احرجتني وحسستني اني مسوية شي عيب..الله يسامحها

[لؤلؤية]

السلام عليكم ورحمة الله وبركاته

اكتب لكم موضوووعي..وانا متضااايقه من موقف حصل لي اليوم
عند عيادة دكتووور امراض نساء وولادة...وعقم و.....
انا يا بنات عمري 40 سنه
وحملي عزيز ...تعرفوون شنو يعني عزيز..؟؟؟
يعني اطووول ما احمل..ولاااازم اعالج عشان احمل
واحيانا الله يسهلها علي..واحمل بعد فترة يأس من العلاااح
آخر طفل عندي عمرها 7 سنوات
وبين كل واحد والثاني من 5 الى 6 سنوات
عندي ولد واحد...والباجي بنات
الف حمد وشكر لك يارب...انا عندي وغيري ماعنده

بس زووجي يتمنى اني احمل..ووده بولد
وكل ماتولد وحده من حريم اخوانه...او خواته
يقولي يله الفال لج
وانا بعد بخاااطري احمل..خاصة انه بتكوون آآخر فرصة لي
وحتى امي تحن علي ليل نهااار...تبيني اروووح اراجع دكتور او طب شعبي وبناتي يترجووني اني احمل..


من سنتين رحت للدكتورة هدى الناصر...والله ماكتب لي احمل..
وتعبت جسديا ونفسيا...من ابر التنشيط..وانتظار الدورة

ووقفت العلاااح بعد ما صرفت مبلغ مو هين

وفيه حريم اعرفهم ومن اهلنا..والله يا بنات من عمري وفيه اكبر مني..ويحملون عادي..يارب يتمم عليهم
وعسى ربي يرزق كل محتاج

و....
قبل جم يووم جارتي...تبارك الرحمن...ويارب يتمم عليها
ولدت..توم...
وقالت لي انه بعلااج
حسيت انه للحين فيه امل..وقلت خل ارجع احاول

والدورة هذي بديت علااج
رحت للدكتور وطلب مني تحاليل
وكان عندي مراااجعة عنده اليوووم
وبنتي الكبيرة معاي...عمرها 20 سنه


وكانت قاعدة يمي...بصالة الانتظار...
والا وحدة قامت وقعدت يمي انا وبنتي..وقعدت تسألني عن الدكتووور
وانا كنت اجاااوبها بكل ذمة وضمير

اثناء كلااامي انتبهت لها ... تطالعني..وتطالع بنتي
وقطعت كلااامي وقالت لي
هذي بنتج...؟؟؟؟
قلت لها ايه
قالت لي..ما شاء الله مو مبين عليج
و.....انتي تراجعين تبين تحملين..؟؟؟
قلت لها ايه....

مع اني ما احب الفضووول..بس ما اعرف اكذب

ابتسسسسمت..وقالت شحقه..؟؟
زوجي بنتج...وخليها اهي اللي تحمل...!!!!!


الحين اشدارج انه بنتي متزوجه والا لااااااااا..؟؟؟؟!!!
بنتي كانت تتصفح مجلة..لما سمعتها...عطتها نظرة وسكتت

انا تضاايقت حدي من كلامها

وما عرفت شنو ارد عليها...
مع العلم انه شكلي مو كبيييرة حيل..والحمدلله لبسي وشكلي مرتب
وزوجي حاب اني احمل...وانا بعد ودي


قلت لها انا عمري 40 ...ما ادري ليش كنت احاول ادافع عن نفسي جدامها..
كأني مذنبه :eh_s(2):
قالت لي جدامج 5 سنين بسسسس
!!!!!!!!!!!!!!!!!!!!!!

قلت لها >>>>انا اطوول ما احمل...وبنتي الصغيرة باولى ابتدائي...و....
يعني انا وقفت حماله من ال 33 تقريبا..ولي الحين وانا احاول احمل

((لاحظوا اني صرت ادافع عن نفسي...))

قالت خالتي عمرها 43 وتوها والدة من 4 شهوور
>>>> انا شكووووو بلله ...؟؟؟
((يمكن حست انها احرجتني))


المهم...نادت اسمي الممرضة...
ورحت للدكتور وانا محبطة
وشاااف تحاليلي..وتحاليل زوجي

لاحظ احباطي...قالي ان شاء الله بنبدا علااج من الدورة الجاية
قلت له هذي آآخر مرة اعااالج يا دكتور ...لو ماحملت
خلااص يمكن الله مو قاسم لي

قالي لاااااااااا لاااااا ليش الاحباط من الحين..؟؟؟
تو الناااس..فيه مريضات اكبر منك ويجون عندي يعالجون
بس ما ابيج تُحبطين لو ما نجحنا بالعلاااج من اول مرة و.........العملية تحتاج راحة بال

طلعت من عنده..
والاخت تطالعني..وتبتسم

وطلعت من العيادة
بنتي كاانت معصبة ومتضااايقه من كلام الاخت هذي
وقالت لي اهي شكوووووو انتي تبين تحملين..والا لااااااا..؟؟؟
قالت لي كان مفرووض رديتي عليها رد يسكتها
والمفرووض انج ما تقعدين تسولفين مع اي وحده..و......لاتعطينها مجال تعرف خصوصياااتج
و.........
قلت لها يا حبيبتي..انا ما اعرف احقر احد...المرة سألتني عن الدكتور وعلاااجه و...قعدت افيدها بلي اعرفه
.........معقولة الحين طلعت انا الغلطانة...؟؟؟



بنااااااااات..انا باسألكم

اللي انا قاعدة اسويه فيه شي غلط...؟؟؟!!!!

هل انا كبيرة لدرجة انه عيب اعالج للحمل..؟؟؟؟!!​

 

[bnt_kwt]

هذي المره ينقال لها ثرثاااااااااره
والله يا ام فيصل مو انتي اللي مسويه شي عيب الا اهي اللي عيب راكبها من راسها لي اريولها

استغفر الله هالناس ما يخلون احد بحاله

لا يبا منتي غلطانه ولا مسويه شي غلط وكل انسان حر بتصرفاته
اووووف ارتفع ضغطي

 

[bnt_kwt]

لا واحب اقولج من كل قلبي الله يرزقج بالولد الصالح اللي يفرح قلبج وقلب ابوه وقلب عيالج واميمتج قولي امين

وااااااااااايد طيبه انتي فيصل كسرتي خاطري ما عرفتي تدقرينها دقره تبرد الجبد

 

[د.شريفة]

ام فيصل الله يرزقج الذريه يارب ويرزقج ربي اخو حق فيصل
الناس تبي الحجي تبي تتكلم وبس
وماعليج منها وكل وحده حره بنفسها تبي عيال والا ماتبي محد له شغل فيها
وهذي حياتج الخاصه
وحقريها اعوذ بالله ناس مادري شلون صايره

 

[لؤلؤية]

bnt_kwt

بعد عمري والله

قريت ردج ...وغوورقت عيوني
عسى ربي يعطيني على قد نيتي..

ابصراحه..للحين متضايقه من كلامها..
وافكر >>>يمكن اكون صج تأخرت وااايد بالعلاج...
بس هالشي مايعطي اي احد حق بانه يتدخل بخصوصيات غيره


د.شريفه

فديييت هالذوووق..حبيبة قلبي
ياربي يجزاااكم خير يابنات
مثل ماجبرتوا خاطري

 

[فوفه]

حبيبتي ام فيصل هذه القراقه اللي سولفت معاج ما عندها سالفه والله ماكثر من هالنماين
ومادري لي متى هالرجعيه بتفكير هالاشكال ... خله تشوف حريم الغرب يحملون وهم اعمارهم فوق الخمسين ... وبعدين طول ما الدوره موجوده المره تقدر تحمل بأي وقت .. خله تشوف حريم ماشاءالله تلاقينها عيوز حالتها حاله وتحمل وتولد عادي وتعلمي من هالموقف اللي صار لج انج ما تبررين حق احد خلي كلام هالناس على ورى ظهرج .. وتوكلي على الله ولا توقفين علاج خلي عندج امل دام ان ريلج يبيج تحملين .

 

[*دنــيـQ8 ــا الوله*]

وااااي انا مثل هالنوعيه من الناس تبط جبدي ...شكو تتدخل بخصوصياتج ... وتحدد لج اشكثر باجي لج ... لاتحطين بخاطرج وعسى الله يرزقج

 

[لؤلؤية]

فوفه

ياااحبيبة قلبي..
عسى ربي مايسلط عليكم احد
ياريتني اتعلم..بس الطبع يغلب التطبع
وبالكويتي نقول ابو طبيع ما يخلي طبعه
وانا طبعي...عفوية باجاباتي
مع انه هالدكتوور توني اراجع عنده...وهذي ثاني زيارة له
للمعلومية..بنتي اللي معاي بنووته...مو متزوجه
بس اهي ماعطتني فرصة...طلقات الرصاص كانت ورى بعض:eh_s(13):
ما مداني ارد ...


*دنــيـQ8 ــا الوله*

حبيبتي
عسى ربي يجبر خاااطرج

 

[مستقبلي احلى]

شكووووووووووووووووووووووووووووووو
شكو اهيا فيج
قطيعه هالناس ما تخلي احد بحاله لا يكون اهيا اللي بتطلق ولا بتربي شكوووووووووووو
الناس هالاشكال الله يعينهم علبى نفسهم يحبون التدخل ويحشرون روحهم ما يحسون الا بنفسهم
اذا الحرمة تبي تتزوج قالو ليش بعد خلاص كبرتي وخصوصا اذا كانت بعد ال30 واذا تبي تحمل حبطوها
خليها تولي مالج شغل فيها

 

[Yasmin]

حبوبه لا تضايقين روحج عشان وحده ما تعرف الادب والذرابه والسنع

مو عيب اذا تبين تحملين, هذا شي يخصج انتي وزوجج بس, مالج شغل بالملاقيف

الله انشاءالله يرزقج بالذريه الصالحه ويسهل عليج حمالج وولادتج يا رب :33_1185028183:

 

[حـــــلا]

تعوذي من ابليس وطنشي وادعي ربك يرزقك الذرية الصالحة
ويتمم عليك وتحملين بيسر وسهوله وتولدين وانتي بصحة وسلامة
بالنسبة للمرة تري اهي مسكينة تلاقينها حتي اهي متيبسة بالعيادة تبي عيال مثلك بس في ناس
الله يهديهم يقطون الكلام ما يثمنونه
وانتي بعد لا تصيرين حساسة جذي خليج قوية علشان فيصل واخوانه ههههههههههههههه

تضحكي ولا تهتمين واقري سورة مريم و يوسف بنية الذرية الصالحة
الله يحفظك من كل شر

 

[حبنا الله عليه]

وي اثاري الكل مر بهالموقف

يبه طاف اهي ماتستحي ولاعندها ذوق

 

[هندااا]

ماعليج منها اصلا اهي ماتستحي ...والله بدام الوحدة فيها اعيال ودها اتحمل ليش لأ......



لاعيب ولاحرام....وليش تنحرجين وتستحين اصلا اربعين مو عوده....الله يرزقج توم أولاد ....ولاتنسين دعين لنا معاج

 

[PrettyGrL]

بالعكس مو غلطانه بشي والله يعطيج على قد نيتج الصافيه وقلبج الابيض حبيبتي

وان شالله الله يكتب لج اللي فيه الخير ويجعل ذريتج صالحه ويخليهم لج ويسهل كل امورج

" دايما رددي : اللهم يسّر لي ما اخاف تعسيره .. فإن تيسير ما اخاف تعسيره ، عليكَ سهلٌ يسير "

وطمنينا عليج ياقلبي

 

[emynice]

الله يرزقج بالذرية الصالحة ان شاء الله ... وماعليج من كلام احد

 

[ام فوفو]

هلا وغلا فيييج ام فيصل شخبارج ياقلبي

صراحه جد جد تنرفزت من موقف المراه وهي شكو :jumpon: انتي ماسويتي شي عيب ولا حرام
بالعكس دام فيج حيل وبستطاعتج تخلفين وتربين وتيبين عيال هذا حقج الشرعي ان شاء الله
مو لو عمرج 40 سنه لو عمرج 50
محد له حق ابد انه يدخل

صراحه هالمره حشريه ودخلت نفسها بالي مالها فيييييييه مع الاسف
توكلي على الله ياقلبي ولايصير خاطرج الا طيب يارب تحملييييين قريب
وعسى الله يرزقج ويرزقني ويرزق كل منتظر
ويفرح قلبج بالولد الصالح
انا ولدي عمره 5 سنين وجم شهر وصارلي فوق السنه اعالج واراجع
وسبحان الله مالله كتب وريلي زايق فاده على بيبي جنه ما عنده عيال

عسى الله يرزقني ويرزقج يارب الذريه الصالحه الباره

طنشيها وماعلييج منها ولاتشيلين بخاطرج ابد اعتبريه سفيييييه وحده ماعندها ذوووق

انا حماتي خلفت وهي عمرها 44 سنه وهي وبنتها مانوا حوامل بنفس الوقت
ولدت البنت وبعدها حماتي وهذا شي مايتحى منه بالعكس العيال
خير وبركه وزينت الحياة الدنيا

 

[Dloool_q8]

الله يرزقج وخلي كلام الناس ورا ظهرج اللي يعجبج سمعيه واللي ما يعجبج عطيه الاذن الصمخه على قولتهم

 

[طيبة الطيبات]

الحمدالله

السلام عليكم شوفى ام فيصل اللى يمشى ورى كلام الناس يتعب هذا انا عمرى 43 وماعندى عيال وجانى حجى كثير ان خلاص مراح تحملين والمره فى العمر هذا تقل فرص الحمل عندها حيل بس انا متكله على الله لانه هو اللى يعطى موالناس ومادرى دايم احس ان الله يبى يرزقنى فاقولك ماعليك من كلام الناس سيرى ونحن من وراءك

 

[كويتيه مذهله 87]

لا يضيق خلقج حبيبتي
ولا تشيلين هم
مالج شغل هذي مره ما تستحي علي ويهاااا مدام ريلج تبين تحملين انتي مالج شغل بالناس
وانشالله يرزقج بتوام يبرد قلبج يارب

 

[أحلى شمريه]

الصراحه هذي قليلة ادب

عادي انج تعالجين وانتي مو مسويه شي غلط !!!

الله يرزقج ان شالله بالحمال