اخوي تصرفاته مب طبيعيه !!!

[ضحاوي الديره]

شفتيه يحبها ويبيها قلتي مو طبيعي
يعني اتوقع لو يصبحها بطراق ويمسيها بطراق كنتي بتستانسين وتقولين اخوي ريال طبيعي صح !!!
مالج شغل فيهم واتركيهم بحالهم لا تجيج باجر حماة تأذيج وتحط عينها عليج بالروحه والرده وتحط راسها براسج وتشيش اخوها عليج
الله يهني سعيد بسعيده لاتصيرين خرابة بيوووت
وبعدين شكوووووو ندعي على مره مانعرفها واحتمال انها مظلومه حرام عليج اتقي الله يابنت الحلال

 

[بكيزة هانم]

المشكله قديمة واكيد السنه الاولى للزواج حطت الحدود بينكم وخاصة سالفة تساعد بالمطبخ وما تساعد وبعد سنة من الحزازات نقلتوهم عالملحق يعني برا البيت ..من هني هي حطت حدود يمكن تعقدت منكم وهو بعد يمكن قاعد يشتري دماغه وما يحتك فيكم لانكم تسوون من الحبة قبة ..... سامحيني اذا زليت

 

[بيبي قيرل]

ماشاء الله فاتحين لجنة دفاع عنها !!
رجاء انا ماحطيت هالموضوع عشان تدافعون عنها وتدعون لها بالتوفيق والنجاح والحياه السعيده .. الي عندها رد محترم تكتبه والي مسويه نفسها طيبه بزياده تتم ساكته احسن !!
والي تدافع عن هالنوعيهه المخيفه من الحريم انا متاكده انها من شاكلتها وماعجبهم موضوعي ..لكن اتمنى ربي يبلاهم بوحده نفسها والعن عشان يحسوون !

السالفه مب سالفه اخوي وبس .. هذي تمت تحاول انها تخرب حياتي وكانت تبيني اطلق تقعد تنقل كلام انا ماقلته لاهل زوجي والله العظيم حتى خدمنا تبي تشردهم تروح تناديهم وتعطيهم فلوس وتقولهم لاتقعدون فهالبيت حتى الخدم الي اجيبهم انا نفس الحاله وخدم اخواني الي ساكنين برع بتقولون اشلون عرفنا الخدم تكلموا وقالولنا .. هالانسانه مب طبيعيه احس ان ربي بلانا فيها .. ووحده من صديقاتي اتغيرت علي فجاه وماقامت تكلمني والسبب هي .. وهذي صديقتي تعرف مرت اخوي وهلها ..وووو
لو اكتب عنها مابخلص شي شي مب طبيعي خلاص ماقمنا نتحملها اكرها كره مب طبيعي المشكله انها منافقه قدام الناس محترمه وطيبه وانها تعرف الاصول وقدامنا وجه شيطاني خبيث...

ربي ينتقم منها هالمنافقه والدنيا دواره وانا متاكده راح نشوف يوم فيها .. اخواني 5 متزوجين ماعندنا مشاكل الا مع هذي .. المشكله بعد منا احنا ولا منها !!!!!!
والله شاهد علىكل كلمه اقولها .. لكن صج لما يقولون الشكوى لغير الله مذله !

 

[بيبي قيرل]

شفتيه يحبها ويبيها قلتي مو طبيعي
يعني اتوقع لو يصبحها بطراق ويمسيها بطراق كنتي بتستانسين وتقولين اخوي ريال طبيعي صح !!!
مالج شغل فيهم واتركيهم بحالهم لا تجيج باجر حماة تأذيج وتحط عينها عليج بالروحه والرده وتحط راسها براسج وتشيش اخوها عليج
الله يهني سعيد بسعيده لاتصيرين خرابة بيوووت
وبعدين شكوووووو ندعي على مره مانعرفها واحتمال انها مظلومه حرام عليج اتقي الله يابنت الحلال

لاتقعدين تقطين كلام وانتي ماتعرفين شي .. وعلى سالفه الطراق في بدايه زواجهم اخوي ضربها وراحت بيت ابوها ومحد رجعها غير اختي تمت تتصلها وتقول مايصير تقعدين بيت هلج كل هالمده وهالموقف صار مرتين .. لكن قلبت علينا الحين ..

اتمنى اخوج يتزوج وحده نفسها بالضبط .. اشوفج بعدين ايش بتسووين !!

 

[بيبي قيرل]

المشكله قديمة واكيد السنه الاولى للزواج حطت الحدود بينكم وخاصة سالفة تساعد بالمطبخ وما تساعد وبعد سنة من الحزازات نقلتوهم عالملحق يعني برا البيت ..من هني هي حطت حدود يمكن تعقدت منكم وهو بعد يمكن قاعد يشتري دماغه وما يحتك فيكم لانكم تسوون من الحبة قبة ..... سامحيني اذا زليت

طلعوا بروحهم محد قالهم اطلعوا الغرفه ضاقت عليهم وعندهم بيبي فسواله ملحق !!

صارت مشاكل عالشغل الخدامه سافرت وهي ماتبي تسوي شي حاطه رجل على رجل وناطره الغذا والعشا واحنا قاعدين نشتغل عسى ماشر وين قاعدين خدامينج احنا !!

ههه زوجته الي تسوي من الحبه قبه تمثل وتالف قصص وروايات بنفس الوقت تستاهل الاوسكار هالانسانه !!

 

[skranah]

انتي قلتيها الشكوى لغير الله مذله

و كل اللي موجودين ما يدرون عن شى ليش تشكين لهم

اشكي للي يعرف كل شى و يعرف اشياء انتي ما تعرفينها

تقبلي احترامي وودي

 

[عويتقة]

الله يهديها وربي يهدي الامور المهم انتو خلوها فحالها لتمشي تأذيكم او شي وادعو لاخوكم بالهداية والله حرام كللو الا قطع الارحام لانو فيها الطرد من رحمة الله والله مو كاسر خاطري غير امك وابوك لازم عليها تخاف الله لانو الحين هي ام وما تخاف بكرة شنو ممكن يسوون فيها ولادها الله يهديها لكم ويهدي اخوكم ياااارب

 

[modern]

عليمي بأخوكي و لا تقطعي علاقتك معاه حتى لو صدّك
و بالنسبة لحياته مع زوجته اشكري ربك انه مرتاح معاها و سعيد

 

[fufu1980]

و آنا بعد أقول يمكن أهوه مكره مرته فيكم إنتوا أهله مو شرط اهيه تكرهه فيكم ويمكن أهوه يجبرها تسافر وتخلي عيالها , وانتي شدراج انها ما تبيكم يمكن قايللها كلام عنكم كرهتكم ولا ناقللها حشكم فيها جدامه وعادي وايد رياييل جذي وعقبها ياخذ موقف منكم ويحرضها تقطع عنكم كل شي تقطونه عالحرمة ما يصير

 

[om-3azo-83z]

بدون لا اشوف ردود البنات لاحظت شغله ...
كل اللي بالسالفه انكم واااايد لازقين فيه و تبون تدخلون بصراحه و بدون زعل سفرها طلعها زوجته وين المشكله؟ مو احسن ما يهد بيته و عياله مثل اغلب الرياييل مافيها شي انا اقول خليه بحاله

 

[CAT]

المشكلة بأخوج
مآ عنده شخصية
لو فيه خير في أهله جان ما جت مرا تغيره وتكرهه بأمه

 

[miss.unique]

يمكن اخوج اهو الي مافيه خير

و يمكن منها .. الله العالم .. بس الاهم انتي خلج بعيدة عن المشاكل , و خلهم يطلعون بيت بروح احسن للمشاكل

 

[بيبي قيرل]

ردود البنات حسستني اني عايشه في كوكب المريخ !! مسوين انكم طيبين وماتعرفون حركات حريم الاخوان وانهم ماشاء الله ملاك ومايطلع منهم العيب وكل شي تقطونه على اهل الزوج !! وانا اقولها مره ثانيه الي ماعجبها كلامي متاكده انها نفس نوعيه مرت اخوي الي من اول ماتتزوج تحاول تفكر بمليون طريقه عشان تفرق وتبعد زوجها عن اهله ..لان الشخص الطبيعي بيقرا الي انا كاتبته فوق عنها وماراح يدافع عنها لكن قاعده اشوف العكس .. لكن الدنيا دواره !!

 

[بيبي قيرل]

المشكله مب من اخوي منها هي .. من عاشر قوم 40 يوم صار منهم .. والنسوان كيدهم عظيم ... سوت له غسيل مخ هذا اذا مب ساحرته !!

ونصيحه اخيره للبنات الي يدافعون .. رفيجتي زوجة اخوها كانت نفس مرت اخوي هذي وكل يوم تشتكيلي منها وانها تحاول تكره اخوها فيهم بعد 15 سنه زواج طلقها وتزوج عليها علطول ومدلع زوجته الثانيه اخر دلع وهي بتموت من القهر وتحاول تخرب حياته معاها بس ماقدرت .. المعنى واضح من القصه !!


و تحسفت اني كتبت الموضوع .. ياليت الاداره تصكره ..

 

[نـــوفـــا]

ردود البنات حسستني اني عايشه في كوكب المريخ !! مسوين انكم طيبين وماتعرفون حركات حريم الاخوان وانهم ماشاء الله ملاك ومايطلع منهم العيب وكل شي تقطونه على اهل الزوج !! وانا اقولها مره ثانيه الي ماعجبها كلامي متاكده انها نفس نوعيه مرت اخوي الي من اول ماتتزوج تحاول تفكر بمليون طريقه عشان تفرق وتبعد زوجها عن اهله ..لان الشخص الطبيعي بيقرا الي انا كاتبته فوق عنها وماراح يدافع عنها لكن قاعده اشوف العكس .. لكن الدنيا دواره !!

لاحول ولاقوة الا با الله ياختي الحين بمجرد ها الكلمات ( بديت احس انج ظنيتي سوء في مرت اخوج) وظلمتيها

لانج الحين وقدام عيني جالسة تتهمين بنات المنتدى الي ماطبطبو عليج او قالو كلمتين يعجبونج

..اتهمتيهم ..


بانه نفس نوعية مرت اخوج ....



ياختي حرام عليج في بنات هني وبها القسم يبكون من اهل الزوج ...وكل بنت تشوف المشكلة


من طابع حياته وخبراته ...



هذاه اولا ثانيا اصلن موضوعج كان مختصر ..وكل القضية بطول بالعرض تبينا نوقف معك ..



انتي حطيتي الموضوع وكل بنت بتقول لج الي حللته من كلامك ...


حنا مو عايشين معكم عشان نعرف كل شي ..


ياتحطين الموضوع توضحيييييييييييييين كل شي .. او لاتلومين الردود

ماشاء الله فاتحين لجنة دفاع عنها !!
رجاء انا ماحطيت هالموضوع عشان تدافعون عنها وتدعون لها بالتوفيق والنجاح والحياه السعيده .. الي عندها رد محترم تكتبه والي مسويه نفسها طيبه بزياده تتم ساكته احسن !!
والي تدافع عن هالنوعيهه المخيفه من الحريم انا متاكده انها من شاكلتها وماعجبهم موضوعي ..لكن اتمنى ربي يبلاهم بوحده نفسها والعن عشان يحسوون !


نفس الاتهامات ونفس التهجم _ الله يهدي سرتك وبالك ..



وبعدين ندعي لخوك الله يرده بعقله ويصلح مرته ويسخره لها وتظل خدومة وتقوم حياته بطاعة رحمن

السالفه مب سالفه اخوي وبس .. هذي تمت تحاول انها تخرب حياتي وكانت تبيني اطلق تقعد تنقل كلام انا ماقلته لاهل زوجي والله العظيم حتى خدمنا تبي تشردهم تروح تناديهم وتعطيهم فلوس وتقولهم لاتقعدون فهالبيت حتى الخدم الي اجيبهم انا نفس الحاله وخدم اخواني الي ساكنين برع بتقولون اشلون عرفنا الخدم تكلموا وقالولنا .. هالانسانه مب طبيعيه احس ان ربي بلانا فيها .. ووحده من صديقاتي اتغيرت علي فجاه وماقامت تكلمني والسبب هي .. وهذي صديقتي تعرف مرت اخوي وهلها ..وووو
لو اكتب عنها مابخلص شي شي مب طبيعي خلاص ماقمنا نتحملها اكرها كره مب طبيعي المشكله انها منافقه قدام الناس محترمه وطيبه وانها تعرف الاصول وقدامنا وجه شيطاني خبيث...

ربي ينتقم منها هالمنافقه والدنيا دواره وانا متاكده راح نشوف يوم فيها .. اخواني 5 متزوجين ماعندنا مشاكل الا مع هذي .. المشكله بعد منا احنا ولا منها !!!!!!
والله شاهد علىكل كلمه اقولها .. لكن صج لما يقولون الشكوى لغير الله مذله !

ربي هو اعلم ...الجئ له وان شالله مايصير الا الخير ...

 

[popa]

لاتقولين ساحره ان بعض الظن اثم
يمكن انتو الي موزينين دام جذي تفكيركم فيها وجذي تبغظونها لو انا مكانها جان قطعتكم
لانج ما احسنتي النيه فيهم
واخوج يمكن اهو مافيه خير لكم لاتقطون كل شي على راسهم

 

[خالتي قموش]

بقولج شغله
اذا اخوج يبي يشوف اهله
ومرته مانعته
يقدر يشوفهم من وراها
يقدر يسوي المستحيل عشان يواصل اهله



حتى لو مرته حقيره و خبيثه
الله بيردها لها بعيالها
وخصوصا عقوق الوالدين
لا راح نتوفق ولا نتهنى


المشكله بخوج

الله يهديه لكم ان شاء الله
اما مرته تركوها خلاص
ولا تشغلين بالج فيها
يمكن احسن لكم

 

[برنسيسه ورده]

والله حراااااااااااااااااااااام
امي مسكينه طيبه حيييييييييييييل واللي يقترب منها يعرف انها انسااااااااااانه طيييييييبه ومستحيل يقول انه شرانيه
ابوي كثير تغير لما شاف امي بس للاحسن طبعا وصار انسان ثاني
صار شخص الكل يحسدها عليه وهو كان ما يترك السيجاره
كان كل ما رجع من شغله بصلاله بعيد يجيب هديه لامي جدتي وعماتي يزعلون
كل ما يريد يطلع معها بروحه يسون تحقيق ذبحوها المسكينه
لدرجه بيوم امي تسترضي جدتي قالت لها جدتي لو قربتي بصرخ اقول ضربتني
تخيلو بنات صرخت وقالت ان امي ضربتها والله عذبوا امي بتدخلهم بحياتها
وامي كل ما تتذكر كلامهم تبكي والكل الككككككككل يحب امي عدااااااهم
ابوي الوحييييييييد من اخوانه بار في امه ولو ما امي اللي دايم تقوله شوف امك والله ما شافها من كثر اللي تسويه هي وعماتي
واقول ششششي
يمكن اكون صادقه يمكن كاااذبه انا بس اتكلم من جهه لا نحكم بدون جهتين ابدااااااااا هالشي تعلمته من الوالده فديتها
ي حبيتي تركي النااااااااااااااااااااس في حالهااااااااااااا واخوك عايش 7 سنين مع مرته انتي شكو

ترا لا تزوجتي راح تنقلب عليك ولومي اخوك بالاول
اتركو الناس في حالهاااااااااااااا حرااام والله اللي يصير ترا لوما الحسد ما لبقت النار في الجسسسد
الله عزووجل يقول ؛ يوم يفر المرء من ابيه واممه واخيه وصااحبتيه وبنيه//
شفتي ترتيب الايه كيف الزوجه جااات قبل الابناء قبل النهاايه
بااختصاااااااااااااااااار اول ما يتزوج الرجال صااااااااااااااار ملك لزوجته وهي ملك له وخلوهم يستاانسوووون
وانتي خليك في حالك
عذرا في حرره في قلبي من الناس اللي تحتر من سعاده الاخرين وتحلل تعاستهم وهم ما شكوا له

 

[" ذوق "]

واضح ان اخوج يحبهاا ومرتاح وياهاا واضح بعد من غير زعل انج نسره وحرام تتهمين المره افضل لكم ماتدخلون في شؤنه الخاصه ونشغلين في بيتج وعيالج واذا انتي مو متزوجه تنشغلين بنفسج افضل لج
وانا متاكده انج تتمنين لنفسج زوج مثل اخوج ويعاملج مثل ما اخوج يعامل مرته فتمني الخير لناس مثل ماتمنينه لنفسج
ولاتزعلين بس هذا الصج والصراحه مرات تكون قاسيه
وعسي الله يوفقهم ويهنينهم ويبعد الحساااد عنهم

 

[بيبي قيرل]

انا متزوجه وعندي عيال واختي متزوجه وامي كبيره في السن يعني محد فاضيلها ومب قاعدين نحتك معاهم اصلا .. لكن في تصرفات ماتنسكت عنها انها تشوفنا في اي مكان وماتسلم علينا تسلم على العالم كلها الا احنا هذي اهانه لنا .. عايشه في ملحق لها سنتين ماجات عندنا وتمنع عيالها يجون عندنا .. لما نزورها في الملحق لما تربي تقعده ماده البوز شبرين وتقعد تطالع التلفزيون ولاتنطق بكلمه وحده عسى ماشر ايش قله الادب هذي تعرف الاصول والاحترام قدام الناس وماتعرف تحترم اهل زوجها !!
اخوي قبل مده طويله كان يجي عندنا كانت تقعد تدق عليه مليون مره عشان يطلع من البيت تقول بسرعه تعال ابيك وهي ماتبي شي وهالشي صار قدامنا كذا مره ومره اختي اضطرت انها تطلب منه يوديها السوق ماحصلت حد يوديها زوجته جات معاه ومعصبه في السياره وتقط نغزات ... لما يسولف معاي او مع اختي تتم واقفه فوق راسنا ... واشياء كثيره ... ردودكم تنرفز لاتقععدون تدافعون عنها ..
وتقولون انتي المفروض تستانسين وتدعين لهم ... ادعي لها ليش ان شاء الله هي تدور الشر لنا وتكرهنا كره العمى وتسبنا عند العالم وانا ادعيلها !!! لاحول ولاقوه الا بالله انا ماكنت ابي ارد بس ردودكم تقهر
واتمنى اتمنى للي يدافعون عنها ربي يبلاهم بوحدها نفسها بالضبط ... اشوف طيبتكم بعدين !!