أول ولد \ بنت .. على منو سميتيــه \ ــها ؟؟

[غــلآ]

السلام عليكم

شلونكم بنات


السؤال واضح حبايبي


اول ولد او بنت

على منو سميتيه

او على منو بــ تسمينه او بتسمينها؟

امج

ام ريلج

ابوج

ابو ريلج

او الاسم كان من عندج


واذا سميتي الاسم من عندج هل ام ريلج او ابوه زعلوا؟؟ والعكس يعني لو ريلج سمى اسم من عنده هل امج او ابوج زعلوا؟


اتمنى اشوف مشاركاتكم :hjy5jewf:​

 

[روان_الكويت]

يشرفني اكون اول وحده

اول ولد علا عمي ابو ريلي لاني من اخذته واهم يسمونه بابو فلان اسم ابوه وكان الاسم حلو عاجبني والولد الثاني سميته علا ابوي بعد موافقته لانه هم الاسم عاجبه

 

[raneen]

رد : أول ولد \ بنت .. على منو سميتيــه \ ــها ؟؟

يسعدني اني اكون اول وحده اتشارك ابموضوعج....
وبالنسبه لي انا كنت امحضره لسته بالاسماء الحلوه والله اني من الشهر الرابع وانا احضر حق الاسم بس سبحان الله الياهل ينولد وهو امسمه ...
فآخر شي بعد ما ولدت يوم شفناها انا وريلي قلنه مو لايق عليها الا اسم عمتي الي اهيا امه الله يحفظها من كل شر ...
والحمدلله محد زعل بالعكس افرحوا .... وللحين كل ما انطالعها انا وريلي انقول ان هذا احلى اسم لايق عليها ...
فسبحان الله كل شي بيد رب العالمين..
وسوري قرقت عليج وايد ....
وتقبلي مروري لج حبوبه...

 

[raneen]

رد : أول ولد \ بنت .. على منو سميتيــه \ ــها ؟؟

ههههههههه
يلا صرت ثاني وحده ماكو فرق ان شاء الله
هههههه
واب لعيونج

 

[غــلآ]

رد : أول ولد \ بنت .. على منو سميتيــه \ ــها ؟؟

فديتكم حبايبي

الله يبارك لكم بعيالكم فرحتوني بمشاركاتكم


ياربي انا طبعي ماحب ازعل احد

وهم طبعي احب الاسامي المميزه وريلي يبي يسمي على امه

اسم امه مو شين بالعكس اسم عادي

بس مادري ليش يمكن لان انا اسمي مميز فابي بنتي يكون اسمها مميز مثلي


وبنفس الوقت ماحب ازعل احد



واي واي واي واي ههههههههههههههههههههههههههه

جد جد واي


بس هم الحمدلله على كل حال


بانتظار باقي المشاركات

 

[ورود الودود]

موضوعج حلوووو ....


ادعي لي أكون حامل ورد عليج بالموضوع ....

اب لعيونج ....

 

[ام صاالح]

رد : أول ولد \ بنت .. على منو سميتيــه \ ــها ؟؟

أنا ولدي مسمي نفسه بنفسه
صاااالح على جده ( ابو ابوه )
والكل كان يسموني أم صالح من أول ما تزوجت وقبل أحمل
يعني الاسم هذا لازم لازم
وانا ما اعترضت عليه لانه عاجبني حيييييييييل

 

[تبارك الرحمن]

رد : أول ولد \ بنت .. على منو سميتيــه \ ــها ؟؟

غلاوي اذا اسم امه مو شين سمي على امه
و اكسبي رضا ريلج و الله يذكرلج اياها طول عمره
وحق المرة الياية راح يخليج انتي تسمين
ونطري خل يبين جنس الجنين ورب يسهل عليج وعلي وعل كل حامل

 

[<<لمار>>]

انا ولدى كان مسمى نفسة بنفسة على جدة ابو ابوة

 

[iLLuMinaTion]

ابوي

 

[الأميرة جوري]

رد : أول ولد \ بنت .. على منو سميتيــه \ ــها ؟؟

انا بنتى >>>>>>>علي اسم فنانه خليجيه كان بوقته غريب وما انتشر وايد لكن الحين الكل هب فيه ,,,,,,,,,

 

[كويتيه مذهله 87]

ان شالله بسمي ولدي علي اسم حماي الله يرحمه الي هو اخو ريلي

والبنت بسميها علي اسم حماتي الله يرحمها الي هي اخت زوجي


,,,

 

[tmtmt]

سميت بنتي مو على احد احب الاسم ( نور )
وسمعت دعاء ياسر الفيلجاوي وانا كتت حامل بالعشر الاواخر وتعلقت بالاسم اكثر

واذا حملت بصبي ان شاءالله
كنت بسمي على عمي معنى اسمه كللللش مو حلو
بس الحين راح اسمي على اخوي المرحوم ان شاءالله

الله يرزق الجميع يارب

 

[غــلآ]

رد : أول ولد \ بنت .. على منو سميتيــه \ ــها ؟؟

مشكورين حبايبي


والله مادري


على قولتكم الياهل ينولد واهو مسمى

 

[اريج الجوري]

رد : أول ولد \ بنت .. على منو سميتيــه \ ــها ؟؟

خووش موضووع ,,,

انا بنتي بجري ريلي سماها مو على اي احد <<< على قولته مايندرى !!! هع

وولدي سمته خالتي الله يرحمها على ولد حماتي الله يرحمه لأني يوم ولدت وطلعت من الطبيب اهو توفى وكان عمره 13 سنه الله يرحمه

وسبحان الله طلع ولدي يشبه حماتي جنه ولدها واهي تموت فيه ,,,

تحياتي ...

 

[روحي ابوي]

ولدي سماة ريلي على اسم رفيجه على قولته صديقي الصدوق من لماكانو بالروضة ليومج هذا الله لايفرقهم

 

[angel_soul_1989]

رد : أول ولد \ بنت .. على منو سميتيــه \ ــها ؟؟

انا بناتي مو على احد وانشاءالله الولد انسميه على اسم ابو زوجي الله يحفظه بس طبعا كله باختيارنا مو من راي احد

 

[اميرة المحبة]

اسم الولد باذن الله ناصر على عمي الله يطول بعمره


والبنت بنسميها باذن الله فطومة وهذا اختيار زوجي والاسم على اخته الله يحفظها وتستاااااااهل لانها اختي قبل لاتكون حماتي ،،
وجدته الله يطول بعمرها


والله يرزق كل المسلمين

 

[*ريما*]

رد : أول ولد \ بنت .. على منو سميتيــه \ ــها ؟؟

اسم ولدي
سميناه ع اسم عمي ابو زوجي
والاسم حلو وعاجبني

ويعطيك العافية ع الموضوع الحلو

 

[ياعيون مغليك]

رد : أول ولد \ بنت .. على منو سميتيــه \ ــها ؟؟

امممممممممممممم
انا بنتي تسميتها غريبه شوي
اول ماحللت كانت امي رايحه العمره وكانت اختي وعيالها قاعدين عند ابوي
فلما بشرت ولد اختي الصغيييير قلتله انا فيني بيبي
قال اذا دبتي بنيه اثمها لقد
لقد؟؟؟
اهو عمره 4 سنين بس اطيرم شوي
وبعد مناقشات ومباحثات مع امه واخوه الكبير اكتشفنا ان الاسم اهو رغد
لزق بمخي واي احد يسألني شسمج اقولله ام رغد وكان زوجي ملتزم الصمت التام
بعد ماولدت وبشرته اختي اني جبت بنت قال ترا اسمها نووووره
بس للاسف تعبت بالولاده وتازمت حالتي حيل ودخلت العنايه
ولما دش علي بالعنايه قال شتبين تسمينها قلت ابي رغد
وطلع مني على طوووووول راح سجل اسمها

اهله ماعارضو بس حسيت انه ماعجبهم
واللي صدمني ان خالاته وعماته لما زاروني كانو ينادونها نوره
ولما اصحح معلوماتهم واقول اننا سميناها رغد يكشرون

اهم شي زوجي خالتي وحمواتي عاجبهم