أول ولد \ بنت .. على منو سميتيــه \ ــها ؟؟

[LiL MaMa]

رد : أول ولد \ بنت .. على منو سميتيــه \ ــها ؟؟

انا في بجري اتفقنا انا و زوجي ان كل واحد يكتب 3 اسما صبيان
و بالصدفه كان في اسم انا وياه كاتبينه
انا كنت بسوي قرعه بس لما شافني كاتبه نفس الاسم قاللي اشرايج انسميه هالاسم بما انه مشترك بينا
و سمينااه عموووري

و بنتي انا قلت حق زوجي اني ابي اسميهاعلى خالتي حبيبتي ام زوجي
و فاجأناها بالاسم و بعد عمري قامت تبجي

و بنتي الثانيه زوجي قاللي اني سميها لأنج انتي اللي حملتي ة تعبتي
و بعد عمري ما عارضني

بس بهالبيبي بخليه اهوه يسمي على كيييييييييفه

 

[هوازن العتيبي]

رد : أول ولد \ بنت .. على منو سميتيــه \ ــها ؟؟

الولد انا بسميه والبنت ع اخته
غريبه امره المفروض الولد اهو اللي يسميه والبنت انا اسميها

 

[رفيف الخير]

انا لما ولدت الكل اجتهد يبى يسمي على كيفه زوجي خالتي امي ابوي اخواني حماي ولاحتى سألوني عن رايي لكن انا سميته عبد الله فديت روحه وما كان عندنا باهل زوجي ولااهلي احد باسمه عشان لاحد يزعل ولاني مااحب لما يجي طاريه عندهم يقولون اي واحد فيهم ماكان فيه غير عبادي واااااااااحد ولكن الحين فيه غيرة خمسه كلهم جاو بعده

 

[اكسبلانكا]

بنوتي نونه العنونه سميتها على اسم امي
بس صارت سالفه شكبرها شعرضها على هالاسم لاني كنت زايره اهل ريلي و سالتهم عطوني اسامي لاني مو حاطه ابالي اسم فنقزت امه وقالتلي سميها على اسم امج تستاهل هذي الغاليه وساعه تمدح فيها ..و لان مايصير اسمي عليها (امه) لان اسمها مثل اسمي ..
طبعا استانست وسكت وبس طلعنا وركبنا السياره دقت على ريلي قالتله مو تصدق مرتك ختنقي اي اسم ثاني مانبي على اسم امها
طبعا انا @@ شهالنفااااااااااااااااااق ..
فسويتها سالفه لاني بالاساس كنت تعبانه وموصله حدي ومع هذا وجبتهم و رحت يمعتهم ومابين بعينهم طبعا اهني حطيتها براسي عناد يا هالاسم يا من اليوم ماعرف اهلك ولا يعرفوني طبعا اللي ابتلش مسكين ريلي لان طاح بحانه ومانه انا وامه بس بالاخير قالي سكري الموضوع ومايصير خاطرج الا طيب وسماها على امي والحين يموتون لما ينادونها وانا اقول بقلبي ياعوازل فلفلوا ههههههههههههه
ادري قلت قصه حياتي بس هالموقف خايس وموقادره انساه

 

[غــلآ]

رد : أول ولد \ بنت .. على منو سميتيــه \ ــها ؟؟

الله يبارك لكم في ذريتكم يارب
رفيف نفس حالتي الكل قاعد يسمي على كيفه

بس بالاخير اتفقنا انا وزوجي

اذا ولد اهو يسمي
واذا بنت انا اسمي

ومحد يتدخل باختيار الثاني

 

[KOKO_284I]

رد : أول ولد \ بنت .. على منو سميتيــه \ ــها ؟؟

على اسم النبي عشان انتبارك فيه

 

[ELFAD3Ah]

رد : أول ولد \ بنت .. على منو سميتيــه \ ــها ؟؟

الاسم كان عاجبني ماسميته على احد

 

[غــلآ]

شكرا على المشاركات الحلوة

 

[سيلينا]

انا كلش ما اعطي حق سالفة الاسم حيل اهميه احس اهو له حق يسمي

انا الولد طبعا سميته على عمي خصوصا ان زوجي البجر وعمي بصراحه يستاهل من يسمي عليه لما دريت انه ولد قلت حق زوجي هذا فلان يعني كلش ماتناقشنا واسم عمي حلوو وماعندنا في بيت اهلي الا ولدي بهالاسم

اما بنتي سميتها على خالتي والله ما انجبرت اسمي اسمها واهي مسكينه تحسب زوجي غاصبني تحلف ومادري شنو لا تسمون علي قلت لها البنت متسميه وخالصه لا تحلفين بس والله احبها وتستاهل الي يسمي عليها كافيه خيرها شرها


وان الله رزقني بنت بسميها على امي ان شاء الله بس اذا ولد زوجي معطيني حرية الاختيار اسمي بس اكيد رايه بالموضوع مهم بعد بس هالكلام كله لي حملت ​

 

[غــلآ]

ماشاء الله سيلينا

زين ماخترتي وياحلو ماسميتي


وان شاء الله الثالث انتي تسمينه

ومثل ماقلتي اهو ينولد متمسى وخالص

 

[Q.8.h.2]

تخيلي اول ولد لا على ابوي ولا ابوه على رفيجه :krkrkr: بس صراحه خوووش ريال ولا كان مارضيت

بس بنتي سميتها على السيده عائشه رضي الله عنها ومحد تكلم الا وحده من حماواتي :eh_s(14): لان ولدي الثاني اسمه يناسب له اسم بنت ان شاء الله فهمتي فقالت من زين الاسم قلت بقلبي اخاف بس برد عليج :eh_s(8): وهذا اللي صار :eh_s(17):

 

[يا كويتنا]

رد : أول ولد \ بنت .. على منو سميتيــه \ ــها ؟؟

انا بجري سماه زوجي فيصل

لان كله ينادونه بالديوانيه ابو فيصل يعني لقب


وبعدها بنتي سماها عمي علا جدته حلو اسمها ساره

والثالث صرت عوبه وطيرت اعيوني. وسميت اولدي علا مزاجي هههههه

 

[عالمي المجنون]

بما اني بجر وهذا اول ضنى لي

للحينا في طور النزاع والهواش ع الاسم

بالاول كنت ابي فيصل بعدين قلت حرام بما انه الوحيد الي متزوج من اخوانه واول حفيد لهم بسميه "علي"

على اسم عمي وابوي فديتهم بس ريلي مو راضي ويطلعلي باسامي غريبة عجيبة عن انه يبي اسم غريب

بعقد اعيالي والله شكلي اخترتها بسوي قرعة

 

[أوكسجين]

سميته على عمي الله يرحمه

 

[أم العوش]

رد : أول ولد \ بنت .. على منو سميتيــه \ ــها ؟؟

الولد على عمي ابو زوجي

والحمدلله اسم حلو والكل متشفق عليه

وانا بصراحة احسه من الاسامي الكشخة خخخخخخخ

 

[عيالي ذيابه]

رد : أول ولد \ بنت .. على منو سميتيــه \ ــها ؟؟

انا الاول علا ابو رجلي

والثااني علا ابوووي

فدييييييييييييييييتهم ثنينتهم

 

[ورود خذلتها العاصفه]

بجرري ولد وسمينااه على عمي ابو زوجي الله يرحمه ويغقرله ياارب

ومحد كاان معترض بالعكس كنت استانس لما ينادوني ام فلان فترة الحمل

 

[" ام حمود "]

إأممممممممممممممم ،، موضوعــج حلوو هههههههههههه
انا سمية ولدي الاول " محمد " ع ابوي والحمدالله اسم عمي ابو ريلي هم محمد ، عشان لايصير هواش ههههههههه ، بس البنت سميتهاا ع امي الله يرحمها " فاطمـه " والحين حامل فيني ولد بالشهر الثامـن للحين ماادري شنو اسميه كل شوي مطلعه اسم

 

[~ الــــزيــــن ~]

رد: رد : أول ولد \ بنت .. على منو سميتيــه \ ــها ؟؟

على عمي ابو زوجي

 

[عروسة]

انا بنتي ابو ريلي سماها مو على احد بس يحب الاسم ..