أول ولد \ بنت .. على منو سميتيــه \ ــها ؟؟

[غلا الروح79]

انا سميت ولد هذا <<<<<الله يحفظه على اسم عمى لان ريلى من قبل يسمووونه ابو فلان وكااان اسم عمى وااايد حلووو
وحبوووبه عمى وعادى سمينا على اسمه الله يحفظه يااارب ياحلوووووووو وليدى

 

[غلاي امي وزوجي]

لحد الان جاري البحث

 

[ترووفه]

ان شاءالله اذا الله رزقني الولد بنسميه على اسم عمي وعمي اسمه حلوو

محمد

يارب ترزقني بحموووووودي عن قريب


والبنت على اسم خالتي لان اسمهاا حلوو

واهي تقول لا سموو احلى <<خل تيي هالبنت العووبه وبعدين نتهااوش على الاسماء

لوووووول

 

[مناوووي]

وانا ان شاء الله اذا الله رزقني اسمي الولد على ابو زووجي

والبنت على ام زووجي الله يرحمها

 

[أنفاسي دخون]

انا وزوجي اتفقنا على الاسم واللي اخترناه مو من عايله زوجي ولا اهلي ومحد زعل ولا شي

 

[عيون زوجها]

انا مازعلت احد ابوي قال حق ريلي البنت الوحيده اللى ابيها ينادونها باسمي اهي مرتك اللى اهي انا وريلي كان يبي يسوي ولدي على ابوي عشان طلبه طلبه واهو اخوانه مسمين على ابوه فالاسم مكرر وايد بس لان نيه زوجي نظيفه يبت ولدين توام مع ان قالو ولد وبنت بالسونار وسميت على ابوي وابوه واثنيناتهن يستاهلون لان عمي بالذات وايد فقير وطيب

 

[اميره كويتيه]

انا طبعا نقيت الاسم على اسم الامام حسين عليه السلام ولد فاطمة الزهراء سلام الله عليها مع انه ريلي كان ابخاطره اسامي مو مكرره مثل يس او عمران بس انا قلت ابي حسين وهم كان عندي اخو متوفي اسمه حسين والحين بنتي انشالله اذا ولدت بالسلامه بسميها رقيه على بنت الامام الحسين وريلي ماعارضني على هالاسم لانه هم اسم امي واسم اخته

 

[يتيمة العقـد]

أنا بجري اسمه على جده أبو زوجي الله يرحمه " مشعان "

لا أنا ولا أهلي معارضين أنا وزوجي أتفقنا على الاسم لأنه راح ينحب من الصوبين ، لان عمي أبو زوجي أبوي يغليه حيل لأن أبوي كان عايش عنده وتزوج أبوي أمي عنده لأنه جدي أبو أبوي توفي وابوي عمره 4 سنين ، وكانوا ابوي وامي وابو زوجي وام زوجي فبيت واحد لحد ما طلع لأبوي بيت، ولما توفى عمي أبو زوجي شفت دموع ابوي اللي عمري ما شفتها ، واللحين أبوي لما يشوف ولدي يفزله حيل ويحبه وأحس ساعات يعوضه عن جده ابو ابوه يعني ياخذ دور الجديين " اف قلت قصة حياتي "

 

[حرم_طيار]

رد : أول ولد \ بنت .. على منو سميتيــه \ ــها ؟؟

اسامي بناتي كلهم من عندي ما عندنا منهم كلش بالعايله

 

[Australia girl]

انا بنتي سميناها انا وريلي على المدينه المنوره (طيبه)

واذا الله رزقني بولد انشالله بنسميه على اسم حماي الله يرحمه

 

[بدووورة]

انا قالي ابي اسم ابوي فعاجبني الاسم حيل وقاللي اذا ماتبينه عادي

بس اسمه حلو حيل و اذا بنت انا اسميها

بس مادري لي الحين فيني بنت ولا صبي

 

[rora_q8]

انا ولدي سميته على عمي الله يحفظه ويطول بعمره يارب
وانشالله اذا يبت بنت بسميها على خالتي

 

[غــلآ]

رد : أول ولد \ بنت .. على منو سميتيــه \ ــها ؟؟

ماشاء الله بنات

الله يبارك لكم بعيالكم يارب ويخليهم لكم ان شاء الله

مشكورين على المرور


وبانتظار مشاركات اخرى هههههههههههههه

 

[دنياالوله]

انا على خاله شهيد
وكنت حامل بتوائم بس الله ماكتب يتم
كنت ناويه انس ومعاذ
او انس ويوسف

 

[أم وهابي (عبير)]

ببجري سميناه عـبـدالــوهـاب على اسم عمي ابو ريلي
وبولدي الثاني عــمــر على حماي العود



يعطيج العافيه عالموضوع خوووش شي

 

[غــلآ]

رد : أول ولد \ بنت .. على منو سميتيــه \ ــها ؟؟

الله يبارك لكم فيما رزقكم يارب

دنيا الوله عسى ربي يعوضج خير عنم ان شاء الله

 

[اريام22]

مشكوره عالموضوع

انا بنتي الكبيره سميتها على اغلى انسانه بحياااتي << امــــــــــــي >> الله يرحمها

لان لما انخطبت وتزوجت كانت امي متوفيه قبل سنه ونص وابو زوجي متوفي قبل سنه من زواجنا

وكانوا يسمون زوجي ابو فلان على ابوه ولما حملت وحللت طلع فيني بنوته قلت حق زوجي ابي اسميها على

امي الغاليه الله يرحمها قالي اكيد ان شاء الله ولما قال زوجي لامه ان فيني بنوته قالت من نفسها سميها على امها

قبل انقولها حسى الله يحفظها جده عيالي ..

وبعدين نطرنا الود بنسميه على ابو زوجي ههههههههههه

جبت بنوه وسميتها اسم حلو وجبت وراها بنت وسميتها احلى منه

واخيرا جبنا الولد وسميناه على ابو زوجي طبعا وعسى الله يرزقني بالولد الصالح

وان شاء الله اسميه على ابوي الله يرحمه قولوا امين

لازم الواحد يسمس على والديه عادي يعني والاسامي ماتغير احد

والا شرايكم

 

[غــلآ]

رد : أول ولد \ بنت .. على منو سميتيــه \ ــها ؟؟

الله يحفظهم ويبارك لج فيهم يارب

بس تمنيتج البنت الثانيه مسميتها على ام زوجج مسكينه مبينه حبوبه وتقدر يعني عشان لا تحس بالفرق

بس بالاخير الياهل ينولد مسمى وخالص

 

[فرفشه منعنشه]

رد : أول ولد \ بنت .. على منو سميتيــه \ ــها ؟؟

البجر انا سميته ومافي مثل اسمه ابد لا في اهله ولا اهلي يعني مميز
البنت الثانية زوجي سماها لانه كان من اول حملي في بجري يقول اذا بنت بسميها فلانه
والبيبي الثالث انا وياه مشترك سميناه
والحمدلله

 

[!الجادل الصعب!]

رد : أول ولد \ بنت .. على منو سميتيــه \ ــها ؟؟

ولدي على آبوه .. واذا جاتني بنت على امه وهذا موضوع غير قآبل للنقآش ..! والولد الثاني على آخوه الي توفى ..!>> مآعندي الا ولد وآحد ..!