أفـــضل أنــواع الــبــهــارت ( شاركونا)

[بحرينية محرقية]

رد: اي نوع من البهارات تستخدمين؟

لبزار البحريني ما نستغني عنه يعطي ريحة حلوة للطبخ

وبهار البرياني والسنوت
ونصيحة لا تستخدمون البهارات الجاهزة المعلبة لان اغلبها مافيه ريحة ولا طعم
سوو البهارات بروحكم فالبيت انظف والريحة رووووووعة

البزار نشتريه من حرمة تسويه فالبيت والسنوت بروحي اسويه صج مختلف تماااااااااااااما عن الجاهز
والطريقة سهلة تنقون البهار عدل من الحصى وعقب تغسلونه وعقب تنشفونه
بتعريضه للمروحة مو الشمس يمكن ياخذله يومين عشان ينشف عدل مع تقليبه من وقت لوقت
وعقب تحمصونه وعقب تطحنونه بعض البهارات احنفظ فيها بالثلاجة ...

ورق الكاري وايد يعطي نكهة حلوة فالاكل للمجبوس والبرياني والحمسات اشتريه طازج
وعشان ما يخترب اغسل اوراقه وانشفهم واحتفظ فيهم بعلبة ريحتهم قوية وحلوة

ومرة كنت ادور عشبة الشيبة اكيد تعرفونها فما لقيتها وكل ماروح مكان ما يعرفونه
بس مرة عطاني الهندي عشبة للحم قالي هاي يحطونه للحم والدياي لين ينفاح
الصراحة ريحته رووووووووووووعة وتوخر الزفرة بس ناسية اسمها وتوني قاطة الغرشة
من يومين لان من فترة عندي قلت يمكن اخترب انا خذته من السعودية واذا رجعت خذتها بصورها لكم
وايد ريحتها تهبل ابي اتذكر الاسم ناسية ..

وننتظر باقي البنات في بهاراتهم ..

 

[ايام حلوه]

رد: اي نوع من البهارات تستخدمين؟

جزاكم الله خير

 

[أم ريوف 1400]

رد: اي نوع من البهارات تستخدمين؟

شوفي يااااااقلبي احنا السعوديات

كل منطقة لهااا بهاااراتهااااااا

وكل وحدة الذ من الثانية
انا عن بنات المنطقة الغربية

مااااااااامااااااااا فنانة فيهااااااا
جربيهااااااااا لذيذة
المقاااااااااااادير:
كمون حب
كزبرة ناشفة حب
فلفل اسود حب
قرفة(دارسين)
شيبة
هيل حب
مسمار عويدى
كركم مطحون
بصل جاف
احمسيهاااااااا على النار واطحنيهاااااااااا
وخليها بالفريزر عشان ماتتغير
بصراحة استخدمهاااااااا بكل شيء
برمضان لسمبوسة
الايداماااااات والكبسات

نصيحة دقي الثوم والبهارات المطحونة مع بعض للكبسات والايداام
خراااافية راح تدعين لنا

البهارات الكبيرة
القرفة والخولنجان والشيبة للشربة فقط

القرفة والخولنجان والشيبة واللومى والمسمار والهيل للكبسات والتفويح والسلق
وعليكم بالعااااااااااااااااااااااافية

 

[أم عزيـز]

رد: اي نوع من البهارات تستخدمين؟

انا اشتري جاهز من الجمعيه في بزار بحريني وايد روع وخنين

ومرات اخذ بهارات مجدي المشكله حق كل شي

بس مرات امي الله يحفظها تسوي بهاراتها بالبيت واخذ منها

 

[[]نهاوند[]]

رد: اي نوع من البهارات تستخدمين؟

احنا بهاراتنا نجبيها من السعوديه امي كل ماسافرت تجيب من هناك تشتريها حب من الحواج وتوديها المطحنه

وهي كمون وكزبره وجوزة الطيب ومسمار ودارسين ولومي واعتقد حبه حلوه مادري يمكن بعد فيه شغلات ثانيه​

 

[جارة القمر]

رد: اي نوع من البهارات تستخدمين؟

تفضلي طلبج

http://q8yat.net/showthread.php?t=394645

 

[Rimova]

رد: اي نوع من البهارات تستخدمين؟

مشكورين بنات وماقصرتوا
وياريت الباقي يكتبون عن انواع بهاراتهم

انا عن نفسي (ماتبي طباخه بس اعرف اطبخ
انا اشتري العلبه الخضره من الجمعيات بهارات مشكله ونكهتها لذيذة(خدامتي واايد تستخدمه وطبخها روعه)

واشتري من بهارات مجدي الحب (فلفل اسود -ورق غار-....الخ)

وامي يابتلي بهارات من البحرين اسمه طوبى (صينيه فيها علب بهارات مشكله دياي ولحم كركم ...الخيمكن 9علب او6ماني ذاكره)بس عجيييب

مره شريت من مركز سلطان بهارات عجبني شكلهم(اشكال العلب عجيبه)اسمهMcCormickخذيت زنجبيل وكاري وكمون وفلفل باربيكا عجيييييب بس تحسفت ماخذيت كل الانواع

وخدامتي تحط الكركم بكل شي عشان اللون -

 

[لميس]

رد: اي نوع من البهارات تستخدمين؟

احنا نجيب البهارات من وحده في السعوديه بنفسها تسويهم..ونجيب طلبيات لجيراننا وزميلاتنا بالدوام!

اي وحده تبي نجيب لها.....

عالخاص.

 

[بشه المنفشه]

خووووش موضوع
تسلمون

 

[مطيريه ماركه]

بهارات السعودية والبحريـن لا يعلا عليها

آنا ماني راعية طبااخ بس بذكر المهم عندي

بزار ، فلفل أسود ، كركم ، ليمون هذا الأسود عرفتوه ؟ ، كمون

هذا اللي أذكره

 

[Eng/thumbelina]

انا بهاراتي من سمراء عدن :
بهارات المجبوس
بهارات المرق
الكاري
البرياني
الحشو
مشويات الدجاج
وغير الكركم والفلفل الاسود والبهار الحلو والهيل المطحون والعدل والدارسين العدل وورق الغارو000000
الصراحة بهاراته عجيبة وعنده بهارات حق الكبب واي شي يخطر على بالج

 

[ام سلومd]

الله يسلمج بنت الكويت ما استغني عن سمراء عدن صرت عميلة عندة
و صج بهراته عجيبة
و جربي بهرات كبة اذا انتوا اتسوين كبة و لا شي
و قولي ام سلوم ماقالت
و جربي هم زعترهم ابيييييييييي الصراحة اقل من شهر خاااااالص
من امي الله يسلمها تسوي فطاير نقول
اهم شي الزعتر زعترهم حلووووووووووو و بهرات الكبة احلا حق الكبة

 

[joj0sha]

thnxxxxxxxxxxxxxxxxxxxxxxxxxxxxxxxxxxxxx yslmo0o0o0o0o

 

[فلوريدا]

انا ماستغنى عن الكاري الهندي الاخضر

حده فضيع وريحته لما تطبخينه واااو

 

[xxx]

مشكووورين على المشاركة

 

[ضحـاوي]

انا اشتري البهارات من الجمعيه ( مجدي )

بس اعتمد بطبخي على الفلفل الاسود وبزار اييبه من القصيم

 

[الهندية]

عن تجربة بهارات السعودية الصراحة لا يعلى عليها انا كنت اسمع انهم يمدحونها باس كنت اقول كل البهارات مثل بعض باس جربت بهاراتهم الصراحة غير حتي ريحتها بالبيت غير وانا استخدم بهارات حب واطحنهم من نوعية مجدي باس اي احد اسمع راح للسعوديه اوصيهم علي البهارات واذا يابولي كثير اكيس واحط بالفريزر

 

[الكيكة الأمورة]

وين سمراء عدن ؟؟؟

 

[adousa81]

ana grabt bharaaat samraaa adaan fddddddddiiiiiiiiiiiiiiaaaaa;;;;;;;;;;;; akthooo altandoory hag al diaay

 

[adousa81]

وين سمراء عدن ؟؟؟

bl kwait ganb fendg al waha