احرجتني وحسستني اني مسوية شي عيب..الله يسامحها

[FOZQ8]

شنووووووووووووو
من صجج انتي ؟؟
ليش امهاتنا متى وقفوا حمل حبيبتي ؟؟ لا بابا مو كبيره على الحمل
ومنو قال خمس سنين عندج
امي ماشالله فوق الــ55 وللحين الدوره اتييها يني لو تبي تحمل عادي
ودايما اقول لروحي ان المره لما يكبرون عيالها كلهم حلاته اتييب ياهل صغير لأن الكل بيكبر وبتصير لهم حياتهم

ياعمري انتي حساسه وايد
وقرقة الحريم وايده
بالعكس انا اشجعج
ودام الله ما أذن بان الدوره تنقطع
يعني عند رزق عند ربج باستمرار الذريه وعليج انج تسعين
وانشالله قريب تبشرينا بحملج
عسى الله يهون عليج

انا اعرف حريم حملوا مع بناتهم
غريبين هالناس وتدخلهم بشؤون غيرهم
خل تولي عنج زييييييييييين
ومالوم بنتج
لو مكانها مادري شكنت راح اسوي

 

[رقي]

هذي ملغوبه ماعندها سالفه
وماعليج منها
والله يرزقج بتوم اولاد

 

[rainbow_brite]

ما عليج منها وعاديس اتحملين انتي اللي بتربين


لا تهتمين انا مرو على وايد اشكال جذي يحسسوني ان انا بكود اليهال وعلى كيفهم يحددون جم ياهل ابي ما ادري اهم بيربون يبا هالشي يرجعلج ويرجع حق ريلج



الله يرزقج الذريه الصالحه

 

[& ودي ابـــكي &]

ام فيصل حياتي ماعليج منها ومن غيرها اختي اكبر منج وتدور الحمال ... وهي الله يسامحها ويستر عليها ...

مافيها شي عالجي وجيبي لزوجج ولد والا بنت فرحيه وفرحي بناتج وعيالج هذي حياتج محد له دخل فيها ..

وعسى الله يرزقج ياحي ياقيوم ولايحرمج يارب ...

 

[دمثة]

لاتعورين قلبج وتضايقين ربج كريم والي ربج كاتبه بيصير

 

[الشايعية]

:jumpon:


يــــــــــاكـــــــــــــرههم على هالطبــــــــــع بلاااغــة شف موطبيعيه !!!!


مــــــــــــاعليـــــــــــــج منهـــــــــــاياقلبــــي انتــــي شنــــو تبيــــــــن وســويـــــه


وتـــرا هـــــــــرج النااس لايودي ولا يجيب

بالعكـــس عــالجــي وكملــي وحاولي مره مرتين ثلاث وماعليج من احــد دام انج تبين وزوجج بعد يبي


ويـــــــــــن العيـــــــب أو الغلــط في هالموضوع ! ! !

العيــــب ان وحده مثل هااذي تدخل في شي مايخصهـــا وماتدري عن شي وتحكم عليج من اول قعده معاج

وتهــذر في شي مايعنيــها ولايمت لها بصلــه :eh_s(13): <<<<<<<<اشتطت

وترا النفسيه تلعب دوووور خليج متفاائله وكلج أمــل يالغاليه

وعســـــــى الله يرزقج ويهنيييج ويسعــدج

 

[علايه]

ما عليج منها .. يعني شنو بسم الله توج 40 سنه

خلاص صرتي عيوز زوجي بنتج وصيري جده

هاذي وحده تبي تقرق على الفاضي

 

[لؤلؤية]

فدييييتكم والله
متااابعه ردووودكم
عسى ربي يجبر بخاطركم..كلكم من غير تحديد

اسأل الله ان يرزق كل محرووومة الذرية الصالحة

 

[sHa6o0ra]

الحمل من خصوصياتج محد له حق يتدخل

وبعيد عن هالسالفه ترى احسن ان ماتاخذين بنتج معاج حق العياده لاتكبرينها قبل عمرها تفتح عينها على شغلات اكبر من عمرها وماتدرين يمكن تشوفين احد تعرفينه بالعياده ويعتقدون انج يايبه بنتج فيها شي لاسمح الله ,, يعني وجودها
ماله لزمه

وان شاء الله الله يكتبلج الحمل وتييبين ولد باذن الله

 

[رفرف]

عادي حبيبتي لا عيب ولا شي انا خالتي ام ريلي يابت بنتها الاخيرة قبل سنة يعني بنتها اصغر من بنتي (العمة اصغر من بنت اخوها) وتارسة عليها البيت ومونستها ..

والله يرزقج بالذرية الصالحة يارب

بس الغلط يا حبيبتي انج تناقشين الناس بخصوصياتج .. لو بتناقشين وتبررين منتي خالصة ..
سدي الباب محد يتجرأ يناقشج جان قلتيلها هاذي خصوصياتي بتسكت اكيد لا تحرجج ولا تحرجينها ..
في خط احمر انتي تحطينه للناس وتحددين لهم متى يوقفون ,. ان ماحطيتي خط احمر ..
ركبو فوق راسج .. للأسف

 

[زيـنـه]

مالج شغل فيها .. و خلج قويه المره اليايه لا اسألوج .. مو الريال زوجج و مو بالحلال و مو انتوا اللي تقررون الحمل .. عيل مالج شغل بالناس .. و الله يكتب لج اللي فيه الخير ان شاء الله .

 

[اضوى]

حبيبتي ليش متضايقه اتكلي علي الله وبدي علاج ولاتقولين لاي احد عن خصوصياتج وخصوصا ناس ماتعرفينهم

 

[ألوي الكويت]

الله يرزقك بالولد الصالح عاجلا غير آجلا

 

[Swan]

هالمره ما عندها اسلوب ولا عندها سنع
وبعدين واذا يعني عمرج 40
توج شباب ودام انج تبين العيال
من حقج انج تسعين لهالشي

والحريم ما شاء الله شكثرهم اللي يحملون بهالعمر
ومو شي غريب عليهم او مستنكر

ما عليج من كلام الناس وسوي اللي يريحج
لو بتسمعين كلامهم بتتعبين

والله يرزقج بالولد الصالح بالقريب العاجل
ونصيحه كثري من الاستغفار والدعاء

 

[فرحه بلادي]

حبيبتي ام فيصل ...لو المرد علي حجي الناس مااخلصنااا .

.لو كل وحده تبي تحمل تاخذ اذن من هالعالم شي ثااني

حبيبتي ربي يرزقج بالي تتمنين ياارب

ونصيحتي يالغاليه ....انه تتعالجين من غير محد يدري لو الله كتب خير


وبرك وان الله ماكتب الحمد الله علي ماعطاج خير ونعمه ...

 

[Amory]

وييه لو انا منج والله ما اهتم دام اني شايفه ان اللي قاعده اسويه صح ومو مرتكبه اثم والا امسويه شي حرام وغلط.


ويمكن هالمره ما تقصد اتضيق خلقج والا اتضايقج لأن انت شكلج متزوجه اصغيره اللي ماشاء الله بنتج عمرها 20 فعادي لو تزوجت بنتج ويا ببت نونو صج ترى بنتج ابسن زواج الحين و عادي وايد اعرف حريم بناتهم متزوجين ويحملون واهمه بعد يحملون لأنهم اصلا متزوجين اصغار وبناتهم ابسرعه اكبرو و صارو حريم.


يالله ان شاء الله ياربي الله يرزقج بوليد والا ابثلاث اولاد توأم ( ربج قادر على كل شيء ) ويرزق بنتج بالزوج الصالح ويرزقها بالذرية ( وما اعز من الولد الا ولد الولد ).

 

[Cacawa]

لو انا جان طالعتها بنظرة اخليها تطلع من المكان
صج ماتستحي والله العظيم في ناس مادري اشلون صايره ملقوفة

ماعليج منها واللي قاعد تسوينه مو غلط نهائيا والله يرزقج انشالله ويتربى بعزكم انشالله
وربج كريم يا ام فيصل ادعي ربج واستغفري والله ماينسى عباده

 

[هيونة الصغيرونة]

حبيبتي من قال إنج كبيره بالعكس توج وإنشالله بتحملين...

 

[وجدان الكويت]

بعد قلبي عسى الله يرزقج انشالله

وماااااااالج شغل بأحد بنت عمي عمرها تقريبا من عمرج اذا مو اكبر ويابت تووم بنات والله

واختي بعد زوجت ولدها وحملت قبل مرة ولدها تخيلي بين العمة وولد اخوها اربع شهور بس

مالج شغل باحد وعسى الله يرزقج ويرزقني

 

[جارة القمر]

الله يرزقج بالذرية الصالحه

ويرزق كل محروم

ويرزقج بتوأم صبيان


معافيييييييييييييين


والله يرزقني ويرزقج ويرزق كل محروم



حبيبتي


توج صغيرة


وحده من أهلنا


عمره 45



وصارله 11 سنة ما حملت


ماشاء الله تبارك الرحمن


هاليومين ولادته


أنا لم شفته بالعيد قلت شكله حامل


وماشاء الله صبرت حبيبتي ونالت


وما عليج من الناس حبيبتي


والله يرزقج



ويا حلوهم بناتج والله يخليهم لج يارب


ويفرحون بأخوهم ولا أختهم


أنا أختي قربت علي الأربعين وعنده بنتين ووولد واحد



وبنته يقولوله يمي نبي يهال بنت ولا ولد