أعفيني {رواية واقعية مشوقة ..~

[Miss.blue berry]

رد : أعفيني {رواية واقعية مشوقة ..~

ثيــكيو على البارت
و الله يفق شيوووم و يوسف انشالله
من اول القصه حسيته خوش وااحد
و هذا احمد ما كنت مرتاحتله مادري ليش
و الله يستر بالاسبوعين شبسوي
نارين البارت الياي

 

[الجود اصلي]

رد : أعفيني {رواية واقعية مشوقة ..~

يسلمو خيتووووو
وانشاءالله شيوم تلقى الفرح مع يوسف
وناطرينج.............:eh_s(6):
​

 

[بدمي لكويــت]

رد : أعفيني {رواية واقعية مشوقة ..~

يعطيج العافيه على البارتات

امبي ماتوقعته يتقبل صدمـــه @@ منصجه يعني صج مو بيدها هالشي بس يعني الريال يتحسس من هالسالفه

وااي لووول ستانست على عبط مريووم و نوجه تونس

 

[Sara.M]

يعطيـجججججــ العافيه .. الروايه عجيييبه

نـــاااطرين البـارـت الياـآآيـ ​

 

[Soswah]

رد : أعفيني {رواية واقعية مشوقة ..~

يعطيييج العاافية ,, روعه الرواية

 

[cαяless шнispeя]

مكالمة ...
شيم : راح اوله عليك حبيبي << ابجي

يوسف : كلها جم يوم وارد لج يالمينونة لا تبجين
شيم : اذا اسبوعين ونص ساعة انا رادة الديرة انت فاهم
يوسف : مينووووووووونة
شيم : وقسمن

يوسف : يلا تعالي وصليني المطار
شيم : مابي
يوسف : حبي ماتبين تبوسيني قبل لا امشي
شيم : جب

يوسف : بل شطالب منج مو انا ريلج
شيم : للحين

يوسف : زين يلا تيك كير ما اوصيج حبيبتي
شيم: دير بالك على نفسك
يوسف : يلا صكيه انا رايح
شيم : روح خو منو قاضبك

يوسف : لا تبجين عفية والله دمعت عيني
شيم : باي < صكيته !​

يدق يدق مارديت
رديت بمس[
( الله لا يحرمني منك وتردلي بالسلامة )​

راح وما دق وطول فترة غيابه مادق
بس مسجات لأني طلبت منه ما اسمع صوته
ابي ادرس فترة امتحانات
ما مسكت كتاب
مادري شلون عديت الامتحانات
اليوم اخر يوم امتحان لي
طلعت من اللجنة مع مريم نتحلطم !
مريم : شوش مشينا نتغدا
شيماء : تعبانة يادوب ارد البيت ابي انام مريومة
مريم : شلون بتنامين ويوسف ؟
شيماء : يوسف بيرد بليل
ضحكت مريم
يوسف : شلون بيرد بليل وانا منو

التفت وراي
شيماء : عمري كله
حضنته حيل وبجيت
بجا معاي :103:
مريوم : امبيه خل نطلع لا يفصلونه بسبتكم
طلعنا تغدينا برا
مريم : يعني انا اكل مو سامعتكم مالي شغل فيكم
حبو بعض على كيفكم
يوسف : عمري ولهت عليج
شيماء : حبيبي والله
يوسف : كلمت ابوي وسعاد اختي
<< غمزتله يأجل الكلام مو جدام مريم
مريم : اكلو بسكم ماسكين ايد بعض وتتمقلون فبعض
شيما : جب مريم وللي يعافيج انا ردتلي روحي من شفته
مريم : جان دقيتي عليه اذا صج ولهانة عليه
يوسف : مالج شغل مريم احنا اتفقنا ههههههه
مريم : يعني ماعرفت اخرب

زين بقولج
شيم : سكتي خو
مريم : لا والله صج احمدوو يسأل عنج اك اليوم داق على نجلاؤووو
تغيرت ملامح يوسف
يوسف : استأذن انا تعبان بروح ارتاح
مريم : اتغشمر يا شقول
يوسف : شدعوة انا مهتم ولي زين
مريوم من عرفتج وانتي علة

اكلي وانتي ساكته
شيماء : اوكي يوسف ارتاح بينا الو
استأذن ومشا وما حقدت على مريم لأني استانست
انها خلتني احس بغيرته علي

​

طاف يومين وما بينا الا تلفونات
حدي كنت مشغولة اشتري هدايا لخواتي لأني
رادة باجر الصبح الديرة ​

سلمت على رفيجاتي واصدقائي
وعلى ابلاتي هي اول مرة ارد فيها ديرتي
من عقب اول كورس بالجامعة بتفوق على
الصعيدين الدراسي والصعيد العاطفي

​

التقينا بالمطار انا واهو رادين الديرة
يوسف : حبي دقيتي على منو بيستقبلج ؟
شيماء : مادري والله اظني امول بس كلهم خبرتهم ​

مسك ايدي بقوة طول الوقت احس جني ياهل
يوسف : شيماء انا وعدتج ما يفرقنا احد
شيماء : امبيه شفيك والله محد يفرقنا شفيك
لا تخرعني انت شفيك اليوم حبيبي لا تحاتي يعني
ردتي الديرة بتغيرني عليك @@
مينون اذا هذا تفكيرك ​

ردينا الديرة وبالمطار شفت اغلى خواتي اربعتهم
مو عارفة افارقهم عشان اسلم عليه
كانت بينا اشارات
ودموعي ما وقفت ولهت على خواتي وايد
رحنا بيت اسوم
الكل فرحان فيني ​

اسوم تناديني بالغرفة بتحاجيني بروحي
رحت عطتني الموبايل تقولي مكالمة !
غريبة منو يدري اني هني :/
شيماء : الو
بوفواز : حبيبتي شيماء
مادري شحسيت فيه
لوعة ! قرف ولا ارادي قطيت التلفون !
شيماء : انتي منو سمحلج تعطيني اكلمه !
اسوم : امبيه والله عبالي بتستانسين
شيماء : لا يكون بعد انتي اللي داقة
اسوم : لا حشة وربي اهو كل شوي يسأل عنج !
شيماء : خير ان شاء الله

​

ياربي من وين طلعلي هالحقير

​

 

[cαяless шнispeя]

معقولة ما نساني !​

تعشيت انا وخواتي ونمنا بالصالة فبيت اسوم كلبونا
سولفنا وضحكنا وعلمتهم على يوسف وبجينا وذكرنا
الوالدة والوالدة رحمة الله عليهم ​

قعدت من نومي بشرب ماي لقيتني بحضن امول ابتسمت
شيم : شنو ما نمتي
امل : لا والله حدي ولهانة عليج مادري شلون بخليج تردين مصر
شيم : امبيه امل لا تبجيني :103:
امل << دموعها على خدها : شيوم تكفين لميني والله اني اشم ريحة امي وابوي
لمينا بعض وبجينا وقامت على صوتنا وردة
وردة : امبيه بسكم تكفون امبيه اسوم حامل لا تسمعكم والله بيرتفع ضغطها
كنا وايد مشتاقين لبعض وشوقنا لأامنا وابونا كان اكثر

حقيقة كل مناسبة نذكرهم
والالم فيني كان اكثر واكثر
انا السبب في موت امي محد كان يدري !
كان هالهاجس اني مغضوب علي من ااطهر قلب بالارض كان مدمرني:103:
تعبت وانا افكر شلون بصارح البنات
بسالفة يوسف
ما كنت معرفتهم عليه الا انه معجب من بعيد !
علاقتي مع يوسف كانت اكبر من اعجاب كان بينا احضان وغراميات :/
فضلت السكوت
ما كان هالسر اقوى من سر وفاة امي !:103:
اتفقو علي الكل يمدح في اسوء ما خلق ربي ( بوفواز )
يبوني اتزوج خايفين علي
مادري حق شنو يمهدون بس الاكيد انه
ابو فواز كان وايد قريب منهم !​

مرت الايام بوجودي بالكويت كل يوم كان يدق واتهرب كل يوم ​

اليوم موعدي مع يوسف وعدني اني بسهر احلى سهرة معاه
وانه وايد وله علي وعلى حضني
يوسف : حبيبتي زاهبة متى امرج ؟
شيماء : لا يويسف خو صبر خل اروح الصالون والله ما سويت شي
يوسف : يعني مادري عاد شنو بيتغير تكفين يالجكر ولهت عليج
شيماء : اوخ

يوسف من صجك
يوسف : والله ازعل عليج لا تخربين المفاجأءة
شيماء : لا تضيع السالفة انا اللي مفروض ازعل
يوسف : مممممممم وغلاتي
شيماء : يوسف انا بعرف ابوك اللي مدلعك
ومخربك علي شلون صاير شكله
يوسف : مو حلو
شيماء : عيب لا تقول عن عمي جذي
يوسف اتـــــــــــــــــعب يا عمي

شيماء : بعد ابو ريلي شنو رفيجي مثلا
اسمع ابوه يقوله : يوسف العشا عليك اليوم والا علي @@
شيماء : امبيه لا يوسف لا يخربها ابوك

يسوف : لا يبا اليوم انا مع الحب
ابوه : والحب ما تسمح ناخذك منها اليوم
يسوف : يبا لا تزعل عليك بعدين انا غصب مراضيها
ابوه : عطني احاجيها
يسوف : شوووش هاج حاجي ابوي
شيم : يوسف لا لا لالالاالالالا تكفة لا
ابوه : قوة يبا شلونج
<< ساكتة
ما حسيت صوته غريب علي ابد
ابوه : تدرين شنو احب اسم شيماء
يوسف : يبا تتغزل بالخطيبة
ابوه : زين متى تحاجين اهلج
<<< سااااااااااااكتة بس ابتسم
ابوه : وي كل هذا حيا مني انا نفس ابوج
شيم : يطولي بعمرك عمي
ابوه : يا حلو البنات والله
يلا اخليكم ما اخرب عليكم عشاكم اليوم
يوسف : ها شيوم شرايج بعمج الفري ^^
شيم : امبيه شنو شنو شكو تخليه يحاجيني شنو بياخذ عني فكرة
يوسف : لا تحاتين انا قلتله اني
تعرفت عليج بمصر
ودي اخطبج يووووووووو لا تخربين المفاجأءة
شيم : زين يلا وردو وصلت يا دوب اروح الصالون واييك
يسوف : بوسة
شيم : اقلب ويهك لاحقين
يوسف : ماشاءالله تحبيني
شيم : باي قلنا ​

انتهت المكالمة واااايد فرحت بمكالمتي لأبوه حسيت اني قربت اتزوج
وانه الوهم ماعاد وهم
واني قريب بكون حلال يوسف وبس وحزتها اهو
الوحيد اللي يحميني من بوفواز وامثاله ​

 

[cαяless шнispeя]

فستان احمر قصير و وردة
بيضة على شعري المنثور
ورسمت عيني بكحل اسود وعدسات عسلية
شيماء : ها بنات شرايكم

وردة : قمر تشبهيني

شيماء : ولي مناك عن التلزق

امول : تشبهني انا لا احد يتحرش صح شيوم
اسوم : اصلا من زينها

شيوم : تدرون عاد انا البقرة اللي
اخذ رايكم من يومي اطنشكم

ضحكنا كلنا
اشرت لأسوم ابيها بكلمة على انفراد

​

شيماء : اسوم بنام اليوم برا
اسوم : شيماء من صجج

شيما: اششششششش تكفين تكفين

اسوم :زين وين مع منو
شيم : بتعشى مع يويسف وعقب بروح بيت مريم
اسوم : اوك بس اي وقت ادق تردين
شيم : ماشي كلامج بس مو كل شوي تدقين

لأني ماراح ارد
رحت وكلي وله عليه لقيته يسولف
مع واحد بررا
اشرلي اركب السيارة
ركبت السيارة وسلم على الريال وياني
يسوف : مساء الجمال
شيم : يسوف حرك عقب تغزل
يسوف : اخيه بس لو قايلتلي
انج بتصيرين جذي كيكة
جان بجرت ورحنا
الملاج

وين اقاوم هالجمال انا

شيوم : لا تحرجني يسوفي
منو هذا اللي تسولف معاه
يسوف : هذا خالي مادري شعنده
يقول انه بيشتري بيت بفريجكم
شيماء اذا قلت حق اسماء اختج نملج
قبل لا نرد مصر بتوافق
شيماء : مادري بس ليش العيلة قلبي
يوسف : ودي المج ودي اطلع معاج
ودي اييب منج نونو

كنا طول الوقت نضحك خلاني ادق
على امول وحاجاها انه يبي يخطبني
امولة بجت هههههههه
من يومها رومانسية ^^
وعدته انها بتحاجي ريلها ويسأل عنه وعقب نقوله حياه اهو وابوه
شيم : يوسف شفيك ما بقا شي لا تخزني جذي
يوسف : شيم ودي احضنج وربي
تدرين بنسافر بوديج ....​

ما وقف سوالف واحلام وامنيات
وانا بقمة الخجل حتى انه خدودي من لون فستاني الاحمر
يوسف : عمري لو بمصر الحين جان رحنا شقتنا
شيم : لا تستعيل يا حظي
يلا ردني البيت الحين انا قلتلهم اني بتكتك على دريشة الصالة بيبطلونلي الباب ​

وقفنا وبنزل من السيارة
شيم : يسوف هد ايدي شفيك امبيه يالمينون
يوسف : مينون بحبج يلا ديي بالج قلبي
نزلت من السيارة ركضت على البيت
عند المدخل بوفواز
شيما : يمه @@
بوفواز : شيماء حبيبتي واخيرا شفتج
شيماء : وخر عني ارجوك مابي
تخرب حياتي وخر عني اقولك
لا تخليني اصرخ
مد ايده على شعري صرخت
نزل يوسف من السيارة
: خالي @@
شيايبك هني

بوفواز : شيماء طلعي فوق حبيبتي
شوي أدق عليج ​

ركضت دخلت البيت قبل لا احد
من اهلي ينتبه !
بوفواز : هذي المدام يوسف احرجتني
صراحة ما كنت بقولكم الا لما نملج هالاسبوع !​

لااااااااااااااااااااااااااا احلامي كلها انتهت !!
الله ياخذه خرب علي فرصة عمري ​

طلعت البيت والكحل مغطي خدودي من الدموع
اكتبله مسجات ادق عليه ما يرد علي
شخلته مكالمات !
اخر حل عشان يرد علي دقيت من
تلفون اسوم
لما سمع صوتي صكه ​

كانت نهاية علاقتي باغلى ناسي ​

مسج واحد بس ​

بكلمة وحدة بس ​

ارجوج اعفيني !​

 

[cαяless шнispeя]

هنا اصل لنهاية قصة اعفيني املة منكم ان لا تحكمو على مشاعر شيماء
اي حكم مهما كان!!
فاغتصابها كفيل ان تتخبط مشاعرها
اجهضت احلامها مع اول صرخة الم من الاغتصاب !!
حاولت وحاولت ان تكمل مسيرة النجاح
وان كانت تحت ظائلة هذه الهموم الا انها حاولت
ماتت فرحتها الاخيرة مع ابتعاد يوسف عنها ​

كان يوسف اخر امل لها !!​

وماتت امالها من بعده​

استميحكم عذرا لجهلي بسرد القصص ​

اخشى ما اخشاه ان اعيش دور الكاتبة واتمرد وانشر قصصي !!​

التقيكم بالجزء الثاني من قصة اعفيني بالقريب العاجل ​

احبكم في الله ​

شيماء (f)​

 

[MeeMeeYoo_2]

امبييييييييييييييه بو فواااااز حقييييييير حقييييييييير

بس شيماء من قبل الاغتصااب اهي الي خلته يتمادى !

سواء حب او ابوه اهوا ريال غريب واهي الي فتحتله الطرييج

ويوسف باشا ليش ما سمعها ولا لما عرف سوايا خاله راح :\

ناطرين الجزء الثااني

يعطيج العافيه

 

[الجود اصلي]

رد : أعفيني {رواية واقعية مشوقة ..~

ابو فواز مو بس حقير ماادري شقول عنه
ويوسف ليش جذي حرااااام عليه
وووووووووووووناطرينج بالجزء الثاني وانشاءالله شيوم تلقى السعاده ​

 

[بدمي لكويــت]

رد : أعفيني {رواية واقعية مشوقة ..~

ويييع وييعويييع انا بموته بو فوااز الحقير مالت عليه اففففففف ودي امصع رقبته هالشيبه الكحيان

واااي كسرت قلبي شيووم حبيبتي يافرحه ماتمت يا علحوبتج ماتعدا بوفواز ال.... قطيعه

والصرااحه مالومه يوسف اكيد منصدم يطلع خاله الي مسويجذي بحبيبته

يااارب يردون لبعض تسلمييييييييييييييين ابدعتي

 

[rayona]

لااااااا شيبي هالحيوان البشري المتوحش بو فواااااز :lkmnkl: لا يعني مو كافي انه خذا منها اغلى ما تملك بعد ياي و يخرب عليها حبها اهيا و يوسف و صح يوسف ليش ما دافع عن حبهم دام اهوا يدري انها مظلومه و انها ما تحب هالريال المتوحش ليش على طول تهرب و نحاش و قالها اعفيني !!!!!!!!! ليييييييييش :eh_s(14):

امبيه والله مقهوره على هالشيماء ..

ما علينا ناطرين الجزء الثاني على احر من الجمر والله ودي اعرف شنو بصير بعد بحياة شيماء :080402ask_prv:

حبيبتي والله مشكوره على ابداعاتج بالقصه :tek:

:bye22:

 

[mee3ad]

والله حبيــتها شيـماء , ,

الله يكون فـي عونها , و يكتب لها الخير وين ما راحت , ,

صـراحه سردك للقـصة خطـير ,

سجلت فالمنتدى ع شان أرد عليـــك , ,

ودي بمعرفتها عن قرب :eh_s(17):

 

[برضيـكـ!!]

ابييييييييه لالالا شنوو هذاا بوفواااز مااالت عليييه

وررربي حقييييييير

واااي اكسرت خااطري شيماء

يعطيج العافيه حبيبتي على القصه وبليييييييييز لا تتأخرين علينا بالجزء الثاني

مــتى تقريباا عشاان ما ننسى؟؟؟

 

[mss.86oo6a]

رد : أعفيني {رواية واقعية مشوقة ..~

يسلموووووووووووووووووو ع القصه حدااا مشوقه
الله يعطيج العافيه
وإلى الأمام يا عسل

 

[الرورو]

حده ضاق خلقي اخر شي
يوسف ليش مافهم منها السالفه ونهى العلاقه بكل سهوله واهوه يحبها
وبوفواز الله يسامحه انشالله ماخلاها تتهنى بحياتها
مشكوره حبيبتي وماقصرتي بس بغيت اعرف الجزء الثاني بيكون بهالموضوع كتكمله ولا بموضوع يديد؟

 

[cαяless шнispeя]

امبييييييييييييييه بو فواااااز حقييييييير حقييييييييير

بس شيماء من قبل الاغتصااب اهي الي خلته يتمادى !

سواء حب او ابوه اهوا ريال غريب واهي الي فتحتله الطرييج

ويوسف باشا ليش ما سمعها ولا لما عرف سوايا خاله راح :\

ناطرين الجزء الثااني

يعطيج العافيه

الله يعافيج ويسلمج قريب بينزل الجزء الثاني
بيكون عن شيماء وشلون كملت حياتها
منورة حبوبة :eh_s(7):

 

[cαяless шнispeя]

رد: رد : أعفيني {رواية واقعية مشوقة ..~

ابو فواز مو بس حقير ماادري شقول عنه
ويوسف ليش جذي حرااااام عليه
وووووووووووووناطرينج بالجزء الثاني وانشاءالله شيوم تلقى السعاده ​

ان شاء الله يسمع منج ^^

حبيبتي انتي يا جود لي باك قريب بقصة عن شيماء وباقي حياتها
منورة ياقلبي:tek:

 

[cαяless шнispeя]

رد: رد : أعفيني {رواية واقعية مشوقة ..~

ويييع وييعويييع انا بموته بو فوااز الحقير مالت عليه اففففففف ودي امصع رقبته هالشيبه الكحيان

واااي كسرت قلبي شيووم حبيبتي يافرحه ماتمت يا علحوبتج ماتعدا بوفواز ال.... قطيعه

والصرااحه مالومه يوسف اكيد منصدم يطلع خاله الي مسويجذي بحبيبته

يااارب يردون لبعض تسلمييييييييييييييين ابدعتي

حبيبتي انتي ان شاء الله تفرح شيوم تعالي عاد مو تقاطعين كملي قراءة الجزء الثاني:eh_s: