احرجتني وحسستني اني مسوية شي عيب..الله يسامحها

[رمانه كويتيه]

وى ماعليج منها ان شاءالله اتحملين وتفرحين بالبيبى شوفى عمتى اخت ابوى اول يحليلها اتحمل مع جناينها جنتها تولد وعمتى عقبها بربع شهور تولد الظاهر عمتى تغار من جناينها يحلوهم والله حريم قبل اهم اللى فيهم البركه جان قلتيلها وانتى شكو التعب والربه عليى انا مو عليج

 

[عيوووزه كووول]

بالعكس ياقلبي ماغيها شي ولاعيب ... وماعليج من الناس ياما حريم اكبر منج يبون يحملون شنو يعني هذا رزق من الله والانسان يبي يسعى فيه ماله شغل العمر . وكلام الناس لايقدم ولايأخر .. انتي ماسويتي شي غلط مره ثانيه لا تفصلين خصوصياتح للناس .. اذا احد سألج قولي امراض نسا وبس كوني متحفظه

 

[عروبه]

اختى ام فيصل
لا تزعلين من كلامى
المره طبيعى تصرفها
والطبيعى اكثر انج تراجعين وتبين الحمال
هذا شىء يخصج
وسنج مو كبير وايد على الحمال
الله يرزقج بالولد المعافى باذن الله
يمكن انتى حساسه وايد
ومستحيه بالعكس خلج جريئه اللى ودج فيه من حقج توج بعمر الانجاب
تدرين انا على منو انقد ؟؟؟؟؟؟؟؟؟
على الحريم اللى اييبون بطن وراااا الثانى ؟؟؟؟؟؟؟؟؟
والعدد فى تزايد ؟؟
هذيل ما يستحون ؟؟؟
وياليتهم يربون ؟؟ كله على ميرى وجانيت
استغفر الله

ما عليج منها
هذا فضول اى انسان
خلج اكبر
وراجعى لا تياسين لو بقولج سالفة اختى والله بتنسين سالفتج
الله معاج

 

[بلبل حياتي]

حبيبتي أم فيصل

عورتي قلبي لأن سالفتي نفس سالفتج ويمكن أنا أكثر منج لأني أجهضت من إسبوعين وأنا كنت في الشهر الثالث وهذي أول مره أجهض أنا كل حمالي في عيالي طبيعي إلا هالحمله الأخيره كانت صدمه إني أجهضت بدون سبب حتى الكل تفاجأ بالخبر ... كلام الناس إهو اللي عور قلبي أكثر وتشمتهم فيني وصرت سالفه في يمعاتهم ليش تحملين بهالعمر وإشتبين بالحمال وراحت عليج وكبرتي وزوجي بنتج والا ولدج علشان إييبون لج عيال أحسن وفي ناس قالوا لي هالمره إشبتييبين أكيد قمر إنتي عيالج كلهم يهبلون ما أدري شنو الخلطة اللي تسوينها إنتي وريلج ... ما أدري أرد على منو وإلا منو ... حتى ريلي قال لي عقب ما أجهضت هذا من عيون الأوادم ومره ثانية إن شاء الله لما تحملين لا تعلمين أحد وإذا سألوج قولي غابتني الدورة وما أدري عن نفسي وما أبي أراجع وقالي حاولي تغيرين طبعج مو كل شي ينقال حق الأوادم أنا مو مستغني عنج ...
وفي وحده موتتني من الحره أنا وإياها حملنا صدفه بنفس اليوم لما عرفت إني أجهضت وكنت وقتها تعبانه وبطني يلويني من العوار دقت علي تكحكح وجنها بتموت من المرض وإهي تكلمني وتقول لي إن خالتها أم ريلها تقول لها يا بنيتي المرض اللي فيج من العين الناس مو حاصل لهم الحمال وإنتي حامل وتسولفين عليهم ويشوفونج ما فيج شي صاحيه .. فسكت أنا وما رديت عليها قعدت أفكر هذي شنو قصدها !!!

إتصدقين أنا لي الحين قلبي شاب نار ومحتره وأدعي على كل من قثني وتشمت فيني حسبي الله عليهم ... ماحد برد قلبي غير ريلي بعد عمري لما أشوفه ضايق خلقه علي أضحك علشان ما يزعل وأنا أبجي من داخلي ...

الله يرزقنا الذرية الصالحة ويعوضنا خير أجمعين يا رب ...

 

[لؤلؤية]

حبايبي كويتيات

الله يجبر خاطركم كلكم ...قولوا آآآمين
كلااامكم رفع معنوياتي..وقصصكم اروووع... وبررردت جبدي
وحسستني اني مو بروحي...اعاني نظرات ونغزات الفضوليين..او الطفيليين
و....دعوااااتكم..ماني عارفه شاقوووول
الا ....ياااربي يفرج على كل وحده ضيقتها...ويعطيها من الخير بمثل مادعت لي
وادعيلكم من كل قلبي..بهالايام المبروووكة...


اممممم بغيت اوضح

وحده من خواتي الغاليات
نصحتني باني ما آخذ بنتي معاي
انا ما آخذ احد معاي من البنات..بس هالمرة اهي كانت تبي اغراض من السوق
واخذتها..وللعلم اهي تظل تنطرني برا

حبايب قلبي كلكم
..ماقصرتوا بردودكم ...صج تبردووون القلب

 

[ام محمد]

يرزقك بالذريه الصالحه ويرزقنا واياكي ولا يهمك كلام الناس كل واحد وهو حر في شؤؤنه الخاصه

 

[جروح تبتسم]

ياختي سمعي من اذن وطلعيه من الاذن الثانية

لاتتأثرين بكلامها ويمكن هي قالت لج هالكلام بحسن نية


الله يرزقج ويفرح قلبج بتوأم ... اللهم امين

 

[جروح تبتسم]

ونسيت اقولج انا اعرف حريم وايد وايد وايد يحملون وهم فوق الاربعين والله على كلامي شاهد

وخصوبتهم بعد اعلى من اللي بالعشرينات والله العظييييييييييم

 

[mnoo33]

روحي عالجي عند حريم

 

[احلام النهار]

لاياقلبي ماسويتي شي غلط ولا عيب وكثري من الاستغفار وان شاء الله يرزقك بالذريه الصالحه

 

[CaRaMeLaH]

انا أقوول خل إطير أحسن لها قطيعه ناس ملاقيييف

شوفي حبيبتي إلي الله كاتبه بصير ولاتحاتين

وإلي عاجبه عاجبه وإلي مو عاجبه مايشووووووووووووووف شرررررررررررررررررررررر

وهذا شي يخصج محد له شغل فيج مالج شغل بالناس أهم شي تكونين مرتاحه وعائلتج مرتاحه

وهذا شي لاهو عيب ولا حرااام

بطت جبدي وعلى سالفة بنتج جنها انا مع امي سوي جذي والأحسن جذي وخل أحد إيي صوب أمي يا ويله يا سواد ليله الله يخليكم حق بعض ويسهل أمورج وتحملين

بس أشوه هالمره حست إنها غلطانه وملقووفه

روحي عالجي مره ومرتين وثلاث وقولي يا أنا يالحمال والنساه

 

[love love]

مالج شغل فيها وكل واحد ابخص بحياته

انا اقول دامج تبين سوي والله يكتب الي فيه الخير
والله يرزق كل محروووم انشاااااااءالله باقرب وقت قولو امييييييين

 

[حروف]

قوووووووووووووووووووووووولي آمين عسى الل يفرح قلبج بتوم اولاد عاجلا غير آجل يارب

ماعليج منها هذي ملقوفه

 

[عالي مستواها]

ما تستحي هذي .. رايها تحتفظ فيه لنفسها صج قليلة أدب

أنتي حره مهما كان عمرج أو حالتج هذا قرار شخصي أنتي حره فيه

الله يرزقج وتبشرينا قريب ان شالله

 

[ام جسومي]

واااي قطع ؟؟
انا ابي احمل كيفي .. انتي اشحارج ؟؟
ماعليج منها .. انتي عليج من نفسج وزوجج .. ودام انج انتي والريال تبون ماعليج من كلام الناس ..
والله محد ذابحنا الا هالناس ..

يارب عسى الله تحللين الشهر الياي وتطلعين حامل ..

 

[هلا&غلا]

الله يعينج على هالاشكال
اللي تسوينه ما فيه اي غلط
ومن متى صار الحمل عيب
اصلا الرسول صلى الله عليه وسلم مدح المرأة الودود الولود

 

[Featured Lady]

حبيبتى ام فيصل انا نفس حالتك
بس عندى سؤال عند منو تعالجين ؟
وربى يرزقك ويرزقنى ويرزق كل وحدة تتمنى الحمال اللهم امين

 

[ذكريات]

حبيبتي مالج شغل فيها

انتي مو كبيرة انا امي و خالتي يابوا يهال و عمرهم فوق الاربعين عادي

و انتي المرة الياية اذا احد سالج عن الدكنور جاوبيها على قد السؤال وبس لا تخلين احد يتدخل بحياتج علشان لا تتعبين

يعني اذا انا ابي اييب ياهل و ودي ببيبي اخلي بنتي تييبه لي ليش ؟؟؟

بس لو راده عليها رد يسكتها و اذا ما تعرفين حاولي تتعلمين لان هالاشكال ما ينفع معاها الاجذيه

الله يرزقج و يرزق كل محروم الولد الصالح

و اللي عجبني فيج انج مو ناكرة نعمة ربج ان عندج مع ان حملج عزيز في ناس ما تحس بالهشي و تقعد تشتكي و تلوم حظها

 

[لؤلؤية]

جزااااكم الله الف خير حبااايب قلبي
متاااابعه ردووودكم...
الله يرزقكم من حيث لا تحتسبووون
كلامكم يرفع معنوياتي..ويشجعني بشكل مااااااتتخيلووونه

mnoo33
ترشحين لي اسم معين..؟؟؟

سبحان الله انا ما ارتاااح للحريم
واخااف ادش بيوووت ما اعرفهااا..
ولا استنظفهم
...



فنن112

فديييتج
طرشت لج رد على رسالتج الخاصة
وعسى ربي يرزق الجميع يالغااالية

 

[ام فوفو]

شخبااااااااااااااارج ام فييييييصل ها شصار بمراجعاتج

وشنو قالتلج الطبيبه طمنينه