أول ولد \ بنت .. على منو سميتيــه \ ــها ؟؟

[ام كوشه منكووشه]

رد : أول ولد \ بنت .. على منو سميتيــه \ ــها ؟؟

انا بنوتي سمينها على اسم ام ريلي لانها اول حفيده لهم
وبعدين خالتي تستاهل وايد حليووه وزينه معاي وان شاءالله اذا الله رزقني بوالد راح نسميه على ابو ريلي لان ريلي البجر وكلهم ينادونه بو فلان على اسم ابوه..والحمدالله اساميهم حلوه وعاجبتني صحيح دارجه واايد وقديمه بس مواسامي مستنكره والاهم ان خالتي بعد قلبي حييل طايره بحفديتها ومتعلقه فيها واهلي بالعكس ما خذوا بخاطرهم لان اخواني الحمدالله مسمين البجر من البنات او الصبيان على امي وابوي..

 

["*آآآنؤؤؤقهـ*"]

رد : أول ولد \ بنت .. على منو سميتيــه \ ــها ؟؟

سبحان الله طول فترة احمالي كان في اسم زوجي يبييييه عائشه على ام المؤمنييين ..... وانا كلش مو مقتنعه فييه لان حييل مكبرني وانا توني صغيره

يعني انا حبييت اسم ام زوجي والنيه اسميهاا على ام زوجي حبيبتي تستاهل وربي وانا احبهاا حييل وقلت لزوجي واستاانس

قال هذي الغاليه قلت نبي نسمي عليهاا واسمهاا يهبل...........


وقال لخالتي ماوافقت كلش .. ولدرجه حنينه عليهااااااا واقول لحماتي بعد عمري تحن عليهاا ومارضت كلش

وانا كلمتها كذا مره .. يعني رفضت

وسبحان الله زوجي رجع لطير يلي الاسم اللي كان في باااااااااااااله وانا رافضه وبقووووووه


سبحان الله قلت لزوجي ان شااء الله ... ماقلت لا ولاعارضت ........... قبل ولادتي بأسبووع

قررناا انا وزوجي على اسم وسبحان الله صار من نصيبهاااااااااااااااااااا ......



وخالتي وامي وخالة زوجي وخالاتي كلهم يقولون اسمهاا يجي معاهاا ... لوتقولين اي اسم


وسبحان الله صدقوواا وتغير كل شئ

واخر لحظه قرررنا على اسم

وكان حييييييييييييييييييييييل حلوو والكل مشاء الله امدحه ..... يعني مو على اي احد سميتهاااااااا ............

 

[مطيريه ماركه]

رد : أول ولد \ بنت .. على منو سميتيــه \ ــها ؟؟



آنآ مكنيّة نفسي من آلثنوي بِـ آم أسآمة وأهلي عمومآً مسيفين رقمي بِ فونآتهم بِ هـ آلآسم

وآلآسم على آلصحآبي آلجليل : أسآمة بن زيد بن حآرثة

معآرضة ؟

ليش يعآرضون ؟

يكفيه فخرآً يسمّى بِ هكذآآ آسم ْ

وشخصيآً مآحب أسمي على أحد ، آلآ آسم له تآريخه ونآوية آسمي آلحآرث ويزيد وآلقعقآع آن شآء ْ آلله

لعلهم يآخذون من صفآت من تسمّوآ بهم قولوآ آمييين ْ

:eh_s(22):

 

[*صاحبة السمو*]

اسم ولدي على عمي ابو زوجي
واصلا ماشاورني عليه لوووووووووووووول

 

[مدمنة ككاو]

ولدي البجر خالتي سمته على اسم عمي معني انا وريلي متفقين على اسم ثاني بس بعد الولاده خالتي فاجأتنا تبي تسميه على ابو زوجي وسميناه وهم الاسم حلو وراكب عليه

وبنتي انا وابوها سميناها باتفاقنا من قبل لا تنولد وما شوارنا احد ولدتها وراح سجلها على طول وقلنا اسمها

والحين ان شاء الله مسمى وخالص بس يوصل بالسلامه يااااارب

 

[آهات الليل]

رد : أول ولد \ بنت .. على منو سميتيــه \ ــها ؟؟

انا بجري بنوته سميتها شوق
السبب
من وانا بالابتدائي اقول لاكبرت وتزوجت بسمي بنتي شوق احب الاسم وااااااااااااااااااايد
وفعلا سميتها وتحققت امنيتي و2بنوته سميتها فاطمه ام زوجي سمتها على فاطمه بنت الرسول عليه الصلاة والسلام والينوته ال3 بعد جم يوم تشرف مايندرى شراح اسميها

 

[حرم يوسف بيك]

رد : أول ولد \ بنت .. على منو سميتيــه \ ــها ؟؟

ولدي. سميناه على محد خخخخخ قصدي موعلى اسم ابوي الله يحفظه ولا على اسم عمي انا وزوجي نحب الاسامي الغريبه الي مومكرره وايد وبنتي بعد ماسميناها على احد مع ان اسم امي حلو واسم خالتي الله يرحمها حلوووو بس سميناها اسم غريب والحين اوليدي الي ابطني راح اسمي شاهين ريلي اختار الاسم وعجبني

 

[#ريما#]

رد : أول ولد \ بنت .. على منو سميتيــه \ ــها ؟؟

اول بنوته لي سميناها على اسم خالتي تستاهل لانها ماتقصر مع ان الاسم كبير و اكبر من اسمي انا بعد حيل لووول
يعني بتصير اهيا الام و انا البنت ^_^ فديتها

و الولد مستقبلا ان شاءالله انا وزوجي حاطين في بالنا جم اسم يعني راح نختار بينهم لان عمي مايبي نسمي عليه مو عاجبه اسمه

وان شاءالله عقبهااااااا اسامي البنوتات ابي انا اسميهم من التعب الي شفته بالحمال قلت لازم اقدر نفسي واستانس بتسميت عيالي

يارب يكتب الي فيه الخير و اهم شي الصحه و العافيه و الخلقه الكامله لا زياده و ل نقصان

 

[^^دموع الكويت^^]

رد : أول ولد \ بنت .. على منو سميتيــه \ ــها ؟؟

على ابو ريلي

واذا سميتي الاسم من عندج هل ام ريلج او ابوه زعلوا؟؟ والعكس يعني لو ريلج سمى اسم من عنده هل امج او ابوج زعلوا؟

لا ما ازعلو لييييييييييييييييش يزعلون !!!!!

 

[أم يوسف وأمونة]

انا اسم ولدي البجر يوسف اول ما درا ريلي انه ولد استااااااااانس وقال

ترا انا من زمان احي اسم يوسف واهو لااسم ابوي ولا اسم ابوه

وريلي ما يحب يسمي على احد يعني لا هذا ولا هذاك

واخواني كلهم مسمين على اسم ابوي حبيبي واهم اخوانه مسيمين على اسم عمي ابو ريلي

اما البنت تخيلي لي حزت ولادتي ما كنا حاطين اسم طلع الاسم نفس اليوم وسميتها ايمان

وحاليا فين بنووووووووته وهم نفس الحاله ما سميتها وفي بالي وايد اسامي

 

[لهفة المشتاقه]

انا بنتي مسميه عمرها
على اسم خالتي ام ريلي
مع اني ماودي اول بيبي ودي ثاني بيبي بس هم حلو اسم بنوتي
ويارب يرزق كل بنت ودها تحمل يرزقها بالذريه الصالحه ويرزق اختي نكها ياعيون سمي بالذريه الصالحه وهم مسgoold الله يرزقها بالتوم ويثبت حملهم ويحفظ بنوتي لي

 

[ام نوره..]

رد : أول ولد \ بنت .. على منو سميتيــه \ ــها ؟؟

نوره على جدة زوجي
والحمدلله كلهم استانسوا عليه

 

[شووقة]

اول بنت انا سميتها
والبنت الثانية ام زوجي سمتها قالت خلاص انتي سميتي الاولى الحين
دوري اسمي الثانية سمتها اسم كبير بس حلو بس مو على احد

 

[a7la wa7da]

مو على أحد انا بخاطري فارس واهوا يبي عبد الله والله العالم :hjy5jewf:

 

[ام بوحنة +]

رد : أول ولد \ بنت .. على منو سميتيــه \ ــها ؟؟

سميناه على عمي ابو ريلي الله يرحمه برحمته

اسمه وايد كبير علينا بس اينن

يوم ولدته كل اهل ريلي بجو لانه اول حفيد من الشباب وسمي عمي الله يرحمه اللي كانو حيل يحبونه

 

[حبـ admant ـك]

رد : أول ولد \ بنت .. على منو سميتيــه \ ــها ؟؟

بنتي سميتها اسم كان عاجبنا انا و زوجي

واذا الله كتب وحملت اذا كان ولد على ابو زوجي
واذا بنت على ام زوجي

 

[داريني]

ما سميت على احد
بس ناوية اذا الله كتب لي ولد اسميه على اسم عمي ابو زوجي الله يرحمة

 

[om al ghaleen]

..,, بجري توٌفي وسميته ع آسم نبي .. "
وولي العهد على أسم الآمام علي بن ابي طآلب عليه السسلام
وكل عيالي مقتبستهم من القرآن .. ~


والحمدالله الياهل يي واسمه معآه لا عم وعمْه ولا خاله تقدر تغيره

 

[أغلى حبيبه]

رد : أول ولد \ بنت .. على منو سميتيــه \ ــها ؟؟

ولدي العود مسمي نفسه على ابو ريلي

وبنتي على اسم خالتي الله يخليها لنا ان شاءالله

 

[Almas_q8]

رد : أول ولد \ بنت .. على منو سميتيــه \ ــها ؟؟

ولدي الكبير ريلي مسميه لانه ينادونه ربعه من زمان بهذا الاسم ومايبي يسمي عل اسم ابوه لانه راح يصير متكرر وايد الاسم وانا عاجبني اسم عمي حلو و انا من اللي تأيد الواحد يسمي على اسم الام و الابو والعم والخاله لانهم وايد راح يستنسون و يفرحون لمن يشوفون عيالهم مسمينهم على اسماءهم

و ولدي الثاني سميته على ابوي انا متفقه مع ريلي من البدايه مره عليه يسمي الاولاد و مره انا و البنات نفس الشي انا اسمي و مره اهو بس لازم نكون موافقين على الاسم

وولدي الثالث ريلي اختاره و انا عجبني وايد و الحين حامل و فيني بنت والبنت انا مختاره الاسم من زمااااان من قبل ما احمل على اسم خالتي ام ريلي تستاهل والحين ناطره سميتها و اذا فيني بنت ثانه بسميها فاطمه على اسم بنت الرسول عليه الصلاة والسلام و هم على اسم يدتي الله يرحمها