اخوي تصرفاته مب طبيعيه !!!

[بيبي قيرل]

بسم الله الرحمن الرحيم​

​

شخباركم بنات ان شاء الله بخير .. راح ادخل فالموضوع علطول بدون مقدمات​

والموضوع عن مرت اخوي حسبي الله عليها ونعم الوكيل ..والله يرد كيدها في نحرها ​

​

اخوي متزوج من 7 سنوات وعنده 3 اطفال وساكن في ملحق في بيت ابوي وناوي يطلع بعد كم شهر بيت يديد .. المشكله ان اخوي هذا اعز واحد من بين اخواني على قلبي وطيب ومحترم وملتزم وخذا وحده عكسه انسان على هيئه شيطان !!​

اخوي تغير علينا بعد الزواج بشكل كبير مب علطول بعد سنه او سنتين تقريبا كانت حياته كلها مشاكل في البدايه .. وكانت من البدايه تحاول تفررق بينا وبينه بشكل واضح و صج صار الي تبيه اخوي خلاص ماعاد نشوفه مانعرف شي عنه وهو ساكن حذانا عياله الصغار مانشوفهم ولده الكبير يجي عندنا غصب عشان يبي يلعب مع عيال اخوي الثاني .. اخوي قام يشوف ابوي في الحوش يصد مايسلم عليه وصار يكره امي كره العمى صار يكرهنا كلنا ويحب زوجته ويطيعها بشكل غريب اي شي عن زوجته او عياله مايتكلم عنه لدرجه مره شفته بالحوش قلتله هاا وين رايحين يتهرب من الجواب تخيلووا .. وزوجته الساحره طبعا نفس الشي من زمان مازرتنا خبيثه بشكل مب طبيعي .. ياليت انها تخدمه ولاتسويله شي حتى شاي ماتعرف تسوي بس فالحه تصيع وياه حول العالم كل شهر مسافرين مكان وقاطه عيالها عند الخدم ..وياما صارت مواقف ووقف معاها ضدنا !! ​

والحين هم ناووين يطلعون بيت يديد واخوي صار اخس وهي بعد عشان تبي تقطع علاقتنا كلش وماتبي حد يزورها في البيت اليديد .. احسها مب طبيعيه واخوي احسه مسحووور .. هل تتوقعون انها ساحرته ؟؟ لاني ماعرف في هالسوالف!!​

​

بنات ابيكم تدعون عليها هالانسانه .. كتبتلكم الموضوع باختصار لو اقول لكم عن بلاويها بتسغربوون !!​

 

[اميره1980]

انا اقول اختي خلج بحالج و مالج شغل بحياتهم الخاصة
مبين اختي انكم تدخلون بحياتهم الخاصة بشكل مو طبيعي و الدليل انج تسألين اخوج ها وين رايحين جنه قاعد بتحقيق
و يبي يونس زوجته و عياله و يسافرون شفيها يعني ؟؟؟
اي ريال تشوفونه يعامل زوجته وين خلاص يعني صار مسحور ؟؟ حرام عليج ان بعض الظن اثم

 

[ملگه]

الله اعلم بس لاتشگون فیهاا حرام بس لیش ماتفتحینها تقولین اخوي متغیر علینا وش فیه وتحاولین تتقربین منهاا یمگن تتصدقین معهاا ویتغیر حالگم

 

[فرزاشيهـ]

اي ولله صاجه اميره شفيتوه مرتاح وياها قلتوا فيها وفيها و فيها و اذا مو مرتاح هم ماسلمت منكم هالجنه المسكينه!!



و اذا سافروا و اذا طلعوا و اذا قطوا عيالهمم سوري بس انتي شنو اللي حارج بالموضوع<<؟؟؟؟؟؟؟؟


نصيحه خلج بحالج باجر بتصيرين مرت ولد اكيد ماراح تحبين حمولتج يسون زووم عليج بالطالعه و النازله

و الرجل اذا واصل بيوصل ترا ماراح ترده المرا و حتـي عن حبه ماتقدر ترده

 

[@لولو الصغيرة@]

وانتي الصاجه أميره 1980

 

[∫ ∫ ∫ ∫ جــوان ∫ ∫ ∫ ∫]

شكو احنا ندعى ونشيل اثم شى ماشفناه بعينا

حبوبه انا اقول ادعيلهم ابرك

 

[خالتي قموش]

صدقيني الريال ما تغيره المره اذا هو ما يبي يتغير
صفو النيه
خلوهم بحالهم
مدامه مرتاح وما اشتكى خلاص لا تدخلون
ترا محد بيدومله غير مرته وعياله
ترا باجر بتزوجين و بينرد عليج
استغفري الله

 

[البـنـدري]

كلام اختي قماشة صحيح الواحد يكون له حياته الخاصة
​

 

[أكذب عليك]

موشرط المرا خبيثه يمكن اخوج اصلا مافيه خير

موكل رجال تزوج عوبه تغيره على اهله الا اذا الرجال نفسه مافيه خير واسمحيلي



اما سالفه موفالحه بشي ويسفرهااا .. لو موعاجبه الوضع ماعش معاها 7 سنين وجاب منها عيال

اللي من هالنوعيه ينقال عنه عليه العوض



ومن راي تشيلون سالفة السحر من راسكم موكل عاق نحطله عذر بالسحر

 

[خالتي قموش]

وعلى قولة وحده اعرفها
اذا تبون تجربون ولدكم زوجوه
حتى لو خبيثه
لو فيه خير ما طاعها
والفرس من خيالها
لومو اخوكم اذا ما فيه خير

 

[دلوعة أبوهآ]

الكلام مو على زوجته !!
الكلام على اخوكِ اللي ماعنده شخصيه ..
لو فيه خير في أهله كان ماجت حرمه تغيره وتكرّهه في أمه !!

 

[باربية الكوووويت]

انا اقول اختي خلج بحالج و مالج شغل بحياتهم الخاصة
مبين اختي انكم تدخلون بحياتهم الخاصة بشكل مو طبيعي و الدليل انج تسألين اخوج ها وين رايحين جنه قاعد بتحقيق
و يبي يونس زوجته و عياله و يسافرون شفيها يعني ؟؟؟
اي ريال تشوفونه يعامل زوجته وين خلاص يعني صار مسحور ؟؟ حرام عليج ان بعض الظن اثم

معاها عدل كلامها الله يهنيهم جان قراب ولا بعاد لا تدخلون بحياتهم

 

[لمى الهاجري]

خليهم بحالهم لا تدشين معاهم بماشكل ودام انهم بيطلعون من البيت ابركها من ساعة

 

[senioreta n7oola]

جان تنصدم من الردوود

 

[ابدا يالغالي مانساك]

وانتي صااجه لووووول الي فووووقي



المهم صاحبة الموضووع ليش ندعي عليهم لانعرفها وتعرفنااا
ويمكن تكون معانا مشاركه وتتشكي من الحموله

اقولكك شي تركيهم وكيفهم

وريحوا نفسكم اذا هو فيه خير اخووكك اكيد مراح ينسي امه وابووه
ومبيتغير عليهم

 

[Laidy n3ooma]

اللي يبي يتغير بيتغير واللي يبي يتم على حاله بيتم مالج شغل فيهم واذا على قولتج شيطانه وغيرته مردته لكم انتوا اهله وبث

 

[منال $]

الله يصفي النفوس

 

[english muffin]

مع البنات
حياتهم واهم احرار

 

[جذابه بنت ذيابه]

حبوبه

مالج شغل وين رايحين ووين جايين !! هذي حياتهم
واذا تبين تكسبين زوجة اخوج واخوج .. نصيحه اشتري حلا وفطاير و روحي لها منها تاخذين اجر ومنها تفرحين قلب امج وابوووج ..

و ابدي انتي بالمعروووف

 

[بقلبي جرح]

مالكم الا تتركونهم لاخيرهم ولاشرهم تواصلي مع اخوك كجرد سلام وتأدية واجب وبس