الله ع كل زوجة من هالنوع
وللاخت صاحبة الموضوع
مانقدر نقول سحر او لا
بس انتو بادرو
فلان ليش ماتكلمنا
فلان ليش ماتسلم ع ابوي
ولا تجيبون سيرة مرته بشر نهائيا
الله يرده لكم ردا جميلا
ومايندرى الايام شنو بتسوي توهم في بداية زواجهم

 

[انت مناي]

شي طبيعي انه يتغير اذا تزوج خلاص صار عنده مره ومسؤوليات وحياه خاصه يعني ترضين يقط مرته ويصير مجابلكم 24 ساعه وهي مالها حق عليه يعني وهي اكيد تبي ريلها لها بروحها وما تبي احد يشاركه فيه وهذا حقها

 

[al-musk]

شفيكم كليتوا البنت .. تقولكم الولد قام يصد عن أبوه ومايرد عليه ولا يسلم !! شايفين هالشي طبيعي..
خلو أحد قريب له من ربعه يحاول يرقيه باي طريقة وشوفي اذا فيه شي والله يسخرلكم لبعض ويردلكم مثل أول ..

وممكن يكون الردى من أخوج وهو الي ماله خلق مشاكل واستسلم آخر شي وشرا عياله وزوجته وراحه باله فلاتتهمونها وهي مو مسوية شي ولا تدرون .. وكلو أمركم لربكم وعاملوهم بما يرضي الله .. وربج يهدي ويصلح النفوس